အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]

CHAPTER 35 - Don't you like me?

Unicode
(ဟိုနေ့ကတမင်စတာ ခွေးစာအများကြီးမပါဘူး 😉)

လေထုကနည်းနည်းထူးဆန်းနေတယ်။

မရေရာမပြတ်သားမှုကစိုထိုင်းတဲ့လေထုထဲမှာစီးဆင်းနေပီး မိုးပေါက်တွေကလဲကားမှန်ကိုတပေါက်ပေါက်ရိုက်ခတ်နေတယ်။ မိုးစက်လေးတွေတစ်ခုနဲ့တစ်ခုစုစည်းသွားတဲ့အခါ ကားမှန်ပေါ်မှာ မိုးရေလိုက်ကာတစ်ခုလိုဖြစ်သွားတယ်။

ကုရှင်ချွမ်းကဇာတ်ကားတွေထဲကအနှေးပြကွက်တစ်ခုလို သူ့ဆီကိုယိုင်လာပီး ဖြည်းဖြည်းချင်းကပ်ကပ်လာတယ်။ စုန့်ရီဘာဖြစ်တော့မယ်မှန်းသိနေပေမဲ့လဲ အံ့ဩစရာကောင်းလောက်အောင်လွတ်မြောက်ဖို့မကြိုးစားမိဘူး။

အနည်းငယ်အေးနေတဲ့နှာဖျာလေးကသူ့အောက်နှုတ်ခမ်းကိုရှပ်တိုက်သွားပီး ကုရှင်ချွမ်းရဲ့အသက်ရှူငွေ့နွေးနွေးလေးက သူ့ရဲ့မေးရိုးကအရေပြားပေါ်မှာရွရွလေးဖြတ်သန်းနေပီး သူ့ကိုအသည်းတယားယားဖြစ်စေတယ်။

နေ့လည်ခင်းတုန်းကလို ကြမ်းကြမ်းတမ်းတမ်နဲ့ရန်လိုတဲ့အနမ်းနဲ့မတူပဲ ဒီတစ်ခါနမ်းတာကအရမ်းညင်သာလွန်းတယ်။ ကုရှင်ချွမ်းကသူ့ရဲ့နူးညံ့တဲ့အောက်နှုတ်ခမ်းလေးကိုသုံးပီး ဖွဖွလေးတစ်လှည့် ခပ်ပြင်းပြင်းတစ်ခါနဲ့ စုပ်ယူနမ်းရှိုက်နေတယ်။

စိုစွတ်စွတ်အသံအနည်းငယ်ထွက်လာတဲ့အခါမှာ ရှော့ခ်ရိုက်ခံလိုက်သလိုပဲ ​စုန့်ရီရဲ့နှလုံးခုန်နှုန်းတွေမြန်ဆန်လာပီး နားရွက်တွေလဲရဲရဲနီသွားတယ်။

သူမျက်လုံးလေးကိုနည်းနည်းလေးမှေးကြည့်လိုက်တယ်။ နောက်ကြည့်မှန်ထဲမှာ ကုရှင်ချွမ်းရဲ့အာရုံစိုက်နေတဲ့ဘေးတစောင်းမျက်နှာကိုမြင်နေရတယ်။ နည်းနည်းရှုပ်နေတဲ့ဆံပင်အနည်းငယ်ကပါးပေါ်ကိုကျနေပီး ပိုပီးသန့်ပြန့်ချောမောအောင်လုပ်ပေးနေတယ်။ သူကရုပ်ပြစာအုပ်ထဲကချောချောလှလှကောင်းလေးလိုပဲ အရမ်းကြီးကိုကြည့်ကောင်းလွန်းနေတယ်။

ဖော်ပြလို့မရနိုင်တဲ့ပြောင်းလဲမှုတစ်ခုက စုန့်ရီရဲ့နှလုံးသားမှာ ဖြစ်ပေါ်လာတယ်။ မှားတယ်လို့ခံစားရပေမဲ့ နှစ်သက်ကြည်နူးစရာကောင်းနေတုန်းပဲ။ ခံစားချက်အားလုံးရဲ့အရင်းအမြစ်ကိုစဥ်းစားဖို့နောက်ကျသွားပြီ။ သူ့ခါးကအေးခနဲဖြစ်သွားပီး လက်အေးအေးတစ်ဖက်က သူ့အင်္ကျီကိုမတင်နေတယ်။ စုန့်ရီရုတ်တရပ်ပြန်ပီးတည်ငြိမ်သွားတယ်။ သူကဂနာမငြိမ်ဖြစ်နေတဲ့လက်ကိုဖိထားလိုက်ပီး "မင်းဘာလုပ်နေတာလဲ?"