#الحسن (الوطن عشق رجاله )
ﺍﻟﺠﺰﺀ ﺍﻟﺜﺎﻣﻦ ﻭﺍﻟﺨﻤﺴﻴﻦ 💮
للكاتبة GomanFared
ﻛﺎﻧﺖ ﻏﺎﻓﻴﻪ ﻉ ﺍﻟﺼﺎﻟﻮﻥ ﺑﻌﺪ ﻗﺮﺍﻳﻪ ﺍﺳﺘﻤﺮﺕ ﻟﻠﻔﺠﺮ .. ﻧﺎﺿﺖ ﻣﻔﺰﻭﻋﻪ ﻉ ﺻﻮﺕ ﺭﻧﻪ ﺗﻠﻴﻔﻮﻧﻬﺎ .. ﻟﻘﺎﺗﻪ ﻉ ﺍﻟﻄﺎﻭﻟﻪ .. ﺧﺪﺍﺗﻪ ﻭﺍﻟﻨﻮﻡ ﻗﺎﻋﺪ ﻓﻲ ﻋﻴﻮﻧﻬﺎ ﻭﺭﺩﺕ ...
ﻋﻠﻴﺎ : ﻫﺎﺍﻩ ﻧﺮﺟﻮﺳﻪ ...
ﺍﻟﺤﺴﻦ ﻛﻴﻒ ﺧﺶ ﻟﻠﺤﻮﺵ ﻛﺎﻥ ﺳﺎﻫﺮ ﻓﻲ ﺍﻟﻤﺮﻛﺰ ﻭﻻ ﻟﻠﺤﻮﺵ ﺑﻴﺪﻭﺵ ﻭﻳﺒﺪﻝ ﻭﻳﻮﻟﻲ .. ﻭﻫﻮ ﺭﺍﻛﺐ ﻓﻲ ﺍﻟﺪﺭﻭﺝ ...
" ﻻﺍﺍﺍﺍﺍﻳﺎﺍﺍﺍﺍﺍﺭﺑﻲ ﻻﺍﺍﺍﺍ .."
ﺭﻛﺐ ﺟﺮﻱ ﺑﻴﻔﺘﺢ ﺍﻟﺒﺎﺏ ﻭﻫﻮ ﻣﺮﺗﺒﻚ ﻣﻦ ﺧﻮﻓﻪ ﻋﻠﻴﻬﺎ ﻓﺘﺤﺖ ﻫﺎﻟﻪ ﺑﺎﺏ ﺷﻘﺘﻬﺎ ﻭﻫﻲ ﻣﺨﻠﻮﻋﻪ : ﺷﻦ ﻓﻲ ...
ﺍﻟﺤﺴﻦ ﻓﺘﺢ ﺍﻟﺒﺎﺏ ﻭﺧﺶ ﻟﻘﺎﻫﺎ ﺣﺎﻃﻪ ﺍﻳﺪﻫﺎ ﻉ ﺻﺪﺭﻫﺎ ﻭﺗﺒﻜﻲ ﺑﺎﻟﻌﺒﺮﻩ ...
ﻋﻠﻴﺎ ﺑﺒﻜﻲ : ﺁﺍﺍﺍﺍﺍﺍﻩ ﻳﺎﺻﺎﺍﺍﺍﺣﺒﺘﻲ ﻳﺎﺭﻓﻴﻴﻴﻘﻪ ﻋﻤﺮﻱ
ﺍﻟﺤﺴﻦ ﺟﺎﻫﺎ ﻭﻗﻌﻤﺰ ﻉ ﺭﻭﺱ ﺻﻮﺍﺑﻌﻪ ﻭﺷﺪﻭﺟﻬﻬﺎ ﺑﺈﻳﺪﻳﻪ : ﺭﻭﺣﻲ ﺧﻴﺮﻙ ..
ﻋﻠﻴﺎ ﺗﺒﻜﻲ ﻭﺗﺸﺒﺢ ﻟﻌﻴﻮﻧﻪ : ﺻﺎﺣﺒﺘﻲ ... ﻗﺘﻠﻮﻫﺎ .
ﺍﻟﺤﺴﻦ : ﻣﻦ ﻫﻲ ..
ﻋﻠﻴﺎ ﺑﻌﺒﺮﺗﻬﺎ : ﺑﻨﺖ .. ﺍﻟﺒﻲ ..
ﺍﻟﺤﺴﻦ ﺍﻧﺼﺪﻡ ﺑﻘﻮﻩ ... ﻋﻘﻠﻪ ﺗﺸﻮﺵ ﻛﻴﻒ ﻗﺘﻠﻮﻫﺎ ﻣﻦ ﻗﺘﻠﻬﺎ ﻣﻌﻘﻮﻝ ﻭﺻﻠﻮﺍ ﻓﻴﻬﺎ ... ﻧﺎﺽ ﻗﻌﻤﺰ ﻉ ﺍﻟﺼﺎﻟﻮﻥ ﺧﺪﻱ ﻋﻠﻴﺎ ﻓﻲ ﺣﻀﻨﻪ ...
ﻋﻠﻴﺎ ﺑﺒﻜﻲ : ﻣﺴﻜﻴﻨﻪ .... ﻛﺎﻧﺖ ﺣﺎﻣﻞ ...
ﺍﻟﺤﺴﻦ ﺗﺄﻟﻢ ﻫﻠﺒﻪ ﻭﺿﻢ ﻋﻠﻴﺎ ﺑﺰﻳﺎﺩﻩ ﻓﺤﻀﻨﻪ ...
ﻫﺎﻟﻪ ﻣﻦ ﺍﻟﺒﺎﺏ : ﺷﻦ ﻓﻲ ﻳﺎﻋﻠﻴﺎ ..
ﺍﻟﺤﺴﻦ : ﺗﻌﺎﻟﻲ ﻳﺎﻫﺎﻟﻪ ..
ﻗﺪﻣﺖ ﻫﺎﻟﻪ .. ﻭﺍﻟﺤﺴﻦ ﻧﺎﺽ ﻗﺎﻝ ﻟﻬﺎﻟﻪ : ﺧﻠﻴﻚ ﻣﻌﺎﻫﺎ ﺷﻮﻳﻪ ..
ﻫﺎﻟﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻣﺸﺖ ﻗﻌﻤﺰﺕ ﺣﺪﺍ ﻋﻠﻴﺎ .. ﻭﻫﻮ ﻃﻠﻊ ﻭﺩﺍﺭ ﺗﻠﻴﻔﻮﻥ ﻟﺒﻼﻝ .. ﻛﺎﻥ ﻳﻨﺎﺩﻱ ﻭﻣﺎﻳﺮﺩ ﺣﺪ .. ﻋﺎﻭﺩ ﻣﺮﺓ ﺗﺎﻧﻴﻪ ﻓﺘﺢ ﺍﻟﺨﻂ ..
ﺍﻟﺤﺴﻦ : ﺑﻼﻝ ..!
: ﻳﺎﺧﻮﻱ ﺻﺎﺣﺐ ﺍﻟﺘﻠﻴﻔﻮﻥ ﻫﺬﺍ ﻣﺎﺕ ﻣﻘﺘﻮﻝ ﻗﺒﻞ ﺷﻮﻱ ...
ﺍﻟﺤﺴﻦ ﺟﻤﺪ ﻓﻲ ﻣﻜﺎﻧﻪ ﺣﺲ ﺑﺒﺮﺩ ﺷﺪﻳﺪ ﺗﺴﻠﻞ ﻷﻃﺮﺍﻓﻪ .. ﺿﺤﺎﻳﺎ ﺟﺪﺩ .. ﺷﻌﻮﺭ ﺑﺎﻟﺬﻧﺐ ﻳﻨﺘﺎﺑﻪ ﻣﻦ ﺟﺪﻳﺪ .. ﻧﻔﺲ ﺍﻟﺸﻌﻮﺭ ﺍﻟﻠﻲ ﺣﺲ ﺑﻴﻪ ﻟﻤﺎ ﻣﺎﺕ ﻫﻼﻝ ... ﺍﺳﺘﺎﻗﺾ ﻟﻨﻔﺴﻪ .. ﻭﻧﺰﻝ ﻳﺠﺮﻱ ﻓﺘﺢ ﺍﻟﻔﺎﺻﻞ ﻭﻃﻠﻊ ﻧﺰﻝ ﻣﻦ ﺍﻟﺪﺭﻭﺝ ﺍﻟﻠﻲ ﻓﻮﺍﺟﻬﺔ ﺑﺎﺏ ﺍﻟﺤﻮﺵ .. ﺑﻴﻮﺻﻞ ﻓﻲ ﺍﻟﺒﺎﺏ ﺍﻧﻔﺘﺢ ﻭﻛﺎﻥ ﺳﺮﻣﺪ ﺟﺖ ﻋﻴﻮﻧﻬﻢ ﻓﻲ ﺑﻌﺾ ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ﻫﻠﺒﻪ ... ﺑﻌﺪﻫﺎ ﺍﻟﺤﺴﻦ ﺩﻓﻪ ﻭﻃﻠﻊ ... ﺳﺮﻣﺪ ﺿﻴﻖ ﻋﻴﻮﻧﻪ ...
ﺳﺮﻣﺪ : ﺍﻭﻭﻭﻭﻭ ﻣﺘﻮﻗﻌﺘﺶ ﻳﺘﺄﺛﺮ ﻫﻠﺒﻪ ﻫﻜﻲ ...
...
ﻭﺻﻞ ﻟﻠﻤﺴﺘﺸﻔﻰ ﺭﻓﻌﻮﻩ ﻟﻠﺜﻼﺟﻪ ﺷﺎﻓﻬﻢ ﻋﻴﻮﻧﻪ ﺟﺎﺣﻈﺎﺕ ... ﻗﻌﺪ ﻭﺍﻗﻒ ﺍﻛﺜﺮ ﻣﻦ ﻋﺸﺮﺓ ﺩﻗﺎﻳﻖ ﻭﻫﻮﺍ ﻳﺸﻮﻑ ﻟﻮﺟﻮﻫﻬﻢ ... ﺭﻛﺰ ﺑﻨﻈﺮﻩ ﻉ ﺑﻼﻝ ﻭﺍﺫﻛﺮ ﺃﻭﻝ ﻟﻘﺎﺀ ﺑﻴﻨﺎﺗﻬﻢ ...
>> ﻃﻘﻮﺍ ﻉ ﺑﺎﺏ ﺍﻟﻤﻜﺘﺐ ﻟﻤﺎ ﻭﺻﻠﻮﺍ ﺑﺒﻼﻝ ﻓﻲ ﺍﻟﺒﺎﺏ .. ﻭﺧﺸﻮﺍ ..
ﺍﻟﺤﺴﻦ ﻓﻲ ﺍﻳﺪﻩ ﺳﻠﺴﻠﻪ ﻛﺎﻥ ﻳﺸﺒﺤﻠﻬﺎ ﻭﺑﻼﻝ ﻳﺸﺒﺤﻠﻪ ..
ﺍﻟﺤﺴﻦ : ﺧﺶ ...
ﻃﻠﻌﻮﺍ ﺍﻟﺸﺮﻃﻲ ﻭﺁﺩﻡ ﻭﺳﻜﺮﻭﺍ ﺍﻟﺒﺎﺏ ...
ﻭﻗﻌﻤﺰ ﺑﻼﻝ ﻭﻫﻮ ﻣﻜﻠﺒﺶ ﻣﻘﺎﺑﻞ ﺍﻟﺤﺴﻦ .
ﺍﻟﺤﺴﻦ ﻗﺎﻡ ﺳﻠﺴﻠﻪ ﻭﻭﺭﺍﻫﺎ ﻟﺒﻼﻝ : ﺷﻦ ﺗﻌﻨﻴﻠﻚ ..
ﺑﻼﻝ ﻋﻴﻮﻧﻪ ﺗﻌﺒﻮﺍ ﺩﻣﻮﻉ ﻟﻜﻦ ﺣﺎﻭﻝ ﻳﺘﻤﺎﺳﻚ : ﺷﻲ ﻳﺨﺼﻨﻲ ..
ﺍﻟﺤﺴﻦ ﻗﻌﺪ ﻳﺸﺒﺤﻠﻬﺎ : ﻫﺎﺩﻱ ﺳﻠﺴﻠﻪ ﻓﻀﺔ ﻷﻣﻚ ﻟﻴﻠﺘﻬﺎﻛﻨﺖ ﻣﺮﻭﺡ ﺑﻴﻬﺎ ﻣﻦ ﺍﻟﺼﺎﻳﻎ ﺑﻌﺪ ﺻﻠﺤﻬﺎ ﻹﻧﻬﺎ ﻛﺎﻧﺖ ﻣﻘﻄﻮﻋﻪ .. ﺑﺲ ﻟﻼﺳﻒ ﻣﺎﻟﺤﻘﺘﺶ ﺗﻌﻄﻴﻬﺎ ..
ﺑﻼﻝ ﻣﺤﺎﻭﻻ ﺍﺧﻔﺎﺀ ﺍﻟﻤﻪ : ﺟﺎﻳﺒﻨﻲ ﺗﻮﺍ ﺑﺶ ﺗﺤﻜﻴﻠﻲ ﺍﻟﻘﺼﻪ ﻫﺎﺩﻱ ..
ﺍﻟﺤﺴﻦ ﺷﺒﺤﻠﻪ : ﺟﺎﻳﺒﻚ ﻫﻨﻲ .. ﺑﺶ ﻧﺘﻔﺎﻫﻤﻮﺍ ﺍﻧﻲ ﻭﻳﺎﻙ ﻉ ﻃﺮﻳﻘﻪ ﺗﻄﻠﻊ ﺑﻴﻬﺎ ﻣﻦ ﻫﻨﻲ ﻭﺗﻜﻤﻞ ﻓﻴﻬﺎ ﺍﻟﻠﻲ ﺑﺪﻳﺖ ﺑﻴﻪ <<..
ﻏﻤﺾ ﻋﻴﻮﻧﻪ ﺑﺸﺪﻩ ﻣﻦ ﺍﻷﻟﻢ ﻭﻃﻠﻊ ...
ﻗﻌﺪ ﻣﺎﺷﻲ ﻓﻲ ﻣﻤﺮ ﺍﻟﻤﺴﺘﺸﻔﻰ ﺣﺎﺱ ﺑﻀﻴﺎﻉ ﺗﺎﻡ ﻋﺠﺰ ... ﻣﺶ ﻗﺎﺩﺭﻳﻮﺻﻞ ﻓﻲ ﺍﻟﻴﺪ ﺍﻟﻠﻲ ﻗﺎﻋﺪﻩ ﺗﺨﻄﻒ ﻓﻲ ﺍﺭﻭﺍﺡ ﻧﺎﺱ ﻗﺮﺍﺏ ﻋﻠﻴﻪ ... ﻳﺒﻲ ﻳﻮﺻﻞ ﻓﻴﻬﺎ ﺑﺶ ﻳﻘﻄﻌﻬﺎ ﻣﻦ ﻣﻨﺒﺘﻬﺎ ... ﻃﻠﻊ ﻣﻦ ﺍﻟﻤﺴﺘﺸﻔﻰ ﻭﺭﻛﺐ ﺍﻟﺴﻴﺎﺭﺓ ﻭﺗﻮﺟﻪ ﻟﻠﺠﺎﻣﻊ ...❤
***
ﻗﺼﺪﻙ ﻫﻤﺎ ﻧﻔﺴﻬﻢ !!...
ﺣﺴﺎﻥ ﺑﻨﺒﺮﺓ ﺣﺰﻳﻨﻪ : ﺍﻳﻪ ..
ﻫﺎﻟﻪ : ﺇﻧﺎ ﻟﻠﻪ ﻭﺇﻥ ﺇﻟﻴﻪ ﺭﺍﺟﻌﻮﻥ ... ﺷﻦ ﻫﺬﺍ ﺷﻦ ﻫﺎﻹﺟﺮﺍﻡ ... ﺧﻼﺹ ﺍﻟﻨﺎﺱ ﻓﻲ ﻫﺎﻟﺒﻼﺩ ﻗﺎﻣﺖ ﺍﻳﺪﻫﺎ ﻣﻦ ﺭﺑﻲ .. ﺗﺄﻟﻔﻮﺍ ﻣﻊ ﺍﻟﺪﻡ .. ﺍﻟﻘﺘﻞ ... ﺍﻟﻤﻮﺕ .. ﻋﺎﺩﻱ ﺟﺪﺍ .. ﺗﻌﺮﻑ ﺍﻧﻬﺎ ﻛﺎﻧﺖ ﺣﺎﻣﻞ ..
ﺣﺴﺎﻥ ﺗﺄﺛﺮ ﻫﻠﺒﻪ ... ﻭﻫﺎﻟﻪ ﻗﻌﺪﺕ ﺗﺒﻜﻲ ﻭﺣﺴﺎﻥ ﺣﻀﻨﻬﺎ ...
💔💔💔
🌘 ﻟﻴﻠﻪ ﻛﺎﻧﺖ ﺻﻌﺒﻪ ﻫﻠﺒﻪ .. ﻣﺶ ﺑﺲ ﻉ ﺍﺣﺒﺎﺏ ﻭﺍﻗﺎﺭﺏ ﺑﻼﻝ ﻭﺍﺑﺘﺴﺎﻡ .. ﺣﺘﻰ ﺍﻟﻨﺎﺱ ﺍﻟﻠﻲ ﺗﺎﺑﻌﺖ ﺧﺒﺮ ﻣﻮﺗﻬﻢ ﺍﻟﻠﻲ ﻛﺎﻥ ﻓﺎﺟﻌﻪ ﺑﻜﻞ ﻣﻌﻨﻰ ﺍﻟﻜﻠﻤﻪ ﺗﻨﺎﻭﻟﺖ ﻭﺳﺎﺋﻞ ﺍﻹﻋﻼﻡ ﺍﻟﺨﺒﺮ ﻭﺑﺪﺕ ﺗﻐﻄﻴﺎﺕ ﺧﺎﺻﻪ ﻋﻠﻴﻪ .. ﺍﻟﺒﻲ ﻣﺎﻛﺎﻧﺶ ﻋﻨﺪﻩ ﻋﻠﻢ ... ﻟﻴﻦ ﺟﺎﻩ ﺍﻟﻀﺎﺑﻂ ﺍﻟﻠﻲ ﻳﺤﺮﺱ ﻓﻴﻪ ﻓﻲ ﺳﺠﻨﻪ ﺍﻟﺨﺎﺹ ...
ﺍﻟﻀﺎﺑﻂ ﻃﻖ ﻋﺎﻟﺒﺎﺏ .. ﺍﻟﺒﻲ ﺳﻤﻌﻪ ﻭﻧﺎﺿﻠﻪ ﻟﻘﺎﻩ ﻭﺍﻗﻒ ﻉ ﺷﺒﺎﻙ ﺍﻟﺒﺎﺏ ...
ﺍﻟﺒﻲ : ﺷﻦ ﻓﻲ ..
ﺍﻟﻀﺎﺑﻂ : ﻋﻈﻢ ﺍﻟﻠﻪ ﺃﺟﺮﻙ ..
ﺍﻟﺒﻲ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﻭﻗﻠﺒﻪ ﺍﻧﻘﺒﺾ ﻉ ﺍﻵﺧﺮ ..
ﺍﻟﻀﺎﺑﻂ : ﺑﻨﺘﻚ ﺍﻟﻴﻮﻡ ﻗﺘﻠﻮﻫﺎ ﻫﻲ ﻭﺭﺍﺟﻠﻬﺎ ... ﻭﻣﺸﻲ ﻭﺧﻼﻩ ..
ﺍﻟﺒﻲ ﺟﻤﺪ ﻓﻲ ﻣﻜﺎﻧﻪ .. ﻣﺼﺪﻭﻡ .. ﻣﺼﻌﻮﻕ ... ﻣﺶ ﻣﺼﺪﻕ ﺍﻟﻠﻲ ﺳﻤﻌﻪ ﻋﻴﻮﻧﻪ ﺗﻌﺒﻮﺍ ﺩﻣﻮﻉ ... ﺣﺎﻭﻝ ﻳﺤﺮﻙ ﻓﻤﻪ ﺑﻴﺘﻜﻠﻢ ﻣﺶ ﻗﺎﺩﺭ .. ﻳﺒﻲ ﻳﺘﻜﻠﻢ ﻳﺒﻲ ﻳﻘﻮﻝ ﺍﻱ ﺷﻲ ﺑﺲ ﻣﺎﻗﺪﺭﺵ .... ﻗﻌﺪ ﻳﺪﻭﺭ ﺣﻮﺍﻟﻴﻦ ﻧﻔﺴﻪ ﻭﻫﻮ ﺣﺎﻁ ﺍﻳﺪﻳﻪ ﻉ ﺭﻗﺒﺘﻪ ﺣﺎﺳﺲ ﺑﺄﻧﻪ ﻣﺨﻨﻮﻕ ﻭﻛﺄﻥ ﺍﻟﻜﻼﻡ ﻗﻌﺪ ﻓﺮﻗﺒﺘﻪ ﻭﺧﻨﻘﻪ ... ﻣﺸﻲ ﺑﺼﻌﻮﺑﻪ ﻟﺴﺮﻳﺮﻩ ﻭﻗﻌﻤﺰ ﻋﻠﻴﻪ ﺑﻬﺪﻩ ... ﻭﺷﻮﻳﻪ ﻭﺩﻣﻮﻋﻪ ﻧﺰﻟﻮﺍ ﻭﺣﺪﻩ ﻭﺭﺍ ﺍﻟﺘﺎﻧﻴﻪ ﻭﺑﺪﻱ ﻳﺒﻜﻲ .. ﻭﻳﺒﻜﻲ ... ﺍﺟﻬﺶ ﺑﺎﻟﺒﻜﻲ ... ﻳﺒﻜﻲ ﺑﺎﻟﺼﻮﺕ ﻭﻳﻨﻮﺡ .. ﺑﺲ ﻣﺶ ﻗﺎﺩﺭ ﻳﻨﻄﻖ ﺑﺤﺮﻑ 💔...
***
ﻛﺎﻧﺖ ﺭﺍﻗﺪﻩ ﻉ ﺳﺮﻳﺮﻫﺎ ﺑﺎﻟﺠﻨﺐ ﺿﺎﻣﻪ ﻟﻴﻬﺎ ﺭﺟﻠﻴﻬﺎ ﻭﻓﻴﺪﻫﺎ ﺗﻠﻴﻔﻮﻧﻬﺎ ﻭﺗﺸﺒﺢ ﻟﻠﺸﺎﺷﻪ ﻭﺩﻣﻮﻋﻬﺎﺗﻨﺰﻝ ﻛﺎﻧﺖ ﺗﺸﻮﻑ ﻓﻲ ﺍﺧﺮﺻﻮﺭﺓ ﺟﻤﻌﺘﻬﺎ ﻣﻊ ﺻﺎﺣﺒﺘﻬﺎ ﻓﻲ ﺍﻟﻜﻠﻴﻪ " ﻋﻠﻴﺎ ﻧﺮﺟﺲ ﻭﺍﺑﺘﺴﺎﻡ .."💔
ﺻﺎﺣﺒﺎﺕ ﻣﻦ ﺍﻟﺜﺎﻧﻮﻳﻪ ﻭﺍﻗﺮﺏ ﺻﺎﺣﺒﺎﺕ ﻟﻌﻠﻴﺎ ﻭﺍﺑﺘﺴﺎﻡ ﻛﺎﻧﺖ ﺍﻷﻗﺮﺏ ﺑﻬﻠﺒﻪ ﻛﺎﻧﻮﺍ ﺧﻮﺍﺕ ﻣﺶ ﺻﺎﺣﺒﺎﺕ ﺑﺲ .. ﻳﻤﺮ ﺑﻴﻦ ﻋﻴﻮﻧﻬﺎ ﺷﺮﻳﻂ ﺫﻛﺮﻳﺎﺗﻬﻢ ﻣﻊ ﺑﻌﺾ .. ﺿﺤﻜﺘﻬﺎ .. ﺑﺼﺎﺭﺗﻬﺎ .. ﻋﺼﺒﻴﺘﻬﺎ .. ﻛﻴﻒ ﺗﻨﺼﺢ .. ﻛﻴﻒ ﺗﺰﻋﻞ .. ﻛﻴﻒ ﺗﺮﺿﻰ .. ﻛﻴﻒ ﻛﺎﻥ ﺷﻜﻠﻬﺎ ﺍﻭﻝ ﻣﺮﺓ ﺣﺒﺖ ﻓﻴﻬﺎ ﻭﻛﺎﻧﺖ ﺍﻟﻮﺣﻴﺪﻩ ﻭﺍﻷﺧﻴﺮﻩ ...💔 ﻣﻮﺍﻗﻔﻬﺎ ﻣﻌﺎﻫﺎ .. ﺍﻳﺎﻡ ﺣﻠﻮﺓ ﻣﺴﺘﺤﻴﻞ ﺗﻨﺘﺴﻰ .. ﺗﺒﻜﻲ ﺑﺘﻤﻮﺕ ﻣﻦ ﺍﻟﺒﻜﻲ ﺩﻣﻌﺘﻬﺎ ﻣﺎﺟﻔﺘﺶ ﺑﻜﻞ .. ﻟﻴﻦ ﺧﺶ ﻫﻮ ﻗﻠﺒﻪ ﺍﻧﻔﻄﺮ 💔 ﻟﻤﺎ ﺷﺎﻑ ﺣﺎﻟﺘﻬﺎ ﻗﺪﻡ ﻭﻗﻌﻤﺰ ﻉ ﺍﻟﺴﺮﻳﺮ ﺟﻨﺒﻬﺎ .. ﻫﻲ ﻧﺎﺿﺖ ﻭﻃﻮﻝ ﺧﺸﺖ ﻓﺤﻀﻨﻪ ﻭﻛﺎﻧﺖ ﺷﺎﺩﻩ ﻓﻴﻪ ﻭﺗﺒﻜﻲ ﺑﺎﻟﻌﺒﺮﻩ .. ﻫﻮ ﺣﺎﻭﻃﻬﺎ ﺑﺈﻳﺪﻳﻪ ..
ﻋﻠﻴﺎ ﺑﺎﻟﻌﺒﺮﺓ : ﺣﺎﺳﻪ ... ﺭﻭﺣﻲ .. ﺑﻨﻤﻮﺕ ...
ﺍﻟﺤﺴﻦ ﺯﺍﺩ ﺿﻤﻬﺎ : ﺍﺷﺸﺶ ﻣﻌﺎﺵ ﺗﻘﻮﻟﻲ ﻫﻜﻲ .. ﻋﻠﻴﺎ ﺍﻧﻲ ﺭﻭﺣﻲ ﻣﻌﻠﻘﻪ ﻓﻴﻚ ﺗﺼﻴﺮ ﻓﻴﻚ ﺣﺎﺟﻪ .. ﺍﻟﺤﺴﻦ ﺍﻟﻠﻲ ﺗﺸﻮﻓﻮﺍ ﻓﻴﻪ ﺟﺒﻞ ﻣﺎﻳﻬﺰﻩ ﺭﻳﺢ ﺯﻱ ﻣﺎﺗﻘﻮﻟﻮﺍ ﺣﻴﻨﻬﺎﺭ ...
ﻋﻠﻴﺎ ﺷﺒﺤﺘﻠﻪ ﻭﺣﻄﺖ ﺍﻳﺪﻫﺎ ﻉ ﻭﺟﻬﻪ : ﻭﻻ ﺍﻧﻲ ﻧﻘﺪﺭ ﻣﻦ ﻏﻴﺮﻙ .. ﻣﺴﺘﺤﻴﻞ ﻳﺎﺭﺏ ﻧﻤﻮﺕ ﻗﺒﻠﻚ ..
ﺍﻟﺤﺴﻦ ﺿﺮﺑﻬﺎ ﺑﺨﻔﺔ ﻉ ﺧﺪﻫﺎ : ﺷﻦ ﻛﻨﺖ ﻧﻘﻮﻝ ﺗﻮﺍ ..
ﻋﻠﻴﺎ ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ : ﺍﻧﺖ ﺭﻭﺣﻲ ..
ﺍﻟﺤﺴﻦ : ﻭﺍﻧﺘﻲ ﻛﻞ ﺷﻲ ﻟﻴﺎ ..
ﻗﻌﺪﺕ ﺗﺸﺒﺤﻠﻪ ﻭﻫﻮ ﻳﺸﺒﺤﻠﻬﺎ ﻗﺮﺑﺖ ﻣﻨﻪ ﻭﺑﺎﺳﺘﻪ ﻭﻫﻮ ﺑﺎﺩﻟﻬﺎ ﺑﺸﻮﻕ ﺍﻟﺪﻧﻴﺎ ﻛﻠﻬﺎ ..💓 ﺭﺍﺣﻮ ﻓﻲ ﻋﺎﻟﻢ ﺗﺎﻧﻲ ﻳﻨﺴﻮﺍ ﻓﻴﻪ ﺍﻟﺰﻭﺯ ﺃﻟﻤﻬﻢ ﻭﺣﺰﻧﻬﻢ ﻭﻭﺟﻌﻬﻢ ﺷﻮﻳﻪ ...
***
ﺗﺎﻧﻲ ﻳﻮﻡ
ﺑﻌﺪ ﺍﻟﻈﻬﺮ ﻛﺎﻧﺖ ﺩﻓﻴﻨﺘﻬﻢ ﺍﻟﻠﻲ ﻋﻄﻠﻮﺍ ﻓﻴﻬﺎ ﺑﺴﺒﺐ ﺍﻟﺘﺤﻘﻴﻘﺎﺕ ﻭﺍﺟﺮﺍﺀﺍﺕ ﺍﻟﻄﺐ ﺍﻟﺸﺮﻋﻲ ..
ﺍﻧﺪﻓﻨﻮﺍ ﺟﻨﺐ ﺑﻌﺾ .. ﺟﻤﻌﻬﻢ ﺍﻟﺤﺐ ... ﻭﺟﻤﻌﻬﻢ ﺍﻟﻤﻮﺕ .. ﻭﺇﻥ ﺷﺎﺀ ﺍﻟﻠﻪ ﺗﺠﻤﻌﻬﻢ ﺍﻟﺠﻨﻪ .. ﺟﻤﻊ ﻻﻓﺮﺍﻕ ﻓﻴﻪ ﻭﻻ ﻳﻨﻬﻴﻪ ﻣﻮﺕ ..
ﺍﻟﺴﺎﻛﺘﻪ ﻗﺮﻳﺐ ﻫﺒﻠﺖ ﻣﺴﻜﻴﻨﻪ ... ﺭﻓﻌﻮﻫﺎ ﻟﻠﻤﺴﺘﺸﻔﻰ ﻭﻛﺎﻧﻮﺍ ﻳﻌﻄﻮﺍ ﻓﻴﻬﺎ ﻣﻨﻮﻡ ﺑﺶ ﺗﺮﻗﺪ ﺑﻌﺪ ﻛﻞ ﻧﻮﺑﻪ ﻋﻴﺎﻁ ...
ﺍﻟﺒﻲ .. ﻛﺎﻥ ﻓﻲ ﺣﺎﻟﻪ ﺻﺪﻣﻪ ﺧﻼﺗﻪ ﻳﻔﻘﺪ ﺍﻟﻘﺪﺭﺓ ﻉ ﻧﻄﻖ ﺗﻤﺎﻣﺎ .. ﻣﻘﻌﻤﺰ ﻳﺸﺒﺢ ﻓﻲ ﺍﻟﻔﺮﺍﻍ ﻭﺑﺲ ..
ﻋﻠﻴﺎ ﻧﻔﺴﻴﺘﻬﺎ ﺗﻌﺒﺖ ﻫﻠﺒﻪ ﺑﻌﺪ ﺭﻭﺣﺖ ﻣﻦ ﺍﻟﻌﺰﻱ .. ﻭﻗﻌﺪﺕ ﺭﺍﻗﺪﻩ ﻓﻲ ﺣﻀﻦ ﺑﺮﻧﻴﻪ .. ﻭﺍﻟﺤﺴﻦ ﺍﻟﻠﻲ ﻣﻀﻄﺮ ﻳﺨﻠﻴﻬﺎ ﻋﻘﻠﻪ ﻣﻌﺎﻫﺎ ﻭﺧﺎﻳﻒ ﻋﻠﻴﻬﺎ ...
ﺍﻳﺎﻡ ﺣﺰﻥ ﺍﻳﺎﻡ ﺗﺘﻼﺣﻖ ﻓﻴﻬﺎ ﺍﻟﻤﺼﺎﻳﺐ .. ﺍﻳﺎﻡ ﺻﻌﺒﻪ ﺻﻌﺒﻪ ﻫﻠﺒﻪ ...
***
💮 ﻭﺻﻠﺖ ﻟﻤﻜﺘﺐ ﺍﻟﺴﻜﺮﺗﻴﺮﻩ
ﺧﻮﻟﻪ : ﺍﺳﺘﺎﺫ ﺭﻳﺎﺽ ﻣﻮﺟﻮﺩ ..
ﺍﻟﺴﻜﺮﺗﻴﺮﻩ : ﺍﻳﻪ ﻗﻌﻤﺰﻱ ﺍﺳﺘﻨﻲ ﺷﻮﻳﻪ ﻓﻲ ﺣﺪ ﻋﻨﺪﻩ ..
ﺧﻮﻟﻪ : ﺗﻤﺎﻡ ﻭﻗﻌﻤﺰﺕ .. ﺍﺳﺘﻨﺖ ﺣﻮﺍﻟﻲ 10 ﺩﻗﺎﻳﻖ ... ﺍﻧﻔﺘﺢ ﺑﺎﺏ ﻣﻜﺘﺒﻪ ﻃﻠﻌﺖ ﻣﻨﻪ ﻭﺣﺪﻩ ﻣﺶ ﻣﺘﺤﺠﺒﻪ ﻭﻟﺒﺴﻬﺎ ﺿﻴﻖ ... ﺧﻮﻟﻪ ﺗﺸﺒﺤﻠﻬﺎ ﺑﺼﺪﻣﻪ .. ﻛﺎﻧﺖ ﻃﺎﻟﻌﻪ ﺗﻀﺤﻚ ..
: Seeyou RoRo ﻭﻣﺸﺖ ...
ﺧﻮﻟﻪ ﻣﻌﺎﻫﺎ ﺑﻌﻴﻮﻧﻬﺎ ﻟﻴﻦ ﺍﺧﺘﻔﺖ ...
ﺍﻟﺴﻜﺮﺗﻴﺮﻩ : ﻃﻠﻴﻘﺘﻪ ..
ﺧﻮﻟﻪ ﺍﻧﺼﺪﻣﺖ ".. ﻃﺎﻟﻌﻪ ﻣﻦ ﻋﻨﺪﻩ ﺗﻀﺤﻚ !! ﻛﻮﻳﺲ .." ﻧﺎﺿﺖ ﺧﻮﻟﺔ ﻭﺗﻮﺟﻬﺖ ﻟﻤﻜﺘﺒﻪ ﻃﻘﺖ ﺍﻟﺒﺎﺏ ﺍﺫﻧﻠﻬﺎ ﺗﺨﺶ ﻭﺧﺸﺖ .. ﻟﻘﺎﺗﻪ ﻣﻘﻌﻤﺰ ﺑﻨﺘﻪ ﻓﻲ ﺣﺠﺮﻩ ...
ﺧﻮﻟﻪ ﺑﺤﺪﻩ : ﺗﻔﻀﻞ ﻫﺬﺍ ﺍﻟﻤﻠﻒ ﺍﻟﻠﻲ ﻃﻠﺒﺘﻪ ...
ﺭﻳﺎﺽ ﺭﻓﻊ ﺣﻮﺍﺟﺒﻪ ﻣﻦ ﺍﺳﻠﻮﺑﻬﺎ ﻭﻗﻌﺪ ﻳﺸﻮﻑ ﻟﻠﻤﻠﻒ .. ﻳﻘﻴﻦ ﻛﺎﻧﺖ ﺗﺸﺒﺤﻠﻬﺎ ﻭﻫﻲ ﺷﺒﺤﺖ ﻟﻴﻘﻴﻦ .. ﺍﺑﺘﺴﻤﻮﺍ ﻟﺒﻌﺾ .. ﺧﻮﻟﻪ ﻏﻤﺰﺕ ﻭﻃﻠﻌﺖ ﻟﺴﺎﻧﻬﺎ ﺗﻨﺎﺷﺐ ﻓﻴﻬﺎ ﻗﺎﻡ ﻋﻴﻨﻪ ﺭﻳﺎﺽ ﺷﺎﻓﻬﺎ ﺗﻤﺪ ﻓﻲ ﻟﺴﺎﻧﻬﺎ ﻫﻲ ﺗﺒﺘﺖ ﻉ ﻟﻘﻄﻪ
ﻭﻫﻮ ﺭﻓﻊ ﺣﺎﺟﺒﻪ ﺍﻟﻴﺴﺎﺭ ﻭﻗﺎﻝ : ﺷﻦ ﻧﻔﻬﻢ ﻣﻨﻬﺎ ﺍﻟﺤﺮﻛﻪ ﻫﺎﺩﻱ ..
ﺧﻮﻟﻪ ﺑﺈﺣﺮﺍﺝ : ﻣﺶ ﻋﻠﻴﻚ ..😳
ﻳﻘﻴﻦ ﺑﻀﺤﻜﻪ : ﻫﻴﺎ ﺩﺍﺭﺗﻬﺎﻟﻲ ﺍﻧﻲ ..
ﺿﺤﻜﺖ ﺧﻮﻟﻪ ﻭﻫﻮﺷﺒﺤﻠﻬﺎ ﻭﺍﺑﺘﺴﻢ ..
ﺭﻳﺎﺽ : ﺍﻣﻤﻢ ... ﻛﻮﻳﺲ ..
ﺧﻮﻟﻪ ﺑﺠﺪﻳﻪ : ﺗﺒﻲ ﺣﺎﺟﻪ ﺗﺎﻧﻴﻪ ..
ﺭﻳﺎﺽ ﺑﺈﺑﺘﺴﺎﻣﻪ : ﻧﺒﻲ ﻫﻠﺒﻪ ﺣﺎﺟﺎﺕ ..
ﺧﻮﻟﻪ ﻓﻨﺼﺖ ﻋﻴﻮﻧﻬﺎ ..
ﻳﻘﻴﻦ : ﻳﺒﻴﻚ ﻋﺮﻭﺳﺘﻪ ..
ﺧﻮﻟﻪ ﺍﻧﺤﺮﺟﺖ ﻉ ﺍﻵﺧﺮ : ﺷﻦ ﻗﺎﻋﺪ ﺗﻘﻮﻝ ﻟﺒﻨﺘﻚ ..
ﺭﻳﺎﺽ ﺑﺈﺑﺘﺴﺎﻣﻪ ﺑﺎﺭﺩﻩ : ﻣﺎﻗﻠﺖ ﺷﻲ ﻫﻲ ﻗﺎﻟﺖ ..
ﺧﻮﻟﻪ ﺑﺮﻓﻌﺔ ﺣﺎﺟﺐ : ﻣﺎﻗﻠﺖ ﺷﻲ !!.. ﻉ ﺍﻟﻌﻤﻮﻡ ﺷﻔﺖ ﺍﻣﻬﺎ ﻗﺒﻞ ﻟﻨﺨﺸﻠﻚ .. ﻛﺎﻧﺖ ﻃﺎﻟﻌﻪ ﺗﻀﺤﻚ ﻭﺍﺿﺢ ﺍﻧﻚ ﻗﻠﺘﻠﻬﺎ ﺍﺷﻴﺎﺀ .. ﻭﻟﻔﺖ ﻭﻃﻠﻌﺖ ... ﺍﻣﺎ ﻫﻮ ﻓﺮﺡ ﻫﻠﺒﻪ .. ﻷﻧﻪ ﺷﺎﻑ ﻏﻴﺮﺗﻬﺎ ﻋﻠﻴﻪ 💓..
***
ﺑﻌﺪ ﺍﻟﻌﺼﺮ ﺭﻭﺡ ﺍﻟﺤﺴﻦ .. ﺍﻟﺤﻮﺵ ﻛﺎﻥ ﺷﺒﻪ ﻓﺎﺿﻲ .. ﺧﺶ ﺩﺍﺧﻞ ﻭﻗﻌﺪ ﻳﻀﺒﺢ ﻉ ﺣﻨﺎﻩ ﻭﻋﻤﺘﻪ ﺑﺲ ﻣﺎﻓﻲ ﺣﺪ .. ﻣﺸﻲ ﻟﺪﺍﺭ ﺣﻨﺎﻩ .. ﻓﺘﺤﻬﺎ ﺑﺎﻟﺸﻮﻳﻪ ﻟﻤﺢ ﻋﻠﻴﺎ ﺭﺍﻗﺪﻩ .. ﺍﺑﺘﺴﻢ ﻭﺧﺶ ﻭﺳﻜﺮ ﺍﻟﺒﺎﺏ ... ﺣﻂ ﺗﻠﻴﻔﻮﻧﻪ ﻭﻣﻔﺎﺗﺤﻴﻪ ﻉ ﺍﻟﻜﺎﻣﺪﻳﻨﻮ ﻭﺗﻤﺪﺩ ﺟﻨﺒﻬﺎ ﻭﻣﻘﺎﺑﻠﻬﺎ ﻭﻳﺘﺄﻣﻞ ﻓﻲ ﻣﻼﻣﺤﻬﺎ ﺍﻟﺤﻠﻮﺓ ﻫﻠﺒﻪ ... ﻗﺮﺏ ﻣﻨﻬﺎ ﻭﻗﻌﺪ ﻳﺘﺸﺎﻗﻰ ﻋﻠﻴﻬﺎ ﻣﺮﺓ ﻳﺒﻮﺱ ﺧﺪﻭﺩﻫﺎ ﻣﺮﻩ ﺧﺸﻤﻬﺎ .. ﻭﻣﺮﻩ ..🙈 ﺍﻟﻤﻬﻢ ...😁 ﻋﻠﻴﺎ ﺍﻧﺰﻋﺠﺖ ﻭﻧﺎﺿﺖ ... ﺷﺎﻓﺎﺗﻪ ..
ﻋﻠﻴﺎ : ﺍﻣﻤﻤﻤﻢ .. ﺧﺮﺑﺖ ﻋﻠﻴﺎ ﻧﻮﻣﻲ ..
ﺍﻟﺤﺴﻦ ﺑﺄﺑﺘﺴﺎﻣﻪ : ﻳﺎﺳﺮ ﻳﺎﺧﻤﻴﺮﻩ ..
ﻋﻠﻴﺎ ﺑﻀﺤﻜﻪ : ﺧﻤﻴﺮﻩ !! ﺣﺮﺍﻡ ﻋﻠﻴﻚ ..
ﺍﻟﺤﺴﻦ ﻗﺮﺏ ﻣﻨﻬﺎ ...
ﻋﻠﻴﺎ ﺑﻀﺤﻜﻪ : ﺷﻦ ﺗﺒﻲ .. ﺭﺍﻧﺎ ﻓﻲ ﺩﺍﺭ ﺣﻨﺎﻙ ﻋﻴﺐ 😳🙈..
ﺍﻟﺤﺴﻦ ﺿﺤﻚ : ﻭﻋﻼﺵ ﺷﻦ ﺑﻨﺪﻳﺮ ﻳﻌﻨﻲ ﻛﻠﻬﺎ ﺑﻮﺳﻪ ﺻﻐﻴﺮﻭﻧﻪ ..
ﻋﻠﻴﺎ ﺑﻀﺤﻜﻪ : ﺻﻐﻴﺮﻭﻧﻪ ﺻﺎﺭ ...
ﻫﻮ ﻗﺮﺏ ﻭﺑﺼﻮﺕ ﻫﺎﻣﺲ : ﺍﻳﻪ ... ﻭﺑﺎﺳﻬﺎ ﺑﻮﺳﻪ ﻃﻮﻳﻠﻪ ... ﻭﺑﻌﺪﻫﺎ ﻋﻠﻴﺎ ﺑﻌﺪﺍﺗﻪ : ﺧﻼﺍﺍﺹ ﻋﺎﺩ 🙈😳
ﺍﻟﺤﺴﻦ ﺿﺤﻚ ﻭﺗﻤﺪﺩ ﻉ ﻇﻬﺮﻩ ﺟﻨﺒﻬﺎ : ﻭﻳﻨﻬﻢ ﻣﺎﻟﻘﻴﺖ ﺣﺪ ﺑﺮﺍ
ﻋﻠﻴﺎ : ﺑﺎﻟﻚ ﺭﻛﺒﻮﺍ ﻟﺴﺎﺭﺓ ﺷﺮﺕ ﺩﺍﺭ ﻧﻮﻡ ﻟﻸﻃﻔﺎﻝ ﻭﻗﺎﻟﺘﻠﻬﻢ ﻳﺠﻮﺍ ﻳﺸﻮﻓﻮﻫﺎ ...
ﺍﻟﺤﺴﻦ ﺷﺒﺤﻠﻬﺎ ﻉ ﺟﻨﺐ ﺑﺈﺑﺘﺴﺎﻣﻪ : ﻭﺣﻨﻲ ﺍﻣﺘﻰ ﻧﺮﻛﺒﻮﺍ ﺩﺍﺭ ﺯﻳﻬﻢ ..
ﻋﻠﻴﺎ ﺑﻀﺤﻜﻪ : ﺭﻳﺢ ﺟﻤﺎﻟﻚ ...
ﺍﻟﺤﺴﻦ : ﻫﻬﻬﻬﻬﻬﻬﻪ ...
ﻋﻠﻴﺎ ﺗﻮﺯﻉ ﻓﻲ ﻧﻈﺮﻫﺎ ﻉ ﺍﻟﺪﺍﺭ : ﺣﻠﻮﺓ ﻫﻠﺒﻪ ﺍﻟﺪﺍﺭ . ﻣﺶ ﻣﻦ ﻧﺎﺣﻴﺔ ﺩﻳﻜﻮﺭﻫﺎ ﺑﺲ .. ﻓﻴﻬﺎ ﺭﺍﺣﻪ ﻋﺠﻴﺒﻪ ..
ﺍﻟﺤﺴﻦ : ﺗﻌﺮﻓﻲ ﺍﻟﺪﺍﺭ ﻫﺎﺩﻱ ﺧﻂ ﺍﺣﻤﺮ ﺑﺎﻟﻨﺴﺒﻪ ﻟﺠﺪﻱ ﺍﻟﻠﻪ ﻳﺮﺣﻤﻪ ﻣﻤﻨﻮﻉ ﺣﺪ ﻳﺨﺸﻠﻬﺎ ﻏﻴﺮﻩ ﻫﻮ ﻭﺣﻨﺎﻱ ..
ﻟﻤﺎ ﻗﺎﻝ ﺍﻟﻜﻼﻡ ﻫﺬﺍ ﻋﻠﻴﺎ ﺍﺫﻛﺮﺕ ﺍﻟﺼﻮﺭﺓ ...
ﻋﻠﻴﺎ : ﺑﻨﺴﺄﻟﻚ ﺳﺆﺍﻝ ..
ﺍﻟﺤﺴﻦ : ﺃﺳﺄﻟﻲ ..
ﻋﻠﻴﺎ : ﺍﻧﺖ ﻋﻨﺪﻙ ﻋﻢ ﺍﺳﻤﻪ ﺳﻴﻒ ..
ﺍﻟﺤﺴﻦ ﺑﺈﺳﺘﻐﺮﺍﺏ : ﺳﻴﻒ !! ؟ﻣﻦ ﺳﻴﻒ !!! ﺍﻧﺘﻲ ﻋﻤﺎﻣﻲ ﻭﺗﻌﺮﻓﻴﻬﻢ ﻣﺎﻋﻨﺪﻳﺶ ﻏﻴﺮﻫﻢ ...
ﻋﻠﻴﺎ : ﻣﺘﺄﻛﺪ ..
ﺍﻟﺤﺴﻦ ﺑﺠﺪﻳﻪ : ﻋﻠﻴﺎ ﺷﻦ ﻓﻲ ﺑﺎﻟﺰﺑﻂ؟
ﻋﻠﻴﺎ ﺗﻨﻬﺪﺕ : ﻉ ﺍﻳﺎﻡ ﺍﻟﻌﺰﻱ ﺍﻷﻭﻟﻰ ﺣﻨﺎﻱ ﻫﺒﻂ ﺿﻐﻄﻬﺎ ﻭﺍﻧﻲ ﺧﻔﺖ ﻋﻠﻴﻬﺎ ... ﺧﺸﺖ ﻋﻠﻴﻬﺎ ﺩﺍﺭﻫﺎ ﻧﻄﻤﻦ ﻟﻘﻴﺘﻬﺎ ﺭﺍﻗﺪﻩ ﻟﻔﺘﺖ ﺍﻧﺘﺒﺎﻫﻲ ﺻﻮﺭﺓ ﻓﻴﺪﻫﺎ ﻭﻳﻦ ﻗﻤﺘﻬﺎ ﻭﺷﻔﺘﻬﺎ .. ﻟﻘﺖ ﻓﻴﻬﺎ ﺟﺪﻱ ﺍﻟﻠﻪ ﻳﺮﺣﻤﻪ ﻭﺟﻨﺒﻪ ﺭﺍﺟﻞ ... ﻭﻉ ﺣﺠﺮﻩ ﻭﻟﻴﺪ ﺻﻐﻴﺮ .. ﻭﺍﻟﺼﻮﺭﺓ ﺍﻟﺒﺎﻳﻦ ﻋﻠﻴﻬﺎ ﻗﺪﻳﻤﻪ ﻫﻠﺒﻪ ﻫﻠﺒﻪ ... ﻟﻤﺎ ﻟﻔﻴﺘﻬﺎ ﺑﺎﻟﻘﻔﺎ .. ﻟﻘﻴﺖ ﻣﻜﺘﻮﺏ ﻋﻠﻴﻬﺎ
" ﻋﻠﻲ ﺍﻟﺼﺎﺩﻕ ﻭﻭﻟﺪﻩ ﺳﻴﻒ ..."
ﺍﻟﺤﺴﻦ : ﻋﻠﻴﺎ ﻣﺘﺄﻛﺪﻩ ﻣﻦ ﺍﻟﻠﻲ ﺗﻘﻮﻟﻲ ﻓﻴﻪ ..
ﻋﻠﻴﺎ : ﻭﺍﻟﻠﻪ ﺯﻱ ﻣﺎﻧﺸﻮﻑ ﻓﻴﻚ .. ﻭﺍﻻﻏﺮﺏ ﻣﻦ ﻫﻜﻲ .. ﺍﻥ ﺍﻟﺮﺍﺟﻞ ﻓﻴﻪ ﺷﺒﻪ ﻛﺒﻴﺮ ﻣﻨﻚ ﺍﻧﺖ ...
ﺍﻟﺤﺴﻦ ﻣﺶ ﻓﺎﻫﻢ ﺷﻲ ﺷﺒﺢ ﻟﻌﻠﻴﺎ : ﻓﻲ ﺣﺪ ﻳﻌﺮﻑ ﻏﻴﺮﻙ ﺑﺎﻟﻠﻲ ﻗﻠﺘﻴﻪ ...
ﻋﻠﻴﺎ : ﻻ ﺍﺻﻼ ﻣﺎﺑﻴﺘﺶ ﻧﺤﻜﻲ ﻻﻧﻲ ﺣﺴﻴﺖ ﺍﻥ ﻓﻲ ﺷﻲ ﻭﺭﺍ ﺍﻟﺼﻮﺭﻩ .. ﺧﺼﻮﺻﺎ ﺍﻥ ﺣﻨﺎﻱ ﻛﺎﻧﺖ ﺷﺎﺩﺗﻬﺎ ﻭﻫﻲ ﺭﺍﻗﺪﻩ ..
ﺍﻟﺤﺴﻦ ﺳﺮﺡ ﺑﺘﻔﻜﻴﺮﻩ .. ﻟﻐﺰ ﺟﺪﻳﺪ ﻳﺒﻲ ﺣﻞ .. ﻣﻦ ﺳﻴﻒ ﻫﺬﺍ ﻭﻋﻼﺵ ﻣﺎﺳﻤﻌﺶ ﺑﻴﻪ ﺑﻜﻞ ﻃﻮﻝ ﻋﻤﺮﻩ !!....
***
ﻟﻬﺎﻟﺪﺭﺟﻪ ﺿﺮﻭﺭﻱ ﺗﺸﻮﻓﻨﻲ ...
ﻣﻨﺬﺭ : ﺿﺮﻭﺭﻱ ﻫﻠﺒﻪ ﻓﻮﻕ ﻣﺎﺗﺘﺼﻮﺭﻱ ..
ﺭﻳﺤﺎﻧﻪ ﺗﻨﻬﺪﺕ : ﺗﻤﺎﻡ .. ﺍﻟﺴﺒﺖ ﺑﻌﺪ ﺍﻟﻤﺪﺭﺳﻪ ...
ﻣﻨﺬﺭ ﺑﻀﺤﻜﻪ : ﻭﺍﻧﻲ ﻓﻲ ﺍﻹﻧﺘﻈﺎﺭ ...
***
ﺑﻌﺪ ﺍﻟﻤﻐﺮﺏ ...
ﻣﺎﻟﻲ ﺻﺒﺮ ﻳﺎﻧﺎﺱ ﻻﻻ ﺗﻠﻮﻣﻮﻧﻲ ...
ﻣﻄﺮﺡ ﻣﺎﻭﻟﻔﻲ ﺩﺍﺱ ﻟﻮ ﺩﺍﺳﺖ ﻋﻴﻮﻧﻲ ...
ﺳﺎﺭﺓ : ﺻﻮﺗﻚ ﻓﻴﻮﺍ ﺳﺤﺮ ﻏﺮﻳﺐ ﻭﻋﺮﺑﻚ ﺣﻠﻮﻩ ..
ﺍﻧﻌﺎﻡ : ﻭﺍﺣﺴﺎﺳﻮﺍ ﻋﺎﻟﻲ ﻛﺜﻴﺮ ..
ﻣﺮﻋﻲ : ﻭﻋﻨﺪﻭﺍ ﻛﺎﺭﻳﺰﻣﺎ ﻃﺎﻏﻴﻪ ﻛﻤﺎﻥ ..
ﺣﺴﺎﻥ : ﻭﺍﻧﻲ ﻣﺎﺑﺨﺘﻠﻒ ﻋﻨﻮﻥ ﺑﺎﻟﺮﺃﻱ ..
ﺳﺎﺭﺓ ﺑﻀﺤﻜﻪ : ﻣﺒﺮﻭﻙ ... ﻧﺸﻮﻓﻚ ..
ﺣﺴﺎﻥ : ﺑﻮﺍﻭ ﺍﻟﻨﺎﻣﻮﺱ ...
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺳﺮﻣﺪ : ﻣﺸﻜﻠﻪ ﻭﺍﻟﻠﻪ .. ﻭﺍﻗﻒ ﻉ ﺣﺎﻟﻲ ﻧﺴﻘﻲ ﻓﺸﺠﻴﺮﺍﺕ ﻭﺟﻮﻱ ﺟﻤﻴﻞ .. ﺗﻔﺴﺪﻭﺍ ﻋﻠﻴﺎ ﺑﺨﻔﺔ ﺩﻣﻜﻢ ﺍﻟﺮﻫﻴﺒﻪ ﻫﺎﺩﻱ .. ﻋﻼﺵ ..
ﺍﻧﻌﺎﻡ : ﺍﻧﺖ ﺍﻟﻠﻲ ﻓﺴﺪﺕ ﻋﻠﻴﻨﺎ ﺗﻘﻌﻤﻴﺰﺗﻨﺎ ﺑﻮﺻﻠﺔ ﺍﻟﻄﺮﺏ ﺍﻟﻠﻲ ﺩﺍﻳﺮﻫﺎﻟﻨﺎ ..
ﺳﺮﻣﺪ : ﻣﺎﻟﻲ ﻭﻣﺎﻟﻜﻢ ﺍﻧﺘﻢ ﻓﻲ ﺣﺎﻟﻜﻢ ﻭﺍﻧﻲ ﻓﺤﺎﻟﻲ ..
ﺣﺴﺎﻥ : ﺗﻮﻳﻦ ﻓﻲ ﺣﺎﻟﻚ .. ﺷﻦ ﺍﻟﻤﺴﺎﻓﻪ ﺍﻟﻠﻲ ﺑﻴﻨﺎ ﻭﺑﻴﻨﻚ ﺍﻧﺖ ﻭﺍﻗﻒ ﺣﺪﺍﻧﺎ ﺭﻩ ...
ﺳﺮﻣﺪﺑﺮﻓﻌﺔ ﺣﺎﺟﺐ : ﻣﻦ ﺍﻷﺧﻴﺮ ﺍﻧﺘﻮﺍ ﺗﻠﺰﻭﺍ ﺻﺢ؟ !
ﻫﺰﻭﺍ ﺭﻭﺳﻬﻢ ﺑﺄﻳﺠﺎﺏ ..
ﻫﻮﺷﺒﺤﻠﻬﻢ ﻭﺷﺒﺢ ﻟﻠﻄﻮﺑﻮﺍ .. ﻭﺷﺒﺤﻠﻬﻢ ﺑﺈﺑﺘﺴﺎﻣﻪ ﻣﺎﻛﺮﻩ ..
ﺳﺮﻣﺪ : ﺗﻠﺰﻭﺍ ﺻﺎﺭ ...
ﺍﻧﻌﺎﻡ ﻓﻬﻤﺖ ﻧﺎﺿﺖ : ﻧﻮﺿﻮﺍ ﺑﺴﺮﻋﻪ ... ﺑﺲ ﻣﺎﻟﺤﻘﻮﺵ .. ﺳﺮﻣﺪ ﺩﻭﺷﻠﻬﻢ ﻭﺍﻟﻠﻲ ﻳﻬﺮﺏ ﻳﺠﺮﻱ ﻓﺠﺮﺗﻪ .. ﻭﺍﻟﻠﻲ ﻳﻀﺤﻚ ﻭﺍﻟﻠﻲ ﻳﻜﺸﺦ .. ﺑﺮﻧﻴﻪ ﻃﻠﻌﺖ ﻣﻦ ﺑﺎﺏ ﺍﻟﻜﻮﺟﻴﻨﻪ ..
ﺑﺮﻧﻴﻪ : ﻫﺎﻟﻤﺘﺮﻭﺷﻖ ... ﻳﺎﺍﺍﺍﺍﻭﻟﺪ .. ﺳﺮﺭﺭﺭﺭﺭﺭﻣﺪ .. ﻳﺎﻣﺪﻗﻮﻕ ﺑﻄﻄﻄﻞ ..
ﻗﺪﻣﻠﻬﺎ ﻫﻮ ﻳﻀﺤﻚ ﻭﻓﻴﺪﻩ ﺍﻟﻄﻮﺑﻮ : ﺷﻨﻮ ﻳﺎﺳﺖ ﺍﻟﺤﺒﺎﻳﺐ ..
ﺑﺮﻧﻴﻪ : ﺷﻦ ﻟﻌﺐ ﺍﻟﻌﻮﻳﻠﻪ ﻫﺬﺍ ..
ﺳﺮﻣﺪ ﺑﻀﺤﻜﻪ : ﻧﺴﻘﻲ ﻑ ﺍﻟﻐﺮﺱ .. ﻗﻠﺖ ﻧﺪﻭﺷﻠﻬﻢ ﺭﻳﺤﺘﻬﻢ ﻃﺎﻟﻌﻪ ..
ﺍﻧﻌﺎﻡ : ﺑﺮﺍ ﻳﺎﻣﻌﻔﻦ ... ﺑﺨﻬﺎ ﺑﺎﻟﻄﻮﺑﻮ .
ﺑﺮﻧﻴﻪ : ﻳﺎﻭﻟﺪ ﺑﻄﻞ ...
ﺳﺮﻣﺪ : ﺷﻨﻮ ... ﻭﺑﺨﻬﺎ ﻓﻲ ﺭﺟﻠﻴﻬﺎ ..
ﻛﻠﻬﻢ 😂😂😂😂😂
ﺑﺮﻧﻴﻪ : ﻳﺎﻗﺮﺩ ﻳﺎﺳﻔﺘﻮﻝ ﻳﺎﺯﻭﻓﺮﻱ ... ﻭﺣﺪﻓﺖ ﻋﻠﻴﻪ ﺷﺒﺸﺐ ﻭﺧﺸﺖ ﻃﻮﻝ ﻋﺎﺭﻓﺎﺗﻪ ﻣﺶ ﺣﻴﻬﻨﻲ ﺭﻭﺣﻪ ﻭﻫﻮ ﺟﺎﻩ ﺍﻟﺸﺒﺸﺐ ﻓﻲ ﻇﻬﺮﻩ ...
ﺳﺮﻣﺪ : ﺍﺣﺤﺤﺤﺢ ...
ﻣﺮﻋﻲ : ﺧﻼﺹ ﻳﺎﺭﺍﺟﻞ ﺍﻟﻤﻴﻪ ﺗﻔﻠﺖ ﻓﻲ ﺍﻟﻔﺎﺿﻲ ..
ﺳﺮﻣﺪ ﺍﻟﺘﻔﺘﻠﻪ : ﻧﺨﻠﻮﻫﺎ ﺗﻔﻠﺖ ﻓﻲ ﺍﻟﻤﻠﻴﺎﻥ ﻭﻗﻌﺪ ﻳﺠﺮﻱ ﻓﻲ ﺟﺮﺗﻪ ﻭﻳﺒﺦ ﻋﻠﻴﻪ ﻓﻲ ﺍﻟﻤﻴﻪ ... ﻭﻟﻔﻮﺍ ﻣﻦ ﺟﻬﺔ ﺍﻟﺘﺎﻧﻴﻪ ﻣﺮﻋﻲ ﻫﺮﺏ .. ﻭﻛﻴﻒ ﺑﻴﻠﺤﻘﻪ ﺳﺮﻣﺪ .. ﺑﺦ ﺍﻟﻤﻴﻪ ﺟﺖ ﻓﻲ ﺍﻟﺸﺨﺺ ﺍﻟﻐﻠﻂ ..
ﺍﻟﺤﺴﻦ ﻭﻫﻮ ﻣﺪﺭﻕ ﻭﺭﺍﻩ ﻋﻠﻴﺎ ﻭﻳﻘﻄﺮ ﺑﺼﻮﺕ ﻋﺎﻟﻲ : ﺧﻴﻴﻴﺮ ﻋﻤﻤﻤﻚ ..
ﺳﺮﻣﺪ ﺑﺮﺑﻜﻪ : ﻣﺎﺗﻮﺍ ﻛﻠﻬﻢ ﺍﻟﻠﻪ ﻳﺮﺣﻤﻬﻢ ...
ﺍﻟﺤﺴﻦ ﻭﺻﻠﺖ ﻣﻌﺎﻩ ﻟﻠﺸﻴﻄﺎﻥ ﺍﻟﺮﺟﻴﻢ .. ﻭﻗﺪﻡ ﺳﺮﻣﺪ ﻃﻠﻖ ﺍﻟﻄﻮﺑﻮ ﻭﻃﻠﻊ ﻳﺠﺮﻱ ﻭﺍﻟﺤﺴﻦ ﺧﺪﺍﻩ ﻭﻗﻌﺪ ﻳﺠﺮﻱ ﻭﺭﺍﻩ ..
ﺳﺮﻣﺪ ﻳﺠﺮﻱ ﻭﺍﻟﺤﺴﻦ ﻓﻲ ﺟﺮﺗﻪ ﻳﺒﺦ ﻓﻴﻪ .. ﻭﻛﻠﻬﻢ ﻳﺘﻔﺮﺟﻮﺍ ﻳﻀﺤﻜﻮﺍ ...
ﺳﺮﻣﺪ ﺗﻠﻔﺘﻠﻪ ﻭﻗﻌﺪ ﻳﺠﺮﻱ ﻟﻠﺨﻠﻒ : ﺻﻌﺒﻪ ﻋﻠﻴﻚ .. ﺗﻮﺻﻞ ﻓﻴﺎ ﺻﻌﺒﻪ ﻋﻠﻴﻚ ..
ﺍﻟﺤﺴﻦ : ﻣﺮﻋﻲ ... ﺻﻜﺮ ﺍﻟﻤﻴﻪ ..
ﻣﺮﻋﻲ ﻃﻮﻝ ﻣﺸﻲ ﺳﻜﺮﻫﺎ ﺯﺍﺩ ﺳﺮﻣﺪ ﺳﺮﻋﺘﻪ ﻭﺍﻟﺤﺴﻦ ﻓﺠﺮﺗﻪ ﺧﺪﻱ ﺍﻟﻄﻮﺑﻮ ﻭﺷﺪﻩ ﻣﻦ ﺟﻴﻬﺘﻴﻦ ﺧﻼﺹ ﺣﻴﻮﺻﻞ ﻓﻴﻪ .. ﻟﻔﻪ ﻉ ﺳﺮﻣﺪ ... ﺍﻟﻠﻲ ﺣﺎﻭﻝ ﻳﻔﻠﺖ ﻣﺎﻗﺪﺭﺵ .. ﺟﺒﺪﻩ ﻭﻗﻌﺪ ﻳﻠﻒ ﻋﻠﻴﻪ ﻓﻲ ﺍﻟﻄﻮﺑﻮ ... ﻭﺭﺑﻄﻪ ..
ﺍﻟﺤﺴﻦ ﺑﺈﺑﺘﺴﺎﻣﻪ ﺗﻬﻜﻢ : ﺻﻌﺒﻪ ﻋﻠﻴﺎ !!!
ﺳﺮﻣﺪ ﺑﻀﺤﻜﻪ : ﺗﻮﺻﻞ ﻓﻴﺎ ﺻﻌﺒﻪ ﻫﻠﺒﻪ ﻋﻠﻴﻚ ..
ﺍﻟﺤﺴﻦ : ﻭﺍﻟﻠﻪ ﺍﻟﺼﻌﺐ ﺣﻖ ﺍﻟﻠﻲ ﺍﻧﺖ ﻓﻴﻪ ﺣﺎﻟﻴﺎ ...
ﻭﻟﻒ ﻭﻣﺸﻲ ..
ﺍﻟﺤﺴﻦ ﺷﺒﺤﻠﻬﻢ : ﻳﻤﺸﻴﻠﻪ ﺣﺪ .. ﻧﺪﻳﺮﻓﻴﻪ ﺯﻱ ﻣﺎﺩﺭﺗﻠﻪ ﻫﻮ ...
ﻋﻠﻴﺎ ﺑﻀﺤﻜﻪ : ﻭﻳﻦ ﻣﺎﺷﻲ ..
ﺍﻟﺤﺴﻦ : ﺑﻨﻐﻴﺮ ﺣﻮﺍﻳﺠﻲ ... ﻭﻣﺸﻲ ..
ﻭﻋﻠﻴﺎ ﻟﺤﻘﺎﺗﻪ ... ﺍﻣﺎ ﺍﻟﺒﺎﻗﻲ ﺍﻟﻠﻲ ﻫﺬﺍ ﻣﺸﻲ ﻳﻐﻴﺮ ... ﻭﻗﻌﺪ ﺳﺮﻣﺪ ﻣﺮﺑﻮﻁ ﺑﺎﻟﻄﻮﺑﻮ ..
ﺳﺮﻣﺪ ﺑﻀﺤﻜﻪ : ﺳﻴﻮﺭﻙ ﺗﻨﺮﺑﻂ ﻳﺎﻭﻟﺪ ﺧﻮﻱ ...
" ﺍﻟﻠﻲ ﺻﺎﺭ ﺑﻴﻦ ﺳﺮﻣﺪ ﻭﺍﻟﺤﺴﻦ ﺗﻮﺍ ﺍﺫﻛﺮﻭﻩ ﻛﻮﻳﺲ ﺣﻴﺘﻜﺮﺭ ﻫﺎﻟﻤﺸﻬﺪ ﻓﻲ ﻇﺮﻭﻑ ﻏﻴﺮ ﻭﻓﻤﻜﺎﻥ ﻏﻴﺮ ..."😉
***
ﻳﻮﻡ ﺍﻟﺴﺒﺖ ..
ﺍﻟﺴﺎﻋﻪ 1:00 ﻇﻬﺮﺍ .. ﺭﻳﺤﺎﻧﻪ ﻣﺸﺖ ﻟﻠﻤﻜﺎﻥ ﺍﻟﻠﻲ ﺗﺘﻼﻗﻰ ﻓﻴﻪ ﻣﻊ ﻣﻨﺬﺭ ﻟﻘﺎﺗﻪ ﻣﻘﻌﻤﺰ ﻳﺴﺘﻨﻰ ﻓﻴﻬﺎ ... ﻗﺪﻣﺘﻠﻪ ﻭﻫﻲ ﺗﻀﺤﻚ ..
ﻣﻨﺬﺭ ﺑﻀﺤﻜﻪ : ﺷﻦ ﻳﻀﺤﻚ ﻓﻴﻚ ..
ﺭﻳﺤﺎﻧﻪ ﻗﻌﻤﺰﺕ : ﻣﻨﻈﺮﻙ ﺑﻼ ﻟﺤﻴﻪ .. ﻫﻬﻬﻬﻬﻬﻬﻬﻪ .. ﺑﺎﻟﻔﻌﻞ ﻟﻮﺯﺓ ﻣﺰﻟﻄﻪ ﻫﻬﻬﻬﻬﻬﻪ ..
ﻣﻨﺬﺭ : ﺍﺿﺤﻜﻲ ﻳﺎﺟﺮﻭﺓ ﺍﺿﺤﻜﻲ ..
ﺭﻳﺤﺎﻧﻪ ﻫﺪﺕ ﺿﺤﻚ : ﺍﻳﻴﻪ ﺷﻦ ﺟﻮﻙ ..
ﻣﻨﺬﺭ : ﺗﻤﺎﻡ ..
ﺭﻳﺤﺎﻧﻪ : ﺍﺳﻤﻊ ﻣﺎﻧﻘﺪﺭﺵ ﻧﻌﻄﻞ ﻫﻠﺒﻪ .. ﺧﺶ ﻓﻲ ﺍﻟﻀﺮﻭﺭﻱ ..
ﻣﻨﺬﺭ ﺑﺠﺪﻳﻪ : ﻧﺒﻲ ﻣﻨﻚ ﻭﻋﺪ ..
ﺭﻳﺤﺎﻧﻪ : ﺑﺸﻨﻮ ..
ﻣﻨﺬﺭ : ﺗﺴﻤﻌﻴﻨﻲ ﻟﻸﺧﺮ ..
ﺭﻳﺤﺎﻧﻪ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ ﻗﺎﻟﺖ : ﻭﻋﺪ ...
ﻣﻨﺬﺭ ﺧﺪﻱ ﻧﻔﺲ ﻋﻤﻴﻖ ﻭﺷﺒﺢ ﺍﻟﻘﺪﺍﻡ : ﻋﻠﻴﺎ ...
ﺭﻳﺤﺎﻧﻪ ﺑﺈﺳﺘﻐﺮﺍﺏ : ﺧﻴﺮﻫﺎ ..
ﻣﻨﺬﺭ ﺷﺒﺤﻠﻬﺎ : ﺗﻌﺮﻓﻲ ﻋﻴﻠﺘﻬﺎ ﻛﻮﻳﺲ ..
ﺭﻳﺤﺎﻧﻪ : ﺗﻘﺮﻳﺒﺎ .. ﺍﻣﻬﺎ ﻣﺮﺍﻩ ﻃﻴﺒﻪ .. ﻭﺑﻮﻫﺎ ﺷﻴﺦ ﻭﻳﺨﺎﻑ ﺭﺑﻲ .. ﻭﺧﻮﺍﺗﻬﺎ ﻛﻮﻳﺴﺎﺕ .. ﻭﻋﻨﺪﻫﺎ ﺧﻮ ﺣﻴﻮﻟﻲ ﻧﺴﻴﺐ ﻭﻟﺪ ﻋﻤﻲ ﻋﻠﻲ ...
ﻣﻨﺬﺭ ﺍﺑﺘﺴﻢ ...
ﺭﻳﺤﺎﻧﻪ : ﻭﻋﻨﺪﻫﻢ ﻭﺍﺣﺪ ... ﺧﻮﻫﺎ ﺍﻟﻜﺒﻴﺮ .. ﻫﻮ ﻣﻌﺮﻭﻑ .. ﺗﺎﺟﺮ ﻣﺨﺪﺭﺍﺕ ﻭﺷﺨﺺ ﺳﻤﻌﺘﻪ ﺯﻱ ﺍﻟﺰﻓﺖ ﻭﻫﻤﺎ ﻣﺘﺒﺮﻳﻴﻦ ﻣﻨﻪ ..
ﻣﻨﺬﺭ ﺷﺒﺤﻠﻬﺎ ﺑﺈﺑﺘﺴﺎﻣﻪ : ﺷﻦ ﺭﺍﻳﻚ ﻓﻴﺎ ..
ﺭﻳﺤﺎﻧﻪ ﺑﻀﺤﻜﻪ : ﺧﻴﺮﻙ ﺍﻟﻴﻮﻡ !! ؟
ﻣﻨﺬﺭ : ﺧﻮﺩﻳﻨﻲ ﻉ ﻗﺪ ﻋﻘﻠﻲ ﻭﺟﺎﻭﺑﻴﻨﻲ ...
ﺭﻳﺤﺎﻧﻪ : ﺑﺎﻩ ... ﺍﻣﻤﻢ .. ﺗﺒﺎﻥ ﻃﻴﺐ .. ﻭﺩﻣﻚ ﺧﻔﻴﻒ ﻭﺗﺨﺶ ﺍﻟﺨﺎﻃﺮ ﺍﻟﺤﻖ .. ﺑﺮﻏﻢ ﺍﻥ ﺍﺳﻠﻮﺑﻚ ﺗﺎﻓﻪ ..
ﻣﻨﺬﺭ : ﻫﻬﻬﻬﻬﻬﻬﻬﻬﻬﻪ
ﺭﻳﺤﺎﻧﻪ : ﺍﻧﻲ ﻣﺶ ﻓﺎﻫﻤﻪ ﺷﻲ ﺭﻩ ..
ﻣﻨﺬﺭ ﺳﻜﺖ ﻭﻗﻌﺪ ﻳﺸﺒﺤﻠﻬﺎ ﻭﻫﻲ ﺗﺸﺒﺤﻠﻪ ...
ﻣﻨﺬﺭ : ﺍﻧﻲ ﺧﻮ ﻋﻠﻴﺎ ﺍﻟﻜﺒﻴﺮ ..
.... ﻳﺘﺒﻊ ...
