#الحسن (الوطن عشق رجاله)
ﺍﻟﺠﺰﺀ ﺍﻟﺨﺎﻣﺲ ﻭﺍﻟﺜﻼﺛﻴﻦ 💔
للكاتبة GomanFared
ﺑﻌﺪ ﺍﻟﻤﻐﺮﺏ ..
ﻓﺎﻕ ﻭﻫﻮ ﻳﺸﻢ ﻓﻲ ﺭﻳﺤﺔ ﻋﻄﺮﻫﺎ ﻓﺘﺢ ﻋﻴﻮﻧﻪ ﺯﻳﻦ ﺷﺎﻓﻬﺎ ﺍﺫﻛﺮ ﻫﻮ ﻭﻳﻦ ﺭﺍﻗﺪ .. ﺍﺑﺘﺴﻢ .. ﺑﺲ ﻓﻲ ﻧﻔﺲ ﺍﻟﻮﻗﺖ ﺍﺿﺎﻳﻖ ﺍﻛﻴﺪ ﻭﺿﻌﻬﺎ ﻫﺬﺍ ﺗﻌﺒﻬﺎ ﺑﺎﻟﺸﻮﻳﻪ ﻧﺎﺽ ﻭﻧﺰﻝ ﺭﺟﻠﻴﻪ ﻭﻗﻌﻤﺰ ﻛﻮﻳﺲ ﻗﺮﺏ ﻣﻨﻬﺎ ﻭﻫﻮ ﻳﺘﺎﻣﻞ ﻓﻲ ﻣﻼﻣﺤﻬﺎ ﺍﻟﺮﺍﻗﺪﻩ 💖 ﺗﻨﻬﺪ ..
ﺍﻟﺤﺴﻦ : ﻋﻠﻴﺎ ... ﻋﻠﻴﺎ .. ﻋﻠﻴﺎ .. ﺣﻂ ﺍﻳﺪﻩ ﻉ ﺧﺪﻫﺎ ﻭﻗﻌﺪ ﻳﻤﺸﻲ ﻋﻠﻴﻪ ... ﻋﻠﻴﺎ ..
ﻋﻠﻴﺎ ﻓﺎﻗﺖ ﻟﻤﺎ ﺷﺎﻓﺘﻪ ﺍﻧﺨﻠﻌﺖ : ﺧﻴﺮﻙ .. ﺗﺤﺲ ﻑ ﺣﺎﺟﻪ !!
ﺍﻟﺤﺴﻦ ﺍﺑﺘﺴﻢ : ﻻﻻ ﻣﺎﻓﻴﺎ ﺷﻲ .. ﻧﺒﻴﻚ ﺗﻨﻮﺿﻲ ﺗﺮﺗﺎﺣﻲ ﺩﺍﺧﻞ ..
ﻋﻠﻴﺎ ﺷﺒﺤﺘﻠﻪ ﻭﺩﺍﺭﺕ ﺑﻌﻴﻮﻧﻬﺎ ﻓﻲ ﺍﻟﻤﻜﺎﻥ ﺑﻌﺪﻳﻦ ﻗﻌﺪﺕ ﺗﺘﻜﺴﻞ
ﻭﻫﻮ ﻛﺎﻟﻌﺎﺩﻩ ﺑﻴﻬﺒﻞ ﻋﻠﻴﻬﺎ ﻭﻉ ﺣﺮﻛﺎﺗﻬﺎ 💓
ﻋﻠﻴﺎ : ﺍﻣﻤﻢ .. ﺍﻟﺴﺎﻋﻪ ﻛﻢ ..
ﺍﻟﺤﺴﻦ ﺷﺒﺢ ﻟﻠﺴﺎﻋﻪ ﻓﻮﻕ : 7 ﻭﻧﺺ ..
ﻋﻠﻴﺎ ﺑﺨﻠﻌﻪ : ﺍﻟﺼﺒﺢ !!!!!!
ﺍﻟﺤﺴﻦ ﺑﻀﺤﻜﻪ : ﻳﺎﻭﺩﻱ ﺑﻌﺪ ﺍﻟﻤﻐﺮﺏ ..
ﺿﺤﻜﺖ ﻋﻠﻴﺎ : ﻣﺎﺯﺍﺍﺍﺍﺍﻝ ﻭﻗﺖ ﻉ ﺍﻟﻨﻮﻡ .. ﺍﻧﺖ ﺗﺒﻲ ﺗﺮﻗﺪ ..
ﺍﻟﺤﺴﻦ : ﻻ ﺑﻨﻨﺰﻝ ﻟﻮﻃﺎ ...
ﻋﻠﻴﺎ : ﺑﺎﻩ ...
ﺍﻟﺤﺴﻦ ﺑﻴﻨﻮﺽ ﺗﻮﺟﻊ ﺷﻮﻱ ﺑﺲ ﺃﺧﻔﻰ ﺃﻟﻤﻪ : ﺑﺘﻘﻌﺪﻱ ﻫﻨﻲ ..
ﻋﻠﻴﺎ : ﻻﻻ ﺣﺘﻰ ﺍﻧﻲ ﺑﻨﻨﺰﻝ ...
ﺍﻟﺤﺴﻦ : ﺑﺎﻩ ﻧﻮﺿﻲ ...
ﻋﻠﻴﺎ : ﺗﻮ ﺍﻧﻮﺽ ...
ﺍﻟﺤﺴﻦ : ﺧﻴﺮﻙ ..
ﻋﻠﻴﺎ : ﺷﻲ ..
ﺍﻟﺤﺴﻦ ﻗﻌﺪ ﻳﺸﺒﺤﻠﻬﺎ ﺑﻌﺪﻳﻦ ﻗﺎﻝ : ﺭﺟﻠﻚ ﻧﻤﻠﺖ ..
ﻋﻠﻴﺎ ﺍﺑﺘﺴﻤﺖ : ﻻﻻ ..
ﻧﺰﻝ ﺍﻟﺤﺴﻦ ﻟﻤﺴﺘﻮﻯ ﺭﺟﻠﻴﻬﺎ ﻭﻗﻌﺪ ﻳﻤﺴﺪ ﻓﻴﻬﺎ ﻭﻫﻲ ﺗﺸﺒﺤﻠﻪ ..
ﺍﻟﺤﺴﻦ : ﺍﺳﻒ ..
ﻋﻠﻴﺎ : ﻋﻼﺵ ﺗﺘﺄﺳﻒ ...
ﺍﻟﺤﺴﻦ : ﺗﻌﺒﺘﻚ ..
ﻋﻠﻴﺎ : ﻭﻻﻳﻬﻤﻚ .. ﺍﺻﻼ ﻛﻨﺖ ﻣﺮﺗﺎﺣﻪ ﻫﻠﺒﻪ ..
ﺍﻟﺤﺴﻦ ﺷﺒﺤﻠﻬﺎ ﻭﺍﺑﺘﺴﻢ ﺑﻌﺪﻳﻦ ﻧﺎﺽ ...
ﻋﻠﻴﺎ ﻧﺎﺿﺖ .. ﻭﻣﺸﺖ ﻣﻌﺎﻩ ﻟﻠﺪﺍﺭ ... ﻃﻠﻌﺘﻠﻪ ﺣﻮﺍﻳﺞ ... ﻫﻮ ﺧﺶ ﻏﺴﻞ ﻭﺟﻬﻪ ﻭﺗﻮﺿﺎ ﻭﻃﻠﻊ ﺑﻴﺼﻠﻲ ... ﻭﻫﻲ ﺧﺸﺖ ﺍﺩﻭﺵ ...
ﻛﻤﻞ ﺻﻼﺗﻪ ﻭﻏﻴﺮ ﺣﻮﺍﻳﺠﻪ ﺑﺼﻌﻮﺑﻪ ﻭﻗﻒ ﻉ ﺍﻟﻤﺮﺍﻳﻪ ﻳﻤﺸﻂ ﻓﻲ ﺷﻌﺮﻩ ..
ﻫﻲ ﻃﻠﻌﺖ ﻣﻦ ﺍﻟﺪﻭﺵ ﻛﺎﻧﺖ ﻻﺑﺴﻪ ﺑﻠﻮﺯﺓ ﺣﻨﻴﺔ ﻃﻮﻳﻠﻪ ﻭﺳﺮﻭﺍﻝ ﺟﻨﻴﺰ ﻭﺗﻨﺸﻒ ﻓﻲ ﺷﻌﺮﻫﺎ ﺧﻄﻤﺖ ﻭﺭﺍﻩ ﻭﻫﻮ ﻭﺍﻗﻒ ﻉ ﺍﻟﻤﺮﺍﻳﻪ ﻭﻳﺮﺍﻗﺐ ﻓﻴﻬﺎ .. ﺷﻮﻳﻪ ﻭﺷﺒﺤﺘﻠﻪ ﻫﻮ ﻏﻴﺮ ﻋﻴﻮﻧﻪ ﻃﻮﻝ .. ﺟﺎﺗﻪ ..
ﻋﻠﻴﺎ : ﺗﻮﺟﻌﺖ ﻭﺍﻧﺖ ﺗﻠﺒﺲ ..
ﺍﻟﺤﺴﻦ ﺍﺑﺘﺴﻢ : ﻻ ...
ﻋﻠﻴﺎ : ﻣﺎﺗﺴﻜﺮﺵ ﺳﻮﺭﻳﺘﻚ ﻛﻠﻬﺎ .. ﻭﻗﻌﺪﺕ ﺗﻔﺘﺢ ﻓﻴﻬﺎ .. ﻭﻫﻮ ﺧﻼﺹ ﺍﻟﻠﻲ ﻫﻨﺎﻙ ﻣﻦ ﺍﻟﻌﻘﻞ ﻃﺎﺭ .. ﺣﻮﻃﻬﺎ ﻣﻦ ﺧﺼﺮﻫﺎ ﺷﺒﺤﺘﻠﻪ .. ﻣﻦ ﻗﻮﺓ ﻣﺸﺎﻋﺮﻩ ﺍﻧﺪﻓﻊ ﻭﺑﺎﺳﻬﺎ ﻭﻫﻮ ﻣﺶ ﺣﺎﺱ ﺑﺸﻲ .. ﻫﻲ ﻛﺎﻧﺖ ﺗﻔﻜﺮ ﻓﻲ ﻭﺿﻌﻴﺘﻪ ﻣﻤﻜﻦ ﻳﺘﻮﺟﻊ .. ﺑﺲ ﺍﻧﺴﺠﻤﺖ ﻣﻌﺎﻩ .. ﻫﻮ ﺍﻃﻮﺭ ﻣﻌﺎﻩ ﺍﻟﻮﺿﻊ ﺷﻮﻳﻪ ﻭﻋﻠﻴﺎ ﺣﺴﺖ ﺑﺄﻥ ﺍﻟﻘﺼﻪ ﺣﺘﻜﺒﺮ .. ﻫﻲ ﺧﺎﻓﺖ ﻋﻠﻴﻪ ﻭﺑﺲ ﻣﺶ ﻣﻨﺎﺳﺐ ﻟﻴﻪ ﺗﻮﺍ .. ﻗﻌﺪﺕ ﺗﺒﺎﻋﺪ ﻓﻴﻪ .. ﻫﻮ ﺍﻧﺘﺒﻪ ﻟﻨﻔﺴﻪ .. ﺑﺼﻌﻮﺑﻪ ﻭﺧﺮ ..
ﺍﻟﺤﺴﻦ ﺑﻌﻴﻮﻥ ﺩﺍﺑﻠﻪ : ﺍﺳﻔﻪ ﻣﺎﺣﺴﻴﺘﺶ ﺑﻨﻔﺴﻲ ..
ﻋﻠﻴﺎ ﺑﻨﻔﺲ ﻧﻈﺮﺗﻪ : ﺧﻔﺖ ﻉ ﺟﺮﺣﻚ ﻳﻨﻔﺘﺢ ..
ﺍﻟﺤﺴﻦ ﺍﺑﺘﺴﻢ ﻭﻭﺧﺮ .. ﻭﺑﺪﻱ ﻳﺮﺟﻊ ﻟﻮﻋﻴﻪ .. ﻭﻫﻲ ﺗﺸﺒﺤﻠﻪ .. ﻗﻌﺪﺕ ﺗﺘﻔﺤﺺ ﻓﻲ ﻣﻜﺎﻥ ﺟﺮﺣﻪ ..
ﺍﻟﺤﺴﻦ : ﻣﺎﻓﻲ ﺷﻲ ..
ﻋﻠﻴﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺍﻟﺤﺴﻦ : ﺍﻧﻲ ﻧﺎﺯﻝ ... ﻭﻣﺸﻲ ﻭﻣﺨﻠﻲ ﻗﻠﺒﻪ ﻭﻋﻘﻠﻪ ﻋﻨﺪﻫﺎ ﻭﺣﺎﻟﻪ ﻣﺎﻫﻮﺣﺎﻟﻪ 💖
ﺍﻣﺎ ﻫﻲ ﺗﻨﻬﺪﺕ ﺑﺸﻮﻕ ﻭﻭﻗﻔﺖ ﻉ ﺍﻟﻤﺮﺍﻳﻪ .. ﺍﻛﺘﺴﻰ ﻭﺟﻬﻬﺎ ﺑﺎﻟﻠﻮﻥ ﺍﻷﺣﻤﺮ ﻣﺠﺮﺩ ﻣﺎﺷﺎﻓﺖ ﺭﻗﺒﺘﻬﺎ ﻉ ﺍﻟﻤﺮﺍﻳﻪ ﺍﺑﺘﺴﻤﺖ ﺑﺨﺠﻞ ...
***
ﺑﺴﻮﻣﺘﻲ ﺷﺠﻌﻴﻨﻲ ..
ﺍﺑﺘﺴﺎﻡ : ﻏﺼﺐ ﻋﻨﻲ ﺑﻨﺨﺎﻑ ..
ﺑﻼﻝ : ﻣﺎﺗﺨﺎﻓﻴﺶ ﻛﻢ ﺳﺒﺎﻕ ﻓﻲ ﺳﺒﺎﻕ ﺩﺭﺗﻪ ﻟﺘﻮﺍ ..
ﺍﺑﺘﺴﺎﻡ ﺗﻨﻬﺪﺕ : ﺍﺳﺘﻮﺩﻋﻚ ﺍﻟﻠﻪ ..
ﺑﻼﻝ : ﺍﺣﻠﻰ ﺩﻋﻮﺓ .. ﺣﻘﻪ ﺑﺶ ﻧﺰﻳﺪ ﻧﺄﻛﺪﻟﻚ ﻏﺪﻭﺓ ﺑﺘﺠﻲ ﺃﻣﻲ .. ﻭﺑﺘﺘﻜﻠﻤﻮﺍ ﻓﻲ ﺍﻟﻌﺮﺱ .. ﺧﻼﺹ ﺣﺒﻴﺒﺘﻲ ﻣﺎﺯﺍﻝ ﺷﻬﺮ ﺑﺲ ..
ﺍﺑﺘﺴﺎﻡ ﺍﺑﺘﺴﻤﺖ ﺑﺨﺠﻞ : ﺗﻤﺎﻡ ...
ﺑﻼﻝ : ﻫﻴﺎ ﻳﺎﻋﻤﺮﻱ ﺑﻨﺴﻜﺮ ﺗﻮﺍ ... ﺍﺩﻋﻴﻠﻲ ..
ﺍﺑﺘﺴﺎﻡ : ﺩﻳﻤﺎ ﻧﺪﻋﻴﻠﻚ .. ﻭﺣﺘﻰ ﺍﻧﺖ ﺭﺩﺑﺎﻟﻚ ﻉ ﺭﻭﺣﻚ ..
ﺑﻼﻝ ﺑﻀﺤﻜﻪ : ﺣﺎﺍﺍﺿﺮ ...
***
ﻭﻗﻀﻰ ﺭﺑﻚ ﺃﻻ ﺗﻌﺒﺪﻭﺍ ﺇﻻ ﺇﻳﺎﻩ ﻭﺑﺎﻟﻮﺍﻟﺪﻳﻦ ﺇﺣﺴﺎﻧﺎ ﺇﻣﺎ ﻳﺒﻠﻐﻦ ﻋﻨﺪﻙ ﺍﻟﻜﺒﺮ ﺃﺣﺪﻫﻤﺎ ﺃﻭﻛﻼﻫﻤﺎ ...
ﺳﻜﺘﺖ ﻟﻤﺎ ﺣﺴﺖ ﺑﻴﻪ ﻭﺍﻗﻒ ﺗﻠﻔﺘﺖ ﺟﻨﺒﻬﺎ ﻭﺷﺒﺤﺘﻠﻪ ..
ﺣﺴﺎﻥ ﺑﺈﺑﺘﺴﺎﻣﻪ : ﻋﻨﺪﻱ ﺳﺒﺎﻕ ﺍﻟﻠﻴﻠﻪ ..
ﺳﻜﺮﺕ ﺍﻟﻤﺼﺤﻒ ﻭﺣﻄﺎﺗﻪ ﻉ ﺍﻟﻄﺎﻭﻟﺔ ﻭﻗﺪﻣﺘﻠﻪ ..
ﻫﺎﻟﻪ : ﺩﻳﺮ ﺑﺎﻟﻚ ﺍﺭﺟﻮﻙ ..
ﺣﺴﺎﻥ : ﻉ ﺧﺎﻃﺮ ﻫﺎﻟﻌﻴﻮﻥ ﺍﻟﺤﻠﻮﺓ ﺍﻟﻠﻲ ﺫﻭﺑﻮﺍ ﻗﻠﺒﻲ ﻓﻲ ﺣﺒﻬﻢ ﺣﻨﺪﻳﺮ ﺑﺎﻟﻲ ﻉ ﺭﻭﺣﻲ ...
ﻫﺎﻟﻪ ﺍﺑﺘﺴﻤﺖ ...
ﺣﺴﺎﻥ ﻭﺧﺮ ﺧﻄﻮﺗﻴﻦ ﻭﺑﻴﻄﻠﻊ ﺗﻠﻔﺖ ﻭﻭﻻﻟﻬﺎ .. ﻗﻌﺪ ﻳﺸﺒﺤﻠﻬﺎ ﻭﻫﻲ ﺗﺸﺒﺤﻠﻪ ﻭﻋﻴﻮﻧﻬﻢ ﺗﺘﻜﻠﻢ ﻣﻊ ﺑﻌﻀﻬﺎ ...
ﺣﺴﺎﻥ ﻗﺪﻡ ﺍﻛﺜﺮ .. ﻭﺍﻛﺜﺮ ... ﺣﻂ ﺍﻳﺪﻩ ﻉ ﺧﺪﻫﺎ ﻭﻗﺮﺑﻬﺎ ﻟﻴﻪ ﻭﺑﺎﺳﻬﺎ .. ﻭﻫﺎﻟﻪ ﻣﺎﺑﺘﺶ ﺗﺒﻌﺪﻩ .. ﻗﻌﺪ ﺷﻮﻳﻪ ﻭﻭﺧﺮ : ﻧﺤﺒﻚ 💖
ﻭﻟﻒ ﻭﺗﻮﺟﻪ ﻟﻠﺒﺎﺏ ﻭﻃﻠﻊ ...
***
ﻛﺎﻥ ﺷﺒﻪ ﻣﻨﺘﻬﻲ ﻣﻦ ﺍﻟﻀﺮﺏ ﻭﺍﻟﺘﻌﺬﻳﺐ .. ﻟﻴﻦ ﺧﺸﻮﺍ ﻋﻠﻴﻪ ﺯﻭﺯ ... ﻭﻗﻌﺪﻭﺍ ﻳﻔﻜﻮﺍ ﻓﻴﻪ ..
ﻣﻨﺬﺭ : ﻫﻬﻬﻬﻪ .. ﺍﻓﺮ .. ﺍﺍﺝ ..
: ﺍﻳﻪ ..
ﻣﻨﺬﺭ : ﻋﻮﺩﺓ .... ﻟﻠﻤﻼﻋﺐ .. ﺇﺫﺍ ..
: ﻣﺎﻣﺎﺗﺶ ﺍﻟﺤﺴﻦ
ﻣﻨﺬﺭ : ﺍﻣﻤﻢ ... ﻫﻜﻲ .. ﺍﺣﺴﻦ ... ﻷﻥ ﻟﻮ ﻣﺎﺕ .. ﻛﻨﺘﻮﺍ ﻟﺤﻘﺘﻮﻧﻲ .. ﺑﻴﻪ
ﻗﻌﺪﻭﺍ ﻳﻔﻜﻮﺍ ﻓﻴﻪ ﻭﻧﺎﺽ ﻭﻗﻒ ﻉ ﺭﺟﻠﻴﻪ ﺑﺼﻌﻮﺑﻪ .. ﻃﺎﻟﻊ ﻭﻫﻮ ﻳﻐﻨﻲ : ﺃﺻﺒﺢ ﺍﻟﺼﺒﺢ .. ﻓﻼ ﺍﻟﺴﺠﻦ .. ﻭﻻﺍﻟﺴﺠﺎﻥ ﺑﺎﻗﻲ "
ﻫﻬﻬﻬﻬﻬﻬﻬﻬﻬﻬﻪ ..
***
ﺍﻟﺴﺎﻋﻪ 11 ﻟﻴﻼ ...
ﺭﺍﻣﻲ : ﺭﻩ ﺍﻟﻮﻟﺪ ﻣﻠﻴﺢ ﻧﻌﺮﻓﻪ ﻣﺎﺗﺴﺘﻬﻴﻨﺶ ﺑﻴﻪ ..
ﺣﺴﺎﻥ ﻳﺸﺒﺢ ﻟﻠﺨﺼﻢ : ﻳﺒﺎﻥ ﻋﻠﻴﻪ ..
ﺻﺎﺣﺒﻬﻢ : ﺧﻠﻴﻚ ﻣﺮﻛﺰ ﻳﺎﺣﺴﺎﻥ ...
ﺣﺴﺎﻥ : ﺍﻃﻤﻨﻮﺍ 11 ﺳﺒﺎﻕ ﻓﺰﺕ ﻓﻴﻬﻢ ﻭﻫﺬﺍ ..12
ﺭﺍﻣﻲ : ﻣﺎﺗﻨﻐﺮﺵ ...
ﺣﺴﺎﻥ : ﻣﺶ ﻏﺮﻭﺭ ... ﺛﻘﻪ .. ﻫﻬﻬﻬﻬﻬﻬﻪ
....
: ﺑﻼﻝ ﺍﻟﻮﻟﺪ ﻫﺬﺍ ﻓﺎﺯ ﺏ 11 ﺳﺒﺎﻕ ..
ﺑﻼﻝ ﻳﺸﺒﺤﻠﻪ : ﺳﻤﻌﺖ ﺑﻴﻪ ...
: ﺧﻠﻴﻚ ﺣﺮﻳﺺ ...
ﺑﻼﻝ ﻫﺰ ﺭﺍﺳﻪ ﺑﺈﻳﺠﺎﺏ ..
ﺍﻟﺰﻭﺯ ﻗﺪﻣﻮﺍ ﻭﻭﻗﻔﻮﺍ ﺣﺪﺍ ﺩﺭﺟﺎﺗﻬﻢ .. ﺳﻠﻢ ﺣﺴﺎﻥ ﻉ ﺑﻼﻝ ﺑﺤﺮﻛﺔ ﺭﺍﺳﻪ ﻭﺑﻼﻝ ﺭﺩﻟﻪ ﻧﻔﺲ ﻃﺮﻳﻘﺔ ﺍﻟﺴﻼﻡ .. ﻭﻟﺒﺲ ﺍﻟﺨﻮﺫﻩ ﻭﺭﻛﺒﻮﺍ ﺩﺭﺍﺟﺎﺗﻬﻢ
: ﻫﻴﺎ ﻳﺎﺷﺒﺎﺏ ... ﺟﺎﻫﺰﻳﻦ ..
ﺍﻟﺰﻭﺯ ﻫﺰﻭ ﺭﻭﺳﻬﻢ ﺑﺈﻳﺠﺎﺏ ...
: ..3
...2
....1
ﺍﻧﻄﻼﺍﺍﺍﺍﺍﻕ ...
ﻭﺍﻧﻄﻠﻘﻮﺍ ﺣﺴﺎﻥ ﻭﺑﻼﻝ .. ﻭﻛﻞ ﻭﺍﺣﺪ ﻛﺎﻥ ﻣﺒﻬﺮ ﺍﻛﺜﺮ ﻣﻦ ﺍﻟﺘﺎﻧﻲ ﻛﻴﻒ ﻳﺘﺨﻄﻮﺍ ﻓﻲ ﺍﻟﺤﻮﺍﺟﺰ ﻭﻳﺴﺘﻌﺮﺿﻮﺍ ﻓﻲ ﻓﻨﻴﺎﺗﻬﻢ ﻣﺮﺓ ﺑﻼﻝ ﻳﻔﻮﺕ ﺣﺴﺎﻥ ﻭﻣﺮﺓ ﺣﺴﺎﻥ ﻳﻔﻮﺕ ﺑﻼﻝ .. ﻛﺎﻥ ﻣﺘﺴﺎﻭﻳﻴﻦ ﺗﻤﺎﻣﺎ ﻓﻲ ﺍﻹﻣﻜﺎﻧﻴﺎﺕ ﻭﺍﻟﻤﻬﺎﺭﺓ .. ﺑﺲ ﻻﺯﻡ ﻭﺍﺣﺪ ﻣﻨﻬﻢ ﻳﻔﻮﺯ ...
ﻗﻮﻯ ﺑﻼﻝ ﺍﻟﺴﺮﻋﻪ ﺍﻛﺜﺮ ﻭﻓﺎﺕ ﺣﺴﺎﻥ .. ﻭﻛﺎﻥ ﺧﻼﺹ ﻗﺮﺍﺏ ﻉ ﺧﻂ ﺍﻟﻨﻬﺎﻳﻪ .. ﺣﺴﺎﻥ ﻗﻮﻯ ﺳﺮﻋﺘﻪ ﻭﻭﺻﻞ .. ﻛﺎﻥ ﻓﻲ ﺣﺎﺟﺰ ﻻﺯﻡ ﻳﻔﻮﺗﻮﻩ ﻭﻫﻮ ﺍﻟﻔﺎﺻﻞ ﻉ ﺧﻂ ﺍﻟﻨﻬﺎﻳﻪ ..
ﻧﻘﺰﻭﺍ ﺍﻟﺰﻭﺯ ﻣﻊ ﺑﻌﺾ ﺑﻜﻞ ﺍﻧﺪﻓﺎﻉ .. ﻭﻟﻤﺎ ﺟﻮ ﺑﻴﻨﺰﻟﻮﺍ ﺣﺴﺎﻥ ﺣﺲ ﺭﻭﺣﻪ ﺑﺪﻱ ﻳﻔﻘﺪ ﻓﻲ ﺍﻟﺴﻴﻄﺮﻩ ﻉ ﺍﻟﻤﻮﻃﻮ ﻣﺘﺎﻋﻪ ﻟﻤﺎ ﺟﻲ ﺑﻴﻨﺰﻝ ﺍﻧﺤﺮﻑ ﻣﺴﺎﺭ ﺍﻟﻤﻮﻃﻮ ﻉ ﻧﺰﻟﻪ ﺑﻼﻝ ﻭﺣﺴﺎﻥ ﺟﻲ ﻗﺪﺍﻣﻪ ﻣﻌﺮﻓﺶ ﻛﻴﻒ ﻳﺘﺼﺮﻑ ﻧﺰﻝ ﻋﻠﻴﻪ ﻃﺎﺡ ﺣﺴﺎﻥ ﺑﺎﻟﻤﻮﻃﻮ .. ﺍﻣﺎ ﺑﻼﻝ ﻃﺎﺡ ﻣﻦ ﻉ ﺍﻟﻤﻮﻃﻮ ﻭﺗﻨﻄﺮ ....
ﺍﻟﺰﻭﺯ ﻣﻌﺎﺵ ﻧﺎﺿﻮﺍ .. ﻭﺍﻟﻤﻮﺟﻮﺩﻳﻦ ﻣﺸﻮﻟﻬﻢ ﻳﺠﺮﻭﺍ ...
***
ﻻﻻ ﺳﻔﺮ ﻻﻏﻴﺮﻩ ..
ﻋﺎﺑﺪ : ﺍﺳﻤﻊ .. ﺍﻟﻤﺮﺓ ﻫﺎﺩﻱ ﺍﻧﻲ ﺣﻨﺠﺒﺮﻙ ..
ﺍﻟﺤﺎﺝ ﻋﻠﻲ : ﻟﻮﻻ ﻟﻄﻒ ﺍﻟﻠﻪ ﺭﺍﻙ ﺭﺣﺖ ﻣﻦ ﺑﻴﻦ ﺍﻳﺪﻳﻨﺎ .
ﺍﻟﺤﺴﻦ : ﻭﺍﻟﻠﻪ ﺍﺣﺘﻤﺎﻝ ﺯﻱ ﻫﺬﺍ ﻣﻔﺮﻭﺽ ﺗﺤﻄﻮﻩ ﻓﻲ ﺑﺎﻟﻜﻢ ﺩﻳﻤﺎ ﻃﺎﻟﻤﺎ ﻫﺎﺩﻱ ﺧﺪﻣﺘﻲ ...
ﻋﺎﺑﺪ : ﺍﻟﺪﻛﺘﻮﺭ ﻗﺎﻝ ﻻﺯﻡ ﺗﺎﺧﺪ ﻓﺘﺮﺓ ﻧﻘﺎﻫﻪ ..
ﺳﺮﻣﺪ : ﺧﻼﺹ ﻣﻌﺎﺵ ﺗﻌﺎﻧﺪ ..
ﺍﻟﺤﺴﻦ : ﻣﺶ ﻋﺎﺭﻑ ﻛﻴﻒ ﺗﻔﻜﺮﻭﺍ .. ﺗﺒﻮﻧﻲ ﺑﻌﺪ ﺍﻟﻠﻲ ﺻﺎﺭ .. ﻭﺍﻻﺭﻭﺍﺡ ﺍﻟﻠﻲ ﺭﺍﺣﺖ .. ﻧﻄﻠﻊ ﻧﺪﻫﻮﺭ ﻭﻧﺎﺧﺪ ﻓﺘﺮﺓ ﻧﻘﺎﻫﻪ ﺑﻜﻞ ﺩﻡ ﺑﺎﺭﺩ ... ﺍﻧﻲ ﻣﻦ ﻫﻨﻲ ﻣﺶ ﻣﺘﺤﺮﻙ .. ﻭﻳﻜﻮﻥ ﻋﻨﺪﻛﻢ ﻋﻠﻢ ﻏﺪﻭﺓ ﻣﻮﻟﻲ ﻟﻠﻌﻤﻞ ..
ﻋﺎﺑﺪ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ...
ﺍﻟﺤﺎﺝ ﻋﻠﻲ : ﺭﺑﻲ ﻳﻬﺪﻳﻚ ﺭﺑﻲ ﻳﻬﺪﻳﻚ ...
ﺍﻟﺤﺴﻦ ﻧﺎﺽ ﻭﻃﻠﻊ ﻣﻦ ﺣﺪﺍﻫﻢ ..
ﺍﻟﺤﺎﺝ ﻋﻠﻲ : ﺍﻟﻮﻟﺪ ﻫﺬﺍ ﺗﺼﻴﺮ ﻓﻴﻪ ﺣﺎﺟﻪ ﺗﺎﻧﻴﻪ ﻣﺶ ﺣﻨﺮﺣﻢ ﺣﺪ ..
ﻋﺎﺑﺪ ﻭﺳﺮﻣﺪ ﺷﺒﺤﻮﺍ ﻟﺒﻌﺾ ﻭﺷﺒﺤﻮﺍ ﻟﺒﻮﻫﻢ ﺑﺨﻮﻑ ..
....
ﻃﻠﻌﺖ ﺑﺮﺍ ﻟﻘﺎﺗﻪ ﻭﺍﻗﻒ ﻗﺪﺍﻡ ﺍﻟﻜﺮﻡ ﻣﺘﺎﻉ ﺍﻟﻌﻨﺐ .. ﺍﺑﺘﺴﻤﺖ ﻭﻣﺸﺘﻠﻪ ..
ﺍﻟﺤﺴﻦ ﻛﺎﻥ ﺣﺎﻣﻖ ﻭﻣﺶ ﻗﺎﺩﺭ ﻳﻨﺴﻰ ﺍﻟﻠﻲ ﺻﺎﺭ ﻭﻳﺒﻲ ﻳﺎﺧﺪ ﺑﺘﺎﺭ ﺍﻟﺠﻬﺎﺯ ﻛﺎﻣﻞ ... ﻭﺗﺤﺪﻳﺪﺍ ﻣﻨﺬﺭ ﻫﻮ ﺍﻫﻢ ﻫﺪﻑ ﻋﻨﺪﻩ ﺣﺎﻟﻴﺎ ..
" ﻧﺸﺎﺭﻛﻚ ﻭﺣﺪﺗﻚ ﻋﺎﺩﻱ .."
ﺟﻤﺮﺓ ﻭﻃﺎﺣﺖ ﻓﻲ ﻣﻴﺔ ... ﺯﻱ ﺍﻟﻨﺴﻤﻪ ﺍﻟﺒﺎﺭﺩﻩ ﻓﻲ ﻋﺰ ﺍﻟﺼﻴﻒ .. ﻫﺬﺍ ﻛﺎﻥ ﺗﺄﺛﻴﺮﻫﺎ ﻋﻠﻴﻪ ﻓﻲ ﻫﺎﻟﻠﺤﻈﻪ ..
ﺗﻠﻔﺘﻠﻬﺎ : ﺍﻧﺘﻲ ﺍﻟﻮﺣﻴﺪﻩ ﺍﻟﻠﻲ ﻳﺤﻘﻠﻚ ﺗﺸﺎﺭﻛﻴﻨﻲ ﻛﻞ ﺷﻲ ..
ﻋﻠﻴﺎ ﺍﺑﺘﺴﻤﺖ ﻭﻗﻠﺒﻬﺎ ﻳﺪﻕ ﺑﻘﻮﺓ : ﺧﻴﺮﻙ ..
ﺍﻟﺤﺴﻦ : ﻣﻀﺎﻳﻖ ﺷﻮﻱ ..
ﻋﻠﻴﺎ : ﻣﻦ ﺷﻨﻮ ..
ﺍﻟﺤﺴﻦ : ﻣﺎﺗﺤﻄﻴﺶ ﻓﻲ ﺑﺎﻟﻚ ..
ﻋﻠﻴﺎ ﻗﺮﺑﺖ ﻭﺷﺪﺕ ﺍﻳﺪﻩ ﺑﺈﻳﺪﻳﻬﺎ ﺍﻟﺰﻭﺯ : ﺍﻟﻠﻲ ﺻﺎﺭ ﺻﻌﺐ ﻭﻳﻮﺟﻊ ﻫﻠﺒﻪ .. ﺑﺲ ﻻﺯﻡ ﺍﻧﺖ ﻣﺎﻳﺎﺧﺪﻛﺶ ﺍﻟﻐﻀﺐ ﻭﺗﻔﻜﺮ ﻛﻴﻒ ﺗﻨﺘﻘﻢ ﻟﺰﻣﻼﺋﻚ ﻭﻟﻨﻔﺴﻚ ﻭﺍﻧﺖ ﻓﻲ ﻫﺎﻟﺤﺎﻟﻪ .. ﻻﺯﻡ ﺗﻬﺪﺍ ﻭﺗﺴﺘﺠﻤﻊ ﻧﻔﺴﻚ ﻭﺗﻌﺮﻑ ﺍﻣﺘﻰ ﺗﺮﺩ ﺍﻟﻀﺮﺑﻪ ﻭﻛﻴﻒ ﺑﺪﻭﻥ ﻣﺎﺗﺪﻓﻌﻮﺍ ﺛﻤﻦ ﻏﺎﻟﻲ ﻣﻦ ﺟﺪﻳﺪ ...
ﺍﻟﺤﺴﻦ ﻳﺸﺒﺢ ﻟﻌﻴﻮﻧﻬﺎ : ﺣﺎﻻﺗﻚ ﻛﻠﻬﺎ ﺣﻠﻮﺓ .. ﻣﺮﺓ ﻃﻔﻠﻪ .. ﻣﺮﺓ ﻣﺮﺍﺓ ﻧﺎﺿﺠﻪ .. ﻭﺍﻧﻲ ﻧﺤﺒﻚ ﺑﻜﻞ ﺣﺎﻻﺗﻚ ... ﺣﺘﻰ ﻟﻤﺎ ﺗﻮﻟﻲ ﻏﻮﻟﺔ ﺟﻨﺎﻧﺎﺕ ﻭﺗﻔﺼﻠﻲ ...
ﻋﻠﻴﺎ : ﻫﻴﻴﻴﻴﻴﻴﻴﻴﻴﻲ ﺍﻧﻲ ﻏﻮﻟﺔ ﺟﻨﺎﻧﺎﺕ ..
ﺍﻟﺤﺴﻦ ﺑﻀﺤﻜﻪ : ﺗﻮ ﺳﻴﺒﺘﻲ ﺍﻟﻜﻼﻡ ﻛﻠﻪ ﻭﺷﺪﻳﺘﻲ ﻓﻲ ﻫﺎﺩﻱ ...
ﻋﻠﻴﺎ ﻛﻴﻒ ﺟﺖ ﺑﺘﺮﺩ ﺭﻥ ﺗﻠﻴﻔﻮﻥ ﺍﻟﺤﺴﻦ .. ﺷﺒﺢ ﻟﻠﺘﻠﻴﻔﻮﻥ
ﺍﻟﺤﺴﻦ : ﺣﺴﺎﻥ ... ﺭﺩ ... ﺍﻳﻮﻩ ..... ﺍﻳﻪ .... ﺧﻮﻩ .................. ﺗﻤﺎﻡ .... ﺻﻜﺮ ..
ﻋﻠﻴﺎ ﺭﻛﺰﺕ ﻉ ﻣﻼﻣﺢ ﻭﺟﻬﻪ ﺍﻟﻠﻲ ﺗﻐﻴﺮﻭﺍ : ﺇﻥ ﺷﺎﺀ ﺍﻟﻠﻪ ﺧﻴﺮ ..
ﺍﻟﺤﺴﻦ : ﺣﺴﺎﻥ ﺩﺍﺭ ﺣﺎﺩﺙ ...
ﻋﻠﻴﺎ ﺷﻬﻘﺖ ﻭﺣﻄﺖ ﺍﻳﺪﻫﺎ ﻉ ﻓﻬﻤﺎ ..
ﺍﻟﺤﺴﻦ : ﺧﺸﻲ .. ﻭﻣﺎﺗﺒﻴﻨﻲ ﻟﺤﺪ ﺷﻲ ..
ﻋﻠﻴﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﺑﺎﻩ .. ﺑﺘﻤﺸﻲ ﺑﺮﻭﺣﻚ؟ !!
ﺍﻟﺤﺴﻦ : ﺗﻮ ﻧﺒﻌﺖ ﻟﺴﺮﻣﺪ ﺭﺳﺎﻟﻪ ﻳﺠﻲ .. ﺧﺸﻲ ﻫﻴﺎ ...
ﻋﻠﻴﺎ : ﺗﻤﺎﻡ .. ﻭﺧﺸﺖ ﻃﻮﻝ ...
ﻭﺻﻞ ﻟﺴﺮﻣﺪ ﻣﺴﺞ ﻣﻦ ﺍﻟﺤﺴﻦ ﻗﺮﺍﻩ ﻭﺗﻤﺎﻟﻚ ﻧﻔﺴﻪ .. ﻭﺷﻮﻳﻪ ﻭﻧﺎﺽ ﻭﻃﻠﻊ ﻣﻦ ﺑﺤﺪﺍﻫﻢ ﺑﻬﺪﻭﺀ ...
....
ﺧﺸﻮﺍ ﺍﻟﺰﻭﺯ ﻳﺠﺮﻭﺍ ﻓﻲ ﺍﻟﻤﻤﺮ ﺑﻌﺪ ﺩﻟﻮﻫﻢ ﻉ ﻏﺮﻓﺘﻪ ... ﻟﻘﻮﺍ ﺍﻟﺪﻛﺘﻮﺭ ﻃﺎﻟﻊ ﻣﻦ ﻋﻨﺪﻩ ..
ﺍﻟﺤﺴﻦ : ﺷﻦ ﺣﺎﻟﻪ
ﺍﻟﺪﻛﺘﻮﺭ : ﻛﻮﻳﺲ ﺍﻧﻪ ﻛﺎﻥ ﻻﺑﺲ ﺍﻟﺨﻮﺫﺓ .. ﺧﻠﻊ ﻓﻲ ﻛﺘﻔﻪ ﻭﻛﺴﺮ ﻓﻲ ﺍﻳﺪﻩ ﺍﻟﻠﻲ ﻃﺎﺡ ﻋﻠﻴﻬﺎ .. ﻭﺷﻌﺮ ﻓﻲ ﺭﺟﻠﻪ .. ﻭﺟﺮﻭﺡ ﻣﺶ ﻋﻤﻴﻘﻪ ﻓﻲ ﺍﻣﺎﻛﻦ ﺍﻹﺻﺎﺑﻪ ... ﺍﻃﻤﻨﻮﺍ ﻣﺎﻓﻴﺶ ﺧﻄﺮ ﻉ ﺣﺎﻟﺘﻪ ..
ﺳﺮﻣﺪ : ﺍﻟﺤﻤﺪ ﻟﻠﻪ ..
ﺍﻟﺪﻛﺘﻮﺭ : ﻻﺑﺎﺱ ﻋﻠﻴﻪ ﻭﻣﺸﻲ ...
ﺷﺎﻑ ﺍﻟﺤﺴﻦ ﺷﺒﺎﺏ ﻭﺍﻗﻔﻴﻦ ﺑﻌﻴﺪ ﺷﻮﻳﻪ ﻣﺸﺎﻟﻬﻢ ..
ﺍﻟﺤﺴﻦ : ﻣﻌﻠﻴﺸﻲ ﻳﺎﺷﺒﺎﺏ .. ﻭﺍﺣﺪ ﻣﻨﻜﻢ ﻳﺸﺮﺣﻠﻲ ﺷﻦ ﺻﺎﺭ ﺑﺎﻟﺰﺑﻂ ..
ﻭﺍﺣﺪ ﻣﻨﻬﻢ ﺗﻘﺪﻡ ﻭﻗﻌﺪ ﻳﺤﻜﻴﻠﻪ ... ﻃﺎﺭﺗﻠﻪ ﺍﻟﺤﺴﻦ ﻷﻥ ﻣﺎﻛﺎﻧﺶ ﻳﻌﻠﻢ ﺑﺤﻜﺎﻳﺔ ﺍﻟﺴﺒﺎﻗﺎﺕ ﻫﺎﺩﻱ
ﺳﺮﻣﺪ : ﺑﺎﻩ ﻭﺍﻟﻮﻟﺪ ﺍﻟﻠﻲ ﻣﻌﺎﻩ ﺷﻦ ﺻﺎﺭﻟﻪ ..
ﺍﻟﺸﺎﺏ : ﺣﺘﻰ ﻫﻮ ﻛﺴﻮﺭ ... ﺍﻟﺨﻮﺩﻩ ﺣﻤﺘﻬﻢ ﻣﻦ ﺑﻌﺪ ﺭﺑﻲ ...
ﺍﻟﺤﺴﻦ : ﻫﻮ ﻫﻨﻲ ..
ﺍﻟﺸﺎﺏ : ﺍﻳﻪ ...
ﻗﺪﻡ ﺍﻟﺤﺴﻦ ﻭﻓﺘﺢ ﺍﻟﺒﺎﺏ ﺷﺎﻓﻪ ﻭﺍﺗﻔﺎﺟﺄ ﻭﻭﺧﺮ ﺑﺴﺮﻋﻪ ﻭﺳﻜﺮ ﺍﻟﺒﺎﺏ ...
ﺳﺮﻣﺪ : ﺗﻌﺮﻓﻪ ..
ﺍﻟﺤﺴﻦ : ﺗﺴﺘﺲ ..
***
ﻏﺒﺎﺭﺓ ﺳﻮﺩﺍ ..
ﻋﻠﻴﺎ : ﺍﻧﻌﺎﻡ ﻭﻃﻲ ﺻﻮﺗﻚ ..
ﺍﻧﻌﺎﻡ : ﻧﻄﻠﻌﻮﺍ ﻣﻦ ﻣﺼﻴﺒﻪ ﻧﺨﺸﻮﺍ ﻓﻲ ﻣﺼﻴﺒﻪ .... ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ..
ﻋﻠﻴﺎ : ﺗﻮﺍ ﻛﻴﻒ ﺻﻜﺮﺕ ﻣﻦ ﺍﻟﺤﺴﻦ ﻭﻗﺎﻝ ﺣﺎﻟﻪ ﺑﺎﻫﻲ ﻛﺴﻮﺭ ﺑﺲ ..
ﺧﺸﺖ ﺳﺎﺭﻩ ﺍﻟﻠﻲ ﺳﻤﻌﺖ ﺍﺧﺮ ﻛﻠﻤﻪ : ﻉ ﻣﻨﻮ ﺗﺪﻭﺍ ﻣﻦ ﻫﻮ ﺍﻟﻤﻜﺴﻮﺭ ...
ﻋﻠﻴﺎ ﺳﻜﺘﺖ ..
ﺍﻧﻌﺎﻡ : ﺣﺒﻴﺒﺘﻲ ﺳﺎﺭﺓ .. ﺣﺴﺎﻥ .. ﺩﺍﺭ ﺣﺎﺩﺙ ...
ﺳﺎﺭﺓ : ﻫﻴﻴﻴﻴﻴﻲ ﺣﺴﺎﻥ ﺧﻮﻱ ﺩﺍﺭ ﺣﺎﺩﺙ ..
ﺳﻤﻌﻮﺍ ﺻﻮﺕ ﺣﺎﺟﻪ ﺍﺭﺗﻄﻤﺖ ﺑﻘﻮﺓ .. ﺍﻟﺘﻔﺘﻮﺍ ﻟﻤﺼﺪﺭ ﺍﻟﺼﻮﺕ ..
ﺍﻧﻌﺎﻡ ﺑﺨﻠﻌﻪ : ﺣﻴﻴﻲ ﻫﺎﻟﻪ ...
***
ﺳﻤﻌﻮﺍ ﻛﻠﻬﻢ ﺑﺎﻟﺤﺎﺩﺙ ... ﻣﺎﻟﻬﻤﺶ ﻫﻠﺒﻪ ﻃﺎﻟﻌﻴﻦ ﻣﻦ ﻣﺼﻴﺒﺔ ﺍﻟﺤﺴﻦ .. ﺧﺸﻮﺍ ﻓﻲ ﻏﻴﺮﻫﺎ .. ﻭﺳﻴﻠﻪ ﻗﺮﻳﺐ ﻫﺒﻠﺖ .. ﺭﻓﻌﻮﻫﺎ ﻃﻮﻝ ﻋﻨﺪﻩ ..
ﻭﺳﻴﻠﻪ ﺑﺒﻜﻲ : ﻋﻼﺵ ﻫﻜﻲ ﻳﺎﻭﻟﺪﻱ ﻋﻼﺵ ..
ﺣﺴﺎﻥ ﺑﺈﺑﺘﺴﺎﻣﻪ : ﻣﺎﺻﺎﺭ ﺷﻲ ﻳﺎﺃﻣﻲ ﺍﻫﻮ ﺣﺎﻟﻲ ﺑﺎﻫﻲ ..
ﻋﺎﺑﺪ : ﻣﺴﺘﻬﺘﺮ ﻣﺎﻓﻴﻜﺶ ﻓﺎﻳﺪﻩ ﻧﺤﺴﺎﺑﻚ ﺩﺭﺕ ﻋﻘﻞ ﻟﻜﻦ ﻟﻸﺳﻒ ﻃﻠﻌﺖ ﻏﺎﻟﻂ ..
ﺣﺴﺎﻥ ﺍﻛﺘﻔﻲ ﺑﺈﺑﺘﺴﺎﻣﻪ ...
ﺟﻨﺎﻥ : ﻣﺒﺮﺩﻙ ﺗﺒﺘﺴﻢ ﻭﺟﻮﻙ ﺭﺍﻳﻖ ﻛﺄﻧﻪ ﻣﺎﻓﻲ ﺷﻲ ...
ﺧﻮﻟﻪ : ﻛﻞ ﻭﺍﺣﺪ ﻓﻴﻜﻢ ﻳﺘﺼﺮﻑ ﻉ ﻫﻮﺍﻩ ﻭﻧﺎﺳﻲ ﺍﻥ ﻓﻲ ﺑﻨﺖ ﻧﺎﺱ ﻓﻲ ﺭﻗﺒﺘﻪ ...
ﺣﺴﺎﻥ ﺑﺨﻮﻑ : ﻫﺎﻟﻪ ﻭﻳﻦ ..
ﻋﺎﺑﺪ : ﺑﻪ ﺍﻟﻠﻲ ﺍﺫﻛﺮﺗﻬﺎ ... ﻭﺍﻟﻠﻪ ﻫﺬﺍ ﻭﻳﻦ ﺗﺄﻛﺪﺕ ﺍﻧﻲ ﺟﻨﻴﺖ ﻉ ﺍﻟﺒﻨﻴﻪ ﺍﻟﻠﻪ ﻳﺮﺣﻤﻚ ﻳﺎﺻﺎﺣﺒﻲ .. ﻭﻳﺴﺎﻣﺤﻨﻲ ... ﻭﻃﻠﻊ ﻣﻦ ﺑﺤﺪﺍﻫﻢ
ﺍﻣﺎ ﺣﺴﺎﻥ ﻏﻤﺾ ﻋﻴﻮﻧﻪ ﺑﺸﺪﺓ ﻭﻛﺮﻩ ﺭﻭﺣﻪ ﻟﻴﻦ ﺧﻼﺹ ..
....
ﻋﻠﻴﺎ : ﻭﺍﻟﻠﻪ ﺍﻟﻌﻈﻴﻢ ﺣﺎﻟﻪ ﺑﺎﻩ ...
ﻫﺎﻟﻪ ﺗﺒﻜﻲ ﺑﺎﻟﻌﺒﺮﻩ ..
ﺳﺎﺭﺓ : ﺗﻮ ﻛﻴﻒ ﻛﻠﻤﻨﻲ ﻣﺮﻋﻲ ﻭﻗﺎﻟﻲ ﻫﺪﺭﺯ ﻋﻠﻴﻨﺎ ﻭﻫﺪﺭﺯﻧﺎ ﻋﻠﻴﻪ ..
ﺍﻧﻌﺎﻡ : ﺗﺒﻲ ﺗﻤﺸﻲ ﺗﺘﺄﻛﺪﻱ ..
ﻫﺎﻟﻪ ﻗﺎﻣﺖ ﺭﺍﺳﻬﺎ ﻭﺑﻌﻴﻮﻧﻬﺎ ﺍﻟﻤﺪﻣﻌﺎﺕ ﻭﺑﻐﻀﺐ : ﻣﺶ ﺣﻨﻤﺸﻴﻠﻪ ﻣﺶ ﺣﻨﻤﺸﻲ .. ﻭﻧﺎﺿﺖ ﻭﺭﻛﺒﺖ ﻃﻮﻝ ﻓﻮﻕ ...
ﻋﻠﻴﺎ : ﻻﺣﻮﻝ ﻭﻻﻗﻮﺓ ﺇﻻ ﺑﺎﻟﻠﻪ ..
ﺳﺎﺭﺓ : ﻭﺍﻟﻠﻪ ﻣﺎﺗﻨﻼﻡ ...
***
ﻃﺎﻟﻌﻪ ﺗﺠﺮﻱ ﻭﺗﺒﻜﻲ ﺭﻛﺒﺖ ﺍﻟﺴﻴﺎﺭﺓ ..
ﻋﺒﺪﺍﻟﻘﺪﻭﺱ : ﺍﻫﺪﻱ ﻳﺎﺑﺎﺑﺎ ﺣﺎﻟﻪ ﺑﺎﻫﻲ ...
ﺍﺑﺘﺴﺎﻡ ﺑﺒﻜﻲ : ﺑﺴﺮﻋﻪ ﺑﺎﺑﺎ ﺍﺭﺟﻮﻙ ...
ﻋﺒﺪﺍﻟﻘﺪﻭﺱ : ﺑﺎﻩ ﺑﺎﻩ ...
ﻭﺗﺤﺮﻙ ﻃﻮﻝ ﺑﺎﻟﺴﻴﺎﺭﺓ ..
...
ﺣﻼﻝ ﻓﻴﻚ ﺟﻠﺪﺍﺕ ﺑﺎﻟﻄﻮﺑﻮ .. ﻟﻴﻦ ﻳﻘﻮﻟﻮﺍ ﻛﻴﻒ ﺩﺍﺭﺗﻠﻪ ..
ﺑﻼﻝ : ﻫﻬﻬﻬﻬﻬﻬﻪ ..
ﺍﻟﺴﺎﻛﺘﻪ : ﺍﺿﺤﻚ ﻳﺎﻣﻜﻠﻮﺏ ﺍﺿﺤﻚ .. ﺗﻲ ﻭﺩﻳﻨﻲ ﻭﻣﺎﺃﻋﺒﺪ ﻫﺎﻟﺴﺒﺎﻗﺎﺕ ﻫﺎﺩﻱ ﻣﻌﺎﺩ ﺩﺍﻳﺮﻫﺎ ..
ﺑﻼﻝ : ﺇﻳﻴﻴﻴﻴﻴﻴﻴﻴﻪ ... ﻋﻼﺵ ﺗﺤﻠﻔﻲ ﻳﺎﻡ ﺑﺲ ..
ﺍﻟﺴﺎﻛﺘﻪ : ﻫﺬﺍ ﺍﻟﻠﻲ ﻳﻤﺸﻲ ﻣﻌﺎﻙ ﺍﻧﺖ ...
....
ﺧﺸﺖ ﻫﻲ ﻭﺑﻮﻫﺎ ﻟﻠﻤﺴﺘﺸﻔﻰ ﺩﻟﻮﻫﻢ ﻉ ﻏﺮﻓﺘﻪ .. ﺭﻛﺒﻮﺍ ﺑﺴﺮﻋﻪ .. ﻭﺻﻠﻮﺍ ﻓﻲ ﺍﻟﻤﻤﺮ ﺍﻟﻠﻲ ﻓﻴﻪ ﺍﻟﻐﺮﻓﻪ .. ﻓﻲ ﻧﻔﺲ ﺍﻟﻤﻤﺮ ﻛﺎﻧﻮﺍ ﻭﺍﻗﻔﻴﻦ ﺳﺮﻣﺪ ﻭﺍﻟﺤﺴﻦ ..
ﺍﻟﺰﻭﺯ ﻗﻌﺪﻭﺍ ﻳﺸﺒﺤﻮﺍ ﻟﻌﺒﺪ ﺍﻟﻘﺪﻭﺱ ﺑﺤﺪﻩ .. ﻭﻫﻮ ﻛﺬﻟﻚ .. ﻗﻌﺪﻭﺍ ﻳﺘﺒﺎﺩﻟﻮﺍ ﻓﻲ ﺍﻟﻨﻈﺮﺍﺕ .. ﻟﻴﻦ ﻓﺎﺕ ﻣﻦ ﺣﺪﺍﻫﻢ ﻭﻣﺸﻲ ﻟﻠﻐﺮﻓﻪ ﺍﻟﻠﻲ ﻓﻴﻬﺎ ﺑﻼﻝ ..
ﺳﺮﻣﺪ : ﻳﻘﺮﺑﻠﻪ ..
ﺍﻟﺤﺴﻦ : ﺷﻜﻠﻪ ..
...
ﻃﻖ ﺍﻟﺒﺎﺏ ﻭﺍﻧﻔﺘﺢ ..
ﺍﺑﺘﺴﺎﻡ ﺑﺒﻜﻲ : ﻣﻌﺎﺵ ﻓﻲ ﺳﺒﺎﻗﺎﺕ ﻣﻌﺎﺵ ﻓﻲ ...
ﺑﻼﻝ : ﻫﻬﻬﻬﻬﻬﻬﻬﻬﻬﻬﻬﻬﻪ
ﻋﺒﺪﺍﻟﻘﺪﻭﺱ : ﺭﺍﺟﻞ ﻭﻉ ﻭﺷﻚ ﺗﺤﻤﻞ ﻣﺴﺆﻭﻟﻴﻪ ﺯﻭﺟﻪ ﻗﺎﻋﺪ ﺗﻠﻌﺐ ﻓﻲ ﻟﻌﺐ ﺍﻟﻤﻔﺮﺥ ﻫﺬﺍ ..
ﺑﻼﻝ ﺑﺈﺑﺘﺴﺎﻣﻪ : ﻣﺎﺗﺸﻮﻑ ﺑﺎﺱ ﻳﺎﻋﻤﻲ ..
ﺍﻟﺴﺎﻛﺘﻪ ﺑﺤﺪﻩ : ﺍﻟﻮﻟﺪ ﻣﻜﺴﺮ ﻭﺗﺎﻋﺐ ﻣﺶ ﻭﻗﺘﻪ ﺗﻮﺍ ..
ﻋﺒﺪﺍﻟﻘﺪﻭﺱ ﺷﺒﺤﻠﻬﺎ ﻭﺭﺍﻓﻊ ﺣﻮﺍﺟﺒﻪ ﻭﻫﻲ ﺷﻘﻠﺒﺖ ﻋﻴﻮﻧﻪ ﺑﺈﺯﺩﺭﺍﺀ ..
ﻋﺒﺪﺍﻟﻘﺪﻭﺱ : ﺍﺳﺘﻐﻔﺮ ﺍﻟﻠﻪ ..
ﺍﺑﺘﺴﺎﻡ : ﺷﻦ ﺣﺎﻟﻚ ﺗﻮﺍ ..
ﺑﻼﻝ : ﺗﻮﺍﺗﻮﺍ .. ﺍﻧﻲ ﻓﻲ ﺍﺣﺴﻦ ﺣﺎﻝ ..
ﺍﺑﺘﺴﺎﻡ ﺷﺪﺕ ﺿﺤﻜﺘﻬﺎ ﻭﻫﻲ ﺗﻔﻨﺺ ﻓﻴﻪ ..
ﻭﺍﻣﻪ ﻟﻔﺖ ﻭﺟﻬﻬﺎ ﺟﻬﺔ ﺗﺎﻧﻴﻪ ﻭﻗﻌﺪﺕ ﺗﻀﺤﻚ ..
ﻋﺒﺪﺍﻟﻘﺪﻭﺱ ﺷﺒﺤﻠﻪ ﺷﺒﺤﻪ ﻗﺴﻤﺎﺗﻪ ﻧﺼﻴﻦ ﻟﻜﻦ ﻫﻮ ﻣﺎﻋﺒﺮﺵ ..
🌒 ﻓﺎﺗﺖ ﻫﺬﻳﻜﺎ ﺍﻟﻠﻴﻠﻪ ﻉ ﻫﺎﻟﻪ ﻭﻫﻲ ﺗﺒﻜﻲ ﻭﺑﺲ ﻣﻦ ﺍﻟﺨﻮﻑ .. ﺧﻮﻑ ﺍﻟﻔﻘﺪ ﻛﺎﻧﺖ ﺯﻋﻼﻧﻪ ﻣﻦ ﺣﺴﺎﻥ ﻭﺑﺘﻤﻮﺕ ﻣﻦ ﺧﻮﻓﻬﺎ ﻋﻠﻴﻪ .. ﻫﻲ ﺣﺒﺎﺗﻪ ﺑﻜﻞ ﻋﻴﻮﺑﻪ ﺣﺒﺎﺗﻪ .. ﻭﻫﻮ ﻭﻻ ﻛﻞ ﺣﻴﺎﺗﻬﺎ ..
ﺍﻣﺎ ﻫﻮ ﺍﻟﻨﻮﻡ ﺟﻔﺎﻩ ﻫﺎﻟﻪ ﻻﺟﺎﺗﻪ ﻻﺳﺄﻟﺖ ﻋﻠﻴﻪ .. ﻋﺮﻑ ﺍﻧﻬﺎ ﺯﻋﻼﻧﻪ ﻭﺍﻛﻴﺪ ﺗﻮﺍ ﺗﺒﻜﻲ ﻭﺧﺎﻳﻔﻪ .. ﻧﺰﻟﺖ ﻣﻦ ﻋﻴﻨﻪ ﺩﻣﻌﻪ ﻣﻦ ﺧﻮﻓﻪ ﻋﻠﻴﻬﺎ .. ﻭﻉ ﻗﺪ ﻣﺎﺃﺗﺼﻞ ﺑﻴﻬﺎ ﻣﺎﺑﺘﺶ ﺗﺮﺩ ...
ﻋﻨﺪ ﻋﻠﻴﺎ ﻭﺍﻟﺤﺴﻦ ..
ﻣﺘﻤﺪﺩ ﻉ ﺍﻟﺴﺮﻳﺮ ﻭﻳﻔﻜﺮ ..
ﻉ ﺟﻴﺘﻬﺎ ﻣﻦ ﺑﺮﺍ .. ﺟﺎﻳﺒﻪ ﻛﺒﺪﻩ ﻣﻘﻠﻴﻪ ﻭﻋﺼﻴﺮ ﺑﻨﺠﺮ .. ﺣﻄﺘﻬﻢ ﺣﺪﺍﻩ ..
ﻋﻠﻴﺎ : ﻫﻴﺎ ﻧﻮﺽ ﺗﻌﺸﺎ ..
ﺍﻟﺤﺴﻦ : ﻣﺎﻋﻨﺪﻳﺶ ﻧﻴﻪ ..
ﻋﻠﻴﺎ : ﻣﺶ ﺑﻨﻴﺘﻚ ﻳﺎﻋﺰﻳﺰﻱ ﻏﺼﺐ ﻋﻨﻚ .. ﻫﻴﺎ ﻧﻮﺽ ..
ﺍﻟﺤﺴﻦ : ﻭﺍﻟﻠﻪ ﻳﺎﻋﻠﻴﺎ ﻣﺎﻋﻨﺪﻱ ﻧﻴﻪ ﻓﺤﺎﺟﻪ ..
ﺗﻨﻬﺪﺕ ﻭﻗﺎﻟﺖ : ﺷﻦ ﻛﻨﺖ ﻧﻘﻮﻝ ﻣﺶ ﻗﻠﻨﺎ ﻻﺯﻡ ﺗﺸﺪ ﺣﻴﻠﻚ .. ﺣﺴﻦ ﺍﻧﺖ ﺍﺻﺎﺑﺘﻚ ﻫﺎﻟﻤﺮﺓ ﻗﻮﻳﻪ ﻫﻠﺒﻪ ﻭﻧﺰﻓﺖ ﻫﻠﺒﻪ ﻭﻻﺯﻡ ﺗﻌﻮﺽ .. ﺍﻟﺒﻼﺩ ﺗﺒﻴﻚ ﺑﻘﻮﺗﻚ ...
ﺍﻟﺤﺴﻦ ﺍﺑﺘﺴﻢ : ﺍﻝ ﺣﺴﻦ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻬﻪ .. ﺑﺎﻩ ﻧﻮﺽ ..
ﻧﺎﺽ ﻭﻗﻌﻤﺰ ﻉ ﺣﻴﻠﻪ ﻭﺑﺪﻱ ﻳﺎﻛﻞ .. ﺑﺲ ﻛﻞ ﻣﺎﻳﺘﺤﺮﻙ ﺑﺈﻳﺪﻳﻪ ﻛﺎﻥ ﻳﺘﻮﺟﻊ ﻋﻨﺪﻩ ﺍﻟﻮﺿﻊ ﻋﺎﺩﻱ ﻷﻧﻪ ﻭﺍﺧﺪ ﻋﻠﻴﻪ ﻟﻜﻦ ﻋﻨﺪﻫﺎ ﻫﻲ ﻣﺶ ﻋﺎﺩﻱ ﻭﻣﺶ ﺣﺘﺎﺧﺪ ﻋﻠﻴﻪ ..
ﻋﻠﻴﺎ : ﺗﺮﺍ ﻭﻗﻒ ﺷﻮﻳﻪ ..
ﻫﻮ ﻭﻗﻒ ﻭﺷﺒﺤﻠﻬﺎ ﺑﺈﺳﺘﻐﺮﺍﺏ ﻭﻫﻲ ﻗﺮﺑﺖ ﻣﻨﻪ ﻭﺣﻄﺖ ﻛﺒﺪﻩ ﻓﻲ ﺧﺒﺰﺓ ﻭﻗﺮﺑﺘﻬﺎ ﻟﻔﻤﻪ ﻫﻮ ﻳﺸﺒﺤﻠﻬﺎ ..
ﻋﻠﻴﺎ : ﻫﻴﺎ ﻛﻮﻝ ...
ﺍﻟﺤﺴﻦ : ﻣﺶ ﺑﺎﻫﻲ ﻟﻴﺎ ﺍﻟﻤﻌﺎﻣﻠﻪ ﻫﻴﺎ .. ﺍﻟﺪﻟﻊ ﻣﺎﻳﻤﺸﻴﺶ ﻣﻌﺎﻱ ..
ﻋﻠﻴﺎ : ﻫﺬﺍ ﻣﺶ ﺩﻟﻊ .. ﺍﻧﺖ ﻣﺼﺎﺏ ﻭﺗﺘﻮﺟﻊ .. ﻭﺍﻧﻲ ﻧﺴﺎﻋﺪ ﻓﻴﻚ ﻭﺑﺲ .. ﻭﻫﻲ ﻛﻮﻝ ﺍﻳﺪﻱ ﻃﺎﺣﺖ ...
ﺍﺑﺘﺴﻢ ﻭﺑﺪﻱ ﻳﺎﻛﻞ ... ﻭﻫﻲ ﺗﻮﻛﻞ ﻓﻴﻪ ﻭﺗﺸﺮﺏ ﻓﻴﻪ ﺍﻟﻌﺼﻴﺮ ﺍﻟﻠﻲ ﻛﺎﻧﺖ ﻃﻌﻤﺘﻪ ﻣﺶ ﻣﺮﻏﻮﺑﻪ ﺑﺘﺎﺗﺎ .. ﺑﺲ ﻣﻦ ﺍﻳﺪﻳﻬﺎ ﻋﺴﺴﻞ 💖
ﻛﻤﻠﻪ ﻛﻠﻪ ...
ﻭﻫﻲ ﻧﺎﺿﺖ ﺭﻓﻌﺖ ﺍﻟﺼﻔﺮﺓ ﻭﻫﻮ ﻣﺸﻲ ﻟﻠﺤﻤﺎﻡ ... ﺷﻮﻳﻪ ﻭﻃﻠﻊ ﻭﻫﻲ ﻏﺴﻠﺖ ﺍﻟﻤﺎﻋﻴﻦ ﻭﺟﺎﺗﻪ ...
ﺍﻟﺤﺴﻦ ﻳﺪﻭﺭ : ﻭﻳﻦ ﺗﻠﻴﻔﻮﻧﻲ ..
ﻋﻠﻴﺎ ﻭﻫﻲ ﺗﻤﺴﺢ ﻓﻲ ﺍﻳﺪﻳﻬﺎ : ﻣﺶ ﻋﺎﺭﻓﻪ .. ﺗﻮ ﻧﺪﻭﺭ ﻣﻌﺎﻙ ..
ﻗﻌﺪﻭﺍ ﻳﺪﻭﺭﻭﺍ ﻟﻴﻦ ﻟﻤﺤﺎﺗﻪ ﻭﺭﺍ ﺍﻷﺑﺎﺟﻮﺭﺓ ﻉ ﺍﻟﻜﺎﻣﺪﻳﻨﻮ ﺍﺑﺘﺴﻤﺖ ﻭﻣﺸﺖ ﺑﺘﺎﺧﺪﻩ ﻭﻫﻮ ﻛﺎﻥ ﻳﺪﻭﺭ ﺗﺤﺖ ﺍﻟﺴﺮﻳﺮ ﻧﺎﺽ ﻭﺑﻴﻠﻒ ﻉ ﺟﻴﺘﻬﺎ ﺍﻧﺨﺒﻄﺘﺖ ﻓﻴﻪ ﺷﺒﺤﻮﺍ ﻟﺒﻌﺾ ﻫﻠﺒﻪ .. ﺍﻟﺤﺴﻦ ﺣﻀﻨﻬﺎ ﻭﺑﺪﻱ ﻳﺒﻮﺱ ﻓﻴﻬﺎ .. ﻭﻫﻲ ﻣﺒﺘﺴﻤﻪ ...
ﻋﻠﻴﺎ : ﺑﺎﻩ ﺧﻼﺹ ..
ﻫﻮ ﻳﺤﺴﺎﺑﻬﺎ ﺍﺿﺎﻳﻘﺖ ﻣﻨﻪ ﻭﺧﺮ ..
ﻋﻠﻴﺎ : ﺍﺣﻤﻢ .. ﺍﻫﻮﺍ ﺗﻠﻴﻔﻮﻧﻚ ..
ﺍﻟﺤﺴﻦ ﺧﺪﺍﻩ ﻭﻫﻮ ﻣﻀﺎﻳﻖ ... ﻭﺭﺟﻊ ﺗﻤﺪﺩ ﻉ ﺍﻟﺴﺮﻳﺮ
ﺍﻟﺤﺴﻦ ﺑﻨﺒﺮﺓ ﺣﺎﺩﻩ : ﺳﻜﺮﻱ ﺍﻟﻀﻲ ...
ﻫﻲ ﻣﺸﺖ ﺳﻜﺮﺕ ﺍﻟﻀﻲ ﻭﺣﺴﺖ ﺍﻧﻪ ﺍﺿﺎﻳﻖ ﻣﻨﻬﺎ ...
ﻫﻲ ﺗﺒﻴﻪ .. ﺗﺒﻴﻪ ﻳﻜﻮﻥ ﺯﻭﺟﻬﺎ .. ﻭﻣﺸﺘﺎﻗﺘﻠﻪ ﻫﻠﺒﻪ .. ﻭﺗﺤﺒﻪ ... ﺑﺲ ﺗﺒﻴﻪ ﻳﻌﺪﻱ ﺍﺻﺎﺑﺘﻪ ﻫﺎﺩﻱ ﻭﻛﻞ ﺷﻲ ﺣﻴﻜﻮﻥ ﺍﺣﺴﻦ ﺑﻌﺪﻫﺎ ..
ﺑﺲ ﻫﻮ ﻋﻘﻠﻪ ﺻﻮﺭﻟﻪ ﺍﻥ ﻫﻲ ﻣﺎﺗﺤﺒﺎﺵ ﻭﻣﺎﺗﺒﻴﺸﻲ ﻭﺍﻥ ﻗﻠﺒﻬﺎ ﻗﺎﻋﺪ ﻣﻊ ﺣﺒﻬﺎ ﺍﻷﻭﻝ .. ﺩﺍﺭ ﺍﻟﻤﻨﺒﻪ ﻭﺭﻗﺪ ﻭﻫﻮ ﻣﻀﺎﻳﻖ ﻉ ﺍﻷﺧﺮ ..
ﻭﻫﻲ ﻋﻄﺎﺗﻪ ﺑﺎﻟﻈﻬﺮ ﺑﺲ ﻗﻠﺒﻬﺎ ﻋﻨﺪﻩ ...
ﺗﺎﻧﻲ ﻳﻮﻡ ...
ﺍﻟﺴﺎﻋﻪ ﻋﺸﺮﻩ ﺻﺒﺎﺣﺎ ...
ﻃﻘﻄﻖ ﺑﺎﺏ ﻏﺮﻓﺔ ﺣﺴﺎﻥ ﻭﺍﻧﻔﺘﺢ ﻫﻮ ﻛﺎﻥ ﻳﺸﺒﺢ ﻟﻠﺮﻭﺷﻦ ﻟﻤﺎ ﺍﻧﻔﺘﺢ ﺍﻟﺒﺎﺏ ﺗﻠﻔﺖ ﻭﺗﻔﺎﺟﺄ ..
ﻫﺎﻟﻪ : ﺻﺒﺎﺡ ﺍﻟﺨﻴﺮ ..
ﺣﺴﺎﻥ ﺑﻔﺮﺣﻪ : ﺻﺒﺎﺡ ﺍﻟﻮﺭﺩ ...
ﻫﺎﻟﻪ ﺳﻜﺮﺕ ﺍﻟﺒﺎﺏ ﻭﻗﺪﻣﺖ : ﺧﺎﻃﺮﻱ ﻧﻌﻄﻴﻚ ﻛﻒ ..
ﺣﺴﺎﻥ ﺑﺤﺐ : ﺍﻟﻠﻲ ﻳﺠﻴﻨﻲ ﻣﻨﻚ ﺭﺍﺿﻲ ﺑﻴﻪ ..
ﻫﺎﻟﻪ : ﺣﺴﺎﻥ ... ﺍﺫﺍ ﺍﻧﺖ ﻓﻌﻼ ﺗﺤﺒﻨﻲ ﺍﻧﺴﺎ ﺍﻟﻤﻮﻃﻮ ﻭﺍﻟﺴﺒﺎﻗﺎﺕ ..
ﺣﺴﺎﻥ ﺑﻌﺸﻖ : ﺍﻧﻲ ﻉ ﺧﺎﻃﺮﻙ ﻧﻨﺴﻰ ﻧﻔﺴﻲ .. ﺣﺎﺿﺮ ...
ﻫﺎﻟﻪ ﺍﺑﺘﺴﻤﺖ : ﻃﻬﻮﺭ ﺇﻥ ﺷﺎﺀ ﺍﻟﻠﻪ ..
ﺣﺴﺎﻥ : ﻫﻬﻬﻬﻬﻬﻬﻬﻬﻪ ﺷﻦ ﻻﺯﻡ ﻳﺮﺩﻭﺍ ﻉ ﻫﺎﺩﻱ ..
ﻫﺎﻟﻪ : ﻫﻬﻬﻬﻬﻬﻬﻬﻬﻬﻪ
***
ﺍﻧﺖ ﻫﻜﻲ ﺣﺘﻠﺨﺒﻂ ﺍﻟﺪﻧﻴﺎ ﻛﻠﻬﺎ ...
ﺑﻼﻝ : ﺑﺎﻟﻌﻜﺲ ﺻﺪﻗﻨﻲ ..
...
ﺍﺑﺘﺴﺎﻡ ﺗﻤﺸﻲ ﻓﻲ ﺍﻟﻤﻤﺮ ﺟﺎﻳﺒﻪ ﻣﻌﺎﻫﺎ ﻭﺭﺩ ﻭﻛﻴﻜﻪ ﻃﻠﺒﻬﺎ ﻣﻨﻬﺎ ﺑﻼﻝ ...
...
ﺍﻟﺤﺴﻦ : ﻣﺶ ﺣﺘﻮﻗﻒ ﺿﺪ ﺑﻮﻫﺎ ﻟﻮ ﻣﻦ ﻛﺎﻥ ﻳﻜﻮﻥ ..
ﺑﻼﻝ : ﺍﻧﺖ ﻣﺎﺗﻌﺮﻓﻬﺎﺵ ﺯﻱ ﻣﺎﺃﻧﻲ ﻋﺮﻓﺘﻬﺎ ..
ﺍﻟﺤﺴﻦ : ﺑﺎﻩ ﺷﻦ ﺣﺘﻘﻮﻟﻠﻬﺎ ﺗﺮﺍ .. ﺍﻧﻲ ﻣﺘﻌﺎﻭﻥ ﻣﻊ ﺍﻟﺸﺮﻃﻪ ﺑﺶ ﻧﻜﺸﻔﻮﺍ ﺍﻋﻤﺎﻝ ﺑﻮﻙ ﺍﻟﻐﻴﺮ ﻗﺎﻧﻮﻧﻴﻪ ﻭﺍﺳﺘﻐﻠﻴﺘﻚ ﺑﺶ ﻧﻮﺻﻠﻪ .. ﺑﺲ ﺗﻮﺍ ﻧﺒﻴﻚ ﺗﺴﺎﻋﺪﻳﻨﻲ ﺑﺶ ﻧﻘﺒﻀﻮﺍ ﻉ ﺑﻮﻙ ﻭﺗﻢ ﻣﻬﻤﺘﻲ ﺑﺴﺮﻋﻪ ..
ﺑﻼﻝ ﺑﺤﺰﻡ : ﺍﻳﻪ ... ﺣﺲ ﻧﺴﻤﻪ ﺧﺸﺖ ﻋﻠﻴﻪ ﻓﺠﺄﺓ ﺷﺒﺢ ﻟﻠﺒﺎﺏ ﻭﺍﻧﺼﺪﻡ ﺻﺪﻣﻪ ﻋﻤﺮﻩ .. ﻟﻜﻦ ﻣﺶ ﺯﻱ ﺻﺪﻣﺘﻬﺎ ﻫﻲ .. ﺍﻟﻠﻲ ﻋﻄﺎﺗﻪ ﻗﻠﺒﻬﺎ ﻭﺛﻘﺖ ﺑﻴﻪ ﻭﺣﺒﺎﺗﻪ ﻭﻭﺍﺟﻬﺖ ﺑﻮﻫﺎ ﻉ ﺧﺎﻃﺮﻩ ﻭﺷﺎﻓﺘﻪ ﺍﺣﺴﻦ ﺭﺍﺟﻞ ﻓﻲ ﺍﻟﺪﻧﻴﺎ ﻭﺍﺻﺪﻕ ﻣﻦ ﻣﻦ ﻋﺮﻓﺖ ﺣﺘﻰ ﻟﻤﺎ ﻓﻘﺪﺕ ﺛﻘﺘﻬﺎ ﻓﻲ ﺑﻮﻫﺎ ﺣﻄﺘﻬﺎ ﻓﻴﻪ ﻫﻮ .. ﺗﻮﺍ ﺗﻜﺘﺸﻒ ﺍﻧﻬﺎ ﻛﺎﻧﺖ ﻋﺎﻳﺸﻪ ﻓﻲ ﻛﺬﺑﻪ ﻛﺒﻴﺮﺓ ... ﻭﻛﺎﻥ ﻣﻐﻔﻠﻪ ﻷﺑﻌﺪ ﺣﺪ ..
ﺷﺒﺤﺘﻠﻪ ﺷﺒﺤﻪ ﻭﺍﺍﺍﺍﺍﻋﺮﻩ ﻫﻠﺒﻪ ﺷﺒﺤﻪ ﺧﻴﺒﻪ .. ﺣﻘﺪ .. ﺃﻟﻢ .. ﺻﺪﻣﻪ ﻟﻮﺣﺖ ﻣﻦ ﺍﻳﺪﻫﺎ ﺍﻟﺒﺎﻗﻪ ﻭﺍﻟﺤﺎﻓﻈﻪ ﻭﺣﻮﻟﺖ ﺍﻟﺪﺑﻠﻪ ﻭﻟﻮﺣﺘﻬﺎ ﻣﻌﺎﻫﻢ .. ﻭﻣﺸﺖ ﺑﺪﻭﻥ ﻣﺎﺗﻨﺰﻝ ﻣﻨﻬﺎ ﻭﻻﺩﻣﻌﻪ ..
ﺍﻟﺤﺴﻦ ﻏﻤﺾ ﻋﻴﻮﻧﻪ ﺑﺎﺳﻒ ﻭﻓﺘﺤﻬﻢ ﺍﻟﻠﻲ ﺧﻄﻄﻠﻪ ﻛﻠﻪ ﺫﻫﺐ ﻣﻊ ﺍﻟﺮﻳﺢ ..
ﺍﻟﺤﺴﻦ : ﺍﺭﺗﺎﺡ ﺗﻮﺍ ..
ﺑﻼﻝ ﺑﺼﺪﻣﻪ : ﺑﺲ ﺍﻧﻲ ﺣﺒﻴﺘﻬﺎ ﻣﻦ ﻗﻠﺒﻲ ..
ﺍﻟﺤﺴﻦ ﺍﺑﺘﺴﻢ ﺑﺘﻬﻜﻢ ﻭﻓﺘﺢ ﺍﻟﺒﺎﺏ ﻭﻃﻠﻊ .. ﻭﺧﻼ ﻭﺭﺍﻩ ﺑﻼﻝ ﺍﻟﻠﻲ ﻗﺎﻋﺪ ﻳﻤﻮﺕ ﺑﺎﻟﻌﺮﻕ 💔...
... ﻳﺘﺒﻊ ...
