အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]

CHAPTER 15 - Let's Play

Unicode

ကမ်းခြေမြို့တစ်မြို့ဖြစ်တာကြောင့် အနီးအနားမှာကျွန်းငယ်လေးတွေမရေမတွက်နိုင်အောင်ရှိတဲ့အတွက် ရိုက်ကူးရေးအတွက်သင့်တော်မဲ့ကျွန်းတစ်ခုကို ဒေသခံတွေအားမေးမြန်းလိုက်တယ်။ ဒီကမ်းခြေကနေ ရေကြောင်းမိုင်ငါးမိုင်ကွာဝေးတဲ့နေရာမှာ ကျွန်းလေးတစ်ခုရှိပီး ရှုခင်းတွေကလဲလှပတယ်။ ဓာတ်ပုံရိုက်တဲ့အဖွဲ့အများအပြားဟာ ဒီကိုလာပီး video အတိုလေးတွေ ဓာတ်ပုံတွေလာရိုက်လေ့ရှိတယ်။

စုန့်ရီလှေပေါ်ကဆင်းလာတဲ့အချိန်မှာ နေမင်းကြီးကလဲတောက်ပနေပီး ကောင်းကင်မှာလဲတိမ်ကင်းစင်တယ်။ မိုးပြာရင့်ရောင် ကမ်း​ခြေက စိမ်းနေတဲ့ကျွန်းကိုထွေးပွေ့ထားတာကအတော်လေးလှပတဲ့ပန်းချီကားတစ်ချပ်လိုပဲ။

လှပတဲ့ရှုခင်းကအမြဲတမ်းလူတွေရဲ့စိတ်ကိုလန်းဆန်းအောင်ပြုလုပ်ပေးနိုင်တယ်။ သရုပ်ဆောင်အများစုဟာ ငယ်ရွယ်သူတွေဖြစ်တာမို့ ပျော်ရရွှင်ရတာကိုခုံမင်ကြပီးသူတို့တွေကဓာတ်ပုံတွေလိုက်ရိုက်နေတယ်။ ဒါရိုက်တာရန်ကသူတို့ကိုတစ်ချက်ကြည့်လာတယ်။ ဒီလိုပုံစံနဲ့သာဆို သူဇာတ်ကားရိုက်ရမှာတောင်မဟုတ်တော့ဘူး။ သူကရိုးရှင်းစွာနဲ့ပဲ အေးအေးဆေးဆေးအနားယူဖို့ဆိုပီး သုံးနာရီအချိန်ပေးလိုက်တယ်။

စုန့်ရီက selfie တွေရိုက်တာကိုစိတ်မဝင်စားဘူး။ သူကရုပ်ရှင်အဖွဲ့သားတွေ tent လုပ်တဲ့နေရာမှာပဲဝင်ကူညီပေးလိုက်တယ်။ သူပင်ပန်းသွားပီး နေရောင်အောက်မှာ ချွေးထွက်လာတဲ့အခါမှာ​တော့ tent ထဲဝင်ပီး အဝတ်အစားလဲလိုက်တယ်။ သူထွက်လာတဲ့အချိန်မှာ ဒါရိုက်တာရန်ကအပြင်ဘက်မှာထီးလေးကိုင်ပီး စုန့်ရီကိုစောင့်နေတယ်။

"ရှောင်စုန့်..." ဒါရိုက်တာရန်ကစုန့်ရီကိုချစ်​ခင်နှစ်သက်စွာကြည့်လာတယ်။

စုန့်ရီကတစ်ခုခုတော့မကောင်းတော့ဘူးလို့ ဝေဝေဝါးဝါးခံစားလ်ုက်ရပေမဲ့ ဒါရိုက်တာရန်ဆိုပီးယဥ်ယဥ်ကျေးကျေးပဲပြန်နှုတ်ဆက်လိုက်တယ်။

ဒါရိုက်တာရန်ကခေါင်းညိမ့်ပြလာတယ် "မင်းနောက်ဆုံးရိုက်ခဲ့တဲ့ scene တွေမှာကောင်းကောင်းသရုပ်ဆောင်နိုင်ခဲ့တာပဲ ခံစားချက်အပြည့်နဲ့ အာရုံစိုက်တာကလဲအတော်လေးကောင်းတယ်"