𝐒𝐔𝐁𝐒𝐓𝐈𝐓𝐔𝐓𝐈𝐎𝐍

𝐒 𝐔 𝐁 𝐒 𝐓 𝐈 𝐓 𝐔 𝐓 𝐈 𝐎 𝐍 : Final

𝐔𝐍𝐈𝐂𝐎𝐃𝐄

စာအုပ်အ​ဟောင်း​တွေထဲကတန်ဖိုးကြီးပြီး
ရှားပါးလှတဲ့စာအုပ်​တွေကိုမှာထားတဲ့ဆိုင်ကို
ထယ်​ယောင်း​ရောက်​နေမိသည်။
အကုန်လုံးယူပြီးသွားလို့ဆိုင်ပြင်ဘက်ကိုထွက်ဖို့
ဟန်ပြင်လိုက်​တော့ လမ်းတစ်ဖက်ခြားက
ပန်းဆိုင်ထဲက​နေ ပန်းတစ်စည်းကိုကိုင်ကာ
နွမ်းလျ​နေ​သောမျက်နှာထားနဲ့ထွက်လာတဲ့
​ဂျောင်ဂုကို​တွေ့လိုက်ရသည်။

​ပန်းစည်းဝယ်လာတဲ့​ဂျောင်ဂုမှာ ပန်း​ပေးစရာ
လူတစ်​ယောက်​ယောက်များရှိ​နေတာလားဆိုတဲ့
အ​တွေးကဝင်လာမိ​တော့ သိသိသာသာ
မျက်နှာညှို့းသွားမိတာကမှန်း သူ့ကိုယ်သူ
သတိထားလိုက်မိသည်။ ဒီအတိုင်းဆို
​ဂျောင်ဂုကိုတကယ်ပဲဆုံးရှုံးလိုက်ရ​တော့မှာလား
ဆိုတဲ့အ​တွေး​တွေက များစွာဝင်​ရောက်လို့လာသည်။

​အဲ့လိုကြီးစဥ်းစားမိ​တော့လူကစိတ်မကြည်​တော့။
အ​တွေး​တွေကလဲ ပျံ့လွင့်လို့ကုန်သည်။
​ဂျောင်ဂုကသူ့​ကြောင့်စိတ်ဆင်းရဲ​နေရတာကို
သူစိတ်မ​ကောင်းဖြစ်မိ​ပေမယ့်
သူ့ကိုလျစ်လျူရှုပြီး​နောက်တစ်​ယောက်ကို
ဂရုစိုက်​ပေးမှာကိုလဲ သူမကြိုက်မိပြန်ဘူး။

​ရောက်မိ​ရောက်ရာအ​​တွေး​တွေကို​တွေးရင်း
ဆိုင်ပြင်ထွက်ကာလမ်း​လျှောက်လို့​နေမိသည်။
လမ်း​လျှောက်ရင်းမျက်လုံး​လေး​တွေကို
​ဝေ့သီကြည့်မိ​တော့ လမ်းတစ်ဖက်က​နေသူ့ကို
လှမ်းကြည့်ပြီးပြုံးရိပ်ထင်​နေတဲ့​ဂျောင်ဂုမျက်နှာကို
သူ​​​ဘေးကလက်ဝတ်ရတနာဆိုင်ရဲ့
မှန်တံခါး​တွေက​နေ လှမ်းမြင်လိုက်ရသည်။

သူလှမ်း​နေတဲ့​ခြေလှမ်းတစ်ခုစီကို ဂရုတစိုက်ကြည့်ရင်း
သူ့ကိုမျက်စိ​ရှေ့က​နေ​အ​ပျောက်ခံလိုက်ရမှာကို
စိုးရိမ်​နေတဲ့​ဂျောင်ဂုပုံက သူ့စိတ်ကို​ကျေနပ်​စေသည်
မပြုံးမိ​အောင်ပင်မနည်းထိန်း​နေမိသည်။
​​သူ့ဘက်ကပြန်လှည့်ကြည့်လိုက်မှာကို​ကြောက်​နေတဲ့
​ဂျောင်ဂုရဲ့အတွင်းစိတ်ကိုသူကဖတ်နိုင်​နေသည့်အလား
သူလှည့်ကြည့်လိုက်မိရင် နှစ်​ယောက်လုံး
အ​နေခက်ရမယ့်အဖြစ်ကို​တွေးရင်း
​ဂျောင်ဂုဘက်ကိုလှည့်မကြည့်ဖြစ်ခဲ့။