THE BASTARD(B1: LIA'S DIARY) complete

TEASER

THE BASTARD

(BOOK 1: Lia's Diary)

Written By: Apple

Mga anak ni Gov. Miguel at Dra. Julianna Vallejo sina Lian, Laurice, at Lia.

Si Lian, ang panganay at nag-iisang lalaki. Babaero, basagulero at laging nangunguna sa kaniyang mga barkada sa kaguluhan.

Si Laurice, kapansin-pansin na sa lahat ng angkan ng mga Vallejo ay siya ang may pinakamasamang pag-uugali. Katulad ni Lian ay mabarkada at palihim na gumagawa ng kalokohan.

At si Lia, ang bastardang anak ni Gov. Vallejo. May busilak na kalooban ngunit matapang at hindi kailanman nagpapaapi at tanging naging kakampi niya sa buhay ay ang kaniyang mga kaibigan na inaayawan ng kaniyang ama.

Tatlong magkakapatid, magkakaiba ang ugali, may mga sariling pananaw sa buhay, may kaniya-kaniyang kaibigan. At sa kanilang tatlo, si Lia ang naiiba.

Isinumpa siya ni Laurice naa kailanman ay hindi siya matatanggap nito na kapatid. Gayunpaman, minahal niya nang lubusan ang pamilyang kaniyang kinagisnan at naghangad na mahalin din siya ng mga ito.

Hanggang sa makilala niya si Brian Santillan. Ang lalaking nangako sa kaniya na mamahalin siya ng higit pa sa hinahangad niya.

Ngunit mas lalong naging mapait ang kaniyang kapalaran ng itakwil siya ng kaniyang mismong ama sa maling paniniwala at ipinagtabuyan siya ni Brian sa dahilang siya ay maruming babae.

May magmamahal pa kaya sa kaniya?

Makakamit pa kaya niya ang pinapangarap niyang kaligayahan at pagmamahal? O habang buhay na siyang masasadlak sa pagdurusa at paghihimagsik?