#الحسن (الوطن عشق رجاله )
ﺍﻟﺠﺰﺀ ﺍﻟﺨﻤﺴﻮﻥ 💓💓
للكاتبة GomanFared
ﺍﻟﺠﺮﺡ ﻣﺶ ﻋﻤﻴﻖ ﻣﺎﺃﺻﺎﺑﺶ ﺍﻱ ﻋﻀﻮ ﻓﻲ ﺍﻟﺠﺴﻢ ﺟﻬﺔ ﺍﻟﻄﻌﻨﻪ ... ﻟﻜﻦ ﺑﺎﻟﻨﺴﺒﻪ ﻟﻠﺠﻨﻴﻦ ﻛﺎﻥ ﻋﻤﺮﻩ 20 ﻳﻮﻡ ﻉ ﺍﻛﺜﺮ ﺗﻘﺪﻳﺮ ﺃﺟﻬﻀﺎﺗﻪ ﻭﺭﺑﻲ ﻳﻌﻮﺽ ﺧﻴﺮ
ﺍﻧﻌﺎﻡ ﺑﺄﻟﻢ : ﺍﻣﺘﻰ ﺗﻔﻴﻖ ..
ﺍﻟﺪﻛﺘﻮﺭ : ﻣﻦ ﺳﺎﻋﻪ ﺇﻟﻰ ﺳﺎﻋﺘﻴﻦ ...
ﺍﻧﻌﺎﻡ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺍﻟﺪﻛﺘﻮﺭ ﻣﺸﻲ .. ﺷﺒﺤﺖ ﻟﻠﺤﺴﻦ ﺍﻟﻠﻲ ﻛﺎﻥ ﻭﺍﻗﻒ ﻭﻳﺴﻤﻊ ﻓﻲ ﻛﻼﻡ ﺍﻟﺪﻛﺘﻮﺭ ﻭﻣﺼﺪﻭﻡ .. ﺷﺪﺕ ﺫﺭﺍﻋﻪ ...
ﺍﻧﻌﺎﻡ : ﺭﺑﻲ ﻳﻌﻮﺿﻜﻢ ﺧﻴﺮ ..
ﺍﻟﺤﺴﻦ : ﺷﻦ ﺻﺎﺭ ﻓﻲ ﻣﺮﺕ ﺣﺴﺎﻥ ..
ﺍﻧﻌﺎﻡ : ﺍﻟﺤﻤﺪ ﻟﻠﻪ ﻛﻮﻳﺴﻪ ﻫﻲ ﻭﺍﻟﻌﻴﻞ ﻧﺰﻳﻒ ﺑﺴﺒﺐ ﺍﻟﻄﻴﺤﻪ ﻟﻜﻦ ﻣﺎﺗﺴﺒﺒﺶ ﻓﻲ ﺍﻹﺟﻬﺎﺽ ...
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ... ﻋﻴﻮﻧﻪ ﻛﺎﻧﻮﺍ ﻣﻌﺒﻴﺎﺕ ﺩﻣﻮﻉ .. ﺑﻌﺪ ﻋﻦ ﺍﻧﻌﺎﻡ ﺍﻟﻠﻲ ﺍﻭﻝ ﻣﺮﺓ ﺗﺸﻮﻓﻪ ﺑﻬﺎﻟﺤﺎﻟﻪ ﻗﻌﺪﺕ ﻣﻌﺎﻩ ﺑﻌﻴﻮﻧﻬﺎ ﻟﻴﻦ ﺍﺧﺘﻔﻲ ﻣﻦ ﻗﺪﺍﻣﻬﺎ ﻧﺰﻟﻮﺍ ﺩﻣﻮﻋﻬﺎ ﺣﺘﻰ ﻫﻲ ...💔
***
ﻣﺎﺷﻲ ﻭﻳﻌﻜﺰ ﻟﻴﻦ ﻭﺻﻞ ﻓﻲ ﺩﺍﺭ ﻓﺘﺤﻬﺎ ﺑﻘﻮﺓ .. ﻛﺎﻧﻮﺍ ﻓﻲ ﺯﻭﺯ ﻣﻘﻌﻤﺰﻳﻦ ﻉ ﺭﻛﺎﺑﻬﻢ ﻗﺪﺍﻣﻪ ... ﻭﻣﺘﻮﺯﻉ ﻓﻲ ﺍﻟﺪﺍﺭ 5 ﺭﺟﺎﻝ ﺿﺨﺎﻡ ﺍﻟﺠﺴﻢ ..
ﻗﻌﺪ ﻳﺸﺒﺢ ﺑﻨﻈﺮﺍﺕ ﺣﺎﺩﻩ ﺑﺄﺑﺘﺴﺎﻣﻪ ﺳﺎﺧﺮﻩ ﻗﺪﻣﻠﻬﻢ ..
ﺳﺮﻣﺪ ﺍﻟﻜﻮﺑﺮﺍ : ﺍﻧﻲ ﻟﻤﺎ ﺑﻌﺘﺘﻜﻢ ﻏﺎﺩﻱ ﺷﻦ ﻗﻠﺖ ﻧﺒﻲ؟
ﺍﻟﺰﻭﺯ ﺳﺎﻛﺘﻴﻦ ..
ﺳﺮﻣﺪ ﺍﻟﻜﻮﺑﺮﺍ ﺳﻜﺮ ﻋﻴﻮﻧﻪ ﺑﻨﻔﺎﺫ ﺻﺒﺮ ﻭﻓﺘﺤﻬﻢ ﻭﺑﺼﻮﺕ ﻳﺨﻮﻑ : ﺗﻜﻜﻜﻜﻜﻜﻠﻤﻮﺍ ﻳﺎﺑﻬﺎﺍﺍﺍﺍﺍﻳﻢ ...
ﻭﺍﺣﺪ ﻣﻨﻬﻢ ﻭﻫﻮ ﻣﻴﺖ ﻣﻦ ﺍﻟﺨﻮﻑ : ﻧﺨﻮﻓﻮﻫﻢ .. ﻧﺨﻮﻓﻮﻫﻢ ....
ﺳﺮﻣﺪ ﺍﻟﻜﻮﺑﺮﺍ ﻗﺪﻣﻠﻪ ﺷﺪﻩ ﻣﻦ ﺭﻗﺒﺘﻪ ﻭﻗﺎﻣﻪ ﻭﺣﻄﻪ ﻉ ﺍﻟﺤﻴﻂ ﺑﻘﻮﺓ : ﺑﺎﻩ ﻳﺎﺑﻬﻴﻢ ﻳﺎﺣﻤﺎﺭ ﺩﺍﻡ ﻫﺬﺍ ﺍﻟﻠﻲ ﻗﻠﺘﻪ ﻋﻼﺵ ﺯﻭﺯ ﻣﻨﻬﻢ ﻓﻲ ﺍﻟﻤﺴﺘﺸﻔﻰ ﺗﻮﺍ ...
ﻭﻫﻮ ﻣﻮﻃﻲ ﺭﺍﺳﻪ : ﺍﺍﺍﻧﺖ ﻗﻠﻠﺖ ﺍﻟﻤﻤﻬﻤﻢ ﺗﺘﺄﻛﺪﻭﺍﺍ ﻣﻦ ﺍﺍﻟﺼﻐﺎﺭ .. ﻛﻢ ﻋﺪﺩﻫﻢ ﻭﺷﻦ ﺟﻨﺴﻬﻢ .. ﻭﻗﻠﺖ .. ﻫﻤﺎ ﺍﻟﻠﻲ ﻳﻬﻤﻤﻮﻧﻲ .. ﻓﺤﻨﻨﻲ ﻗﻠﻨﺎ ﻧﺠﻴﻴﺒﻮﻫﻤﻠﻚ ﻣﺮﺓ ﻭﺣﺪﻩ ﻷﻧﻚ ﻗﻠﻠﻠﺖ ﺍﻧﻚ ﺗﺒﻴﻬﻢ ...
ﺳﺮﻣﺪ ﺷﺒﺤﻠﻪ ﺑﺈﺯﺩﺭﺍﺀ ﺑﻌﺪﻳﻦ ﻧﺰﻟﻪ ﻉ ﺭﻛﺎﺑﻪ ﻭﻫﻮ ﺷﺎﺩﻩ ﻣﻦ ﻓﺎﻧﻴﻠﺘﻪ ... ﻣﺪ ﻳﺪﻩ ﻣﻔﺘﻮﺣﻪ ﻟﻮﺍﺣﺪ ﻣﻦ ﺭﺟﺎﻟﺘﻪ ﺣﻄﻠﻪ ﻓﻲ ﺍﻳﺪﻩ ﺑﻮﺧﻮﺻﻪ ... ﺳﺮﻣﺪ ﻓﺘﺤﻬﺎ .. ﻭﺍﻟﺸﺎﺏ ﺍﻟﻠﻲ ﺷﺎﺩﻩ ﻣﻐﻤﺾ ﻋﻴﻮﻧﻪ ﻭﻳﺮﻋﺶ ..
ﺳﺮﻣﺪ ﺍﻟﻜﻮﺑﺮﺍ : ﺍﻧﺎﻟﻤﺎ ﻧﻌﻄﻲ ﺍﻣﺮ ﻳﺘﻨﻔﺪ .. ﻃﻌﻨﻪ .. ﻳﺘﻨﻔﺪ ﺯﻱ ﻣﺎﻫﻮ .. ﻃﻌﻨﻪ ﻣﺮﺓ ﺗﺎﻧﻴﻪ ... ﻻﺗﻨﻘﺼﻮﺍ ﻭﻻﺗﺰﻳﺪﻭﺍ .. ﻃﻌﻨﻪ ﻣﺮﺓ ﺗﺎﻟﺘﻪ ... ﺷﺒﺤﻠﻪ ﺑﻐﻞ .. ﻭﻃﻌﻨﻪ ﺭﺍﺑﻌﻪ ﺟﻬﺔ ﻗﻠﺒﻪ ﻏﺮﺯ ﺍﻟﻤﻮﺱ ﺩﺍﺧﻞ ﻭﻗﻌﺪ ﻳﺤﺮﻙ ﻓﻴﻪ .. ﺑﻌﺪﻳﻦ ﻃﻠﻌﻪ ﻭﺍﻟﺸﺎﺏ ﺗﻠﻮﺡ ﻟﻮﻃﺎ .. ﺗﻠﻔﺖ ﻟﻠﺘﺎﻧﻲ ﺍﻟﻠﻲ ﻟﻘﺎﻩ ﻣﻦ ﻛﺜﺮ ﺍﻟﺨﻮﻑ ﻣﺪﺍﻳﺮﻫﺎ ﺗﺤﺘﻪ .. ﺷﺒﺤﻠﻪ ﺑﻘﺮﻑ .. ﻭﻟﻮﺡ ﺣﺪﺍﻩ ﺍﻟﺒﻮﺧﻮﺻﻪ ﺍﻟﻤﻐﻄﻲ ﺑﺎﻟﺪﻡ ..
ﺳﺮﻣﺪ ﺍﻟﻜﻮﺑﺮﺍ : ﻟﻮﺣﻮﻫﻢ .. ﻭﻃﻠﻊ ﻭﻫﻮ ﻣﺎﺷﻲ ﻗﻌﺪ ﻳﺸﺒﺢ ﺑﺘﻘﺰﺯ ﻟﻠﺪﻡ ﺍﻟﻠﻲ ﻓﻴﺪﻩ .. ﺧﺶ ﻟﺤﻤﺎﻡ ﻗﺮﻳﺐ ﻭﻗﻌﺪ ﻳﻐﺴﻞ ﻓﻲ ﺍﻳﺪﻳﻪ ﻫﻠﺒﻪ ﺑﻌﺪﻳﻦ ﻃﻠﻊ ﻭﻫﻮ ﻳﺸﺒﺢ ﻷﻳﺪﻩ ﻭﻣﺎﺷﻲ ...
[ ﺳﺮﻣﺪ ﻳﺎﻛﻮﺑﺮﺍ
ﻭﻗﻒ ﻳﺪﻭﺭ ﻟﻴﻦ ﺗﻠﻔﺖ ﻭﺷﺎﻓﻨﻲ : ﺷﻦ ﺗﺒﻲ ﻳﺎﻧﻔﺎﺧﻪ ...
ﺍﻟﻜﺎﺗﺒﻪ : ﻏﻴﺮ ﺑﻨﻮﺻﻠﻚ ﺍﻥ ﺍﻟﻘﺎﺭﺋﺎﺕ ﻛﻠﻬﻢ ﻛﺮﻫﻮﻙ ﻭﻳﺪﻋﻮﺍ ﻋﻠﻴﻚ ﻟﻴﻞ ﻧﻬﺎﺭ ..
ﺳﺮﻣﺪ ﺍﻟﻜﻮﺑﺮﺍ ﺑﻀﺤﻜﻪ : ﺷﻦ ﺍﻟﺠﺪﻳﺪ ﻋﺎﺭﻑ .. ﺷﺒﺤﻠﻲ ﺑﻨﻈﺮﺓ ﺧﺒﻴﺜﻪ .. ﻫﻤﺎ ﻣﻔﺮﻭﺽ ﻳﻜﺮﻫﻮﻙ ﺍﻧﺘﻲ ﻣﺶ ﺍﻧﻲ ... ﺍﻧﺘﻲ ﺍﻟﻠﻲ ﺗﻜﺘﺒﻲ ..
ﺍﻟﻜﺎﺗﺒﻪ ﺑﺼﺪﻣﻪ : ﻳﺎﺷﻴﻄﺎﻥ ﺗﺒﻲ ﺗﺨﺮﺏ ﺑﻴﻨﻲ ﻭﺑﻴﻬﻢ ..
ﺳﺮﻣﺪ ﺍﻟﻜﻮﺑﺮﺍ ﺿﺤﻚ ﺑﺴﺨﺮﻳﻪ ﻭﻣﺸﻲ ..
ﺍﻟﻜﺎﺗﺒﻪ ﺑﻬﻤﺲ : ﻋﻄﻴﻚ ﻣﺎﻳﺮﻓﻌﻚ ..
ﻭﻗﻒ ﻭﺗﻠﻔﺖ : ﻗﻠﺘﻲ ﺣﺎﺟﻪ ..
ﺍﻟﻜﺎﺗﺒﻪ ﺑﺨﻮﻑ ﻭﺭﺑﻜﻪ : 😨 ﻗﻠﺖ ﺭﺑﻲ ﻳﻬﺪﻳﻚ ..
ﻫﺰ ﺭﺍﺳﻪ ﺑﺄﻳﺠﺎﺏ ﻭﻫﻮ ﻳﻀﺤﻚ ﻭﻣﺸﻲ ..
ﺍﻟﻜﺎﺗﺒﻪ " ﺍﺧﺮ ﻣﺮﺓ ﻧﻜﻠﻤﻪ ﻫﺬﺍ ﺍﻧﻲ [🐢
***
ﺯﻳﻨﺐ : ﺍﻧﻲ ﻣﺶ ﻣﺴﺘﺮﻳﺤﻪ ﺣﺎﺳﻪ ﺍﻥ ﻓﺤﺎﺟﻪ ﺻﺎﻳﺮﻩ ..
ﺍﻣﻴﺮﻩ : ﻏﻴﺮ ﺍﻧﺘﻲ ﺗﺒﻲ ﺗﺨﻮﻑ ﺭﻭﺣﻚ ﻗﺎﻟﻚ ﻣﺎﺷﻴﻴﻦ ﺑﻴﻌﺰﻭﺍ ..
ﺯﻳﻨﺐ : ﻭﺟﻬﻪ ﻣﺎﻋﺠﺒﻨﻴﺶ ﺣﻂ ﺍﻟﺼﻐﺎﺭ ﺑﺴﺮﻋﻪ ﻭﻫﻤﺎ ﺑﺮﻭﺣﻬﻢ ﺍﻟﺒﺎﻳﻦ ﻋﻠﻴﻬﻢ ﻛﺎﻧﻮﺍ ﻳﺒﻜﻮﺍ ﺣﻄﻬﻢ ﻣﻦ ﻫﻨﻲ ﺭﻗﺪﻭﺍ ﻃﻮﻝ ﻣﺴﺎﻛﻴﻦ ..
ﺍﻣﻴﺮﺓ ﺭﻛﺰﺕ ﻋﻠﻴﻬﻢ ﻭﺧﺎﻓﺖ : ﻻﻻ ﻋﺎﺩﻱ ﻳﻌﻨﻲ .. ﺻﻐﺎﺭﻣﺎﺯﺍﻝ .. ﻭﻣﺎﻟﻴﻬﻤﺶ ﻭﻗﺖ ﻣﺤﺪﺩ ﻟﻠﻨﻮﻡ ... ﺍﺻﻼ ﺍﻛﻴﺪ ﻧﺎﻳﻀﻴﻦ ﺑﻜﺮﻱ ﻭﻟﻌﺒﻮﺍ ﻭﺗﻌﺒﻮﺍ ...
ﺯﻳﻨﺐ ﺗﺸﺒﺤﻠﻬﻢ ﻭﺗﺴﻤﻊ ﻓﻲ ﻛﻼﻡ ﺑﻨﺘﻬﺎ ﺗﻨﻬﺪﺕ ﻭﺳﻜﺘﺖ ...
***
ﺑﻌﺪ ﺳﺎﻋﺘﻴﻦ ...
ﻫﺎﻟﻪ ﺑﺼﻮﺕ ﻳﺪﻭﺏ ﻃﺎﻟﻊ : ﺷﻦ .. ﺻﺎﺭ ..
ﺍﻧﻌﺎﻡ : ﺍﻟﺤﻤﺪ ﻟﻠﻪ ﺣﺒﻴﺒﺘﻲ ﺣﺎﻟﻚ ﺍﻧﺘﻲ ﻭﺍﻟﻌﻴﻞ ﺗﻤﺎﻡ ..
ﻫﺎﻟﻪ ﻏﻤﻀﺖ ﻋﻴﻮﻧﻬﺎ : ﺍﻟﺤﻤﺪ ﻟﻠﻪ .. ﻓﺘﺤﺘﻬﻢ ... ﺷﻦ ﺻﺎﺭ ﻓﻲ ﺣﻨﺎﻱ ﻭﻋﻠﻴﺎ ﻭﺍﻟﺼﻐﺎﺭ ..
ﺍﻧﻌﺎﻡ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻛﻮﻳﺴﻴﻦ .. ﻫﺮﺑﻮﺍ ﺍﻟﻜﻼﺏ ﺍﻭﻝ ﻣﺎﺧﺶ ﺍﻟﺤﺴﻦ ﻭﺍﻟﺸﺮﻃﻪ ﺍﻟﻠﻲ ﻣﻌﺎﻩ ..
ﻫﺎﻟﻪ : ﺑﺎﻫﻲ .. ﻗﻠﺘﻮﺍ ﻟﺤﺴﺎﻥ ..
ﺍﻧﻌﺎﻡ : ﻟﺘﻮﺍ ﻻ ..
ﻫﺎﻟﻪ : ﺍﺣﺴﻦ ﻣﺎﺗﻘﻮﻻﻻﺵ .. ﻫﻮ ﻣﺎﺷﻲ ﻳﺨﺪﻡ ﻉ ﺭﺍﺳﻪ ﻣﺎﻧﺒﻴﺶ ﻧﻔﺴﺪ ﻋﻠﻴﻪ ..
ﺍﻧﻌﺎﻡ ﺑﺈﺑﺘﺴﺎﻣﻪ : ﺍﻟﻠﻲ ﻳﺮﻳﺤﻚ ...
ﻋﻨﺪ ﻋﻠﻴﺎ ..
ﻓﺘﺤﺖ ﻋﻴﻮﻧﻬﺎ ﺷﺎﻓﺘﻪ ﺍﺑﺘﺴﻤﺖ ﺑﺼﻮﺕ ﺗﺎﻋﺐ : ﺃﻧﺖ .. ﻛﻮﻳﺲ ...
ﺍﻟﺤﺴﻦ ﺷﺪ ﺍﻳﺪﻩ ﻭﺑﺎﺳﻬﺎ ﻣﻦ ﺩﺍﺧﻞ ﺑﻌﻤﻖ : ﻗﺎﻋﺪﻩ ﺗﻔﻜﺮ ﻓﻲ ﺣﺎﻟﻲ ﻭﺍﻧﺘﻲ ﻫﺬﺍ ﺣﺎﻟﻚ ..
ﻋﻠﻴﺎ ﺑﺄﺑﺘﺴﺎﻣﻪ ﺣﻄﺖ ﺍﻳﺪﻫﺎ ﻉ ﺧﺪﻩ : ﺍﻧﻲ ﺣﺎﻟﻲ ﻫﻮ ﺣﺎﻟﻚ ﺍﻧﺖ .. ﻭﺑﺲ ..
ﺍﻟﺤﺴﻦ ﺍﺑﺘﺴﻢ ﺑﺤﺐ ﻭﺗﻨﻬﺪ : ﻛﻨﺘﻲ ﺣﺘﻘﻬﺮﻳﻨﻲ ﻋﻠﻴﻚ ﻳﺎﻋﻠﻴﺎ ..
ﻋﻠﻴﺎ ﻏﻤﻀﺖ ﻋﻴﻮﻧﻬﺎ ﻭﻓﺘﺤﺘﻬﻢ : ﻛﻨﺖ ﺣﺎﻣﻞ؟
ﺍﻟﺤﺴﻦ ﻣﻼﻣﺢ ﻭﺟﻬﻪ ﺗﻐﻴﺮﻭﺍ ... ﻋﻠﻴﺎ ﻓﻬﻤﺖ ﻭﺩﻣﻮﻋﻬﺎ ﻧﺰﻟﻮﺍ ﻃﻮﻝ
ﺍﻟﺤﺴﻦ ﻳﻤﺴﺢ ﻓﻴﻬﻢ : ﻣﺎﺯﺍﻝ ﺍﻟﻌﻤﺮ ﻗﺪﺍﻣﻨﺎ ﺳﻤﻮﺣﺘﻲ ...
ﻋﻠﻴﺎ ﺑﺒﻜﻲ : ﺍﻧﺖ ﻣﺶ ﻣﻀﺎﻳﻖ ﻣﻨﻲ ..
ﺍﻟﺤﺴﻦ ﺑﺤﺐ ﻣﻤﺰﻭﺝ ﺑﺎﻷﻟﻢ : ﻋﻼﺵ ﻳﺎﻋﻤﺮﻱ ﺍﻧﺘﻲ .. ﻋﻼﺵ ﺑﻨﻀﺎﻳﻖ ﻣﻨﻚ ..
ﻋﻠﻴﺎ ﺑﺄﻟﻢ : ﻻﻧﻲ ﻣﺎﺣﺎﻓﻈﺶ ﻉ ﺑﻨﺘﻚ ﻭﻻﻭﻟﺪﻙ ..
ﺍﻟﺤﺴﻦ ﺍﺑﺘﺴﻢ ﺑﺄﻟﻢ : ﺍﻧﻲ ﻟﻮ ﺑﻨﻀﺎﻳﻖ ﻣﻨﻚ ﺑﻨﻀﺎﻳﻖ ﻷﻧﻚ ﻣﺎﺣﺎﻓﻈﻴﺶ ﻉ ﻧﻔﺴﻚ ﺍﻧﺘﻲ ... ﺑﺎﺱ ﺍﻳﺪﻫﺎ ... ﺍﻧﻲ ﻟﻮ ﻓﻘﺪﺗﻚ ﻻﻗﺪﺭ ﺍﻟﻠﻪ .. ﺣﻨﻔﻘﺪ ﻛﻞ ﺷﻲ ..
ﻋﻠﻴﺎ ﻧﺰﻟﻮﺍ ﺩﻣﻮﻋﻬﺎ ﺍﻛﺜﺮ ... ﺍﻟﺤﺴﻦ ﻗﺮﺏ ﻭﻧﺰﻝ ﻉ ﻋﻴﻮﻧﻬﺎ ﻭﻗﻌﺪ ﻳﺒﻮﺱ ﻓﻴﻬﻢ ...
ﺍﻟﺤﺴﻦ : ﺍﻟﺤﻠﻮﺍﺕ ﻫﺎﺩﻡ ﺍﻟﻠﻲ ﻳﺬﺑﺤﻮﺍ ﻓﻲ ﺍﻟﺤﺴﻦ ﺑﻔﺘﻨﺘﻬﻢ ﻣﻌﺎﺵ ﻧﺒﻴﻬﻢ ﻳﺒﻜﻮﺍ .. ﺍﺭﺟﻮﻙ ﻳﺎﻋﻠﻴﺎ ﺩﻣﻌﺘﻚ ﺗﺤﺮﻕ ﻓﻴﺎ ﺣﺮﻕ ..
ﻋﻠﻴﺎ ﻃﻮﻝ ﻣﺴﺤﺖ ﺩﻣﻮﻋﻬﺎ .. ﻭﻫﻮ ﺍﺑﺘﺴﻢ ..
ﺍﻟﺤﺴﻦ ﺑﻌﺸﻖ : ﺍﺍﺍﺍﻩ ﻻﺍﻟﻮﻗﺖ ﻣﻨﺎﺳﺐ ﻭﻻﺍﻟﻤﻜﺎﻥ ﻣﻨﺎﺳﺐ ﻭﻻﻭﺿﻌﻚ ﻣﻨﺎﺳﺐ ..
ﻋﻠﻴﺎ ﻓﻬﻤﺎﺗﻪ : ﻫﻬﻬﻬﻬﻬﻪ ﺁﺍﻩ ..
ﺍﻟﺤﺴﻦ ﺑﻀﺤﻜﻪ ﺑﺴﻴﻄﻪ : ﺧﻼﺹ ﻳﺎﻭﺩﻱ ﻣﺶ ﻻﺯﻡ ﺗﻀﺤﻜﻲ ﻫﻲ ﺍﺭﻗﺪﻱ ﻭﺧﻼﺹ ..
ﻋﻠﻴﺎ ﺍﺑﺘﺴﻤﺖ ﺑﺤﺐ : ﻧﺤﺒﻚ ..
ﺍﻟﺤﺴﻦ ﻧﺎﺽ : ﺍﻧﻲ ﺍﻧﻮﺽ ﺍﺣﺴﻦ .. ﺍﺭﻗﺪﻱ .. ﻭﺟﻲ ﺑﻴﻄﻠﻊ ﻭﻗﻒ ﻓﻲ ﺍﻟﺒﺎﺏ ﺗﻠﻔﺖ ﺷﺒﺤﻠﻬﺎ ﺑﻌﺘﻠﻬﺎ ﺑﻮﺳﻪ ﻭﺍﺑﺘﺴﻢ ﻉ ﺟﻨﺐ ﻭﻃﻠﻊ ..
ﻭﻫﻲ ﺿﺤﻜﺖ ﻭﺣﻄﺖ ﺍﻳﺪﻫﺎ ﻉ ﻗﻠﺒﻬﺎ ﻭﺗﻨﻬﺪﺕ " ﻧﻤﻮﺕ ﻭﻻﺗﺼﻴﺮﻟﻚ ﺣﺎﺟﻪ "💓
***
ﺳﺮﻣﺪ ﻣﻘﻌﻤﺰ ﻗﺪﺍﻡ ﺍﻟﻼﺏ ﻭﻻﺑﺲ ﻧﻈﺮﺍﺕ ﻭﻳﻜﺘﺐ ﻓﻲ ﺑﻴﺎﻥ ﻳﺤﻜﻲ ﺍﻟﻠﻲ ﺻﺎﺭﻟﻪ ﻭﻳﻨﺪﺩ ﻭﻳﺴﺘﻨﻜﺮ ﻭﻳﺘﻜﻠﻢ ﻉ ﺣﺮﻳﺔ ﺍﻹﻋﻼﻡ ...
ﻃﻖ ﺍﻟﺒﺎﺏ
ﺳﺮﻣﺪ : ﺧﺸﺶ ..
ﺍﻧﻔﺘﺢ ﺍﻟﺒﺎﺏ ﻭﺧﺶ ﻭﺍﺣﺪ : ﺻﻐﺎﺭﻫﺎ ﻣﺶ ﻓﻲ ﺣﻮﺷﻬﺎ ﻭﻻﺣﻮﺵ ﺍﺧﺘﻬﺎ ...
ﺳﺮﻣﺪ ﺭﻓﻊ ﺣﻮﺍﺟﺒﻪ ﻭﻣﻂ ﺷﻮﺍﺭﺑﻪ ﻟﺪﺍﺧﻞ ﻭﻗﻌﺪ ﻳﻐﻨﻲ :
ﺧﺎﻳﻨﻪ ﻭﻣﻌﺎﺩ ﻧﺼﺎﻓﻴﻚ
ﻳﻠﻲ ﺧﺎﺏ ﻇﻨﻲ ﻓﻴﻚ ... ﻭﺍﺑﺘﺴﻢ ﺑﺨﺒﺚ
ﻻﺯﻡ ﻣﻦ ﺍﻟﺪﻧﻴﺎ ﻧﻤﺤﻴﻚ ﻳﺎﻏﺪﺍﺭﺓ ...
: ﺍﻣﺘﻰ ﻧﻔﺪﻭﺍ ...
ﺳﺮﻣﺪ ﻭﻫﻮ ﻳﺴﺎﻭﻱ ﻓﻲ ﺍﻟﻨﻈﺎﺭﻩ ﻭﻣﺮﻛﺰ ﻓﻲ ﺍﻟﻼﺏ : ﻣﺎﺯﺍﺍﺍﻝ ﻣﺶ ﺗﻮﺍ ... ﺷﺒﺤﻠﻪ ... ﻏﺪﻭﺓ ﻧﺒﻲ ﻧﻄﻠﻊ ﻣﺸﻮﺍﺭ ﺍﻟﺼﺒﺢ .. ﺍﻟﺴﺎﻋﻪ ..7
: ﺗﻢ ﻳﺎﺭﺍﺱ ..
ﺍﺷﺮﻟﻪ ﺑﻴﺪﻩ ﻳﻄﻠﻊ .. ﻃﻠﻊ ..
ﺳﺮﻣﺪ ﺑﻀﺤﻜﻪ : ﺍﻫﺎ ﻫﻜﻲ ﺗﻤﺎﻡ ﺍﻟﺘﻤﺎﻡ ... ﺍﻧﺰﻝ ﻫﻲ ....
***
ﺍﺣﻤﺪ ﺗﻮﺟﻪ ﻟﻠﻤﺼﺤﻪ ﺑﺶ ﻳﺸﻮﻑ ﺍﻟﺤﺴﻦ ﻭﻫﻮ ﺭﺍﻛﺐ ﻗﺎﺑﻼﺗﻪ ﺍﻧﻌﺎﻡ ﺍﺑﺘﺴﻤﻠﻬﺎ ﻟﻜﻦ ﻫﻲ ﺗﺠﺎﻫﻠﺖ ﻭﻧﺰﻟﺖ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺍﺧﺘﻔﺖ ﺍﺑﺘﺴﻢ ﻭﻛﻤﻞ ﻃﺮﻳﻘﻪ .. ﻭﺻﻞ ﻓﻲ ﺍﻟﺤﺴﻦ ﺍﻟﻠﻲ ﻟﻘﺎﻩ ﻭﺍﻗﻒ ﻉ ﺟﻌﻔﺮ ﻭﻳﻬﺪﺭﺯﻭﺍ ...
ﺍﺣﻤﺪ : ﺍﻟﺴﻼﻡ ﻋﻠﻴﻜﻢ ..
ﺍﻟﺰﻭﺯ ﺭﺩﻭﺍ : ﻭﻋﻠﻴﻜﻢ ﺍﻟﺴﻼﻡ ...
ﺍﺣﻤﺪ : ﺷﻦ ﺣﺎﻝ ﺍﻟﻌﻴﻠﻪ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ : ﺍﻟﺤﻤﺪ ﻟﻠﻪ ﺑﺨﻴﺮ ... ﺷﺒﺢ ﻟﺠﻌﻔﺮ .. ﺍﺷﺮ ﺑﺈﻳﺪﻩ ﻧﺴﻴﺒﻲ ﺍﻟﺸﻴﺦ ﺟﻌﻔﺮ ﺍﻟﺤﺎﻓﻆ .. ﻋﻤﻲ ﻫﺬﺍ ﺍﻟﻌﻘﻴﺪ ﺍﺣﻤﺪ ﺍﻟﺘﻮﻣﻲ ﺯﻣﻴﻞ ﻭﻛﺎﻥ ﺣﺎﺿﺮ ﻣﻌﺎﻱ ﺍﻟﻠﻲ ﺻﺎﺭ ..
ﺳﻠﻢ ﻋﻠﻴﻪ ﺟﻌﻔﺮ ﻭﻗﺎﻝ : ﻣﺎﻗﺪﺭﺗﻮﺵ ﺗﻮﺻﻠﻮﺍ ﻓﻴﻬﻢ
ﺍﺣﻤﺪ : ﻭﺍﺣﺪ ﻓﻲ ﺍﻟﻤﺴﺘﺸﻔﻰ ﺍﻭﻝ ﻣﺎﻳﻔﻴﻖ ﺣﻨﺴﺘﺠﻮﺑﻮﻩ ﻭﺍﻟﺘﺎﻧﻲ ﻣﺎﺕ .. ﺑﺲ ﻉ ﺣﺴﺐ ﻣﺎﻋﺮﻓﺖ ﺍﻧﻲ ﻣﺎﺯﺍﻝ ﻓﻲ ﺯﻭﺯ ﺗﺎﻧﻴﻴﻦ .. ﻭﺍﻟﺒﺎﻳﻦ ﻟﻤﺎ ﻋﺮﻓﻮﺍ ﺑﻴﻨﺎ ﺟﻴﻨﺎ ﻫﺮﺑﻮﺍ ..
ﺟﻌﻔﺮ : ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ .. ﺍﻣﺎﻻ ﺧﻞ ﻧﺨﺶ ﻧﺸﻮﻑ ﺑﻨﺘﻲ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ... ﻭﺟﻌﻔﺮ ﺧﺶ ﻟﻌﻠﻴﺎ ..
ﺍﺣﻤﺪ : ﻣﻦ ﺑﺎﻋﺘﻬﻢ ﻭﺷﻦ ﻳﺒﻮﺍ ﻣﺎﺩﺍﻡ ﻣﺎﺧﺪﻭﺍ ﺷﻲ ﻣﻦ ﺣﺎﺟﺎﺕ ﺍﻟﺤﻮﺵ
ﺍﻟﺤﺴﻦ ﺑﺮﻓﻌﺔ ﺣﺎﺟﺐ ﻭﻧﻈﺮﺓ ﺣﺎﺩﻩ : ﻳﺒﻮﺍ ﻟﻠﺼﻐﺎﺭ
ﺍﺣﻤﺪ ﺿﻴﻖ ﻋﻴﻮﻧﻪ : ﺍﻟﺼﻐﺎﺭ !!..
ﺷﺒﺤﻠﻪ ﺍﻟﺤﺴﻦ ﻫﻠﺒﻪ ﺑﻌﺪﻳﻦ ﺧﺪﺍﻩ ﻣﻦ ﺫﺭﺍﻋﻪ : ﺗﻌﺎﻝ ﻧﻄﻠﻌﻮﺍ ﻣﻦ ﻫﻨﻲ ﻭﻧﺤﻜﻴﻠﻚ ..
ﺍﺣﻤﺪ ﻫﺰ ﺭﺍﺳﻪ ﺑﺈﻳﺠﺎﺏ ﻭﻃﻠﻌﻮﺍ ﺍﻟﺰﻭﺯ ...
***
ﻳﻌﻄﻴﻬﻢ ﻣﺎﻳﺴﺤﻘﻬﻢ ﺍﻟﺠﻴﻒ ..
ﺑﺮﻧﻴﻪ ﻭﺩﻣﻮﻋﻬﺎ ﻳﻨﺰﻟﻮﺍ : ﻟﺘﻮﺍ ﺍﻟﺮﻋﺸﻪ ﻓﻲ ﻋﻈﺎﻣﻲ ﻭﺯﺍﺩﺕ ﻣﻨﻴﻦ ﺳﻤﻌﺖ ﺑﻌﻠﻴﺎ ﺭﻣﺖ ..
ﺳﺎﺭﺓ : ﺣﺴﺒﻨﺎ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..
ﺍﻧﻌﺎﻡ ﺑﺤﺰﻥ : ﺍﻭﻝ ﻣﺮﺓ ﻧﺸﻮﻑ ﺍﻟﺪﻣﻮﻉ ﻓﻲ ﻋﻴﻮﻥ ﺍﻟﺤﺴﻦ ﺍﻧﻘﻬﺮ ﻣﺴﻜﻴﻦ ..
ﺳﺎﺭﺓ ﻭﺩﻣﻮﻋﻬﺎ ﻧﺰﻟﻮﺍ : ﻳﺎﺭﻭﺣﻲ ﻉ ﻭﺧﻴﻲ .. ﺑﺎﻩ ﻫﻲ ﻣﺶ ﺣﺎﺳﻪ ﺑﺮﻭﺣﻬﺎ ﺣﺎﻣﻞ ..
ﺍﻧﻌﺎﻡ : ﻟﻴﻪ 20 ﻳﻮﻡ ﻓﺒﻄﻨﻬﺎ ﻣﺴﻜﻴﻨﻪ ..
ﺑﺮﻧﻴﻪ : ﻋﻄﻴﻬﻢ ﻛﻴﻪ ﻭﺭﺯﻳﻪ ﻳﺎﺍﺍﺭﺏ ..
***
ﻓﻲ ﻧﻈﺮﻙ ﻣﻦ ﺍﻟﻠﻲ ﺩﺍﺭ ﻫﻜﻲ ..
ﺍﻟﺤﺴﻦ ﺗﻨﻬﺪ : ﻫﻲ ﻋﻨﺪﻫﺎ ﻫﻠﺒﻪ ﻧﺎﺱ ﻣﺘﺮﺻﺪﺗﻠﻬﺎ .. ﻣﺎﻧﻘﺪﺭﺵ ﻧﺤﺪﺩ ﻣﻦ ﺍﻟﻠﻲ ﺩﺍﺭ ﻫﻜﻲ ...
ﺍﺣﻤﺪ : ﺍﻗﺮﺏ ﺷﻲ ﺍﻟﻜﻮﺑﺮﺍ ..
ﺍﻟﺤﺴﻦ : ﻣﺶ ﻫﺬﺍ ﺍﺳﻠﻮﺑﻪ ﻛﺎﻥ ﻳﺒﻲ ﻳﺎﺧﺪ ﺍﻟﺼﻐﺎﺭ ﻳﻌﺮﻑ ﺍﻣﺘﻰ ﻭﻛﻴﻒ ﻳﺎﺧﺪﻫﻢ .. ﻫﺬﺍ ﻗﺪﺭ ﻳﺨﺶ ﻟﻠﺴﺠﻦ ﻭﻳﻘﺘﻞ ﻭﺍﺣﺪ ﻣﻦ ﺍﻟﻤﺴﺎﺟﻴﻦ ﺑﺮﻏﻢ ﺗﺸﺪﻳﺪ ﺍﻟﺤﺮﺍﺳﻪ .. ﻛﺬﻟﻚ ﺧﺶ ﻟﻠﻤﺴﺘﺸﻔﻰ ﺍﻟﺘﺎﺑﻌﻪ ﻟﻠﺸﺮﻃﻪ ﻭﺑﺮﻏﻢ ﺗﺸﺪﻳﺪ ﺍﻟﺤﺮﺍﺳﻪ ﻣﻊ ﺍﻻﺳﻒ ﻗﺘﻞ ﻣﺠﺮﻡ ﻣﺼﺎﺏ ﺩﺍﺧﻞ ﻭﺑﻬﺪﻭﺀ ...
ﺍﺣﻤﺪ : ﺍﻟﺴﺆﺍﻝ ﻫﻨﻲ ﻛﻴﻒ ﻋﺮﻓﻮﺍ ﺍﻥ ﺍﻟﺼﻐﺎﺭ ﻋﻨﺪﻙ ﺍﻧﺖ ...
ﺍﻟﺤﺴﻦ : ﻉ ﺍﻟﻐﺎﻟﺐ ﺗﻜﻮﻥ ﻧﻬﻠﻪ ﻗﺎﻟﺖ ﻷﺧﺘﻬﺎ ﻭﻣﻤﻜﻦ ﻓﻲ ﺣﺪ ﺩﺍﺭﻟﻬﺎ ﺯﻳﺎﺭﺓ ...
ﺍﺣﻤﺪ : ﺯﻳﺎﺭﺓ ﺍﻟﻜﻮﺑﺮﺍ ﻟﻨﻬﻠﻪ ..
ﺍﻟﺤﺴﻦ : ﻫﺬﺍ ﻣﺶ ﺍﺳﻠﻮﺏ ﺧﺎﺹ،ﻫﻠﺒﻪ ﻳﺘﺒﻌﻮﺍ ﻓﻴﻪ ...
ﺍﺣﻤﺪ : ﻋﺒﺪﺍﻟﻘﺪﻭﺱ ..
ﺍﻟﺤﺴﻦ : ﻭﺍﺭﺩ ﻣﻤﻜﻦ ﺳﻤﻊ ﺑﺈﻥ ﻧﻬﻠﻪ ﺍﺩﻭﺭ ﻭﺭﺍﻩ ﻭﻳﺒﻲ ﻳﻬﺪﺩﻫﺎ ..
ﺍﺣﻤﺪ ﻣﻂ ﺷﻮﺍﺭﺑﻪ ﺑﺘﺴﺎﺅﻝ : ﻣﻤﻜﻦ ...
***
ﻓﺎﺗﺖ ﺍﻟﺴﺎﻋﺎﺕ ... ﻭﻟﻴﻞ ﺍﻟﻠﻴﻞ 🌃
ﻫﺎﻟﻪ ﺭﺍﻗﺪﻩ ﺑﻌﻤﻖ ﻭﺣﺪﺍﻫﺎ ﺍﻧﻌﺎﻡ ﺍﻟﻠﻲ ﻣﺶ ﻗﺎﺩﺭﻩ ﺗﺮﻗﺪ ﻭﻫﻲ ﻛﻠﻬﺎ ﺧﻮﻑ ﻭﺍﻟﻠﻲ ﺻﺎﺭ ﻗﺎﻋﺪ ﺑﻴﻦ ﻋﻴﻮﻧﻬﺎ .. ﺧﻄﺮ ﻋﻠﻴﻬﺎ ﻫﻼﻝ ﻗﺎﻣﺖ ﺍﻳﺪﻫﺎ ﻭﻗﻌﺪﺕ ﺗﺘﺄﻣﻞ ﻓﻲ ﺧﺎﺗﻢ ﺍﻟﻠﻮﻟﻮ ﺍﺧﺮ ﺣﺎﺟﻪ ﻣﻦ ﻫﻼﻝ ﻗﻌﺪﺗﻠﻬﺎ ﻧﺰﻟﻮﺍ ﺩﻣﻮﻋﻬﺎ ﺑﺄﻟﻢ 💔...
ﻋﻠﻴﺎ ﺭﺍﻗﺪﻩ ﻭﺍﻟﺤﺴﻦ ﻣﻘﻌﻤﺰ ﻣﻘﺎﺑﻠﻬﺎ ﻭﻳﺘﺄﻣﻞ ﻓﻴﻬﺎ .. ﺑﻴﻦ ﻋﻴﻮﻧﻪ ﻛﻴﻒ ﻓﺪﺍﺗﻪ ﺑﺮﻭﺣﻬﺎ ﺑﺪﻭﻥ ﺗﺮﺩﺩ ﻭﻣﺎﻫﻤﻬﺎ ﺷﻲ .. ﻛﻴﻒ ﺣﻤﺖ ﺍﻟﺼﻐﺎﺭ ﻭﻣﺎﺣﺴﺘﺶ ﺑﻨﻔﺴﻬﺎ ﻭﻫﻲ ﺗﻔﻘﺪ ﻓﻲ ﺟﻨﻴﻨﻬﺎ .. ﻳﺘﺄﻣﻞ ﻓﻴﻬﺎ ﻭﻳﺘﺨﻴﻞ ﻟﻮﺻﺎﺭﺕ ﻓﻴﻬﺎ ﺣﺎﺟﻪ ﺷﻦ ﻣﻤﻜﻦ ﻳﺼﻴﺮ ﻓﻴﻪ ﻣﻦ ﺑﻌﺪﻫﺎ ..
ﺍﻟﺤﺴﻦ ﺑﻐﻀﺐ : ﻧﺤﺮﻕ ﺍﻷﺧﻀﺮ ﻭﺍﻟﻴﺎﺑﺲ ...
ﻋﻠﻴﺎ ﻓﺘﺤﺖ ﻋﻴﻮﻧﻬﺎ ﺑﺒﻂﺀ ﺷﺒﺤﺎﺗﻪ ﺍﺑﺘﺴﻤﺖ : ﺣﺒﻴﺒﻲ ..
ﺍﻟﺤﺴﻦ ﺗﻐﻴﺮﺕ ﻣﻼﻣﺢ ﻭﺟﻬﻪ ﻭﺧﺪﻱ ﺍﻳﺪﻫﺎ ﻭﺑﺎﺳﻬﺎ : ﺭﻭﺡ ﺣﺒﻴﺒﻚ ..
ﻋﻠﻴﺎ ﺍﺑﺘﺴﻤﺖ : ﻗﺪﺍﺵ ﻟﻴﻚ ﻭﺍﻧﺖ ﻣﻘﻌﻤﺰ ﻫﻜﻲ ...
ﺍﻟﺤﺴﻦ : ﻣﺶ ﻣﻬﻢ ﺧﻠﻴﻚ ﻣﻨﻲ .. ﺍﻧﺘﻲ ﺷﻦ ﺗﺤﺴﻲ ﺗﻮﺍ ...
ﻋﻠﻴﺎ ﻫﺰﺕ ﺭﺍﺳﻬﺎ ﺑﺈﻳﺠﺎﺏ : ﻛﻮﻳﺴﻪ ... ﺍﻟﺤﻤﺪ ﻟﻠﻪ .. ﻟﻔﺖ ﺑﻌﻴﻮﻧﻬﺎ ﻓﻲ ﺍﻟﺪﺍﺭ ... ﻭﻳﻦ ﺑﺘﺮﻗﺪ ..
ﺍﻟﺤﺴﻦ ﺍﺑﺘﺴﻢ : ﻣﺘﻌﻮﺩ ﻧﺮﻗﺪ ﻉ ﺍﻟﻜﺮﺳﻲ ﻣﺎﺗﺸﻐﻠﻴﺶ ﺑﺎﻟﻚ ..
ﻋﻠﻴﺎ ﻗﻌﺪﺕ ﺗﺸﺒﺤﻠﻪ ﻫﻠﺒﻪ ﺑﻌﺪﻳﻦ : ﺗﻌﺎﻟﻰ ﺍﺭﻗﺪ ﺟﻨﺒﻲ ..
ﺍﻟﺤﺴﻦ ﺑﻀﺤﻜﻪ ﺍﺷﺮ ﻉ ﺍﻟﺴﺮﻳﺮ : ﻫﺬﺍ ﺑﻴﺴﺪﻧﺎ
ﻋﻠﻴﺎ ﺑﻀﺤﻜﻪ : ﺍﻳﻪ ﻳﺴﺪﻧﺎ ﺍﻧﺖ ﺍﻟﻠﻲ ﺗﻌﺮﻑ ﻛﻴﻒ ..
ﺍﻟﺤﺴﻦ ﺷﺒﺤﻠﻬﺎ ﻭﺍﺑﺘﺴﻢ ﻭﻫﻲ ﻭﺳﻌﺘﻠﻪ ﺑﺮﻏﻢ ﺍﻧﻬﺎ ﺗﻮﺟﻌﺖ ﺑﺲ ﻗﺎﻭﻣﺖ ..
ﺍﻟﺤﺴﻦ ﻧﺎﺽ : ﺑﺸﻮﻱ ﺑﺸﻮﻱ ... ﺗﻤﺪﺩ ﺟﻨﺒﻬﺎ ﺷﺒﺤﻠﻬﺎ ... ﻧﻄﻠﺐ ﻣﻦ ﻃﻠﺐ ..
ﻋﻠﻴﺎ ﺑﻀﺤﻜﻪ : ﺷﻨﻮ ..
ﺍﻟﺤﺴﻦ ﻳﺸﺒﺢ ﻟﻌﻴﻮﻧﻬﺎ : ﻧﺒﻲ ﻧﺮﻗﺪ ﻓﻲ ﺣﻀﻨﻚ ..
ﻋﻠﻴﺎ ﺷﺒﺤﺖ ﻟﻌﻴﻮﻧﻪ ﺑﻌﺪﻳﻦ ﻓﺘﺤﺖ ﺍﻳﺪﻳﻬﺎ ... ﻭﺍﺑﺘﺴﻤﺖ ﻫﻮ ﺧﺶ ﻓﻲ ﺣﻀﻨﻬﺎ ﻭﻫﻲ ﺣﺎﻭﻃﺘﻪ ﺑﺈﻳﺪﻳﻬﺎ ...
ﺍﻟﺤﺴﻦ : ﺍﻧﺘﻲ ﻛﻞ ﺷﻲ ﻋﻨﺪﻱ ﻳﺎﻋﻠﻴﺎ ﺭﺩﻱ ﺑﺎﻟﻚ ﺍﺩﻳﺮﻳﻬﺎ ﻣﺮﺓ ﺗﺎﻧﻴﻪ ﻭﺗﻌﻴﺸﻴﻨﻲ ﺍﻟﺸﻌﻮﺭ ﺍﻟﺒﺸﻊ ﺍﻟﻠﻲ ﻋﺸﺘﻪ ﺍﻟﻴﻮﻡ ..
ﻋﻠﻴﺎ : ﻭﺗﺒﻴﻨﻲ ﺍﻧﻲ ﻧﻌﻴﺸﻪ !! ﺭﻩ ﻋﺸﺘﻪ ﻗﺒﻞ ﻭﻗﺘﻠﻨﻲ ﺍﻟﻒ ﻣﺮﺓ ..
ﺍﻟﺤﺴﻦ : ﺩﺍﻣﻚ ﻣﺠﺮﺑﺘﻴﻪ ﻋﻼﺵ ﺗﺒﻴﻨﻲ ﻧﻌﻴﺸﻪ ..
ﻋﻠﻴﺎ ﺣﻀﻨﺎﺗﻪ ﺑﻘﻮﺓ ﻭﻣﺶ ﻣﻬﺘﻤﻪ ﻟﻸﻟﻢ ﻭﻫﻮ ﻏﻤﺾ ﻋﻴﻮﻧﻪ ﻭﻣﺎﻛﺎﻧﺶ ﻳﺒﻲ ﻳﺸﺪ ﻋﻠﻴﻬﺎ ﺑﺶ ﻣﺎﻳﻮﺟﻌﻬﺎﺵ .. ﺷﻮﻳﻪ ﻭﻗﻌﺪﺕ ﺗﻤﺸﻲ ﻉ ﺷﻌﺮﻩ ﻟﻴﻦ ﻫﻮ ﺭﺍﺡ ﻓﻲ ﺍﻟﻨﻮﻡ ﻭﻫﻲ ﺷﻮﻳﻪ ﻭﺭﻗﺪﺕ ﻣﻦ ﺟﺪﻳﺪ ..
***
ﺗﺎﻧﻲ ﻳﻮﻡ
ﺍﻟﺴﺎﻋﻪ 7:45 ﺻﺒﺎﺣﺎ ..
ﺍﻣﻴﺮﻩ : ﻭﺍﺍﻙ ﻳﺎﺭﺑﻲ ﺑﻄﻨﻲ ...
ﺳﻠﻮﻯ : ﺯﻳﻚ ﻉ ﺻﺒﺎﺣﺎﺕ ﺭﺑﻲ ﺍﺧﺘﺒﺎﺭ ...
ﺍﻣﻴﺮﺓ : ﻳﺠﻮﺍ ﻓﻲ ﺍﺧﺮ ﺍﻟﺴﻨﻪ ﻳﺪﻳﺮﻭﻫﻢ ﻛﻠﻬﻢ ﻓﻲ ﺟﺮﺓ ﺑﻌﺾ ...
ﺳﻠﻮﻯ : ﺳﺤﻴﻘﻪ ... ﻣﻴﺮﻭ ﺧﻞ ﺑﻨﺨﺶ ﻧﺎﺧﺪ ﺣﺎﺟﻪ ﻧﺎﻛﻠﻬﺎ ﺗﺨﺸﻲ ..
ﺍﻣﻴﺮﻩ : ﻓﻜﻴﻨﺎ ﻣﻨﻪ ﺭﺯﻳﻦ ﺍﻟﺪﻡ ﺍﻟﻠﻲ ﺩﺍﺧﻞ ﺗﻌﺮﻓﻲ ﺍﻧﺘﻲ ..
ﺳﻠﻮﻯ ﺑﻀﺤﻜﻪ : ﺑﺎﻩ .. ﻭﻣﺸﺖ ﺧﺸﺖ ﻟﻠﻤﺤﻞ ..
ﺍﻣﻴﺮﺓ ﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻓﻲ ﺍﻟﻤﻜﺎﻥ ﺍﺛﺎﻭﺑﺖ ﺍﻧﻔﺘﺢ ﺧﻼﻝ ﺍﻟﻮﺷﺎﺡ : ﻭﻭﻭﻭﻙ ﺻﺒﺢ ﺑﺎﻳﻦ ﻣﻦ ﺍﻭﻟﻪ .. ﺷﺒﺤﺖ ﻗﺪﺍﻣﻬﺎ ﻟﻘﺖ ﺳﻴﺎﺭﺓ ﺻﻐﻴﺮﻩ ﻣﻈﻠﻤﻪ ... ﻣﺸﺘﻠﻬﺎ ﻃﻮﻝ .. ﺗﺸﺒﺢ ﻫﻨﻲ ﻭﻫﻨﻲ .. ﺍﻳﺎﺍﻩ ﺗﻮﺍ ﺍﻭﻝ ﺍﻟﺼﺒﺢ ﻣﺎﻫﻨﺎﻙ ﺣﺪ .. ﻓﺘﺤﺖ ﺍﻟﻮﺷﺎﺡ ﻭﺑﺪﺕ ﺗﺴﺎﻭﻱ ﻓﻴﻪ .. ﻉ ﺍﻟﺠﻴﻬﺔ ﺗﺎﻧﻴﻪ ﻣﻦ ﻣﺮﺵ ﺍﻟﺴﻴﺎﺭﺓ .. ﻛﺎﻥ ﻣﻘﻌﻤﺰ ﻭﺣﺎﻁ ﺍﻳﺪﻩ ﺗﺤﺖ ﺫﻗﻨﻪ ﻭﻣﺘﻜﻲ ﺑﻴﻬﺎ ﻉ ﻳﺪ ﺍﻟﺒﺎﺏ ﻭﻳﺘﺎﻣﻞ ﻓﻴﻬﺎ ...
ﺍﻣﻴﺮﻩ ﺑﻌﺪ ﻛﻤﻠﺖ ﺍﺑﺘﺴﻤﺖ : ﺗﻬﺒﻠﻲ ﻳﺎﻣﻴﺮﻭ ﻋﺴﻞ .. ﺍﻣﻮﻭﻭﻭﺍﻩ .. ﻭﻟﻔﺖ ﻣﺸﺖ ...
ﻫﻮ ﻓﺎﺗﺢ ﻋﻴﻮﻧﻪ ﻉ ﻭﺳﻌﻬﻢ ﻭﻗﻠﺒﻪ ﻳﺪﻕ ﻳﺪﻕ ﻳﺪﻕ ﻳﺪﻕ ﻳﺪﻕ ﻳﺪﻕ...💓💓💓💓💓💓 ﺑﻌﺪﻳﻦ ﺣﻂ ﺍﻳﺪﻩ ﻉ ﺟﺒﻬﺘﻪ ﻭﻗﻌﺪ ﻳﺤﻚ ﻓﻴﻬﺎ ﺑﺮﻭﺱ ﺻﻮﺍﺑﻌﻪ ﻭﻳﻀﺤﻚ .. ﺭﺟﻊ ﻳﺸﻮﻓﻠﻬﺎ ﻟﻘﺎﻫﺎ ﻭﺍﻗﻔﻪ ﻗﺪﺍﻡ ﻣﺤﻞ ﺍﻟﻮﺭﺩ ﻭﺗﺘﺄﻣﻞ ﻓﻴﻪ ..
ﺍﻣﻴﺮﺓ ﺑﺈﺑﺘﺴﺎﻣﻪ : ﻛﺎﻥ ﻳﻮﻡ ﺣﻠﻮ ﺑﺮﻏﻢ ﺍﻧﻲ ﺧﻔﺖ ﻣﻨﻪ ﻳﻮﻣﻬﺎ .. ﻏﻴﺮ ﻛﺎﻥ ﻧﻌﺮﻑ ﺍﻟﺨﺎﺗﻢ ﺍﻟﻠﻲ ﻻﺑﺴﻪ ﺷﻨﻬﻮ ﺍﻟﺤﻴﻮﺍﻥ ﺍﻟﻤﺮﺳﻮﻡ ﻋﻠﻴﻪ ..
ﺟﺘﻬﺎ ﺳﻠﻮﻯ : ﻫﻴﺎ ﻳﺎﺳﻤﺤﻪ ..
ﺍﻣﻴﺮﺓ ﺍﻟﺘﻔﺘﺖ : ﻫﻴﺎ ..
ﺳﻠﻮﻯ : ﺧﻮﺩﻱ ﺟﺒﺘﻠﻚ ﻛﻴﻨﺪﺭ ..
ﺍﻣﻴﺮﺓ ﺑﻔﺮﺣﻪ : ﺍﺣﻠﻰ ﺳﻮﺳﻮ .. ﺍﻟﺰﻭﺯ ﺍﻟﺘﻔﺘﻮﺍ ﻟﻤﺎ ﺳﻤﻌﻮﺍ ﺻﻮﺕ ﻭﻟﺪ ﺻﻐﻴﺮ ﻳﻌﻴﻂ ﻭﺍﻣﻪ ﺗﻌﺎﻓﺮ ﻓﻴﻪ ﺗﺒﻴﻪ ﻳﺨﺶ ﻟﻠﻤﺪﺭﺳﻪ ..
ﺳﻠﻮﻯ : ﺑﻜﻞ ﺍﻟﻨﻔﺦ ﻳﺪﻳﺮﻭﺍ ﻓﻲ ﺍﻭﻟﻰ ﺍﺑﺘﺪﺍﺋﻲ ﺻﺒﺢ ﻋﻼﺵ ..
ﺍﻣﻴﺮﺓ ﻣﺮﻛﺰﺓ ﻣﻌﺎﻫﻢ ..
ﺍﻟﻤﺮﺍﺓ : ﺗﺮﺑﺢ ﻳﺎﻣﺎﻣﺎ ﺧﺶ ﻋﻄﻠﺖ ﻉ ﺍﻟﺨﺪﻣﻪ ..
ﻗﺪﻣﺖ ﺍﻣﻴﺮﻩ ﻭﺑﻀﺤﻜﻪ : ﺍﻟﻴﻮﻡ ﺍﻟﻤﺪﺭﺳﻪ ﻗﺮﺭﺕ ﺗﻌﻄﻲ ﻟﻠﺼﻐﺎﺭ ﻟﻤﺎ ﻳﺠﻮﺍ ﺷﻜﻼﻃﻪ ..
ﺍﻟﻮﻟﺪ ﺷﺒﺤﻠﻬﺎ ... ﻭﻫﻲ ﺗﻮﺭﻳﻠﻪ ﻑ ﺍﻟﺸﻜﻼﻃﻪ ﻭﻟﺤﺴﻦ ﺍﻟﺤﻆ ﻃﻠﻊ ﺍﻟﻨﻮﻉ ﺍﻟﻤﻔﻀﻞ ﻋﻨﺪﻩ ..
ﺍﻣﻴﺮﻩ : ﻟﻜﻦ ﻣﺶ ﻟﻠﺒﻜﺎﻳﻴﻦ .. ﻟﻠﺸﺠﻌﺎﻥ ﻭﺍﻟﺸﺎﻃﺮﻳﻦ ... ﺍﻟﻮﻟﺪ ﺷﺒﺢ ﻷﻣﻪ ﺍﻟﻠﻲ ﻛﺎﻧﺖ ﺗﺸﺒﺢ ﻷﻣﻴﺮﻩ ﺑﺈﺑﺘﺴﺎﻣﻪ .. ﻭﺷﺒﺢ ﻻﻣﻴﺮﻩ .. ﻗﻌﺪ ﻳﻤﺴﺢ ﻓﻲ ﺩﻣﻮﻋﻪ ..
ﺍﻟﻮﻟﺪ : ﺑﺮﻱ ﻣﺎﻣﺎ ..
ﺿﺤﻜﺖ ﺍﻣﻴﺮﻩ ﻭﻗﺪﻣﺘﻠﻪ : ﺣﻴﻴﻲ ﻃﻠﻌﺖ ﺷﺠﺎﻉ ﻭﺷﻄﻮﺭ .. ﺧﻮﺩﻫﺎ ﻫﻲ .. ﺧﺪﻱ ﺍﻟﺸﻜﻼﻃﻪ ﺑﻔﺮﺣﻪ ﻭﺧﺶ ﺑﻴﻬﺎ ..
ﺍﻷﻡ ﺍﺑﺘﺴﻤﺖ ﻷﻣﻴﺮﻩ : ﺑﺎﺭﻙ ﺍﻟﻠﻪ ﻓﻴﻚ ..
ﺍﻣﻴﺮﺓ ﺑﺈﺑﺘﺴﺎﻣﻪ : ﻭﻓﻴﻚ ﺑﺎﺭﻙ ﺍﻟﻠﻪ .. ﻣﺸﺖ ﺍﻟﻤﺮﺍﺓ .. ﻭﺍﻣﻴﺮﺓ ﺧﺸﺖ ﻫﻲ ﻭﺳﻠﻮﻯ ..
ﺳﻠﻮﻯ : ﺳﻌﺪﻭﺩﻙ ﺗﻌﺮﻓﻲ ﺗﺘﻌﺎﻣﻠﻲ ﻣﻌﺎﻫﻢ .. ﺍﻧﻲ ﻧﻠﻌﺐ ﻋﻠﻴﻬﻢ ﺻﺢ ﻟﻜﻦ ﻣﺠﺮﺩ ﻳﻌﻴﻄﻮﺍ ﻧﻔﻮﺗﻬﻢ ﻃﻮﻝ ..
ﺍﻣﻴﺮﺓ : ﻫﻬﻬﻬﻬﻬﻬﻬﻬﻬﻪ ...
ﻧﺮﺟﻌﻮﺍ ﻟﻠﺴﻴﺎﺭﺓ ﺍﻟﺴﻮﺩﺍ ﺍﻟﻠﻲ ﻛﺎﻥ ﻫﻮ ﻳﺘﺄﻣﻞ ﻣﻦ ﺭﻭﺷﻨﻬﺎ ﺍﻟﻤﻌﺘﻢ ﻓﻴﻬﺎ .. ﻓﻲ ﺟﻤﺎﻟﻬﺎ .. ﻓﻲ ﺑﺮﺍﺋﺘﻬﺎ .. ﻓﻲ ﺣﻼﻭﺓ ﻗﻠﺒﻬﺎ ... ﻳﺸﺒﺢ ﻭﺍﻟﺪﻣﻌﻪ ﻉ ﻃﺮﻑ ﻋﻴﻨﻪ ...
" ﺍﻟﺤﺐ ﻟﻤﺎ ﺧﺶ ﻗﻠﺐ ﺍﻟﺤﺴﻦ ﺗﻮﻗﻌﺖ ﺍﻧﻪ ﻳﻐﻴﺮﻩ ﺑﺮﻏﻢ ﺍﻥ ﺍﻟﻜﻞ ﻛﺎﻥ ﻳﻘﻮﻝ ﻣﺴﺘﺤﻴﻞ ﺍﻟﺤﺴﻦ ﻳﺘﻐﻴﺮ .. ﻛﻨﺖ ﻧﺸﻮﻑ ﻋﻠﻴﻪ ﻓﻲ ﺍﺛﺮ ﺍﻟﺤﺐ .. ﺣﺴﺪﺗﻪ ﻫﻠﺒﻪ ﻫﻠﺒﻪ ... ﻋﻨﺪﻩ ﺣﺮﻳﻪ ﻟﻸﺧﺘﻴﺎﺭ ﻋﻨﺪﻩ ﺣﺮﻳﻪ ﻳﻌﻴﺶ ﺣﻴﺎﺓ ﻃﺒﻴﻌﻴﻪ ﺯﻱ ﺑﺎﻗﻲ ﺍﻟﻨﺎﺱ ﻋﻜﺴﻲ ﺗﻤﺎﻣﺎ ﺍﻟﻠﻲ ﻛﻨﺖ ﻧﻬﺮﺏ ﻣﻨﻪ ﻭﻫﻮ ﻳﻠﺤﻖ ﻓﻴﺎ ... ﻭﺍﻧﻲ ﻧﻬﺮﺏ ﻟﻴﻦ ﺍﺻﻄﺪﻣﺖ ﺑﻴﻪ ﻗﺪﺍﻣﻲ ... ﺍﺟﺒﺮﻧﻲ ﺍﻟﻘﺪﺭ ﺍﺟﺒﺎﺭ ... ﺑﺲ ﺑﺮﻏﻢ ﻛﻞ ﺷﻲ ﺑﺮﻏﻢ ﻋﺬﺍﺏ ﺍﻟﺸﻮﻕ ﻭﺍﻟﺒﻌﺪ ﻭﺍﻟﺤﻴﺮﻩ ﻛﻠﻪ ﻓﻲ ﺍﻟﺤﺐ ﻃﻌﻤﻪ ﺣﻠﻮ ... ﺑﺲ ﺻﻌﺐ ﻫﻠﺒﻪ ﻣﺶ ﺯﻱ ﻟﻤﺎ ﺗﺤﺐ ﺣﺪ ﺗﻘﺪﺭ ﺗﻮﺻﻞ ﻓﻴﻪ ﺯﻱ ﻟﻤﺎ ﺗﺤﺐ ﺣﺪ ﺍﺑﻌﺪ ﻧﺠﻤﻪ ﻣﻦ ﻧﺠﻮﻡ ﺍﻟﺴﻤﻲ ﻋﻦ ﺍﻷﺭﺽ ﺃﻗﺮﺑﻠﻚ ﻣﻨﻪ "💔
🎶 ﺗﻨﺎﺩﻳﻚ ﺭﻏﺒﺔ ﺍﻟﻤﻘﺎﺑﻴﻞ ﻣﻦ ﺍﻷﺭﺽ ﻭﺍﻧﺘﻲ ﺑﺎﻟﻤﺠﺮﺓ
ﺗﻬﺎﺩﻱ ﻉ ﻏﺼﻦ ﻣﻦ ﺍﻟﻠﻴﻞ ﻭﺗﻤﺎﺩﻱ ﻉ ﺍﻟﻘﻠﺐ ﻭﻣﻘﺮﻩ
ﺗﺮﻯ ﻛﻞ ﻫﺎﻟﺪﻧﻴﺎ ﺗﺴﺎﻫﻴﻞ ﻣﺎﺩﺍﻡ ﺇﻧﻨﺎ ﺑﻨﻌﻴﺶ ﻣﺮﺓ
ﺗﻠﺪﻳﻦ ﻭﺗﺰﻳﻦ ﺍﻟﺘﻌﺎﻟﻴﻞ ﺗﺼﺪﻳﻦ ﻭﺗﺼﺪ ﺍﻟﻤﺴﺮﺓ
ﻭﺃﻧﺎﺩﻳﻚ ﻭﺩﻣﻮﻋﻲ ﻫﻤﺎﻟﻴﻞ ﻭﻓﺎﻟﺼﺪﺭ ﺗﻨﻬﻴﺪﻩ ﻭﺣﺮﺓ
ﺍﺣﺒﻚ ﻭﻣﺎﻟﻠﺤﺐ ﺗﺄﻭﻳﻞ ﻭﻻﺷﻔﺖ ﻣﻨﻚ ﺇﻻ ﺍﻟﻤﻀﺮﺓ ..
🍀 ﻓﻲ ﻣﻜﺎﻥ ﺗﺎﻧﻲ ﻛﺎﻥ ﺍﻟﺤﺴﻦ ﻧﺎﻋﻢ ﺑﻨﻮﻣﻪ ﻫﻨﻴﻪ ﻓﻲ ﺣﻀﻦ ﻋﺸﻘﻪ ﺯﻭﺟﺘﻪ ﻭﺣﺒﻴﺒﺘﻪ ﻭﻛﻞ ﺷﻲ ﻟﻴﻪ ﺯﻱ ﻣﺎﻳﻘﻮﻝ ﻭﻫﻲ ﺭﺍﻗﺪﺓ ﺑﺮﺍﺣﻪ . ﺍﻟﺰﻭﺯ ﻳﺘﻤﻨﻮﺍ ﻟﻮ ﺍﻟﻠﻲ ﻫﻤﺎ ﻓﻴﻪ ﻳﺴﺘﻤﺮ ﻷﺧﺮ ﺍﻟﻌﻤﺮ 💓
🎶 ﻭﺗﻤﻮﻧﻴﻦ ﻳﺎﺭﻳﻢ ﺍﻟﻤﻜﺎﺣﻴﻞ ﻉ ﺍﻟﻘﻠﺐ ﻓﺨﻴﺮﻩ ﻭﻓﺸﺮﻩ
ﺇﺫﺍ ﺟﻴﺘﻲ ﺍﺳﺘﺎﻫﻠﻚ ﺑﺎﻟﺤﻴﻞ ﻭﺇﺫﺍ ﻛﺎﻥ ﻣﺎﺗﺒﻐﻴﻦ ﺣﺮﺓ
ﻓﺪﻳﺖ ﺍﻟﻮﺳﻴﻌﺎﺕ ﺍﻟﻤﻈﺎﻟﻴﻞ ﺭﻣﺎﺡ ﺍﻟﻬﻼﻙ ﺍﻟﻤﺴﺘﺸﺮﺓ
ﻭﺧﻄﻮﺍﺗﻚ ﺍﻟﻠﻲ ﺑﺎﻟﺨﻼﺧﻴﻞ ﻟﻬﺎ ﻓﻲ ﺍﻟﺼﺪﺭ ﻭﻓﻲ ﺍﻟﻘﻠﺐ ﺟﺮﺓ
ﻭﺳﻮﺍﻟﻴﻔﻚ ﺑﻜﻞ ﺍﻟﺘﻔﺎﺻﻴﻞ ﻭﺻﻮﺗﻚ ﺑﻬﺎ ﻟﻠﻪ ﺩﺭﻩ
ﺃﺑﻲ ﻣﻨﻚ ﻻﻳﻨﻬﺪﻟﻲ ﺣﻴﻞ ﻉ ﺷﻲ ﻣﺎﻳﺴﻮﻯ ﺍﻟﻤﺒﺮﺓ ...
ﺳﺮﻣﺪ ﺗﻨﻬﺪ ﺑﺤﺮﻗﻪ : ﺗﺤﺮﻙ ...
ﺍﻟﺴﻮﺍﻕ ﻭﻟﻊ ﺍﻟﺴﻴﺎﺭﺓ ﻭﺗﺤﺮﻙ ﻃﻮﻝ ....
***
📅 ﻓﺎﺗﻮﺍ ﻛﻢ ﻳﻮﻡ ..
ﻃﻠﻌﻮﺍ ﻓﻴﻬﻢ ﻋﻠﻴﺎ ﻭﻫﺎﻟﻪ ﻣﻦ ﺍﻟﻤﺴﺘﺸﻔﻰ ﻭﺻﺤﺘﻬﻢ ﺍﺣﺴﻦ .. ﺣﺴﺎﻥ ﻟﻤﺎ ﺭﻭﺡ ﻫﻮ ﻭﻣﺮﻋﻲ ﻭﺳﻤﻊ ﺑﺎﻟﻠﻲ ﺻﺎﺭ ﻗﺮﻳﺐ ﻫﺒﻞ ... ﻭﻗﻌﺪ ﺣﺎﺿﻦ ﻫﺎﻟﻪ ﻟﻴﻠﻪ ﻛﺎﻣﻠﻪ ﻣﻦ ﺧﻮﻓﻪ ﻋﻠﻴﻬﺎ .. ﺍﻣﺎ ﻣﺮﻋﻲ ﻓﻄﺎﺭﺗﻠﻪ ﻫﻠﺒﻪ ﻟﻜﻦ ﺣﻤﺪ ﺭﺑﻲ ﺍﻥ ﺳﺎﺭﺓ ﻛﺎﻧﺖ ﻓﻲ ﺣﻮﺵ ﺃﻫﻠﻬﺎ ﻳﻮﻣﻬﺎ ...
ﻧﻬﻠﻪ ﺧﺪﺕ ﺻﻐﺎﺭﻫﺎ ﺑﻌﺪ ﺳﻤﻌﺖ ﺑﺎﻟﻠﻲ ﺻﺎﺭ ﻭﺑﻤﺴﺎﻋﺪﺓ ﺍﻟﺤﺴﻦ ﻫﺮﺑﻮﻫﻢ ﻉ ﺍﻟﺤﺪﻭﺩ ﻟﺘﻮﻧﺲ ... ﻭﻣﻨﻬﺎ ﻟﻜﻨﺪﺍ ﻋﻨﺪ ﺧﻮ ﻧﻬﻠﻪ .. ﻓﻘﺪﺕ ﻋﻠﻴﺎ ﺍﻟﺼﻐﺎﺭ ﻫﻠﺒﻪ ﻭﻛﺎﻧﺖ ﺗﺒﻜﻲ ﻉ ﻏﻴﺎﺑﻬﻢ ﺑﺲ ﺑﺪﻭﻥ ﻣﺎﺗﺒﻴﻦ ﻟﻠﺤﺴﻦ ﺷﻲ ﺍﻟﻠﻲ ﻛﺎﻥ ﻣﺸﻐﻮﻝ ﺑﺎﻟﻌﻤﻠﻴﻪ ﻣﺘﺎﻉ 3\29 ﻭﻛﺎﻥ ﺷﺒﻪ ﻏﺎﻳﺐ ﻉ ﺍﻟﺤﻮﺵ ... ﺍﻟﺤﻮﺵ ﺍﻟﻠﻲ ﺣﻄﻮﻟﻪ ﺣﺮﺍﺳﻪ ...
ﺑﻼﻝ ﻭﺍﺑﺘﺴﺎﻡ ﻗﺎﻋﺪﻳﻦ ﻳﺮﺍﻗﺒﻮﺍ ﻓﻲ ﺍﻟﺒﻲ ﻭﺍﻟﻠﻲ ﻳﺼﻴﺮ ﻳﺒﻠﻐﻮﺍ ﺑﻴﻪ ﺍﻟﺤﺴﻦ ﻃﻮﻝ ... ﻃﻠﺐ ﻣﻨﻬﻢ ﻳﺤﻄﻮﺍ ﺟﻬﺎﺯ ﺗﻨﺼﺖ ﻓﻲ ﻣﻜﺘﺐ ﺍﻟﺒﻲ ﻭﻋﺜﻤﺎﻥ ﻭﻣﻨﺼﻒ .. ﻭﻃﺒﻌﺎ ﺑﻼﻝ ﻗﺎﻡ ﺑﺎﻟﻤﻬﻤﻪ ﻉ ﺍﻛﻤﻞ ﻭﺟﻪ ﺑﻤﺴﺎﻋﺪﻩ ﺍﺑﺘﺴﺎﻡ ﻃﺒﻌﺎ .... ﻭﻋﺮﻓﻮﺍ ﻛﻮﺍﺭﺙ ﻻﺣﺼﺮ ﻟﻬﺎ .. ﺧﻠﺖ ﺍﺑﺘﺴﺎﻡ ﺗﺰﻳﺪ ﺗﺘﺄﻛﺪ ﺃﻥ ﺍﻟﻠﻲ ﺩﻳﺮ ﻓﻴﻪ ﺻﺢ ...
ﻳﻮﻡ 3\28 ﻛﺎﻥ ﺗﻠﺒﻴﺴﺔ ﺟﻨﺎﻥ ﻭﺍﻟﻔﻬﺪ .. ﺍﻟﻔﻬﺪ ﺍﻟﻠﻲ ﻟﻤﺎ ﺷﺎﻓﻬﺎ ﻭﻫﻮ ﻳﻠﺒﺲ ﻓﻴﻬﺎ ﺍﻟﺪﺑﻠﻪ ﺗﻤﻨﻰ ﻟﻮ ﻳﻘﺮﺍ ﺍﻟﻔﺎﺗﺤﻪ ﻭﻗﺘﻲ .. ﻭﺟﻨﺎﻥ ﻛﺎﻧﺖ ﺍﺳﻌﺪ ﺇﻧﺴﺎﻧﻪ ﻓﻲ ﺍﻟﺪﻧﻴﺎ ﻟﻴﻠﺘﻬﺎ .. ﻗﻌﺪﺕ ﺗﻬﺪﺭﺯ ﻣﻊ ﺍﻟﻔﻬﺪ ﻟﻠﻔﺠﺮ ﻭﻫﻤﺎ ﻋﺎﻳﺸﻴﻦ ﺍﻟﺤﺐ ﻭﻳﺨﻄﻄﻮﺍ ﻟﺤﻴﺎﺗﻬﻢ ﻭﻣﺴﺘﻘﺒﻠﻬﻢ ﻣﻊ ﺑﻌﺾ ...
ﺍﻟﻴﻮﻡ ﺍﻟﻠﻲ ﺑﻌﺪﻩ ..
ﺍﻟﻴﻮﻡ ﺍﻟﻤﻮﻋﻮﺩ ....3\29
.... ﻳﺘﺒﻊ
