အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]

CHAPTER 9 - Three Shifts

Unicode

စုန့်ရီက homestay ကိုထားပီးထွက်ပြေးသွားတဲ့အတိုင်း အိမ်ကိုပြန်လာခဲ့တယ်။ သူ့ခန္တာကိုယ်ပေါ်မှာ pheromones တွေမကျန်တော့အထိသေချာအောင်ရေချိုးပီးခါမှပဲ သူကောင်းကောင်းအိပ်​ပျော်တော့တယ်။

'The Era of Passionate Love' အဖွင့်နေ့မှာအဆင်သင့်ဖြစ်အောင်စုန့်ရီပြင်ဆင်လိုက်တယ်။ စုန့်ရီကသူသရုပ်​ဆောင်ရမဲ့ စာကြောင်းတွေကိုကျက်လိုက်ပီး စကားပြောရမဲ့စာ​ကြောင်းတွေကိုတော့ အနီရောင်ဘောပင်နဲ့မှတ်ထားလိုက်တယ်။

အလုပ်တစ်ခုကိုလုပ်မယ်ဆို အဲ့ဒီအလုပ်ကိုချစ်မြတ်နိုးရတယ်။ ဇာတ်ညွှန်းကမကောင်းလဲရတယ်။ သရုပ်ဆောင်တဲ့သူကတော့ကောင်းကိုကောင်းရမယ်။

ဒါကိုစုန့်ရီတို့ကျောင်းတက်တုန်းက သရုပ်ဆောင်သင်ပေးတဲ့ဆရာကပြောခဲ့တာဖြစ်တယ်။ သရုပ်ဆောင်တစ်ယောက်အနေနဲ့ဇာတ်ညွှန်းကောင်းတွေကိုအမြဲတမ်းရမှာမဟုတ်ဘူး။ ဆိုးတဲ့ဇာတ်ညွှန်းတွေကများပီး ကောင်းတယ်ဆိုတာကရှားတယ်။

ဇာတ်လမ်းကဘယ်လောက်ပဲမကောင်း ကောင်းကောင်း အဲ့ဒါကစုန့်ရီရဲ့စိတ်နှစ်မြုပ်ထားတဲ့ professional ဆန်ဆန် သရုပ်ဆောင်မှုအပေါ်သက်ရောက်မှုရှိမှာမဟုတ်ဘူး။ အခုနှစ်တွေထဲမှာ သူနဲ့တွဲပီးအလုပ်တူတူလုပ်ခဲ့တဲ့ ဘယ်director ကမှစုန့်ရီမကောင်းဘူးဆိုပီး မပြောဖူးဘူး။ နောက်တစ်ကြိမ်လက်တွဲဖို့ရည်ရွယ်တာတွေ​ပဲရှိတယ်။

တစ်နေ့စုန့်ရီ ဇာတ်ညွှန်းကျက်ပီးတဲ့အချိန်မှာ ချန်းစုန့်ကစုန့်ရီကိုရုပ်ရှင်အတူတူကြည့်ရအောင်ခေါ်တယ်။ ရုပ်ရှင်ရုံမှာအသစ်ပြမှာက Wilde ရဲ့ 'Portrait of Dowling Gray' တဲ့။

စုန့်ရီကစိတ်အခြေအနေကောင်းနေတယ်။ ချန်းစုန့်အကြောင်းပြောရမယ်ဆိုရင်တော့ သူတို့နှစ်ယောက်ကတကယ်ရေစက်ပါတယ်။ သူတို့နှစ်ယောက်ကရုပ်ရှင်ရုံမှာတွေ့ခဲ့တာ။ စုန့်ရီကသူအကြိုက်ဆုံးဇာတ်လမ်းဖြစ်တဲ့ 'Macbeth' ကိုသွားကြည့်တာ ဒါပေမဲ့မျှော်လင့်မထားတာကရုပ်ရှင်ရုံကသူ့ကိုလက်မှတ်အမှားကြီးပေးလိုက်တယ်။ ပီးတော့ ရောင်းလိုက်တာကလဲသူတို့နှစ်ယောက်လုံးကို။