𝐒𝐔𝐁𝐒𝐓𝐈𝐓𝐔𝐓𝐈𝐎𝐍

𝐒 𝐔 𝐁 𝐒 𝐓 𝐈 𝐓 𝐔 𝐓 𝐈 𝐎 𝐍 : 7

𝐔𝐍𝐈𝐂𝐎𝐃𝐄

​​နေ့လည်တုန်းက ကိုကြီး​ဆီသွားရင်း
သိခဲ့ရသည့် အ​ကြောင်းအရာ​တွေ​ကြောင့်
ထယ်​ယောင်းစိတ်ထဲ မကြည်။
ဝမ်းလဲနည်းမိသည်။ ကိုကြီးကိုသနားလွန်းလို့
ဘယ်လိုလုပ်မလဲ။ ဂျွန်​ဂျောင်ဂုက
ကိုကြီးကိုရန်သူတစ်​ယောက်လို မုန်းတီး​နေ​ပေမယ့်
ကိုကြီးက​တော့ အဆုံးထိကို
ဂျွန်​ဂျောင်ဂုအတွက် ​တွေး​ပေး​နေ​သေးသည်။
​ဒေါသ​တွေလဲ အလိပ်လိုက်ထွက်မိသည်။

သူတို့အ​ဖေက အ​ဖေ​ကောင်းတစ်​ယောက်
မဟုတ်​ပေမယ့် သူတို့ညီအစ်ကို​ရော၊
အ​မေ့ကို​ရော လက်နဲ့​တောင်မရွယ်ဖူးခဲ့။
အဲ့ဒါကို အစ်ကိုကြီးကတခြားလူရိုက်တာကို
ခံ​နေရတယ်လို့​တွေးမိ​တော့ တကယ်​ဒေါသဖြစ်မိသည်။

"​ဂျောက်"

​ရေချိုးခန်းတံခါးဖွင့်သံကြားလိုက်ရသည်မလို့
ထယ်​ယောင်းနှာ​ခေါင်းရှုံ့မိသည်။
သူဒီအ​ချိန်အခါ၊ ဒီလိုစိတ်အ​ခြေအ​နေမျိုးမှာ
ဂျွန်​ဂျောင်ဂုကို မမြင်ချင်မိတာအမှန်။
ခါတိုင်းဆို ညဘက်ကြီး​ရေချိုးကာ
ထွက်လာတန်သည့် ဂျွန်​ဂျောင်ဂုကို
သဘတ်ကမ်းကာ ခယခဲ့​ပေမယ့်
ဒီ​နေ့မှာ​တော့ အဲ့လိုလုပ်ရအောင်ထိကို
စိတ်မပါ​တော့။ ကုတင်​ပေါ်မှာ
ထိုင်​​နေသည့်အ​နေအထားက​နေ
လှဲချလိုက်သည်။ ​စောင်​တွေနဲ့
​ရော​ထွေးကာ အိပ်ဖို့ဦးတည်မိသည်။

ဂျွန်​ဂျောင်ဂုနဲ့ မျက်နှာချင်းကို
မဆိုင်ချင်ဘူး​။ သူတို့သားအဖနှစ်​ယောက်ကို
​ပြောမပြတတ်​အောင် နာကျည်းမိသည်။

ထယ်​ယောင်းအ​နေနဲ့ သူ့စိတ်ထဲက
ခံစား​နေရသည့် ခံစားချက်​တွေ​ကြောင့်
အခုလို​တွေပြုမူ​နေ​​ပေမယ့် ​ဂျောင်ဂုက​​တော့
ထယ်​ယောင်းရင်ထဲက ခံစားချက်​တွေကို
မသိသူပီပီ ထယ်​ယောင်းကသူ့ကို
ကျီစား​နေတယ်လို့ ​တွေးထင်​နေမိသည်။

တစ်ခါတ​လေမှာ ထယ်​ယောင်းညအိပ်ဝတ်ဖို့
အဝတ်အစားကို သူကိုယ်တိုင်ထုတ်​ပေးတတ်သည့်
သူ့အကျင့်အတိုင်း ဒီညမှာလဲထယ်​ယောင်း
အတွက်အဝတ်အစား​တွေကို သူကိုယ်တိုင်
ထုတ်​ပေးထားမိသည်။