منقولة
#الحسن (الوطن عشق رجاله)
ﺍﻟﺠﺰﺀ ﺍﻟﺴﺎﺩﺱ ﻭﺍﻟﻌﺸﺮﻳﻦ 💖🌹💓
للكاتبةGomanFared
ﺭﺍﺳﻲ ﺑﺘﻔﺠﺮ ﺷﻨﻮ ﻫﺬﺍ ..
: ﺑﺎﻟﻠﻪ ﻧﻌﻮﻡ ﺟﻴﺒﻴﻠﻲ ﻣﻌﺎﻙ ﻧﺴﻜﺎﻓﻴﻪ ..
ﺍﻧﻌﺎﻡ : ﻣﻨﻮ ﻳﺒﻲ ﺣﺎﺟﻪ ﺗﺎﻧﻴﻪ .. ﻛﻠﻬﻢ ﺍﺷﺮﻭﻟﻬﺎ ﺑﺎﻟﻨﻔﻲ ..
ﻃﺒﻌﺎ ﺍﻧﻌﺎﻡ ﺗﺨﺪﻡ ﻣﻮﻇﻔﻪ ﻓﻲ ﺃﺣﺪ ﺍﻟﻤﺼﺎﺭﻑ ... ﺍﻧﻌﺎﻡ ﺗﺰﻭﺟﺖ ﻓﻲ ﻋﻤﺮ 20 ﺳﻨﻪ ﻛﺎﻧﺖ ﻣﺎﺯﺍﻝ ﻃﺎﻟﺒﻪ ﺗﺰﻭﺟﺖ ﺍﺳﺘﺎﺫ ﻳﻘﺮﻱ ﻓﻴﻬﺎ ﻛﺎﻥ ﻳﺒﺎﻥ ﺍﻧﺴﺎﻥ ﺭﺍﻗﻲ ﻭﻣﺘﻌﻠﻢ ﻭﺍﻧﻌﺎﻡ ﺷﺎﻓﺖ ﻓﻴﻪ ﻓﺎﺭﺱ ﺍﺣﻼﻣﻬﺎ .. ﺗﺰﻭﺟﺎﺗﻪ .. ﺍﻭﻝ ﺷﻬﺮﻳﻦ ﻛﺎﻧﻮﺍ ﻋﺴﻞ .. ﺑﺲ ﺑﻌﺪﻳﻦ ﻃﻠﻊ ﻉ ﺣﻘﻴﻘﺘﻪ .. ﻋﻨﺪﻩ ﻋﻼﻗﺎﺕ ﺑﺎﻟﻬﺒﻞ .. ﻭﻛﻠﻬﺎ ﺑﺎﻟﺤﺮﺍﻡ ﻭﻟﻤﺎ ﻋﺮﻓﺖ ﺑﺪﻱ ﻋﻴﻨﻲ ﻋﻴﻨﻚ ﻳﻜﻠﻢ ﻓﻴﻬﻢ ﻗﺪﺍﻣﻬﺎ .. ﻟﻴﻦ ﺟﻲ ﻧﻬﺎﺭ ﻛﻠﻤﺖ ﺧﻮﺗﻬﺎ ﺟﻮﻫﺎ ﺭﻭﺣﻮﺍ ﺑﻴﻬﺎ ... ﻭﻟﻴﻦ ﻣﺸﻮﻟﻪ ﻗﺎﻟﻠﻬﻢ ﺍﺧﺘﻜﻢ ﻫﻲ ﺍﻟﻠﻲ ﻣﺎﺗﻨﻔﻌﺶ ﻭﺷﺎﺩﻫﺎ ﺗﻜﻠﻢ ﻓﻲ ﺍﻟﻮﻻﺩ ﻭﻋﻨﺪﻫﺎ ﻋﻼﻗﺎﺕ .. ﻃﺒﻌﺎ ﻣﺎﺻﺪﻗﻮﺷﻲ ... ﻭﻷﻧﻬﺎ ﺑﻨﺖ ﺍﻟﺤﺎﺝ ﻋﻠﻲ ﻃﻠﻘﻬﺎ ﻏﺼﺐ ﻋﻨﻪ .. ﺍﻃﻠﻘﺖ ﻓﻲ ﻋﻤﺮ 22 ﺳﻨﻪ .. ﺗﻌﻘﺪﺕ ﻣﻦ ﺍﻟﺰﻭﺍﺝ ﻟﻜﻦ ﻛﻤﻠﺖ ﻗﺮﺍﻳﺘﻬﺎ ﻭﺗﺨﺮﺟﺖ ﻭﺧﺪﻣﺖ ﻭﺭﻏﻢ ﺍﻧﻬﺎ ﺣﻠﻮﺓ ﻭﻫﻠﺒﻪ ﺗﻘﺪﻣﻮﻟﻬﺎ ﺑﺲ ﻛﺎﻧﺖ ﺗﺮﻓﺾ ﻭﻣﺎﺗﺒﻲ ﺣﺪ ﻳﻨﺎﻗﺸﻬﺎ ﻓﻬﺎﻟﻤﻮﺿﻮﻉ ...
...
ﻳﺸﻮﻑ ﻟﺮﻭﺣﻪ ﻓﻲ ﻣﺮﺍﻳﻪ ﺍﻟﺴﻴﺎﺭﻩ : ﻭﺣﻖ ﺍﻟﻠﻪ ﺳﻤﺢ .. ﺣﺘﻜﺒﺪ ﻓﻴﻚ ﻳﺎﻫﻠﻴﻞ .. ﻧﺰﻝ ﻣﻦ ﺍﻟﺴﻴﺎﺭﻩ .. ﻣﺘﻮﺟﻪ ﻟﻠﻤﺼﺮﻑ .. ﺗﻔﺎﺟﺄ ﺑﻴﻬﺎ ﻃﺎﻟﻌﻪ ..
ﻫﻼﻝ " ﺍﻩ ﻳﺎﻟﻜﺮﻣﺎ ..." ﺳﺎﻭﺍ ﺭﻭﺣﻪ ﻭﻣﺸﺎﻟﻬﺎ ..
ﻫﻼﻝ : ﻣﺮﺣﺒﺎ ..
ﺍﻧﻌﺎﻡ ﻭﻗﻔﺖ ﻣﺼﺪﻭﻣﻪ ..
ﻫﻼﻝ : ﻋﺮﻓﺘﻴﻨﻲ !!!
ﺍﻧﻌﺎﻡ ﺗﺸﺒﺤﻠﻪ ﺑﺲ ..
ﻫﻼﻝ : ﺍﻫﺎ ﻣﻌﺎﻙ ﺣﻖ ﺗﻌﺮﻓﻨﻲ ﺑﺎﻟﺸﻜﻞ ﺑﺲ .. ﺍﺳﻤﻲ ﻫﻼﻝ ﻣﺮﺍﺟﻊ ﻛﺒﻴﺮ ﺧﻮﺗﻲ ﻭﺍﻟﻜﺒﻴﺮ ﺍﻟﻠﻪ .. ﻋﻤﺮﻱ 34 ﺳﻨﻪ ... ﻭﻧﺨﺪﻡ ﺿﺎﺑﻂ .. ﻭﻧﺒﻲ ﻧﻜﻤﻞ ﻧﺺ ﺩﻳﻨﻲ .. ﻭﺭﺍﻳﺪﻙ ﺑﺎﻟﺤﻼﻝ ..
ﺍﻧﻌﺎﻡ ﻣﺼﺪﻭﻣﻪ ﻭﺗﺸﺒﺤﻠﻪ ..
ﻫﻼﻝ : ﻋﻨﺪﻙ ﻭﻗﺖ ﻓﻜﺮﻱ ﺍﻥ ﺷﺎﺀ ﺍﻟﻠﻪ ﺍﺳﺒﻮﻉ .. ﺍﻛﺜﺮ ﻣﻦ ﻫﻜﻲ ﻳﺼﻴﺮ ﻓﻴﻬﺎ ﻛﻼﻡ ﺗﺎﻧﻲ .. ﺍﻟﻤﻬﻢ ﺍﻧﺎ ﻳﻮﻣﻴﺎ ﻣﺰﺭﻭﻉ ﻫﻨﺎ .. ﺍﻱ ﻛﺎﻥ ﻗﺮﺍﺭﻙ .. ﻣﻮﺍﻓﻘﻪ ... ﻭﻻﻣﻮﺍﻓﻘﻪ .. ﻣﺎﻋﻨﺪﻛﺶ ﻏﻴﺮ ﻫﻚ ﻃﺒﻌﺎ .. ﺗﻠﻘﻴﻨﻲ ﻫﻨﺎ ... ﻫﻲ ﻓﻲ ﺍﻣﺎﻥ ﺍﻟﻠﻪ ... ﻭﻟﻒ ﻭﻣﺸﻲ ..
ﻫﻴﺎ ﻣﻦ ﺻﺪﻣﺘﻬﺎ ﺗﻠﻘﺎﺋﻴﺎ ﻗﻌﺪﺕ ﺗﻀﺤﻚ ﻟﻔﺖ ﻭﺭﺟﻌﺖ ﻟﻠﻤﺒﻨﻲ ﺍﻟﻤﺼﺮﻑ ﻭﻧﺴﺖ ﻋﻼﺵ ﻛﺎﻧﺖ ﻃﺎﻟﻌﻪ ﺍﺻﻼ ..
***
ﺍﻟﺴﺎﻋﻪ 2 ﻇﻬﺮﺍ ..
ﺧﺶ ﻟﻠﺤﻮﺵ ﺟﺎﻳﺐ ﻣﻌﺎﻩ ﺣﺎﺟﺎﺕ .. ﺧﺶ ﻟﻠﺪﺍﺭ ﺍﻟﻨﻮﻡ ﻟﻘﺎﻫﺎ ﺭﺍﻗﺪﻩ ﻗﺮﺏ ﻣﻨﻬﺎ ﻧﺰﻝ ﺑﺎﺱ ﻉ ﺭﺍﺳﻬﺎ ﻭﻏﻄﺎﻫﺎ ﻭﻃﻠﻊ ..
ﻗﻌﻤﺰ ﻉ ﺍﻟﺼﺎﻟﻮﻥ ﻳﻔﻜﺮ ﻓﻲ ﺷﻲ ﻳﺪﻳﺮﻫﻮﻟﻬﺎ ﻳﺒﻴﻬﺎ ﺗﻄﻠﻊ ﻣﻦ ﺍﻟﺤﺰﻥ ﺍﻟﻠﻲ ﻫﻴﺎ ﻓﻴﻪ ... ﺧﻄﺮﺕ ﻉ ﺑﺎﻟﻪ ﻓﻜﺮﻩ ﻧﺰﻝ ﺑﺶ ﻳﻄﺒﻘﻬﺎ ..
ﺳﺎﺭﻩ : ﺍﻟﺴﻮﻕ ..
ﺣﺴﺎﻥ : ﺍﻳﻪ ﺍﻃﻠﻌﻮﺍ ﻛﻠﻜﻢ ﻣﻊ ﺑﻌﺾ .. ﻳﻘﻮﻟﻮﺍ ﺍﻧﺘﻮﺍ ﺍﻟﻨﺴﺎﻭﻳﻦ ﺍﻟﺴﻮﻕ ﺍﺣﺴﻦ ﻋﻼﺝ ﻟﻨﻔﺴﻴﺎﺗﻜﻢ ..
ﺳﺎﺭﻩ ﺑﻀﺤﻜﻪ : ﺻﺪﻗﻮﺍ ... ﺍﻟﻤﻬﻢ ﺧﻼﺹ ﺗﻮ ﻧﻜﻠﻤﻬﻢ ﻭﻧﻘﻌﻨﻮﻫﺎ ﺗﻄﻠﻊ ﻣﻌﺎﻧﺎ ..
ﺣﺴﺎﻥ : ﺍﺣﻠﻰ ﺳﺮﻭ ﻗﺮﺻﻬﺎ ﻣﻦ ﺧﺪﻫﺎ ﻭﺭﻛﺐ ..
ﻭﺳﺎﺭﺓ ﻗﻌﺪﺕ ﺗﻀﺤﻚ ..
ﺑﻌﺪ ﺍﻟﻌﺼﺮ ..
ﺳﻮﻕ !!...
ﺳﺎﺭﺓ : ﺍﻳﻪ ﻛﻠﻨﺎ ﻃﺎﻟﻌﻴﻦ ..
ﻫﺎﻟﻪ : ﺍﻧﻲ ﺍﻋﻔﻮﻧﻲ ..
ﺳﺎﺭﺓ : ﺷﻦ ﻗﺼﺘﻚ ﻣﻊ ﻛﻠﻤﺔ ﺍﻋﻔﻮﻧﻲ .. ﺑﺘﻤﺸﻲ ﻏﺼﺐ ﻋﻨﻚ ..
ﻫﺎﻟﻪ : ﺀ ....
ﺳﺎﺭﺓ ﻧﺎﺿﺖ : ﺍﻟﺤﺰﻥ ﻟﻴﻪ ﻭﻗﺖ ﻭﺍﻟﻔﺮﺡ ﻟﻴﻪ ﻭﻗﺖ ... ﺧﻠﻲ ﻛﻞ ﺣﺎﻟﻪ ﺗﺎﺧﺪ ﻭﻗﺘﻬﺎ ﻭﺑﺲ .. ﺍﺑﺘﺴﻤﺖ ﻭﺟﺖ ﻃﺎﻟﻌﻪ .. ﻧﺮﺍﺟﻮ ﻓﻴﻚ ..
ﻫﺎﻟﻪ ﺗﻨﻬﺪﺕ ﻭﻫﻲ ﺗﻔﻜﺮ ﻓﻲ ﻛﻼﻡ ﺳﺎﺭﺓ .. ﺑﻌﺪﻳﻦ ﻧﺎﺿﺖ ﻭﻏﻴﺮﺕ ﺣﻮﺍﻳﺠﻬﺎ ...
...
ﻣﻨﻴﻦ ﻃﻠﻌﺘﻠﻲ ﺑﻬﺎﻟﻤﻮﺍﻝ ..
ﺣﺴﺎﻥ : ﻏﻴﺮ ﺑﺎﻟﻠﻪ ﻋﻠﻴﻚ ﻗﻮﻟﻲ ﻭﻳﻨﻪ ﺍﻟﻤﻔﺘﺎﺡ ..
ﺍﻟﺤﺴﻦ : ﻓﻲ ﺩﺍﺭ ﺳﺮﻣﺪ ﻓﻲ ﻗﺠﺮ ﻣﻜﺘﺒﻪ ..
ﺣﺴﺎﻥ : ﺗﻤﺎﻡ ... ﺻﺢ .. ﻃﻮﻁ ﻃﻮﻁ ﻃﻮﻁ .. ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﻣﺸﻲ ﺣﺴﺎﻥ ﻟﺪﺍﺭ ﺳﺮﻣﺪ ﻟﻘﺎﻩ ﻓﻴﻬﺎ ﻃﻠﺐ ﻣﻨﻪ ﻳﻌﻄﻴﻪ ﺍﻟﻤﻔﺘﺎﺡ .. ﻋﻄﻬﻮﻟﻪ ﻭﻃﻠﻊ ..
ﺭﻓﻌﻬﻢ ﻟﻠﺴﻮﻕ ﺑﺴﻴﺎﺭﺓ ﺍﻟﺤﺴﻦ ﺍﻟﻜﺒﻴﺮﻩ ﺍﻷﺷﺒﻪ ﺑﺎﻟﺒﺎﺹ ..
ﺍﻧﻌﺎﻡ ﻭﺳﺎﺭﻩ .. ﻭﻫﺎﻟﻪ ﻭﻋﻠﻴﺎ ﻭﺭﻳﺤﺎﻧﻪ ﻟﺼﻘﺖ ﺭﻭﺣﻬﺎ ﻣﻌﺎﻫﻢ ..
ﻭﺻﻠﻮﺍ ﻓﻲ ﻣﻮﻝ ﻛﺒﻴﺮ ... ﻭﻗﻌﺪﻭﺍ ﻳﺪﻫﻮﺭﺍ ﻭﺣﺴﺎﻥ ﻗﻌﻤﺰ ﻓﻲ ﻣﻜﺎﻥ ﻓﻲ ﺍﻟﻤﻮﻝ ﻳﺴﺘﻨﻰ ..
ﻓﻲ ﻭﺣﺪﻩ ﻣﻦ ﻣﺤﻼﺕ ﺍﻟﻤﻮﻝ ..
ﻋﻠﻴﺎ : ﻳﻄﻠﻊ ﻋﻠﻴﻚ ﻫﻠﻮﻝ ..
ﺳﺎﺭﻩ : ﺍﻳﻪ ﺣﻠﻮ ﻫﻠﺒﻪ ..
ﻫﺎﻟﻪ ﺑﺈﺑﺘﺴﺎﻣﻪ : ﺣﺘﻰ ﺍﻧﻲ ﻋﺠﺒﻨﻲ ...
ﻓﻲ ﺟﻬﺔ ﺗﺎﻧﻴﻪ ﻣﻦ ﺍﻟﻤﺤﻞ ...
ﺩﻫﻮﺍﺭﻱ ﺍﻟﻌﻴﻠﻪ ﻭﺟﻮ ﻣﻠﻴﺢ .. ﺩﺭﺕ ﻓﻴﻚ ﺧﻴﺮ ﻳﺎﻋﻠﻴﺎ ﻭﺍﻧﻲ ﻣﺎﻧﻨﺪﺭﻳﺶ ..
ﻗﻌﺪ ﻳﺪﻫﻮﺭ ﻓﻲ ﺍﻟﻤﺤﻞ .. ﻭﻓﺠﺄﻩ ﻃﺎﺍﻑ ..
ﺭﻳﺤﺎﻧﻪ ﺑﻌﺼﺒﻴﻪ : ﺍﻋﻤﻲ ﺧﻮﻱ ...
ﻣﻨﺬﺭ ﻳﺸﺒﺤﻠﻬﺎ ﻭﺧﻼﺹ ..
ﺭﻳﺤﺎﻧﻪ : ﻣﺒﺮﺩﻛﻢ ﺍﻟﻬﻢ .. ﻗﺎﻣﺖ ﺍﻟﺒﻠﻮﺯﺓ ... ﺗﺼﻴﺮ ﻓﻴﻬﺎ ﺣﺎﺟﻪ ﺍﻧﺖ ﺗﺪﻓﻊ ﺣﻘﻬﺎ .. ﻭﻗﻌﺪﺕ ﺗﺘﻔﺤﺺ ﻓﻴﻬﺎ .. ﻟﺤﺴﻦ ﺣﻈﻚ ﻣﺎﻓﻴﻬﺎﺷﻲ .. ﻭﻣﺸﺖ ﻭﺧﻼﺗﻪ ...
ﻣﻨﺬﺭ " ﻭﺍﻱ ﻭﺍﻱ ﻭﺍﻱ ﻭﺍﻱ ... ﻫﺎﺩﻱ ﻣﻨﻮ .. ﻃﺮﻑ ﻣﻐﺒﺮ "
ﺗﺒﻌﻬﺎ ﺑﻌﻴﻮﻧﻪ ﻟﻘﺎﻫﺎ ﻣﺸﺘﻠﻬﻢ ... ﺿﺤﻚ ﻭﻗﻌﺪ ﻳﺮﺍﻗﺐ ﻓﻲ ﺍﻟﻮﺿﻊ ﺑﺈﺳﺘﻤﺘﺎﻉ ..
ﻛﻠﻬﻢ ﺷﺮﻭﺍ ﺑﺲ ﺍﻛﺜﺮ ﻭﺣﺪﻩ ﺧﺪﺕ ﺣﻮﺍﻳﺞ ﻛﺎﻧﺖ ﻫﺎﻟﻪ ...
ﺳﺎﺭﺓ : ﻋﻠﻴﺎ ﻫﺎﻟﻪ ﺗﻌﺎﻟﻮﺍ ...
ﺟﻮﻫﺎ ﺍﻟﺰﻭﺯ ...
ﺳﺎﺭﻩ : ﻫﺎﺩﻱ ﻫﺪﻳﻪ ﻣﻨﻲ ﻟﻴﻜﻢ .. ﺍﺳﺘﻌﻤﻠﻮﻫﺎ ﺃﻣﺘﻰ ﺗﺤﺴﻮﺍ ﻭﻗﺘﻬﺎ ﺟﻲ .. ﻭﻏﻤﺰﺗﻠﻬﻢ .. ﻭﻣﺸﺖ ...
ﻫﻤﺎ ﺍﻟﺰﻭﺯ ﻣﺎﻋﺮﻓﻮﺵ ﺷﻨﻮ ﻹﻧﻬﺎ ﻛﺎﻧﺖ ﺑﺎﻛﻮﺍﺕ ﻣﻐﻠﻔﻪ ..
ﺭﻭﺡ ﺑﻴﻬﻢ ﺣﺴﺎﻥ ﻣﻊ ﺍﻟﻤﻐﺮﺏ ﺣﻄﻬﻢ ﻭﺭﺩ ﺍﻟﺴﻴﺎﺭﻩ ﻓﻲ ﻣﻜﺎﻧﻬﺎ ﻭﺍﻟﻤﻔﺎﺗﻴﺢ ﻭﻃﻠﻊ ﺑﺴﻴﺎﺭﺗﻪ ﻟﻤﺸﻮﺍﺭ ﻣﻌﻴﻦ ...
***
ﺍﻧﺴﺎﻧﻪ ﺭﺍﻗﻴﻪ ﻭﻫﺎﺩﻳﻪ ﻭﻟﻄﻴﻔﻪ ..
: ﻫﻬﻬﻬﻬﻬﻬﻬﻪ
ﺭﻳﺎﺽ : ﻋﻼﺵ ﺗﻀﺤﻜﻲ ﻳﺎﺃﻣﻲ ...
ﺍﻣﻪ : ﺍﻧﺖ ﻋﺼﺒﻲ ﻣﺎﻋﻨﺪﻛﺶ ﺍﻟﺮﻳﺢ ﻭﻳﻦ ﺍﺩﻭﺭ ﺣﺮﺍﻡ ﻋﻠﻴﻚ ﻭﻟﻴﺪﻱ ﺗﺒﻠﻴﻬﺎ ﺑﻴﻚ ..
ﺭﻳﺎﺽ : ﺭﺑﻲ ﻳﺴﺎﻣﺤﻚ ﻭﺧﻼﺹ ..
ﺍﻣﻪ : ﻫﻬﻬﻬﻬﻬﻬﻬﻬﻪ ... ﺑﺎﻩ ﻗﻨﻴﻨﻪ ..
ﺭﻳﺎﺽ ﺍﺑﺘﺴﻢ ..
ﺍﻣﻪ : ﺷﻮﻗﺘﻨﻲ ﻧﺸﻮﻓﻬﺎ ..
ﺭﻳﺎﺽ : ﺣﻴﺠﻲ ﻳﻮﻡ ﻭﺗﺸﻮﻓﻴﻬﺎ ﺃﻛﻴﺪ ... ﻳﻘﻴﻦ ﺭﻗﺪﺕ ...
ﺍﻣﻪ : ﺍﻳﻪ ﻋﺸﻴﺘﻬﺎ ﻭﺭﻗﺪﺕ ....
***
ﻃﻠﻌﺖ ﻣﻦ ﺍﻟﺤﻤﺎﻡ ﺑﻌﺪ ﺩﻭﺷﺖ ﻟﺒﺴﺖ ﺣﺎﺟﻪ ﺟﺪﻳﺪﻩ ﻣﻦ ﺍﻟﻠﻲ ﺷﺮﺗﻬﻢ .. ﺟﻔﻔﺖ ﺷﻌﺮﻫﺎ ﻭﺩﺍﺭﺗﻠﻪ ﻛﺮﻳﻢ ﺯﻳﺖ ﻭﻣﺸﻄﺎﺗﻪ .. ﻗﺎﻣﺘﻪ ﺩﻳﻞ ﺣﺼﺎﻥ ﻭﻃﻠﻌﺖ ﻣﻦ ﺍﻟﺪﺍﺭ ﺷﺒﺤﺖ ﻟﻠﺸﻴﺘﺎﺕ ﺍﻟﻠﻲ ﻉ ﺍﻟﻄﺎﻭﻟﻪ ﺍﺑﺘﺴﻤﺖ .. ﺧﻄﺮﺕ ﻋﻠﻴﻬﺎ ﻫﺪﻳﻪ ﺣﻤﺎﺗﻬﺎ ﻭﻟﺖ ﻟﻠﺪﺍﺭ ﺑﺘﺸﻮﻓﻬﺎ .. ﻃﻠﻌﺖ ﺍﻟﺒﺎﻛﻮ ﻭﺣﻮﻟﺖ ﻏﻼﻓﻬﺎ ....
ﻭﺟﻬﻬﺎ ﻭﻻ ﻃﻤﺎﻃﻢ ﻣﻦ ﺍﻟﻠﻲ ﺷﺎﻓﺘﻪ ﻃﻮﻝ ﺧﺪﺕ ﺍﻟﺒﺎﻛﻮ ﻭﺩﺳﺎﺗﻪ ﺗﺤﺖ ﺣﻮﺍﻳﺠﻬﺎ ﻓﻲ ﺍﻟﺪﻭﻻﺏ ﻭﻃﻠﻌﺖ ﻃﻮﻝ ﻭﻫﻲ ﺣﺎﺳﻪ ﺑﺨﺠﻞ ﺷﺪﻳﺪ ﻭﺇﺣﺮﺍﺝ .. ﻣﺸﺖ ﻗﻌﻤﺰﺕ ﻛﺎﻟﻜﻨﺒﻪ ﻭﺧﺪﺕ ﺍﻟﺸﻴﺘﺎﺕ ﻉ ﺍﻟﻄﺎﻭﻟﻪ ﻭﻗﻌﺪﺕ ﺗﺸﻮﻑ ﻓﻴﻬﻢ .. ﺍﻧﻔﺘﺢ ﺍﻟﺒﺎﺏ .. ﺭﺍﺟﻠﻬﺎﺟﻲ 💓
ﺣﺴﺎﻥ ﻭﻫﻮ ﻳﺴﻜﺮ ﻓﻲ ﺍﻟﺒﺎﺏ : ﺍﻟﺴﻼﻡ ﻋﻠﻴﻜﻢ
ﻫﺎﻟﻪ : ﻭﻋﻠﻴﻜﻢ ﺍﻟﺴﻼﻡ ..
ﺣﺴﺎﻥ ﻗﺎﻡ ﺭﺍﺳﻪ ﻭﺭﻛﺰ ﻓﻴﻬﺎ ﻛﻴﻒ ﻃﺎﻟﻌﻪ ﻋﻠﻴﻬﺎ ﺍﻟﻠﺒﺴﻪ ﺣﻠﻮﺓ ﻭﻛﻴﻒ ﺑﺎﻳﻨﻪ ﻧﺎﻋﻤﻪ ﻭﺟﺬﺍﺑﻪ ﺭﻏﻢ ﺍﻧﻬﺎ ﻣﺎﺩﺍﺭﺕ ﺷﻲ ﻉ ﻭﺟﻬﻬﺎ .. ﻻﺣﻈﺖ ﻧﻈﺮﺍﺗﻪ ﺣﻄﺖ ﻋﻴﻮﻧﻬﺎ ﻓﻲ ﺍﻟﺸﻴﺖ ..
ﺣﺴﺎﻥ ﺑﺄﺑﺘﺴﺎﻣﻪ ﻗﺪﻡ : ﺍﻳﻮﻩ ﻫﻜﻲ .. ﻫﻠﻮ ﺍﻟﺸﻄﻮﺭﺓ ..
ﻫﺎﻟﻪ ﺿﺤﻜﺖ : ﻛﻴﻒ ﺟﺒﺘﻬﻢ ؟
ﺣﺴﺎﻥ ﻗﻌﻤﺰ : ﻋﻨﺪﻱ ﻣﻌﺎﺭﻑ ﻏﺎﺩﻱ
ﻫﺎﻟﻪ : ﺍﻛﻴﺪ ﺑﻨﺎﺕ ..
ﺣﺴﺎﻥ ﺑﻤﺰﺡ : ﺍﻳﻪ ﻭﻃﺮﻭﻑ ﻣﻦ ﺍﻷﺧﻴﺮ ..
ﻫﺎﻟﻪ ﺍﺑﺘﺴﻤﺖ ﺑﺘﻬﻜﻢ ﻭﺷﺒﺤﺖ ﻟﻠﺸﻴﺖ .. ﻭﻫﻮ ﺿﺤﻚ ..
ﺣﺴﺎﻥ : ﻣﺠﺮﺩ ﻛﻠﻤﺘﻬﻢ .. ﻃﻮﻝ ﺑﻌﺪ ﺳﺎﻋﻪ ﺍﺗﺼﻠﻮﺍ ﺑﻴﺎ ﻭﻗﺎﻟﻮﻟﻲ ﺗﻌﺎﺍﻟﻰ ﺧﻮﺩ ﺍﻟﻠﻲ ﻭﺻﻴﺘﻨﺎ ﻋﻠﻴﻪ ..
ﻫﺎﻟﻪ ﻣﺘﻬﻜﻤﻪ : ﻓﺮﻗﺖ ﺭﻭﺣﻚ ﻋﻠﻴﻬﻢ ..
ﺣﺴﺎﻥ ﺑﻀﺤﻜﻪ : ﻛﻞ ﻭﺣﺪﻩ ﺭﺑﻊ ﺳﺎﻋﻪ ..
ﻫﺎﻟﻪ : ﻛﻮﻳﺲ ...
ﺣﺴﺎﻥ : ﺍﻟﻤﻬﻢ ﺍﻟﻠﻲ ﺟﺎﺑﻮﻩ ﻫﻮ ﺍﻟﺼﺢ ..
ﻫﺎﻟﻪ ﺑﺤﺪﻩ : ﺍﻳﻪ ﺑﺎﻗﻲ ﺍﻟﻤﻨﺎﻫﺞ ﻣﺘﺎﻉ ﻣﻮﺍﺩﻱ ..
ﺣﺴﺎﻥ ﺿﺤﻚ : ﻛﻮﻳﺲ ... ﺭﻥ ﺗﻠﻴﻔﻮﻧﻪ .. ﺭﺩ
ﺣﺴﺎﻥ ﻓﺘﺢ ﺍﻟﻤﺎﻳﻚ : ﻫﺎ ﺣﺒﻲ ...
ﻫﺎﻟﻪ ﻓﻨﺼﺖ ﻋﻴﻮﻧﻬﺎ ..
: ﺍﻳﻮﺍ ﻳﺎﻗﺪﺭ .. ﺍﻟﻤﻨﺎﻫﺞ ﻧﻔﺴﻬﺎ ﻭﻻ ..
ﺣﺴﺎﻥ : ﺍﻳﻪ ﻫﻤﺎ ... ﻣﻨﻮﻭﻭﺭ ﺑﺎﻟﻬﻠﺒﻪ ..
: ﺗﺒﻲ ﺣﺎﺟﻪ ﺗﺎﻧﻴﻪ ﻣﺎﻳﺤﺸﻤﻚ ﺷﻲ ..
ﺣﺴﺎﻥ : ﻳﺒﺎﺭﻙ ﻓﻴﻚ ﻭﻳﺮﺣﻢ ﻭﺍﻟﺪﻳﻚ ...
: ﻭﺍﻟﺪﻳﻨﺎ ﻭﺍﻟﺪﻳﻚ ... ﻫﻲ ﺍﻭﻳﻨﺎ ...
ﺣﺴﺎﻥ : ﺳﻼﻡ ﻭﺻﻜﺮ ... ﺷﺒﺢ ﻟﻬﺎﻟﻪ .. ﻛﺎﻧﺖ ﺗﺸﺒﺢ ﻟﻠﺸﻴﺖ ﻭﻣﺒﺘﺴﻤﻪ ﻭﺟﻬﻬﺎ ﺃﺣﻤﺮ ..
ﺣﺴﺎﻥ ﻧﺎﺽ ﻭﻫﻮ ﻳﻀﺤﻚ : ﺗﻌﺸﻴﺘﻲ ..
ﻫﺎﻟﻪ : ﻻﻻ ..
ﺣﺴﺎﻥ : ﺗﻮ ﻧﻨﺰﻝ ﻧﺸﻮﻑ ﺷﻦ ﺩﺍﻳﺮﻳﻦ ...
ﻫﺎﻟﻪ : ﻣﺎﺗﻌﺒﺶ ﺭﻭﺣﻚ ..
ﺣﺴﺎﻥ : ﺗﺮﺍ ﺍﺳﻜﺘﻲ ﺍﺳﻜﺘﻲ ".. ﻣﺎﺗﻌﺒﺶ ﺭﻭﺣﻚ " ﻗﻠﺪ ﺻﻮﺗﻬﺎ ..
ﻭﺗﻮﺟﻪ ﻟﻠﺒﺎﺏ ﻭﻫﻮ ﻃﺎﻟﻊ ﺗﻠﻔﺘﻠﻬﺎ ﻫﻲ ﻛﺎﻧﺖ ﺗﺸﺒﺤﻠﻪ ﻭﺗﻀﺤﻚ ﻭﻫﻮ ﻏﻤﺰﻟﻬﺎ ﻭﻃﻠﻊ ... ﻭﺟﻬﻬﺎ ﻭﻻ ﺃﺣﻤﺮ ﻣﺠﺮﺩ ﺍﺫﻛﺮﺕ ﻫﺪﻳﻪ ﺳﺎﺭﺓ ﺣﻄﺖ ﻭﺟﻬﻬﺎ ﻓﻲ ﺍﻟﺸﻴﺖ
ﺷﻮﻳﻪ ﻭﺭﻛﺐ ... ﺟﺎﺏ ﻣﻌﺎﻩ ﺻﻮﻧﻴﻪ ﻣﻐﻠﻔﻪ ﺑﺎﻟﺴﻠﻔﺮ .. ﺧﺶ ﻟﻠﺤﻮﺵ .. ﻟﻘﺎﻫﺎ ﺗﻘﺮﺍ ..
ﺣﺴﺎﻥ : ﺍﻫﻮ ﺟﺒﺘﻠﻚ ﺍﻟﻌﺸﻲ .. ﺣﻂ ﺍﻟﺼﻮﻧﻴﻪ ﻉ ﺍﻟﻄﺎﻭﻟﻪ .. ﻭﻣﺸﻲ ﻟﻠﻜﻮﺟﻴﻨﻪ ﺟﺎﺏ ﺻﻔﺮﺓ ﻭﻛﺸﻴﻚ ﻭﻋﺼﻴﺮ ﻭﻃﻠﻊ ﺣﻄﻬﻢ ﻭﻗﻌﻤﺰ ﺣﻮﻝ ﺍﻟﺴﻠﻔﺮ .. ﻛﺎﻥ ﻓﻲ ﺍﻟﺼﻮﻧﻴﻪ ﺭﺯ ﺃﺑﻴﺾ ﻭﻣﻌﺎﻩ ﺍﻣﺒﻄﻦ ﻭﺑﻮﺭﻳﻚ ﺟﺒﺪﻩ ..
ﺣﺴﺎﻥ : ﻧﺠﻲ ﺟﻨﺒﻚ ﻋﺎﺩﻱ ..
ﻫﺎﻟﻪ ﺑﻌﺪ ﻣﺎﺣﻮﻟﺖ ﺍﻟﺸﻴﺘﺎﺕ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﻣﺒﺘﺴﻤﻪ ..
ﺟﻲ ﺟﻨﺒﻬﺎ ﻭﺍﻟﺼﻔﺮﺓ ﻓﻲ ﺍﻳﺪﻩ ﺣﻂ ﺍﻟﻜﺎﺷﻴﻚ ﻓﻲ ﺻﻮﻧﻴﻪ ﻭﻋﺒﺎﻩ ﺭﺯ ﻭﻣﺪﻫﻮﻟﻬﺎ ..
ﻫﺎﻟﻪ ﺍﺑﺘﺴﻤﺖ ﻭﻓﺘﺤﺖ ﻓﻤﻬﺎ ﻭﻛﻠﺖ ..
ﺑﻌﺪﻳﻦ ﻗﺴﻢ ﺷﻮﻳﻪ ﻣﻦ ﻃﺮﻑ ﺍﻣﺒﻄﻨﻪ ﻭﺣﻄﻪ ﻓﻲ ﺍﻟﻜﺎﺷﻴﻚ ﻭﻣﺪﻫﻮﻟﻬﺎ ..
ﻫﺎﻟﻪ : ﺍﻣﻤﻢ .. ﻭﺍﻧﺖ ..
ﺣﺴﺎﻥ : ﻛﻮﻟﻲ ﺍﻧﺘﻲ ﻭﺍﺷﺒﻌﻲ ﻭﺗﻮﻧﺎﻛﻞ ﺑﻌﺪﻳﻦ ... ﻣﺎﺗﺎﻛﻠﻴﺶ ﺯﻳﻦ ﻳﺎﻫﺎﻟﻪ ﻭﺍﻟﻠﻪ ﻣﺎﺣﻨﺎﻛﻞ
ﻫﺎﻟﻪ ﻗﻌﺪﺕ ﺗﺸﺒﺤﻠﻪ ﻫﻠﺒﻪ : ﺍﻧﺖ ﻣﻦ ﺍﻣﺘﻰ ﻫﻜﻲ ..
ﺣﺴﺎﻥ ﺍﺑﺘﺴﻢ : ﻣﻦ ﻟﻤﺎ ﻋﺮﻓﺘﻚ ..
ﻫﺎﻟﻪ ﺍﺑﺘﺴﻤﺖ ﻭﻓﺘﺤﺖ ﻓﻤﻬﺎ ﻭﻛﻠﺖ ﺍﻟﻤﺒﻄﻦ ﻭﻫﻲ ﻣﺒﺘﺴﻤﻪ ﺑﺨﺠﻞ .. ﻭﻫﻮ ﻳﺘﺄﻣﻞ ﻓﻴﻬﺎ ..💖
***
ﺷﻬﻘﺖ ﺑﻔﺮﺣﻪ ..
ﺟﻨﺎﻥ : ﻭﺍﺧﻴﻴﻴﻴﻴﺮﺍ ﻟﻘﻴﺘﻪ .. ﻗﻌﺪﺕ ﺗﺘﻔﺤﺺ ﻓﻲ ﺣﺴﺎﺏ ﺍﻟﻔﻬﺪ ﻉ ﺍﻟﻔﻴﺲ .. ﻛﺎﻥ ﻛﻠﻪ ﺑﻮﺳﺘﺎﺕ ﺗﺨﺺ ﻋﻤﻠﻪ .. ﻭﻓﻲ ﻧﻔﺲ ﺍﻟﻮﻗﺖ ﻉ ﺍﻷﻡ ﻻﺣﻈﺖ ﺍﻧﻪ ﺃﻏﻠﺒﻬﻢ ﻋﻦ ﺍﻷﻡ ... ﺍﺑﺘﺴﻤﺖ ﻭﺑﺪﻭﻥ ﺗﺮﺩﺩ ﺑﻌﺘﺖ ﻃﻠﺐ .. ﻭﺷﻜﻠﻪ ﻣﺎﻛﺎﻧﺶ ﻓﺎﺗﺢ ..
ﺟﻨﺎﻥ : ﻳﺎﺍﺍﺍﺭﺏ ﻳﻘﺒﻠﻪ ﻭﻳﻌﺮﻓﻨﻲ ﻃﻮﻝ ... ﺳﻜﺮﺕ .. ﻭﺧﺸﺖ ﺳﺮﻳﺮﻫﺎ ﻭﺭﻗﺪﺕ ...
***
ﺗﺎﻧﻲ ﻳﻮﻡ
ﺍﻟﺼﺒﺢ ..
ﻋﻠﻴﺎ : ﺻﺒﺎﺣﻮ ﻫﻠﻮﻝ ..
ﻫﺎﻟﻪ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﻮﺭﺩ ﻟﻮﻟﻮ ..
ﺑﺮﻧﻴﻪ ﺟﺘﻬﻢ : ﺻﺒﺎﺣﻚ ﻣﺒﺮﻭﻙ ﻭﻋﻮﻙ ﻣﻬﻠﻮﻙ ﺑﻨﻴﺘﻲ ..
ﻫﺎﻟﻪ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﺨﻴﺮﺍﺕ ﻳﺎﺣﻨﺎﻱ
ﺑﺮﻧﻴﻪ : ﻫﻴﺎ ﺗﻌﺎﻟﻮﺍ ﺍﻓﻄﺮﻭﺍ ...
ﺧﺸﻮﺍ ﻓﻄﺮﻭﺍ .. ﻭﺑﻌﺪﻳﻦ ﻃﻠﻌﻮﺍ ..
ﻋﻠﻴﺎ : ﺣﻨﺎﻱ ﺍﻟﻴﻮﻡ ﺑﻨﺨﻄﻢ ﻉ ﺣﻮﺵ ﺃﻫﻠﻲ ..
ﺣﻨﺎﻱ : ﺑﻨﻴﺘﻲ ﺍﻟﺸﻮﺭ ﻣﺶ ﺷﻮﺭﻱ ..
ﻋﻠﻴﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ .. ﻭﺑﻌﺪﺕ ﺷﻮﻳﻪ ﻃﻠﻌﺖ ﺗﻠﻴﻔﻮﻧﻬﺎ ﻭﺣﻄﺖ ﻉ ﺭﻗﻤﻪ ﺗﻨﻬﺪﺕ ﻭﺍﺗﺼﻠﺖ ..
: ﺗﻔﻀﻞ ﻳﺎﻓﻨﺪﻱ ..
ﺍﻟﺤﺴﻦ : ﻳﺒﺎﺭﻙ ﻓﻴﻚ ﻳﺎﻫﺸﺎﻡ ..
ﻃﻠﻊ ﺍﻟﻌﻨﺼﺮ ﻭﺍﻟﺤﺴﻦ ﻛﻴﻒ ﺑﺎﺩﻱ ﺑﻴﻔﻄﺮ ﺭﻥ ﺗﻠﻴﻔﻮﻧﻪ .. ﺷﺎﻑ ﺍﻟﺮﻗﻢ ﻗﻠﺒﻪ ..💓💓💓💓💓💓💓 ﺭﺩ ..
ﺍﻟﺤﺴﻦ : ﻧﻌﻢ ..
ﻋﻠﻴﺎ : ﺻﺒﺎﺡ ﺍﻟﺨﻴﺮ ..
ﺍﻟﺤﺴﻦ : ﺧﻴﺮ ..
ﻋﻠﻴﺎ ﺑﻀﻴﻖ : ﺍﺣﻤﻢ .. ﻧﺒﻲ ﻧﻤﺸﻲ ﻧﺰﻭﺭ ﺍﻫﻠﻲ ﺑﻌﺪ ﺍﻟﺠﺎﻣﻌﻪ ..
ﺍﻟﺤﺴﻦ : ﺍﻣﺸﻲ ..
ﻋﻠﻴﺎ : ﺍﺳﺘﻨﻰ ﻣﺎﺗﺴﻜﺮﺵ ..
ﺍﻟﺤﺴﻦ : ﻣﺶ ﻓﺎﺿﻲ ﺍﺧﺘﺼﺮﻱ ...
ﻋﻠﻴﺎ ﻗﻠﺒﻬﺎ ﻭﺟﻌﻬﺎ ﻣﻦ ﻣﻌﺎﻣﻠﺘﻪ ﺍﻟﻘﺎﺳﻴﻪ : ﺍﻥ ﺷﺎﺀ ﺍﻟﻠﻪ ﺣﺘﺮﺗﺎﺡ ﻣﻨﻲ ﻋﻦ ﻗﺮﻳﺐ ﻭﻗﺘﻬﺎ ﺣﻨﻤﺸﻲ ﻭﻣﺶ ﺣﻨﻮﻟﻲ ﻭﺳﻜﺮﺕ ﻋﻠﻴﻪ ..
ﻫﻮ ﺃﻭﻝ ﻣﺮﺓ ﺣﺪ ﻳﺪﻳﺮﻫﺎﻟﻪ ﻭﻳﺴﻜﺮ ﻋﻠﻴﻪ .. ﻟﻜﻦ ﻫﻮ ﻣﺎﻓﻜﺮﺵ ﻓﻲ ﺍﻟﺤﺮﻛﻪ ... ﻓﻜﺮ ﻓﻲ ﻛﻠﻤﺘﻬﺎ ﻟﻤﺎ ﻗﺎﻟﺖ ﻧﻤﺸﻲ ﻣﻌﺎﺵ ﻧﻮﻟﻲ .. ﻻﻭﻳﻴﻴﻦ ﻣﺎﺗﻔﻜﺮﺵ ﺣﺘﻰ ﻣﺠﺮﺩ ﺍﻟﺘﻔﻜﻴﺮ ﻓﻴﻬﺎ .. ﻣﺎﺩﺍﻡ ﺧﺸﺖ ﻗﻠﺒﻪ ﺣﺘﻰ ﻓﻲ ﺍﻟﺤﻠﻢ ﻣﺶ ﺣﺘﻄﻠﻊ ﻣﻦ ﺣﻴﺎﺗﻪ ﺇﻻ ﺑﺎﻟﻤﻮﺕ ..
***
ﺻﺒﺎﺡ ﺍﻟﺨﻴﺮ ..
ﺯﺍﻫﻴﻪ ﻭﺭﻳﺎﺽ : ﺻﺒﺎﺡ ﺍﻟﻨﻮﺭ ..
ﺧﻮﻟﻪ ﻗﻌﻤﺰﺕ ﺑﺈﺑﺘﺴﺎﻣﻪ ﻭﺯﻋﺖ ﻧﻈﺮﻫﺎ ﻋﻠﻴﻬﻢ : ﺷﻦ ﺟﻮ ..
ﺍﻟﺰﻭﺯ ﺑﺄﺻﻮﺍﺕ ﻣﺘﻘﻄﻌﻪ : ﺗﻤﺎﻡ .. ﻣﻠﻴﺢ ..
ﻛﺎﻧﺖ ﺧﻮﻟﻪ ﺟﺎﻳﺒﻪ ﻣﻌﺎﻫﺎ ﺣﺎﻓﻈﻪ .. ﻓﺘﺤﺘﻬﺎ .. ﻭﻧﺎﺿﺖ ﺟﺖ ﻟﺮﻳﺎﺽ ﺗﻔﻀﻞ .. ﺷﺎﺍﻑ ﻟﻘﺎﻩ ﻛﺐ ﻛﻴﻚ .. ﺧﺪﺍﻩ
ﺭﻳﺎﺽ ﺑﺈﺑﺘﺴﺎﻣﻪ : ﺷﻜﺮﺍ ..
ﺧﻮﻟﻪ ﺍﺑﺘﺴﻤﺖ : ﻋﻔﻮﺍ .. ﻭﻣﺸﺖ ﻟﺰﺍﻫﻴﻪ ﻋﻄﺘﻬﺎ ..
ﺯﺍﻫﻴﻪ ﺧﺪﺕ ﻛﻼﺗﻪ : ﻳﻬﺒﻞ ﻋﻄﻴﻚ ﺍﻟﺼﺤﻪ ..
ﺧﻮﻟﻪ ﻭﻟﺖ ﻟﻠﻤﻜﺘﺐ ﺑﺈﺑﺘﺴﺎﻣﻪ : ﺳﻠﻤﻚ ..
ﺯﺍﻫﻴﻪ : ﺍﻣﻤﻢ ... ﺣﻲ ﺣﻲ ﺣﻲ ﻟﻮﻳﻨﺪﺭﻱ ﺍﻟﻜﺎﺑﻮ ﺍﻟﻜﺒﻴﺮ ﺍﻥ ﻧﺎﻛﻠﻮﺍ ﻓﻲ ﺍﻟﻤﻜﺘﺐ ...
ﺧﻮﻟﻪ ﺑﺨﻠﻌﻪ : ﺣﻘﻪ ﻣﻤﻨﻮﻉ ..
ﺯﺍﻫﻴﻪ : ﻫﻮ ﺍﺳﺘﺎﺩ ﻭﻟﻴﺪ ﻋﺎﺩﻱ .. ﺑﺲ ﺍﺳﺘﺎﺫ ﺍﻟﺮﺍﻭﻱ ﻟﻤﺎ ﻳﻘﻠﺐ ﺍﻟﺪﻧﻴﺎ ..
ﺧﻮﻟﻪ : ﺍﻟﺮﺍﻭﻱ ! ؟؟
ﺯﺍﻫﻴﻪ : ﺻﺎﺣﺐ ﺍﻟﺸﺮﻛﻪ ...
ﺧﻮﻟﻪ : ﻗﺼﺪﻙ ﻣﺶ ﺍﺳﺘﺎﺫ ﻭﻟﻴﺪ ﺻﺎﺣﺐ ﺍﻟﺸﺮﻛﻪ ..
ﺯﺍﻫﻴﻪ : ﻻ .. ﻭﺍﺣﺪ ﺗﺎﻧﻲ ﺻﺎﺣﺒﻬﺎ .. ﻋﻤﺮﻱ ﻣﺎﺭﻳﺘﻪ ﻧﺴﻤﻊ ﺑﺈﺳﻤﻪ .. ﺍﻟﺮﺍﻭﻱ ﻳﻘﻮﻟﻮﻟﻪ .. ﻣﺎﻳﺠﻴﺶ ﺇﻻ ﻧﺎﺩﺭﺍ ..
ﺭﻳﺎﺽ ﻳﺴﻤﻊ ﺑﺘﺮﻛﻴﺰ ..
ﺯﺍﻫﻴﻪ : ﻭﺍﺣﺪ ﻳﺎﻛﺒﺪﻱ ﻧﺎﺭ ﺟﻬﻨﻢ ﻣﻦ ﻳﻘﺮﺑﻬﺎ ...
ﺧﻮﻟﻪ : ﻭﻛﻴﻒ ﺣﻜﻤﺘﻲ ﻋﻠﻴﻪ ﻫﻜﻲ ﺩﺍﻣﻚ ﻣﺎﺷﻔﺘﻴﺸﻲ ﻗﺒﻞ ..
ﺯﺍﻫﻴﻪ : ﻫﻜﻲ ﻛﻠﻬﻢ ﻳﺤﻜﻮﺍ ..
ﺧﻮﻟﻪ ﺑﻀﺤﻜﻪ : ﻭﺃﻛﻴﺪ ﺍﻟﻠﻲ ﻳﺤﻜﻮﺍ ﺳﻤﻌﻮﺍ ﻣﻦ ﻧﺎﺱ ﺗﺎﻧﻴﻪ ﺳﻤﻌﻮﺍ ﻣﻦ ﻳﻠﻲ ﻳﺤﻜﻮﺍ ...
ﺯﺍﻫﻴﻪ : ﻫﻬﻬﻬﻬﻬﻬﻬﻬﻪ
ﺭﻳﺎﺽ ﺷﺒﺤﻠﻬﺎ ﺍﺑﺘﺴﻢ ..
ﺧﻮﻟﻪ : ﻋﻤﺮﻙ ﻣﺎﺗﺤﻜﻤﻲ ﻉ ﺣﺪ ﻣﻦ ﻛﻼﻡ ﺍﻟﻨﺎﺱ ﻋﻠﻴﻪ ﻋﺎﺷﺮﻳﻪ ﻭﺑﻌﺪﻳﻦ ﺍﺣﻜﻤﻲ ...
ﺯﺍﻫﻴﻪ : ﺻﺪﻗﺘﻲ ... ﻫﻲ ﺧﻞ ﻧﻠﻬﻮﺍ ﺑﺨﺪﻣﺘﻨﺎ ﺧﺎﻳﻔﻪ ﻳﻜﻮﻥ ﻣﺪﺍﻳﺮ ﺳﻤﺎﻋﺎﺕ ﻭﻳﺴﻤﻊ ﻓﻴﻨﺎ ..
ﺧﻮﻟﻪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺯﺍﻫﻴﻪ : ﻫﻬﻬﻬﻬﻬﻬﻬﻬﻬﻬﻪ .. ﻭﺑﺪﻭﺍ ﻳﺨﺪﻣﻮﺍ ﻭﺭﻳﺎﺽ ﻋﻴﻮﻧﻪ ﻉ ﺧﻮﻟﻪ .. ﻗﺎﻣﺖ ﻋﻴﻮﻧﻬﺎ ﻟﻘﺎﺗﻪ ﻳﺸﺒﺤﻠﻬﺎ ﻭﺟﻬﻬﺎ ﺣﻤﺮ ﻭﻏﻴﺮﺕ ﻧﻈﺮﻫﺎ ﺑﺴﺮﻋﻪ ...
***
ﺟﺎﻫﺎ ﺍﻟﺴﻮﺍﻕ ﺑﻜﺮﻱ ﻟﻠﺠﺎﻣﻌﻪ ﺑﺶ ﺑﻴﺮﻓﻌﻬﺎ ﻟﺤﻮﺵ ﺃﻫﻠﻬﺎ .. ﻭﻫﻲ ﻃﺎﻟﻌﻪ .. ﺟﺎﻫﺎ ﻭﺍﺣﺪ ..
: ﺍﻧﺘﻲ ﻋﻠﻴﺎ ﺍﻟﺤﺎﻓﻆ ..
ﻋﻠﻴﺎ : ﺍﻳﻪ ..
: ﺧﻮﺩﻱ .. ﻣﺪﻟﻬﺎ ﻓﻼﺵ .. ﺧﻮﺩﻱ ﺑﺴﺮﻋﻪ ..
ﻋﻠﻴﺎ ﻣﻦ ﺍﻟﺮﺑﻜﻪ ﺧﺪﺍﺗﻪ .. ﻭﻫﻮ ﻣﺸﻲ ﺑﺴﺮﻋﻪ .. ﻃﻠﻌﺖ ﻭﻫﻲ ﻣﺶ ﻓﺎﻫﻤﻪ ﺷﻲ ﻣﻦ ﺍﻟﻠﻲ ﺻﺎﺭ ﻭﺻﻠﺖ ﻓﻲ ﺍﻟﺴﻴﺎﺭﺓ ﺭﻛﺒﺖ ﻭﺗﺤﺮﻙ ﺑﻴﻬﺎ ...
***
ﺯﻳﻨﺐ : ﺍﻧﻲ ﻃﺎﻟﻌﻪ ﻟﺠﺎﺭﺗﻨﺎ ﻣﺒﺮﻭﻛﻪ ...
ﺃﻣﻴﺮﻩ : ﺑﺮﻱ ﻣﺎﻣﺎ ..
ﺯﻳﻨﺐ : ﺣﺎﻟﻚ ﺍﺣﺴﻦ ﻣﺘﺄﻛﺪﻩ ﻧﻄﻠﻊ ..
ﺍﻣﻴﺮﻩ : ﺍﻃﻠﻌﻲ ﻣﺎﻣﺎ ﻣﺎﺩﻭﺭﻳﺶ ..
ﺯﻳﻨﺐ : ﺑﺎﻫﻲ ﺳﺎﻋﻪ ﻭﻧﺮﻭﺡ .. ﻣﺸﺖ ..
ﺍﻣﻴﺮﻩ ﻭﻟﺖ ﺗﻘﺮﺍ ...
...
ﺷﻮﻳﻪ ﻭﺣﻄﻬﺎ ﺍﻟﺴﻮﺍﻕ ﻭﻣﺸﻲ .. ﻟﻘﺖ ﺑﺎﺏ ﺍﻟﺤﻮﺵ ﺍﻟﺒﺮﺍﻧﻲ ﻣﺮﺩﻭﺩ ﺍﺑﺘﺴﻤﺖ ﻓﺘﺤﺎﺗﻪ ﻭﺧﺸﺖ .. ﻳﺎﺍﺍﺍﺍﺍﻩ ﻗﺪﺍﺵ ﺍﺳﺘﺎﺣﺸﺖ ﻫﺎﻟﺤﻮﺵ ﻭﺍﻳﺎﻣﻬﺎ ﻓﻴﻬﺎ .. ﺧﺸﺖ ﺩﺍﺧﻞ .. ﻃﻠﻌﺖ ﺍﻟﻤﻔﺘﺎﺡ ﻭﻓﺘﺤﺖ ﺑﺎﺏ ﺍﻟﺤﻮﺵ ﺍﻟﺪﺧﻼﻧﻲ .. ﻭﺧﺸﺖ ﺣﺴﺖ ﺍﻟﺤﻮﺵ ﻓﺎﺿﻲ .. ﻛﻤﻠﺖ ﻃﺮﻳﻘﻬﺎ ﻟﺪﺍﺭﻫﺎ ﻟﻘﺘﻬﺎ ﻣﻔﺘﻮﺣﻪ ﻭﺍﻣﻴﺮﻩ ﻻﻫﻴﻪ ﺑﺎﻟﻘﺮﺍﻳﻪ ..
ﻋﻠﻴﺎ : ﻃﺎﻟﺒﻪ ﻋﻠﻢ ..
ﺍﻣﻴﺮﻩ : ﻫﻴﻴﻴﻴﻴﻴﻴﻴﻴﻴﻴﻴﻲ .. ﻭﻧﺎﺿﺖ ﺗﺠﺮﻱ ﻷﺧﺘﻬﺎ ﻭﺣﻀﻨﺘﻬﺎ .. ﻭﻗﻌﺪﺕ ﺗﺒﻮﺱ ﻓﻴﻬﺎ ﻭﻋﻠﻴﺎ ﺗﻀﺤﻚ .. ﻗﻌﻤﺰﻭﺍ ﻳﻬﺪﺭﺯﻭﺍ ﻭﺍﻣﻴﺮﺓ ﺗﻘﺼﻘﺺ ﻓﻴﻬﺎ ..
ﻋﻠﻴﺎ : ﻻﺑﺎﺱ ﻋﻠﻴﻚ ﺣﺒﻴﺒﺘﻲ ..
ﺃﻣﻴﺮﻩ : ﺗﻮﺍ ﺃﺣﺴﻦ ﺑﻬﻠﺒﻪ .. ﺷﺒﺤﺖ ﻟﻌﻠﻴﺎ ﻫﻠﺒﻪ ...
ﻋﻠﻴﺎ : ﺷﻦ ﺗﺒﻲ ﺗﻘﻮﻟﻲ ..
ﺍﻣﻴﺮﻩ : ﺑﻨﻘﻮﻟﻚ ﻟﻜﻦ ﻣﺎﺗﻘﻮﻟﻲ ﻟﺤﺪ ..
ﻋﻠﻴﺎ ﺑﺨﻮﻑ : ﻗﻮﻟﻲ ..
ﺍﻣﻴﺮﺓ : ﻣﺎﻣﺎ ﺍﻟﻤﺪﺓ ﺍﻟﻠﻲ ﻓﺎﺗﺖ ﻫﺒﻂ ﺿﻐﻄﻬﺎ ..
ﻋﻠﻴﺎ ﺿﺮﺑﺖ ﺑﺄﻳﺪﻫﺎ ﻉ ﺧﺪﻫﺎ ..
ﺍﻣﻴﺮﻩ : ﺍﻫﺪﻱ ﺗﻮﺍ ﺣﺎﻟﻬﺎ ﺑﺎﻫﻲ ﺍﻟﺤﻤﺪ ﻟﻠﻪ .. ﺑﺲ ﻣﺶ ﻫﺬﺍ ﺍﻟﻠﻲ ﺑﻨﻘﻮﻟﻪ ..
ﻋﻠﻴﺎ : ﺗﻜﻠﻤﻲ ﻗﻄﻌﺘﻴﻨﻲ ..
ﺍﻣﻴﺮﻩ : ﻭﺑﺎﺑﺎ ﻭﻣﺼﻌﺐ ﻣﻬﻨﺎﺵ .. ﻣﻨﺬﺭ ﺟﻲ ﻟﻠﺤﻮﺵ ..
ﻋﻠﻴﺎ ﺑﺼﺪﻣﻪ : ﺷﻨﻮﻭﻭﻭﻭﻭﻭﻭﻭﻭﻭﻭ
ﺍﻣﻴﺮﻩ : ﺍﻳﻪ .. ﻭﺍﻣﻲ ﻣﺎﺑﺘﺶ ﺗﻜﻠﻤﻪ ﻭﻻ ﺗﻌﺪﻝ ﻋﻠﻴﻪ .. ﻫﻮ ﺧﺶ ﻟﻠﺪﺍﺭ ﺷﺒﺤﻠﻲ ﺷﺒﺤﻪ ﺧﻮﻓﺘﻨﻲ .. ﻗﻌﺪ ﻳﺪﻭﺭ ﻓﻲ ﺩﻭﻻﺑﻚ ﻃﻠﻊ ﻟﻌﺒﺘﻚ ﻫﺬﻳﻜﺎ ﻭﻃﻠﻊ ﻣﻦ ﺍﻟﺤﻮﺵ ..
ﻋﻠﻴﺎ ﺣﻄﺖ ﺍﻳﺪﻫﺎ ﻉ ﺭﺍﺳﻬﺎ ﻣﻦ ﻫﻮﻝ ﺍﻟﻠﻲ ﺗﺴﻤﻊ ﻓﻴﻪ ..
ﺍﻣﻴﺮﻩ : ﻣﺎﻧﺤﻜﻠﻴﻜﺶ ﻗﺮﻳﺐ ﻣﺘﺖ ﻣﻦ ﺍﻟﺨﻮﻑ ..
ﻋﻠﻴﺎ : ﻳﺎﺍﺍﺍﺭﺑﻲ ﺧﻴﺮﻩ ﻫﺬﺍ .. ﺧﻴﺮﻩ
ﺍﻣﻴﺮﻩ : ﺍﻧﻲ ﺧﺒﺮﺗﻚ ﺑﺶ ﺗﺎﺧﺪﻱ ﺍﺣﺘﻴﺎﻃﻚ ..
ﺍﺑﺘﺴﻤﺖ ﻋﻠﻴﺎ ﺑﺘﻬﻜﻢ ﻭﺣﻜﺘﻠﻬﺎ ﻉ ﺍﻟﻠﻲ ﺻﺎﺭ ﻣﻦ ﻳﻮﻣﻴﻦ ...
ﺍﻣﻴﺮﻩ : ﻭﺍﺍﺍﺍﻙ ﻳﺎﺭﺑﻲ ﺷﻦ ﻣﺎﺯﺍﻝ ﻳﺒﻲ ﻣﻨﻚ ..
ﻋﻠﻴﺎ : ﻳﺘﺤﺪﻯ ﻓﻲ ﺍﻟﺤﺴﻦ ..
ﺍﻣﻴﺮﻩ : ﺻﺢ ... ﺍﻳﻪ ﺷﻦ ﺟﻮﻙ ﺍﻧﺘﻲ ﻭﻳﺎﻩ ..
ﻋﻠﻴﺎ ﺗﻨﻬﺪﺕ : ﻋﺎﺩﻱ ... ﺍﻳﻪ ﺣﻘﻪ ﺍﻟﻼﺏ ﻣﺘﺎﻋﻚ ﻭﻳﻨﻪ ..
ﺍﻣﻴﺮﻩ : ﻏﺎﺩﻱ ..
ﻋﻠﻴﺎ ﻭﺟﻬﺖ ﻧﻈﺮﻫﺎ ﻭﻳﻦ ﻣﺎﺃﺷﺮﺕ ﺃﺧﺘﻬﺎ ﻧﺎﺿﺖ ﺧﺪﺍﺗﻪ ﻭﺟﺖ ﺣﺪﺍﻫﺎ ﻭﻓﺘﺤﺎﺗﻪ ..
ﻋﻠﻴﺎ : ﺑﻜﺮﻱ ﻭﻗﻒ ﻋﻠﻴﺎ ﻭﺍﺣﺪ ﻗﺎﻟﻲ ﺍﻧﺘﻲ ﻋﻠﻴﺎ ﺍﻟﺤﺎﻓﻆ ﻗﺘﻠﻪ ﺍﻳﻪ ﻋﻄﺎﻧﻲ ﻫﺎﻟﻔﻼﺵ ﻭﻣﺸﻲ ..
ﺍﻣﻴﺮﻩ : ﺯﻋﻤﻪ ﺷﻨﻮ ﻓﻴﻪ ..
ﻋﻠﻴﺎ : ﺗﻮ ﻧﺸﻮﻓﻮﺍ .. ﺣﻄﺖ ﺍﻟﻔﻼﺵ .. ﻭﻛﻴﻒ ﺑﺎﺩﻱ ﻳﻔﺘﺢ ﻛﺎﻥ ﻣﻜﺘﻮﺏ .. ﻛﻼﻡ ..
( ﻛﻞ ﺍﻟﻠﻲ ﺣﺘﺸﻮﻓﻴﻪ ﻓﻲ ﺍﻟﻔﻼﺵ ﻣﻮﺛﻖ ﺑﺎﻟﺘﺎﺭﻳﺦ ﻭﺍﻟﻴﻮﻡ )
ﻓﺠﺄﻩ ﻃﻠﻊ ﻓﻴﺪﻳﻮ .. ﺍﻣﻴﺮﻩ ﻗﻠﺒﺖ ﻭﺟﻬﻬﺎ .. ﻟﻜﻦ ﻋﻠﻴﺎ ﻗﻌﺪﺕ ﻓﺎﺗﺤﻪ ﻋﻴﻮﻧﻬﺎ ﺑﺼﺪﻣﻪ ﺷﺪﻳﺪﻩ ..
ﻛﺎﻧﺖ ﻓﻴﺪﻳﻮﺍﺕ ﻣﺼﻮﺭﺓ ﻟﻤﻨﺼﻒ ﻣﻊ ﺑﻨﺎﺕ ﻟﻴﻞ ﻓﻲ ﺍﻟﺒﺎﺭﺍﺕ .. ﻭﻓﻲ ﺍﻟﻠﻲ ﻓﺪﻳﺎﺭ ﺍﻟﻨﻮﻡ .. ﻭﻛﺎﻥ ﺃﻏﻠﺒﻬﺎ ﻓﻲ ﻓﺘﺮﺓ ﺧﻄﻮﺑﺘﻬﺎ ﻫﻲ ﻭﻳﺎﻩ .. ﻟﻴﻦ ﻭﺻﻠﺖ ﻓﻲ ﻓﻴﺪﻳﻮ ﻛﺎﻥ ﺍﻭﻓﺮ ﺑﺰﻳﺎﺩﻩ ﺳﻜﺮﺕ ﺍﻟﻼﺏ ﻭﻣﺸﺖ ﻃﻮﻝ ﻟﻠﺤﻤﺎﻡ ﻭﻗﻌﺪﺕ ﺗﺮﺟﻊ .. ﻭﺍﻣﻴﺮﺓ ﺩﻣﻮﻋﻬﺎ ﻧﺰﻟﻮﺍ ﻭﻗﻌﺪﺕ ﺗﺴﺐ ﻭﺗﻠﻌﻦ .. ﻟﺤﻘﺖ ﺍﺧﺘﻬﺎ ..
ﺍﻣﻴﺮﻩ : ﻋﻠﻴﺎ .. ﻋﻠﻴﺎ ..
ﻋﻠﻴﺎ ﻃﻠﻌﺖ ﻣﻦ ﺍﻟﺤﻤﺎﻡ ﻭﻫﻲ ﻣﺼﺪﻭﻣﻪ : ﺷﻨﻮ ﺍﻟﻠﻲ ﺷﻔﺘﻪ ﺗﻮﺍ ﻳﺎﺃﻣﻴﺮﻩ ..
ﺃﻣﻴﺮﻩ : ﺣﻘﻴﻘﺔ ﻣﻨﺼﻒ ﻳﺎﻋﻠﻴﺎ ﺍﻟﻠﻲ ﻳﺎﻣﺎ ﻟﻤﺤﺘﻠﻚ ﻋﻨﻬﺎ ..
ﻋﻠﻴﺎ : ﻗﺼﺪﻙ ﺍﻧﺘﻲ ﻛﻨﺘﻲ ﺗﻌﺮﻓﻲ ..
ﺍﻣﻴﺮﻩ : ﺇﻳﻪ .. ﻭﺣﻜﺘﻠﻬﺎ ﻉ ﻣﻮﻗﻒ ﺍﻟﺘﻠﻴﻔﻮﻥ ..
ﻋﻠﻴﺎ : ﻋﻼﺵ ﻳﺎﺃﻣﻴﺮﺓ ﻋﻼﺵ ﻣﺎﻗﻠﺘﻴﺶ
ﺍﻣﻴﺮﻩ : ﺷﻦ ﺑﻨﻘﻮﻝ ﻳﺎﻋﻠﻴﺎ ﺍﻧﺘﻲ ﻛﻨﺖ ﻣﻌﻤﻴﻪ ﻓﻴﻪ ﻉ ﺍﻵﺧﺮ ﺣﺘﻰ ﺗﻠﻤﻴﺤﺎﺗﻲ ﻋﻨﻪ ﻣﺎﻗﺒﻠﺘﻴﻬﺎ .. ﻳﺎﺑﺎﻝ ﻟﻮ ﻗﺘﻠﻚ ﻉ ﺍﻟﻠﻲ ﺷﻔﺘﻪ ﻣﺶ ﺣﺘﺼﺪﻗﻴﻨﻲ ..
ﺭﻥ ﺗﻠﻴﻔﻮﻥ ﻋﻠﻴﺎ ﻭﻛﺎﻥ ﺍﻟﺴﻮﺍﻕ ﻭﻫﻲ ﻓﻲ ﻋﺰ ﺻﺪﻣﺘﻬﺎ ﺭﺩﺕ ..
ﺳﺎﻟﻢ : ﺑﻨﺘﻲ ﻫﻴﺎ ﺍﻃﻠﻌﻲ ﺍﻷﻓﻨﺪﻱ ﻗﺎﻟﻲ ﺳﺎﻋﻪ ﻭﺭﻭﺡ ﺑﻴﻬﺎ ..
ﻋﻠﻴﺎ : ﻗﻮﻟﻪ ﻣﻌﺎﺵ ﺑﻨﺮﻭﺡ ﺑﻜﻞ ... ﻭﺳﻜﺮﺕ ..
ﺍﻣﻴﺮﺓ ﺑﺼﺪﻣﻪ : ﺷﻦ ﻗﻠﺘﻲ !!!..
ﻋﻠﻴﺎ ﻗﻌﺪﺕ ﺳﺎﻛﺘﻪ ﻭﻣﺼﺪﻭﻣﻪ ... ﻭﺑﺲ ..
....
ﻛﻴﻴﻴﻒ !! ؟
ﺳﺎﻟﻢ : ﻫﻲ ﻫﻜﻲ ﻗﺎﻟﺖ ..
ﺍﻟﺤﺴﻦ : ﺑﺎﻩ ﺑﺎﻩ .. ﻭﺻﻜﺮ .. ﻧﺎﺽ ﻭﻫﻮ ﻣﻌﺼﺐ ﻉ ﺍﻷﺧﺮ ﻃﻠﻊ ﻣﻦ ﻣﻜﺘﺒﻪ ﻭﻣﻦ ﺍﻟﻤﺮﻛﺰ ﻛﻠﻪ ..
...
ﺑﻌﺪ ﺻﻤﺖ .. ﻋﻠﻴﺎ ﻃﻠﻌﺖ ..
ﺍﻣﻴﺮﺓ : ﻭﻳﻦ ﻣﺎﺷﻴﻪ ..
ﻋﻠﻴﺎ : ﺑﻨﺮﻭﺡ ..
ﺍﻣﻴﺮﻩ : ﻋﻠﻴﺎ ﺍﻧﺘﻲ ﻛﻮﻳﺴﻪ ..
ﻋﻠﻴﺎ : ﺍﻳﻪ ﻛﻮﻳﺴﻪ .. ﻳﺴﺘﻨﻰ ﻓﻴﺎ ﺑﺮﺍ ﺍﻟﺴﻮﺍﻕ ﻫﻲ ﺑﺎﻱ ...
ﺍﻣﻴﺮﻩ ﺍﺳﺘﻐﺮﺑﺖ ﻭﻣﺎﻓﻬﻤﺖ ﺷﻲ ..
ﻃﻠﻌﺖ ﻋﻠﻴﺎ ﻣﻦ ﺍﻟﺤﻮﺵ .. ﻗﻌﺪﺕ ﺗﻤﺸﻲ ﻉ ﺭﺟﻠﻴﻬﺎ ﻭﻫﻲ ﻣﺼﺪﻭﻣﻪ ﺑﺪﺕ ﺍﻟﻤﻄﺮ ﺗﺒﺸﺒﺶ ﺑﺲ ﻫﻲ ﻣﺶ ﺣﺎﺳﻪ ﺑﺸﻲ ﻗﻌﺪﺕ ﻣﺎﺷﻴﻪ ﻭﺧﻼﺹ .. ﻟﻤﺎ ﺣﺴﺖ ﺭﺟﻠﻴﻬﺎ ﻣﻌﺎﺵ ﺣﻤﻠﻮﻫﺎ ﻗﻌﻤﺰﺕ ﻉ ﺭﺧﺎﻣﻪ ﻣﺎﺑﻴﻦ ﺍﻟﺤﻴﺎﺵ .. ﻭﻗﻌﺪﺕ ﺗﺒﻜﻲ ﻭﺗﺒﻜﻲ ..
ﺗﻌﺮﻓﻮﺍ ﻋﻼﺵ ﺗﺒﻜﻲ ﻣﺶ ﻉ ﺧﺎﻃﺮ ﺧﻴﺎﻧﺔ ﻣﻨﺼﻒ .. ﻉ ﺧﺎﻃﺮ ﺍﻟﺤﺴﻦ ﺍﻟﻠﻲ ﻗﺮﺭ ﺍﻧﻪ ﻳﺴﻴﺒﻬﺎ ﻣﺠﺮﺩ ﻣﺎﻳﻠﻘﻰ ﺧﻮﻫﺎ ﺑﺴﺒﺐ ﻣﻨﺼﻒ .. ﺑﺴﺒﺐ ﻭﺍﺣﺪ ﻣﺎﻳﺴﻮﺍﺵ ﻇﻔﺮﻩ .. ﻋﻠﻴﺎ ﻗﻌﺪﺕ ﺗﺒﻜﻲ ﻭﺧﻼﺹ .. ﺣﺎﺳﻪ ﺑﺎﻟﻀﻴﺎﻉ .. ﻓﻲ ﻫﺎﻟﻮﻗﺖ ﺩﺭﺳﺖ ﺣﺪﺍﻫﺎ ﺍﻟﺴﻴﺎﺭﺓ ﺍﻧﻔﺘﺢ ﺑﺎﺑﻬﺎ ﻭﻧﺰﻝ ﻣﻨﻬﺎ ﻫﻮ ..
" ﺧﻴﻴﻴﺮﻙ "
ﻋﻠﻴﺎ ﺍﻳﺪﻳﻬﺎ ﻉ ﻭﺟﻬﻬﺎ ﻭﺗﺒﻜﻲ ﻟﻤﺎ ﺳﻤﻌﺖ ﺻﻮﺗﻬﺎ ﻗﻌﺪﺕ ﺗﺒﻜﻲ ﺃﻛﺜﺮ .. ﻫﻮ ﻣﻌﺎﺵ ﺗﺤﻤﻞ ﻧﺰﻝ ﻉ ﺭﻭﺱ ﺻﻮﺍﺑﻌﻪ ..
ﺍﻟﺤﺴﻦ : ﻋﻠﻴﺎ ..
ﺗﺎﻧﻲ ﻣﺮﺓ ﺗﺴﻤﻊ ﻓﻴﻬﺎ ﺍﺳﻤﻬﺎ ﻣﻦ ﻓﻤﻪ ﺑﻨﻔﺲ ﺍﻟﻨﺒﺮﺓ ﻧﺒﺮﺓ ﺍﻟﺨﻮﻑ .. ﻭﻗﻠﺒﻬﺎ ﻳﺘﻜﻬﺮﺏ ﻣﻦ ﺟﺪﻳﺪ ..
ﺍﻟﺤﺴﻦ : ﻋﻼﺵ ﺗﺒﻜﻲ ..
ﻋﻠﻴﺎ ﻗﺎﻣﺖ ﺭﺍﺳﻬﺎ ﻭﺟﻬﻬﺎ ﻛﻠﻪ ﺩﻣﻮﻉ : ﻣﻨﻚ ﺃﻧﺖ ..
ﺍﻟﺤﺴﻦ ﻏﻤﺾ ﻋﻴﻮﻧﻪ ﺑﺸﺪﻩ ﻭﻓﺘﺤﻬﻢ : ﺗﻲ ﻏﻴﺮ ﺷﻦ ﺩﺭﺗﻠﻚ ﺑﺲ ..
ﻋﻠﻴﺎ ﺑﻨﺒﺮﻩ ﺑﺎﻛﻴﻪ : ﺍﻧﺖ ﻣﻌﺎﺵ ﺗﺒﻴﻨﻲ ..
ﺍﻟﺤﺴﻦ ﻳﺸﻮﻑ ﻗﺪﺍﻣﻪ ﻑ ﺑﻨﺖ ﻧﺎﺿﺠﻪ ﺟﺴﺪﻳﺎ ﺑﺲ ﻃﻔﻠﻪ ﻓﻲ ﺃﻏﻠﺐ ﺣﺎﻻﺗﻬﺎ .. ﺍﺑﺘﺴﻢ ﺑﺈﺑﺘﺴﺎﻣﻪ ﻣﺨﺘﻠﻔﻪ ﻋﻠﻴﺎ ﻗﻌﺪﺕ ﺳﺮﺣﺎﻧﻪ ﻓﻴﻬﺎ ..
ﺍﻟﺤﺴﻦ : ﻃﻔﻠﻪ ﻭﺍﻟﻠﻪ ﺍﻟﻌﻈﻴﻢ .. ﻭﺣﺼﻠﺖ ﻓﻴﻬﺎ ..
ﻋﻠﻴﺎ ﻭﻟﺖ ﺗﺒﻜﻲ ﻣﻦ ﺟﺪﻳﺪ .. ﻭﺍﻟﻤﻄﺮ ﺑﺪﺕ ﺗﻘﻮﻯ ..
ﺍﻟﺤﺴﻦ : ﻫﻴﺎ ﻧﻮﺿﻰ ﺍﻟﻤﻄﺮ ﻗﻮﺕ ..
ﻋﻠﻴﺎ : ﻻﺍﺍ ..
ﺍﻟﺤﺴﻦ : ﺍﻟﻠﻬﻢ ﻃﻮﻟﻚ ﻳﺎﺭﻭﺡ .. ﺷﺪﻫﺎ ﻣﻦ ﺍﻳﺪﻫﺎ ﻭﻧﻬﻀﻬﺎ .
ﻋﻠﻴﺎ : ﻣﺶ ﻣﺎﺷﻴﻪ ﻣﻌﺎﻙ ...
ﺍﻟﺤﺴﻦ ﺷﺒﺤﻠﻬﺎ ﻫﻠﺒﻪ ﻗﺪﻡ ﺣﺎﻭﻃﻬﺎ ﻣﻦ ﺧﺼﺮﻫﺎ ﻭﻗﺎﻣﻬﺎ ﻉ ﻛﺘﻔﻪ .. ﻋﻠﻴﺎ ﺍﻧﺼﺪﻣﺖ ﻭﻗﻌﺪﺕ ﺳﺎﻛﺘﻪ ﻭﻓﻲ ﻧﺎﺱ ﻳﺘﻔﺮﺟﻮﺍ ﻋﻠﻴﻬﻢ .. ﻓﺘﺢ ﺍﻟﺒﺎﺏ ﻭﺣﻄﻬﺎ ﺩﺍﺧﻞ .. ﻭﺳﻜﺮﻩ ..
ﺟﺎﻩ ﻭﺍﺣﺪ : ﺧﻠﻲ ﺑﻨﺖ ﺍﻟﻨﺎﺱ ﻓﻲ ﺣﺎﻟﻬﺎ ﻭﻻﻧﺒﻠﻎ ﻓﻴﻚ ..
ﺍﻟﺤﺴﻦ ﺗﻠﻔﺖ ﻭﻫﻮ ﻗﺎﻳﻢ ﺣﻮﺍﺟﺒﻪ : ﺯﻳﺪﻱ ﻏﺎﺩﻱ ﺯﻳﺪ .. ﻭﺭﻛﺐ ﺍﻟﺴﻴﺎﺭﻩ .. ﻭﺗﺤﺮﻙ ﻃﻮﻝ ..
ﺍﻟﺤﺴﻦ : ﻋﺠﺒﻚ ﻫﻜﻲ ..
ﻋﻠﻴﺎ ﺿﺤﻜﺖ ﺑﺼﻤﺖ ..
ﺍﻟﺤﺴﻦ ﻫﺰ ﺭﺍﺳﻪ ﺍﻳﻤﻴﻦ ﻭﻳﺴﺎﺭ : ﻣﺎﻟﻴﻚ ﺣﺎﻟﻬﻢ ﺑﺎﻫﻲ ..
ﻋﻠﻴﺎ : ﺇﻳﻪ .. ﻋﻼﺵ ﺟﻴﺖ ..
ﺍﻟﺤﺴﻦ ﻣﺎﺑﺎﺵ ﻳﺮﺩ ..
ﻋﻠﻴﺎ : ﺍﻧﺖ ﻣﻌﺎﺵ ﻃﺎﻳﻖ ﺣﺘﻰ ﺗﺸﻮﻓﻨﻲ ..
ﺍﻟﺤﺴﻦ : ﻣﺎﺗﻌﺮﻓﻴﺶ ﺗﺴﻜﺘﻲ ..
ﻋﻠﻴﺎ : ﻻﺍﺍﺍ ..
ﺍﻟﺤﺴﻦ : ﺭﺑﻲ ﻳﺼﺒﺮﻧﻲ ﻉ ﻣﺎﺑﻼﻧﻲ ..
ﻋﻠﻴﺎ : ﺭﺑﻲ ﻳﺮﻓﻊ ﻋﻨﻚ ﻫﺎﻟﺒﻠﻮﻩ ﻋﻦ ﻗﺮﻳﺐ ..
ﺍﻟﺤﺴﻦ ﺷﺒﺤﻠﻬﺎ ﻭﺍﺑﺘﺴﻢ : ﺍﻟﻠﻬﻢ ﺯﻳﺪ ﺍﺑﻠﻴﻨﻲ ﺑﻴﻬﺎ ﺍﻛﺜﺮ ﻭﺍﻛﺜﺮ ...
ﻋﻠﻴﺎ ﺷﺒﺤﺘﻠﻪ ﺑﺼﺪﻣﻪ ..
ﺍﻟﺤﺴﻦ ﺷﺒﺢ ﺍﻟﻘﺪﺍﻡ : ﺑﺶ ﻧﺆﺟﺮ ﺑﺼﺒﺮﻱ ﻋﻠﻴﻚ .. ﻭﺗﺨﻒ ﺫﻧﻮﺑﻲ .. ﻭﻧﺨﺶ ﺍﻟﺠﻨﻪ ﻃﻮﻝ ..
ﻋﻠﻴﺎ : ﺍﻧﻲ ﺍﻟﻠﻲ ﺑﻨﺨﺶ ﺍﻟﺠﻨﻪ ﻃﻮﻝ ﻣﻦ ﺻﺒﺮﻱ ﻋﻠﻴﻚ ..
ﺍﻟﺤﺴﻦ ﺿﺤﻚ ﻉ ﺟﻨﺐ ﻭﺳﻜﺖ ..
ﻋﻠﻴﺎ : ﺟﻌﺎﺍﺍﻧﻪ ..
ﺍﻟﺤﺴﻦ : ﻳﺎﺳﺮﻙ ﻳﺎﺳﺮ .. ﻭﺍﻧﺘﻲ ﺩﻳﻤﺎ ﺗﺮﺣﻲ .. ﻛﺘﻔﻲ ﻧﺰﻝ ﺗﻘﻮﻝ ﺣﻄﻴﺖ ﻋﻠﻴﻪ ﺷﻮﺍﻝ ﺳﻜﺮ ..
ﻋﻠﻴﺎ : ﻫﻴﻴﻴﻴﻴﻴﻴﻴﻴﻴﻴﻴﻲ ..
ﺍﻟﺤﺴﻦ : ﻫﻬﻬﻬﻬﻬﻬﻬﻬﻬﻬﻪ
ﻋﻠﻴﺎ ﺳﺮﺣﺖ ﻓﻲ ﺿﺤﻜﺘﻪ ﺣﻠﻮﻩ ﻫﻠﺒﻪ ﻭﺭﺟﻮﻟﻴﻪ ﺗﺸﺒﻬﻠﻪ ..
ﺷﺒﺤﻠﻬﺎ ﻟﻘﺎﻫﺎ ﺗﺸﺒﺤﻠﻪ : ﺧﻴﺮﻙ ..
ﻋﻠﻴﺎ ﻭﺟﻬﻬﺎ ﺍﺣﻤﺮ ﻭﺷﺒﺤﺖ ﺍﻟﻘﺪﺍﻡ : ﻣﻌﺎﺵ ﻧﺒﻲ ﻧﺎﻛﻞ ﺧﻼﺹ ..
ﺍﺑﺘﺴﻢ ﻭﻣﺎﺑﺎﺵ ﻳﺮﺩ ..
ﻭﻗﻒ ﺑﻴﻬﺎ ﻉ ﻣﻘﻬﻰ ﺧﺪﺍﻟﻬﺎ ﺍﺳﻜﺎﻟﻮﺏ ﻓﻲ ﺍﻷﻭﻝ ﺩﺍﺭﺕ ﺭﻭﺣﻬﺎ ﻣﺎﺗﺒﻴﺶ ﺗﺎﻛﻞ ﻭﺑﻌﺪﻳﻦ ﻃﺎﺣﺖ ﻓﻴﻪ .. ﺍﻟﺤﺴﻦ ﻗﻌﺪ ﻳﻨﺎﺷﺐ ﻓﻴﻬﺎ ﻣﺎﺑﺘﺶ ﺗﻌﺪﻝ ﻋﻠﻴﻪ ﻟﻴﻦ ﻛﻤﻠﺖ ..
ﺍﻟﺤﺴﻦ : ﻧﺰﻳﺪﻙ ﻭﺍﺣﺪ ﺗﺎﻧﻲ ..
ﻋﻠﻴﺎ : ﺷﻦ ﺗﺸﺒﺢ ﻓﻴﺎ ﻗﺪﺍﻣﻚ ﺟﺎﺯﻭﺭﺍ ..
ﺍﻟﺤﺴﻦ ﺿﺤﻚ ﻣﺮﺓ ﺗﺎﻧﻴﻪ .. ﻭﻫﻲ ﺳﺮﺣﺖ ﻓﻴﻪ ﻣﻦ ﺟﺪﻳﺪ ..
ﺍﻟﺤﺴﻦ ﺷﺒﺤﻠﻬﺎ ﻭﻫﻲ ﻗﻌﺪﺕ ﺗﺸﺒﺤﻠﻪ .. ﺳﺮﺣﻮﺍ ﻓﻲ ﺑﻌﺾ .. ﺑﻌﺪﻳﻦ ﻫﻮ ﺭﻛﺰ ﻧﻈﺮﻩ ﻉ ﻓﻤﻬﺎ .. ﻋﻠﻴﺎ ﻻﺣﻈﺖ ﺳﺨﻨﺖ ﻭﺗﺤﺸﻤﺖ ..
ﺍﻟﺤﺴﻦ : ﺍﻣﺴﺤﻲ ﺷﺎﺭﺑﻚ ﺍﻟﻔﻮﻗﺎﻧﻲ ..
ﻋﻠﻴﺎ ﻧﺰﻟﺖ ﺍﻟﻮﺍﻗﻲ ﺍﻟﻠﻲ ﻗﺪﺍﻣﻬﺎ ﻛﺎﻧﺖ ﻓﻴﻪ ﻣﺮﺍﻳﻪ ﻟﻘﺖ ﻛﺘﺸﺐ ﻉ ﺷﺎﺭﺑﻬﺎ ﺍﻟﻔﻮﻗﺎﻧﻲ .. ﻃﻠﻌﺖ ﻟﺴﺎﻧﻬﺎ ﻭﻣﺴﺤﺎﺗﻪ ..
ﺍﻟﺤﺴﻦ ﺍﻟﺤﺮﻛﻪ ﻟﺨﺒﻄﺎﺗﻪ ﻫﻠﺒﻪ ﺑﻠﻊ ﺭﻳﻘﻪ ﻭﻗﻌﺪ ﻳﺸﺒﺢ ﺍﻟﻘﺪﺍﻡ .. ﻗﺎﻣﺖ ﺍﻟﻮﺍﻗﻲ ..
ﻋﻠﻴﺎ : ﻫﻴﺎ ﻧﺮﻭﺣﻮﺍ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ﻭﺗﺤﺮﻙ .... ﻭﺑﻄﺮﻳﻘﻬﻢ ﻟﻠﺤﻮﺵ ..
... ﻳﺘﺒﻊ ...
