အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]

CHAPTER 37 - You are pregnant!

Unicode

ကုရှင်ချွမ်းကသူပြောတာတွေကိုလျစ်လျူရှုထားလိုက်ပီး သူ့ကိုဆိုဖာပေါ်မှာမှီလျက်လေးချလိုက်ပီး စုန့်ရီရဲ့မျက်နှာကိုဖျစ်လိုက်တယ် "မင်းကအမြဲတမ်းဒီလိုပဲ ငါမင်းကိုငါ့အဖေသူငယ်ချင်းရဲ့ဆေးရုံကို ခေါ်သွားပေးမယ်"

စုန့်ရီသူ့ရဲ့ဗိုက်​လေးကိုထိလိုက်ပီး မျက်နှာလွှဲလိုက်တယ် "ငါနေမကောင်းဘူးဆိုပေမဲ့ မင်းကိုအနှောင့်အယှက်မပေးချင်ဘူး"

ကုရှင်ချွမ်းကသူ့ဆီကိုမှီလာပီး မျက်နှာကိုလက်နဲ့ချုပ်ထားကာ "မင်းနဲ့ငါကနှစ်ခါတောင်အိပ်ပီးသွားတာတောင် ငါ့ကိုအပြင်လူလိုမြင်နေတုန်းပဲလား?"

စုန့်ရီကခေါင်းလှည့်လို့မရတဲ့အတွက် ကုရှင်ချွမ်းကိုပဲတည့်တည့်စိုက်ကြည့်နေရတယ်။ သူအဲ့ဒီအကြိမ်အနည်းငယ်အိပ်မိတဲ့အကြောင်းက်ုမကြား​ချင်ပေမဲ့လဲ ကုရှင်ချွမ်းကအမြဲတမ်းအဲ့တာကိုပဲပြန်ပြန်ပြောတယ်။ သူအေးစက်စက်ပြောလိုက်တယ် "ငါ့ကိုမထိနဲ့ ငါမင်းကိုစိတ်ပျက်သွားမိတော့မယ် မင်းကိုငါစွန့်ပစ်မှာကိုသတိထားနော်"

ကုရှင်ချွမ်းကသူ့ကိုလွှတ်ပေးပီး မတ်တပ်ရပ်လိုက်ကာ နူးနူးညံ့ညံ့ပြောလိုက်တယ် "မင်းဒီမှာပဲလှဲနေနော် မလှုပ်နဲ့ မင်းရဲ့အစာအိမ်နည်းနည်းသက်သာသွားအောင် စားစရာနည်းနည်းချက်ပေးမယ်"

စုန့်ရီ'အမ်း' လို့ပြောပီး သူ့မျက်နှာကိုခေါင်းအုံးနဲ့အုပ်လိုက်ပီး မီးဖိုခန်းထဲမှာကုရှင်ချွမ်းချက်ပြုတ်နေတဲ့အသံတွေနားစွင့်နေလိုက်တယ်။ တရှဲရှဲကြော်နေတဲ့အနံ့လေးရယ် ထမင်းနံ့မွှေးမွှေးလေးရယ်နဲ့တင် နဂိုကမသက်မသာဖြစ်နေတဲ့ဗိုက်ကပိုပီးကောင်းမွန်လာသလိုပဲ။

စုန့်ရီကအိမ်မှာရက်အနည်းငယ်လောက်အနားယူနေလိုက်တယ်။ ကုရှင်ချွမ်းကသူ့အိမ်ကိုမကြာခဏလာလေ့ရှိပီး သခင်လေးကုက သူ့အိမ်မှာအချိန်ပိုင်းအိမ်မှုကိစ္စ​လုပ်နေရတာကိုကျေနပ်နေတယ်။ စုန့်ရီသူ့ကိုနှင်ထုတ်လဲမရတာမို့ ဒီတိုင်းပဲလွှတ်ထားပေးလိုက်ရတယ်။

Beacon Country က လေ့ကျင့်ရေးသင်တန်းအကြောင်းသတင်းကိုလဲစုန့်ရီစိုးရိမ်နေတယ်။ သူ့ကိုရွေးချယ်ဖို့အတွက်ဆို သူဌေးတစ်ယောက်ရဲ့​အကြုံပေး​ထောက်ခံမှုကိုလဲလိုသေးတယ်။ ဆရာပြောတာကတော့ သူဌေးကအတော်လေး လျှို့ဝှက်သိုသိပ်တယ်တဲ့။ လွန်ခဲ့တဲ့နှစ်အနည်းငယ်တုန်းကနိုင်ငံရေးနဲ့စီးပွားရေးလုပ်ကိုင်မှုမှာခက်ခဲမှုတွေရှိခဲ့တယ်။ ဒါပေမဲ့အခုမှာအားလုံးကပြန်အဆင်ပြေသွားပီဖြစ်ပီး ထိုသူဌေးဆီကထောက်ခံမှုသာရမယ်ဆိုရင် အနာဂတ်အတွက်အထောက်အပံ့အရင်းအမြစ်တွေကိုစိုးရိမ်စရာမလိုတော့ဘူး။