#الحسن (الوطن عشق رجاله)
ﺍﻟﺠﺰﺀ ﺍﻟﺴﺎﺑﻊ ﻭﺍﻟﺨﻤﺴﻴﻦ 🖤💔💖
للكاتبة GomanFared
ﻣﺮ ﺍﺳﺒﻮﻉ ﺗﺒﻌﻪ ﺍﺳﺒﻮﻉ ﺗﺒﻌﻪ ﺍﺳﺒﻮﻉ .. ﻭﻭﺭﺍﻫﻢ ﺍﺳﺒﻮﻉ ...
📆🍃 ﻳﻌﻨﻲ ﻓﺎﺕ ﺷﻬﺮ ﻛﺎﻣﻞ ...
ﺍﻟﻨﺎﺱ ﺑﺪﺕ ﺗﺨﻒ ﻉ ﺣﻮﺵ ﻋﻠﻲ ﺍﻟﺼﺎﺩﻕ .. ﻭﺷﺒﻪ ﺍﻟﺤﻴﺎﺓ ﺑﺪﺕ ﺗﺮﺟﻊ ﻟﻄﺒﻴﻌﺘﻬﺎ .. ﻛﺎﻥ ﻓﻲ ﻫﺪﻭﺀ ﺣﺬﺭ ﻓﻬﺎﻟﻔﺘﺮﺓ ﻭﻣﺎﻛﺎﻧﺶ ﻓﻲ ﺍﺣﺪﺍﺙ ... ﻏﻴﺮ ...
ﺳﺮﻣﺪ ﻗﻌﺪ ﻳﺪﻭﺭ ﻉ ﺑﻨﺖ ﺍﻟﺒﻲ ﻭﺭﺍﺟﻠﻬﺎ ﺑﻌﺪ ﻭﺻﻼﺗﻪ ﻣﻌﻠﻮﻣﻪ ﺍﻥ ﺍﻟﺒﻲ ﺳﻠﻢ ﻧﻔﺴﻪ ﻭﻧﺎﻭﻱ ﻳﺠﺮ ﻭﺭﺍﻩ ﻧﺎﺱ ﺗﺎﻧﻴﻪ ﻣﻦ ﺍﻫﻢ ﺷﺮﻛﺎﺀ ﺍﻟﻜﻮﺑﺮﺍ ﻓﻲ ﺍﻟﺪﻭﻟﻪ ... ﻃﺒﻌﺎ ﺍﻟﺤﺴﻦ ﺗﻮﻗﻊ ﺍﻥ ﺧﺒﺮ ﺗﺴﻠﻴﻢ ﺍﻟﺒﻲ ﻧﻔﺴﻪ ﺣﻴﻄﻠﻊ .. ﻓﻘﺎﻝ ﻟﺒﻼﻝ ﻳﻐﻴﺮ ﻣﻜﺎﻥ ﺳﻜﻨﻪ ﺗﺤﺴﺒﺎ ﻷﻱ ﺷﻲ ...
ﺟﻨﺎﻥ ﻓﻲ ﻫﺎﻟﻔﺘﺮﺓ ﻣﺸﺖ ﻟﻠﻌﻤﺮﻩ ﻣﻊ ﻋﻠﻲ ﺧﻮﻫﺎ ﻭﺭﻭﺣﺖ ﺍﺣﺴﻦ ﻣﻦ ﻗﺒﻞ ﻭﺣﺎﻟﻴﺎ ﺷﺎﻏﻠﻪ ﻧﻔﺴﻬﺎ ﺑﺎﻟﻘﺮﺍﻳﻪ ﺍﺳﺘﻌﺪﺍﺩﺍ ﻟﻺﻣﺘﺤﺎﻧﺎﺕ ..
ﺍﻟﺤﺎﺟﻪ ﺑﺮﻧﻴﻪ ﺍﻟﻤﺮﺍﺓ ﺍﻟﻘﻮﻳﻪ ﻭﺍﻗﻔﻪ ﻉ ﺭﺟﻠﻴﻬﺎ ﻭﻻﻣﻪ ﻋﻮﻳﻠﺘﻬﺎ ﺣﻮﺍﻟﻴﻬﺎ ﻭﻋﺎﻫﺪﺕ ﻧﻔﺴﻬﺎ ﺍﻥ ﺍﻟﺴﺮ ﺍﻟﻤﺪﻓﻮﻥ ﻟﻴﻪ ﺳﻨﻴﻦ ﻣﺶ ﺣﻴﻄﻠﻊ ﻣﻨﻬﺎ ﻭﺣﺮﺻﺖ ﻉ ﺍﻟﻠﻲ ﻳﻌﺮﻑ ﻣﻦ ﺍﻟﺮﺟﺎﻟﻪ ﺍﻥ ﻣﺎﺣﺪ ﻳﻄﻠﻌﻪ ﻣﻬﻤﺎ ﺻﺎﺭ ﻭﺍﻟﻠﻲ ﻳﻄﻠﻌﻪ ﻫﻲ ﻣﺶ ﺣﺘﺴﺎﻣﺤﻪ .. ﻣﺎﻋﻨﺪﻫﺎﺵ ﻋﻠﻢ ﺍﻥ ﻓﻲ ﻣﻦ ﻋﺮﻑ ﺷﻲ ﺑﺴﻴﻂ ﻋﻦ ﻫﺎﻟﺴﺮ ﻭﻗﺎﻋﺪ ﻣﻨﺸﻐﻞ ﺑﻴﻪ ... ﻋﻠﻴﺎ ...
ﻋﻠﻴﺎ ﺍﻟﻠﻲ ﺣﺴﻤﺖ ﺍﻣﺮﻫﺎ ﻭﺧﺪﺕ ﻗﺮﺍﺭﻫﺎ ﺍﻧﻬﺎ ﺗﺴﻴﺐ ﺍﻟﺤﻮﺵ ﺑﻌﺪ ﺧﻔﺖ ﺯﺣﻤﻪ ﺍﻟﻌﺰﻱ ﻭﺗﺖ ﺣﺎﺟﺎﺗﻬﺎ ﻭﺍﺗﺼﻠﺖ ﺑﺨﻮﻫﺎ ﻭﺗﺮﺍﺟﻲ ﻓﻴﻪ ﻭﻃﺒﻌﺎ ﺍﻟﺤﺴﻦ ﻣﺎﻋﻨﺪﺍﺵ ﻋﻠﻢ ﻳﺤﺴﺎﺑﻬﺎ ﻫﺪﺕ ﻭﻧﺴﺖ ﺍﻟﻠﻲ ﺻﺎﺭ ﻓﻲ ﻫﺎﻟﻔﺘﺮﻩ ... ﻣﺎﺃﺩﺭﻛﺶ ﺣﺠﻢ ﺍﻟﺠﺮﺡ ﺍﻟﻠﻲ ﺗﺴﺒﺒﻬﻮﻟﻬﺎ ﺑﺎﻟﻠﻲ ﻗﺎﻟﻪ ... ﺟﺘﻬﺎ ﻣﻦ ﺍﻟﺸﺨﺺ ﺍﻟﻠﻲ ﻣﺶ ﻣﺘﻮﻗﻌﻪ ﺍﻧﻪ ﻣﻤﻜﻦ ﻳﺠﺮﺣﻬﺎ ﺑﺸﻲ ﺯﻱ ﻫﺬﺍ .. ﻟﻬﺬﺍ ﻣﺎﻗﺪﺭﺗﺶ ﺗﻔﻮﺗﻬﺎ ...
ﻭﻫﻲ ﻣﻘﻌﻤﺰﻩ ﺗﺮﺍﺟﻲ ﺭﻥ ﺗﻠﻴﻔﻮﻧﻬﺎ ﻭﻛﺎﻥ ﻣﺼﻌﺐ ﺭﺩﺕ ﻋﻠﻴﻪ ﻭﻗﺎﻟﺖ ﺍﻧﻬﺎ ﻧﺎﺯﻟﻪ ... ﻃﻠﻌﺖ ﺷﻨﻄﺘﻬﺎ ﻭﻗﻌﺪﺕ ﺗﻜﺮﻛﺮ ﻓﻴﻬﺎ ﻓﻲ ﺍﻟﺪﺭﻭﺝ ﻟﻴﻦ ﻭﺻﻠﺖ ﻓﻲ ﺑﺎﺏ ﺍﻟﻔﺎﺻﻞ .. ﻟﻘﺖ ﺳﺮﻣﺪ ﻭﺣﺴﺎﻥ .. ﺷﺒﺤﻮﻟﻬﺎ ﺑﺈﺳﺘﻐﺮﺍﺏ ..
ﻋﻠﻴﺎ : ﻣﻌﻠﻴﺸﻲ ﺣﺴﺎﻥ ﻭﺧﻴﻲ ﺑﻨﺘﻌﺒﻚ ﻃﻠﻌﻬﺎﻟﻲ ﺑﺮﺍ ..
ﺣﺴﺎﻥ ﺑﺈﺳﺘﻐﺮﺍﺏ : ﺇﻥ ﺷﺎﺀ ﺍﻟﻠﻪ ﺧﻴﺮ ﻣﺮﺕ ﺧﻮﻱ ﺷﻦ ﻓﻲ ..
ﻋﻠﻴﺎ ﻭﺟﻬﻬﺎ ﺗﻐﻴﺮ : ﻣﻌﻠﻴﺸﻲ ﺍﻋﻔﻴﻨﻲ ﻣﻦ ﺍﻹﺟﺎﺑﻪ ..
ﺳﺮﻣﺪ ﺍﺷﺮ ﻟﺤﺴﺎﻥ ﺑﻌﻴﻮﻧﻪ ﻳﺮﻓﻊ ﺍﻟﺸﻨﻄﻪ .. ﺣﺴﺎﻥ ﻗﺎﻣﻬﺎ ﻭﻃﻠﻌﻬﺎ ..
ﺳﺮﻣﺪ ﻗﺪﻣﻠﻬﺎ : ﻏﻠﻂ ﺍﻟﻠﻲ ﺩﻳﺮﻱ ﻓﻴﻪ ..
ﻋﻠﻴﺎ : ﺍﻧﻲ ﺍﺩﺭﻯ ﺑﺎﻟﻠﻲ ﻧﺪﻳﺮ ﻓﻴﻪ ..
ﺳﺮﻣﺪ : ﻓﺎﻫﻢ ﺍﻧﻚ ﻣﻀﺎﻳﻘﻪ ﻣﻨﻪ ﺑﺮﻏﻢ ﺍﻧﻲ ﻣﺶ ﻋﺎﺭﻑ ﺍﻟﺴﺒﺐ ﺑﺲ ﺍﻟﺤﺴﻦ ﺍﻟﺤﺎﺟﻪ ﺍﻟﻮﺣﻴﺪﺓ ﺍﻟﻠﻲ ﻣﺘﺄﻛﺪ ﺍﻧﻲ ﻧﻌﺮﻓﻬﺎ ﻋﻨﻪ ﺣﺎﻟﻴﺎ ﻣﻴﻪ ﻓﻲ ﺍﻟﻤﻴﻪ .. ﻣﺎﻳﻘﺪﺭﺵ ﻳﻌﻴﺶ ﻣﻦ ﻏﻴﺮﻙ ..
ﻋﻠﻴﺎ ﺗﺠﺎﻫﻠﺖ ﺍﻟﻠﻲ ﻗﺎﻟﻪ : ﺑﺎﻟﺴﻼﻣﻪ .. ﺳﻠﻤﻠﻲ ﻋﻠﻴﻬﻢ ﻭﻗﻮﻟﻠﻬﻢ ﻳﺴﺎﻣﺤﻮﻧﻲ .. ﻭﻧﺰﻟﺖ ﻣﻦ ﺍﻟﺪﺭﻭﺝ ﻭﻃﻠﻌﺖ .. ﻭﺳﺮﻣﺪ ﺭﻓﻊ ﺣﻮﺍﺟﺒﻪ ﻭﻣﻂ ﺷﻮﺍﺭﺑﻪ ﺑﺈﺳﺘﻴﺎﺀ ﻭﺧﺶ ﺩﺍﺧﻞ .. ﻫﻲ ﺭﻛﺒﺖ ﻣﻊ ﺧﻮﻫﺎ ﻭﻣﺸﻮﺍ ﻭﺣﺴﺎﻥ ﻳﺸﻮﻓﻠﻬﻢ ﺑﻀﻴﻖ ...
...
ﺧﺒﻄﺖ ﻉ ﺻﺪﺭﻫﺎ ﺑﻘﻮﺓ : ﻏﺒﺎﺭﺗﻲ ﺍﻟﺴﻮﺩﺍ ..
ﺍﻧﻌﺎﻡ : ﻋﻼﺵ ﺷﻦ ﺻﺎﺭ ﺑﻴﻨﺎﺗﻬﻢ ..
ﺳﺮﻣﺪ ﻣﻂ ﺷﻮﺍﺭﺑﻪ ﺑﺘﺴﺎﺅﻝ ...
ﺑﺮﻧﻴﻪ : ﺣﻲ ﻋﻠﻴﺎ ﺍﻧﻲ .. ﻧﺎﻗﺺ ﺍﻟﻮﻟﺪ ﻫﻢ ﻫﻮ ﻣﻦ ﻏﻴﺮ ﺷﻲ ﺣﺎﻟﻪ ﻣﺶ ﻋﺎﺟﺒﻨﻲ ﻋﻼﺵ ﻫﻜﻲ ﻳﺎﻋﻠﻴﺎ ﻳﺎﺑﻨﺘﻲ ﻋﻼﺵ ..
...
ﻋﻠﻴﺎ : ﻣﺸﺎﻛﻞ ﺗﺨﺼﻨﻲ ﻣﺎﻧﺒﻲ ﺣﺪ ﻳﺪﺧﻞ ﻓﻴﻬﺎ
ﻣﺼﻌﺐ : ﻛﻴﻒ ﻣﺎﺗﺒﻲ ﺣﺪ ﻳﺪﺧﻞ ﺍﻧﺘﻲ ﻻﻣﻪ ﻗﺸﻴﺸﻚ ﻛﻠﻪ ..
ﻋﻠﻴﺎ : ﺍﺭﺟﻮﻙ ﻣﺼﻌﺐ ﻧﻮﺻﻠﻮﺍ ﻟﻠﺤﻮﺵ ﻭﺗﻮ ﻧﻔﻬﻤﻜﻢ ...
***
ﺍﺣﻤﺪ : ﺧﻼﻝ ﺍﻟﻔﺘﺮﺓ ﺍﻟﺠﺎﻳﻪ ﺣﻴﻄﻴﺤﻮﺍ ﻫﻠﺒﻪ ﻧﺎﺱ ..
ﺍﻟﺤﺴﻦ : ﺍﻻﻫﻢ ﻣﻨﻬﻢ ﺍﻟﻜﻮﺑﺮﺍ ﻭﺟﻤﺎﻋﺘﻪ ..
ﺍﺣﻤﺪ ﻳﺸﺒﺤﻠﻬﺎ : ﺍﻟﻤﺴﺄﻟﻪ ﻭﻟﺖ ﺷﺨﺼﻴﻪ ﺑﻴﻨﺎﺗﻜﻢ ...
ﺍﻟﺤﺴﻦ ﺷﺒﺤﻠﻪ : ﻭﺟﻌﻨﻲ ﻓﻲ ﻫﻠﺒﻪ ﻧﺎﺱ ﺗﺨﺼﻨﻲ .. ﻭﺍﻧﻲ ﻭﺭﺏ ﺍﻟﻜﻮﻥ ﻣﺎﺣﻨﺮﺗﺎﺡ ﻟﻴﻦ ﻧﺨﻠﻴﻪ ﻣﻌﻠﻖ ﻣﻦ ﺭﻗﺒﺘﻪ ...
ﺍﺣﻤﺪ : ﺇﻥ ﺷﺎﺀ ﺍﻟﻠﻪ ... ﺑﻼﻝ ﺍﻣﺘﻰ ﺑﻴﺴﻠﻢ ﺍﻟﻤﻌﻠﻮﻣﺎﺕ ...
ﺍﻟﺤﺴﻦ : ﺧﻼﻝ ﻳﻮﻣﻴﻦ ...
ﺍﺣﻤﺪ ﻫﺰ ﺭﺍﺳﻪ ﺑﺈﻳﺠﺎﺏ ...
***
ﻭﺻﻠﺖ ﻋﻠﻴﺎ ﻟﺤﻮﺵ ﺍﻫﻠﻬﺎ ﻭﺍﻟﺼﺪﻣﻪ ﺳﻴﻄﺮﺕ ﻋﻠﻴﻬﻢ ...
ﺯﻳﻨﺐ : ﺷﻨﻮ ﺍﻟﻠﻲ ﺻﺎﺭ ﺑﻴﻨﻚ ﻭﺑﻴﻨﻪ ..
ﻋﻠﻴﺎ : ﺍﻣﻲ ﺑﺎﻟﻠﻪ ﻋﻠﻴﻚ ﺭﺍﺳﻲ ﻣﺼﺪﻉ ﻭﻣﺎﻋﻨﺪﻳﺶ ﺑﺎﻝ ﻷﺧﺪ ﻭﺍﻟﺮﺩ ..
ﺍﻣﻴﺮﻩ : ﻋﻠﻴﺎ ﻛﻴﻒ ﻫﻜﻲ .. ﻻﺯﻡ ﻧﻔﻬﻤﻮﺍ ﺷﻦ ﺻﺎﻳﺮ ..
ﻋﻠﻴﺎ ﺑﺘﺬﻣﺮ : ﺧﻠﻮﻧﻲ ﻓﺤﺎﻟﻲ .. ﻭﻣﺸﺖ ﻃﻮﻝ ﻟﺪﺍﺭﻫﺎ ...
ﺯﻳﻨﺐ : ﺗﻮ ﻳﺠﻲ ﺑﻮﻫﺎ ﻳﺘﻔﺎﻫﻢ ﻣﻌﺎﻫﺎ ...
ﺍﻣﺎ ﻫﻲ ﺍﻭﻝ ﻣﺎﺻﻜﺮﺕ ﻉ ﺭﻭﺣﻬﺎ ﺑﺎﺏ ﺍﻟﺪﺍﺭ ﺍﻧﻬﺎﺭﺕ ﺑﺎﻟﺒﻜﻲ .. ﺑﺮﻏﻢ ﺍﻧﻪ ﺟﺮﺣﻬﺎ ﻭﻫﻮ ﺍﻟﻠﻲ ﻏﻠﻂ ﻓﻴﻬﺎ .. ﺑﺲ ﻣﺶ ﻫﺎﻳﻦ ﻋﻠﻴﻬﺎ ﺗﺨﻠﻴﻪ .. ﻟﻜﻦ ﻛﺮﺍﻣﺘﻬﺎ ﻛﺎﻧﺖ ﺍﻗﻮﻯ ﻣﻨﻬﺎ ﻭﺗﺤﻤﻠﺖ ﻭﺳﻴﺒﺎﺗﻪ ...
ﺑﻌﺪ ﻛﻢ ﺳﺎﻋﻪ ..
ﺭﻭﺡ ﺟﻌﻔﺮ ﻟﻠﺤﻮﺵ ﻭﺑﻠﻐﺎﺗﻪ ﺯﻳﻨﺐ ﺑﺎﻟﻠﻲ ﺻﺎﺭ .. ﻭﻫﻮ ﻃﻮﻝ ﻣﺸﺎﻟﻬﺎ ﻃﻖ ﺑﺎﺏ ﺍﻟﺪﺍﺭ ..
ﺟﻌﻔﺮ : ﺑﻨﺘﻲ ﺍﻓﺘﺤﻲ ..
ﻋﻠﻴﺎ ﻧﺎﺿﺖ ﻃﻮﻝ ﻭﻓﺘﺤﺖ ﺍﻟﺒﺎﺏ ..
ﺟﻌﻔﺮ : ﺷﻦ ﺍﻟﻠﻲ ﺻﺎﺭ ﻳﺎﺑﻨﺘﻲ ..
ﻋﻠﻴﺎ : ﺧﺶ ﺗﻮ ﻧﺤﻜﻴﻠﻚ ... ﻋﻠﻴﺎ ﺑﻮﻫﺎ ﻛﺎﻥ ﻗﺮﻳﺐ ﻋﻠﻴﻬﺎ ﻫﻠﺒﻪ ﻭﻛﺎﻧﺖ ﺗﺒﻲ ﺗﺤﻜﻴﻠﻪ ﻷﻧﻬﺎ ﺗﻌﺮﻑ ﺍﻧﻪ ﺣﻜﻴﻢ ﻭﺣﻴﺸﻮﺭ ﻋﻠﻴﻬﺎ ﺑﺸﻮﺭ ﻣﻨﺎﺳﺐ ..
ﺟﻌﻔﺮ : ﻣﺎﻧﺒﻴﺶ ﻧﻜﺬﺏ ﻋﻠﻴﻚ ﻭﻧﻘﻮﻟﻚ ﻛﻠﻤﺘﻪ ﻣﺎﺗﻮﺟﻌﺶ ﻻﻛﻠﻤﺘﻪ ﻭﺟﻌﺘﻨﻲ ﺍﻧﻲ ﻳﺎﺑﺎﻝ ﺍﻧﺘﻲ .. ﻟﻜﻦ ﻳﺎﺑﻨﺘﻲ ﻟﻮ ﺑﻨﻮﻟﻲ ﻟﺘﺎﻟﻲ ﺷﻮﻳﻪ ﺣﻨﺸﻮﻑ ﻟﻠﺮﺍﺟﻞ ﻫﺬﺍ ﻫﻠﺒﻪ ﺣﺴﻨﺎﺕ ﺗﺨﻠﻴﻨﻲ ﻧﺘﻐﺎﺿﻰ ﻉ ﻛﻠﻤﻪ ﻗﺎﻟﻬﺎ ﻓﻲ ﻟﺤﻈﻪ ﻏﻀﺐ .. ﻭﻟﻮ ﻧﺸﻮﻓﻮﺍ ﻟﻠﻤﻮﺿﻮﻉ ﻣﻦ ﺯﺍﻭﻳﺘﻪ ﻫﻮ ﻓﺄﻧﺘﻲ ﻏﻠﻄﺘﻲ ﻫﻠﺒﻪ ﺑﻄﻠﻌﺘﻚ ﻣﻦ ﺍﻟﺤﻮﺵ ﻓﻬﺬﺍﻛﺎ ﺍﻟﻮﻗﺖ .. ﻭﺍﻧﻚ ﺗﻤﺸﻲ ﻟﻤﻜﺎﻥ ﻣﻌﺒﻲ ﺭﺟﺎﻟﻪ ﻭﻣﻌﺎﻩ ﻓﻲ ﺍﻟﻌﻤﻞ .. ﻭﻫﻮ ﺭﺍﺟﻠﻚ ﻃﺒﻴﻌﻲ ﻣﺶ ﺣﻴﺘﺤﻤﻞ ... ﻭﺟﺖ ﻓﻮﻗﺖ ﻫﻮ ﻓﻴﻪ ﻛﺎﻥ ﻓﻲ ﺃﺻﻌﺐ ﺣﺎﻻﺗﻪ .. ﻳﻌﻨﻲ ﻳﺎﺑﻨﺘﻲ ﻟﻴﻪ ﺍﻋﺬﺍﺭﻩ ..
ﻋﻠﻴﺎ ﺑﺪﻣﻮﻉ : ﺑﺎﺑﺎ ﻛﻠﻤﺘﻪ ﻭﺟﻌﺘﻨﻲ ﻫﻨﻲ .. ﺍﺷﺮﺕ ﻉ ﻗﻠﺒﻬﺎ .. ﺣﺎﺳﻪ ﺣﺘﻰ ﺭﻭﺣﻲ ﻣﺠﺮﻭﺣﻪ ﻳﺎﺑﺎﺑﺎ .. ﻣﺶ ﻗﺎﺩﺭﻩ ﻧﺼﻔﻰ ﻣﻦ ﻧﺎﺣﻴﺘﻪ .
ﺟﻌﻔﺮ ﺷﺪ ﺍﻳﺪﻫﺎ ﺑﺈﻳﺪﻳﻪ ﺍﻟﺰﻭﺯ : ﻣﻌﻠﻴﺸﻲ ﻳﺎﺑﺎﺑﺎ ﻣﻌﻠﻴﺸﻲ .. ﺧﻮﺩﻱ ﺭﺍﺣﺘﻚ ﻫﺬﺍ ﺣﻮﺵ ﺑﻮﻙ ﻳﻌﻨﻲ ﺣﻮﺷﻚ ﻷﻣﺘﻰ ﻣﺎﺗﺒﻲ ﺍﻗﻌﺪﻱ .. ﺍﻟﻠﻲ ﺗﺒﻴﻪ ﺍﻧﻲ ﻣﻌﺎﻙ ﻓﻴﻪ .. ﻧﺴﺄﻝ ﺍﻟﻠﻪ ﺍﻹﺻﻼﺡ .. ﻋﻠﻴﺎ ﺣﻄﺖ ﺭﺍﺳﻬﺎ ﻉ ﻛﺘﻒ ﺑﻮﻫﺎ ﻭﻫﻲ ﺗﺒﻜﻲ ﻭﺑﻮﻫﺎ ﻗﻌﺪ ﻳﻤﺴﺢ ﻉ ﺷﻌﺮﻫﺎ ﻭﻳﻬﺪﻱ ﻓﻴﻬﺎ ..
ﺑﻌﺪ ﺍﻟﻌﺼﺮ ..
ﺍﻟﺤﺴﻦ ﺭﻭﺡ ﻟﻠﺤﻮﺵ ﻭﻫﻮ ﻣﺎﻳﻨﺪﺭﻱ ﻉ ﺷﻲ .. ﺧﺶ ﻭﺭﻛﺐ ﻓﻮﻕ ﻃﻮﻝ .. ﺍﻭﻝ ﻣﺎﺧﺶ ﺍﻟﺤﻮﺵ .. ﺣﺴﻪ ﺑﺎﺭﺩ ﻫﻠﺒﻪ ﻭﻣﺎﻓﻴﺶ ﺭﻭﺡ .. ﻣﺎﻓﻬﻤﺶ ﻋﻼﺵ ﺣﺲ ﺑﻬﺎﻟﺸﻌﻮﺭ .. ﺧﺶ ﺩﻭﺭ ﻋﻠﻴﻬﺎ ﻣﺎﻟﻘﻬﺎﺵ ﺣﻂ ﻓﺒﺎﻟﻪ ﺍﻧﻬﺎ ﻟﻮﻃﺎ ﻭﺍﻛﻴﺪ ﻓﻲ ﻧﺎﺱ ﺟﺎﻳﻪ ﻭﻫﻲ ﻻﻫﻴﻪ ﻣﻊ ﺍﻟﻌﻴﻠﻪ .. ﻃﻠﻊ ﺣﻮﺍﻳﺠﻪ ﻭﺧﺶ ﻟﻠﺤﻤﺎﻡ ﺩﻭﺵ ﻭﻃﻠﻊ ﻟﺒﺲ ... ﻭﻧﺰﻝ ... ﻟﻒ ﻉ ﺍﻟﺠﻨﺎﻥ ﻣﺘﻮﺟﻪ ﻟﺠﻬﺔ ﺍﻟﻜﻮﺟﻴﻨﻪ ... ﻭﻭﺻﻞ ﺣﺪﺍ ﺍﻟﺒﺎﺏ
ﺍﻟﺤﺴﻦ : ﺍﺣﻢ ﺣﻤﻢ .. ﺍﻧﻌﺎﻡ ..
ﺍﻧﻌﺎﻡ ﻛﺎﻧﺖ ﻣﻊ ﻫﺎﻟﻪ ﻭﺳﺎﺭﻩ ﻭﺭﻳﺤﺎﻧﻪ ﻳﺪﻭﻭﺍ ﻓﻲ ﻧﻔﺲ ﺍﻟﻤﻮﺿﻮﻉ ﻟﻴﻦ ﺳﻤﻌﻮﺍ ﺻﻮﺗﻪ ﺟﻤﺪﻭﺍ ﻓﻤﻜﺎﻧﻬﻢ ..
ﺍﻧﻌﺎﻡ ﺑﻀﻴﻖ : ﺍﻛﻴﺪ ﺣﻴﺴﺄﻟﻨﻲ ﻋﻠﻴﻬﺎ ﺷﻦ ﺑﻨﻘﻮﻟﻪ ﺑﺲ ..
" ﺍﻧﻌﺎﺍﺍﻡ .."
ﺳﺎﺭﺓ : ﺍﻃﻠﻌﻲ ﻭﻗﻮﻟﻴﻪ ﺍﻟﻠﻲ ﻫﻨﺎﻙ ..
ﺍﻧﻌﺎﻡ ﺧﺪﺕ ﻧﻔﺲ ﻭﻃﻠﻌﺖ : ﻧﻌﻢ ..
ﺍﻟﺤﺴﻦ : ﻓﻲ ﻧﺎﺱ ﺩﺍﺧﻞ ..
ﺍﻧﻌﺎﻡ : ﺍﻳﻪ ..
ﺍﻟﺤﺴﻦ : ﻧﺎﺩﻳﻠﻲ ﻋﻠﻴﺎ ..
ﺍﻧﻌﺎﻡ ﻗﻌﺪﺕ ﺗﺸﺒﺤﻠﻪ ﻭﺧﻼﺹ
ﺍﻟﺤﺴﻦ ﺑﺄﺳﺘﻐﺮﺍﺏ : ﺳﻤﻌﺘﻲ !!!
ﺍﻧﻌﺎﻡ ﺑﺮﺑﻜﻪ : ﺍﻳﻪ .. ﺑﺲ ..
ﺍﻟﺤﺴﻦ : ﺗﻜﻠﻤﻲ ﻛﻮﻳﺲ ..
ﺍﻧﻌﺎﻡ ﺧﺪﺕ ﻧﻔﺲ : ﺷﻦ ﺑﻨﻘﻮﻟﻚ .. ﻣﺮﺗﻚ ﺍﻟﻴﻮﻡ ﺟﺎﻫﺎ ﺧﻮﻫﺎ ﺭﻓﻌﻬﺎ ..
ﺍﻟﺤﺴﻦ ﺿﻴﻖ ﻋﻴﻮﻧﻪ ﺑﺼﺪﻣﻪ : ﻛﻴﻒ ﺭﻓﻌﻬﺎ ..
ﺍﻧﻌﺎﻡ ﺑﻀﻴﻖ ﻣﻤﺰﻭﺝ ﺑﺎﻟﺨﻮﻑ : ﻛﺎﻧﺖ ﺭﺍﻓﻌﻪ ﻣﻌﺎﻫﺎ ﺷﻨﻄﺔ ﻛﺒﻴﺮﺓ .. ﻣﺶ ﻓﺎﻫﻤﻴﻦ ﺍﻟﻠﻲ ﺻﺎﺭ ... ﻫﻚ ﻗﺎﻟﻮﺍ ﺳﺮﻣﺪ ﻭﺣﺴﺎﻥ ...
ﺍﻟﺤﺴﻦ ﺗﻐﻴﺮﺕ ﻣﻼﻣﺢ ﻭﺟﻬﻪ ﻟﻠﻐﻀﺐ ﻭﻉ ﻃﻮﻝ ﻟﻒ ﻭﻣﺸﻲ ...
ﺍﻧﻌﺎﻡ : ﺳﺘﺮﻙ ﻳﺎﺍﺍﺭﺑﻲ ...
ﺍﻣﺎ ﻫﻮ ﻓﻜﺎﻥ ﻓﻲ ﻗﻤﺔ ﺍﻟﻐﻀﺐ ﻃﻠﻊ ﻭﺭﻛﺐ ﺳﻴﺎﺭﺗﻪ ﻭﺍﻧﻄﻠﻖ ﺑﺄﻗﺼﻰ ﺳﺮﻋﻪ ...
...
ﻋﻠﻴﺎ ﻛﺎﻧﺖ ﻣﻘﻌﻤﺰﺓ ﻓﺪﺍﺭﻫﺎ ﺗﺸﻐﻞ ﻓﺮﻭﺣﻬﺎ ﺑﺎﻟﻘﺮﺍﻳﻪ ...
ﻃﻖ ﺍﻟﺒﺎﺏ ... ﺧﺸﺖ ﺃﻣﻴﺮﺓ ...
ﺍﻣﻴﺮﺓ : ﻋﻠﻴﺎ .. ﺭﺍﺟﻠﻚ ﺟﻲ ...
ﻋﻠﻴﺎ ﻓﺘﺤﺖ ﻋﻴﻮﻧﻬﺎ ﺑﺼﺪﻣﻪ ﻭﻗﻠﺒﻬﺎ ﻳﺪﻕ ﺑﺨﻮﻑ ﻭﺣﺐ ﻓﻲ ﻧﻔﺲ ﺍﻟﻮﻗﺖ ...
ﻋﻠﻴﺎ : ﻭﺷﻦ ﺑﻨﺪﻳﺮﻟﻪ ..
ﺍﻣﻴﺮﺓ : ﺑﺎﺑﺎ ﻗﺎﻟﻚ ﺗﻌﺎﻟﻲ ...😒 ﻭﻃﻠﻌﺖ ..
ﻋﻠﻴﺎ : ﻭﻭﻭﻭﻙ ﻳﺎﺭﺑﻲ ...😣.. ﻧﺎﺿﺖ ﺑﺎﻟﺴﻴﻒ ... ﻭﻛﺎﻧﺖ ﺧﺎﻳﻔﻪ ... ﺗﻮﺟﻬﺖ ﻟﻠﻤﺮﺑﻮﻋﻪ ﻭﺍﻣﻬﺎ ﻭﺍﺧﺘﻬﺎ ﻳﺸﺒﺤﻮﻟﻬﺎ ﻭﺻﻠﺖ ﻓﻲ ﺑﺎﺏ ﺍﻟﻤﺮﺑﻮﻋﻪ ﻃﻘﺖ ...
ﺟﻌﻔﺮ : ؛ﺧﺸﻲ ﻳﺎﺑﻨﺘﻲ ..
ﺧﺸﺖ ﻋﻠﻴﺎ ﻭﻣﺎﺑﺘﺶ ﺗﺸﺒﺤﻠﻪ ﺑﻜﻞ .. ﺑﺮﻏﻢ ﺭﺟﻔﺔ ﻗﻠﺒﻬﺎ ﺍﻟﺸﺪﻳﺪﻩ 💓
ﺟﻌﻔﺮ ﻧﺎﺽ : ﻫﺎﺩﻱ ﻣﺮﺗﻚ ﻗﺪﺍﻣﻚ ﻳﺎﻭﻟﺪﻱ .. ﺗﻔﺎﻫﻤﻮﺍ ... ﻭﻣﺸﻲ ﻃﻠﻊ ﻣﻦ ﺑﺤﺪﺍﻫﻢ ..
ﻫﻲ ﻛﺎﻧﺖ ﻻﻓﻪ ﻭﺟﻬﻬﺎ ﻋﻨﻪ ...
ﺍﻟﺤﺴﻦ ﺑﻐﻀﺐ : ﺍﻟﺘﺼﺮﻑ ﺍﻟﻠﻲ ﺩﺭﺗﻴﻪ ﻋﻴﺐ ﻓﻲ ﺣﻖ ﺍﻫﻠﻚ ﻗﺒﻞ ﻟﻴﻜﻮﻥ ﻋﻴﺐ ﻓﺤﻘﻲ .. ﻣﺴﺘﺤﻴﻞ ﻳﻜﻮﻥ ﺍﻟﺸﻴﺦ ﺟﻌﻔﺮ ﻣﻌﻠﻤﻚ ﻉ ﺍﺳﺘﻜﺮﺍﺩ ﺭﺍﺟﻠﻚ ﻭﺗﻘﻠﻴﻞ ﻗﻴﻤﺘﻪ ..
ﻋﻠﻴﺎ ﺑﺪﻭﻥ ﻣﺎﺗﺸﺒﺤﻠﻪ : ﺍﻧﻲ ﻣﺎﻗﻠﻠﺖ ﻗﻴﻤﺔ ﺣﺪ ..
ﺍﻟﺤﺴﻦ ﺑﻌﺼﺒﻴﻪ : ﻟﻤﺎ ﺗﻄﻠﻌﻲ ﻣﻦ ﺍﻟﺤﻮﺵ ﻣﻦ ﻏﻴﺮ ﻋﻠﻤﻲ .. ﺷﻦ ﺍﺳﻤﺎﻩ ﻫﺬﺍ ﻳﺎﻣﺤﺘﺮﻣﻪ .. ﻻﺩﺭﺗﻴﻠﻲ ﺍﻋﺘﺒﺎﺭ ﻭﻻﻗﻴﻤﻪ ...
ﻋﻠﻴﺎ ﺷﺒﺤﺘﻠﻪ : ﻗﻠﺘﻠﻚ ﻗﺒﻞ ﻗﻠﺖ ﻗﺘﻠﻚ ﻣﺶ ﺣﻨﻘﻌﺪﻟﻚ .. ﺑﻌﺪ ﺍﻟﻜﻠﻤﻪ ﺍﻟﻠﻲ ﻗﻠﺘﻬﺎﻟﻲ .. ﻭﻟﻮﻻ ﻭﻓﺎﺓ ﺟﺪﻱ ﻋﻠﻲ ﺍﻟﻠﻪ ﻳﺮﺣﻤﻪ .. ﻛﻨﺖ ﻃﻠﻌﺖ ﻣﻦ ﺯﻣﺎﻥ .. ﺑﻌﺪﻳﻦ ﻧﺴﻴﺖ ﺣﻀﺮﺗﻚ ﺷﻦ ﻗﻠﺘﻠﻲ .. ﺩﻳﺮﻱ ﺍﻟﻠﻲ ﻳﺮﻳﺤﻴﻚ ...
ﺍﻟﺤﺴﻦ ﻗﻌﺪ ﻳﺸﺒﺤﻠﻬﺎ ﻫﻠﺒﻪ ﻭﻧﻈﺮﺗﻪ ﻛﺎﻧﺖ ﺣﺎﺩﻩ ﻭﺗﺨﻮﻑ ... ﻭﻫﻲ ﺗﺸﺒﺤﻠﻪ ﺑﺤﺪﻩ ﺑﺲ ﻛﺎﻥ ﺍﻟﺨﻮﻑ ﻣﺘﻤﻠﻜﻬﺎ ... ﺑﻌﺪ ﺻﻤﺖ ﺩﺍﻡ ﻟﺜﻮﺍﻧﻲ ..
ﺍﻟﺤﺴﻦ ﺑﺤﺰﻡ : ﻟﻮ ﻣﺎ ﺗﻨﻮﺿﻴﺶ ﺗﻮﺍ ﺗﻮﺗﻲ ﺭﻭﺣﻚ ﻭﺗﺮﻭﺣﻲ ﻣﻌﺎﻱ .. ﻗﺴﻤﺎ ﺑﺮﺏ ﺍﻟﻌﺰﺓ ﺍﻟﻠﻲ ﻋﻤﺮﻱ ﻣﺎﺣﻠﻔﺖ ﺑﻴﻪ ﻭﺣﻨﺘﺚ .. ﺧﻼﻝ ﻳﻮﻣﻴﻦ ﺗﻮﺻﻠﻚ ﻭﺭﻗﻪ ﻃﻼﻗﻚ ... ﻭﺗﻨﺴﻴﻨﻲ ﻧﻬﺎﺋﻲ .. ﻭﺍﺫﻛﺮﻱ .. ﺍﻧﺘﻲ ﺍﻟﻠﻲ ﺑﻌﺘﻲ ....
ﻋﻠﻴﺎ ﻗﻠﺒﻬﺎ ﻗﻌﺪ ﻳﺪﻕ ﺑﻌﻨﻒ ﻣﻦ ﺍﻟﺨﻮﻑ ﻭﻗﻌﺪ ﺗﺸﺒﺢ ﻟﻌﻴﻮﻧﻪ ﺍﻟﻠﻲ ﺑﺮﻏﻢ ﺣﺪﺗﻬﻢ ﻭﻧﻈﺮﺗﻬﻢ ﺍﻟﻐﺎﺿﺒﻪ ﻛﺎﻥ ﻓﻴﻬﻢ ﺧﻮﻑ ...
ﺍﻟﺤﺴﻦ ﻧﺎﺽ : ﻃﻠﻌﺖ ﻣﻦ ﺍﻟﺒﺎﺏ ﺗﻮﺍ ﺑﺪﻭﻥ ﻣﺎﻧﺴﻤﻊ ﻣﻨﻚ ﺷﻲ ... ﺣﻨﻌﺘﺒﺮ ﺭﺩﻙ ﻭﺻﻞ ...
ﻋﻠﻴﺎ ﻧﺎﺿﺖ ﺑﻌﺼﺒﻴﻪ : ﺑﺎﻩ ﺍﻟﻬﻢ .. ﺑﺎﻩ ... ﺍﺳﺘﻨﻰ .. ﻭﻃﻠﻌﺖ ﻣﻦ
ﺣﺪﺍﻩ ..
ﻫﻮ ﻣﻼﻣﺢ ﺍﻟﻐﻀﺐ ﻉ ﻭﺟﻬﻪ ﺗﺒﺪﻟﺖ ﻃﻮﻝ ﻹﺑﺘﺴﺎﻣﻪ ﻣﺮﺳﻮﻣﻪ ﻫﺰ ﺭﺍﺳﻪ ﺍﻳﻤﻴﻦ ﻭﻳﺴﺎﺭ : ﻃﻔﻠﻪ ...
ﺧﺶ ﺟﻌﻔﺮ : ﺳﺎﻣﺤﻨﺎ ﻳﺎﻭﻟﺪﻱ ﻭﺳﺎﻣﺢ ﻣﺼﻌﺐ ﻫﻮ ﻓﻬﻢ ﺍﻥ ﺍﻧﺖ ﻋﻨﺪﻙ ﻋﻠﻢ ..
ﺍﻟﺤﺴﻦ ﺑﺈﺑﺘﺴﺎﻣﻪ : ﺍﻧﺘﻢ ﺳﺎﻣﺤﻮﻧﻲ .. ﺻﺢ ﻋﻨﺪﻱ ﻋﻠﻢ ﻏﻴﺮ ﻛﻨﺖ ﻧﺎﺳﻲ ..
ﺍﺑﺘﺴﻢ ﺟﻌﻔﺮ ﺑﺈﺳﺘﻐﺮﺍﺏ ...
ﻋﻠﻴﺎ ﺗﻠﺒﺲ ﺑﻌﺼﺒﻴﻪ .. ﻭﺧﺪﺕ ﺷﻨﻄﺘﻬﺎ ﻭﻃﻠﻌﺖ ﺗﻜﺮﻛﺮ ﻓﻴﻬﺎ ﻭﺍﻣﻬﺎ ﻭﺍﺧﺘﻬﺎ ﻳﻀﺤﻜﻮﺍ ﻋﻠﻴﻬﺎ ... ﻃﻠﻌﺖ ﺑﻴﻬﺎ ﺑﺮﺍ ... ﻫﻮ ﺷﺒﺤﻬﺎ ﻛﻴﻒ ﺗﻜﺮ ﻓﻴﻬﺎ ﻗﺪﻣﻠﻬﺎ ﺑﻴﺎﺧﺪﻫﺎ ..
ﻋﻠﻴﺎ ﺑﺤﺪﻩ : ﺧﻠﻴﻬﺎ ﺗﻮ ﻧﻘﻴﻤﻬﺎ ﺑﺮﻭﺣﻲ ..
ﺟﺒﺪﻫﺎ ﺍﻟﺤﺴﻦ ﺑﺎﻟﻘﻮﺓ ﻭﺧﺪﺍﻫﺎ ﻭﻣﺸﻲ .. ﻭﻫﻲ ﻣﺸﺖ ﻭﺭﺍﻩ ﻭﻫﻲ ﻣﺘﻨﺮﻓﺰﺓ ..
ﺍﻟﺤﺴﻦ : ﺳﺎﻣﺤﻨﺎ ﻳﺎﻋﻤﻲ .. ﻭﺷﺒﺤﻠﻬﺎ ﺑﺮﻓﻌﺔ ﺣﺎﺟﺐ .. ﻭﻭﻋﺪ ﺗﺼﺮﻓﺎﺕ ﺍﻟﺼﻐﺎﺭ ﻫﺎﺩﻱ ﻣﺶ ﺣﺘﺘﻜﺮﺭ ..
ﺟﻌﻔﺮ ﺑﻀﺤﻜﻪ : ﺇﻥ ﺷﺎﺀ ﺍﻟﻠﻪ ...
ﺍﻟﺤﺴﻦ : ﺍﻟﺴﻼﻡ ﻋﻠﻴﻜﻢ ..
ﺟﻌﻔﺮ : ﻭﻋﻠﻴﻜﻢ ﺍﻟﺴﻼﻡ ... ﻃﻠﻊ ﺍﻟﺤﺴﻦ ﺑﺎﻟﺸﻨﻄﻪ ﻭﺟﻌﻔﺮ ﻗﺪﻡ ﻟﺒﻨﺘﻪ ﻭﺷﺪﻫﺎ ... ﺑﻨﺘﻲ ﺣﺎﻓﻈﻲ ﻉ ﺭﺍﺟﻠﻚ ﺭﻩ ﻋﻤﻠﻪ ﻧﺎﺩﺭﻩ .. ﻭﺗﻐﺎﻓﻠﻲ ﻋﻦ ﺳﻴﺌﺎﺗﻪ ﺑﺤﺴﻨﺎﺗﻪ ... ﻭﻟﻮ ﺻﺎﺭ ﺑﻴﻨﻜﻢ ﺯﻋﻞ ﺍﺣﺮﺟﻲ ﺑﺲ ﻓﺤﻮﺷﻚ .. ﻭﻟﻮ ﻣﺎﻗﺪﺭﺗﻴﺶ ﺣﻮﺵ ﺑﻮﻙ ﻣﻔﺘﻮﺡ ..
ﻋﻠﻴﺎ ﺑﺎﺳﺖ ﺭﺍﺱ ﺑﻮﻫﺎ : ﺭﺑﻲ ﻣﺎﻳﺤﺮﻣﻨﻲ ﻣﻨﻚ .. ﻭﻃﻠﻌﺖ ﻭﺑﻮﻫﺎ ﺳﻘﺪﻫﻢ ﻟﻴﻦ ﻣﺸﺖ ﺍﻟﺴﻴﺎﺭﻩ ﻭﺧﺶ ﻭﺳﻜﺮ ﺍﻟﺒﺎﺏ ...
ﻃﻮﻝ ﺍﻟﻄﺮﻳﻖ ﺻﻤﺖ ﺗﺎﻡ ﻫﻮ ﻗﺎﻋﺪ ﻳﻐﻠﻲ ... ﻭﻫﻲ ﻣﻌﺼﺒﻪ ..
ﻗﻄﻊ ﻫﺎﻟﺼﻤﺖ ﺻﻮﺗﻪ ﻭﻫﻮ ﻳﺴﺄﻝ : ﺍﻣﺘﻰ ﻳﺒﺪﻭﺍ ﺍﻣﺘﺤﺎﻧﺎﺗﻚ ..
ﻋﻠﻴﺎ ﺑﺤﺪﻩ : ﻓﺮﻣﻀﺎﻥ ...
ﺍﻟﺤﺴﻦ : ﺗﻜﻠﻤﻲ ﺯﻳﻦ ..
ﻋﻠﻴﺎ : ﻫﻜﻲ ﻧﺘﻜﻠﻢ ﺍﻧﻲ ...
ﺍﻟﺤﺴﻦ : ﺍﻧﺘﻲ ﺗﺒﻲ ﻣﻌﺎﻣﻠﻪ ﺟﺪﻳﺪﻩ ...
ﻋﻠﻴﺎ ﺷﺒﺤﺘﻠﻪ : ﻭﺷﻦ ﺑﺪﻳﺮﻟﻲ ﺑﺘﻀﺮﺑﻨﻲ ..
ﺍﻟﺤﺴﻦ : ﺗﺒﻴﻬﺎ ﺍﻟﻄﺮﻳﺤﻪ .. ﻟﻜﻦ ﺗﺮﺑﻴﺖ ﺻﺢ ﻭﻣﺎﻧﺪﻳﺮﻫﺎﺵ ..
ﻋﻠﻴﺎ ﺷﺒﺤﺖ ﻟﻠﺮﻭﺷﻦ ﻭﻣﺎﺑﺘﺶ ﺗﻨﺎﻗﺶ ... ﺧﺎﻳﻔﻪ ﺗﻌﺼﺒﻪ ﺍﻛﺜﺮ ...
ﻗﻌﺪﻭﺍ ﺳﺎﻛﺘﻴﻦ ﻟﻴﻦ ﻭﺻﻠﻮﺍ ﻟﻠﺤﻮﺵ .. ﻧﺰﻝ .. ﻭﻧﺰﻝ ﺍﻟﺸﻨﻄﻪ .. ﻓﺘﺢ ﺍﻟﺒﺎﺏ ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﺧﺸﺖ ..
ﻟﻘﺖ ﺍﻧﻌﺎﻡ ﻭﺳﺎﺭﻩ ﺑﺮﺍ ﺿﺤﻜﻮﺍ ﻟﻤﺎ ﺷﺎﻓﻮﻫﺎ ﻭﻫﻲ ﺍﺑﺘﺴﻤﺖ ﺑﺈﺣﺮﺍﺝ ...
ﺧﺶ ﺍﻟﺤﺴﻦ ﻗﻠﺒﺖ ﻭﺟﻬﻬﺎ ...
ﺳﺎﺭﺓ : ﺟﺎﺑﻮﻫﺎ ﺭﺟﺎﻟﻬﺎ ..
ﺍﻧﻌﺎﻡ : ﻗﻮﻟﻲ ﺍﻟﻘﻠﺐ ﺍﻻﺣﺮﻑ ..
ﺍﻟﺤﺴﻦ ﺑﺼﻮﺕ ﻋﺎﻟﻲ : ﺳﻤﻌﻮﻧﺎ ﺳﻜﻮﺗﻜﻢ ..
ﺍﻧﻌﺎﻡ ﻭﺳﺎﺭﺓ ...😨😨
ﺍﻟﺤﺴﻦ ﺷﺒﺤﻠﻬﺎ : ﺷﻦ ﻣﻮﻗﻔﻚ ﻫﻨﻲ ﺗﺤﺮﻛﻲ ﻫﻴﺎ .. ﻋﻠﻴﺎ ﻣﺸﺖ ﺑﻌﺼﺒﻴﻪ ﻭﻫﻮ ﻭﺭﺍﻫﺎ ... ﺭﻛﺒﻮﺍ ﺍﻟﺰﻭﺯ ﻓﻮﻕ ﺧﺸﻮﺍ ﻟﻠﺸﻘﻪ .. ﻫﻮ ﺳﻜﺮ ﺍﻟﺒﺎﺏ ﺑﻘﻮﺓ ﺧﻠﺘﻬﺎ ﺗﻨﺘﻔﺾ ﻣﻦ ﺍﻟﺨﻠﻌﻪ ﻭﺩﻑ ﺍﻟﺸﻨﻄﻪ ﺑﺮﺟﻠﻪ ﻭﻗﺎﻝ ﺑﻌﺼﺒﻴﻪ : ﺍﻟﺨﺎﺭﺑﻪ ﻫﺎﺩﻱ ﻣﺶ ﺣﺘﻄﻠﻌﻲ ﻣﻨﻬﺎ ﻭﻻﺣﺪ ﻳﺠﻴﻚ .. ﻭﺟﺎﻣﻌﺘﻚ ﺗﻨﺴﻴﻬﺎ ﻟﻴﻦ ﻳﺒﺪﻭﺍ ﺍﻷﻣﺘﺤﺎﻧﺎﺍﺕ ..
ﻋﻠﻴﺎ ﺑﺼﺪﻣﻪ : ﻛﻴﻴﻴﻴﻴﻒ ..
ﺍﻟﺤﺴﻦ ﻏﻤﺾ ﻋﻴﻮﻧﻪ ﺑﺸﺪﻩ : ﺿﻀﻀﻀﻤﻤﻤﻤﻲ ﻓﻤﻤﻤﻤﻚ ﻗﺎﻋﺪ ﻧﺘﻜﻠﻢ ...
ﻋﻠﻴﺎ ﻣﺎﺗﺖ ﻣﻦ ﺍﻟﺨﻮﻑ ..
ﺍﻟﺤﺴﻦ : ﺗﺒﻲ ﺣﺎﺟﻪ ﻛﻠﻤﻴﻨﻲ ﺍﻧﻲ ﻧﻜﻠﻤﻬﻢ ﻳﺠﺒﻮﻫﺎﻟﻚ .. ﻣﻤﻨﻮﻉ ﺗﺘﻮﺍﺻﻠﻲ ﻣﻊ ﺍﻱ ﺣﺪ ﻭﺟﻬﺎ ﻟﻮﺟﻪ ... ﺍﻧﻲ ﻭﺑﺲ ... ﻟﻴﻦ ﻧﻮﺭﻳﻚ ... ﻭﻟﻒ ﻭﻃﻠﻊ ﻣﻦ ﺍﻟﺸﻘﻪ ﻭﺳﻜﺮﻫﺎ ﺑﺎﻟﻤﻔﺘﺎﺡ ..
ﻋﻠﻴﺎ ﻗﺎﻋﺪﻩ ﻓﺎﺗﺤﻪ ﻋﻴﻮﻧﻬﺎ ﺑﺼﺪﻣﻪ ... ﺷﻮﻳﻪ ﻭﺍﺑﺘﺴﻤﺖ ﺑﻤﻜﺮ : ﺍﻧﺖ ﻫﻜﻲ !!! ؟ ... ﺑﺎﺍﺍﺍﻫﻲ ﺗﻮ ﻧﺸﻮﻓﻮﺍ ﻣﻨﻲ ﻳﻮﺭﻱ ﻣﻨﻲ ...
ﻧﺰﻝ ﻟﻮﻃﺎ ﺗﻘﺎﺑﻞ ﻣﻊ ﺣﻨﺎﻩ : ﻧﻌﺮﻑ ﺣﺪ ﻳﺮﻛﺒﻠﻬﺎ ﻧﺘﻔﺎﻫﻢ ﺍﻧﻲ ﻭﻳﺎﻩ ...
ﺑﺮﻧﻴﻪ : ﺣﺒﺲ ﻫﻮ ..
ﺍﻟﺤﺴﻦ : ﺍﻳﻪ ... ﺣﻨﺎﻱ ﻣﺎﺗﺰﻋﻠﻨﻴﺶ ﻣﻨﻚ ..
ﺑﺮﻧﻴﻪ : ﻉ ﻛﻴﻔﻚ ...
ﺍﻟﺤﺴﻦ : ﺑﻴﺠﻴﻨﻲ ﺭﺍﺟﻞ ﺍﻟﻠﻴﻠﻪ .. ﻗﻮﻟﻴﻠﻬﻢ ﻳﻨﻀﻤﻮﺍ ﺍﻷﻣﻮﺭ ﻓﻮﻕ ...
ﺑﺮﻧﻴﻪ : ﺑﺎﻩ ... ﻭﺧﺸﺖ ..
ﺍﻟﺤﺴﻦ ﻭﻫﻮ ﻃﺎﻟﻊ ﻗﺎﻡ ﻋﻴﻮﻧﻪ ﻓﻮﻕ ﻟﻘﺎﻫﺎ ﻭﺍﻗﻔﻪ ﻓﻲ ﺍﻟﺮﻭﺷﻦ ﻭﺗﺸﺒﺤﻠﻪ ﻓﻨﺺ ﻓﻴﻬﺎ ﻭﺍﺷﺮﻟﻬﺎ ﺑﻌﻴﻮﻧﻪ ﺗﺨﺶ .. ﻭﻫﻲ ﺷﻘﻠﺒﺖ ﻋﻴﻮﻧﻬﺎ ﻭﺧﺸﺖ .. ﻫﻮ ﺍﺑﺘﺴﻢ ﻧﺺ ﺍﺑﺘﺴﺎﻣﻪ ﻭﻟﺒﺲ ﻧﻈﺎﺭﺍﺗﻪ ﻭﻃﻠﻊ ..
***
ﺍﻟﻴﻮﻣﻴﻦ ﺍﻟﺠﺎﻳﺎﺕ ...
ﺍﺑﺘﺴﺎﻡ : ﺑﻨﻤﺸﻲ ﻣﻌﺎﻙ ..
ﺑﻼﻝ : ﻭﻳﻦ ﺗﻤﺸﻲ ﻣﺎﻋﻨﺪﻙ ﻋﻼﺵ ﻣﺎﺷﻴﻪ ..
ﺍﺑﺘﺴﺎﻡ : ﻻﻋﻨﺪﻱ .. ﻧﺒﻲ ﻧﻔﻬﻢ ﻭﺿﻊ ﺑﺎﺑﺎ ﺗﻮﺍ ..
ﺑﻼﻝ : ﺍﻧﻲ ﺣﻨﻔﻬﻢ ﻭﻧﻔﻬﻤﻚ ...
ﺍﺑﺘﺴﺎﻡ ﻋﻴﻮﻧﻬﺎ ﺩﻣﻮﻋﻮﺍ ﻭﺑﺘﻮﺳﻞ : ﺑﺎﻟﻠﻪ ﻋﻠﻴﻚ ﻳﺎﺑﻼﻝ ﺧﻠﻴﻨﻲ ﻧﻤﺸﻲ ﺍﺭﺟﻮﻙ ...
ﺑﻼﻝ : ﺍﻭﻭﻭﻭﻭﻑ ... ﺃﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... ﺑﺎﻩ .. ﻟﻜﻦ ﺍﻭﻝ ﻭﺍﺧﺮ ﻣﺮﺓ ... ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ ...
ﺍﺑﺘﺴﺎﻡ : ﺭﺑﻲ ﻣﺎﻳﺤﺮﻣﻨﻲ ﻣﻨﻚ ..
ﺑﻼﻝ : ﻭﻻﻣﻨﻚ ...
***
ﺟﻨﻲ ﻉ ﺭﻭﺣﻪ ﺑﺎﻟﻠﻲ ﺩﺍﺭﻩ ﻭﺍﻧﺖ ﻋﺎﺭﻑ ﺍﻧﻲ ﻧﺪﻭﺭﻟﻬﺎ ﻓﻴﻬﺎ ﻣﻦ ﺯﻣﺎﻥ ..
ﺍﻟﺸﻜﻮﺑﺎ : ﻳﺎ ﺭﺍﺱ .. ﺷﻦ ﻧﺪﻳﺮﻭﺍ ﺑﺎﻟﺰﺑﻂ .. ﻧﺒﻌﺘﻮﺍ ﻣﻦ ﻳﺠﺒﺪ ﺭﻭﺣﻪ ..
ﺍﻟﻜﻮﺑﺮﺍ : ﺗﺲ ... ﺗﻮ ﻧﺘﺼﺮﻑ ﺑﺮﻭﺣﻲ ...
***
ﻓﺮﺷﺖ ﻓﺮﺷﻪ ﻭﺣﻄﺖ ﻣﻨﺎﺩﻳﺮ ﻭﻭﺳﺎﻳﺪ ﻭﻓﻲ ﻧﺼﻬﻢ ﻃﺎﻭﻟﻪ ... ﻋﻄﺮﺕ ﺍﻟﻤﻜﺎﻥ ﺍﻟﺘﻔﺘﺖ ﺷﺒﺤﺖ ﺻﻔﺮﺓ ﻓﻠﻔﻞ ﺍﺣﻤﺮ ﻣﻴﺒﺴﻴﻨﻬﺎ ﻓﻮﻕ ..
ﺍﻧﻌﺎﻡ : ﺍﻳﻴﻴﻪ ﻗﺪﺍﺵ ﻟﻴﻪ ﻫﺬﺍ .. ﺧﻞ ﻧﻨﺰﻝ ﻧﺠﻴﺐ ﺣﺎﺟﻪ ﻧﺤﻄﻪ ﻓﻴﻬﺎ ﻭﻧﻨﺰﻟﻪ ... ﻧﺰﻟﺖ ﻟﻮﻃﺎ ﺑﺴﺮﻋﻪ ﺍﻣﻬﺎ ﺷﺎﻓﺘﻬﺎ ﻛﻴﻒ ﺧﺸﺖ .. ﺍﻧﻔﺘﺢ ﺍﻟﺒﺎﺏ ... ﺧﺶ ﺍﻟﺤﺴﻦ ...
ﺍﻟﺤﺴﻦ : ﺣﻨﺎﻱ ﺍﻟﺮﺍﺟﻞ ﻭﺭﺍﻱ ...
ﺑﺮﻧﻴﻪ : ﺑﺎﻩ ... ﻣﺸﺖ ﻃﻮﻝ ..
ﻭﻻ ﺍﻟﺤﺴﻦ ﻃﻠﻊ ﺑﺶ ﻳﺪﺧﻞ ﺍﺣﻤﺪ .. ﻓﻬﺎﻟﻠﺤﻈﻪ ﺭﻛﺒﺖ ﺍﻧﻌﺎﻡ ﺑﺴﻄﻞ ﺻﻐﻴﺮ ﻓﻮﻕ ...
ﺍﻟﺤﺴﻦ : ﻫﻲ ﺗﻔﻀﻞ ..
ﺍﺣﻤﺪ : ﻳﺰﻳﺪ ﻓﻀﻠﻚ ...
ﺧﺸﻮﺍ ﻣﻊ ﺑﻌﺾ ﻭﺭﻛﺒﻮﺍ ﻓﻮﻕ ... ﻭﺻﻠﺖ ﻓﻢ ﺑﺎﺏ ﺍﻟﺴﻄﺢ ..
ﺍﻟﺤﺴﻦ : ﺗﻔﻀﻞ .. ﺷﻮﻳﻪ ﻭﺟﺎﻱ ...
ﺍﺣﻤﺪ ﺍﺑﺘﺴﻢ : ﺑﺮﺍ .. ﻧﻌﺮﻑ ﺍﻟﻄﺮﻳﻖ .. ﺿﺤﻚ ﺍﻟﺤﺴﻦ ﻭﻧﺰﻝ ﻭﻫﻮ ﻛﻤﻞ ﺍﻟﻘﺪﺍﻡ ... ﺳﻤﻊ ﺻﻮﺕ ﺍﻧﺜﻮﻱ ﻳﻐﻨﻲ ...
ﺯﺍﺩ ﻓﻮﻕ ﺣﺪﻭﺩﻩ ... ﻳﺎﻭﺭﺩ ﺣﺴﻨﻚ ﺯﺍﺩ ﻓﻮﻕ ﺣﺪﻭﺩﻩ .. ﻳﺎﻭﺭﺩ ﺣﺴﻨﻚ ﺯﺍﺍﺩ ﻓﻮﻕ ﺣﺪﻭﺩﻩ ..
ﺷﺒﺤﻬﺎ ... ﻛﺎﻧﺖ ﻣﻘﻌﻤﺰﺓ ﻉ ﺭﻭﺱ ﺻﻮﺍﺑﻌﻬﺎ ﺗﺤﻂ ﻓﻲ ﺍﻟﻔﻠﻔﻞ ﻓﻲ ﺍﻟﺴﻄﻞ ﻻﺑﺴﻪ ﻗﻔﻄﺎﻥ " ﺗﺎﻳﻘﺮ " ﻭﺣﺎﻃﻪ ﻭﺷﺎﺡ ﻗﻬﻮﻱ ... ﻧﺎﺿﺖ ..
ﺍﻧﻌﺎﻡ : ﻛﻤﻠﻨﺎ .. ﺧﻞ ﻧﻨﺰﻝ ﺍﻟﺤﺴﻦ ﻭﺻﺎﺣﺒﻪ ﻉ ﻭﺻﻮﻝ .. ﺍﻟﺘﻔﺖ ﺑﺘﻤﺸﻲ .. ﻟﻤﺎ ﺷﺎﻓﺘﻪ ﺍﻧﺨﻠﻌﺖ ﻃﻴﺤﺖ ... ﺍﻟﺴﻄﻞ ..
ﻫﻮ ﻃﻮﻝ ﻗﺪﻡ ﻭﻗﻌﺪ ﻳﻠﻢ ﻓﻴﻪ : ﺍﺳﻒ ﺟﺪﺍ ... ﻟﻤﻪ ﻭﻣﺪﻫﻮﻟﻬﺎ ﻫﻲ ﻭﺟﻬﻬﺎ ﻛﺎﻥ ﺑﻠﻮﻥ ﺍﻟﻔﻠﻔﻞ ﺍﻟﻠﻲ ﻓﺎﻟﺴﻄﻞ ... ﺧﺪﺍﺗﻪ ﻭﻓﺎﺗﺖ ﺑﺴﺮﻋﻪ ﺗﺠﺮﻱ ﻣﻦ ﺣﺪﺍﻩ ﻧﺰﻟﺖ ﺑﺴﺮﻋﻪ ﻭﻫﻲ ﺑﺘﻤﻮﺕ ﻣﻦ ﺍﻟﺤﺸﻢ .. ﻫﻲ ﻛﻴﻒ ﻃﻠﻌﺖ ﻣﻦ ﺑﺎﺏ ﺍﻟﻔﺎﺻﻞ .. ﺍﻟﺤﺴﻦ ﻃﻠﻊ ﻣﻦ ﺷﻘﺘﻪ ﻭﺭﻛﺐ ﻓﻮﻕ ... ﻟﻘﻲ ﺍﺣﻤﺪ ﻭﺍﻗﻒ ﻭﻳﺸﺒﺢ ﺟﻬﺔ ﺑﺮﺝ ﻃﺮﺍﺑﻠﺲ ﻭﻫﻮ ﻣﺒﺘﺴﻢ ..
ﺍﻟﺤﺴﻦ ﻗﺪﻣﻠﻪ ﺑﺘﻬﻜﻢ : ﻋﺎﺟﺒﻚ ﻫﻠﺒﻪ ﻫﺎﻟﺼﺮﺡ ﺍﻟﻌﺎﻟﻤﻲ ..
ﺍﺣﻤﺪ ﺑﻀﺤﻜﻪ : ﻋﻨﺪﻙ ﻋﻠﻢ ﻣﺎﻛﻨﺘﺶ ﻣﺮﻛﺰ ﻓﻴﻪ ..
ﺍﻟﺤﺴﻦ : ﺍﺣﺴﻦ .. ﺧﻠﻴﻚ ﻣﺮﻛﺰ ﻓﺸﻐﻠﻨﺎ ...
ﺍﺣﻤﺪ ﺿﺤﻚ ﻭﻗﻌﻤﺰﻭﺍ ﺍﻟﺰﻭﺯ ...
***
ﺳﺮﻣﺪ ﻛﺎﻥ ﻋﻨﺪﻩ ﺣﻠﻘﻪ ﻭﻧﺎﺯﻝ ﻓﻲ ﺍﻟﺒﻲ ﻭﺷﺪﺩ ﻫﻠﺒﻪ ﻫﺎﻟﻤﺮﻩ ..
ﺍﺑﺘﺴﺎﻡ ﺑﻀﻴﻖ : ﺯﻭﺩﻫﺎ ...
ﺑﻼﻝ ﺷﺒﺢ ﻷﻣﻪ .. ﻭﺍﻣﻪ ﺳﻜﺮﺕ ﺍﻟﺘﻠﻔﺰﻳﻮﻥ ..
ﺍﻟﺴﺎﻛﺘﻪ : ﺍﻫﻮ ﺳﻜﺮﻧﺎﻩ ﺑﻨﻴﺘﻲ ﻣﺎﺗﺮﻋﺸﻴﺶ ﺭﻭﺣﻚ ..
ﺍﺑﺘﺴﺎﻡ ﻭﺩﻣﻮﻋﻬﺎ ﺗﻨﺰﻝ : ﺧﻼﺹ ﻳﺎﺳﺮ ﻭﻫﻮ ﺗﻘﻮﻝ ﻣﺎﻓﻴﺶ ﺳﻴﺎﺳﻴﻦ ﻓﺎﺳﺪﻳﻦ ﻏﻴﺮ ﺍﻟﺒﻲ .. ﺷﺎﺩﻩ ﻫﻮ ﺑﺲ ﻭﻣﺴﻴﺐ ﻧﺎﺱ ﻣﺎﺯﺍﻝ ﻓﺎﻳﺘﺎﺗﻪ ﺑﻤﺮﺍﺣﻞ ﻓﻲ ﺍﻟﻔﺴﺎﺩ .. ﻭﻣﻌﺮﻭﻓﻴﻦ ﺑﻴﻪ ... ﺧﺒﺮ ﺗﺴﻠﻴﻢ ﻧﻔﺴﻪ ﻻﺯﻡ ﻳﻄﻠﻊ ... ﻳﺎﺳﺮ ﻋﺎﺩ ... ﻭﻧﺎﺿﺖ ﺧﺸﺖ ﻟﺪﺍﺭ ﻭﺻﻜﺮﺕ ﻋﻠﻴﻬﺎ ﻭﻗﻌﺪﺕ ﺗﺒﻜﻲ ..
....
ﺍﻟﺤﺴﻦ : ﺳﺮﻣﺪ ﻣﺰﻭﺩﻫﺎ ﺷﻮﻳﻪ ..
ﺍﺣﻤﺪ : ﻫﻮ ﺷﺎﺩﻫﺎ ﻓﻲ ﺟﺮﺗﻪ ﻫﻠﺒﻪ ..
ﺍﻟﺤﺴﻦ : ﺻﺎﻳﺮﻟﻪ ﻣﻌﺎﻩ ﻣﻮﻗﻒ ... ﺳﺮﻣﺪ ﻛﺎﻥ ﻳﺨﺪﻡ ﻓﻲ ﻗﻨﺎﺓ ﺗﺎﻧﻴﻪ ﻗﺒﻞ ﻫﺎﺩﻱ .. ﻟﺰﻭﻩ ﻣﻨﻬﺎ ﺑﺴﺒﺒﻪ ..
ﺍﺣﻤﺪ : ﻣﺴﺄﻟﻪ ﺷﺨﺼﻴﻪ ﻳﻌﻨﻲ ..
ﺍﻟﺤﺴﻦ : ﻓﻲ ﺍﻷﻭﻝ ﻣﺎﻛﺎﻧﺘﺶ ﻫﻜﻲ ..
ﺍﺣﻤﺪ : ﻟﻜﻦ ﻓﻲ ﺍﺳﻤﺎﺀ ﻏﻴﺮ ﺍﻟﺒﻲ ﺭﻳﺤﺘﻬﻢ ﻓﺎﺣﺖ ﻣﻔﺮﻭﺽ ﻳﺘﻜﻠﻢ ﻋﻠﻴﻬﻢ ﺣﺘﻰ ﻫﻤﺎ ..
ﺍﻟﺤﺴﻦ : ﻟﻤﺎ ﻳﻌﺮﻑ ﺍﻥ ﺍﻟﺒﻲ ﺍﻧﺤﺒﺲ ﺣﻴﻠﻬﻰ ﺑﻐﻴﺮﻩ ..
ﺍﺣﻤﺪ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﺍﻟﻮﺛﺎﺋﻖ ﺍﻟﻠﻲ ﺣﻴﺮﻓﻌﻬﻢ ﺑﻼﻝ ﻳﻮﻡ ﺍﻹﺭﺑﻌﺎﺀ ﺣﺘﻘﻠﺐ ﺍﻟﻤﻮﺍﺯﻳﻦ ...
ﺍﻟﺤﺴﻦ : ﺍﻷﻳﺎﻡ ﺍﻟﺠﺎﻳﻪ ﻉ ﺍﻟﻐﺎﻟﺐ ﺣﺘﻜﻮﻥ ﺣﺎﻓﻠﻪ ﺑﻬﻠﺒﻪ ﺍﺣﺪﺍﺙ ..
ﺍﺣﻤﺪ : ﺍﻛﻴﺪ ...
***
ﺗﻢ ﺳﺮﻣﺪ ﺍﻟﺤﻠﻘﻪ ﻭﺭﻭﺡ ﻟﻠﺤﻮﺵ .. ﻛﻴﻒ ﻭﺻﻞ .. ﻟﻘﻲ ﺍﺣﻤﺪ ﻣﺸﻲ ﺑﺴﻴﺎﺭﺗﻪ .. ﺧﺶ ﺍﻟﺤﺴﻦ ... ﺍﻧﻔﺘﺢ ﺑﺎﺏ ﺍﻟﺤﻮﺵ .. ﻭﺧﺶ ﺳﺮﻣﺪ ﺑﺴﻴﺎﺭﺗﻪ ... ﺟﺎﻩ ﺍﻟﺤﺴﻦ .. ﻭﺳﺮﻣﺪ ﻭﻗﻒ ﻭﻧﺰﻝ ..
ﺍﻟﺤﺴﻦ : ﻣﺒﻬﺮﺓ ﺍﻟﻴﻮﻡ ..
ﺳﺮﻣﺪ : ﻫﻜﻲ ﻳﺒﻲ .... ﻭﻣﺎﺯﺍﻝ ﻓﻲ ﻧﺎﺱ ﺗﺎﻧﻴﻪ ﺣﻨﻠﺤﻘﻬﻢ ﻟﻴﻪ ﻭﻳﺎﻧﻲ ﻳﺎﻫﻤﺎ ...
ﺍﻟﺤﺴﻦ : ﻓﻜﺮ ﺷﻮﻳﻪ ﻓﻲ ﺣﻨﺎﻱ ... ﺗﺼﺒﺢ ﻉ ﺧﻴﺮ ..
ﺳﺮﻣﺪ ﺑﻀﺤﻜﻪ : ﻭﺍﻧﺖ ﻣﻦ ﺍﻫﻠﻪ ..
ﺭﻛﺐ ﺳﺮﻣﺪ ﺍﻟﺪﺭﻭﺝ ﻛﺎﻥ ﻣﺮﻛﺰ ﺟﻬﺔ ﺍﻟﻔﺎﺻﻞ ﻗﺮﺑﻠﻪ ﺭﻛﺐ ﺩﺭﺟﺘﻴﻦ ﺳﻤﻊ ﺻﻮﺕ ﺑﺎﺏ ﺷﻘﺔ ﺍﻟﺤﺴﻦ ﺗﺼﻜﺮ .. ﻗﻌﺪ ﺷﻮﻳﻪ .. ﻭﺑﻌﺪﻳﻦ ﺭﻛﺐ ﻓﻮﻕ ... ﺧﺶ ﻟﻠﺴﻄﺢ .. ﻗﺪﻡ ﻭﻗﻌﺪ ﻳﻮﺯﻉ ﻓﻲ ﻧﻈﺮﻩ ﻉ ﺍﻟﻤﻜﺎﻥ ﺷﺎﻑ ﻟﻤﺤﺒﺲ ﺍﻟﻐﺮﺱ ﺍﻟﻤﺤﻄﻮﻁ ﻗﺮﻳﺐ ﻣﻦ ﺍﻟﺘﻘﻌﻤﻴﺰﺓ ﺍﻟﻠﻲ ﻛﺎﻧﻮﺍ ﻓﻴﻬﺎ ﺍﻟﺤﺴﻦ ﻭﺃﺣﻤﺪ .. ﻗﺮﺑﻠﻪ .. ﻗﻌﻤﺰ ﻉ ﺭﻭﻭﺱ ﺻﻮﺍﺑﻌﻪ ﻗﻌﺪ ﻳﺪﻭﺭ ﻓﻴﻪ .. ﻃﻠﻊ ﻣﻨﻪ ﺣﺎﺟﻪ ﻭﻫﻮ ﻣﺒﺘﺴﻢ ﺑﻤﻜﺮ .. ﺣﻄﻬﺎ ﻓﻲ ﺟﻴﺒﻪ ﻭﻧﺎﺽ ﻃﻠﻊ ﻣﻦ ﺍﻟﺴﻄﺢ ﻭﻧﺰﻝ ﺑﺴﺮﻋﻪ ..
ﻓﻲ ﺷﻘﺔ ﺍﻟﺤﺴﻦ ...
ﻛﺎﻧﺖ ﻋﻠﻴﺎ ﻣﻘﻌﻤﺰﺓ ﺗﻘﺮﺍ ﻗﺎﻳﻤﻪ ﺷﻌﺮﻫﺎ ﺩﻳﻞ ﺣﺼﺎﻥ ﻭﻣﻨﺰﻟﻪ ﺧﺼﻼﺕ ﻣﻨﻪ ﻭﻻﺑﺴﻪ ﻗﻔﻄﺎﻥ ﺍﺣﻤﺮ ﻗﺼﻴﺮ ﻣﺮﺳﻮﻡ ﻋﻠﻴﻪ ﻗﻄﻮﺳﻪ .. ﻭﺩﺍﻳﺮﻩ ﺭﻭﺝ ﺍﺣﻤﺮ .. ﻭﺣﺎﻃﻪ ﺭﺟﻞ ﻉ ﺭﺟﻞ ﻭﺗﻘﺮﺍ .. ﺍﻟﺤﺴﻦ ﻛﺎﻥ ﻓﺎﻫﻢ ﺍﻟﺠﻮ .. ﺑﺮﻏﻢ ﺍﻧﻪ ﻫﺒﻞ ﻋﻠﻴﻬﺎ ﻟﻤﺎﺷﺎﻓﻬﺎ .. ﺑﺲ ﺩﺍﺭ ﺭﻭﺣﻪ ﻭﻻﻛﺄﻧﻪ ..
ﺧﺶ ﻟﻠﻜﻮﺟﻴﻨﻪ ﻭﻫﻲ ﺩﺍﺭﺕ ﺭﻭﺣﻬﺎ ﺗﻘﺮﺍ ﻭﺍﺗﺒﻊ ﻓﻴﻪ ﺑﻌﻴﻮﻧﻬﺎ ﺧﺪﻱ ﻣﻴﻪ ﺷﺮﺑﻬﺎ ﺷﺒﺤﻠﻬﺎ ﻏﻴﺮﺕ ﻋﻴﻮﻧﻬﺎ ﺑﺴﺮﻋﻪ ﻉ ﺍﺳﺎﺱ ﺗﻘﺮﺍ ﻭﺗﻠﻌﺐ ﺑﺨﺼﻠﺔ ﺷﻌﺮﻫﺎ .. ﻫﻮ ﺍﺑﺘﺴﻢ ﺑﻜﺘﻤﺎﻥ ﻭﻃﻠﻊ ﻣﻦ ﺍﻟﻜﻮﺟﻴﻨﻪ ﻭﻗﺪﻣﻠﻬﺎ : ﺳﻴﺒﻲ ﺍﻟﻠﻲ ﻓﻴﺪﻙ ﻭﻧﻮﺿﻲ ﺣﺪﺩﻳﻠﻲ ﺣﻮﺍﻳﺠﻲ ﻏﺪﻭﺓ ﺑﻨﻄﻠﻊ ﺑﻜﺮﻱ ..
ﻋﻠﻴﺎ ﻧﺎﺿﺖ ﻭﺑﺤﺪﻩ : ﺑﺎﻩ .. ﺍﻳﻪ ﺑﻨﻘﻮﻟﻚ ﻏﺪﻭﺓ ﺿﺮﻭﺭﻱ ﻧﻤﺸﻲ ﻓﻲ ﺣﺎﺟﺎﺕ ﻧﺒﻲ ﻧﺎﺧﺪﻫﻢ ﻓﻲ ﺍﻟﻤﻨﺎﻫﺞ ..
ﺍﻟﺤﺴﻦ : ﺗﻮ ﻧﺮﻓﻌﻚ ... ﻫﻴﺎ ﺧﺸﻲ ﻭﺩﻳﺮﻱ ﺍﻟﻠﻲ ﻗﻠﺖ ﻋﻠﻴﻪ .. ﻣﺸﺖ ﻭﻫﻮ ﻣﻌﺎﻫﺎ ﺑﻌﻴﻮﻧﻪ .. ﺍﻟﺘﻔﺘﺖ ﺩﺍﺭ ﺭﻭﺣﻪ ﻳﺸﺒﺢ ﻓﻮﻕ ... ﺷﻘﻠﺒﺖ ﻋﻴﻮﻧﻬﺎ ﻭﺧﺸﺖ .. ﻭﻫﻮ ﺍﺑﺘﺴﻢ ﻉ ﺟﻨﺐ ...
***
ﺣﺎﻁ ﺍﻟﺴﻤﺎﻋﺎﺕ ﻓﻲ ﻭﺫﻧﻪ ﻭﻳﺴﻤﻊ ..
ﺳﺮﻣﺪ : ﻳﻮﻡ ﺍﻹﺭﺑﻌﺎﺀ .. ﻛﻮﻳﺲ ﻛﻮﻳﺲ ... ﻗﺎﻡ ﺗﻠﻴﻔﻮﻧﻪ ﻭﻛﻠﻢ ﺣﺪ ﻣﻦ ﺟﻤﺎﻋﺘﻪ .. ﻋﻄﺎﻫﻢ ﺍﻭﺍﻣﺮ ﻣﻌﻴﻨﻪ ﻭﺳﻜﺮ .. ﻭﻧﺎﺽ ﺧﺶ ﺳﺮﻳﺮﻩ ﻭﺭﻗﺪ ...
ﺗﺎﻧﻲ ﻳﻮﻡ ﺍﻟﺼﺒﺢ ..
ﻋﻠﻴﺎ : ﺍﻭﻭﻓﺮ ﺳﺮﻣﺪ ﻟﻴﻦ ﺗﻘﺸﻌﺮﺕ ..
ﺍﻧﻌﺎﻡ : ﻫﻜﻲ ﺻﺎﺭ ﻓﻴﺎ ﺣﺘﻰ ﺍﻧﻲ ﻟﻤﺎ ﺩﺍﺭﻫﺎ ﺍﻟﻤﺮﺓ ﺍﻟﻠﻲ ﻓﺎﺗﺖ ..
ﺳﺮﻣﺪ ﺑﻀﺤﻜﻪ : ﺗﻲ ﺧﻮﺩﻱ .. ﻭﻳﺎﺳﺮ ﻣﻦ ﺍﻟﺠﻮ ﺍﻟﻠﻲ ﺩﻳﺮﻭﺍ ﻓﻴﻪ .. ﻉ ﺍﺳﺎﺱ ﺣﺴﺎﺳﺎﺕ .. ﻭﺧﻔﺖ ﻭﺗﻘﺸﻌﺮﺕ ﻭﻳﺎﺍﺍﻱ ...
ﻋﻠﻴﺎ ﺑﻀﺤﻜﻪ ﺧﺪﺕ ﺍﻟﻮﺭﺩﻩ : ﻋﻼﺵ ﺷﻦ ﺗﺸﻮﻓﻴﻨﺎ ﻗﺪﺍﻣﻚ ﺧﺒﺮﺍﺀ ﺃﻟﻐﺎﻡ ..
ﺍﻧﻌﺎﻡ ﺑﻀﺤﻜﻪ : ﺻﺪﻗﺘﻲ ...
ﻋﻠﻴﺎ ﻣﺪﺕ ﺗﻠﻴﻔﻮﻧﻬﺎ ﻷﻧﻌﺎﻡ : ﺗﺮﺍ ﺻﻮﺭﻳﻨﻲ ﻧﻌﻮﻣﻪ ..
ﺍﺑﺘﺴﻤﺖ ﺍﻧﻌﺎﻡ ﻭﺧﺪﺕ ﺍﻟﺘﻠﻴﻔﻮﻥ ﻭﺩﺍﺭﺕ ﻋﻠﻴﺎ ﻟﻘﻄﻪ ﺑﺎﻟﻮﺭﺩﺓ ﻭﺻﻮﺭﺗﻬﺎ ﺍﻧﻌﺎﻡ .. ﻭﺍﻟﺤﺴﻦ ﻛﺎﻥ ﻳﺸﻮﻓﻠﻬﺎ ﻣﻦ ﺑﻌﻴﺪ ﺷﻮﻳﻪ .. ﻫﻲ ﻛﺎﻧﺖ ﺗﻀﺤﻚ ﻟﻤﺎ ﺟﺖ ﻋﻴﻨﻬﺎ ﻋﻠﻴﻪ ﻗﻠﺒﺖ ﻭﺟﻬﻬﺎ ... ﻭﺳﺮﻣﺪ ﻻﺣﻆ ﻭﺍﺑﺘﺴﻢ .. ﻗﺪﻡ ﺍﻟﺤﺴﻦ ..
ﺍﻟﺤﺴﻦ : ﺍﻟﺠﻮ ﺍﻟﺮﺍﻣﺾ ﺍﻟﻠﻲ ﺩﻳﺮﻱ ﻓﻴﻪ ﺍﻧﺘﻲ ﻭﻳﺎﻫﺎ، ﻫﻴﺎ ﺗﺤﺮﻛﻲ ﻗﺪﺍﻣﻲ ...
ﻋﻠﻴﺎ ﻣﺎﺑﺘﺶ ﺗﺸﺒﺤﻠﻪ ﺧﺪﺕ ﺗﻠﻴﻔﻮﻧﻬﺎ ﻣﻦ ﺍﻧﻌﺎﻡ ﻭﻣﺸﺖ ﻫﻮ ﺷﺪﻫﺎ ﺧﺪﻱ ﻣﻨﻬﺎ ﺍﻟﻮﺭﺩ ﻭﻗﺎﻝ : ﺍﺳﺒﻘﻴﻨﻲ ﻟﻠﺴﻴﺎﺭﻩ ...
ﻋﻠﻴﺎ ﺍﺗﻨﺮﻓﺰﺕ ﻫﻠﺒﻪ : ﺻﺒﺮﻙ ﻳﺎﺻﺒﻮﺭ ... ﻭﻣﺸﺖ ﺑﻌﺼﺒﻴﻪ ﻣﻦ ﺣﺪﺍﻩ ... ﻭﻫﻮ ﻗﺪﻡ ﻭﻋﻄﻲ ﺍﻟﻮﺭﺩﺓ ﻟﺴﺮﻣﺪ ﻭﻗﺎﻟﻪ : ﺍﻋﻄﻴﻬﺎ ﻟﻠﻲ ﻳﺨﺼﻚ ..
ﺧﺪﺍﻫﺎ ﺳﺮﻣﺪ ﻭﻫﻮ ﻳﻀﺤﻚ .. ﻭﻣﺸﻲ ﺍﻟﺤﺴﻦ ..
ﺍﻧﻌﺎﻡ ﺑﺈﺑﺘﺴﺎﻣﻪ : ﺗﻌﺮﻓﻪ ﻏﻴﻮﺭ ..
ﺳﺮﻣﺪ : ﻫﻲ ﻗﺎﻟﺖ ﺗﺒﻲ ﻭﺭﺩﻩ ﻭﻋﺎﺭﻓﻬﺎ ﻣﺶ ﺣﺘﻄﻠﺒﻬﺎ ﻣﻨﻪ ..
ﺍﻧﻌﺎﻡ ﺷﺒﺤﺘﻠﻪ ﻉ ﺟﻨﺐ ﺑﻀﺤﻜﻪ : ﻋﻄﻴﻬﺎ ﻟﻠﻲ ﻳﺨﺼﻚ .. ﻭﺧﻼﺗﻪ
ﻭﻣﺸﺖ ﻭﻫﻮ ﺿﺤﻚ ﻭﻗﻌﺪ ﻳﺸﺒﺢ ﻟﻠﻮﺭﺩﻩ ﻭﻳﻔﻜﺮ ..
...
ﺍﻟﺴﺎﻋﻪ 1 ﻇﻬﺮﺍ ...
ﻭﻗﺖ ﺍﻧﺼﺮﺍﻑ ﺍﻟﻄﺎﻟﺒﺎﺕ ﻣﻦ ﺍﺣﺪﻯ ﺍﻟﻤﺪﺍﺭﺱ .. ﻛﺎﻧﺖ ﻃﺎﻟﻌﻪ ﻃﻠﻌﺖ ﺗﻠﻴﻔﻮﻧﻬﺎ ﺍﻟﻠﻲ ﻛﺎﻧﺖ ﺩﺍﻳﺮﺍﺗﻪ ﺻﺎﻣﺖ ﻟﻘﺖ ﺭﺳﺎﻟﻪ ..
( ﻟﻤﺎ ﺗﻄﻠﻌﻲ ﻣﻦ ﺍﻟﻤﺪﺭﺳﻪ ﺑﺮﻱ ﻟﻤﺤﻞ ﺍﻟﻮﺭﺩ ) ...
ﺍﺑﺘﺴﻤﺖ ﻭﻣﺸﺖ ﻃﻮﻝ ... ﺧﺸﺖ ﻟﻠﻤﺤﻞ ﺷﺒﺤﻬﺎ ﺍﻟﺒﺎﻳﻊ ..
ﺍﻟﺒﺎﻳﻊ ﻃﻮﻝ ﻃﻠﻊ ﺍﻟﻮﺭﺩﻩ ﻭﻣﻌﺎﻫﺎ ﺻﻨﺪﻭﻕ ﻭﺭﺳﺎﻟﻪ .. ﺧﺪﺗﻬﻢ ﺍﻣﻴﺮﻩ ﺑﺈﺑﺘﺴﺎﻣﻪ ﻭﻃﻠﻌﺖ ... ﻣﺎﻛﺎﻧﺶ ﻋﻨﺪﻫﺎ ﺻﺒﺮ ﻳﺨﻠﻴﻬﺎ ﺗﺮﺍﺟﻲ ﻟﻴﻦ ﺗﻮﺻﻞ ﻟﻠﺤﻮﺵ ﻭﺗﺸﻮﻑ ﺷﻦ ﻓﺎﻟﺮﺳﺎﻟﻪ ﻭﺍﻟﺼﻨﺪﻭﻕ ...
ﺧﺪﺕ ﺗﺮﻛﻴﻨﻪ ﻭﻗﻌﻤﺰﺕ ... ﻓﺘﺤﺖ ﺍﻟﺼﻨﺪﻭﻕ .. ﺑﺪﻱ ﻳﻌﺰﻑ ﻓﻲ ﻣﻮﺳﻴﻘﻰ ... ﻛﺎﻥ ﺻﻨﺪﻭﻕ ﻣﻮﺳﻴﻘﻰ ﺣﻠﻮ ﻫﻠﺒﻪ ﻋﺠﺒﻬﺎ ... ﻓﺘﺤﺖ ﺍﻟﺮﺳﺎﻟﻪ ..
( ﻛﻞ ﺍﻟﻬﺪﺍﻳﺎ ﺗﻘﻠﻴﺪﻳﻪ ... ﻭﺍﻧﺘﻲ ﻣﺶ ﺗﻘﻠﻴﺪﻳﻪ ﻭﻻﻭﺣﺪﻩ ﻋﺎﺩﻳﻪ .. ﺍﻧﺘﻲ ﺗﺨﺼﻴﻨﻲ ﻭﻷﻧﻚ ﺗﺨﺼﻴﻨﻲ ﻻﺯﻡ ﻳﻜﻮﻥ ﻛﻞ ﺷﻲ ﻟﻴﻚ ﻣﻤﻴﺰ .. ﻉ ﻓﻜﺮﻩ ﺍﻟﻮﺭﺩﻩ ﻧﺰﻋﺖ ﺷﻮﻛﻬﺎ ﺑﻴﺪﻱ .. ﺳﺮﻣﺪ )
ﺍﺑﺘﺴﻤﺖ ﻭﻃﻠﻌﺖ ﺗﻠﻴﻔﻮﻧﻬﺎ ﻣﻦ ﺟﻴﺒﻬﺎ ﻭﻛﺘﺒﺖ ﺭﺳﺎﻟﻪ ﻭﺑﻌﺘﺘﻬﺎﻟﻪ ﺑﻌﺪﻳﻦ ﺣﻄﺖ ﺍﻟﺤﺎﺟﺎﺕ ﻓﻲ ﺍﻟﺸﻨﻄﻪ ﻭﻛﻤﻠﺖ ﻃﺮﻳﻘﻬﺎ ﻟﻠﺤﻮﺵ ...
...
ﻫﻮ ﻛﺎﻥ ﻣﻘﻌﻤﺰ ﻓﻲ ﺍﻟﺠﻨﺎﻥ ﻭﻻﻫﻲ ﺑﺎﻟﻼﺏ ﺗﻮﺏ .. ﺟﺎﺗﻪ ﺭﺳﺎﻟﻪ ﻗﺎﻡ ﻧﻈﺮﺍﺗﻪ ﺍﻟﻄﺒﻴﻪ ﻓﻮﻕ ﺭﺍﺳﻪ ﻭﺧﺪﻱ ﺗﻠﻴﻔﻮﻧﻪ ﻭﻓﺘﺢ ﺍﻟﺮﺳﺎﻟﻪ ..
( ﺷﻜﺮﺍ ﻉ ﺍﻟﻬﺪﻳﻪ ﺣﻠﻮﺓ ﺑﺎﻟﻤﺮﺓ .. ﺑﺲ ﻓﻲ ﺣﺎﺟﻪ ﻻﺯﻡ ﺗﻌﺮﻓﻬﺎ ... ﺍﻧﻲ ﻣﺶ ﻭﺣﺪﻩ ﻋﺎﺩﻳﻪ ﻷﻧﻲ ﺍﻣﻴﺮﺓ ﺍﻟﺤﺎﻓﻆ .. ﻣﺶ ﻷﻧﻲ ﻧﺨﺼﻚ ... )
ﺳﺮﻣﺪ ﻋﺎﻭﺩ ﻗﺮﺍﻫﺎ ﻭﻗﻌﺪ ﻳﻀﺤﻚ ﺑﺼﻮﺕ ﻋﺎﻟﻲ ... ﻫﺪﺍ ﺷﻮﻳﻪ .. ﻭﻛﺘﺒﻠﻬﺎ ...
( ﻷﻧﻚ ﺗﺨﺼﻴﻨﻲ ﺯﺩﺗﻲ ﺗﻤﻴﺰﺍ ... ﻭﺑﻴﻨﻚ ﻭﺑﻴﻦ ﻧﻔﺴﻚ ﺻﻌﺐ ﺗﻨﻜﺮﻱ ﻫﺎﻟﺤﻘﻴﻘﻪ ... )
ﻗﺮﺗﻬﺎ ... ﻭﺭﺩﺕ ..
( ﺍﻟﻠﻲ ﺯﺍﺩﻧﻲ ﺗﻤﻴﺰﺍ ﺍﻧﻲ ﺍﻟﻮﺣﻴﺪﻩ ﺍﻟﻠﻲ ﺧﻠﻴﺖ ﺳﺮﻣﺪ ﻳﺮﺗﺒﻚ ﻟﻤﺎ ﻳﺸﻮﻓﻬﺎ ... ﻭﻫﺎﺩﻱ ﻫﻲ ﺍﻟﺤﻘﻴﻘﻪ ﺍﻟﻠﻲ ﺻﻌﺐ ﻧﻜﺮﺍﻧﻬﺎ .. )
ﺳﺮﻣﺪ ﻗﺮﺍﻫﺎ : ﺍﺍﺍﺧﺨﺨﺦ ﻣﻨﻚ ﺍﺍﺍﺧﺨﺦ ﻏﻠﺒﺘﻴﻨﻲ ﻳﺎﺻﻐﻴﺮﻭﻧﻪ ...
ﺍﺍﺍﺍﺍﺍﻩ ﻭﺧﻼﺹ .. ﻭﺣﻂ ﺗﻠﻴﻔﻮﻧﻪ ﻉ ﺍﻟﻄﺎﻭﻟﻪ ﻭﻗﻌﺪ ﻳﺸﺒﺢ ﻓﻮﻕ ﻭﻏﻤﺾ ﻋﻴﻮﻧﻪ ﺑﺄﻟﻢ ...
***
ﻳﻮﻡ ﺍﻹﺭﺑﻌﺎﺀ ...💔
ﻓﻲ ﺍﻟﺴﻴﺎﺭﺓ ...
ﺑﻼﻝ : ﻭﺍﻟﻠﻪ ﻣﺎﻧﻲ ﺭﺍﺿﻲ ﻉ ﺟﻴﺘﻚ ﻣﻌﺎﻱ ..
ﺍﺑﺘﺴﺎﻡ : ﺍﻳﻴﻴﻴﻴﻪ ﺭﺟﻌﺖ ﺗﻐﻨﻲ ﻓﻲ ﻧﻔﺲ ﺍﻷﻏﻨﻴﻪ
ﺑﻼﻝ ﺑﻀﺤﻜﻪ : ﻧﻐﻨﻲ ﺻﺎﺭ ..
ﺍﺑﺘﺴﺎﻡ ﺷﺒﺤﺘﻠﻪ ﻉ ﺍﻟﺠﻨﺐ ﻭﺍﺑﺘﺴﻤﺖ ..
....
ﺍﻭﻝ ﻣﺎﻧﻔﺬ .. ﻃﻮﻝ ﺗﺎﺧﺪ ﺍﻟﻠﻲ ﻓﻴﺪﻩ ﺷﻨﻄﻪ ﻭﻻ ﺍﻟﻠﻲ ﻫﻮ ﻭﻳﺠﻴﻚ ﻭﺍﺣﺪ ﺭﺍﻛﺐ ﻉ ﺍﻟﻤﻮﻃﻮ ﺗﺮﻛﺐ ﻭﺭﺍﻩ ﻃﻮﻝ ..
: ﺗﻢ ﻳﺎﺭﺍﺱ ... ﺻﻜﺮ ...
ﻭﻗﻌﺪ ﻳﺮﻛﺐ ﻓﻲ ﺍﻟﺪﺭﻭﺝ ﻭﻫﻮ ﻳﺼﻔﺮ ﻭﻗﺎﻳﻢ ﺣﺎﺟﻪ ﻉ ﻛﺘﻔﻪ ..
...
ﺑﻼﻝ : ﻫﻴﺎ ﺍﻧﺰﻟﻲ ...
ﻧﺰﻟﺖ ﺍﺑﺘﺴﺎﻡ ﻭﻓﻲ ﻳﺪﻫﺎ ﺷﻨﻄﻪ .. ﻭﻧﺰﻝ ﺑﻌﺪﻫﺎ ﺑﻼﻝ ﺷﺪ ﻳﺪﻫﺎ ﺍﺑﺘﺴﻤﻮﺍ ﻟﺒﻌﺾ ﻭﻣﺸﻮﺍ
...
ﻛﺎﻥ ﻭﺍﻗﻒ ﻑ ﺭﻭﺷﻦ ﻣﺒﻨﻰ ﺗﺤﺖ ﺍﻟﺼﻴﺎﻧﻪ ﻣﻘﺎﺑﻞ ﻣﺒﻨﻰ ﻣﻜﺘﺐ ﺍﻟﻨﺎﺋﺐ ﺍﻟﻌﺎﻡ ..
ﻳﺴﺎﻭﻱ ﻓﻲ ﺣﺎﺟﻪ .. ﻛﺎﻧﺖ ﺑﻨﺪﻗﻴﻪ ﻗﻨﺎﺻﻪ
ﺳﺮﻣﺪ ﻭﻫﻮ ﻳﻤﻀﻎ ﻓﻲ ﺍﻟﻤﺴﺘﻜﻪ : ﺍﻣﻤﻤﻢ .. ﺗﻤﺎﻡ .. ﻟﻤﺤﻬﻢ ﺟﺎﻳﻴﻦ ﻣﻦ ﺑﻌﻴﺪ .. ﺍﻫﻼ ﻭﺳﻬﻼ ..
ﻗﺎﻡ ﻧﻈﺎﺭﺍﺗﻪ ﺍﻟﺸﻤﺴﻴﻪ ﻉ ﺭﺍﺳﻪ ﻭﺻﻮﺏ : ﺣﻠﻮ ﺟﺖ ﻣﻌﺎﻩ ﻣﺮﺗﻪ .. ﻋﺼﻔﻮﺭﻳﻦ ﺑﺤﺠﺮ ﻭﺍﺣﺪ ... ﺭﻛﺰ ﻉ ﺍﻟﻬﺪﻑ
...
ﺑﻼﻝ : ﻣﺎﺗﺒﻜﻴﺶ ﺩﺍﺧﻞ ﺧﻠﻴﻚ ﻗﻮﻳﻪ ..
ﺍﺑﺘﺴﺎﻡ ﺗﻨﻬﺪﺕ : ﺍﻧﻲ ﻗﻮﻳﻪ ﺑﻴﻚ ..
ﺑﻼﻝ ﺷﺒﺤﻠﻬﺎ ﻫﻠﺒﻪ ﻭﺍﺑﺘﺴﻢ : ﻧﺤﺒﻚ ..❤.. ﻛﻤﻞ ﻛﻠﻤﺘﻪ ﻣﻦ ﻫﻨﻲ .. ﺧﺸﺖ ﺍﻟﺮﺻﺎﺻﻪ ﻓﻲ ﺻﺪﺭﻩ ﻣﻦ ﻫﻨﻲ ..
ﻓﻨﺺ ﻋﻴﻮﻧﻪ ﻭﻫﻮ ﻳﺸﺒﺤﻠﻬﺎ
ﺍﺑﺘﺴﺎﻡ ﻋﻴﻄﺖ : ﺑﻠﻼﺍﺍﺍﺍﺍﺍﺍﺍﺍﺍﺍﻝ
ﺑﻼﻝ ﺑﺼﻌﻮﺑﻪ ﺷﺪﻳﺪﻩ : ﺍﻩ .. ﻫﺮﺭ .. ﺑﻲ ..
ﺍﺑﺘﺴﺎﻡ ﺑﻌﻴﺎﻁ ﻭﺩﻣﻮﻉ : ﺑﻼﺍﺍﺍﺍﺍﺍﺍﻝ ...
ﻃﺎﺡ ﻉ ﺭﻛﺎﺑﻪ .. ﻓﻲ ﺍﻟﻠﺤﻈﻪ ﻧﻔﺴﻬﺎ ﻃﺎﺣﺖ ﺍﺑﺘﺴﺎﻡ ﻋﻠﻴﻪ .. ﻫﻮ ﺑﺼﻌﻮﺑﻪ ﺣﺎﻭﻃﻬﺎ ...
ﺑﻼﻝ : ﺍﺑﺘﺖ .. ﺳﺎ .. ﻡ
ﺟﻲ ﻭﺍﺣﺪ ﻣﻠﺘﻢ ﺧﺪﻱ ﺍﻟﺸﻨﻄﻪ ﻭﻃﺎﺭ ﺗﻨﻄﺮ ﻉ ﺍﻟﻤﻮﻃﻮ ﺍﻟﻠﻲ ﺟﻲ ﺣﺪﺍﻩ ﻭﺍﻧﻄﻠﻘﻮﺍ ﺑﺎﻗﺼﻰ ﺳﺮﻋﻪ ..
ﺍﺑﺘﺴﺎﻡ ﻓﻲ ﺣﻀﻦ ﺑﻼﻝ ﺗﺤﺘﻀﺮ : ﺏ .. ﻻﻝ ... ﻥ .. ﻥ .. ﻧﺤﺒﻚ .. ﻫﺎﺍﺍﺍﻩ ...
ﺑﻼﺍﻝ ﻋﻴﻨﻪ ﺩﻣﻌﺖ ﺣﺘﻰ ﻫﻮ ﺧﻼﺹ ..
ﺍﻟﺰﻭﺯ ﻣﻊ ﺑﻌﺾ .. ﺍﺷﻬﺪ .. ﺍﻥ . ﻻﺇﻟﻪ ﺇﻻ .. ﺍﻟﻠﻪ
ﻭﺍﺷﻬﺪ ... ﺍﻥ ... ﺍﺑﺘﺴﺎﻡ .. ﺳﻜﺘﺘﺖ .. ﻭﺑﻼﻝ ﻧﺰﻟﺖ ﺩﻣﻌﻪ ﺗﺎﻧﻴﻪ ﻣﻦ ﻋﻴﻨﻪ .. ﻭﻛﻤﻞ .. ﻣﺤﻤﺪ .. ﺭﺳﻮﻝ .. ﺍﻟﻼﺍﺍﺍﺍﻩ ... ﻭﻃﺎﺡ ﻉ ﺟﻨﺒﻪ ﻭﺍﺑﺘﺴﺎﻡ ﻑ ﺣﻀﻨﻪ .. ﻣﺎﺗﻮﺍ ﺍﻟﺰﻭﺯ ...💔💔
ﺍﻟﻨﺎﺱ ﻛﺎﻧﻮﺍ ﻳﺘﻔﺮﺟﻮﺍ ﺑﺼﺪﻣﻪ ...
ﻉ ﻃﻠﻌﺖ ﺍﻟﻨﺎﺋﺒﻪ ﺍﻟﻌﺎﻣﻪ ... ﻣﻦ ﺍﻟﻤﺒﻨﻲ ﺗﺠﺮﻱ ﺩﻓﺖ ﺍﻟﻨﺎﺱ ﻭﺷﺎﻓﺖ ﺍﻟﻠﻲ ﺻﺎﺭ ﻭﺍﻧﺼﺪﻣﺖ ﺻﺪﻣﺔ ﺷﺪﻳﺪﻩ ...
ﺑﻴﻨﻤﺎ ﻫﻮ ﻛﺎﻥ ﺣﺎﻁ ﺍﻳﺪﻩ ﺗﺤﺖ ﺫﻗﻨﻪ ﻭﻳﺘﻔﺮﺝ ..
ﺳﺮﻣﺪ ﺑﺘﻬﻜﻢ : ﺍﻟﻔﻴﻠﻢ ﻛﺎﻥ ﺣﻠﻮ .. ﺑﺲ ﺧﺴﺎﺭﺓ ﺍﻟﻨﻬﺎﻳﻪ ﺣﺰﻳﻨﻪ ...
ﺧﺪﻱ ﻗﻨﺎﺻﺘﻪ ﻭﺣﻂ ﻧﻈﺎﺭﺍﺗﻪ ﻉ ﻋﻴﻮﻧﻪ .. ﻭﻗﺎﻝ : ﻫﺬﻩ ﺑﺘﻠﻚ ﻳﺎﻟﺤﺴﻦ ... ﻭﻟﻒ ﻭﻣﺸﻲ ..
... ﻳﺘﺒﻊ ...
