#الحسن (الوطن عشق رجاله )
ﺍﻟﺍﻟﺠﺰﺀ ﺍﻷﺧﻴﺮ " ﺍﻟﻨﻬﺎﻳﻪ "
للكاتبة GomanFared
ﻋﻠﻴﺎ ﻳﻮﻣﻬﺎ ﺭﻭﺣﺖ ﻃﻮﻝ .. ﺧﺒﺮﺕ ﺃﻣﻬﺎ ﺇﻧﻬﺎ ﺣﺎﻣﻞ ﻭﺧﺸﺖ ﻟﻠﺪﺍﺭ ﻭﺣﺒﺴﺖ ﺭﻭﺣﻬﺎ ﻓﻴﻬﺎ ﻭﻗﻌﺪﺕ ﺗﺒﻜﻲ ...
ﺟﻌﻔﺮ ﻟﻤﺎ ﻋﺮﻑ ﺯﺍﺩ ﻭﺟﻌﻪ ﻉ ﺑﻨﺘﻪ ﺃﻛﺜﺮ ﻭﺃﻛﺜﺮ ﺛﻘﻞ ﻋﻠﻴﻬﺎ ﺍﻟﺤﻤﻞ ﺃﻛﺜﺮ ﻭﺃﻛﺜﺮ ...
🍁🍁🍁🍁
ﺣﻤﻠﻬﺎ ﻫﺬﺍ ﻣﺘﻌﺐ ﺃﻛﺜﺮ ﻛﺎﻥ ﺍﻟﻮﺣﻢ ﻗﻮﻱ ﻫﻠﺒﻪ ... ﺷﺒﻪ ﻣﺎﻳﻘﻌﺪ ﺷﻲ ﻓﻲ ﺑﻄﻨﻬﺎ .. ﻭﺭﻓﻌﻮﻫﺎ ﻫﻠﺒﻪ ﺩﺍﺭﺕ ﺗﻐﺪﻳﻪ .. ﻭﻧﻔﺴﻴﺘﻬﺎ ﺍﻟﺘﺎﻋﺒﻪ ﺯﺍﺩﺗﻬﺎ ﻉ ﻣﺎﺑﻴﻬﺎ ... ﻣﻊ ﻫﺬﺍ ﻛﺎﻧﺖ ﺗﻘﺎﻭﻡ ﻭﺗﻤﺸﻲ ﻟﻠﻜﻠﻴﻪ ﻟﻤﺎ ﺗﺤﺲ ﺭﻭﺣﻬﺎ ﻛﻮﻳﺴﻪ ﻭﺣﺘﻰ ﺃﻋﻀﺎﺀ ﻫﻴﺌﺔ ﺍﻟﺘﺪﺭﻳﺲ ﻓﻲ ﻛﻠﻴﺘﻬﺎ ﺳﺎﻋﺪﻭﻫﺎ ﻧﻈﺮﺍ ﻟﻤﺴﺘﻮﺍﻫﺎ ﺍﻟﻤﻤﺘﺎﺯ ﻓﻲ ﺍﻟﻘﺮﺍﻳﻪ ...
ﻣﺮ ﻣﻦ ﺣﻤﻠﻬﺎ ﺃﺭﺑﻌﻪ ﺷﻬﻮﺭ ﻭﺍﻟﻮﺣﻢ ﺧﻒ ﺷﻮﻳﻪ ...
ﻛﺎﻧﺖ ﻣﻘﻌﻤﺰﺓ ﻓﻲ ﺍﻟﻘﺎﻋﻪ ﻻﻫﻴﻪ ﺑﺎﻟﻼﺏ ﺗﻮﺏ ﻭﻻﺑﺴﻪ ﻧﻈﺎﺭﺍﺕ ﻃﺒﻴﻪ .. ﻧﻈﺮﻫﺎ ﺿﻌﻒ ﺷﻮﻳﻪ ....
ﺧﺶ ﺍﻟﺪﻛﺘﻮﺭ ﻗﺒﻞ ﻭﻗﺖ ﺍﻟﻤﺤﺎﺿﺮﺓ ﺑﺮﺑﻊ ﺳﺎﻋﻪ ﻭﻫﺎﺩﻱ ﻋﺎﺩﺗﻪ ﻳﻘﻌﻤﺰ ﻳﻬﻴﺄ ﻧﻔﺴﻪ ﻟﻠﻤﺤﺎﺿﺮﻩ .. ﻓﻲ ﺍﻟﻘﺎﻋﻪ ﻛﺎﻥ ﻓﻲ ﻋﻠﻴﺎ ﻭﺷﻮﻳﺔ ﻃﻠﺒﻪ ... ﺍﻟﺪﻛﺘﻮﺭ ﺍﻟﻠﻲ ﻛﺎﻥ ﺣﺘﻰ ﻫﻮ ﺣﺎﻁ ﻗﺪﺍﻣﻪ ﺍﻟﻼﺏ ﺗﻮﺏ ﻣﺘﺎﻋﻪ ﻣﺶ ﻻﻫﻲ ﺑﻴﻪ ... ﻋﻴﻮﻧﻪ ﻋﻠﻴﻬﺎ ﻫﻮ ﻣﻌﺠﺐ ﺑﻴﻬﺎ ﻣﻦ ﺃﻭﻝ ﻣﺎﺑﺪﺕ ﺗﻘﺮﺍ ﻓﻲ ﺍﻟﻜﻠﻴﻪ ﻟﻜﻦ ﻛﺘﻢ ﻣﺸﺎﻋﺮﻩ ﻟﻤﺎ ﻋﺮﻑ ﺍﻧﻬﺎ ﻣﺨﻄﻮﺑﻪ ﻭﻟﻤﺎﺻﺎﺭ ﻓﻴﻬﺎﺍﻟﻠﻲ ﺻﺎﺭ ﻭﺟﻌﺎﺗﻪ ﻫﻠﺒﻪ ﺑﺲ ﻣﺎﻛﺎﻧﺘﺶ ﻋﻨﺪﻩ ﺍﻟﺠﺮﺃﺓ ﺍﻥ ﻳﻘﺮﺏ ﻣﻨﻬﺎ ... ﻟﻌﻨﺪ ﺳﻤﻊ ﺑﻴﻬﺎ ﺗﺰﻭﺟﺖ ... ﺗﺤﺴﺮ ﻫﻠﺒﻪ ﻭﻻﻡ ﻧﻔﺴﻪ ﻫﻠﺒﻪ ﻛﻴﻒ ﺍﻫﺘﻢ ﻟﻨﻈﺮﺓ ﺍﻟﻨﺎﺱ ﻭﻛﻼﻣﻬﻢ ﻭﻓﺮﻁ ﻓﻴﻬﺎ .. ﺑﺲ ﺗﻮﺍ ﻓﺮﺻﺔ ﺟﺪﻳﺪﻩ ﻭﺟﺎﺗﻪ ﻭﻫﻮ ﻫﺎﻟﻤﺮﺓ ﻣﺎﻳﺒﻴﺶ ﻳﻀﻌﻴﻬﺎ .. ﻧﺎﺽ ﻭﻗﺪﻣﻠﻬﺎ ..
ﻋﺰﺍﻡ : ﻋﻠﻴﺎ ...
ﻋﻠﻴﺎ ﻗﺎﻣﺖ ﺭﺍﺳﻬﺎ : ﻧﻌﻢ ﺩﻛﺘﻮﺭ ..
ﻋﺰﺍﻡ : ﺍﺣﻤﻢ .. ﺑﻌﺪ ﺍﻟﻤﺤﺎﺿﺮﺓ ﻫﺎﺩﻱ ﻋﻨﺪﻙ ﺷﻲ ..
ﻋﻠﻴﺎ ﺑﺈﺳﺘﻐﺮﺍﺏ : ﻻ ...
ﻋﺰﺍﻡ : ﺍﻣﻢ ... ﻧﺒﻲ ﻧﺘﻜﻠﻢ ﻣﻌﺎﻙ ﻓﻲ ﻣﻮﺿﻮﻉ ﺑﻌﺪ ﺍﻟﻤﺤﺎﺿﺮﺓ ..
ﻋﻠﻴﺎ ﺍﺳﺘﻐﺮﺑﺖ ﺃﻛﺜﺮ ﻭﺯﻋﺖ ﻧﻈﺮﻫﺎ ﻉ ﺍﻟﻘﺎﻋﻪ ﻭﻟﻘﺖ ﺍﻟﻤﻮﺟﻮﺩﻳﻦ ﻳﺸﺒﺤﻮﻟﻬﻢ ... ﺷﺒﺤﺘﻠﻪ ... ﺗﻤﺎﻡ ..
ﻋﺰﺍﻡ ﻫﺰ ﺭﺍﺳﻪ ﺑﺈﻳﺠﺎﺏ ﻭﺍﺑﺘﺴﻢ ﻭﻭﻻ ﻟﻤﻜﺎﻧﻪ ...
***
ﻃﺎﻟﻊ ﻣﻦ ﻣﻜﺘﺒﻪ ﻭﻓﻲ ﻳﺪﻩ ﺷﻨﻄﻪ ﻭﻗﻒ ﻉ ﺍﻟﺴﻜﺮﺗﻴﺮﻩ ..
ﻣﻨﺼﻒ : ﺃﺟﻠﻲ ﻛﻞ ﺍﺭﺗﺒﺎﻃﺎﺗﻲ ﺍﻟﻴﻮﻡ ... ﻣﺶ ﻣﻮﻟﻲ ...
ﺍﻟﺴﻜﺮﺗﻴﺮﺓ : ﺣﺎﺿﺮ ...
ﻛﻤﻞ ﻃﺮﻳﻘﻪ ﻭﻫﻮ ﻧﺎﻭﻱ ﻉ ﺷﻲ ....
***
ﺗﻤﺖ ﺍﻟﻤﺤﺎﺿﺮﺓ ﻭﻋﻠﻴﺎ ﻃﻠﻌﺖ ﻭﻧﺴﺖ ﻣﺮﺓ ﻭﺣﺪﻩ ﺩﻛﺘﻮﺭ ﻟﻤﺎ ﻛﻠﻤﺘﻬﺎ ﺃﻣﻬﺎ ﻭﻗﺎﻟﺘﻠﻬﺎ ﺗﺮﻭﺡ ﺑﺶ ﺗﻘﻌﺪ ﻣﻊ ﺳﻴﻒ ﻷﻧﻬﺎ ﻃﺎﻟﻌﻪ ﺗﻌﺎﻳﻦ ..
ﻃﻠﻊ ﺍﻟﺪﻛﺘﻮﺭ ﻭﺭﺍﻫﺎ ﻳﻤﺸﻲ ﺑﺴﺮﻋﻪ ..
ﻋﺰﺍﻡ : ﻋﻠﻴﺎ ... ﻳﺎﻋﻠﻴﺎ ...
ﻋﻠﻴﺎ ﻭﻗﻔﺖ ﻭﺍﻟﺘﻔﺘﺖ : ﺍﺳﻔﻪ ﺟﺪﺍ ﺩﻛﺘﻮﺭ ﺑﺲ ﻻﺯﻡ ﻧﻤﺸﻲ ﺗﻮﺍ ..
ﻋﺰﺍﻡ ﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ..
ﺭﻥ ﺗﻠﻴﻔﻮﻧﻬﺎ ﻭﻛﺎﻧﺖ ﺃﻣﻬﺎ ....
ﻋﻠﻴﺎ : ﺍﻫﻮ ﻃﺎﻟﻌﻪ ﻣﺎﻣﺎ
ﺯﻳﻨﺐ : ﻣﺶ ﻻﺯﻡ ﺍﺧﺘﻚ ﺍﻣﻴﺮﻩ ﺭﻭﺣﺖ ﺗﻮﺍ ﻛﻤﻠﻲ ﻗﺮﺍﻳﺘﻚ ﺑﻨﻴﺘﻲ ..
ﻋﻠﻴﺎ : ﻣﺮﺍﺕ ﺗﺎﻋﺒﻪ ﻳﺎﺃﻣﻲ ﻧﺮﻭﺡ ﺧﻴﺮ ... ﺳﻤﻌﺖ ﺻﻮﺕ ﺃﻣﻴﺮﻩ " ﻻﺍﺍﺍﻻ ﺍﻗﻌﺪﻱ ﻓﻲ ﺍﻟﻜﻠﻴﻪ ﻗﺎﻋﺪﻩ ﻣﻌﺎﻩ ﺍﻟﺤﻠﻮ .."
ﺍﺑﺘﺴﻤﺖ ﻋﻠﻴﺎ ﻭﻗﺎﻟﺖ : ﺗﻤﺎﻡ ﻗﻮﻟﻴﻠﻬﺎ ﺗﺒﻲ ﺷﻲ ﺗﻜﻠﻤﻨﻲ ..
ﺯﻳﻨﺐ : ﺑﺎﻩ .. ﻫﻲ ﻓﺎﻣﺎﻥ ﺍﻟﻠﻪ ..
ﻋﻠﻴﺎ : ﻣﻊ ﺍﻟﺴﻼﻣﻪ .. ﻭﺻﻜﺮﺕ .. ﺍﻟﺘﻔﺘﺖ ﻟﻘﺖ ﺍﻟﺪﻛﺘﻮﺭ ﻳﺸﺒﺤﻠﻬﺎ .. ﻗﺪﻣﺘﻠﻪ .. ﺍﺑﺘﺴﻤﺖ .. ﻣﻜﺘﻮﺏ ..
ﻋﺰﺍﻡ ﺑﺼﺪﻣﻪ : ﺷﻨﻮ ..
ﻋﻠﻴﺎ ﺑﻀﺤﻜﻪ : ﻗﺼﺪﻱ ﻣﻜﺘﻮﺏ ﺗﺘﻜﻠﻢ ﻣﻌﺎﻱ ﻓﻲ ﺍﻟﻤﻮﺿﻮﻉ ﺍﻟﻠﻲ ﻗﻠﺖ ﻋﻠﻴﻪ ﺗﻮﺍ ..
ﻋﺰﺍﻡ ﺿﺤﻚ : ﺑﺎﻫﻲ ... ﺗﻌﺎﻟﻲ ﻟﻠﻤﻜﺘﺐ ..
ﻋﻠﻴﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﺸﻮﺍ ﻣﻊ ﺑﻌﺾ .. ﻭﻫﺬﺍ ﻛﻠﻪ ﻉ ﻋﻴﻦ ﺷﺨﺺ ﻣﺎ ...
ﻓﻲ ﺍﻟﻤﻜﺘﺐ ..
ﻋﺰﺍﻡ : ﺷﻦ ﻣﺪﺍﻳﺮﻩ ..
ﻋﻠﻴﺎ : ﺍﻟﺤﻤﺪ ﻟﻠﻪ ﻣﺎﺷﻴﻪ ..
ﻋﺰﺍﻡ ﻣﺘﺤﺸﻢ ﻭﻣﺶ ﻋﺎﺭﻑ ﻛﻴﻒ ﻳﻔﺘﺢ ﺍﻟﻤﻮﺿﻮﻉ ..
ﻋﻠﻴﺎ : ﺷﻦ ﻫﻮ ﺍﻟﻤﻮﺿﻮﻉ ﺍﻟﻠﻲ ﺑﺘﻜﻠﻤﻨﻲ ﻓﻴﻪ ..
ﻋﺰﺍﻡ ﺿﺤﻚ ﺑﺄﺣﺮﺍﺝ ﺑﻌﺪﻳﻦ ﺍﺳﺘﺠﻤﻊ ﻗﻮﺗﻪ ﻭﺑﺪﻱ ﻳﺘﻜﻠﻢ : ﺑﺼﺮﺍﺣﻪ ... ﻣﻦ ﺍﻭﻝ ﻣﺎﺟﻴﺘﻲ ﻟﻠﻜﻠﻴﻪ .. ﻭﺍﻧﻲ ﻣﺮﻛﺰ ﻋﻠﻴﻚ ﺍﺧﻼﻗﻚ ﺍﻟﻌﺎﻟﻴﻪ ﺗﻔﻮﻗﻚ ﻓﻲ ﺍﻟﺪﺭﺍﺳﻪ .. ﺷﺨﺼﻴﺘﻚ ﺍﻟﻘﻮﻳﻪ .. ﻣﺎﺷﺎﺀ ﺍﻟﻠﻪ ﻋﻠﻴﻚ ﺍﻟﺤﻖ ..
ﻋﻠﻴﺎ ﻣﻼﻣﺢ ﻭﺟﻬﻬﺎ ﺗﻐﻴﺮﺕ ﻭﺑﺎﻥ ﻋﻠﻴﻬﺎ ﺍﻻﻧﺰﻋﺎﺝ : ﻣﺶ ﻓﺎﻫﻤﻪ ﺷﻦ ﺗﺒﻲ ﺑﺎﻟﺰﺑﻂ ..
ﻋﺰﺍﻡ ﺣﺲ ﺑﺈﻧﻬﺎ ﺍﺿﺎﻳﻘﺖ ﺗﻜﻠﻢ ﻃﻮﻝ : ﺑﺼﺮﺍﺣﻪ ﺍﻛﺜﺮ .. ﺍﻧﻲ ﻣﻌﺠﺐ ﺑﻴﻚ ﻭﻧﺐ ......
ﻋﻠﻴﺎ ﻧﺎﺿﺖ ﺑﻌﺼﺒﻴﻪ : ﻛﻨﺖ ﻧﻘﻮﻝ ﻋﻠﻴﻚ ﻣﺤﺘﺮﻡ .. ﻃﻠﻌﺖ ﻏﺎﻟﻄﻪ .. ﻭﻛﻴﻒ ﺟﺖ ﺑﺘﻤﺸﻲ ..
ﻋﺰﺍﻡ ﺑﻠﻬﻔﻪ : ﺗﺘﺰﻭﺟﻴﻨﻲ !!!
ﻋﻠﻴﺎ ﺍﻟﺘﻔﺘﺖ ﻭﺷﺒﺤﺘﻠﻪ ﺑﻨﻈﺮﺓ ﺣﺎﺩﻩ : ﻻ .. ﻭﺍﺧﺮ ﻣﺮﺓ ﺗﺘﻜﻠﻢ ﻣﻌﺎﻱ ﻓﺸﻲ ﺯﻱ ﻫﺬﺍ .. ﻳﺎﺩﻛﺘﻮﺭ ... ﻭﻟﻔﺖ ﻭﻃﻠﻌﺖ ﺑﺴﺮﻋﻪ .. ﻣﺎﺷﻴﻪ ﻓﻲ ﺍﻟﻤﻤﺮ ﻭﻣﺘﻤﺎﻟﻜﻪ ﻧﻔﺴﻬﺎ ﻣﻦ ﺍﻟﻮﺟﻊ ﻛﻤﻠﺖ ﻃﺮﻳﻘﻬﺎ ﺑﺘﺮﻭﺡ ﻣﺎﺗﺒﻴﺶ ﺗﻘﻌﺪ ﻭﻫﻲ ﻃﺎﻟﻌﻪ ﻣﻦ ﺍﻟﻮﺍﺟﻬﻪ ﺣﺪ ﺷﺪ ﻳﺪﻫﺎ .. ﺷﺎﻓﺎﺗﻪ .. ﻧﻔﻀﺘﻬﺎ ﺑﻘﻮﺓ .. ﻭﺟﺖ ﺑﺘﻤﺸﻲ ..
ﻣﻨﺼﻒ : ﻣﻦ ﻫﻮ ﺍﻟﻠﻲ ﻛﺎﻥ ﻭﺍﻗﻒ ﻋﻠﻴﻚ ..
ﻋﻠﻴﺎ ﻭﻗﻔﺖ ﻭﺍﻟﺘﻔﺘﻠﻪ ﻭﻗﺪﻣﺖ : ﺷﻦ ﺩﺧﻠﻚ ... ﻭﺷﻦ ﺟﺎﺑﻚ ﺍﺻﻼ .. ﺍﻓﻬﻢ ﻳﺎﻣﺨﻠﻮﻕ ﺍﻧﺖ ﺣﺘﻰ ﺫﺑﺎﻧﻪ ﺗﺰﻥ ﻣﺶ ﺣﺎﺳﺒﺎﺗﻚ ...
ﻣﻨﺼﻒ ﺑﻐﻀﺐ : ﻣﺎﺗﺤﺴﺒﻴﻨﻲ ﺷﻲ .. ﻟﻜﻦ ﻻﺯﻡ ﺗﻌﺮﻓﻲ ﺍﻧﻚ ﻣﺤﺴﻮﺑﻪ ﻋﻠﻴﺎ .. ﺑﻨﺖ ﺧﺎﻟﻲ . ﻣﺶ ﻛﺎﻥ ﺍﻃﻠﻘﺘﻲ ﺩﻳﺮﻱ ﻣﺎﺗﺒﻲ ..
ﻋﻠﻤﺖ ﻉ ﻭﺟﻬﻪ ﺑﻜﻒ ﻳﻄﺮﺵ ﺍﻟﻮﺫﺍﻥ .. ﻭﻗﺎﻟﺖ : ﺭﺩ ﺑﺎﻟﻚ ﺗﺠﻲ ﻓﻲ ﻃﺮﻳﻘﻲ ﻣﺮﺓ ﺗﺎﻧﻴﻪ ﻭﺭﺑﻲ ﻣﺎﺣﻨﺮﺣﻤﻚ ﻭﺍﻧﺖ ﻓﺎﻫﻢ ﻗﺼﺪﻱ .. ﻭﻟﻔﺖ ﻭﻣﺸﺖ ﺑﺴﺮﻋﻪ ..
ﻣﻨﺼﻒ ﻗﺮﻳﺐ ﻣﺎﺕ ﻣﻦ ﺍﻟﻤﻮﻗﻒ ﺍﻟﻠﻲ ﺻﺎﺭ ﻉ ﺍﻟﻤﻸ ﻭﻣﺸﻲ ..
ﺃﻣﺎ ﻋﻠﻴﺎ ﺑﻌﺪ ﻃﻠﻌﺖ ﻣﻦ ﺍﻟﻜﻠﻴﻪ ﻗﻌﺪﺕ ﺗﻤﺸﻲ ﻉ ﺭﺟﻠﻴﻬﺎ .. ﺣﺎﺳﻪ ﺑﺮﻭﺣﻬﺎ ﻣﻜﺴﻮﺭﺓ ... ﻭﺍﻟﻠﻲ ﻛﺴﺮﻫﺎ ﺩﺍﺭ ﻇﻬﺮﻩ ﻟﻴﺎ ﻭﻻ ﺳﺄﻝ ﻓﻴﻬﺎ .. ﺧﻼﻫﺎ ﻷﻱ ﺣﺪ ﻳﺸﻮﻑ ﺍﻟﻠﻲ ﺩﺍﺭﻩ ﻓﻴﻬﺎ ﻓﺮﺻﻪ ﺑﺶ ﻳﻘﺮﺏ ﻣﻨﻬﺎ ... ﺣﺴﺖ ﻧﻔﺴﻬﺎ ﻭﻗﺘﻬﺎ ﻣﺎﻟﻬﺎﺵ ﻗﻴﻤﻪ ﻋﻨﺪﻩ .. ﻣﻌﻘﻮﻟﻪ ﻛﺎﻥ ﻛﺬﺍﺏ ﻟﻤﺎ ﻗﺎﻟﻠﻬﺎ " ﻧﻐﺎﺭ ﻋﻠﻴﻚ ﺣﺘﻰ ﻣﻦ ﺑﻮﻙ ﺃﻣﻚ ...." ﻛﻴﻒ ﻳﺨﻠﻴﻬﺎ ﺑﻬﺎﻟﺴﻬﻮﻟﻪ .. ﻭﻫﻮ ﻋﺎﺭﻑ ﺍﻥ ﻓﻴﻤﻦ ﺣﻴﺴﺘﻐﻞ ﻏﻴﺎﺑﻪ ﻭﻳﻘﺮﺏ ﻟﻴﻬﺎ .. ﻛﻴﻒ ﺧﻼﻫﺎ ﻛﻴﻒ ﺗﺨﻼ ﻋﻨﻬﺎ .. ﻭﻫﻮ ﻳﻮﻡ ﻣﻦ ﺍﻷﻳﺎﻡ ﻗﺎﻟﻠﻬﺎ " ﺍﻧﺘﻲ ﻛﻞ ﺷﻲ ﻓﺤﻴﺎﺗﻲ " .. ﺯﻱ ﻣﺎﺩﺍﺭ ﻣﻨﺼﻒ ﺩﺍﺭ ﺍﻟﺤﺴﻦ ﻓﻲ ﻧﻈﺮﻫﺎ ﺗﻮﺍ ﻣﺎﻓﻴﺶ ﻓﺮﻕ ﺑﻴﻨﺎﺗﻬﻢ ﺍﻟﺰﻭﺯ ﺗﺨﻠﻮﺍ ﻋﻨﻬﺎ ﻓﺄﺻﻌﺐ ﺍﻟﻈﺮﻭﻑ ...
ﻗﻌﻤﺰﺕ ﻉ ﺭﺧﺎﻣﻪ ﻭﻗﻌﺪﺕ ﺗﺒﻜﻲ ....
" ﻋﻠﻴﺎ ﺍﺭﺟﻮﻙ ﺍﺳﻤﻌﻴﻨﻲ "
ﻋﻠﻴﺎ ﺑﻐﻀﺐ : ﻳﺎﻣﺨﻠﻮﻕ ﺍﻧﺖ ﺑﺶ ﺗﻔﻬﻢ ﻗﻮﻟﻲ .. ﺍﻧﻲ ﻗﺎﺭﻓﻪ ﻣﻨﻚ ﻛﺎﺭﻫﺎﺗﻚ ..
ﻣﻨﺼﻒ ﺑﻮﺟﻊ : ﻋﺎﺭﻑ ﻭﺍﻟﻠﻪ ﻋﺎﺭﻑ .. ﻋﺎﺭﻑ ﺭﻭﺣﻲ ﻭﺍﺣﺪ ﻣﺎﻳﺴﻮﺍﺵ .. ﻟﻜﻦ ﺻﺪﻗﻴﻨﻲ ﺳﻴﺒﺖ ﻛﻞ ﺷﻲ ﻣﻦ ﺑﻌﺪ ﺳﻤﻌﺖ ﺍﻧﻚ ﺍﻃﻠﻘﺘﻲ ..
ﺷﺒﺤﺘﻠﻪ ﺑﺈﺯﺩﺭﺍﺀ ﻭﺍﺑﺘﺴﻤﺖ ﺗﻬﻜﻤﺎ : ﺯﺩﺕ ﻗﺮﻓﺘﻨﻲ ﻣﻨﻚ ﺍﻛﺜﺮ ﻭﺍﻛﺜﺮ .. ﻭﻧﺎﺿﺖ ..
ﻣﻨﺼﻒ ﻧﺎﺿﺖ : ﻗﺎﻋﺪﻩ ﺗﺤﺒﻴﻪ ﺣﺘﻰ ﺑﻌﺪ ﻟﻮﺣﻚ ﻭﺭﺍﻩ ﻭﻣﺸﻲ ﻳﻌﻴﺶ ﻓﻲ ﺣﻴﺎﺗﻪ ..
ﻋﻠﻴﺎ ﺷﺒﺤﺘﻠﻪ : ﺷﻦ ﻗﺼﺪﻙ ..
ﻣﻨﺼﻒ : ﺣﻀﺮﺗﻪ ﻫﺎﺟﺮ ... ﻣﻌﻨﺎﻫﺎ ﻳﺒﻲ ﻳﻌﻴﺶ ﺣﻴﺎﻩ ﺟﺪﻳﺪﻩ .. ﺑﻌﻴﺪﻩ ﻋﻦ ﺍﻟﻠﻲ ﻛﺎﻥ ﻋﺎﻳﺸﻬﺎ ﺑﻌﺪ ﺍﻟﻠﻲ ﺻﺎﺭﻟﻪ .. ﺑﺎﻟﻨﺴﺒﻪ ﻟﻴﻪ ﺍﻧﺘﻲ ﺟﺰﺀ ﻣﻦ ﺍﻟﻠﻲ ﻋﺎﺷﻪ ﺑﺎﻷﺟﺒﺎﺭ ﻣﺶ ﺑﺄﺧﺘﻴﺎﺭﻩ .. ﻭﺣﺘﻰ ﺍﻟﻈﺮﻭﻑ ﺍﻟﻠﻲ ﺧﺪﺍﻙ ﻓﻴﻬﺎ ﻣﺶ ﻃﺒﻴﻌﻴﻪ ... ﻳﻌﻨﻲ ﺍﻧﺘﻲ ﻋﻨﺪﻩ ﻣﺠﺮﺩ ﻣﺮﺣﻠﻪ ﻋﺎﺷﻬﺎ ﻭﺗﻤﺖ ..
ﻋﻠﻴﺎ ﺷﺒﺤﺖ ﻟﻤﻨﺼﻒ ﻫﻠﺒﻪ ﺑﻌﺪﻳﻦ ﻗﺎﻟﺖ : ﻣﺶ ﺣﻨﻜﺮﻫﻪ ﻭﺣﻨﻘﻌﺪ ﻧﺤﺒﻪ ﻷﺧﺮ ﻧﻔﺲ ﻓﻴﺎ ﺣﺘﻰ ﻟﻮﺍﻟﻞ ﻗﻠﺘﻪ ﻛﺎﻥ ﺻﺢ ﻭﻣﺸﺖ ﻭﺧﻼﺗﻪ ﻳﻨﺤﺮﻕ ..
ﺍﻣﺎ ﻫﻲ ﺍﻟﻜﻼﻡ ﺿﺎﻳﻘﻬﺎ ﻫﻠﺒﻪ ﻭﻣﺎﺗﺒﻴﺶ ﺗﺼﺪﻗﻪ .. ﻣﺴﺘﺤﻴﻞ ﻳﻜﻮﻥ ﺻﺢ ﻭﺍﻟﺤﺴﻦ ﻳﻜﻮﻥ ﻫﻜﻲ ﻓﻌﻼ ..
🥀 ﻓﺎﺗﻮﺍ ﺑﺘﻤﺎﻡ 7 ﺷﻬﻮﺭ ..
ﻋﻠﻴﺎ ﻓﻴﻬﻢ ﻛﺎﻧﺖ ﺑﻴﻦ ﻗﺮﺍﻳﺘﻬﺎ ﻭﺍﻫﺘﻤﺎﻣﻬﺎ ﺑﻮﻟﺪﻫﺎ ﻭﺣﻤﻠﻬﺎ ﻭﺍﻫﻠﻬﺎ ﻳﺴﺎﻋﺪﻭﺍ ﻓﻴﻬﺎ ... ﻛﺘﺮﺕ ﺯﻳﺎﺭﺍﺕ ﻋﻤﺘﻬﺎ ﻟﻴﻬﻢ .. ﻭﻛﺘﺮﺕ ﻣﻌﺎﻫﺎ ﻣﺤﺎﻭﻻﺕ ﻣﻨﺼﻒ .. ﺍﻟﻠﻲ ﻗﺮﺏ ﻣﻦ ﺳﻴﻒ ﻫﻠﺒﻪ ﻭﺳﻴﻒ ﺑﺪﻱ ﻳﺤﺒﻪ ﻭﻳﻔﺮﺡ ﺑﺸﻮﻓﺘﻪ ﻭﻫﺎﻟﺸﻲ ﻣﻀﺎﻳﻘﻬﺎ
ﻋﺰﺍﻡ ﺣﺘﻰ ﻫﻮﻛﺎﻥ ﻳﺤﺎﻭﻝ ﺑﻄﺮﻳﻘﻪ ﻏﻴﺮ ﻣﺒﺎﺷﺮﻩ ﻣﻌﺎﻫﺎ ..
ﺍﻣﺎ ﺍﻟﺒﺎﻗﻲ ..
ﺭﻳﺤﺎﻧﻪ ﺍﺳﺘﺴﻠﻤﺖ ﻟﺴﻬﻴﻞ ﻭﺍﻧﺨﻄﺒﺘﻠﻪ ﺑﺮﻏﻢ ﺍﻧﻬﺎ ﻻﺣﻈﺖ ﻉ ﺍﻧﻪ ﺍﻫﻠﻪ ﺟﺎﻳﻴﻦ ﺑﺎﻟﺴﻴﻒ ﻋﻠﻴﻬﻢ ﻭﻟﻤﺎ ﻭﺻﻠﺖ ﺍﺣﺴﺎﺳﻬﺎ ﻟﺴﻬﻴﻞ ﻗﺎﻟﻠﻬﺎ ﺣﻨﻌﻴﺸﻮﺍ ﺑﺮﻭﺣﻨﺎ ﻭﻟﻮ ﻫﻤﺎ ﻣﺎﺗﻘﺒﻠﻮﻛﺶ .. ﺍﻧﻲ ﻣﺶ ﺣﻨﺠﺒﺮﻙ ﻋﻠﻴﻬﻢ ﺗﻘﻌﺪﻱ ﻓﺤﻮﺷﻚ ﻣﻌﺰﺯﺓ ﻣﻜﺮﻣﻪ ... ﺍﻗﺘﻨﻌﺖ ..
ﺍﻧﻌﺎﻡ ﻛﺎﻧﺖ ﺣﺎﻣﻞ ﺑﺘﻮﺃﻡ ﻭﺟﺎﺑﺖ ﻭﻓﺮﺣﺎﻧﻪ ﻫﻲ ﻭﺃﺣﻤﺪ ﻗﺮﻳﺐ ﻳﻄﻴﺮﻭﺍ ﻣﻦ ﻓﺮﺣﺘﻬﻢ .. ﻭﺑﺮﻧﻴﻪ ﺣﺘﻰ ﻫﻲ ﻓﺮﺣﺖ ﻫﻠﺒﻪ
ﺧﻮﻟﻪ ﺣﻤﻠﺖ ﺗﺎﻧﻲ ﻭﻫﺎﻟﻤﺮﻩ ﺭﻳﺎﺽ ﻣﺨﻠﻴﻬﺎ ﻣﻠﻜﻪ ﻛﺎﻥ ﻳﻠﻘﻰ ﻣﺎﺗﺤﺮﻛﺶ ﻗﺸﻪ .. ﻭﻫﻮ ﻣﺤﺎﻭﻃﻬﺎ ﺑﺎﻷﻫﺘﻤﺎﻡ ﻭﺍﻟﺤﺐ ..
ﺟﻨﺎﻥ ﺯﻱ ﻣﺎﻫﻲ ﻣﺎﺗﻐﻴﺮ ﻋﻠﻴﻬﺎ ﺷﻲ ﻗﺮﺍﻳﺘﻬﺎ ﻭﺑﺲ .. ﻓﻲ ﺍﻟﻔﺘﺮﻩ ﺍﻷﺧﻴﺮﻩ ﺑﺪﺕ ﺍﺩﻳﺮ ﻑ ﺯﻳﺎﺭﺍﺕ ﻷﻡ ﺍﻟﻔﻬﺪ ﺍﻟﻠﻲ ﻛﺎﻧﺖ ﺗﻔﺮﺡ ﺑﺠﻴﺘﻬﺎ ﻫﻠﺒﻪ .. ﻟﻴﻦ ﺟﻲ ﻧﻬﺎﺭ .. ﺍﻟﻠﻲ ﺑﺘﺴﺎﻓﺮ ﻓﻴﻪ ﻧﺒﻴﻬﻪ ﻣﻊ ﺑﻨﺘﻬﺎ ﻭﺗﻌﻴﺶ ﻣﻌﺎﻫﺎ ..
ﺟﻨﺎﻥ ﻭﻧﺒﻴﻬﻪ ﻳﺤﻀﻨﻮﺍ ﻓﻲ ﺑﻌﺾ ﻭﻳﺒﻜﻮﺍ ..
ﺟﻨﺎﻥ ﺑﺒﻜﻲ : ﺣﻨﻔﻘﺪﻙ ﻫﻠﺒﻪ ..
ﻧﺒﻴﻬﻪ : ﺍﻧﻲ ﺍﻛﺜﺮ ﻳﺎﺑﻨﻴﺘﻲ ﺍﻧﺘﻲ ﻣﻦ ﺭﻳﺤﺘﻪ ...
ﺟﻨﺎﻥ ﺯﺍﺩﺕ ﺑﻜﻲ ..
ﺳﻠﺴﺒﻴﻞ ﻭﻫﻲ ﺗﺒﻜﻲ : ﺧﻼﺹ ﺑﺎﻟﻠﻪ ﻋﻠﻴﻜﻢ .. ﺑﻌﺪﺗﻬﻢ ﻋﻦ ﺑﻌﺾ ..
ﻧﺒﻴﻬﻪ : ﺭﺑﻲ ﻳﺤﻔﻈﻚ ﻳﺎﺑﻨﺘﻲ ﻭﻳﻌﻮﺿﻚ ﺧﻴﺮ ..
ﺟﻨﺎﻥ ﺍﺑﺘﺴﻤﺖ ﻭﻫﻲ ﺗﻤﺴﺢ ﻓﺪﻣﻮﻋﻬﺎ : ﺣﻨﻜﻠﻤﻚ ﺳﻜﺎﻳﺐ ﺷﺒﺤﺖ ﻟﺴﻠﺴﺒﻴﻞ .. ﺑﻴﻦ ﻓﺘﺮﻩ ﻭﻓﺘﺮﻩ ..
ﺳﻠﺴﺒﻴﻞ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ...
ﻭﺩﻋﺖ ﺟﻨﺎﻥ ﻧﺒﻴﻬﻪ ﻷﺧﺮ ﻣﺮﺓ ﻭﺭﻭﺣﺖ .. ﻃﻮﻝ ﺍﻟﻄﺮﻳﻖ ﻭﻫﻲ ﻓﺴﻴﺎﺭﺗﻬﺎ ﻛﺎﻧﺖ ﺗﺒﻜﻲ .. ﺧﻼﺹ ﻣﻌﺎﺵ ﻓﻲ ﺷﻲ ﻣﻦ ﺭﻳﺤﺔ ﻣﺤﻤﺪ ﺗﺼﺒﺮ ﻗﻠﺒﻬﺎ ﺑﻴﻪ ... ﻣﺤﻤﺪ ﺍﻟﻔﻬﺪ .. ﺍﻟﻠﻲ ﻣﺶ ﻗﺎﺩﺭﻩ ﺗﻨﺴﺎﻩ ﻭﻻﻗﺎﺩﺭ ﻗﻠﺒﻬﺎ ﻳﺤﺐ ﻏﻴﺮﻩ 💔
***
ﻓﻲ ﻟﻴﻠﻪ ...
ﻋﻠﻴﺎ ﺭﻗﺪﺕ ﺳﻴﻒ ﻭﻃﻠﻌﺖ ﻣﻦ ﺍﻟﺪﺍﺭ .. ﻣﺸﺖ ﻟﻠﻜﻮﺟﻴﻨﻪ ﺷﺮﺑﺖ ﻣﻴﻪ .. ﻭﻃﻠﻌﺖ .. ﺣﺴﺖ ﺑﻮﺟﻊ ... ﺗﺠﺎﻫﻠﺖ ﻗﺎﻟﺖ ﻓﻲ ﻧﻔﺴﻬﺎ ﺍﻥ ﻭﺟﻊ ﻛﻞ ﻣﺮﺓ ﻳﻤﺸﻲ ﻭﻳﺠﻲ .. ﺑﺲ ﺯﺍﺩ ﻗﻮﻱ ﺃﻛﺜﺮ ﻭﺃﻛﺜﺮ .. ﺷﺪﺕ ﺑﻄﻨﻬﺎ ... ﺗﻮﺟﻌﺖ ﺑﺎﻟﺼﻮﺕ ... ﺑﻌﺪﻳﻦ ﺑﺪﺕ ﺗﻌﻴﻂ .. ﻃﻠﻌﺖ ﺍﻣﻬﺎ ﺗﺠﺮﻱ ﻭﻭﺭﺍﻫﺎ ﺑﻮﻫﺎ ﺑﻌﺪﻳﻦ ﺃﻣﻴﺮﻩ ﻃﻠﻌﺖ ﻣﻦ ﺩﺍﺭﻫﺎ ..
ﻋﻠﻴﺎ : ﻣﺎﺍﺍﺍﺍﺍﺍﺍﻣﺎﺍﺍﺍﺍﺍ .... ﺧﻼﺍﺍﺍﺹ ..
ﺯﻳﻨﺐ ﺑﻬﻠﻊ : ﺍﻃﻠﻊ ﻳﺎﺟﻌﻔﺮ ﻭﻟﻊ ﺍﻟﺴﻴﺎﺭﻩ ...
ﻃﻠﻊ ﺑﻮﻫﺎ ﻳﺠﺮﻱ ﻭﻟﻊ ﺍﻟﺴﻴﺎﺭﻩ .. ﻟﺒﺴﺖ ﺯﻳﻨﺐ ﻋﺒﺎﻳﺘﻬﺎ ﻭﻭﺷﺎﺣﻬﺎ .. ﻭﺧﺪﺕ ﻫﺮﻛﺖ ﺭﺍﺟﻠﻬﺎ ﻭﻃﻠﻌﺖ ﺗﺠﺮﻱ ﺷﺪﺕ ﺑﻨﺘﻬﺎ ...
ﻋﻠﻴﺎ : ﺍﺍﺍﻣﻴﻴﻴﺮﺓ .. ﺳﻴﻴﻒ ..
ﺍﻣﻴﺮﻩ : ﻣﺎﺗﺨﺎﻓﻴﺶ ﻋﻠﻴﻪ
ﻋﻠﻴﺎ : ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻩ ... ﺯﻳﻨﺐ ﺷﺪﺕ ﺍﻳﺪﻫﺎ ﻭﻃﻠﻌﺘﻬﺎ ...
ﻓﻲ ﺍﻟﻌﻴﺎﺩﻩ ..
ﻋﻠﻴﺎ ﻭﻻﺩﺗﻬﺎ ﻛﺎﻧﺖ ﺻﻌﺒﻪ ﻫﺎﻟﻤﺮﻩ ﻗﻌﺪﺕ ﻟﻠﺼﺒﺢ ﺑﺶ ﺟﺎﺑﺖ ﻗﺒﻞ ﻗﺮﺭﻭﻟﻬﺎ ﻋﻤﻠﻴﻪ ﻟﻜﻦ ﺍﺻﺮﺕ ﺗﺠﻴﺐ ﻃﺒﻴﻌﻲ ﺗﻤﺸﺖ ﻓﻲ ﻣﻤﺮ ﺍﻟﻌﻴﺎﺩﻩ ﺍﻛﺜﺮ ... ﻟﻴﻦ ﺣﺴﺖ ﺭﻭﺣﻬﺎ ﺧﻼﺹ .. ﺩﺧﻠﻮﻫﺎ ﻭﺟﺎﺑﺖ ..
ﻭﻛﺎﻧﺖ ﺑﻨﻴﻪ ﺁﻳﻪ ﻣﻦ ﺍﻟﺠﻤﺎﻝ ...
ﻣﻊ ﺍﻟﺴﺎﻋﻪ 12
ﺟﻮﻫﺎ ﺯﻳﺎﺭﻩ ﻋﻴﻠﺔ ﺍﻟﺤﺴﻦ ﻭﺍﻣﻴﺮﺓ ﻭﺳﻴﻒ ...
ﺟﻨﺎﻥ : ﺍﻟﻠﻬﻢ ﺑﺎﺭﻙ ﻏﺰﺍﻟﻪ ...
ﻫﺎﻟﻪ : ﺗﺸﺒﻪ ﻋﻠﻴﺎ ﻫﻠﺒﻪ ﻏﻴﺮ ﻋﻴﻮﻧﻬﺎ ﻣﻠﻮﻧﺎﺕ ..
ﻭﺳﻴﻠﻪ : ﻋﻴﻮﻥ ﺑﻮﻫﺎ ..
ﻛﻠﻬﻢ ﺷﺒﺤﻮﻟﻬﺎ ... ﻭﻋﻠﻴﺎ ﻗﻠﺒﻬﺎ ﻭﺟﻌﻬﺎ ...
ﺍﻧﻌﺎﻡ ﺗﻐﻴﺮ ﻓﻲ ﺍﻟﺠﻮ : ﺷﻦ ﺑﺘﺴﻤﻴﻬﺎ ..
ﻋﻠﻴﺎ ﺟﻲ ﻗﺪﺍﻣﻬﺎ ﺫﻛﺮﻯ ﻣﻨﻪ ....
>> ﻳﺸﺒﺤﻮﺍ ﻟﺒﻌﺾ ... ﻭﻋﻴﻮﻧﻬﻢ ﻧﻈﺮﺍﺗﻬﺎ ﻛﻠﻬﺎ ﺣﺐ ..
ﺍﻟﺤﺴﻦ : ﻋﻨﺪﻙ ﻋﻠﻢ ﺍﻧﻚ ﻋﺴﻞ ﻭﺣﻘﺎﻧﻲ ..
ﻋﻠﻴﺎ ﺍﺑﺘﺴﻤﺖ ﺑﺨﺠﻞ ﻭﻗﻌﺪﺕ ﺳﺎﻛﺘﻪ ..
ﺍﻟﺤﺴﻦ : ﺁﺍﺍﺍﺍﺍﺍﻩ .. ﺭﺑﻲ ﻳﺒﻌﺘﻠﻲ ﺑﻨﻴﻪ ﺗﺠﻴﻨﻲ ﻧﺴﺨﻪ ﻣﻨﻚ .. ﺣﻨﺴﻤﻴﻬﺎ ﻋﺴﻞ ..
ﻋﻠﻴﺎ ﺑﻀﺤﻜﻪ : ﻋﺴﺴﻞ؟
ﺍﻟﺤﺴﻦ : ﺍﻳﻪ ﻋﺴﻞ ﻭﻳﻦ ﺍﻟﻤﺸﻜﻠﻪ ..
ﻋﻠﻴﺎ : ﺍﻻﺳﻢ ﻏﺮﻳﺐ ﻋﻠﻴﻨﺎ ﺷﻮﻳﻪ ..
ﺍﻟﺤﺴﻦ : ﻣﻤﻴﺰ ... ﻭﺍﻟﻤﻤﻴﺰ ﻟﻠﻤﻤﻴﺰ ..
ﻋﻠﻴﺎ : ﺑﺶ ﻳﺒﺪﺍ ﺍﺳﻤﻬﺎ ﻋﺴﻞ ﺍﻟﺤﺴﻦ ...
ﺍﻟﺤﺴﻦ ﺑﻀﺤﻜﻪ : ﻋﺴﻞ ﺍﻟﺤﺴﻦ ... ﻋﺴﻞ ﺻﺎﻓﻲ .. ﻃﺒﻴﻌﻲ ... ﻓﻴﻪ ﺷﻔﺎﺀ ﻟﻘﻠﺐ ﺑﻮﻫﺎ .. ﺑﺲ .. ﻋﺴﻞ ﺍﻟﺤﺴﻦ ﻟﻠﺤﺴﻦ ﻭﺑﺲ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻬﻬﻪ ﺗﻘﻮﻝ ﺩﻋﺎﻳﻪ ﻣﻦ ﺩﻋﺎﻳﺎﺕ ﺍﻟﺮﺍﺩﻳﻮ ﺍﻟﺼﺎﻣﺘﻪ ..
ﺍﻟﺤﺴﻦ : ﻫﻬﻬﻬﻬﻬﻬﻬﻬﻪ ﻧﻘﻠﺪ ﻓﻴﻬﻢ ... ﺗﻐﻴﺮﺕ ﻣﻼﻣﺤﻪ ﻭﻗﻌﺪ ﻳﺸﺒﺢ ﺑﺈﺯﺩﺭﺍﺀ .. ﻛﺮﻫﺖ ﺭﻭﺣﻲ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ...
ﺍﻟﺤﺴﻦ ﺣﻀﻨﻬﺎ : ﻫﻴﺎ ﺍﺭﻗﺪﻱ <<...
ﺍﻟﻮﻗﺖ ﺍﻟﺤﺎﺿﺮ ..
ﻋﻠﻴﺎ : ﻋﺴﻞ ... ﻭﻧﺰﻟﺖ ﻣﻨﻬﺎ ﺩﻣﻌﻪ ﺳﺨﻮﻧﻪ ...
ﻛﻠﻬﻢ ﺣﺴﻮﺍ ﺑﻴﻬﺎ ﺑﺮﻏﻢ ﺍﻧﻬﻢ ﻣﺶ ﻋﺎﺭﻓﻴﻦ ﻋﻼﺵ ﺍﺧﺘﺎﺭﺕ ﺍﺳﻢ ﻋﺴﻞ ﺑﺲ ﺩﻣﻌﺘﻬﺎ ﺑﻴﻨﺖ ﺍﻥ ﻟﻴﻬﺎ ﺫﻛﺮﻯ ﺑﻴﻨﺎﺗﻬﻢ ...
🍁🍁🍁
ﻛﻤﻠﺖ ﻋﻠﻴﺎ ﺣﻴﺎﺗﻬﺎ ﻭﻫﻲ ﺃﻡ ﻟﺰﻭﺯ ﺻﻐﺎﺭ ﻋﺎﻳﺸﻪ ﻉ ﺧﺎﻃﺮﻫﻢ ﻭﺑﻴﻬﻢ ﻭﻗﺮﺍﻳﺘﻬﺎ ﺗﻔﻮﻗﺖ ﻓﻴﻬﺎ ﺑﺮﻏﻢ ﻣﺴﺆﻭﻟﻴﺎﺗﻬﺎ ...
ﻭﺍﻟﺤﺴﻦ ﻣﺎﻓﻴﺶ ﺃﻱ ﺧﺒﺮ ﻋﻨﻪ ﺃﻭ ﻣﻨﻪ ﺍﺑﺪﺍ ...
🍃🍃🍃🍃🍃🍃🍃🍃
ﺑﻌﺪ ﻣﺮﻭﺭ ﺳﺖ ﺳﻨﻮﺍﺕ ...
ﻣﺎﺷﻴﻪ ﻓﻲ ﻣﻤﺮ ﺍﻟﻤﺴﺘﺸﻔﻰ ﻻﻗﺎﻫﺎ ﺭﺍﺟﻞ ﻭﻓﻴﺪﻩ ﻃﻔﻞ .. ﻭﺍﺿﺢ ﺣﺮﺍﺭﺗﻪ ﻣﺮﺗﻔﻌﻪ ..
ﺍﻟﺮﺍﺟﻞ : ﺑﺎﻟﻠﻪ ﻋﻠﻴﻚ ﻳﺎﺩﻛﺘﻮﺭﻩ ﻭﻟﺪﻱ ﺣﺮﺍﺭﺗﻪ ﻣﺎﺑﺘﺶ ﺗﻨﺰﻝ ...
ﻋﻠﻴﺎ : ﺗﻔﻀﻞ .. ﺗﻔﻀﻞ ..
ﺧﺶ ﺍﻟﺮﺍﺟﻞ ... ﻭﻋﻠﻴﺎ ﻓﺤﺼﺖ ﺍﻟﻮﻟﺪ ... ﻋﻄﺎﺗﻪ ﺧﺎﻓﺾ ﺣﺮﺍﺭﻩ ... ﻛﻠﻤﺖ ﻭﺣﺪﻩ ﻣﻦ ﺍﻟﻤﻤﺮﺿﺎﺕ ﺍﺗﺠﻴﺒﻠﻬﺎ ﻛﻤﺪﺍﺕ ﺗﻠﺞ ... ﺩﺍﺭﺗﻬﻮﻣﻠﻪ ... ﺣﻮﺍﻟﻲ ﺳﺎﻋﺘﻴﻦ ﻗﻌﺪ ﻋﻨﺪﻫﺎ ﻟﻴﻦ ﻧﺰﻟﺖ ﺣﺮﺍﺭﺗﻪ ﺷﻮﻱ ...
ﻭﺻﻔﺘﻠﻪ ﺍﺩﻭﻳﻪ ﻭﻋﻄﺖ ﺍﻟﺮﻭﺷﻴﺘﻪ ﻟﺒﻮﻩ ...
ﻋﻠﻴﺎ : ﻭﻧﺒﻴﻚ ﺍﺩﻳﺮﻟﻪ ﺍﻟﺘﺤﺎﻟﻴﻞ ﻫﺎﺩﻡ .. ﺍﺑﺘﺴﻤﺖ ﻟﻤﺎ ﺷﺎﻓﺖ ﺍﻟﺨﻮﻑ ﻓﻲ ﻋﻴﻮﻥ ﺍﻷﺏ ... ﻣﺎﺗﺨﺎﻓﺶ ﻟﻸﻃﻤﺌﻨﺎﻥ ﺑﺲ .. ﻣﺎﻳﺸﻮﻑ ﺑﺎﺱ ﺇﻥ ﺷﺎﺀ ﺍﻟﻠﻪ ..
ﺍﻟﺮﺍﺟﻞ ﻧﺎﺽ ﻭﻗﺎﻡ ﻭﻟﺪﻩ : ﺑﺎﺭﻙ ﺍﻟﻠﻪ ﻓﻴﻚ ﻳﺎﺩﻛﺘﻮﺭﺓ ..
ﻋﻠﻴﺎ : ﻫﺬﺍ ﻭﺍﺟﺒﻲ .. ﻧﺎﺿﺖ ﻭﻃﻠﻌﺖ ﻣﻌﺎﻩ ﻗﻌﺪﺕ ﺗﺸﺒﺤﻠﻪ ﻛﻴﻒ ﻳﻼﻋﺐ ﻓﻲ ﻭﻟﺪﻩ ﻭﻳﻀﺤﻜﻮﺍ ﻣﻊ ﺑﻌﺾ .. ﻗﻠﺒﻬﺎ ﻭﺟﻌﻬﺎ " ﺗﻤﻨﻴﺖ ﻟﻮ ﺣﻀﻨﺖ ﺳﻴﻒ ﻫﺎﻟﺤﻀﻦ ﻟﻤﺎ ﻳﻜﻮﻥ ﻣﺮﻳﺾ .. ﻗﺪﺍﺵ ﺳﻴﻒ ﺍﺣﺘﺎﺝ ﻟﻮﺟﻮﺩﻙ ﻳﺎﻟﺤﺴﻦ .. ﺣﺘﻰ ﻋﺴﻞ ﺗﻤﻨﻴﺖ ﻟﻮ ﻛﻨﺖ ﺟﻨﺒﻬﺎ ﻭﺩﻟﻌﺘﻬﺎ ﻭﺧﻠﻴﺘﻨﻲ ﻧﻐﺎﺭ ﻣﻨﻬﺎ "...
ﺍﻧﺨﻨﻘﺖ ﺑﺪﻣﻌﺘﻬﺎ ...
ﺟﺎﻫﺎ ﻋﺰﺍﻡ : ﺩﻛﺘﻮﺭﺓ ...
ﻋﻠﻴﺎ ﻣﺴﺤﺖ ﺩﻣﻌﺘﻬﺎ ﻭﺍﻟﺘﻔﺘﺖ ﺑﺄﺑﺘﺴﺎﻣﻪ : ﻧﻌﻢ ...
ﻋﺰﺍﻡ ﻻﺣﻆ ﺣﺰﻧﻬﺎ : ﺧﻴﺮ ﺻﺎﻳﺮﺓ ﻣﻌﺎﻙ ﺣﺎﺟﻪ ...
ﻋﻠﻴﺎ : ﻻ ﻣﺎﻓﻲ ﺷﻲ .. ﻗﻮﻝ ﺍﻧﺖ ﺧﻴﺮﻙ؟
ﻋﺰﺍﻡ ﺍﺑﺘﺴﻢ : ﻏﻴﺮ ﺣﺒﻴﺖ ﻧﻘﻮﻟﻚ ﺍﻟﻴﻮﻡ ﺍﻃﻠﻌﻲ ﻣﻊ ﻋﻴﻠﺘﻚ ﻣﺎﻓﻴﺶ ﺩﺍﻋﻲ ﺗﺠﻲ ﻟﻠﻌﻴﺎﺩﻩ .. ﺩﻛﺘﻮﺭﻩ ﺳﻤﻴﺮﻩ ﺟﺎﻳﻪ .
ﻋﻠﻴﺎ ﺍﺑﺘﺴﻤﺖ : ﺷﻜﺮﺍ ...
ﻋﺰﺍﻡ : ﺍﺷﻜﺮﻱ ﺳﻤﻴﺮﺓ ﺣﺘﻰ ﻫﻲ ...
ﻋﻠﻴﺎ ﺑﻀﺤﻜﻪ : ﺗﻮ ﻧﺸﻮﻓﻬﺎ ﺑﻌﺪﻳﻦ ﻭﻧﺸﻜﺮﻫﺎ ..
ﻛﻤﻠﻮﺍ ﻣﺸﻴﻬﻢ ﻓﻲ ﺍﻟﻤﻤﺮ ﻭﻫﻤﺎ ﻳﺘﻜﻠﻤﻮﺍ ﻉ ﺍﻟﺨﺪﻣﻪ ﻭﻭﺿﻊ ﺍﻟﺼﺤﻪ ﻓﺎﻟﺒﻼﺩ ﻛﻴﻒ ﺑﺪﻱ ﻳﺘﺤﺴﻦ ..
***
ﺑﺪﺍﻝ ﻣﺎ ﻳﻜﻮﻥ ﺩﺍﻳﺮ ﺻﻐﺎﺭ ﻭﻻﻫﻲ ﺑﻴﻬﻢ .. ﻋﺎﻳﺶ ﻟﺼﻐﺎﺭ ﻋﻠﻴﺎ ..
ﻧﻮﺍﻝ : ﺍﻣﻲ ﻣﺎﻣﻠﻴﺘﻴﺶ ...
ﺑﺜﻴﻨﻪ : ﻷﻣﺘﻰ ﺑﺎﻫﻲ .. ﺑﻌﺪ ﺗﺰﻭﺟﺘﻲ ﺍﻧﺘﻲ ﻗﻠﺖ ﺑﺎﻟﻚ ﻳﺤﺲ ﺑﻌﻤﺮﻩ ﺍﻟﻠﻲ ﻗﺎﻋﺪ ﻳﺠﺮﻱ ﻭﻳﻌﻘﻞ ﻭﻳﺘﺰﻭﺝ .. ﺷﻲ ﻭﻻﻫﻮ ﻫﻨﻲ ..
ﻧﻮﺍﻝ : ﺑﺲ ﺗﺒﻲ ﺍﻟﺤﻖ ﺗﻐﻴﺮ ﻫﻠﺒﻪ ﺣﺒﻪ ﻟﺼﻐﺎﺭ ﻋﻠﻴﺎ ﻏﻴﺮﻩ ﻫﻠﺒﻪ ﻳﺎﺃﻣﻲ ..
ﺑﺘﻴﻨﻪ : ﺑﺎﻫﻲ ﺷﻦ ﺍﻟﻔﺎﻳﺪﻩ ﻭﻋﻠﻴﺎ ﻣﺶ ﺷﺎﻳﻔﺎﺗﻪ ﺍﺻﻼ ...
ﻧﻮﺍﻝ : ﺍﻳﻪ ﻫﻮ ﻓﻲ ﺍﻷﻭﻝ ﺗﻘﺮﺏ ﻣﻨﻬﻢ ﻉ ﺧﺎﻃﺮﻫﺎ ﺑﺲ ﺗﻮﺍ ﺍﻟﻮﺿﻊ ﻏﻴﺮ ﻳﺤﺒﻬﻢ ﻫﻤﺎ ...
ﺑﺘﻴﻨﻪ : ﻛﻞ ﺍﻟﻠﻲ ﻳﻬﻤﻨﻲ ﺗﻮﺍ ﺍﻧﻪ ﻳﺘﺰﻭﺝ ﻭﻳﺪﻳﺮ ﻋﻮﻳﻠﻪ ﺑﺲ ...
ﻧﻮﺍﻝ ﺗﻨﻬﺪﺕ : ﺭﺷﺎ ﺷﻦ ﺣﺎﻟﻬﺎ ﻣﻊ ﺷﻴﺎﻳﺒﻴﻨﻬﺎ ﻟﻴﺎ ﻣﺪﻩ ﻣﻌﺎﺵ ﻛﻠﻤﺘﻬﺎ ...
ﺑﺘﻴﻨﻪ : ﻫﺎﻟﺒﻨﺖ ﻟﻤﻦ ﻃﺎﻟﻌﻪ ﻣﺶ ﻋﺎﺭﻓﻪ ﻧﺎﺳﻬﺎ ﻃﻴﺒﻴﻦ ﻟﻜﻦ ﻫﻲ ﻣﺎﻣﺨﻠﻴﻪ ﻣﻤﺪﺍﻳﺮﻩ ﻓﻴﻬﻢ ﻭﻛﺎﻥ ﻧﺤﻜﻴﻠﻚ ﺍﺧﺮ ﻣﺮﺓ ﺷﻦ ﻗﺎﻟﺘﻠﻲ ﺩﺍﺭﺕ ﻭﺗﺤﻜﻴﻠﻲ ﺑﻜﻞ ﻓﺨﺮ ..
ﻧﻮﺍﻝ ﺑﺈﻧﺘﺒﺎﻩ : ﺷﻦ ﺩﺍﺭﺕ ...
ﺑﺘﻴﻨﻪ : ﻳﺎﺣﻨﻪ ........... ﻭﺑﺪﺕ ﺗﺤﻜﻲ ﺑﺘﻴﻨﻪ ﻉ ﻋﻤﺎﻳﻞ ﺭﺷﺎ ﻓﻲ ﻣﺘﺎﻋﻴﻨﻬﺎ ... ﻓﻬﺎﻟﻮﻗﺖ ﻣﻨﺼﻒ ﻃﻠﻊ ﻣﻦ ﺍﻟﺤﻮﺵ ﻣﺘﻮﺟﻪ ﻟﺤﻮﺵ ﺧﺎﻟﻪ .... ﺍﻟﻴﻮﻡ ﺑﻴﻄﻠﻊ ﺳﻴﻒ ﻭﻋﺴﻞ ﻭﻣﺪﺍﻳﺮ ﻟﺴﻴﻒ ﻣﻔﺎﺟﺄﺓ ﻷﻥ ﻋﻴﺪ ﻣﻴﻼﺩﻩ ﻛﺎﻥ ﺍﻟﻴﻮﻡ ...
....
ﻋﻠﻴﺎ ﺗﻤﺸﻂ ﻓﻲ ﺷﻌﺮ ﻋﺴﻞ ﻭﺣﺪﺍﻫﺎ ﺳﻴﻒ ﻳﻬﺪﺭﺯ ..
ﺳﻴﻒ : ﺍﻟﻤﻬﻢ .. ﺍﻷﺑﻠﻪ ﺳﺄﻟﺘﻨﺎ ﻛﻞ ﻭﺍﺣﺪ ﺷﻦ ﺑﻴﻮﻟﻲ ﻟﻤﺎ ﻳﻜﺒﺮ ..
ﻋﻠﻴﺎ ﺑﺈﺑﺘﺴﺎﻣﻪ : ﻭﻟﻤﺎ ﺳﺄﻻﺗﻚ ﺷﻦ ﻗﻠﺖ ...
ﺳﻴﻒ ﺷﺒﺢ ﻟﺼﻮﺭﺓ ﺑﻮﻩ ﺍﻟﻤﺤﻄﻮﻃﻪ ﻉ ﺍﻟﻜﺎﻣﺪﻳﻨﻮ : ﺷﺮﻃﻲ ..
ﻋﻠﻴﺎ ﺟﻤﺪﺕ ﺷﺒﺤﺖ ﻟﺼﻮﺭﺓ ﻛﺎﻥ ﺻﻮﺭﺗﻪ ﻟﻤﺎ ﻛﺮﻣﻮﻩ ﺑﻮﺳﺎﻡ ...
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﺷﺒﺤﺖ ﻟﻮﻟﺪﻫﺎ : ﻭﻋﻼﺵ ﺷﺮﻃﻲ ..
ﺳﻴﻒ ﻳﺸﺒﺢ ﻟﺼﻮﺭﺓ ﺑﻮﻩ : ﻧﺒﻲ ﻧﻮﻟﻲ ﺑﻄﻞ ﺯﻱ ﺑﻮﻱ ..
ﻧﺰﻟﺖ ﺩﻣﻌﻪ ﻣﻦ ﻋﻠﻴﺎ ﻣﺴﺤﺘﻬﺎ ﻓﻴﺴﻊ ... ﺭﻥ ﺗﻠﻴﻔﻮﻧﻬﺎ ﺷﺎﻓﺎﺗﻪ ... ﻫﺬﺍ ﺧﺎﻟﻮ ﻣﻨﺼﻒ ﻫﻴﺎ ﻧﻮﺿﻮﺍ ....
ﻃﻠﻌﻮﺍ ﺳﻴﻒ ﻭﻋﺴﻞ ﻟﻤﻨﺼﻒ .. ﻭﻋﻠﻴﺎ ﻟﺒﺴﺖ ﻋﺒﺎﻳﺘﻬﺎ ﻭﻭﺷﺎﺣﻬﺎ .. ﻭﺷﻮﻳﻪ ﻭﻃﻠﻌﺖ .. ﻟﻘﺖ ﺍﻟﺼﻐﺎﺭ ﻭﺍﻗﻔﻴﻦ ﻉ ﻣﻨﺼﻒ ﺍﻟﻠﻲ ﻣﻘﻌﻤﺰ ﺣﺪﺍ ﺧﺎﻟﻪ ﻭﻳﻀﺤﻜﻮﺍ ﻣﻊ ﺑﻌﺾ .. ﻃﻠﻌﺖ ﺯﻳﻨﺐ ..
ﻋﻠﻴﺎ : ﺍﻣﻴﺮﻩ ﺑﺘﻤﺸﻲ ..
ﺯﻳﻨﺐ : ﺧﻄﻴﺒﻬﺎ ﻗﺎﻝ ﺑﺎﻫﻲ ..
ﺟﺘﻬﻢ ﺗﺠﺮﻱ : ﻫﻴﺎ ﺷﻦ ﻭﺍﻗﻔﻴﻦ ﻫﻜﻲ ... ﻭﻃﻠﻌﺖ ﻗﺪﺍﻣﻬﻢ .
ﻋﻠﻴﺎ ﺑﻀﺤﻜﻪ : ﻫﻴﺎ ﺍﻣﻲ ....
ﻭﻣﺸﻮﺍ ﺭﻛﺒﻮﺍ ﻣﻊ ﺟﻌﻔﺮ ... ﻭﺍﻟﺼﻐﺎﺭ ﺭﻛﺒﻮﺍ ﻣﻊ ﻣﻨﺼﻒ ...
ﻣﺸﻮﺍ ﻟﻮﺍﺣﺪ ﻣﻦ ﺍﻟﻤﻮﻻﺕ ﺍﻟﻜﺒﻴﺮﻩ ﺍﻟﻠﻲ ﻛﺎﻥ ﺩﺍﻳﺮ ﻣﻨﺼﻒ ﻓﻲ ﺍﺣﺪ ﻣﻘﺎﻫﻴﻪ ﻣﻔﺎﺟﺄﺓ ﻋﻴﺪ ﻣﻴﻼﺩ ﺳﻴﻒ ...
ﻭﺻﻠﻮﺍ ﻟﻠﻤﻮﻝ ﻭﺧﺸﻮﺍ ﻭﺭﻛﺒﻮﺍ ﻟﻠﺪﻭﺭ ﺍﻟﺘﺎﻧﻲ ... ﻭﻣﺠﺮﺩ ﻭﺻﻠﻮﺍ ﻟﻠﻤﻘﻬﻰ ﻟﻘﻮﺍ ﻓﺮﻗﺔ ﺍﻃﻔﺎﻝ ﺗﻐﻨﻲ ﻟﺴﻴﻒ ...
ﺳﻴﻒ ﺍﺗﻔﺎﺟﺄ ﻭﻓﺮﺡ ﻫﻠﺒﻪ ﻭﻋﺴﻞ ﻋﺠﺒﻬﺎ ﺍﻟﺠﻮ ﻭﻣﻨﺼﻒ ﻓﺮﺣﺎﻥ ﻟﻔﺮﺣﺘﻬﻢ ..
ﺑﻌﺪ ﺍﺟﻮﺍﺀ ﺍﺣﺘﻔﺎﻟﻴﻪ ﺣﻠﻮﺓ ﺑﺎﻟﻤﺮﺓ ﻭﺗﺼﻮﻳﺮ ﺑﻜﺎﻣﻴﺮﺍ ﺍﻟﻔﻴﺪﻳﻮ ...
ﺟﺖ ﻋﻠﻴﺎ ﻟﻤﻨﺼﻒ : ﻣﺶ ﻋﺎﺭﻓﻪ ﻛﻴﻒ ﻧﺸﻜﺮﻙ ..
ﻣﻨﺼﻒ ﺍﺑﺘﺴﻢ : ﺍﻧﻲ ﺍﻟﻠﻲ ﻣﺶ ﻋﺎﺭﻑ ﻛﻴﻒ ﻧﺸﻜﺮﻙ ﺍﻟﻠﻲ ﺳﻤﺤﺘﻴﻠﻲ ﻧﻜﻮﻥ ﻗﺮﻳﺐ ﻣﻨﻬﻢ ..
ﺍﺑﺘﺴﻤﺖ ﻋﻠﻴﺎ ... ﺟﺎﻫﺎ ﺳﻴﻒ ..
ﺳﻴﻒ : ﺍﻣﻲ ﻫﺎﺩﻡ ﺑﻘﺎﻳﺎ ﻃﻌﺎﻡ ﻭﻳﻦ ﻧﺮﻓﻌﻬﻢ ...
ﻋﻠﻴﺎ : ﺍﺳﺘﻨﻰ ﺣﺒﻴﺒﻲ ﺗﻮﻧﻄﻠﻌﻮﺍ ﺑﻌﺪﻳﻦ ﻣﻊ ﺑﻌﺾ ﻭﻧﺪﻭﺭﺍ ﻗﻄﺎﻃﻴﺲ ﻧﻌﻄﻮﻫﺎﻟﻬﻢ ..
ﺳﻴﻒ : ﺣﺎﺿﺮ .... ﺍﺑﺘﺴﻢ ﻣﻨﺼﻒ ﻭﻫﻮ ﻳﺴﻤﻊ ﻟﺤﺪﻳﺜﻬﻢ ...
ﺑﺲ ﺳﻴﻒ ... ﺍﻟﻠﻲ ﻛﺎﻥ ﻳﺤﺐ ﻳﺘﺼﺮﻑ ﺑﺮﻭﺣﻪ ﻭﻣﺘﻌﺐ ﺍﻣﻪ ﻣﻦ ﻫﺎﻟﻨﺎﺣﻴﻪ ... ﺧﺪﻱ ﺍﻟﻤﺎﻛﻠﻪ ﻭﻣﺸﻲ ﻭﺍﺳﺘﻐﻞ ﺍﻧﺸﻐﺎﻝ ﺍﻣﻪ ﻣﻊ ﻋﺴﻞ ﻭﺍﻟﺒﺎﻗﻲ ﺑﺎﻟﺤﻔﻠﻪ ... ﻧﺰﻝ ﻟﻮﻃﺎ ﻭﻃﻠﻊ ﻣﻦ ﺍﻟﻤﻮﻝ ﻭﻗﻌﺪ ﻳﺪﻭﺭ ﻉ ﻗﻄﺎﻃﻴﺲ ﻗﻌﺪ ﻳﻤﺸﻲ ﻭﻳﻤﺸﻲ ﻭﻳﺪﻭﺭ ﺑﻌﺪ ﺷﻮﻳﻪ ﻋﻦ ﺍﻟﻤﻮﻝ .. ﻟﻴﻦ ﻭﺻﻞ ﻓﻲ ﻣﻜﺎﻥ ﻓﻴﻪ ﻗﻄﺎﻃﻴﺲ ..
ﻗﻌﺪ ﻳﺒﺸﺒﺸﻠﻬﻢ ﺟﻮﻩ ﻭﻗﻌﺪﻭﺍ ﻳﺎﻛﻠﻮﺍ ﺍﻟﻠﻲ ﺟﺎﺑﻬﻮﻟﻬﻢ ﻭﻫﻮ ﻳﺘﻔﺮﺝ ﻋﻠﻴﻬﻢ ...
ﻛﻤﻠﻮﺍ ﻭﻗﻌﺪﻭﺍ ﻳﺸﺒﺤﻮﻟﻪ ..
ﺳﻴﻒ ﺑﺒﺮﺍﺀﻩ : ﺧﻼﺹ ﻣﻌﺎﺵ ﻋﻨﺪﻱ ..
" ﻋﻄﻴﻬﻢ ﻫﺎﺩﻱ "
ﺳﻴﻒ ﻗﺎﻡ ﺭﺍﺳﻪ ﻭﺷﺒﺢ ﻟﺮﺍﺟﻞ ﺃﺭﺑﻌﻴﻨﻲ ﻛﺜﻴﻒ ﺍﻟﻠﺤﻴﻪ ﻭﺷﻌﺮﻩ ﻭﺍﺻﻞ ﻟﺮﻗﺒﺘﻪ ﻭﻛﺎﻥ ﺑﺪﻱ ﺍﻟﺸﻴﺐ ﻓﻴﻬﻢ ...
ﺳﻴﻒ ﺍﺑﺘﺴﻢ ﻭﺧﺪﻱ ﻣﻨﻪ ﻗﻄﻌﺔ ﺩﺟﺎﺟﻪ ﻭﻋﻄﺎﻫﺎ ﻟﻠﻘﻄﺎﻃﻴﺲ ...
ﺍﺑﺘﺴﻢ ﻟﻤﺎ ﺷﺎﻓﻬﻢ ﻳﺎﻛﻠﻮﺍ ...
: ﺟﺎﻱ ﺑﺮﻭﺣﻚ ﻫﻨﻲ ..
ﺳﻴﻒ : ﻻﺟﻴﺖ ﻣﻊ ﺃﻣﻲ ﻭﺧﺎﻟﻲ ﻭﺟﺪﻱ ﻭﺣﻨﺎﻱ ﻭﺧﺎﻟﺘﻲ ..
ﺿﺤﻚ ﻭﻧﺰﻝ ﻟﻤﺴﺘﻮﺍﻩ ﻭﻗﻌﺪ ﻳﺤﺪﻑ ﻟﻠﻘﻄﺎﻃﻴﺲ ﺑﺎﻗﻲ ﻃﺮﻑ ﺍﻟﺴﻜﺎﻟﻮﺏ ﺍﻟﻠﻲ ﻗﻌﺪﻓﻲ ﻧﺼﻪ ..
ﺳﻴﻒ ﻓﻨﺺ ﺑﻌﻴﻮﻧﻪ : ﺣﻴﻴﻴﻲ ..
: ﺧﻴﺮﻙ ..
ﺳﻴﻒ : ﻃﻠﻌﺖ ﻣﻦ ﺍﻟﻤﻮﻝ ﻭﻣﺎﻗﻠﺘﺶ ﻷﻣﻲ ...
ﻧﺎﺽ ﻉ ﺣﻴﻠﻪ : ﻛﻴﻒ ﻣﺎﺗﻘﻮﻟﻠﻬﺎﺵ ... ﺍﻛﻴﺪ ﻗﺎﻟﺒﻴﻦ ﻋﻠﻴﻚ ﺍﻟﺪﻧﻴﺎ ..
.....
ﻋﻠﻴﺎ ﺗﺠﺮﻱ ﻓﻲ ﺍﻟﻤﻮﻝ ﻭﺍﻟﻠﻲ ﺗﻠﻘﺎﻩ ﺗﻮﻗﻔﻪ ﻭﺗﺴﺄﻝ ﻉ ﺍﻭﺻﺎﻑ ﻭﻟﺪﻩ ﻛﺎﻥ ﺷﺎﻓﻪ ... ﻟﻜﻦ ﻣﺎﺣﺪ ﺷﺎﻓﻪ .. ﻣﻨﺼﻒ ﻛﺎﻥ ﻳﺪﻭﺭ ﻣﻌﺎﻫﺎ ..
ﻭﺍﻣﻴﺮﻩ ﻭﺑﻮﻫﺎ ﻭﺃﻣﻬﺎ ..
ﻋﻠﻴﺎ ﻭﺻﻠﺖ ﻓﻢ ﺍﻟﻤﻮﻝ ... ﺳﺄﻟﺖ ﺍﻷﻣﻦ ﻗﺎﻟﻮﻟﻬﺎ ﺷﺎﻓﻮﻩ ﻃﻠﻊ ... ﻃﻠﻌﺖ ﻋﻠﻴﺎ ﺩﺍﺭﺕ ﺣﻮﺍﻟﻴﻦ ﻧﻔﺴﻬﺎ ﻭﻣﺶ ﻋﺎﺭﻓﻪ ﻭﻟﺪﻫﺎ ﻭﻳﻦ ﻣﻤﻜﻦ ﻳﻜﻮﻥ ﻣﺸﻲ .. ﺷﺎﻓﺖ ﻟﺠﻬﻪ ﻣﻌﻴﻨﻪ ﻭﻣﺸﺖ ﻣﻨﻬﺎ ﻃﻮﻝ
...
: ﺍﺳﻤﻊ ﻛﻼﻡ ﺍﻣﻚ ﻣﺮﺓ ﺗﺎﻧﻴﻪ ﻭﻣﺎﺗﺨﻠﻴﻬﺎﺵ ﺗﺨﺎﻑ ﻋﻠﻴﻚ ..
ﺳﻴﻒ : ﺣﺎﺿﺮ ... ﺍﻣﻲ ... ﺍﻫﻴﺎ ..
ﺍﻟﺮﺍﺟﻞ ﺍﻟﻠﻲ ﻛﺎﻥ ﺷﺎﺩ ﻳﺪ ﺳﻴﻒ ﻭﻣﺎﺷﻲ ﻫﻮ ﻭﻳﺎﻩ ﻟﻤﺎ ﺷﺎﻑ ﺃﻡ ﺳﻴﻒ ﺟﻤﺪ ﻓﻲ ﻣﻜﺎﻧﻪ ..
ﺳﻴﻒ ﺑﺼﻮﺕ ﻋﺎﻟﻲ : ﺃﻣﻤﻤﻤﻤﻲ ...
ﺷﺒﺤﺎﺗﻪ ﻋﻠﻴﺎ ﻛﻴﻒ ﻳﺠﺮﻱ ﻧﺎﺣﻴﺘﻬﺎ ﺟﺎﺗﻪ ﺗﺠﺮﻱ ﻭﻧﺰﻟﺖ ﻉ ﺭﻛﺎﺑﻬﺎ ﻭﺣﻀﻨﺎﺗﻪ ﺑﻘﻮﺓ ..
ﻋﻠﻴﺎ : ﺣﺒﻴﺒﻲ ... ﻭﻳﻦ ﻣﺸﻴﺖ ... ﺑﻌﺪﺍﺗﻪ ﻭﺷﺪﺕ ﻭﺟﻬﻪ ﺑﺈﻳﺪﻳﻬﺎ ..
ﺳﻴﻒ : ﻣﺸﻴﺖ ﻭﻛﻠﺖ ﺍﻟﻘﻄﺎﻃﻴﺲ ..
ﻋﻠﻴﺎ : ﻭﻛﻴﻒ ﺗﻤﺸﻲ ﺑﺮﻭﺣﻚ ﻳﺎﻣﺎﻣﺎ ﻣﺶ ﻗﺘﻠﻚ ﻧﻤﺸﻮﺍ ﻣﻊ ﺑﻌﺾ ..
ﺳﻴﻒ : ﺍﺳﻒ ﻳﺎﺍﻣﻲ .. ﻟﻜﻦ ﻣﺎﻛﻨﺘﺶ ﺑﺮﻭﺣﻲ ﻧﻮﻛﻞ ﻓﻴﻬﻢ ﻛﺎﻥ ﻣﻌﺎﻱ ﻋﻤﻮ ﻫﺬﺍ ﺍﺷﺮ ﺳﻴﻒ ﺑﺴﺒﺎﺑﺘﻪ ﻭﻫﻮ ﻣﺘﻠﻔﺖ ﺟﻴﻬﺔ ﺍﻟﺮﺍﺟﻞ ... ﻋﻠﻴﺎ ﻟﻤﺎ ﺷﺎﻓﺖ ﻭﻳﻦ ﻳﺄﺷﺮ ﻭﻟﺪﻫﺎ ... ﺍﻟﺪﻧﻴﺎ ﻛﻠﻬﺎ ﻭﻗﻔﺖ ﺑﺎﻟﻨﺴﺒﻪ ﻟﻴﻬﺎ .. ﻧﺎﺿﺖ ﺑﺒﻂﺀ ﺷﺪﻳﺪ ﻭﻭﻗﻔﺖ ﻉ ﺭﺟﻠﻴﻬﺎ ﺍﻟﻠﻲ ﺣﺎﻣﻠﻴﻨﻬﺎ ﺑﺎﻟﺴﻴﻒ ﻣﻦ ﻫﻮﻝ ﺻﺪﻣﺘﻬﺎ ﻓﻲ ﺍﺍﻟﻠﻲ ﺷﺎﻓﺎﺗﻪ ... ﻗﻠﺒﻬﺎ ﺭﺟﻒ ... ﻧﻔﺲ ﺍﻟﺮﺟﻔﻪ ﺍﻟﻠﻲ ﻟﻴﻬﺎ ﺳﻨﻴﻦ ﻣﺎﺣﺴﺖ ﺑﻴﻬﺎ ... ﺗﺮﻋﺶ ﻣﻊ ﺑﻌﻀﻬﺎ ... ﺍﻣﺎ ﻭﻟﻮ ﺃﻟﻘﻴﻨﺎ ﻧﻈﺮﻩ ﻉ ﺍﻟﺮﺍﺟﻞ .. ﺣﻨﻠﻘﻮﻩ ﻭﺍﻗﻒ ﻓﻲ ﻣﻜﺎﻧﻪ ﻭﻳﺸﺒﺢ ﺑﻌﻴﻮﻥ ﻣﻠﻴﺎﻧﻪ ﺩﻣﻮﻉ .. ﺣﺐ ... ﻋﺸﻖ ... ﻫﻴﺎﻡ ... ﺷﻮﻕ .. ﻟﻬﻔﻪ ...
ﻗﻌﺪﻭﺍ ﻭﺍﻗﻔﻴﻦ ﻳﺸﺒﺤﻮﺍ ﻟﺒﻌﺾ ﻭﻣﺎﻳﺸﺒﺤﻮﺵ ﺇﻻ ﻓﻲ ﺑﻌﺾ ﺍﻟﺪﻧﻴﺎ ﻓﻀﺖ ﻣﻦ ﻛﻞ ﺍﻟﻮﺟﻮﻩ ... ﺳﻴﻒ ﺍﻟﺼﻐﻴﺮ ﻛﺎﻥ ﻣﺮﻛﺰ ﻋﻠﻴﻬﻢ ﻭﻳﺸﺒﺤﻠﻬﻢ ﻭﻣﺴﺘﻐﺮﺏ ...
" ﻋﻠﻴﺎ .."
ﺻﻮﺕ ﻣﻨﺼﻒ ﻗﻄﻊ ﻋﻠﻴﻬﻢ ﻫﺎﻟﻠﺤﻈﻪ ... ﺍﻧﺼﺪﻡ ﻫﻮ ﺗﺎﻧﻲ ﻫﺪﺍ ﺟﺮﻱ ﻭﻗﻌﺪ ﻭﺍﻗﻒ ﻳﺸﻮﻑ ﻟﻠﺮﺍﺟﻞ ...
ﻣﻨﺼﻒ ﻭﻫﻮ ﻳﺸﺒﺤﻠﻪ : ﻋﻠﻴﺎ ...
ﻋﻠﻴﺎ ﻏﻤﻀﺖ ﻋﻴﻮﻧﻬﺎ ﺑﺎﻟﻢ ﻭﺷﺪﺕ ﻓﻲ ﺍﻳﺪ ﻭﻟﺪﻫﺎ : ﻫﻴﺎ ﻣﺎﻣﺎ ... ﻭﻟﻔﺖ ﻭﻣﺸﺖ ﻫﻲ ﻭﺳﻴﻒ .. ﻭﻣﻨﺼﻒ ﻗﻌﺪ ﻳﺸﺒﺢ ﻟﻠﺮﺍﺟﻞ ﺑﺮﻓﻌﺔ ﺣﺎﺟﺐ ﻭﺍﺳﺘﻐﺮﺍﺏ ﻭﻟﻒ ﻭﻣﺸﻲ ﻭﺭﺍﻫﻢ ..
ﻋﻠﻴﺎ ﻛﺎﻧﺖ ﻓﻲ ﺣﺎﻟﻪ ﻏﺮﻳﺒﻪ .. ﻣﻌﺼﺒﻪ .. ﻉ ﻣﺴﺘﺎﺣﺸﻪ .. ﻉ ﺯﻋﻼﻧﻪ ... ﻉ ﻣﻘﻬﻮﺭﺓ .. ﻫﻲ ﺗﻤﺸﻲ ﻭﺗﺠﺮ ﻓﻲ ﻗﻠﺒﻬﺎ ﺍﻟﻠﻲ ﺭﺍﻓﺾ ﻳﻤﺸﻲ ﻭﻳﻨﺒﺾ ﺑﻜﻞ ﻗﻮﺓ ﻳﺒﻲ ﺣﺒﻴﺒﻪ ... ﻳﺒﻲ ﺍﻟﺤﺴﻦ 💓
ﻣﻨﺼﻒ : ﻋﻠﻴﺎ ..
ﻋﻠﻴﺎ : ﺍﺭﺟﻮﻙ ﻣﻨﺼﻒ ﻣﺎﻧﺒﻴﺶ ﻧﺘﻜﻠﻢ ... ﻭﻛﻴﻒ ﺑﻴﻮﺻﻠﻮﺍ ﻓﻲ ﺍﻟﻤﻮﻝ ﻟﻘﺖ ﻋﻴﻠﺘﻬﺎ ﺑﺮﺍ ..
ﺟﻌﻔﺮ : ﻭﻳﻦ ﻛﺎﻥ ..
ﻣﻨﺼﻒ : ﻳﻮﻛﻞ ﻓﻲ ﺍﻟﻘﻄﺎﻃﻴﺲ ...
ﻋﻠﻴﺎ : ﻫﻴﺎ ﻧﺮﻭﺣﻮﺍ ﻭﺟﺒﺪﺕ ﻋﺴﻞ ﻣﻦ ﻳﺪﻫﺎ ﻭﻣﺸﺖ ﺑﻴﻬﻢ ﻟﻠﺴﻴﺎﺭﻩ ..
ﺯﻳﻨﺐ ﺑﺈﺳﺘﻐﺮﺍﺏ : ﺧﻴﺮﻫﺎ !!
ﺃﻣﻴﺮﻩ : ﻭﺍﺿﺢ ﻋﺼﺒﺖ ﻣﻦ ﺳﻴﻒ ..
ﻣﻨﺼﻒ ﻫﺰ ﺭﺍﺳﻪ ﺑﺈﻳﺠﺎﺏ ...
ﻭﻣﺸﻮﺍ ﻛﻠﻬﻢ ... ﺑﺶ ﻳﺮﻭﺣﻮﺍ ...
***
ﺟﻨﺎﻥ : ﻣﺎﻣﺎ ﺑﻨﻤﺸﻲ ..
ﻭﺳﻴﻠﻪ : ﺑﺎﻫﻲ ﺭﺩﻱ ﺑﺎﻟﻚ ﻉ ﺭﻭﺣﻚ ..
ﺟﻨﺎﻥ ﺑﺎﺳﺘﻬﺎ : ﺣﺎﺿﺮ .. ﺗﻮﺟﻬﺖ ﻟﻠﺒﺎﺏ ﻭﻛﻴﻒ ﻓﺘﺤﺎﺗﻪ .. ﺷﻬﻘﺖ ﺑﺄﻋﻠﻰ ﺻﻮﺕ ...
ﺟﻨﺎﻥ ﺑﺼﺪﻣﻪ : ﺧﺨﺦ .. ﺍﻟﻞ ... ﻫﺎﺍﻩ ﻫﺎﺍﻫﺎﻩ .. ﻭﺣﻀﻨﺎﺗﻪ ﻃﻮﻝ ..
ﺍﻟﺤﺴﻦ ﺑﺈﺑﺘﺴﺎﻣﻪ : ﺣﻮﻟﻲ ﺧﻼﺹ ..
ﻉ ﻃﻠﻌﺔ ﻭﺳﻴﻠﻪ ﺍﻟﻠﻲ ﻟﻤﺎ ﺷﺎﻓﺎﺗﻪ ﺩﺍﺧﺖ 😆..
***
ﺍﻣﻴﺮﺓ : ﻛﺎﻥ ﻧﻌﺮﻑ ﺷﻦ ﺻﺎﺭ ..
ﺯﻳﻨﺐ : ﻣﺎﻋﺼﺒﺘﺶ ﻣﻦ ﺳﻴﻒ ﻫﻜﻲ ﻗﺒﻞ ..
ﺍﻣﻴﺮﻩ : ﺍﻧﻲ ﻓﻲ ﺍﻷﻭﻝ ﻓﻜﺮﺕ ﺍﻧﻪ ﻋﺼﺒﺖ ﻣﻦ ﺧﻮﻓﻬﺎ .. ﺑﺲ ﻟﻤﺎ ﺣﺒﺴﺖ ﺭﻭﺣﻬﺎ ﻓﻲ ﺍﻟﺪﺍﺭ ﺣﺴﻴﺖ ﺇﻥ ﻓﻲ ﺷﻲ ...
...
ﻋﻠﻴﺎ ﻓﻲ ﺩﺍﺭ ﻛﺎﻧﺖ ﺗﺸﺒﺢ ﻟﺼﻮﺭﺗﻪ ﻭﺣﺎﻃﻪ ﺍﺑﻬﺎﻣﻬﺎ ﻓﻲ ﻓﻤﻬﺎ ﻭﻧﺎﺗﺸﺎﺗﻪ .. ﻣﻦ ﺍﻟﻐﻀﺐ .. ﻭﺗﻬﺰ ﻓﻲ ﺭﺟﻠﻬﺎ ﺑﻌﺼﺒﻴﻪ ﻭﺩﻣﻮﻋﻬﺎ ﻳﻨﺰﻟﻮﺍ ... ﻭﻗﻠﺒﻬﺎ ﻣﺎﺑﻄﻠﺶ ﺭﺟﻒ ..💓
***
ﻭﺳﻴﻠﻪ ﺑﻀﺤﻜﻪ : ﻭﺍﻟﻠﻪ ﻣﺎﻣﺼﺪﻗﻪ ﻟﺘﻮ ...
ﺍﻟﺤﺴﻦ ﺑﺄﺑﺘﺴﺎﻣﻪ : ﻣﺎﺗﻐﻴﺮﺗﻴﺶ ..
ﻭﺳﻴﻠﻪ : ﻣﻦ ﺍﻣﺎ ﻧﺎﺣﻴﻪ ..
ﺍﻟﺤﺴﻦ : ﻓﻜﻞ ﺷﻲ ﺣﺘﻰ ﻓﻲ ﺷﻜﻠﻚ ..
ﻭﺳﻴﻠﻪ ﺑﻀﺤﻜﻪ : ﻫﺎﺍﻩ ﺭﻳﺘﻮﺍ ﺍﻧﻲ ﻣﺎﻧﻜﺒﺮﺵ ﺑﻜﻞ .
ﺟﻨﺎﻥ : ﻫﻬﻬﻬﻬﻬﻬﻪ .. ﺍﻳﻪ ﺭﻳﻨﺎ .. ﺷﺒﺤﺖ ﻟﺨﻮﻫﺎ .. ﻟﻜﻦ ﺍﻧﺖ ﺑﺎﻳﻦ ﻓﻴﻚ ﺍﻟﻜﺒﺮ .. ﺗﺒﺎﻥ ﺃﻛﺒﺮ ﻣﻦ ﻋﻤﺮﻙ ...
ﺍﻟﺤﺴﻦ ﺍﺑﺘﺴﻢ ﺑﻀﻴﻖ ﻭﻗﻌﺪ ﺳﺎﻛﺖ ..
ﻭﺳﻴﻠﻪ : ﻭﻳﻨﻚ ﻳﺎﻭﻟﺪﻱ ﻋﻼﺵ ﺳﻴﺒﺖ ﻣﺮﺗﻚ ﻭﻟﺪﻙ ﻭﺳﻴﺒﺘﻨﺎ ﻭﺳﻴﺒﺖ ﺍﻟﺒﻼﺩ ﻛﻠﻬﺎ ..
ﺍﻟﺤﺴﻦ : ﺗﻮ ﻧﺤﻜﻴﻠﻜﻢ .. ﺑﺲ ﻗﺒﻠﻬﺎ ﺍﺣﻜﻮﻟﻲ ﺍﻧﺘﻢ ﺷﻦ ﺻﺎﺭ ﻓﻴﻜﻢ ..
ﺟﻨﺎﻥ : ﺍﻫﻮ ﺍﺧﺘﻚ ﻃﺒﻴﺒﺔ ﺟﺮﺍﺣﻪ ﻗﺪ ﺍﻟﺪﻧﻴﺎ ..
ﺍﻟﺤﺴﻦ ﺭﻓﻊ ﺣﻮﺍﺟﺒﻪ : ﻣﺎﺷﺎﺀ ﺍﻟﻠﻪ ..
ﻭﺳﻴﻠﻪ : ﻭﺗﺨﺪﻡ ﻟﻴﻠﻬﺎ ﻭﻧﻬﺎﺭﻫﺎ ..
ﺍﻟﺤﺴﻦ ؛ ﺭﺑﻲ ﻳﻌﺎﻭﻥ ..
ﺟﻨﺎﻥ : ﺗﺴﻠﻢ ..
ﺍﻟﺤﺴﻦ : ﻣﺎﻻ ﻭﻳﻦ ﺣﺴﺎﻥ ﻭﻋﻴﺎﻟﻪ ..
ﻭﺳﻴﻠﻪ : ﺣﺴﺎﻥ ﻭﻻ ﺣﺴﺎﻥ ﺗﺎﻧﻲ .. ﺣﻔﻆ ﺍﻟﻘﺮﺁﻥ ﻭﺍﻟﺘﺰﻡ ﻭﻭﻻ ﺷﻴﺦ ﻭﺗﻮﺍ ﻫﻮ ﻭﻣﺮﺗﻪ ﻓﻲ ﺍﻟﺠﺎﻣﻊ ﻫﻲ ﺗﻘﺮﻱ ﻓﻲ ﺣﻠﻘﺔ ﻧﺴﺎﺋﻴﺔ ﻭﻫﻮ ﺭﺟﺎﻟﻴﻪ ..
ﺍﻟﺤﺴﻦ ﻣﺘﻔﺎﺟﺄ ..
ﺟﻨﺎﻥ : ﻭﻫﺪﺍﻳﻪ ﻣﺎﺷﺎﺀ ﺍﻟﻠﻪ ﺣﻔﻈﺖ ﻣﻦ ﺍﻟﻘﺮﺍﻥ ﺍﺭﺑﻌﻪ ﺍﺟﺰﺍﺀ ...
ﺍﻟﺤﺴﻦ ﻣﺬﻫﻮﻝ : ﺍﻟﻠﻬﻢ ﺑﺎﺭﻙ ..
ﻭﺳﻴﻠﻪ : ﻭﺩﺍﺭ ﺍﻭﻳﺲ ﻭﺯﻛﺮﻳﺎ ﻭﺍﺣﺪ ﻋﻤﺮﻩ 3 ﺳﻨﻴﻦ ﻭﺍﺣﺪ ﺳﻨﺘﻴﻦ .. ﺗﻮﺍ ﻛﻴﻒ ﺭﻗﺪﺗﻬﻢ ﺩﻫﺸﻮﻧﻲ ﺳﻼﻣﺘﻬﻢ ..
ﺿﺤﻜﻮﺍ ﺍﻟﺰﻭﺯ ...
ﺟﻨﺎﻥ : ﻋﻠﻲ ﻭﻻ ﺟﺪ ﻣﻴﺴﻮﻥ ﻋﻨﻬﺎ ﺯﻭﺯ ﻭﻻﺩ ﻟﻜﻦ ﺍﺳﺘﻘﺮﺕ ﺑﺮﺍ ﻣﻊ ﺭﺍﺟﻠﻬﺎ ﻭﺗﺠﻲ ﺯﻳﺎﺭﺍﺕ .. ﻭﺻﻬﻴﺐ ﺧﺎﻃﺐ ﻭﻋﺮﺳﻪ ﺑﻌﺪ ﺳﻨﻪ .
ﺍﻟﺤﺴﻦ : ﻫﻬﻬﻬﻬﻬﻬﻬﻬﻬﻬﻬﻪ ﺍﻣﺘﻲ ﺻﺎﺭ ﻣﻨﻪ ﻫﺬﺍ ...
ﻭﺳﻴﻠﻪ : ﺳﻜﺮ ﺭﺍﺳﻪ ﻳﺒﻲ ﺑﻨﻴﻪ ﻭﺧﺎﻳﻒ ﺗﺮﻳﺢ ﻣﻨﻪ ..
ﺍﻟﺤﺴﻦ ﺍﺑﺘﺴﻢ : ﺧﻮﻟﻪ ..
ﻭﺳﻴﻠﻪ ﺑﻀﺤﻜﻪ : ﺩﺍﺭﺕ ﻭﻟﺪﻳﻦ ﺣﺘﻲ ﻫﻲ .. ﻭﺍﻟﺤﻤﺪ ﻟﻠﻪ ﻣﺘﺮﻳﺤﻪ ﻓﻲ ﺣﻴﺎﺗﻬﺎ ..
ﺟﻨﺎﻥ : ﻭﻋﻤﺘﻮ ﺍﻧﻌﺎﻡ ﺣﺘﻰ ﻫﻲ ﻋﻨﺪﻫﺎ ﺗﻮﺍﻣﺎ ﺑﻨﺎﺕ ﻭﻟﺪ ..
ﺍﻟﺤﺴﻦ : ﺍﻟﺤﻤﺪ ﻟﻠﻪ ... ﺣﻨﺎﻱ ...
ﻣﻼﻣﺢ ﻭﺟﻮﻫﻬﻢ ﺗﻐﻴﺮﺕ ... ﻭﺍﻟﺤﺴﻦ ﻓﻬﻢ ﻭﺑﺎﺳﻒ ﻭﺣﺰﻥ ﺷﺪﻳﺪ ﻗﺎﻝ : ﺍﻟﻠﻪ ﻳﺮﺣﻤﻬﺎ ..
ﺩﻣﻌﻮﺍ ﻭﺳﻴﻠﻪ ﻭﺟﻨﺎﻥ ..
ﺟﻨﺎﻥ ﻣﺴﺤﺖ ﺩﻣﻮﻋﻬﺎ ﺑﻀﺤﻜﻪ : ﺭﻳﺤﺎﻧﻪ ﺗﺰﻭﺟﺖ ﻭﻛﻴﻞ ﺍﻟﻨﻴﺎﺑﻪ ﺳﻬﻴﻞ ﻭﻋﻨﺪﻫﺎ 3 ﻭﻻﺩ ..
ﺍﻟﺤﺴﻦ ﺍﺑﺘﺴﻢ ﺑﻌﺪﻳﻦ ﻗﺎﻝ : ﺑﻮﻱ ﻭﻋﻤﻲ ﺷﻦ ﺣﺎﻟﻬﻢ ..
ﺗﻨﻬﺪﺕ ﻭﺳﻴﻠﻪ : ﺑﻮﻙ ﺣﺎﻟﻪ ﺑﺎﻫﻲ ﻟﻜﻦ ﻋﻤﻚ ﺑﺎﻟﻬﻮﻥ ... ﺟﺎﻩ ﻫﺬﺍﻛﺎ ﺍﻟﻤﺮﺽ ..
ﺍﻟﺤﺴﻦ ﺑﺄﺳﻒ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ...
ﺳﻜﺘﻮﺍ ﺷﻮﻳﻪ ﺑﻌﺪﻳﻦ ﺟﻨﺎﻥ ﺷﺒﺤﺖ ﻟﻠﺤﺴﻦ : ﻭﺍﻧﺖ ﻭﻻ ﻋﻨﺪﻙ ﺑﻨﻴﻪ ..
ﺍﻟﺤﺴﻦ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺼﺪﻣﻪ ..
ﺟﻨﺎﻥ ﺑﻌﺪ ﻣﺎﻣﺎﺷﻴﺖ ﺏ 15 ﻳﻮﻡ ﻋﻠﻴﺎ ﻃﻠﻌﺖ ﺣﺎﻣﻞ .. ﻭﺟﺎﺑﺖ ﺑﻨﻴﻪ ﺗﻬﺒﻞ ﻧﺴﺨﻪ ﻣﻨﻬﺎ ﻏﻴﺮ ﻋﻴﻮﻧﻬﺎ ﻟﻮﻧﻬﻢ ﺯﻱ ﻋﻴﻮﻧﻚ ... ﻭﺳﻤﺘﻬﺎ ﻋﺴﻞ ..❤
ﺍﻟﺤﺴﻦ ﻗﻠﺒﻪ ﻳﺪﻕ ﺑﻌﻨﻒ ﻭﻋﻴﻮﻧﻪ ﺗﻌﺒﻮﺍ ﺩﻣﻮﻉ .. ﻧﺎﺽ ﺑﺴﺮﻋﻪ ﻭﻃﻠﻊ ﺑﺮﺍ ...
🍁🍁🍁🍁
ﻟﻴﻠﺘﻬﺎ ﻋﻠﻴﺎ ﻣﺎﺭﻗﺪﺗﺶ ﻭﻻ ﻏﻤﻀﺔ ﻭﻫﻲ ﻣﺶ ﻗﺎﺩﺭﺓ ﺗﻨﺴﻰ ﺍﻟﻠﻲ ﺻﺎﺭ ﺩﻣﻮﻋﻬﺎ ﻣﺎﺑﻄﻠﻮﺵ ﻧﺰﻭﻝ ﺗﺬﻛﺮ ﻓﻲ ﻣﻼﻣﺤﻪ .. ﻛﻴﻒ ﺷﺎﻳﺐ ﻭﺿﺎﻋﻒ ﻭﺑﺎﻳﻦ ﻓﻴﻪ ﺍﻟﻜﺒﺮ .. ﺣﻀﻨﺖ ﻧﻔﺴﻬﺎ ﻭﻏﻤﻀﺖ ﻋﻴﻮﻧﻬﺎ ﻭﺗﻤﻨﺖ ﻟﻮ ﺣﻀﻨﺎﺗﻪ ﻃﻮﻝ ﺃﻭﻝ ﻣﺎﺷﺎﻓﺎﺗﻪ .. ﺑﺲ ﻓﻲ ﻫﻠﺒﻪ ﺣﻮﺍﺟﺰ ﻣﻨﻌﺖ ﻫﺎﻟﺸﻲ ...
🎶 ﺣﻴﺎﺗﻲ ﻭﻫﻮ ﻣﺶ ﻓﻴﻬﺎ
ﺳﻨﻴﻦ ﻋﺪﺕ ﺭﺿﻴﺖ ﺑﻴﻬﺎ
ﻭﻓﺎﻛﺮ ﻟﻮﻗﺎﺑﻠﺖ ﻋﻨﻴﻪ
ﻋﺎﺩﻱ ﺟﺪﺍ ﺣﻌﺪﻳﻬﺎ ..
ﻭﺍﺩﻳﻚ ﻳﻠﻲ ﺍﻓﺘﻜﺮﺕ ﻧﺴﻴﺖ ..
ﻗﺎﺑﻠﺘﻮﺍ ﺍﻟﻠﻴﻠﻪ ﻭﺗﻬﺰﻳﺖ ..
ﻃﺐ ﺍﺯﺍﻱ ﻓﻲ ﺣﺎﺟﺎﺕ ﺑﺘﻤﻮﺕ
ﻭﺗﻴﺠﻲ ﺍﻟﺼﺪﻓﻪ ﺗﺤﻴﻴﻬﺎ ..
ﻭﺍﻓﺘﻜﺮﺕ ﻟﻤﺎ ﺟﺖ ﻋﻴﻨﻲ ﻓﻌﻴﻨﻮﺍ
ﺳﻨﻴﻨﻲ ﻣﻌﺎﻩ ﻭﺍﻓﺘﻜﺮﺕ ﻛﺎﻥ ﺑﻴﻨﻲ ﻭﺑﻴﻨﻮ ﺯﻣﺎﻥ ﺧﺪﻧﺎﻩ
ﻭﺍﻓﺘﻜﺮﺕ ﻣﺴﻜﺘﻮﺍ ﻓﻲ ﺍﻳﺪﻱ ﻭﺍﻳﺪﻱ ﺧﻼﺹ ﺳﻴﺎﺑﺎﻩ 💔
ﺍﻟﺤﺴﻦ ﻭﺍﻗﻒ ﻗﺪﺍﻡ ﺍﻟﻌﻨﺐ ﺍﻟﻠﻲ ﺍﺳﺘﻐﺮﺏ ﺍﺳﺘﻐﺮﺍﺏ ﺷﺪﻳﺪﻩ ﺍﻧﻬﺎ ﻗﺎﻋﺪﻩ ﺯﻱ ﻣﺎﻫﻲ ﺗﻮﻗﻊ ﻳﺠﻲ ﻳﻠﻘﺎﻫﺎ ﻳﺎﺑﺴﻪ ﻭﻣﻴﺘﻪ .. ﺍﺳﺎﺳﺎ ﺟﻨﺎﻥ ﺍﻟﺤﻮﺵ ﻛﻠﻪ ﺍﻟﺨﻀﺮﺓ ﻣﺘﺎﻋﻪ ﺯﻱ ﻣﺎﻫﻲ ﻭﻛﺄﻥ ﻓﻲ ﺣﺪ ﺭﺍﺩ ﺑﺎﻟﻪ ﻣﻦ ﻛﻞ ﺷﻲ .. ﻳﺸﺒﺢ ﻟﻠﻌﻨﺒﻪ ﻭﻳﺬﻛﺮ ﻓﻲ ﺃﺣﻠﻰ ﺍﻟﻠﺤﻈﺎﺕ ﺍﻟﻠﻲ ﻋﺎﺷﻬﻢ ﺗﺤﺘﻬﺎ ﻣﻊ ﺣﺐ ﻋﻤﺮﻩ ﻓﻲ ﻛﻞ ﺣﺎﻻﺗﻪ .. ﻭﺩﻣﻌﺘﻪ ﻧﺰﻟﺖ ﺑﺤﺴﺮﺓ ...
***
ﻣﻦ ﻫﺬﺍﻛﺎ ﺍﻟﻴﻮﻡ ﻓﺎﺕ ﺍﺳﺒﻮﻉ ﺑﺮﻏﻢ ﺍﻥ ﺟﻨﺎﻥ ﻗﺎﻟﺖ ﻟﻌﻠﻴﺎ ﺍﻥ ﺍﻟﺤﺴﻦ ﺭﻭﺣﻪ ﺑﺲ ﻋﻠﻴﺎ ﺍﻇﺎﻫﺮﺕ ﺑﺎﻟﺒﺮﻭﺩ ﻟﻤﺎ ﺳﻤﻌﺖ ﻭﺟﻨﺎﻥ ﻋﺬﺭﺗﻬﺎ ...
ﻓﻲ ﻳﻮﻡ
ﻛﺎﻧﺖ ﻋﻠﻴﺎ ﻓﻲ ﺍﻟﻤﺴﺘﺸﻔﻰ ..
ﺟﺘﻬﺎ ﻣﻤﺮﺿﻪ ﻭﻫﻲ ﻓﻲ ﻏﺮﻓﺔ ﺍﺣﺪ ﺍﻟﻤﺮﺿﻰ ﻓﻲ ﻗﺴﻢ ﺍﻷﻃﻔﺎﻝ ..
ﺍﻟﻤﻤﺮﺿﻪ : ﺍﻟﺪﻛﺘﻮﺭﻩ ﻓﻲ ﺣﺎﻟﻪ ﺟﺖ ﺑﺮﻱ ﺷﻮﻓﻴﻬﺎ ..
ﻋﻠﻴﺎ : ﺗﻤﺎﻡ .. ﻣﺸﺖ ﻃﻮﻝ ﺗﻮﺟﻬﺖ ﻟﻤﻜﺘﺒﻬﺎ .. ﻭﻗﻔﺖ ﺟﺎﻣﺪﻩ ﻓﻲ ﺍﻟﺒﺎﺏ ..
ﻫﻮ ﺗﻠﻔﺖ ﻭﺍﻧﺼﺪﻡ ...
ﻫﻲ ﺍﺳﺘﺠﻤﻌﺖ ﻗﻮﺗﻬﺎ ﻉ ﻗﺪ ﻣﺎﺗﻘﺪﺭ ﺧﺸﺖ ﻭﺑﺪﻭﻥ ﻣﺎﺗﺸﺒﺤﻠﻪ : ﺷﻦ ﻣﺸﻜﻠﺘﻪ ..
ﺍﻟﺤﺴﻦ ﻭﻫﻮ ﻳﺸﺒﺤﻠﻬﺎ : ﻟﻘﻴﺘﻪ ﻳﺮﺟﻒ ﺗﻮﻗﻌﺖ ﺗﻜﻮﻥ ﺣﺮﺍﺭﺓ ..
ﻫﻲ ﺗﺴﻤﻊ ﻓﻲ ﺻﻮﺗﻪ ﻭﻗﻠﺒﻬﺎ ﻣﺎﺑﻄﻠﺘﺶ ﺭﺟﻔﺘﻪ .. ﻗﻌﺪﺕ ﺗﺘﻔﺤﺺ ﻓﻲ ﺍﻟﻮﻟﺪ ﻭﻫﻲ ﺣﺎﺳﻪ ﺍﻧﻬﺎ ﻣﺤﺎﺻﺮﻩ ﺑﻨﻈﺎﺭﺍﺗﻪ .. ﻛﺎﻧﺖ ﺗﺮﻋﺶ ﻭﻫﻮ ﻻﺣﻆ .. ﺑﻌﺪ ﻛﻤﻠﺖ .. ﻗﺎﻟﺖ : ﻻﺯﻡ ﻳﺮﻗﺪ ﻓﻲ ﺍﻟﻤﺴﺘﺸﻔﻰ ﻋﻨﺪﻩ ﺣﺮﺍﺭﻩ ﺩﺍﺧﻠﻴﻪ .. ﻫﻮ ﻣﺎ ﻋﻠﻘﺶ ﻭﻭﻫﻲ ﻣﺎﺑﺘﺶ ﺗﺸﻮﻓﻠﻪ .. ﻭﻃﻠﻌﺖ ﻭﻫﻲ ﻣﺶ ﻗﺎﺩﺭﺓ ﺗﺘﻠﻢ ﻋﻠﻲ ﻧﻔﺴﻬﺎ ﺯﻱ ﻣﺎﻳﻘﻮﻟﻮﺍ ﺍﻟﻤﺼﺎﺭﻭﺓ 😁
ﻧﺎﺩﺕ ﻉ ﺍﻟﻤﻤﺮﺿﻪ ﻭﻗﺎﻟﺘﻠﻬﺎ ﺗﺮﻓﻌﻪ ﻭﻳﺪﻳﺮﻭﻟﻪ ﺍﻟﻼﺯﻡ ...
ﺗﻠﻔﺘﺖ ﺟﺖ ﻋﻴﻨﻬﺎ ﻓﻌﻴﻨﻪ ﻓﻴﺴﻊ ﻧﺰﻟﺘﻬﻢ ﻭﻗﺎﻟﺖ : ﺑﺮﺍ ﻣﻌﺎﻫﻢ ..
ﺍﻟﺤﺴﻦ ﻳﺸﺒﺤﻠﻬﺎ ﻭﻳﻤﻠﻲ ﻓﻌﻴﻮﻧﻪ ﻣﻨﻬﺎ ﻭﻫﻲ ﻗﺮﻳﺐ ﺍﺩﻭﺥ ﻭﺧﺎﻳﻔﻪ .. ﻓﺠﺄﺓ ..
ﻋﺰﺍﻡ : ﻋﻠﻴﺎ ﻣﺸﻐﻮﻟﻪ ..
ﻋﻠﻴﺎ : ﻻﺍﻻ .
ﻋﺰﺍﻡ : ﺗﻌﺎﻟﻲ .. ﻃﻠﻌﺖ ﻣﻌﺎﻩ ﻭﻣﺸﻮﺍ ﻭﻣﺘﺠﺎﻫﻠﻪ ﺗﻤﺎﻣﺎ ﺍﻟﻨﺎﺭ ﺍﻟﻠﻲ ﻭﻟﻌﺘﻬﺎ ﻓﻲ ﺻﺪﺭﻩ ﻃﻠﻊ ﻭﻫﻮ ﻳﺸﻮﻓﻠﻬﺎ ﻛﻴﻒ ﻣﺎﺷﻴﻪ ﻣﻊ ﺍﻟﺪﻛﺘﻮﺭ ﻭﻳﻬﺪﺭﺯﻭﺍ ﻭﻣﻨﺴﺠﻤﻴﻦ ﻭﻫﻮ ﻳﻐﻠﻲ ﻏﻠﻲ ..
....
ﺑﻌﺪ ﺣﻮﺍﻟﻲ 3 ﺳﺎﻋﺎﺕ .. ﻋﻠﻴﺎ ﻣﺸﺖ ﻟﻘﺴﻢ ﺍﻟﻘﻠﺐ ... ﻛﺎﻧﺖ ﺗﺒﻲ ﺗﺨﻄﻴﻂ ﺑﻮﻫﺎ ﺧﺸﺖ ﻉ ﺣﺠﺮﺓ ﺩﻛﺘﻮﺭﻩ ﺻﺎﺣﺒﺘﻬﺎ ﻭﺍﻧﺼﺪﻣﺖ ﻣﻦ ﺍﻟﻠﻲ ﺷﺎﻓﺎﺗﻪ ..
ﺍﻟﺤﺴﻦ ﻣﻘﻌﻤﺰ ﻉ ﺍﻟﺴﺮﻳﺮ ﻭﻳﻬﺪﺭﺯ ﻣﻌﺎﻫﺎ ..
ﺍﻻﺀ : ﻫﻼ ﻋﻠﻴﺎ ﻣﺸﺖ ﻟﻤﻜﺘﺒﻬﺎ .. ﺧﻮﺩﻱ ﻫﺬﺍ ﻣﻠﻒ ﻋﻤﻲ ﺟﻌﻔﺮ ..
ﻋﻠﻴﺎ ﻭﻫﻲ ﺗﺸﺒﺢ ﻟﻠﺤﺴﻦ ﺍﻟﻠﻲ ﻛﺎﻥ ﻣﺘﺠﺎﻫﻠﻬﺎ ﻭﻳﺤﻮﻝ ﻓﻲ ﺑﻄﻢ ﺳﻮﺭﻳﺘﻪ .. ﺧﺪﺕ ﺍﻟﻤﻠﻒ ...
ﺧﺸﺖ ﻣﻤﺮﺿﻪ : ﺩﻛﺘﻮﺭﻩ ﺍﻻﺀ ﻳﺒﻮﻙ ﺿﺮﻭﺭﻱ ..
ﺍﻻﺀ ﺷﺒﺤﺖ ﻟﻠﺤﺴﻦ : ﺍﺳﻔﻪ ﻣﻀﻄﺮﺓ ﻧﻤﺸﻲ ..
ﻋﻠﻴﺎﻭﺍﻟﻐﻴﺮﺓ ﻭﺍﻛﻠﺘﻬﺎ : ﻫﻮ ﺑﻴﺪﻳﺮ ﺗﺨﻄﻴﻂ ..
ﺍﻟﺤﺴﻦ ﺷﺒﺤﻠﻬﺎ ..
ﺍﻻﺀ : ﺍﻳﻪ ..
ﻋﻠﻴﺎ ﺑﺈﺑﺘﺴﺎﻣﻪ : ﺗﻮ ﻧﺪﻳﺮﻟﻪ ﺍﻧﻲ ..
ﺍﻻﺀ : ﺑﺠﺪﻳﺎﺕ ... ﺷﻜﺮﺍ ﺣﺒﻴﺒﺘﻲ .. ﻭﻃﻠﻌﺖ ﺍﻻﺀ ﻃﻮﻝ ﻭﻫﻲ ﺗﻨﻬﺪﺕ ﺑﺈﺭﺗﻴﺎﺡ .. ﻟﺒﺴﺖ ﻗﻨﺎﻉ ﺍﻟﺒﺮﻭﺩ ﻭﺍﻟﺘﻔﺘﺘﻠﻪ ..
ﻋﻠﻴﺎ ﺑﺪﻭﻥ ﻣﺎﺗﺸﻮﻓﻠﻪ : ﺣﻮﻝ .. ﺍﻟﺴﻮﺭﻳﻪ ..
ﺍﻟﺤﺴﻦ ﻣﺒﺘﺴﻢ ﻉ ﺟﻨﺐ .. ﺣﻮﻟﻬﺎ ﻭﺭﻗﺪ ﻉ ﺍﻟﺴﺮﻳﺮ ..
ﻫﻲ ﻗﺮﺑﺖ ﻣﻦ ﺟﻬﺎﺯ ﺍﻟﺘﺨﻄﻴﻂ ﻭﺑﺪﺕ ﺗﺤﻂ ﻓﻴﻪ ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﺑﺼﺪﻣﻪ ﻭﻫﻲ ﺗﺸﻮﻑ ﻓﻲ ﺍﺛﺮ ﺧﻴﺎﻃﻪ ﻓﻲ ﺃﻋﻠﻰ ﺑﻄﻨﻪ ..
ﺍﻟﺤﺴﻦ : ﻓﻲ ﺷﻲ ﺩﻛﺘﻮﺭﺓ ..
ﻋﻠﻴﺎ ﺷﺒﺤﺘﻠﻪ ﻭﻫﻮ ﻳﺸﺒﺢ ﻟﻠﺴﻘﻒ ﻭﻋﻴﻮﻧﻪ ﻓﻴﻬﻢ ﺣﺰﻥ ﺷﺪﻳﺪ : ﻻ ﻭﻛﻤﻠﺖ .. ﻫﻮ ﻣﺎﺑﺎﺵ ﻳﺸﺒﺤﻠﻬﺎ ﺑﻌﺪﻳﻦ ﻏﻤﺾ ﻋﻴﻮﻧﻪ ﻭﻫﻲ ﺗﺸﻮﻓﻠﻪ ﺑﺄﻟﻢ .. ﺗﻐﻴﺮ ﻫﻠﺒﻪ ﻭﺿﻌﻒ ﻫﻠﺒﻪ ﻭﺍﺿﺢ ﺍﻧﻪ ﺻﺎﻳﺮ ﻣﻌﺎﻩ ﺷﻲ ﻛﺒﻴﺮ ﻫﻠﺒﻪ ... ﻭﺩﻣﻮﻋﻬﺎ ﻳﻨﺰﻟﻮﺍ ﻭﺗﻤﺴﺢ ﻓﻴﻬﻢ ...
ﺑﻌﺪ ﺣﻮﺍﻟﻲ ﺭﺑﻊ ﺳﺎﻋﻪ ﺧﺸﺖ ﺍﻟﺪﻛﺘﻮﺭﺓ ..
ﻋﻠﻴﺎ ﺑﺴﺮﻋﻪ ﻭﻗﻔﺖ ﻗﺪﺍﻡ ﺍﻟﺤﺴﻦ ﺑﺶ ﻣﺎﺗﺸﻮﻓﺎﺵ ﻫﻜﻲ .. ﻣﻦ ﻏﻴﺮﺗﻬﺎ ﻃﺒﻌﺎ ..❤
ﺍﻻﺀ : ﻫﺎﻩ ﻛﻤﻠﺘﻲ ..
ﻋﻠﻴﺎ : ﻣﺎﺯﺍﻝ ﺷﻮﻱ .. ﻗﺪﻣﺖ ﺍﻟﺪﻛﺘﻮﺭﻩ ..
ﻋﻠﻴﺎ : ﺍﺭﺗﺎﺣﻲ ﻓﻤﻜﺘﺒﻚ ﺍﻧﻲ ﺗﻮﺍ ﻧﻜﻤﻠﻪ ..
ﺍﻟﺤﺴﻦ ﺍﺑﺘﺴﻢ ..
ﺍﻻﺀ ﻣﺴﺘﻐﺮﺑﻪ؛ ﻻﺣﺒﻴﺒﺘﻲ ﺍﻧﺘﻲ ﺍﻟﻠﻲ ﺑﺮﻱ ﺍﺭﺗﺎﺣﻲ ﺍﻧﻲ ﺗﻮ ﻧﻜﻠﻤﻪ ..
ﻋﻠﻴﺎ : ﻣﺎ ....
ﻗﻄﻊ ﻋﻠﻴﻬﻢ ﺍﻟﺒﺎﺏ ﺍﻟﻠﻲ ﻃﻖ ﺑﻌﺪﻳﻦ ﺍﻧﻔﺘﺢ ..
ﻋﺰﺍﻡ : ﻗﻠﺒﺖ ﻋﻠﻴﻚ ﺍﻟﻤﺴﺘﺸﻔﻰ .. ﻫﻴﺎ ﻭﻗﺖ ﻉ ﺍﻟﻌﻴﺎﺩﻩ ..
ﺍﻟﺤﺴﻦ ﺭﻗﻴﺘﻠﻪ ..
ﻋﻠﻴﺎ ﺑﻴﺄﺱ : ﺑﺎﻩ ... ﻭﻣﺸﺖ ﻃﻠﻌﺖ ﺍﻟﺘﻔﺘﺖ ﺑﺸﻮﻳﻪ ﺟﺖ ﻋﻴﻨﻬﺎ ﻓﻌﻴﻨﻪ ﻧﻈﺮﺗﻪ ﻛﺎﻧﺖ ﺣﺎﺩﻩ ﻭﻓﻴﻬﺎ ﻏﻀﺐ ..
ﺳﻜﺮﺕ ﺍﻟﺒﺎﺏ ﻃﻮﻝ ..
ﺍﻟﺤﺴﻦ ﺷﺒﺢ ﻟﻠﺪﻛﺘﻮﺭﺓ ﻭﻫﻲ ﺗﺤﻮﻟﻪ ﻓﻲ ﺍﻟﺠﻬﺎﺯ : ﻓﻲ ﺑﻴﻨﺎﺗﻬﻢ ﺷﻲ ..
ﺍﻻﺀ ﺷﺒﺤﺘﻠﻪ ﺑﺈﺳﺘﻐﺮﺍﺏ : ﻋﻠﻴﺎ ﻭﻋﺰﺍﻡ .. ﻻﻻ .. ﻣﺎﻓﻴﺶ .. ﺍﻭ ﻫﻮ ﻓﻲ ﺑﺲ ﻣﻦ ﻃﺮﻑ ﻋﺰﺍﻡ ﻭﻃﻠﺒﻬﺎ ﻫﻠﺒﻪ ﻟﻜﻦ ﻫﻲ ﺭﺍﻓﻀﻪ ..
ﺍﻟﺤﺴﻦ ﻧﺎﺽ ﻳﻠﺒﺲ ﻓﻲ ﺳﻮﺭﻳﺘﻪ : ﺷﻜﺮﺍ
ﺁﻻﺀ : ﻭﻟﻮ ﻳﺎﻓﻨﺪﻱ ﺍﻧﺖ ﻣﻦ ﻃﺮﻑ ﺟﻨﺎﻥ ..
ﺷﺒﺤﺖ ﻟﻠﺘﺨﻄﻴﻂ : ﻗﻠﺒﻚ ﻧﺒﻀﺎﺗﻪ ﺳﺮﻳﻌﻪ ﻫﻠﺒﻪ ..
ﺍﻟﺤﺴﻦ ﺍﺑﺘﺴﻢ " ﻛﻠﻪ ﻣﻨﻬﺎ ..."💓
***
ﻛﺎﻥ ﻋﺎﺭﻑ !!!!
ﺍﻧﻌﺎﻡ : ﺍﻳﻪ ...
ﺳﺎﺭﺓ : ﺭﺍﺟﻠﻚ ﻣﺨﺰﻥ ﺍﺳﺮﺍﺭ ﻣﻮﺛﻮﻕ ﻓﻴﻪ ..
ﺟﻨﺎﻥ ﺑﻀﺤﻜﻪ : ﻭﺍﻟﻠﻪ ﺣﻖ .. ﻛﻴﻒ ﻗﻌﺪ ﺷﺎﺩ ﺳﺮ ﺯﻱ ﻫﺪﺍ ...
ﺧﻮﻟﻪ : ﺧﺪﻣﺘﻬﻢ ﻫﻜﻲ ﺧﻠﺘﻬﻢ ....
ﺻﻮﺕ ﻣﻦ ﺍﻟﺼﺎﻟﻪ ...
" ﺗﻌﺎﺍﺍﺍﺍﻟﻮﺍ ﻟﺼﻐﺎﺭﻛﻢ ..."
ﻃﻠﻌﻮﺍ ﻳﺠﺮﻭﺍ ﻭﺟﻨﺎﻥ ﻣﻴﺘﻪ ﺑﺎﻟﻀﺤﻚ ...
***
ﻓﻲ ﺍﻟﻤﺮﻛﺰ ...
ﺍﺣﻤﺪ : ﺩﻱ ﺍﻟﺪﻧﻴﺎ ﻧﻮﺭﺕ ...
ﺍﻟﺤﺴﻦ ﺑﺈﺑﺘﺴﺎﻣﻪ : ﺷﻨﻮ ﻣﺪﺍﻳﺮ ..
ﺍﺣﻤﺪ : ﺍﻷﻣﻮﺭ ﺗﻤﺎﻡ ... ﺍﻟﻌﻤﻠﻴﻪ ﺍﻟﻠﻲ ﺩﺭﺗﻮﻫﺎ ﺑﺮﺍ ... ﺍﺗﺖ ﺛﻤﺎﺭﻫﺎ ﻫﻨﻲ ...
ﺍﻟﺤﺴﻦ : ﻻﺯﻡ ﺗﺆﺗﻲ ﺛﻤﺎﺭﻫﺎ ... ﻭﺑﺄﻟﻢ ﻗﺎﻝ .. ﺧﺴﺮﻧﺎ ﻓﻴﻬﺎ ﻧﺎﺱ ﺑﺎﻟﻤﻮﺕ ﻭﺍﻟﺤﻴﺎﻩ ..
ﺍﺣﻤﺪ : ﻋﻨﺪﻙ ﻋﻠﻢ ﺍﻧﻪ ﺭﺑﺖ ﺻﻐﺎﺭﻫﺎ ﻉ ﺣﺒﻚ .. ﻗﺎﻟﺘﻠﻲ ﺍﻧﻌﺎﻡ ﺩﻳﻤﺎ ﻳﺘﻜﻠﻤﻮﺍ ﻋﻠﻴﻚ ﻭﻳﺴﺄﻟﻮﺍ ﻓﻴﻬﻢ ﻋﻠﻴﻚ ... ﻭﺻﻮﺭﻙ ﻓﻲ ﺩﻳﺎﺭﻫﻢ ...
ﺳﻴﻒ ﻳﻘﻮﻝ ﻧﺒﻲ ﻧﻮﻟﻲ ﺷﺮﻃﻲ ﺑﻄﻞ ﺯﻱ ﺑﻮﻱ ...
ﺍﻟﺤﺴﻦ ﻭﻋﻴﻮﻧﻪ ﺗﻌﺒﻮﺍ ﺩﻣﻮﻉ ﺷﺎﺩﻫﻢ : ﺷﻔﺘﻪ ...
ﺍﺣﻤﺪ : ﺍﻣﺘﻰ؟؟
ﺍﻟﺤﺴﻦ : ﺻﺪﻓﻪ ... ﺷﻔﺖ ﻭﻟﺪﻱ ﺻﺪﻓﻪ ﻻﻋﺮﻓﻨﻲ ﻭﻻﻋﺮﻓﺘﻪ ...
ﺍﺣﻤﺪ : ﻣﻌﻠﻴﺸﻲ ﻣﻜﺘﻮﺏ ... ﻭﺍﻧﺖ ﺍﻟﻠﻲ ﺍﺧﺘﺮﺕ ..
ﺍﻟﺤﺴﻦ : ﻟﻮ ﻛﻨﺖ ﻓﻤﻜﺎﻧﻲ ﻣﺶ ﺣﺘﺨﺘﺎﺭ ﺍﻟﻠﻲ ﺍﻧﻲ ﺍﺧﺘﺮﺗﻪ ..
ﺍﺣﻤﺪ ﺍﺑﺘﺴﻢ ﻭﺳﻜﺖ ...
ﺍﻟﺤﺴﻦ : ﺍﻟﺒﻼﺩ ﻫﺎﺩﻱ ﻣﺴﺆﻭﻟﻴﺘﻨﺎ ﺧﺴﺮﻧﺎ ﻫﻠﺒﻪ ﺑﺶ ﻭﺻﻠﻨﺎ ﻟﻠﻲ ﺣﻨﻲ ﻓﻴﻪ .. ﻟﻮ ﺗﺮﺍﺟﻌﻨﺎ ﻟﻮ ﻭﻗﻔﻨﺎ ﻓﻲ ﻧﺺ ﺍﻟﻄﺮﻳﻖ .. ﺣﻴﻀﻴﻊ ﻛﻞ ﺷﻲ ﻭﺍﻭﻟﻬﻢ ﺩﻡ ﺍﻟﻨﺎﺱ ﺍﻟﻠﻲ ﺿﺤﺖ ...
ﺍﺣﻤﺪ ﺍﺑﺘﺴﻢ : ﻛﻴﻒ ﺷﻔﺖ ﺣﻴﺎﺓ ﺍﻟﻤﺸﺮﺩﻳﻦ ﻓﻲ *******
ﺍﻟﺤﺴﻦ ﺑﺸﺒﺤﻪ ﻉ ﺟﻨﺐ : ﻭﺍﺧﺪ ﻛﻮﺭﺱ ﻓﻴﻬﺎ ﻗﺒﻞ 😒..
ﺍﺣﻤﺪ 😂
***
ﻓﻲ ﺍﻟﻠﻴﻞ ...
ﻛﻠﻬﻢ ﻣﻔﺮﺷﻴﻦ ﻓﻲ ﺩﺍﺭ ﺍﻟﻤﻌﻴﺸﻪ ﻭﺭﺍﻗﺪﻳﻦ ﺑﺼﻐﺎﺭﻫﻢ ..
ﺟﻨﺎﻥ : ﻳﺎﻋﻴﻠﻪ ﺭﻗﺪﺗﻮﺍ ...
ﻛﻠﻬﻢ ﺑﺼﻮﺕ ﻭﺍﺣﺪ : ﻻ ..
ﺟﻨﺎﻥ : ﺍﻟﺤﺴﻦ ﻭﻋﺮﻓﻨﺎ ﻋﻼﺵ ﺩﺍﺭ ﺍﻟﻠﻲ ﺩﺍﺭﻩ ﻳﻌﻨﻲ ﻏﺼﺐ ﻋﻨﻪ ﺩﺍﺭ ﻫﻜﻲ ...
ﺍﻧﻌﺎﻡ : ﺍﻳﻪ !
ﺟﻨﺎﻥ : ﻧﻠﻤﻮﺍ ﺍﻟﺸﻤﻞ ...
ﺳﺎﺭﺓ : ﻳﺎﺭﻳﺖ ﺑﺲ ﻋﻠﻴﺎ ﻗﻠﺒﻬﺎ ﻣﻠﻴﺎﻥ ﻋﻠﻴﻪ ..
ﺟﻨﺎﻥ : ﻟﻜﻦ ﺗﺤﺒﻪ .. ﻉ ﻗﺪ ﻣﺎﺟﻮﻫﺎ ﻭﺧﻄﺒﻮﻫﺎ ﻛﺎﻧﺖ ﺗﺮﻓﺾ ﻣﺶ ﺑﺲ ﻉ ﺧﺎﻃﺮ ﺻﻐﺎﺭﻫﺎ ...
ﺧﻮﻟﻪ : ﺑﺎﻩ ﺷﻦ ﻧﺪﻳﺮﻭﺍ ...
ﺟﻨﺎﻥ : ﺗﻮ ﻧﻘﻮﻟﻠﻜﻢ ..
***
ﺗﺎﻧﻲ ﻳﻮﻡ ..
ﺟﻨﺎﻥ ﺗﺘﻜﻠﻢ ﻓﻲ ﺍﻟﺘﻠﻴﻔﻮﻥ : ﻣﻬﻨﺎﺵ ﻳﺎﻋﻠﻴﺎ ﺑﻴﺮﻭﺡ ﻓﻲ ﺍﻟﻠﻴﻞ ..
ﻋﻠﻴﺎ : ﺍﺭﺟﻮﻙ ﺟﻨﺎﻥ ﻣﺎﺗﺤﻄﻨﻴﺶ ﻓﻲ ﻣﻮﻗﻒ ﻣﺶ ﺣﻠﻮ ..
ﺟﻨﺎﻥ : ﻋﻠﻴﺎ ﻧﺘﺮﺟﻰ ﻓﻴﻚ ﻗﺎﻋﺪﻩ ..
ﻋﻠﻴﺎ ﺗﻨﻬﺪﺕ : ﺑﺎﻩ ...
ﺟﻨﺎﻥ ﺑﻌﺪﺕ ﺍﻟﺘﻠﻴﻔﻮﻥ ﻗﺎﻟﺖ ﺑﺼﻮﺕ ﻫﺎﻣﺲ : ﻳﺴﺲ .. ﺍﺣﻤﻢ ﺍﻟﻤﻬﻢ ﺗﻌﺎﻟﻲ ﻗﺒﻞ ﺍﻟﻐﺪﻱ ..
ﻋﻠﻴﺎ : ﺑﺎﻫﻲ .. ﻧﺘﻼﻗﻮﺍ ... ﻭﺻﻜﺮﺕ ..
ﻋﻠﻴﺎ ﻃﻠﻌﺖ ﻷﻣﻬﺎ ﻭﻗﺎﻟﺘﻠﻬﺎ ﺑﺘﺮﻓﻊ ﺍﻟﺼﻐﺎﺭ ﻟﺤﻮﺵ ﺟﺪﻫﻢ
ﺯﻳﻨﺐ : ﺑﺘﻤﺸﻲ ﻭﻫﻮ ﻏﺎﺩﻱ ..
ﻋﻠﻴﺎ ﺑﻀﻴﻖ : ﻣﺶ ﻣﻮﺟﻮﺩ ﻏﺎﺩﻱ ..
ﺯﻳﻨﺐ : ﺷﻮﻓﻲ ﺑﻮﻙ ﺷﻦ ﻳﻘﻮﻝ ...
ﻭﻓﻌﻼ ﻋﻠﻴﺎ ﻛﻠﻤﺖ ﺑﻮﻫﺎ ﻭﻭﺍﻓﻖ ..
ﻣﻊ ﺍﻟﺴﺎﻋﻪ 12 ﻭﺗﺖ ﺭﻭﺣﻬﺎ ﻫﻲ ﻭﺻﻐﺎﺭ ﻭﻃﻠﻌﻮﺍ ﻟﻠﺴﻴﺎﺭﻩ .. ﻋﻠﻴﺎ ﻛﺎﻧﺖ ﻣﺘﺮﺩﺩﻩ ﺭﻛﺒﺖ ﺍﻟﺴﻴﺎﺭﻩ ﺑﺎﻟﺴﻴﻒ .. ﻭﻟﻌﺘﻬﺎ ﻭﺗﺤﺮﻛﺖ ...
ﺍﻭﻝ ﻣﺎﻭﺻﻠﺖ ﻗﻠﺒﻬﺎ ﻛﺎﻥ ﻳﺪﻕ ﺑﻘﻮﺓ ...
ﻧﺰﻟﺖ ﻭﻧﺰﻟﻮﺍ ﺍﻟﺼﻐﺎﺭ .. ﻭﻃﻘﺖ ﺍﻟﺒﺎﺏ .. ﻓﺘﺤﺖ ﺟﻨﺎﻥ ﻭﺧﺸﻮﺍ ... ﻭﻉ ﺳﻼﻡ ﻭﺍﺣﻀﺎﻥ ﻭﺑﻮﺳﺎﺕ ﻟﺴﻴﻒ ﻭﻋﺴﻞ .. ﻭﺳﺎﺭﻩ ﺍﻟﻠﻲ ﻟﻴﻬﺎ ﻫﻠﺒﻪ ﻋﻠﻴﻬﻢ ﻗﺮﻳﺐ ﺯﻣﻄﺘﺘﻬﻢ ..
ﻫﺪﺭﺯﻭﺍ ... ﻭﺗﻮﺍ ﺍﻟﻐﺪﻱ ﻣﻊ ﺑﻌﺾ ﻭﺗﻐﺪﻭﺍ ﻭﺍﻟﺼﻐﺎﺭ ﻳﻠﻌﺒﻮﺍ ...
ﺑﻌﺪ ﺍﻟﻌﺼﺮ ..
ﺧﺶ ﺍﻟﺤﺴﻦ ﻟﻠﺤﻮﺵ ﻫﻮ ﻭﺣﺴﺎﻥ ﺷﺒﺤﻮﺍ ﻟﻠﺼﻐﺎﺭ ﻛﻴﻒ ﻳﻠﻌﺒﻮﺍﺣﺴﺎﻥ ﺭﻛﺐ ﻓﻮﻕ ... ﻭﺍﻟﺤﺴﻦ ﻗﻌﺪ ﻓﻲ ﺍﻟﺠﻨﺎﻥ ﻳﺸﺒﺢ ﻓﺎﻟﺼﻐﺎﺭ ﺭﻛﺰ ﺑﻨﻈﺮﻩ ﻉ ﺑﻨﺖ ﻏﺎﻳﻪ ﻓﻲ ﺍﻟﺠﻤﺎﻝ ﻓﻲ ﻋﻤﺮ 5 ﺳﻨﻮﺍﺕ .. ﻻﺑﺴﻪ ﻗﻔﻄﺎﻥ ﺭﺻﺎﺻﻲ ﻓﻲ ﺍﻟﻮﺭﺩﻱ ﻭﻧﺺ ﻛﻢ .. ﺍﻛﻤﺎﻣﻪ ﻣﻨﻔﻮﺧﻪ .. ﻭﻓﻴﻪ ﺣﺰﺍﻡ ﻣﺮﺑﻮﻁ ﻉ ﻫﻴﺌﻪ ﻓﻴﻮﻛﻪ ﻣﻦ ﺍﻟﻈﻬﺮ .. ﻭﺷﻌﺮﻫﺎ ﻛﺜﻴﻒ ﻭﻧﺎﻋﻢ ﻭﺍﺻﻞ ﻟﺮﻗﺒﺘﻬﺎ ﻭﻻﺑﺴﻪ ﻛﺎﺭﻭﻧﻪ ﻭﺭﺩﻳﻪ ... ﺑﻴﻀﺎ ﻫﻠﺒﻪ ﻭﺷﻌﺮﻫﺎ ﻛﺜﻴﻒ ﻧﺎﻋﻢ ﻭﻓﻤﻬﺎ ﺻﻐﻴﺮ ﻟﻮﻧﻪ ﺯﻱ ﺍﻟﻜﺮﺯ ﻭﻋﻴﻮﻧﻬﺎ ﻛﺒﺎﺭ ﻣﻠﻮﻧﻪ ﻭﺭﻣﻮﺷﻬﻢ ﻣﻈﻠﻪ .. ﺍﻟﻤﻮﺍﺻﻔﺎﺕ ﻳﻌﺮﻓﻬﺎ ﻛﻮﻳﺲ ﻛﻮﻳﺲ ... ﺍﻟﺘﻔﺎﺻﻴﻞ ﻫﺎﺩﻱ ﺣﺎﻓﻈﻬﺎ ﺯﻳﻦ .
" ﻋﻤﻮ "
ﺷﺎﻑ ﻟﻤﺼﺪﺭ ﺍﻟﺼﻮﺕ ﻛﺎﻥ ﺳﻴﻒ ..
ﺳﻴﻒ ﻣﺒﺘﺴﻢ ﻭﻣﺎﺩ ﻳﺪﻩ : ﻛﻴﻒ ﺣﺎﻟﻚ ﻋﻤﻮ ...
ﺍﻟﺤﺴﻦ ﺍﺑﺘﺴﻢ ﻭﺳﻠﻢ ﻋﻠﻴﻪ : ﺍﻟﺤﻤﺪ ﻟﻠﻪ ﺍﻧﺖ ﺷﻦ ﻣﺪﺍﻳﺮ ﻳﺎﺑﻄﻞ ..
ﺳﻴﻒ : ﺍﻟﺤﻤﺪ ﻟﻠﻪ ﻛﻮﻳﺲ ..
ﺍﻟﺤﺴﻦ : ﻛﻮﻳﺲ .. ﺷﺒﺢ ﻟﻌﺴﻞ .. ﺍﻟﺒﻨﻴﻪ ﺍﻟﺤﻠﻮﺓ ﻫﺪﻳﻜﺎ ﺃﺧﺘﻚ ..
ﺳﻴﻒ : ﺍﻳﻪ ﻋﺴﻞ ..
ﺍﻟﺤﺴﻦ ﺑﻠﻊ ﺭﻳﻘﻪ ﻭﺷﺎﺩ ﺩﻣﻌﺘﻪ ﻭﻫﻮ ﻳﺸﺒﺤﻠﻬﺎ ... ﺍﻧﻮﻟﺪﺕ ﻭﻫﻮ ﻣﺶ ﻣﻮﺟﻮﺩ ﻻﺿﻤﻬﺎ ﻻﺷﻢ ﺭﻳﺤﺘﻬﺎ ﻻﺩﻟﻌﻬﺎ ﻻﻻﻋﺒﻬﺎ ..
ﺳﻴﻒ : ﻋﻤﻮ ﺍﻧﺖ ﺻﺎﺣﺐ ﻋﻤﻲ ﺣﺴﺎﻥ ..
ﺍﻟﺤﺴﻦ ﺷﺒﺤﻠﻪ ﺑﺄﻟﻢ .. ﻭﺍﻟﺼﻐﺎﺭ ﻛﺎﻧﻮﺍ ﻳﺸﺒﺤﻮﻟﻬﻢ ...
" ﺳﻴﻴﻴﻒ ... ﻋﺴﺴﺴﻞ .."
ﺳﻤﻊ ﺻﻮﺗﻬﺎ ﻭﻏﻤﺾ ﻋﻴﻮﻧﻪ ﻛﻞ ﻣﺎﺻﻮﺗﻬﺎ ﻳﻘﺮﺏ ﻭﻫﻴﺎ ﺗﻨﺎﺩﻱ ﻛﻞ ﻣﺎﻗﻠﺒﻪ ﻳﻀﺮﺏ ﻓﻲ ﺻﺪﺭﻩ ﺑﻌﻨﻒ ﺷﺪﻳﺪ ..
ﻟﻌﻨﺪ ﻃﻠﻌﺖ ﺑﺮﺍ ...
ﻋﻠﻴﺎ : ﻫﻴﺎ ﻣﺎﺍﻣﺎ .. ﻋﺴﻞ .. ﺳﻲ ....... ﺳﻜﺘﺖ ﺑﺲ ﺗﻤﺎﻟﻜﺖ ﻧﻔﺴﻬﺎ ﻭﺧﺪﺕ ﺑﻨﺘﻬﺎ ﻭﻗﺮﺑﺖ ﻣﻦ ﺳﻴﻒ ﺑﺘﺎﺧﺪﻩ .. ﻫﻮﻳﺸﻮﻑ ﻓﻲ ﺍﻏﻠﻰ ﻣﺎﻋﻨﺪﻩ ﻗﺪﺍﻡ ﻋﻴﻮﻧﻪ ... ﻣﺶ ﻗﺎﺩﺭ ﻳﺘﺤﻤﻞ ﺍﻛﺜﺮ ﻣﻦ ﻫﻜﻲ .. ﻣﺸﻲ ﻳﺠﺮﻱ ﺳﺒﻘﻬﻢ ﻭﻭﻗﻒ ﻉ ﺍﻟﺒﺎﺏ ..
ﺍﻟﺤﺴﻦ : ﺧﺸﻲ ﺍﻧﺘﻲ ﻭﻳﺎﻫﻢ ..
ﻋﻠﻴﺎ ﻭﻫﻲ ﺗﺮﻋﺶ : ﺣﻮﻝ ﺑﺎﻟﻠﻪ ﻋﻠﻴﻚ ..
ﺍﻟﺤﺴﻦ ﺑﺤﺪﻩ : ﻗﻠﺖ ﺧﺸﻲ ﺍﺳﻤﻌﻴﻨﻲ ﻭﺑﻌﺪﻳﻦ ﺩﻳﺮﻱ ﺍﻟﻠﻲ ﺗﺒﻴﻪ ..
ﻋﻠﻴﺎ ﻏﻤﻀﺖ ﻋﻴﻮﻧﻬﺎ ﺑﺸﺪﻩ : ﺣﺤﺤﺤﻮﻝ ... ﺣﻮﻭﻭﻭﻝ ..
ﺍﻟﺤﺴﻦ ﻋﺼﺐ ﻣﻦ ﻋﻨﺎﺩﻫﺎ : ﺧﺸﺸﺸﺸﺸﻲ ﺍﻟﺼﻐﺎﺭ ﺍﻧﺨﻠﻌﻮﺍ ..
ﺳﻴﻒ ﺑﻐﻀﺐ : ﻣﺎﺗﻌﻴﻄﺶ ﻉ ﺃﻣﻲ ..
ﺍﻟﺤﺴﻦ ﺷﺒﺢ ﻟﺴﻴﻒ ﺷﺎﻑ ﺣﺪﻩ ﻣﻼﻣﺤﻪ ﻭﻏﻀﺒﻪ ﺍﺑﺘﺴﻢ ..
ﻃﻠﻌﻮﺍ ﺍﻟﺒﻨﺎﺕ ﻟﻤﺎ ﺳﻤﻌﻮﺍ ﺍﻟﺼﻮﺕ ..
ﺟﻨﺎﻥ ﻗﺪﻣﺖ : ﺧﻴﺮﻛﻢ ..
ﻋﻠﻴﺎ : ﻫﻜﻲ ﺍﺩﻳﺮﻱ ﻓﻴﺎ ﻳﺎﺟﻨﺎﻥ ..
ﺟﻨﺎﻥ ﺷﺒﺤﺘﻠﻬﻢ ﻭﺷﺒﺤﺖ ﻟﻠﺼﻐﺎﺭ : ﺍﻧﻌﺎﻡ ...
ﺍﻧﻌﺎﻡ ﻓﻬﻤﺖ ﻋﻠﻴﻬﺎ : ﺗﻌﺎﻟﻮﺍ ﺣﺒﺎﻳﺒﻲ ﻭﺩﺧﻠﺖ ﺍﻟﺼﻐﺎﺭ ﻛﻠﻬﻢ ﺑﻤﺎ ﻓﻴﻬﻢ ﻋﺴﻞ ﻭﺳﻴﻒ ﺍﻷ ﺑﺎﻟﻐﺼﺐ ﺧﺶ ﻭﺧﻼ ﺍﻣﻪ ..
ﺟﻨﺎﻥ ﺷﺒﺤﺘﻠﻬﻢ : ﺗﻨﺎﻗﺸﻮﺍ ﺑﺎﻟﻌﻘﻞ .. ﻭﺍﻧﺘﻲ ﻋﻠﻴﺎ ﺍﺳﻤﻌﻴﻪ .. ﺍﺭﺟﻮﻙ ..
ﻋﻠﻴﺎ ﺑﻌﺼﺒﻴﻪ ﻭﺩﻣﻮﻋﻬﺎ : ﻫﻮ ﺳﻜﺖ .. ﻣﺸﻲ ﻭﻫﻮ ﺳﺎﻛﺖ .. ﻣﺎﻗﺎﻟﺶ ﻭﻻﺣﺎﺟﻪ ﺧﻼﻧﻲ .. ﻃﻠﻘﻨﻲ ﻭﺍﻧﻲ ﻭﻻﻋﺎﺭﻓﻪ ﻋﻼﺵ ﻭﻻﺷﻦ ﺍﻟﻠﻲ ﺧﻼﻩ ﻳﺪﻳﺮ ﻫﻜﻲ ﻻﺳﺄﻝ ﻋﻠﻴﺎ ﻻﻋﻠﻲ ﻭﻟﺪﻩ .. ﺟﺒﺖ ﺑﻨﺘﻲ ﻭﻫﻮ ﻣﺶ ﻣﻌﺎﻧﺎ 6.. ﺳﻨﻴﻦ ﺳﺘﻪ ﺳﻨﻴﻦ .. ﻻﺣﺲ ﻣﻨﻪ ﻭﻻﺧﺒﺮ .. ﻭﺗﻮﺍ ﺟﺎﻱ ﺑﻴﺘﻜﻠﻢ ﻭﻳﺒﻴﻨﻲ ﻧﺴﻤﻌﻪ .. ﺧﻠﻴﻪ ﺳﺎﻛﺖ ﺍﺣﺴﻦ ...
ﺍﻟﺤﺴﻦ ﻓﻘﺪ ﺍﻋﺼﺎﺑﻪ : ﻣﺶ ﺣﻨﺘﻜﻠﻢ ﻭﻻ ﺍﻧﺘﻲ ﺣﺘﺴﻤﻌﻲ .. ﺣﻨﻮﺭﻳﻚ ﻭﺍﻧﺘﻲ ﺗﺸﻮﻓﻲ ... ﻓﺘﺢ ﺳﻮﺭﻳﺘﻪ ﺑﻌﻨﻒ ﻟﻴﻦ ﺗﻨﻄﺮﻭﺍ ﺑﻄﻤﻬﺎ ﻭﺭﺍﻫﺎ ﺍﻟﺠﺮﺡ ﺍﻟﻠﻲ ﺷﺎﻓﺎﺗﻪ ﻗﺒﻞ .. ﻫﺎﺍﺍﻩ ﺷﻮﻓﻲ .. ﻟﻒ ﺑﻈﻬﺮﻩ .. ﺍﻟﺰﻭﺯ ﻋﻴﻄﻮﺍ .. ﻛﺎﻧﺖ ﻋﻠﻴﻪ ﺍﺗﺎﺭ ﻃﻌﻨﺎﺕ .. ﻭﺗﻠﻔﺖ .. ﺷﻔﺘﻲ ﺷﻔﺘﻲ ﺗﻮﺍ .. ﻣﺎﺳﻜﺘﺶ ﺍﻻ ﻉ ﺧﺎﻃﺮﻙ ... ﺑﺶ ﻧﺤﻤﻴﻚ ﺑﺶ ﻣﺎﻧﺤﻄﻜﻤﺶ ﻓﻲ ﺧﻄﺮ ﺍﻧﺘﻲ ﻭﺻﻐﺎﺭﻧﺎ .. ﺍﻧﻲ .. ﺍﻧﻲ .. ﻭﺧﺒﻂ ﺍﻟﺒﺎﺏ ﺑﺈﻳﺪﻩ ﺑﻘﻮﺓ ... ﻣﻦ ﺍﻟﻐﻀﺐ ﻭﺍﻷﻟﻢ ...
ﻧﺰﻝ ﺣﺴﺎﻥ ﻳﺠﺮﻱ .. ﺷﺪﻩ : ﻭﺣﺪ ﺭﺑﻲ ﺧﻴﺮﻙ ... ﻭﺟﻨﺎﻥ ﺧﺪﺕ ﻋﻠﻴﺎ ﻭﺩﺧﻠﺘﻬﺎ ﺩﺍﺧﻞ ﻭﺍﻟﺰﻭﺯ ﻳﺒﻜﻮﺍ ...
ﺑﻌﺪ ﺳﺎﻋﻪ ...
ﺍﻟﺤﺴﻦ : ﺳﻜﺮﺕ ﺭﺍﺳﻬﺎ ﺍﻟﻌﻨﺎﺩ ﺍﻻﺣﺮﻑ ﻣﺘﺎﻋﻬﺎ ﻃﻠﻌﻨﻲ ﻋﻦ ﻃﻮﺭﻱ
ﺍﺣﻤﺪ : ﺍﻋﺬﺭﻫﺎ ﺭﻩ ﺍﻟﻠﻲ ﻣﺮﺕ ﺑﻴﻪ ﻣﺶ ﺳﺎﻫﻞ ..
ﺣﺴﺎﻥ : ﻋﺎﻧﺖ ﺯﻱ ﻣﺎﺍﻧﺖ ﻋﺎﻧﻴﺖ .. ﻣﺮﺍﺓ ﺻﻐﻴﺮﻩ ﻣﻄﻠﻘﻪ ﺑﺰﻭﺯ ﺻﻐﺎﺭ ﺗﺨﻴﻞ ﻗﺪﺍﺵ ﺗﻌﺒﺖ ..
ﺍﻟﺤﺴﻦ ﻗﻠﺒﻪ ﻭﺟﻌﻪ ﻭﻫﻮ ﻳﻔﻜﺮ ﻓﻲ ﺍﻟﻠﻲ ﻋﺎﻧﺎﺗﻪ ..
ﺍﺣﻤﺪ : ﺑﺎﻟﻬﺎﺩﻱ ﺍﻟﻠﻪ ﻳﺎﺻﺎﺣﺒﻲ ... ﺣﺘﻨﺤﻞ ...
ﺍﻟﺤﺴﻦ ﺟﻲ ﺑﻴﻦ ﻋﻴﻮﻧﻪ ﻣﻨﺼﻒ ﻟﻤﺎ ﺷﺎﻓﻪ ﻣﻌﺎﻫﺎ ﻳﻮﻣﻬﺎ .. ﻭﺍﻟﺪﻛﺘﻮﺭ ﺍﻟﻠﻲ ﻓﺠﺮﺗﻬﺎ ﻭﻳﻦ ﻣﺎﺗﻤﺸﻲ ... ﻧﺎﺽ ﻃﻮﻝ ... ﻭﻃﻠﻊ ﻣﻦ ﺣﺪﺍﻫﻢ ..
ﺍﺣﻤﺪ : ﻭﻳﻦ ﻣﺎﺷﻲ ... ﺧﺶ ﺩﺍﺧﻞ ﺩﻭﺭ ﻋﻠﻴﻬﺎ ﻟﻘﺎﻫﺎ ﻣﻊ ﺧﻮﺍﺗﻪ ﻭﻫﺎﻟﻪ ﻓﻲ ﺩﺍﺭ ﺍﻟﻤﻌﻴﺸﻪ .. ﺷﺒﺤﻠﻬﺎ ﻭﺷﺒﺤﺘﻠﻪ ..
ﺍﻟﺤﺴﻦ : ﻧﻮﺿﻲ ﻣﻌﺎﻱ ..
ﻋﻠﻴﺎ : ﻭﺍﻟﻠﻪ ..
ﺍﻟﺤﺴﻦ ﻗﺪﻡ ﻣﻨﺪﻓﻊ ﺷﺪﻫﺎ ﻣﻦ ﻳﺪﻫﺎ ﻭﻧﻬﻈﻬﺎ ﻭﻃﻠﻊ ﺑﻴﻬﺎ ﻭﻛﻠﻬﻢ ﻣﺼﺪﻭﻣﻴﻦ ..
ﻋﻠﻴﺎ : ﻗﺎﻋﺪ ﻫﻤﺠﻲ ﻭﺑﺮﺑﺮﻱ ..
ﺍﻟﺤﺴﻦ ﻣﺎﺑﺎﺵ ﻳﺮﺩ ﻃﻠﻊ ﻟﻘﻲ ﺍﺣﻤﺪ ﻭﺣﺴﺎﻥ : ﺍﻃﻠﻌﻮ ﻭﺭﺍﻱ ﺑﺎﻟﺴﻴﺎﺭﻩ . ﺑﺮﻏﻢ ﺍﺳﺘﻐﺮﺍﺑﻬﻢ ﻃﻠﻌﻮﺍ ﻭﺭﺍﻩ ﻭﺭﻛﺒﻮﺍ ﺳﻴﺎﺭﺓ ﺍﺣﻤﺪ ... ﻭﻫﻮ ﻓﺘﺢ ﺑﺎﺏ ﺳﻴﺎﺭﺓ ﻭﺭﻛﺒﻬﺎ ﻭﺳﻜﺮﻩ .. ﻭﻫﻲ ﻣﻌﺼﺒﻪ ﻉ ﺍﻷﺧﺮ ﻭﺑﻴﻨﻬﺎ ﻭﺑﻴﻦ ﻧﻔﺴﻬﺎ ﻓﺮﺣﺎﻧﻪ ﺑﻄﻴﺮ ﺑﻘﺮﺑﻪ .. ﺧﺶ ﺍﻟﺴﻴﺎﺭﻩ ﺳﻜﺮﻫﺎ ﺑﺘﻘﺮﺑﻴﻊ .. ﻭﺍﻧﻄﻠﻖ ﺑﺄﻗﺼﻰ ﺳﺮﻋﻪ ...
ﻭﻗﻒ ﻉ ﻣﺤﻞ ﺫﻫﺐ ﺧﺪﻱ ﺣﺎﺟﻪ ﻭﻃﻠﻊ ﺭﻛﺐ ﺍﻟﺴﻴﺎﺭﻩ ﻭﺣﻂ ﺍﻟﻠﻲ ﺟﺎﺑﻪ ﻓﻲ ﻗﺠﺮ ﺍﻟﺴﻴﺎﺭﺓ ﻭﻋﻠﻴﺎ ﻭﺟﻬﻬﺎ ﻓﻲ ﺭﻭﺷﻦ ﺍﻟﺴﻴﺎﺭﻩ ﻭﻣﻌﺼﺒﻪ .. ﻫﻮ ﻳﺸﺒﺤﻠﻬﺎ ﻭﻟﻊ ﺍﻟﺴﻴﺎﺭﻩ ﻭﺗﺤﺮﻛﻮﺍ .. ﻭﻭﺭﺍﻫﻢ ﺣﺴﺎﻥ ﻭﺍﺣﻤﺪ ..
ﺍﺣﻤﺪ : ﻛﺈﻧﻲ ﻓﻬﻤﺖ ﺷﻦ ﺑﻴﺪﻳﺮ ...
ﺣﺴﺎﻥ ﺑﻀﺤﻜﻪ : ﺍﻟﻠﻲ ﻓﺒﺎﻟﻚ ﺻﺢ ...
.....
ﺍﻧﺘﻲ ﺭﺍﺿﻴﻪ ﻳﺎﺑﻨﺘﻲ ﻣﺶ ﻣﻜﺮﻫﻪ ..
ﻋﻠﻴﺎ ﺷﺒﺤﺘﻠﻪ ﻭﻫﻮ ﻣﺎﺑﺎﺵ ﻳﺸﺒﺤﻠﻬﺎ ...
ﻋﻠﻴﺎ ﺑﺤﺪﻩ : ﺍﻳﻪ ﺭﺍﺿﻴﻪ ..
ﺍﻟﻤﺄﺫﻭﻥ ﺍﻟﺸﺮﻋﻲ : ﻭﺍﻧﺘﻢ ﺗﺸﻬﺪﻭﺍ ..
ﺍﻟﺰﻭﺯ ﻗﺎﻟﻮﺍ ﻧﺸﻬﺪﻭﺍ ..
ﻋﻘﺪ ﺍﻟﻤﺄﺫﻭﻥ ﻗﺮﺍﻧﻬﻢ ﺑﻌﺪ ﺗﺄﻛﺪ ﻣﻦ ﺑﻄﺎﻗﺎﺗﻬﻢ ﺍﻟﺸﺨﺼﻴﻪ ..
ﺍﻟﺤﺴﻦ ﻣﺪﻟﻬﺎ ﻗﺪﺍﻡ ﺍﻟﺸﻴﺦ ﺗﺎﻛﻢ ﺫﻫﺐ ﻣﻬﺮ ﻟﻴﻬﺎ ...
ﺑﻌﺪ ﺗﻤﻮﺍ ﻛﻞ ﺷﻲ ﺟﺒﺪﻫﺎ ﻭﻃﻠﻊ ﺑﻴﻬﺎ ...
ﻭﺍﺣﻤﺪ ﻭﺣﺴﺎﻥ ﻳﻀﺤﻜﻮﺍ ..
ﺍﺣﻤﺪ : ﻣﺎﺗﺒﻲ ﺷﻲ ..
ﺍﻟﺤﺴﻦ : ﻧﺮﺩﻭﻫﺎﻟﻜﻢ ﺍﻥ ﺷﺎﺀ ﺍﻟﻠﻪ .. ﻭﺭﻛﺐ ﺳﻴﺎﺭﺗﻪ ..
ﺍﺣﻤﺪ : ﻳﺮﺩﻫﺎﻟﻨﺎ 😕
ﺣﺴﺎﻥ 🤤:
....
ﻃﻮﻝ ﺍﻟﻄﺮﻳﻖ ﻭﻻ ﻛﻠﻤﻪ ﻭﺻﻠﻮﺍ ﻟﻤﻜﺎﻥ ﻳﺤﺒﻮﻩ ﺍﻟﺰﻭﺯ ﻋﻠﻴﺎ ﺍﻭﻝ ﻣﺎﺷﺎﻓﺘﻪ ﻋﻴﻮﻧﻬﺎ ﺩﻣﻌﻮﺍ ...
ﻧﺰﻝ ﻫﻮ ﻭﻫﻲ ﻧﺰﻟﺖ ... ﻭﺧﺸﻮﺍ ﺍﻟﺰﻭﺯ ﻟﻠﺤﻮﺵ ﺑﻌﺪ ﻓﺘﺤﻪ ﺍﻟﺤﺴﻦ ...
ﺍﻟﺤﺴﻦ ﻳﻤﺸﻲ ﻭﻫﻲ ﻭﺭﺍﻩ ﻟﻴﻦ ﻭﺻﻠﻮﺍ ﻷﻛﺜﺮ ﺑﻘﻌﻪ ﻳﺤﺒﻮﻫﺎ ﻓﻲ ﻫﺎﻟﻤﻜﺎﻥ ..
ﺍﻟﺤﺴﻦ : ﺧﺸﻲ ..
ﻋﻠﻴﺎ ﺧﺸﺖ ﻭﻗﻌﻤﺰﺕ ﻭﻫﻮ ﺧﺶ ﻭﻗﻌﻤﺰ ﺟﻨﺒﻬﺎ ...
ﺍﻟﺤﺴﻦ : ﺍﻟﻠﻲ ﺑﻨﺤﻜﻴﻪ ﺗﻮﺍ ﺑﺘﺴﻤﻌﻴﻪ ﺑﺪﻭﻥ ﻣﺎﺗﻘﺎﻃﻌﻲ ..
ﻋﻠﻴﺎ : ﺗﻌﺮﻑ ﻣﻌﺼﺒﻪ ﻣﻨﻚ ﻟﺪﺭﺟﻪ ﻣﺎﻧﺒﻴﺶ ﻧﺴﻤﻊ ﻣﻨﻚ ﺷﻲ ..
ﺍﻟﺤﺴﻦ : ﺣﺘﺴﻤﻌﻲ ..
ﻋﻠﻴﺎ : ﻻ ..
ﺍﻟﺤﺴﻦ ﻣﺴﺢ ﻉ ﺷﻌﺮﻩ ﻭﺷﺪﻩ : ﺧﻴﻴﻴﻴﺮ ﺍﻣﻤﻤﻤﻪ ﻋﻨﺎﺩﻙ .. ﻫﺪﺍ ﺯﺍﺩ ﺍﻛﺜﺮ ﻣﻦ ﻗﺒﻞ ..
ﻋﻠﻴﺎ : ﺍﺳﻜﺖ ..
ﺍﻟﺤﺴﻦ : ﺍﻧﺘﻲ ﺍﻟﻠﻲ ﺗﺴﻜﺘﻲ ﻭﺗﺴﻤﻌﻲ ﺑﺪﻭﻥ ﻧﻔﺲ ..
ﻋﻠﻴﺎ : ﻭﺍﻟﻠﻪ ..
ﺍﻟﺤﺴﻦ : ﺗﺴﻜﺘﻲ ﻭﻻﻧﺴﻜﺘﻚ ..
ﻋﻠﻴﺎ ﺑﺘﺤﺪﻱ : ﻣﺶ ﺳﺎﻛﺘﻪ .. ﻣﺶ ﺳﺎﻛﺘﻪ ﻣﺶ ﺳﺎﻛﺘﻪ ﻣﺶ .....
ﺳﻜﺘﻬﺎ ﺑﺲ ﺑﻄﺮﻳﻘﻪ ﺧﻠﺘﻬﺎ ﺗﺘﻤﻨﻰ ﻟﻮ ﻳﻘﻌﺪ ﻣﺴﻜﺘﻬﺎ ﺍﻟﻌﻤﺮ ﻛﻠﻪ .. ﺍﻣﺎ ﻫﻮ ﻓﻜﺎﻥ ﺷﻐﻮﻑ ﻣﺸﺘﺎﻕ ﻗﺮﻳﺐ ﻳﻬﺒﻞ ﻋﻠﻴﻬﺎ ..
ﻟﺤﻈﺎﺕ ﺩﺍﻣﺖ ﻟﺪﻗﺎﻳﻖ .. ﺑﻌﺪﻳﻦ ﺑﻌﺪ ..
ﺍﻟﺤﺴﻦ : ﺍﺳﻤﻌﻲ ... ﻭﺍﻧﺘﻲ .. ﺳﺎﻛﺘﻪ ..
ﻋﻠﻴﺎ ﺑﻬﻴﺎﻡ : ﺑﺎﻩ ..
ﺍﻟﺤﺴﻦ ﻭﺧﺮ ﻭﻫﻮ ﻣﺒﺘﺴﻢ ﻭﺷﺒﺢ ﺍﻟﻘﺪﺍﻡ ...
ﺍﻟﺤﺴﻦ ﺗﻨﻬﺪ : ﺍﻟﻤﺪﻩ ﺍﻷﺧﻴﺮﻩ ﻗﺒﻞ ﻟﻨﺮﻓﻌﻚ ﻟﺤﻮﺵ ﺍﻫﻠﻚ .. ﻛﺎﻧﺖ ﺗﺠﻴﻨﻲ ﺭﺳﺎﺋﻞ ﻭﺍﺗﺼﺎﻻﺕ ﻣﻦ ﺍﻹﺳﺘﺨﺒﺎﺭﺍﺕ ﻃﻠﺒﻮﺍ ﻣﻨﻲ ﻣﻌﻠﻮﻣﺎﺕ ﺍﻛﺜﺮ ﻋﻦ ﻗﻀﻴﻪ ﺑﻮﻱ ﻭﻋﻤﻲ .. ﻭﺳﺮﻣﺪ ﺗﺤﺪﻳﺪﺍ ﻭﺍﻟﻠﻲ ﻛﺎﻥ ﻳﺘﻌﺎﻣﻞ ﻣﻌﺎﻫﻢ ﻋﻄﻴﺘﻬﻢ ﺍﻟﻤﻌﻠﻮﻣﺎﺕ .. ﻭﻧﺤﺴﺎﺏ ﻫﺬﺍ ﺣﺪﻫﺎ ﻟﻴﻦ ﺟﻲ ﻧﻬﺎﺭ ﻃﻠﺒﻨﻲ ﻓﻴﻪ ﺿﺎﺑﻂ ﻓﻲ ﺍﻹﺳﺘﺨﺒﺎﺭﺍﺕ ﻛﺒﻴﺮ ..
ﻣﺸﻴﺘﻠﻪ ﺑﺲ ﻣﺶ ﻑ ﻣﻜﺎﻥ ﻋﻤﻠﻪ .. ﻓﺤﻮﺍﺯﺓ ﻋﺮﻓﺖ ﺑﻌﺪﻳﻦ ﺍﻧﻬﺎ ﻟﺼﺪﻳﻖ ﻟﻴﻪ ... ﺍﻟﻤﻬﻢ ﻗﺎﺑﻠﺘﻪ ..
ﻓﻼﺵ ﺑﺎﻙ
ﺍﻟﻀﺎﺑﻂ : ﺍﻟﻨﺎﺱ ﺍﻟﻠﻲ ﺧﺪﻳﻨﺎ ﻣﻨﻚ ﻋﻨﻬﻢ ﻣﻌﻠﻮﻣﺎﺕ ﻭﻛﺎﻥ ﻳﺘﻌﺎﻣﻞ ﻣﻌﺎﻫﻢ ﺳﺮﻣﺪ ... ﺍﺳﻤﻴﻦ ﻣﻨﻬﻢ ﺧﺎﺭﺝ ﺍﻟﺒﻼﺩ ... ﺍﻟﺼﺒﺎﺡ " ﻧﻄﻘﻪ ﺑﺎﻟﺸﺪﻩ ﻉ ﺍﻟﺼﺎﺩ ..." ﻭﻭﺍﺣﺪ ﻣﻠﻘﺐ ﺑﺎﻟﻔﺮﻋﻮﻥ .. ﺍﻟﺰﻭﺯ ﻣﺘﻌﺎﻭﻧﻴﻦ ﻣﻊ ﻋﺼﺎﺑﻪ ﻛﺒﻴﺮﻩ ﻧﺸﺎﻃﻬﺎ ﻋﺎﻟﻤﻲ ... ﻭﻳﺎﻣﺎ ﺩﺍﺭﺕ ﻓﻲ ﺍﻟﺒﻼﺩ ﻉ ﺍﻳﺎﻡ ﺍﻟﻔﻮﺿﻰ ﺍﻟﻠﻲ ﺗﺒﻌﺖ ﺛﻮﺭﺓ ...2011 ﺑﻌﺪ ﺍﻟﺤﺮﺏ ﻧﺸﺎﻃﻬﻢ ﺍﺻﺒﺢ ﻳﻀﻌﻒ ﻑ ﻟﻴﺒﻴﺎ ﺑﺴﺒﺐ ﻗﻴﺎﻡ ﺍﻟﺪﻭﻟﻪ ﻓﻴﻬﺎ ﻭﺟﻬﺎﺯ ﺍﻟﺸﺮﻃﻪ ﺍﻟﻠﻲ ﺯﺍﺩﺕ ﻗﻮﺗﻪ .. ﺑﻔﻀﻞ ﺍﻟﻠﻪ ﺛﻢ ﻣﺠﻤﻮﻋﻪ ﻣﻦ ﺍﻟﻮﻃﻨﻴﻴﻦ ﺍﻧﺖ ﻣﻦ ﺑﻴﻨﺎﺗﻬﻢ .. ﺑﻌﺪ ﺍﻟﻠﻲ ﺻﺎﺭ ﻟﺸﺮﻳﻜﻢ ﺍﻟﻘﻮﻱ ﻓﻲ ﺍﻟﺒﻼﺩ ﻋﺼﺎﺑﺔ ﺍﻟﻜﻮﺑﺮﺍ .
ﻧﺸﺎﻃﻬﻢ ﺿﻌﻒ ﺗﻤﺎﻣﺎ .. ﺣﺎﻟﻴﺎ ﻭﺻﻠﺘﻨﺎ ﻣﻌﻠﻮﻣﺎﺕ ﻉ ﺍﻧﻬﻢ ﻧﺎﻭﻳﻴﻦ ﻳﺮﺟﻌﻮﺍ ﻗﻮﺓﻧﺸﺎﻃﺎﺗﻬﻢ ﻓﻲ ﺗﺠﺎﺭﺓ ﺳﻼﺡ ﻭﻣﺨﺪﺭﺍﺕ ﻓﻲ ﻟﻴﺒﻴﺎ ... ﻣﺨﻄﻄﻴﻦ ﻟﻤﺠﻤﻮﻋﻪ ﻣﻦ ﺍﻟﻬﺠﻤﺎﺕ .. ﻭﻣﺠﻬﺰﻳﻦ ﻗﺎﺋﻤﻪ ﺍﻏﺘﻴﺎﻻﺕ ﻷﺳﻤﺎﺀ ﻣﻬﻤﻪ ﺍﻧﺖ ﻣﻦ ﺿﻤﻨﻬﻢ .. ﺑﺎﻟﺘﻌﺎﻭﻥ ﻣﻊ ﺩﺍﻋﺶ .. ﻳﻌﻨﻲ ﺣﻴﺴﺘﺨﺪﻣﻮﻫﻢ ﻓﻲ ﺗﻨﻔﻴﺪ ﻣﺨﻄﻄﻬﻢ .. ﻭﻃﺒﻌﺎ ﺯﻱ ﻣﺎﺗﻌﺮﻑ .. ﺑﻼﺩﻧﺎ ﻛﻴﻒ ﺑﺪﺕ ﺗﻮﻗﻒ ﻉ ﺭﺟﻠﻴﻬﺎ ﺿﺮﺑﻪ ﺯﻱ ﻫﺎﺩﻱ ﻓﻲ ﻭﻗﺖ ﺯﻱ ﻫﺬﺍ ﺣﺘﻜﻮﻥ ﻓﻲ ﻣﻘﺘﻞ ..
ﺍﻟﺤﺴﻦ ﻳﺴﻤﻊ ﻓﻜﻼﻣﻪ ﺑﺘﺮﻛﻴﺰ ﺷﺪﻳﺪ ﻭﺩﻣﻪ ﺑﺪﻱ ﻳﻔﻮﺭ .
ﺍﻟﻀﺎﺑﻂ ﻛﻤﻞ : ﻭﺍﻟﺪﻭﻟﻪ ﺍﻟﻠﻲ ﻫﻤﺎ ﻓﻴﻬﺎ ﺗﻌﺎﻧﻲ ﻣﻨﻬﻢ ﻛﺬﻟﻚ .. ﻭﻹﻧﻨﺎ ﻣﻮﻗﻌﻴﻦ ﻣﻌﺎﻫﻢ ﺍﺗﻔﺎﻕ ﺗﻌﺎﻭﻥ ﺃﻣﻨﻲ ..
ﻓﺘﻜﻮﻥ ﻓﻲ ﻋﻤﻠﻴﻪ ﻛﺒﻴﺮﻩ ... ﺣﻴﺸﺘﺮﻛﻮﺍ ﻓﻴﻬﺎﺩﻭﻟﺘﻴﻦ .. ﺑﺎﺟﻬﺰﺓ ﺍﻷﻣﻦ ﺍﻟﺘﺎﻟﻲ ﺫﻛﺮﻫﺎ ..
ﺍﻷﺳﺘﺨﺒﺎﺭﺍﺕ
ﺍﻷﻣﻦ ﺍﻟﻌﺎﻡ ..
ﻣﻜﺎﻓﺤﻪ ﺍﻷﺭﻫﺎﺏ
ﻣﻜﺎﻓﺤﻪ ﺍﻟﻤﺨﺪﺭﺍﺕ .. ﻣﻦ ﻛﻞ ﺟﻬﺎﺯ ﺭﺷﺤﻨﺎ ﺿﺎﺑﻂ ﻛﻔﺆ ﻭﺍﻧﺖ ﺍﻟﻠﻲ ﻭﻗﻊ ﻋﻠﻴﻚ ﺍﻹﺧﺘﻴﺎﺭ ﻣﻦ ﺟﻬﺎﺯ ﻣﻜﺎﻓﺤﻪ ﺍﻟﻤﺨﺪﺭﺍﺕ .
ﺍﻟﺤﺴﻦ ؛ ﻣﻤﻜﻦ ﺗﺸﺮﺣﻠﻲ ﺍﻟﻌﻤﻠﻴﻪ ﻛﻴﻒ ﺣﺘﻜﻮﻥ ﺑﺎﻟﺰﺑﻂ
ﺍﻟﻀﺎﺑﻂ : ﺍﻟﻌﻤﻠﻴﻪ ﻣﺪﺗﻬﺎ ﻃﻮﻳﻠﻪ ﺣﺘﺨﺸﻮﺍ ﻝ ****** ﺑﺄﺳﻤﺎﺀ ﺗﺎﻧﻴﻪ ﻭﺷﺨﺼﻴﺎﺕ ﺗﺎﻧﻴﻪ .. ﻭﺍﺷﻜﺎﻝ ﺗﺎﻧﻴﻪ .. ﺣﺘﻮﺻﻠﻮﺍ ﻓﻲ ﺍﻟﻤﻜﺎﻥ ﺍﻟﻠﻲ ﺗﺘﻮﺍﺟﺪ ﻓﻴﻪ ﺍﻟﻌﺼﺎﺑﻪ ﺣﺘﺨﺸﻮﺍ ﺑﻴﻨﺎﺗﻬﻢ ﻭﻛﻞ ﻭﺍﺣﺪ ﻓﻴﻜﻢ ﺑﺸﺨﺼﻴﺔ ﺷﻜﻞ ﻓﻲ ﺣﺎﻝ ﻭﺍﻓﻘﺖ .. ﺣﺘﻌﺮﻑ ﺍﻟﺸﺨﺼﻴﻪ ﺷﻦ ﻫﻲ .
ﺍﻟﺤﺴﻦ : ﻛﻢ ﻣﺪﻩ ﺍﻟﻌﻤﻠﻴﻪ
ﺍﻟﻀﺎﺑﻂ : 5 ﺳﻨﻴﻦ
ﺍﻟﺤﺴﻦ ﺍﻧﺼﺪﻡ ...
ﺍﻟﻀﺎﺑﻂ : ﻳﺎﺣﻀﺮﺓ ﺍﻟﻌﻘﻴﺪﻻﺯﻡ ﺗﻌﺮﻑ ﺍﻧﻚ ﺧﻼﻝ 5 ﺳﻨﻴﻦ ﻣﺶ ﺣﺘﻮﻟﻲ ﻟﻠﺒﻼﺩ ﻧﻬﺎﺋﻲ ... ﻭﻻﺗﺘﻮﺍﺻﻞ ﻣﻊ ﺣﺪ ﻫﻨﻲ ﺑﻜﻞ .. ﺣﺘﺴﻴﺐ ﻛﻞ ﺷﻲ ﻳﺮﺑﻄﻚ ﺑﺎﻟﺒﻼﺩ ﻭﺃﻭﻟﻬﻢ ﺍﻟﺨﺪﻣﻪ ..
ﺍﻟﺤﺴﻦ : ﺑﺎﻷﺣﺮﻯ ﻛﻞ ﺷﻲ ...
ﺍﻟﻀﺎﺑﻂ ﻫﺰ ﺭﺍﺳﻪ ﺑﺄﻳﺠﺎﺏ : ﻻﺯﻡ ﺗﻌﺮﻑ ﺍﻧﻚ ﻣﺶ ﻣﺠﺒﺮ .. ﻧﻘﺪﺭﻭﺍ ﻧﺨﺘﺎﺭﻭﺍ ﻏﻴﺮﻙ ..
ﺑﺲ ﺻﻌﺐ ﺟﺪﺍ ﻧﻠﻘﻮﺍ ﺑﻜﻔﺎﺋﺘﻚ .. ﻭﺍﻧﺖ ﺍﺧﺘﺎﺭ ...
ﺍﻟﻮﻗﺖ ﺍﻟﺤﺎﺿﺮ ..
ﻋﻠﻴﺎ : ﻭﺍﻧﺖ ﺍﺧﺘﺮﺕ ﻟﻴﺒﻴﺎ ..
ﺍﻟﺤﺴﻦ ﺍﺑﺘﺴﻢ ﻭﻫﻮ ﻳﺸﺒﺤﻠﻬﺎ : ﺍﻧﺘﻲ ﺣﺘﻰ ﻟﻮ ﺧﻠﻴﺘﻚ ﻣﺠﺒﺮ ﻭﻛﻨﺖ ﻧﻤﻮﺕ ﺑﺎﺍﻟﻌﺮﻕ ﻛﻞ ﻳﻮﻡ ﻓﺒﻌﺪﻛﻢ .. ﺑﺲ ﻟﻴﻚ ﻣﻦ ﻳﺤﺎﻓﻆ ﻋﻠﻴﻚ ﻭﻉ ﺍﻟﺼﻐﺎﺭ ﺍﻫﻠﻚ ﻭﺍﻫﻠﻲ ﺣﻮﺍﻟﻴﻚ .. ﺑﺲ ﻟﻴﺒﻴﺎ ﻣﺎﻟﻴﻬﺎﺵ ﺣﺪ ﻏﻴﺮﻧﺎ ﺍﻧﻲ ﻭﺍﻟﻠﻲ ﺯﻳﻲ ﻣﺎﺳﻜﻴﻦ ﻣﺴﺆﻭﻟﻴﺎﺕ ﻓﻴﻬﺎ ... ﻳﺤﺎﻓﻆ ﻋﻠﻴﻬﺎ ﻭﻳﺤﻤﻴﻬﺎ ﻳﺮﺩ ﻋﻨﻬﺎ ﺍﻱ ﻋﺪﻭﺍﻥ ﻣﻦ ﺍﻱ ﻧﻮﻉ ﺑﺎﻱ ﺷﻜﻞ ﻛﺎﻥ ..
ﻋﻠﻴﺎ : ﺣﺎﺳﺪﻩ ﻟﻴﺒﻴﺎ ﺍﻟﻠﻲ ﻓﻀﻠﺘﻬﺎ ﻋﻠﻴﺎ ﻭﻉ ﺻﻐﺎﺭﻙ ..
ﺍﻟﺤﺴﻦ : ﻭﺍﻧﻲ ﺣﺎﺳﺪ ﻛﻞ ﺣﺪ ﻛﺎﻥ ﻗﺮﻳﺐ ﻣﻨﻚ ﻓﻬﺎ 6 ﺳﻨﻴﻦ ﻳﺴﻤﻊ ﻓﺼﻮﺗﻚ ﻳﺘﺼﺒﺢ ﻓﻮﺟﻬﻚ ﻳﺸﻮﻑ ﻓﻌﻴﻮﻧﻚ .. ﺣﺎﺳﺪ ﺻﻐﺎﺭﻧﺎ ﺍﻟﻠﻲ ﻟﻴﻠﻬﻢ ﻛﻠﻪ ﻓﻲ ﺣﻀﻨﻚ ﻭﻏﺮﻗﺘﻴﻬﻢ ﺑﺤﺒﻚ ﺍﻟﻠﻲ ﻋﻄﺸﺘﻠﻪ ﻟﻠﻈﻤﺄ ﻭﺍﻧﻲ ﺑﻌﻴﺪ ﻋﻠﻴﻚ ...
ﻋﻠﻴﺎ ﻗﺮﺑﺖ ﻣﻨﻪ ﻭﻫﻮ ﻗﺮﺏ ﻣﻨﻬﺎ ﻗﻠﻮﺑﻬﻢ ﺣﻀﻨﺖ ﺑﻌﺾ .. ﺍﺭﻭﺍﺣﻬﻢ ﺣﻀﻨﺖ ﺑﻌﺾ ... ﻭﺗﻌﺎﻧﻘﺖ ﻣﺸﺎﻋﺮﻫﻢ ... ﺑﺶ ﻳﻄﻔﻮﺍ ﻧﺎﺭ ﺷﻮﻕ ﻋﻤﺮﻩ 6 ﺳﻨﻴﻦ ...
ﻫﺪﻳﻜﺎ ﺍﻟﻠﻴﻠﻪ ﺑﺎﺗﻮﺍ ﻓﻲ ﺩﺍﺭ ﺳﻴﻒ ﻭﺯﻫﺮﺓ ... ﻭﻛﺎﻧﺖ ﺍﺣﻠﻰ ﻟﻴﻠﻪ ❤
ﺗﺎﻧﻲ ﻳﻮﻡ ﺍﻟﺼﺒﺢ ..
ﺍﻟﺤﺴﻦ ﻃﻠﻊ ﻣﻦ ﺍﻟﺤﻤﺎﻡ ... ﻭﺗﻮﺟﻪ ﻟﻠﻜﻮﺟﻴﻨﻪ ﻟﻘﺎﻫﺎ ﻣﺪﺍﻳﺮﻩ ﻓﻄﻮﺭ ﻗﻌﺪ ﻳﺘﺄﻣﻞ ﻓﻴﻬﺎ ... ﺗﻨﻬﺪ ﻣﻦ ﻭﺳﻂ ﻗﻠﺒﻪ ...
ﻛﺎﻧﺖ ﺗﻐﻨﻲ ﻓﻲ ﺃﻏﻨﻴﺘﻬﺎ ﺍﻟﻤﻔﻀﻠﻪ ﻉ ﻫﺪﻳﺮ ﺍﻟﺒﻮﺳﻄﻰ ...
ﻟﻴﻦ ﻭﺻﻠﺖ ﻓﻲ ﺍﻟﻤﻘﻄﻊ ﺍﻟﻠﻲ ﻓﻴﻪ ﺍﺳﻤﻬﺎ ... ﻏﻨﺎﻩ ﺍﻟﺤﺴﻦ ..
ﺍﻟﺤﺴﻦ : ﻳﺨﺮﺏ ﺑﻴﺖ ﻋﻴﻮﻧﻚ ﻳﺎﻋﻠﻴﺎ ﺷﻮ ﺣﻠﻮﻳﻦ ..
ﺷﺒﺤﺎﺗﻪ ﺍﺑﺘﺴﻤﺖ ﻭﻣﺸﺖ ﻃﻮﻝ ﺣﻀﻨﺎﺗﻪ .... ﻭﻫﻮ ﺣﻀﻨﻬﺎ ﻭﻳﻀﺤﻚ ..
ﺑﻌﺪﺕ ﻭﻫﻲ ﺷﺎﺩﺗﻪ : ﺍﺣﺴﻦ ﺣﺎﺟﻪ ﺍﻧﻚ ﺣﻠﻘﺖ ... ﺑﺶ ﻳﻌﺮﻓﻮﻙ ﺳﻴﻒ ﻭﻋﺴﻞ ..
ﺍﻟﺤﺴﻦ : ﻗﺎﻟﻮﻟﻲ ﻣﺨﻠﻴﻪ ﺻﻮﺭﻱ ﻓﺪﻳﺎﺭﻫﻢ ...
ﻋﻠﻴﺎ : ﺍﻳﻪ ﺑﺶ ﻳﺤﺒﻮﻙ ﺑﻜﻞ ﺗﻔﺎﺻﻴﻠﻚ ﺯﻱ ﻣﺎﻧﻲ ﻧﺤﺒﻚ ..
ﺍﻟﺤﺴﻦ ﺑﺎﺳﻬﺎ ﺑﻮﺳﻪ ﻃﻮﻳﻠﻪ .. ﻭﺑﻌﺪﻳﻦ ﺑﻌﺪﻭﺍ ...
ﺍﻟﺤﺴﻦ : ﻣﻨﻲ ﻳﺠﻲ ﻟﻠﺤﻮﺵ ...
ﻋﻠﻴﺎ : ﺍﻧﻲ ﻭﺟﻨﺎﻥ ... ﻣﺎﺧﻠﻴﻨﺎﺷﻲ ﺑﻜﻞ .... ﻭﺍﻧﻲ ﻛﻨﺖ ﺭﺍﺩﻩ ﺑﺎﻟﻲ ﺍﻛﺜﺮ ﺷﻲ ﻉ ﺩﺍﺭ ﻋﻤﻲ ﻭﻋﻤﺘﻲ ﺍﻟﻠﻪ ﻳﺮﺣﻤﻬﻢ .. ﻭﺍﻟﻌﻨﺒﻪ ... ﻷﻥ ﻓﻴﻬﻢ ﻋﺸﺖ ﺍﺣﻠﻰ ﻟﺤﻈﺎﺕ ﻋﻤﺮﻱ ﻣﻌﺎﻙ ..
ﺍﻟﺤﺴﻦ : ﻭﺍﻟﻠﻪ ﺍﻧﺘﻲ ﺍﺣﻠﻰ ﺣﺎﺟﻪ ﺻﺎﺭﺕ ﻓﻲ ﻋﻤﺮﻱ ﻛﻠﻪ .. ﺑﺎﺳﻬﺎ .. ﻭﺑﻌﺪﻳﻦ
ﻗﻌﻤﺰﻭﺍ ﻳﻔﻄﺮﻭﺍ ﻭﻳﻬﺪﺭﺯﻭﺍ ﻭﻳﻀﺤﻜﻮﺍ ﻭﻳﺘﻨﺎﻗﺮﻭﺍ ❤..
ﻃﻠﻌﻮﺍ ﺑﻌﺪﻳﻦ ﻟﺤﻮﺵ ﺍﻟﻌﻴﻠﻪ ﺍﻟﻠﻲ ﻓﺮﺣﻮﺍ ﻟﻤﺎ ﺷﺎﻓﻮﻫﻢ ﺗﺼﺎﻟﺤﻮﺍ ﻭﺭﺟﻌﻮﺍ ﻟﺒﻌﺾ ... ﺧﺪﻭﺍ ﺳﻴﻒ ﻭﻋﺴﻞ ﻭﻣﺸﻮﺍ ﻟﺤﻮﺵ ﺟﻌﻔﺮ .. ﺍﻟﻠﻲ ﺧﺒﺮﻩ ﺍﻟﺤﺴﻦ ﺑﻜﻞ ﺷﻲ ﺍﺗﺼﻞ ﻟﻤﺎ ﻣﺸﻲ ﻳﺎﺧﺪ ﺗﺎﻛﻢ ﺍﻟﺬﻫﺐ ﻣﻦ ﺍﻟﻤﺤﻞ .. ﻭﻋﻠﻴﺎ ﺍﺭﺗﺎﺣﺖ ﻟﻤﺎ ﻋﺮﻓﺖ ﺍﻥ ﺑﻮﻫﺎ ﻛﺎﻥ ﻋﻨﺪﻩ ﻋﻠﻢ .. ﻗﻌﺪﻭﺍ ﺷﻮﻳﻪ ... ﻭﺭﻭﺣﻮﺍ ﻟﺤﻮﺷﻬﻢ ﻃﻮﻝ ...
❤ ﻣﺮ ﺷﻬﺮ ﻭﻛﺎﻥ ﺃﺣﻠﻰ ﺷﻬﺮ ﻳﻤﺮ ﻉ ﺍﻟﺤﺴﻦ ﻭﻋﻠﻴﺎ ... ﺣﺐ ﻓﻲ ﺣﺐ .. ﻭﺻﻐﺎﺭﻩ ﺗﻘﺒﻠﻮﻩ ﺑﺴﺮﻋﻪ ﻭﻳﺤﺎﻭﻝ ﻳﻘﻌﺪ ﻣﻌﺎﻫﻢ ﺍﻛﺜﺮ ﻭﻗﺖ ﻣﻤﻜﻦ ... ﻭﻋﺴﻞ ﻛﺎﻧﺖ ﺩﻟﻮﻋﺘﻪ ﻭﻋﻠﻴﺎ ﻣﻴﺘﻪ ﻣﻦ ﺍﻟﻐﻴﺮﻩ 💓
ﻓﻲ ﻳﻮﻡ ...
ﺳﻴﺪﻱ ﻋﻨﺪﻱ ﻃﻠﺐ ...
ﺍﻟﻠﻮﺍﺀ ﻋﺎﺩﻝ : ﺗﻔﻀﻞ ..
ﺍﻟﺤﺴﻦ : ﻓﻲ ﺣﻔﻞ ﺍﻟﺘﻜﺮﻳﻢ ﻧﺒﻲ ﺍﺳﻤﻲ ﻳﻜﻮﻥ ﺍﻟﺤﺴﻦ ﺳﻴﻒ ﺍﻟﺼﺎﺩﻕ ...
ﻋﺎﺩﻝ ﺍﺑﺘﺴﻢ : ﺣﻨﺒﻠﻐﻬﻢ ﺑﺈﺫﻥ ﺍﻟﻠﻪ .. ﻫﺬﺍ ﺗﺎﻧﻲ ﻭﺳﺎﻡ ﺣﺘﻠﺒﺴﻪ ..
ﺍﻟﺤﺴﻦ ﺍﺑﺘﺴﻢ ﻭﻫﺰ ﺭﺍﺳﻪ ﺑﺈﻳﺠﺎﺏ ...
***
ﺇﻳﻪ ﺣﻨﻘﻮﻟﻪ ﺑﺲ ﻳﻮﻡ ﺣﻔﻞ ﺍﻟﺘﻜﺮﻳﻢ ﺑﺶ ﻓﺮﺣﺘﻪ ﺗﻜﺒﺮ .... ﺍﻳﻪ ..
ﺍﺗﺼﻠﺘﻲ ﺑﻤﺪﻳﺤﻪ .... ﺗﻤﺎﻡ ..... ﻻﺯﻡ ﺗﺮﻭﺡ ﻗﺒﻞ ﻋﺮﺳﻚ ﺑﺄﺳﺒﻮﻉ ﻉ ﺍﻷﻗﻞ ... ﺍﻳﻪ .... ﺗﻤﺎﻡ ...... ﻳﻠﻼ ﺳﻜﺮﻱ ﻣﻨﻲ ﻭﻛﻠﻤﻴﻬﺎ ... ﺑﺎﻱ ...
ﺳﻜﺮﺕ ﻋﻠﻴﺎ ... ﻭﻛﻤﻠﺖ ﻇﻤﺎﻥ ﺍﻟﺤﻮﺵ .. ﺍﻟﻴﻮﻡ ﻛﺎﻧﺖ ﻭﺍﺧﺪﻩ ﺍﺟﺎﺯﺓ ﺑﺘﻄﻠﻊ ﻫﻲ ﻭﺍﻟﺤﺴﻦ ﻭﺍﻟﺼﻐﺎﺭ ﺑﺶ ﻳﻘﻀﻮﺍ ﻳﻮﻣﻬﻢ ﻣﻊ ﺑﻌﺾ ...
ﺑﻌﺪ ﻛﻤﻠﺖ ... ﺭﻥ ﺗﻠﻴﻔﻮﻧﻬﺎ ﻣﺸﺖ ﺗﺠﺮﻱ ... ﻟﻘﺎﺗﻪ ﻫﻮ ﺭﺩﺕ ..
ﻋﻠﻴﺎ : ﺣﺒﻴﻴﻴﺒﻲ ...
ﺍﻟﺤﺴﻦ : ﺭﻭﺣﻪ ... ﻗﻠﺒﻲ ﻗﻮﻟﻴﻠﻲ ... ﻭﻳﻦ ﻧﺤﺠﺰ ﺑﺎﻟﺰﺑﻂ ..
ﻋﻠﻴﺎ : ﻓﻲ ..*********
ﺍﻟﺤﺴﻦ : ﺗﻤﺎﻡ .. ﻧﺠﻴﺐ ﺳﻴﻒ ﻣﻦ ﺍﻟﻤﺪﺭﺳﻪ ﻭﻋﺴﻞ ﻣﻦ ﺍﻟﺤﻀﺎﻧﻪ ﻭﺟﺎﻱ ..
ﻋﻠﻴﺎ : ﺗﻤﺎﻡ ..
ﺍﻟﺤﺴﻦ : ﻋﻠﻴﺎ ...
ﻋﻠﻴﺎ : ﺍﻣﻤﻢ ...
ﺍﻟﺤﺴﻦ : ﻧﺤﺒﻚ ....
ﻋﻠﻴﺎ : ﻭﺍﻧﻲ ﻧﻤﻮﺕ ﻓﻴﻚ ...
ﺍﻟﺤﺴﻦ : ﻳﻠﻼ ﺑﺮﻱ ﻭﺗﻲ ﺭﻭﺣﻚ ...
ﻋﻠﻴﺎ ﺑﻀﺤﻜﻪ : ﺗﻤﺎﻡ ﻭﺻﻜﺮﺕ ..
ﻫﻮ ﺍﺑﺘﺴﻢ ﻭﻭﺻﻞ ﻓﻲ ﺍﻟﺴﻴﺎﺭﺓ ﻛﻴﻒ ﻣﺪ ﺍﻳﺪﻩ ﻭﻓﺘﺤﻬﺎ 🍃🍃🍃...
ﺍﻧﻔﺠﺎﺭ ﻗﻮﻱ ﻫﺰ ﻣﺮﻛﺰ ﺍﻟﻌﺎﺻﻤﻪ ... ﺩﺧﺎﻥ ﻧﺎﺭ .. ﻭﺍﺷﻼﺀ ﻭﺟﺜﺚ ...
ﻓﺎﺟﻌﻪ ﻗﻮﻳﻪ ﻏﻴﺮ ﻣﺘﻮﻗﻌﻪ ...
....
ﻣﻦ ﺑﻌﻴﺪ ﺷﻮﻱ ...
: ﺳﻤﻌﺖ ﻳﺎﺭﺍﺱ ..
ﺍﻟﻔﺮﻋﻮﻥ : ﺍﻟﺤﺴﻦ ﻭﻻ ﺍﻟﻤﺮﺣﻮﻡ ..
: ﻣﺶ ﺣﻴﻠﻘﻮﺍ ﻣﻨﻪ ﺷﻲ ﺑﺶ ﻳﻜﻔﻨﻮﻩ ...
ﺍﻟﻔﺮﻋﻮﻥ : ﺣﻨﻔﺮﺣﻜﻢ ﻫﻠﺒﻪ ... ﺯﻱ ﻣﺎﺷﻔﻴﺘﻮﺍ ﻏﻠﻴﻠﻲ .. ﺗﻮﺍ ... ﻭﺻﻜﺮ
ﺍﻟﻔﺮﻋﻮﻥ : ﻫﺬﺍ ﺩﻡ ﺧﻮﻱ ﺍﻟﺼﺒﺎﺡ ﻳﺎﻟﺤﺴﻦ ....
" ﺣﺒﻴﺒﻲ .."
ﻃﻠﻊ ﻣﻦ ﻣﻜﺘﺒﻪ ﻭﻣﺸﺎﻟﻬﺎ ...
ﻣﺪﻳﺤﻪ : ﺗﻮﺍ ﻛﻴﻒ ﺻﻜﺮﺕ ﻣﻦ ﺃﻣﻴﺮﻩ .. ﻗﺎﻟﺘﻠﻲ .. ﻻﺯﻡ ﻧﺠﻲ ﻗﺒﻞ ﻋﺮﺳﻬﺎ ﺑﺄﺳﺒﻮﻉ ..
ﻣﺮﺍﺩ : ﺗﻤﺎﻡ ﻳﺎﻋﻤﺮﻱ ... ﺑﺎﺳﺘﻪ ﻭﻣﺸﺖ ..
ﻣﺮﺍﺩ " ﺑﻨﻤﺸﻮﺍ ﻳﺎﻗﻠﺒﻲ ﻟﻜﻦ ﺑﺶ ﻧﻌﺰﻭﺍ ﻫﻬﻬﻬﻪ .."
ﺍﻳﻪ ﻣﺎﺗﺴﺘﻐﺮﺑﻮﺵ .. ﻓﻲ ﻣﻴﺔ ﺳﺮﻣﺪ ﻭﺳﺮﻣﺪ ... ﺍﺗﺒﺎﻉ ﺍﻟﺸﺮ ﻣﺤﺎﻭﻃﻴﻦ ﺑﺄﺗﺒﺎﻉ ﺍﻟﺨﻴﺮ ﻭﻳﻦ ﻣﺎﻳﻜﻮﻧﻮﺍ ... ﻳﻤﻮﺕ ﻭﺍﺣﺪ ﻳﺨﻠﻔﻪ ﺍﻟﺘﺎﻧﻲ ... ﺑﺲ ﻣﻬﻤﺎ ﻃﺎﻝ ﺑﻴﻬﻢ ﺍﻷﻣﺪ ﻣﻦ ﻋﻘﺎﺏ ﺭﺑﻲ ﻣﺶ ﺣﻴﻔﻠﺘﻮﺍ ... ﻟﻮ ﻣﺶ ﻓﻲ ﺍﻟﺪﻧﻴﺎ ﻓﻲ ﺍﻵﺧﺮﻩ .. ﺟﻬﻨﻢ ﺧﺎﻟﺪﻳﻦ ﻣﺨﻠﺪﻳﻦ ﻓﻴﻬﺎ ..
🍁🍁🍁🍁
ﻳﻮﻡ ﺍﻟﺠﻨﺎﺯﺓ ...
ﺍﺳﺘﻌﺮﺍﺽ ﻋﺴﻜﺮﻱ ... ﺍﺳﺘﻌﺮﺍﺽ ﻗﻮﺍﺕ ﺍﻟﺸﺮﻃﻪ .. ﻓﺮﻗﻪ ﺗﻌﺰﻑ ... ﺣﻔﻞ ﺍﻟﺘﻜﺮﻳﻢ .. ﺍﻟﻀﺒﺎﻁ ﺍﻟﻠﻲ ﺷﺎﺭﻛﻮﺍ ﻓﻲ ﺍﻟﻌﻤﻠﻴﻪ ﺍﻷﺧﻴﺮﻩ ﻛﻠﻬﻢ ﺣﺎﺿﺮﻳﻦ ﻭﺍﻟﺤﺴﻦ ﺣﺎﺿﺮ ﺑﺲ ﺣﻀﻮﺭ ﻣﻤﻴﺰ ...
ﺗﺎﺑﻮﺕ ﻳﺤﻤﻞ ﺃﺷﻼﺀ ﺟﺴﺪﻩ ﺍﻟﻠﻲ ﺗﻤﺰﻕ ﺣﺒﺎ ﻓﻲ ﻟﻴﺒﻴﺎ ..
ﺍﻟﺘﺎﺑﻮﺕ ﻣﻐﻄﻲ ﺑﻌﻠﻢ ﻟﻴﺒﻴﺎ ﻣﻌﻠﻖ ﻓﻴﻪ ﺍﻟﻮﺳﺎﻡ ﻭﻋﻠﻴﻪ ﺍﻟﻄﺎﻗﻴﻪ .. ﻭﻋﻠﻴﻪ ﺍﻛﻠﻴﻞ ﻭﺭﺩ ﻗﺎﻳﻤﻴﻨﻪ ﺯﻣﻼﺋﻪ ﻓﻲ ﺍﻟﻌﻤﻠﻴﻪ ... ﻭﻳﻤﺸﻮﺍ ﻓﻲ ﻣﻘﺪﻣﻪ ﺍﻹﺳﺘﻌﺮﺍﺽ ...
ﻋﻠﻴﺎ ﻛﺎﻧﺖ ﺣﺎﺿﺮﻩ ﻫﻲ ﻭﺟﻨﺎﻥ ﺑﺲ ﻣﻦ ﺍﻟﻨﺴﺎﻭﻳﻦ ﻭﺳﻴﻒ ﻣﻌﺎﻫﻢ .. ﻛﺎﻧﺖ ﺩﻣﻮﻋﻬﻢ ﺗﻨﺰﻝ ﺑﺲ ﺣﺎﺳﻴﻦ ﺑﻔﺨﺮ ﻛﺒﻴﺮ ...
ﺳﻴﻒ : ﺑﺎﺑﺎ ... ﺗﻮ ﻧﻮﻟﻲ ﺷﺮﻃﻲ ﻟﻤﺎ ﻧﻜﺒﺮ ... ﻭﻧﺤﻤﻲ ﻟﻴﺒﻴﺎ ﺯﻳﻚ ..
ﻋﻠﻴﺎ ﺗﺸﺒﺤﻠﻪ ﻭﺩﻣﻮﻋﻬﺎ ﺳﻴﻞ ﺣﻀﻨﺎﺗﻪ : ﺑﻄﻞ ﺯﻱ ﺑﻮﻙ .. ﻋﺎﺵ ﺑﻄﻞ ﻭﻣﺎﺕ ﺑﻄﻞ ... ﺍﻟﻠﻪ ﻳﺮﺣﻤﻚ ﻳﺎﺣﺒﻴﺒﻲ ... ﺍﻟﻠﻪ ﻳﺮﺣﻤﻚ ﻳﺎﻏﺎﻟﻲ ... ﺣﺘﺸﻮﻑ ﺑﻮﻙ ﻭﺃﻣﻚ ﻓﺮﺣﻨﺎﺗﻠﻚ ﻫﻠﺒﻪ .. ﻭﻗﻌﺪﺕ ﺗﺒﻜﻲ .. ﻭﻗﺎﻟﺖ .. ﺣﻨﺤﺒﻚ ﻷﺧﺮ ﻧﻔﺲ ﻷﺧﺮ ﻧﻔﺲ 💔...
ﺍﻟﺤﻔﻞ ﻛﺎﻥ ﻣﻨﻘﻮﻝ ﻉ ﺍﻟﻬﻮﺍﺀ ﻣﺒﺎﺷﺮﺓ .. ﻭﻟﻴﺒﻴﺎ ﻛﻠﻬﺎ ﺗﺘﻔﺮﺝ ...
ﺍﻟﻤﺬﻳﻊ ﻣﻌﻠﻖ ﻉ ﺍﻟﺤﻔﻞ ... ﻉ ﻟﻘﻄﻪ ﻗﺒﺮ ﺍﻟﺤﺴﻦ ﺍﻟﻤﺤﻤﻮﻝ ﻉ ﺃﻛﺘﺎﻑ ﺍﻓﺮﺍﺩ ﻋﻤﻠﻴﻪ "... ﺍﻟﻮﻃﻦ ﻋﺸﻖ ﺭﺟﺎﻟﻪ .."
ﺍﻟﻤﺬﻳﻊ : ﻭﺩﺍﻋﺎ ﻳﺎﻋﺎﺷﻖ ﻟﻴﺒﻴﺎ .... ﻳﺎﻣﻦ ﺍﻓﻨﻴﺖ ﻋﻤﺮﻙ ﻷﺟﻠﻬﺎ .. ﻳﺎﻣﻦ ﺟﻌﻠﺘﻬﺎ ﺃﻭﻟﻰ ﺍﻭﻟﻮﻳﺎﺗﻚ .. ﻳﺎﻣﻦ ﻓﻀﻠﺘﻬﺎ ﻉ ﻛﻞ ﺷﻲ .. ﺣﺘﻰ ﻣﻦ ﻳﺮﺑﻄﻮﻧﻚ ﺑﺎﻟﺪﻡ ... ﻋﺸﺖ ﺑﻄﻼ ﺷﺮﻳﻔﺎ .. ﻭﺭﺣﻠﺖ ﺑﻄﻼ ﺷﺮﻳﻔﺎ .. ﻟﻴﺒﻴﺎ .. ﻟﻦ ﺗﻨﺴﺎﻙ ﻣﺎﺩﺍﻣﺖ .... ﻭﺍﻗﻮﻝ ﻻﻋﺪﺍﺋﻪ ﺍﻥ ﻗﺘﻠﺘﻢ ﺍﻟﺤﺴﻦ .. ﻓﺴﺘﻠﺪ ﻫﺬﻩ ﺍﻵﺑﻴﻪ ﺍﻟﻒ ﺍﻟﻒ ﺍﻟﺤﺴﻦ .... ﻭﻟﻦ ﺗﺮﺗﺎﺣﻮﺍ ﻓﻲ ﻣﻀﺎﺟﻌﻜﻢ ... ﻭﺩﺍﻋﺎ ﺍﻟﺤﺴﻦ ﺳﻴﻒ ﺍﻟﺼﺎﺩﻕ
ﻓﺄﺳﻠﻤﻲ ﺇﻧﺎ ﻉ ﺍﻟﺪﻫﺮ ﺍﻟﺠﻨﻮﺩ ...
ﻻﻧﺒﺎﻟﻲ ﺍﻥ ﺳﻠﻤﺘﻲ ﻣﻦ ﻫﻠﻚ ... ﻳﺎﻟﻴﺒﻴﺎ ...
....
ﻋﻠﻴﺎ ﺑﻌﺪ ﺗﻤﺎﻧﻴﻪ ﺷﻬﻮﺭ ﺟﺎﺑﺖ ﺑﻨﻴﻪ ﺗﺎﻧﻴﻪ .. ﺳﻤﺘﻬﺎ ﻟﻴﺒﻴﺎ ...
ﻟﻴﺒﻴﺎ ﺍﻟﺤﺴﻦ ﺍﻟﺼﺎﺩﻕ ❤...
🌟🌟🌟🌟
ﺗﻐﻴﺐ ﺍﻟﺸﻤﺲ ﻳﺎﻟﻴﺒﻴﺎ ﻭﻻﺗﻐﻴﺒﻲ ..
ﺃﺷﻴﺐ ﻭﺃﻛﺒﺮ ﻭﻋﻤﺮﻙ ﻳﻮﻡ ﻣﺎﺗﺸﻴﺒﻲ
ﻭﺍﻧﺎ ﻟﻮ ﻛﻨﺖ ﻣﺎﺟﺎﻧﻲ ﻣﻦ ﺍﻟﺪﻧﻴﺎ .
ﻻﻣﺎﻝ ﻭﻻﺟﺎﻩ ﺷﺮﻑ ﻟﻴﺎ ﻭﻛﻔﺎﻳﻪ ﻋﻠﻴﺎ ﺍﻛﻮﻥ ﻟﻴﺒﻲ ..
ﺍﻛﻮﻥ ﻟﻴﺒﻲ .. ﺍﻛﻮﻥ ﻟﻴﺒﻲ ... ﻭﺃﻋﻴﺶ ﻟﻴﺒﻲ .. ﻭﺃﻣﻮﺕ ﻟﻴﺒﻲ ...
ﺍﻟﻨﻬﺎﻳﻪ 🛡
ﺃﺣﺒﻜﻢ
