Unicode
စုန့်ရီဦးနှောက်ထဲကသွေးတွေကပွက်ပွက်ဆူလာပီး လုံးဝအိပ်ယာကနိုးသွားတယ်။ သူ့မျက်နှာကပူလောင်နေပီး သူ့လည်ပင်းကိုဖက်ထားတဲ့ ကုရှင်ချွမ်းရဲ့လက်မောင်းတွေကို သူ့ရဲ့တုန်ယင်နေတဲ့လက်တွေနဲ့ပုတ်လိုက်တယ်။ ကုရှင်ချွမ်းကနိုးတစ်ဝက်အိပ်တစ်ဝက်နဲ့ သူညည်းညူတဲ့အသံကနှာသံပါနေတယ် "ငါမင်းကိုလွှတ်မပေးဘူး ငါမင်းကိုဖက်အိပ်ချင်သေးတယ်"
အခန်းထဲမှာသူ့အသံတစ်ခုထဲတင်ထွက်နေပီး ကျောက်ဟုန်းရန်ရဲ့မျက်နှာကအမူအရာကိုကြည့်ဖို့ စုန့်ရီမှာရှက်ရွံ့လွန်းနေတယ်။ ကျောက်ဟုန်းရန်ကခနလောက်တွေဝေသွားပီး မျက်နှာမည်းမည်းနဲ့ပဲလှည့်ထွက်သွားတယ်။
"လွှတ်ပေးစမ်း" စုန့်ရီကကုရှသ်ချွမ်းရဲ့လက်ကို ဒေါသကြီးစွာ အလောကြီးစွာမဲ့အားအပြည့်နဲ့လှုပ်ရမ်းလိုက်တယ်။ သူအားလုံးကိုဖြေပျောက်ပစ်ဖို့ မြစ်ဝါမြစ်ထဲကိုသွားခုန်ချရတော့မလား။
ကုရှင်ချွမ်းကမျက်လုံးကိုတစ်ဝက်ဖွင့်ကြည့်လိုက်တဲ့အခါမှာ အကျယ်ကြီးပွင့်နေတဲ့တံခါးကိုတွေ့လိုက်တယ်။ ဘာတွေဖြစ်နေလဲဆိုတာ သူချက်ချင်းနားလည်သွားတယ်။ သူကလက်မောင်းကိုပြန်ရုတ်လိုက်ပီး မျက်လုံးတွေကိုပွတ်လိုက်တယ် "မင်းဒီမှာပဲနေ အန်တီ့ကိုငါသွားရှင်းပြလိုက်မယ်"
စုန့်ရီအိပ်ယာထဲကနေမြန်မြန်ဆင်းလိုက်တယ်။ သူကရှုပ်ပွနေတဲ့အဝတ်အစားတွေကိုသပ်ရပ်အောင်ပြင်လိုက်ပီး အသက်ပြင်းပြင်းတစ်ချက်ရှူကာ တည်ငြိမ်အောင်ကြိုးစားလိုက်တယ် "ငါ့ဘာငါပဲသွားလိုက်မယ် ငါတို့နှစ်ယာက်ကြားမှာဘာမှမဖြစ်ခဲ့ဘူး အဲ့တော့သူမကိုရှင်းရှင်းလင်းလင်းပြောပြနိုင်တယ်"
ကုရှင်ချွမ်းကထထိုင်လိုက်ပီး နှာခေါင်းရိုးကိုလက်နဲ့ဖျစ်လိုက်တယ်။ သူ့မျက်လုံးတွေလဲတဖြည်းဖြည်းရှင်းလင်းလာတယ် "အန်တီကငါ့တို့ကိုယုံတာကအရေးကြီးလို့လား?"
စုန့်ရီအခုအခြေအနေနဲ့ပတ်သက်ပီး ဘာမှမသိတော့ဘူး။ ဒီအခြေအနေကိုတွေ့သွားတဲ့ ဘယ်သူမဆို ကိစ္စတစ်ခုခုရှိခဲ့တယ်လို့တွေးကြမှာပဲ။ ကုရှင်ချွမ်းကသူတို့အိမ်ကိုဒီအချိန်ကြီးလာလည်တာကြီးကိုပဲစဥ်းစားကြည့်အုံး။ နည်းနည်းလောက်တွေးကြည့်တာနဲ့ ကျောက်ဟုန်းရန်ကသူတို့ကြားကဆက်ဆံရေးကိုဘာ်လိုထင်သွားလဲဆိုတာသိနိုင်တယ်။
YOU ARE READING
အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]
FantasyI don't own this novel. I just translate. Fully credit to original author and eng translator(s).
![အချစ်ပြိုင်ဘက်နှင့်အချစ်အိမ်လေးတည်ဆောက်ခြင်း [ဘာသာပြန်]](https://img.wattpad.com/cover/269367821-64-k888259.jpg)