#الحسن (الوطن عشق رجاله )
ﺍﻟﺠﺰﺀ ﺍﻟﺴﺘﻮﻥ 💜
للكاتبة GomanFared
ﺃﺳﻔﻪ ﺟﺪﺍ ﺳﺎﻣﺤﻮﻧﻲ ﺑﻨﺰﻟﻪ ﻣﻦ ﺍﻣﺲ ﺑﺲ ﺩﺍﺭﺗﻬﺎ ﻓﻴﺎ ﺍﻟﺘﻐﻄﻴﻪ 💔
ﻣﻘﻌﻤﺰ ﻉ ﺍﻟﻜﻨﺒﻪ ﺑﺎﻟﻌﺮﺽ ﻭﻫﻲ ﻓﻲ ﻓﺤﻀﻨﻪ ...
ﻋﻠﻴﺎ : ﻗﺼﺘﻪ ﻏﺮﻳﺒﻪ ...
ﺍﻟﺤﺴﻦ : ﻟﺘﻮﺍ ﻣﺘﻔﺎﺟﺄ ...
ﻋﻠﻴﺎ : ﻋﻨﺪﻙ ﺣﻖ .. ﺑﺲ ﻳﻌﻨﻲ ﻣﺎﺩﺍﻡ ﺟﺪﻱ ﻋﻠﻲ ﺗﻮﻓﻰ ﻋﻼﺵ ﻣﺎﺗﻜﻠﻤﻮﺵ ﻋﻠﻴﻪ ..
ﺍﻟﺤﺴﻦ : ﻣﺎﺩﺍﻡ ﻟﻴﻬﻢ ﺳﻨﻴﻦ ﻣﺪﺭﻗﻴﻦ ﻫﺎﻟﺴﺮ ﺷﻦ ﺍﻟﻠﻲ ﺣﻴﺨﻠﻴﻬﻢ ﻳﻄﻠﻌﻮﻩ ﺗﻮﺍ ... ﻣﺎﻓﻴﺶ ﺩﺍﻋﻲ ..
ﻋﻠﻴﺎ : ﻣﻤﻜﻦ ﻛﻼﻣﻚ ﺻﺢ ..
ﺍﻟﺤﺴﻦ : ﺧﻴﺮﻙ ﻣﺎﺑﺘﻴﺶ ﻣﻌﺎﻫﻢ ﻟﻮﻃﺎ ..
ﻋﻠﻴﺎ ﻗﺎﻣﺖ ﺭﺍﺳﻬﺎ ﻭﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ : ﻭﺍﻟﻠﻪ !!!
ﺍﻟﺤﺴﻦ ﺭﻓﻊ ﺣﻮﺍﺟﺒﻪ ..
ﻋﻠﻴﺎ ﺑﺘﻨﻮﺽ : ﻛﻮﻳﺲ ﺗﻮ ﻧﻨﺰﻝ ...
ﺍﻟﺤﺴﻦ ﺑﻀﺤﻜﻪ ﺟﺒﺪﻫﺎ ﻟﺤﻀﻨﻪ : ﻣﻬﺒﻮﻟﻪ ..
ﻋﻠﻴﺎ ﺿﺮﺑﺎﺗﻪ ﻉ ﺻﺪﺭﻩ ﺿﺮﺑﻪ ﺧﻔﻴﻔﻪ : ﺑﺎﺭﺩ ..
ﺍﻟﺤﺴﻦ ﺿﻤﻬﺎ ﺍﻛﺜﺮ ﻭﻏﻤﺾ ﻋﻴﻮﻧﻪ : ﺁﺍﺍﺍﺍﺥ ... ﻧﺤﺒﻚ 💓 ﻳﺎﺣﺼﻠﻪ ...
ﻋﻠﻴﺎ ﺑﻀﺤﻜﻪ : ﻭﺍﻧﻲ ﻧﻤﻮﺕ ﻓﻴﻚ ﻳﺎ ﻳﺎﺑﺎﺭﺩ 💓..
***
ﻃﺮﻭﺣﺎﺕ ﻧﺘﺎﻳﺎﺕ ...
ﺟﻨﺎﻥ : ﺗﻠﻘﻴﻬﺎ ﻛﺎﻧﺖ ﻣﻜﺮﻫﺎﺗﻪ ﻓﻲ ﺷﺒﺢ ﻋﻤﺮﻩ ﻭﻫﻲ ﺍﻟﻠﻲ ﻃﺎﻟﺒﻪ ﺍﻟﻄﻼﻕ .. ﻭﺗﻮﺍ ﻟﻤﺎ ﺷﺎﻓﺎﺗﻪ ﻣﻊ ﻏﻴﺮﻫﺎ ﺣﻠﻲ ﻓﻌﻴﻮﻧﻬﺎ ...
ﺍﻧﻌﺎﻡ : ﻫﻠﺒﻪ ﻫﻜﻲ ﻳﺤﺒﻮﺍ ﺍﻟﺘﻤﻠﻚ .. ﻳﺨﻠﻮﻙ ﻟﻜﻦ ﻣﺎﺗﻜﻮﻧﻴﺶ ﻟﻐﻴﺮﻫﻢ ﻣﻦ ﺑﻌﺪﻫﻢ .. ﻭﻣﺎﻓﻴﺶ ﻓﺮﻕ ﺑﻴﻦ ﻧﺴﺎﻭﻳﻦ ﻭﺭﺟﺎﻟﻪ ﻓﻲ ﻫﺎﻟﺤﺎﻟﻪ ..
ﻫﺎﻟﻪ : ﺧﻮﻟﻪ ﺍﻧﺘﻲ ﺷﻦ ﺗﺤﺴﻴﻪ ..
ﺧﻮﻟﻪ : ﺍﻣﻤﻢ .. ﻣﺶ ﻋﺎﺭﻓﻪ .. ﺑﺲ ﺣﺎﺳﻪ ﺍﻧﻲ ﻣﺼﺪﻗﺎﺗﻪ ..
ﺳﺎﺭﻩ : ﺩﺍﻡ ﻃﻖ ﺑﺎﺏ ﺣﻮﺵ ﺍﻫﻠﻚ ﻣﻌﻨﺎﻫﺎ ﺻﺎﺩﻕ ...
ﺭﻳﺤﺎﻧﻪ : ﻭﻣﻊ ﻫﺬﺍ ﺍﺣﺘﺎﻃﻲ ... ﻓﻲ ﺭﺟﺎﻟﻪ ﻳﺤﺒﻮﺍ ﻳﻐﻴﻀﻮﺍ ﻃﻠﻴﻘﺎﺗﻬﻢ ﺑﻤﺮﺍﺓ ﺗﺎﻧﻴﻪ ..
ﻛﻠﻬﻢ ﺷﺒﺤﻮﻟﻬﺎ ..
ﺍﻧﻌﺎﻡ : ﺭﻳﺤﺎﻧﻪ !!
ﺧﻮﻟﻪ : ﻋﻨﺪﻫﺎ ﺍﻟﺤﻖ .. ﺍﺳﺎﺳﺎ ﺍﻧﻲ ﻓﻜﺮﺕ ﻓﻲ ﺍﺣﺘﻤﺎﻝ ﺯﻱ ﻫﺬﺍ ...
ﺍﻧﻌﺎﻡ : ﺑﺎﻩ ﺷﻦ ﺑﺒﺎﻟﻚ ..
ﺧﻮﻟﻪ : ﻣﻌﺶ ﻣﺎﺷﻴﻪ ﻟﻠﺸﺮﻛﻪ ﻭﻧﺸﻮﻓﻪ ﺷﻦ ﻳﺪﻳﺮ ..
***
ﺣﻄﺘﻴﻨﻲ ﻓﻲ ﻣﻮﻗﻒ ﺯﻱ ﺍﻟﺰﻓﺖ ..
ﻟﻴﻠﻰ : ﺑﺎﺑﺎ ﺍﻧﻲ ﻣﺎﺩﺭﺕ ﺷﻲ ﻫﻮ ﻳﺪﻭﺭ ﻓﻴﺎ ..
ﺍﻟﻬﺎﺩﻱ : ﺍﻧﺘﻲ ﺍﻟﻠﻲ ﺩﻭﺭﻱ ﻓﻴﻪ .. ﺗﺤﺴﺎﺑﻴﻨﻲ ﺭﺍﻗﺪ ﻉ ﻭﺫﺍﻧﻲ .. ﻋﺎﺭﻑ ﻛﻞ ﺷﻲ .. ﺭﻳﺎﺽ ﺍﻧﻲ ﻣﺶ ﻗﺪﻩ ﻣﺶ ﻗﺪﻩ .. ﺍﺭﺣﻤﻴﻨﻲ ﺍﺭﺟﻮﻙ .. ﻭﻣﺸﻲ ﻭﺧﻼﻫﺎ ..
ﺍﻣﻬﺎ : ﺍﻧﺘﻲ ﺍﻟﻠﻲ ﻗﺮﻳﺐ ﻫﺒﻠﺘﻲ ﺑﺶ ﺗﻄﻠﻘﻲ ﺣﺘﻰ ﺑﻨﺘﻚ ﺳﻴﺒﺘﻬﺎﻟﻪ .. ﺷﻦ ﺗﺒﻲ ﺗﻮﺍ ﺷﻦ ﺟﺪ ﻋﻠﻴﻚ !!!
ﺷﺒﺤﺖ ﻷﻣﻬﺎ ﺑﻐﻀﺐ ﻭﻣﺸﺖ ﻣﻦ ﺣﺪﺍﻫﺎ ..
ﺍﻣﻬﺎ : ﻫﺎﺩﻱ ﺍﺧﺮﺕ ﺍﻟﺪﻟﻊ ﺍﻟﺰﺍﻳﺪ ..
***
ﺗﺎﻧﻲ ﻳﻮﻡ ...
ﻧﺰﻟﺖ ﻋﻠﻴﺎ ﻣﻦ ﺍﻟﺼﺒﺢ ﻣﻊ ﻧﺴﺎﻭﻳﻦ ﺍﻟﻌﻴﻠﻪ ﻳﻨﻜﺘﻮﺍ ﻓﻲ ﺍﻟﺤﻮﺵ ﺧﻼﺹ .. ﺭﻣﻀﺎﻥ ﻣﺎﺯﺍﻝ ﻋﻠﻴﻪ ﻳﻮﻡ ...
ﺍﻣﺎ ﺍﻟﺮﺟﺎﻟﻪ ﺍﻟﻠﻲ ﻫﺬﺍ ﻣﺸﻲ ﻳﺴﻌﻰ ﻉ ﺣﺎﻟﻪ ...
ﻓﻲ ﺍﻟﻤﺮﻛﺰ ..
ﺍﺣﻤﺪ : ﻣﻜﺎﺗﺒﻨﺎ ﻧﻈﺎﻑ ﺗﻤﺎﻣﺎ ...
ﺍﻟﺤﺴﻦ : ﺗﻮﻗﻌﺖ ...
ﺍﺣﻤﺪ : ﺍﻟﻮﺿﻊ ﺯﺍﺩ ﺗﻌﻘﻴﺪ ...
ﻃﻖ ﺍﻟﺒﺎﺏ .. ﺧﺶ ﻋﻨﺼﺮ .. ﺍﺩﻱ ﺍﻟﺘﺤﻴﻪ
ﺍﻟﻌﻨﺼﺮ : ﺍﻟﻌﻤﻴﺪ ﻋﺎﺩﻝ ﺷﺘﻴﻮﻱ ﺣﻴﻮﺻﻞ ﺑﻌﺪ 5 ﺩﻗﺎﻳﻖ ..
ﺍﻟﺤﺴﻦ : ﺗﻤﺎﻡ ..
ﻧﺎﺿﻮﺍ ﺍﺣﻤﺪ ﻭﺍﻟﺤﺴﻦ ﻭﻃﻠﻌﻮﺍ ﻭﺭﺍ ﺍﻟﻌﻨﺼﺮ .. ﺑﺶ ﻳﺴﺘﻘﺒﻠﻮﺍ ﺭﺋﻴﺲ ﺍﻟﻤﺮﻛﺰ ﺍﻟﺠﺪﻳﺪ ﺧﻠﻴﻔﺔ ﺟﺎﺩ ﺍﻟﻠﻪ .. ﺑﻌﺪ ﻣﺎﻛﺎﻥ ﺭﺋﻴﺴﻪ ﻟﻔﺘﺮﺓ ﻣﺆﻗﺘﻪ ﺍﻟﺤﺴﻦ ..
ﻭﺻﻞ ﺍﻟﻌﻤﻴﺪ ﻭﺧﺶ ﻟﻠﻤﺮﻛﺰ ﻭﻛﺎﻥ ﻓﻲ ﺍﺳﺘﻘﺒﺎﻟﻪ ﻋﻨﺎﺻﺮ ﻭﺿﺒﺎﻁ ﺳﻠﻤﻮﺍ ﻋﻠﻴﻬﻢ ﻟﻌﻨﺪ ﻭﺻﻞ ﻓﻲ ﺍﺣﻤﺪ ﺳﻠﻢ ﻋﻠﻴﻪ ﻭﻟﻒ ﻧﻈﺮﻩ ﻟﻠﺤﺴﻦ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ..
ﺍﻟﺤﺴﻦ ﻣﺪ ﻳﺪﻩ ﻭﺍﻟﻌﻤﻴﺪ ﻭﺍﻗﻒ ﻳﺘﻔﺤﺺ ﻓﻴﻪ ﺑﻨﻈﺮﻩ ... ﺍﻟﻜﻞ ﺍﺳﺘﻐﺮﺏ ﻭﺃﻭﻟﻬﻢ ﺍﻟﺤﺴﻦ ..
: ﺍﻟﺤﺴﻦ ﺍﻟﺼﺎﺩﻕ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ ..
: ﺍﺳﻤﻚ ﺑﺎﻟﻜﺎﻣﻞ ..
ﺍﻟﺤﺴﻦ ﺭﻓﻊ ﺣﻮﺍﺟﺒﻪ : ﺍﻟﺤﺴﻦ ﻋﺎﺑﺪ ﻋﻠﻲ ﺍﻟﺼﺎﺩﻕ ..
: ﺍﻫﺎ ...!!
ﺍﻟﺤﺴﻦ : ﺍﺫﻛﺮﺗﻨﻲ ..
: ﻛﻴﻒ؟
ﺍﻟﺤﺴﻦ : ﺣﻀﺮﺗﻚ ﻗﺮﻳﺘﻨﻲ ﺃﻳﺎﻡ ﺍﻟﻜﻠﻴﻪ ..
: ﻟﻤﺎ ﺷﻔﺘﻚ ﺷﺒﻬﺖ ﻋﻠﻴﻚ .. ﺍﺑﺘﺴﻢ ﺍﻟﻌﻤﻴﺪ ﻭﻛﻤﻞ ﻃﺮﻳﻘﻪ ﻟﻤﻜﺘﺒﻪ ﻭﺧﻼ ﺍﻟﺤﺴﻦ ﻣﺴﺘﻐﺮﺏ ﻓﻴﻪ ..
***
ﻋﺎﺩﻝ ﺷﺘﻴﻮﻱ ..
: ﺍﻳﻪ ﻳﺎﺭﺍﺱ ..
ﺍﻟﻜﻮﺑﺮﺍ : ﺟﻴﺒﻠﻲ ﺷﺠﺮﺓ ﺍﻟﻌﺎﻳﻠﻪ ﻣﺘﺎﻋﻪ ﻛﺎﻣﻠﻪ ..
: ﺗﻢ ﻳﺎﺭﺍﺱ .. ﻭﺻﻜﺮ ...
ﺍﻟﻜﻮﺑﺮﺍ ﺑﺘﻬﻜﻢ : ﻛﺎﻥ ﺩﺍﺭﻭﺍ ﻟﻘﺒﻠﻪ ﺣﺎﺟﻪ ﺗﻮ ﻳﺪﻳﺮ ﻫﻮ ..
***
ﺍﻣﻴﺮﻩ ... ﺿﻤﻲ ﺩﻭﻻﺏ ﺍﻟﻜﻮﺟﻴﻨﻪ ..
ﺍﻣﻴﺮﻩ : ﺑﺎﻩ ﻏﻴﺮ ﻧﻜﻤﻞ ﺍﻟﻠﻲ ﻓﻴﺪﻱ .. ﺑﻬﻤﺲ .. ﺍﻣﻴﺮﻩ ﺍﺭﺣﻲ ﺍﻟﺨﺒﺰﺓ .. ﺍﻣﻴﺮﻩ ﻃﻠﻌﻲ ﺍﻟﻄﻨﺎﺟﺮ ﻣﻦ ﺍﻟﻤﺨﺰﻥ .. ﺍﻣﻴﺮﻩ ﺩﻳﺮﻱ ﺻﺎﻟﺼﻪ .. ﻳﺎﺭﻳﺘﻨﻲ ﺗﺰﻭﺟﺖ ﺣﺘﻰ ﺍﻧﻲ ...
ﺯﻳﻨﺐ : ﻉ ﺍﺳﺎﺱ ﺧﻮﺍﺗﻚ ﺍﻟﻤﺘﺰﻭﺟﺎﺕ ﺣﺎﻃﺎﺕ ﺭﺟﻞ ﻉ ﺭﺟﻞ 😒
ﺍﻣﻴﺮﻩ " ﺳﻤﻌﺘﻨﻲ :"😨 ﻣﺎﻗﻠﺘﺶ ﻫﻜﻲ ﺑﺲ ﻉ ﺍﻷﻗﻞ ﻓﻴﻤﻦ ﻳﻌﺎﻭﻧﻬﻢ ﻣﺶ ﻛﻞ ﺷﻲ ﻉ ﺭﺍﺳﻬﻢ ﻭﻻﻣﺪﻳﺤﻪ ﺍﻟﻠﻲ ﺟﺎﺑﻠﻬﺎ ﺧﺪﺍﻣﻪ ﻣﺮﺓ ﻭﺣﺪﻩ ..
ﺯﻳﻨﺐ : ﺩﻳﺮﻱ ﺷﻐﻠﻚ ﺑﻼﻋﺒﺮﺝ ﺍﻧﺎﺗﻲ ..
ﺍﻣﻴﺮﻩ : ..😑
***
ﺑﻌﺪ ﺍﻟﻤﻐﺮﺏ ..
ﻛﺎﻧﺖ ﺍﺧﺮ ﻣﺮﺣﻠﻪ ﻓﻲ ﺍﻟﻈﻤﺎﻥ .. ﺍﻟﻜﻮﺟﻴﻨﻪ ﺍﻟﺨﺎﺭﺟﻴﻪ ﺍﻟﻠﻲ ﻳﻔﺘﺤﻮﺍ ﻓﻴﻬﺎ ﻓﻲ ﺭﻣﻀﺎﻥ ﻭﺍﻟﻤﻨﺎﺳﺒﺎﺕ .. ﻭﺍﻟﺠﻨﺎﻥ ...
ﺟﻨﺎﻥ : ﻫﺎﻟﻪ ﻭﻳﻦ ﻭﺍﺻﻠﻪ ﻓﻲ ﺣﻔﻆ ﺍﻟﻘﺮﺁﻥ ..
ﻫﺎﻟﻪ ﺑﺈﺑﺘﺴﺎﻣﻪ : ﺳﻮﺭﺓ ﺍﻷﻧﻌﺎﻡ .. ﺑﺲ ﻭﻗﻔﺖ ﺍﻟﻔﺘﺮﻩ ﻫﺎﺩﻱ ﺑﺴﺒﺐ ﺍﻟﻮﺣﻢ .. ﺟﺎﻳﻨﻲ ﻉ ﺍﻟﻨﻮﻡ .. ﻳﺪﻭﺏ ﻧﺮﻭﺡ ﻣﻦ ﺍﻟﺠﺎﻣﻌﻪ ﻃﻮﻝ ﻧﺮﻗﺪ ...
ﻋﻠﻴﺎ ﺗﺮﺗﺐ ﺍﻟﻤﺎﻋﻴﻦ ﻓﻲ ﺍﻟﺪﻭﻻﺏ : ﺍﻳﻪ ﺣﻘﻪ ﺷﻦ ﺩﺍﺭ ﺣﺴﺎﻥ ﻟﻤﺎ ﻋﺮﻑ ﺍﻧﻚ ﺣﺎﻣﻞ ﺑﺒﻨﻴﻪ ..
ﻫﺎﻟﻪ ﺑﻀﺤﻜﻪ : ﻗﺮﻳﺐ ﻃﺎﺭ ﻣﻦ ﺍﻟﻔﺮﺣﻪ .. ﻗﺎﻟﻲ ﺍﻧﺘﻲ ﺣﺘﺠﻴﺒﻲ ﻓﻲ ﺍﺧﺮ ﺍﻟﺼﻴﻒ ﺍﻟﺠﺎﻱ ... ﻗﺘﻠﻪ ﺍﺣﺘﻤﺎﻝ .. ﻟﻴﻠﺘﻬﺎ ﺭﻭﺡ ﻭﻫﻮ ﺟﺎﻳﺐ ﻣﻌﺎﻩ ﺑﻄﺎﻧﻴﻪ ﺑﻮﺩﺭﻳﻪ ﻭﺳﺒﻴﺪﺭﻭ ﺑﻮﺩﺭﻱ ﺻﻐﻴﺮﻭﻭﻭﻭﻭﻥ ﻳﻬﺒﻞ ..
ﺟﻨﺎﻥ : ﻳﺎﺭﻭﻭﻭﻭﺣﻲ ...
ﻋﻠﻴﺎ : ﺑﺠﺪﻳﺎﺕ ﺍﻟﺒﻨﺎﺕ ﻳﻬﺒﻠﻮﺍ ...
ﺟﻨﺎﻥ : ﺍﻟﺤﺴﻦ ﺷﻦ ﺧﺎﻃﺮﻩ
ﻋﻠﻴﺎ ﺑﻀﺤﻜﻪ : ﺣﺘﻰ ﻫﻮ ﻳﺒﻲ ﺑﻨﻴﻪ ...
ﺟﻨﺎﻥ ﺑﻀﺤﻜﻪ : ﺍﻟﺤﺐ ﺷﻦ ﺩﺍﺭ ﻓﻲ ﺧﻮﺗﻲ ..
ﻋﻠﻴﺎ ﻭﻫﺎﻟﻪ ﺍﺑﺘﺴﻤﻮﺍ ﺑﺨﺠﻞ ...
ﺭﻳﺤﺎﻧﻪ ﺟﺘﻬﻢ : ﺗﻌﺎﻟﻮﺍ ﺍﺷﺮﺑﻮﺍ ﻗﻬﻮﺓ ﻣﺪﺍﻳﺮﻳﻦ ﺗﻘﻌﻤﻴﺰﺓ ﺗﻬﺒﻞ ﺑﺮﺍ ..
ﺟﻨﺎﻥ : ﻫﻲ ﺟﺎﻳﻴﻦ ..
ﻃﻠﻌﻮﺍ ﺍﻟﺘﻼﺛﻪ ﻣﻦ ﺍﻟﻜﻮﺟﻴﻨﻪ ﺷﺎﻓﻮﻫﻢ ﻛﻴﻒ ﻣﻔﺮﺷﻴﻦ ﺣﺼﻴﺮﻩ ﻭﺣﺎﻃﻴﻦ ﺳﻔﺮﻩ ﻗﻬﻮﺓ ﻭﺣﻠﻮﻳﺎﺕ ... ﻗﻌﻤﺰﻭﺍ ﻣﻌﺎﻫﻢ ﻭﺍﻟﻬﺪﺭﺯﺓ ﻛﻠﻬﺎ ﻉ ﺭﻣﻀﺎﻥ ﻭﻧﻈﺎﻣﻪ .. ﻟﻴﻦ ﺧﺸﻮﺍ ﺣﺴﺎﻥ ﻭﻣﺮﻋﻲ ﻣﻊ ﺑﻌﺾ .. ﻛﻞ ﻭﺍﺣﺪ ﻗﻌﻤﺰ ﺣﺪﺍ ﻣﺮﺗﻪ ..
ﺣﺴﺎﻥ : ﺷﻨﻮ ﺍﻟﺠﻮ ﺍﻟﻤﻠﻴﺢ ﻫﺬﺍ ... ﺷﺒﺢ ﺍﻟﻔﻨﺎﺟﻴﻞ ﻛﻠﻬﻢ ﻣﺸﺮﻭﺑﺎﺕ .. ﻣﺶ ﻣﺤﺴﻮﺑﻴﻦ ؟ !!!
ﺑﺮﻧﻴﻪ : ﻧﻨﺪﺭﻭﺍ ﻋﻠﻴﻜﻢ ﺑﺘﺠﻮﺍ ﺗﻮﺍ؟ ...
ﻫﺎﻟﻪ ﻧﺎﺿﺖ : ﺗﻮ ﺍﻧﻮﺽ ﺍﻧﺪﻳﺮ ..
ﺍﺑﺘﺴﻢ ﺣﺴﺎﻥ ﻭﻫﻮ ﻳﺸﺒﺤﻠﻬﺎ ﻗﻌﺪ ﻣﻌﺎﻫﺎ ﺑﻌﻴﻮﻧﻪ ﻟﻴﻦ ﺧﺸﺖ ﺩﺍﺧﻞ ..
ﻣﺮﻋﻲ ﺑﻀﺤﻜﻪ : ﻳﺎﻫﻮﻭﻭ ﺟﺎﻙ ﺷﺪ ﻋﻀﻠﻲ ﻓﺎﻟﺮﻗﺒﻪ ...
ﺗﻠﻔﺘﻠﻪ ﺣﺴﺎﻥ : ﻫﺎﻫﺎﻫﺎﻫﺎﻫﺎ ...
ﻣﺮﻋﻲ : ..😂
ﻫﺎﻟﻪ ﺍﺩﻳﺮ ﻓﻲ ﺍﻟﻘﻬﻮﺓ ﺧﺸﺖ ﻋﻠﻴﻬﺎ ﺳﺎﺭﻩ ..
ﺳﺎﺭﻩ : ﺑﺎﻟﻠﻪ ﻫﻠﻮ .. ﺍﺣﺴﺒﻲ ﻣﺮﻋﻲ ﻓﻴﻬﺎ ..
ﻫﺎﻟﻪ ﺑﺈﺑﺘﺴﺎﻣﻪ : ﺑﺎﻩ ..
ﺳﺎﺭﻩ ﻃﻠﻌﺖ ﻟﻘﺖ ﻗﺪﺍﻣﻬﺎ ﻣﺮﻋﻲ ﺍﻟﻠﻲ ﺧﺪﺍﻫﺎ ﻉ ﺗﺮﻛﻴﻨﻪ ..
ﺳﺎﺭﻩ : ﺧﻴﺮﻙ؟
ﻣﺮﻋﻲ ﺑﺈﺑﺘﺴﺎﻣﻪ : ﺑﻌﺪ ﻏﺪﻭﺓ ﺭﻣﻀﺎﻥ ..
ﺳﺎﺭﺓ ﺑﻀﺤﻜﻪ : ﻭﻳﻦ ﺍﻟﺠﺪﻳﺪ ﻓﻲ ﺍﻟﻠﻲ ﻗﻠﺘﻪ .
ﻣﺮﻋﻲ ﺷﺪ ﻉ ﺍﻳﺪﻫﺎ : ﻓﺎﻫﻤﻪ ﻋﻠﻴﺎ ﻳﺎﺟﺤﺸﻪ ..
ﺳﺎﺭﻩ : ﻫﻬﻬﻬﻬﻪ ... ﺑﻌﺪﻳﻦ ﻭﻃﺘﺖ ﻋﻴﻮﻧﻬﺎ ﻭﻫﻲ ﻣﺒﺘﺴﻤﻪ ﺑﺨﺠﻞ ..
ﻣﺮﻋﻲ ﺑﺈﺑﺘﺴﺎﻣﻪ : ﺍﻟﺒﺴﻲ ﺍﻟﻠﻲ ﺧﺪﻳﺘﻬﻮﻟﻚ ﻳﻮﻣﻬﺎ ..
ﺳﺎﺭﻩ ﺿﺤﻜﺖ : ﺑﺎﻩ .. ﻭﺩﻓﺎﺗﻪ ﻭﻣﺸﺖ .. ﻭﻣﺮﻋﻲ ﻳﺸﺒﺤﻠﻬﺎ .. ﻭﺗﻨﻬﺪ ..
ﻫﺎﻟﻪ ﻃﻔﺖ ﻉ ﺍﻟﻘﻬﻮﺍ ﺧﺶ ﻋﻠﻴﻬﺎ ﺣﺴﺎﻥ ..
ﺣﺴﺎﻥ : ﻃﺎﺑﺖ ..
ﻫﺎﻟﻪ : ﺍﻳﻪ ..
ﺣﺴﺎﻥ ﻗﺮﺏ ﻣﻨﻬﺎ : ﻫﻠﻮ ... ﻗﻠﺒﻲ ..
ﻫﺎﻟﻪ ﻭﻫﻲ ﺗﺼﺐ ﻓﻲ ﺍﻟﻘﻬﻮﺓ ﻭﻣﺒﺘﺴﻤﻪ : ﺷﻨﻮ ..
ﺣﺴﺎﻥ : ﺭﻣﻀﺎﻥ ﺑﻌﺪ ﻏﺪﻭﺓ ..
ﻫﺎﻟﻪ ﺷﺒﺤﺘﻠﻪ : ﺍﻳﻪ ﻭﺑﺎﻩ ..
ﺣﺴﺎﻥ ﺑﺈﺑﺘﺴﺎﻣﻪ ﻗﺮﺏ ﺍﻛﺜﺮ : ﻳﻌﻨﻲ ﻧﺤﺒﻚ 💓
ﻫﺎﻟﻪ ﺑﻀﺤﻜﻪ : ﺑﺎﻩ ﺣﻮﻝ ...
ﺣﺴﺎﻥ : ﻣﺶ ﺣﻨﺤﻮﻝ ﻟﻴﻦ ﺗﻌﻄﻴﻨﻲ ﺍﻻﻛﻴﺪﻩ ..
ﻫﺎﻟﻪ : ﺑﺎﺍﺍﻩ ... ﻭﺧﺪﺕ ﺍﻟﺼﻔﺮﻩ ﻭﻃﻠﻌﺖ .. ﻭﻫﻮ ﻃﻠﻊ ﻭﺭﺍﻫﺎ ﻭﻛﺎﻧﻮﺍ ﻳﻀﺤﻜﻮﺍ ...
ﺑﺮﻧﻴﻪ : ﻋﻠﻴﺎ .. ﻭﺭﺍﺱ ﺑﻨﻴﺘﻲ ﻧﻮﺿﻲ ﺟﻴﺒﻠﻲ ﺍﻟﻜﻤﻮﻥ ﻃﻴﺒﺘﻪ ﻭﻧﺴﻴﺘﻪ ..
ﻋﻠﻴﺎ ﻧﺎﺿﺖ : ﺣﺎﺿﺮ .. ﻭﻣﺸﺖ ..
ﻭﺳﻴﻠﻪ : ﺷﻦ ﻫﺎﻟﻪ ﺑﻨﺘﻲ ﻭﺿﻌﻚ ﻭﻭﺿﻊ ﺍﻟﺒﻴﺒﻲ ﺗﻤﺎﻡ ..
ﺣﺴﺎﻥ ﺷﺮﻕ ﺑﺎﻟﻘﻬﻮﺓ ﻣﻦ ﻛﺜﺮ ﻣﺎﺗﻔﺎﺟﺄ ..
ﺑﺮﻧﻴﻪ ﺷﺎﺩﻩ ﺿﺤﻜﺘﻬﺎ : ﺑﺸﻮﻳﻪ ﻋﻠﻴﻚ .. ﻋﻄﻴﻪ ﺍﻣﻴﻪ ﺑﻨﻴﺘﻲ ...
ﻫﺎﻟﻪ ﻭﻫﻲ ﻣﺘﻔﺎﺟﺌﻪ ﺯﻳﻪ ﺗﺼﺐ ﻓﻲ ﺍﻟﻤﻴﻪ : ﺍﻟﺤﻤﺪ ﻟﻠﻪ ﻋﻤﺘﻲ ﻭﺿﻌﻨﺎ ﻛﻮﻳﺲ .. ﺷﺒﺤﺖ ﻟﺤﺴﺎﻥ .. ﻫﺎﻙ ..
ﺧﺪﻱ ﺣﺴﺎﻥ ﺍﻟﻤﻴﻪ ﻭﻳﺸﺮﺏ ﻭﻫﻮ ﻓﺮﺣﺎﻥ ﻉ ﻣﺴﺘﻐﺮﺏ ...
ﻭﻛﻠﻬﻢ ﺷﺎﺩﻳﻦ ﺿﺤﻜﺘﻬﻢ ..
💓 ﺍﻟﺤﺴﻦ ﺧﺎﺵ ﻳﺘﻜﻠﻢ ﺑﺎﻟﺘﻠﻴﻔﻮﻥ ..
ﺍﻟﺤﺴﻦ : ﺗﻤﺎﻡ ﻛﻮﻳﺲ ... ﺍﻫﻢ ﺷﻲ ﻣﺎﺗﺘﺼﺮﻓﻴﺶ ﻣﻦ ﺭﺍﺳﻚ .. ﺍﻱ ﺷﻲ ﻳﺎﻧﻬﻠﻪ ﺍﺭﺟﻌﻴﻠﻲ ﻓﻴﻪ ﻗﺒﻞ ..... ﺗﻢ .... ﺻﻜﺮ .. ﻳﺴﻤﻊ ﻓﻲ ﺍﺻﻮﺍﺕ ﺍﻟﻀﺤﻚ ﻭﺍﻟﻬﺪﺭﺯﻩ .. ﺧﻄﻢ ﺣﺪﺍ ﺳﺮﻣﺪ ﺍﻟﻠﻲ ﻣﻘﻌﻤﺰ ﺑﻌﻴﺪ ﻋﻠﻴﻬﻢ ﻉ ﺍﻟﻼﺏ ﺗﻮﺏ ﺳﻠﻢ ﻋﻠﻴﻪ ﺑﺎﻟﺮﺍﺱ ﻭﻫﻮ ﺭﺩ ﻋﻠﻴﻪ ﻭﺗﻮﺟﻬﻠﻬﻢ ....
ﺍﻟﺤﺴﻦ : ﺍﻟﺴﻼﻡ ﻋﻠﻴﻜﻢ ..
ﺭﺩﻭﺍ ﻋﻠﻴﻪ ﺑﺄﺻﻮﺍﺕ ﻣﺘﻘﻄﻌﻪ : ﻭﻋﻠﻴﻜﻢ ﺍﻟﺴﻼﻡ ..
ﺑﺮﻧﻴﻪ : ﻳﺎﻣﺮﺣﺐ ﺑﺎﻟﻐﺎﻟﻲ ﺗﻌﺎﻟﻰ ﺣﺪﺍﻱ ﻭﻟﻴﺪﻱ .. ﺍﺑﺘﺴﻢ ﻭﻗﻌﻤﺰ ﺣﺪﺍﻫﺎ ...
ﻉ ﻃﻠﻌﺔ ﻋﻠﻴﺎ ﺑﺼﻮﻧﻴﻪ ﻓﻴﻬﺎ ﻃﺎﺳﺔ ﺍﻟﻜﻤﻮﻥ ﺷﺎﻓﺎﺗﻪ ﺍﺑﺘﺴﻤﺖ ﻣﻦ ﻗﻠﺒﻬﺎ ﻭﻫﻮ ﺭﺩﻟﻬﺎ ﺍﻹﺑﺘﺴﺎﻣﻪ ... ﻣﺪﺕ ﺍﻟﺼﻮﻧﻴﻪ ﻟﺒﺮﻧﻴﻪ ﻭﻗﻌﻤﺰﺕ ﺣﺪﺍﻫﺎ ...
ﺑﺮﻧﻴﻪ : ﺳﻠﻢ ﺍﻟﺮﻳﻼ ﺣﺒﻴﺒﺘﻲ ..
ﻫﺎﻟﻪ ﻭﺳﺎﺭﻩ ﺑﺼﻮﺕ ﻭﺍﺣﺪ : ﻭﺣﻨﻲ ...!!!
ﺑﺮﻧﻴﻪ ﻭﻫﻲ ﺗﺸﺮﺏ ﻓﻲ ﺍﻟﻜﻤﻮﻥ : ﻧﺤﺒﻜﻢ ﻳﺎﻭﺩﻱ ... ﺑﺲ ﻣﻌﻠﻴﺸﻲ ﻋﺎﺩ .. ﻫﺎﺩﻱ ﻣﺮﺕ ﺍﻟﻐﺎﻟﻲ ...
ﻋﻠﻴﺎ ﺷﺒﺤﺘﻠﻪ ﺑﺈﺑﺘﺴﺎﻣﻪ ﺧﺠﻮﻟﻪ .. ﻭﻫﻮ ﺍﺑﺘﺴﻢ ﻉ ﺟﻨﺐ ﻭﻏﻤﺰﻟﻬﺎ .. ﺍﻭﻝ ﻣﺮﻩ ﻳﺪﻳﺮﻫﺎ ﻗﺮﻳﺐ ﻗﻠﺒﻬﺎ ﺍﻧﺨﻠﻊ ﻣﻦ ﻣﻜﺎﻧﻪ ..💓
ﻭﺳﻴﻠﻪ ﻣﻄﺖ ﺷﻮﺍﺭﺑﻬﺎ ﻣﺶ ﻋﺎﺟﺒﻬﺎ ...
ﻭﺍﻟﺒﺎﻗﻲ ﺍﻟﻠﻲ ﺩﺍﺭ ﺭﻭﺣﻪ ﻏﺎﺭ ﻭﺍﻟﻠﻲ ﻗﻌﺪ ﻳﻨﺎﺷﺐ ﻓﻴﻬﻢ ﻭﻫﻤﺎ ﻳﻀﺤﻜﻮﺍ ...
ﻫﻮ ﻛﺎﻥ ﻳﺘﻔﺮﺝ ﻣﻦ ﺑﻌﻴﺪ .. ﻭﻳﺘﺄﻣﻞ ﻓﻴﻬﻢ .. ﻣﺮﻛﺰ ﺑﻨﻈﺮﺍﺗﻪ ﻉ ﺣﺴﺎﻥ ﻭﻫﺎﻟﻪ ﺍﻟﻠﻲ ﻳﺴﺮﻗﻮﺍ ﻓﻲ ﻧﻈﺮﺍﺕ ﻟﺒﻌﺾ .. ﻟﻤﺮﻋﻲ ﺍﻟﻠﻲ ﻳﻨﺎﺷﺐ ﻓﻲ ﺳﺎﺭﻩ ﻭﻫﻲ ﺗﻀﺤﻚ .. ﻟﻠﺤﺴﻦ ﻭﻋﻠﻴﺎ ﺍﻟﻠﻲ ﻳﻀﻴﻌﻮﺍ ﻭﻳﻨﺴﻮﺍ ﺍﻟﺪﻧﻴﺎ ﻟﻤﺎ ﺗﺘﻼﻗﻰ ﻋﻴﻮﻧﻬﻢ ﺑﺒﻌﺾ ..
ﺳﺮﻣﺪ " ﺣﺎﺳﺪﻛﻢ ... ﺍﻳﻪ ﺣﺎﺳﺪﻛﻢ .. ﻋﺸﺘﻮﺍ ﺣﻴﺎﻩ ﻃﺒﻴﻌﻴﻪ .. ﻋﺎﻳﺸﻴﻦ ﺍﻟﺤﺐ ﻓﻲ ﺃﺣﻠﻰ ﺣﺎﻻﺗﻪ ... ﺍﻟﻠﻲ ﻳﺒﻴﻬﺎ ﺣﺪﺍﻩ ﺗﺨﺎﻑ ﻋﻠﻴﻪ .. ﺗﻠﺒﻲ ﻃﺎﻟﺒﺎﺗﻪ ﻗﺒﻞ ﻳﻄﻠﺒﻬﺎ ﺑﺮﺿﺎﻫﺎ .. ﺗﻔﺮﺡ ﺑﺸﻮﻓﺘﻪ ... ﻭﻳﺘﻮﺍﻋﺪ ﺑﻠﻐﺔ ﺍﻟﻌﻴﻮﻥ ﻫﻮ ﻭﻳﺎﻫﺎ ﺑﻤﻮﻋﺪ ﺣﺐ ﺗﺤﺖ ﺿﻲ ﺍﻟﻨﺠﻮﻡ ... ﺁﺍﺍﺍﺍﻩ ﻳﺎﻧﻲ ﺍﻟﻤﻘﻬﻮﺭ .. ﻻ ﻧﻲ ﻋﺎﺭﻑ ﻧﻠﻮﻡ ﻧﻔﺴﻲ .. ﻭﻻﺑﻮﻱ .. ﻭﻻ ﺣﻈﻲ "...
ﻧﺎﺽ ﻣﻦ ﻣﻜﺎﻧﻪ ﺑﻌﺪ ﻋﻦ ﺍﻟﻌﻴﻮﻥ .. ﻭﺧﺪﻱ ﺗﻠﻴﻔﻮﻧﻪ ﺣﻂ ﻉ ﺭﻗﻢ ﻣﻌﻴﻦ ﻗﻌﺪ ﻳﺸﻮﻓﻠﻪ ﻫﻠﺒﻪ ﺑﻌﺪﻳﻦ ﺍﺗﺼﻞ ...
...
ﺍﻣﻴﺮﻩ ﻛﺎﻧﺖ ﻣﺪﺍﻳﺮﻩ ﻧﺴﻜﺎﻓﻴﻪ ﺗﺨﻠﻂ ﻓﻴﻪ ﻟﻠﻤﺎﻛﻴﻨﻪ ... ﺷﺎﻓﺖ ﻉ ﺟﻨﺐ ﻟﻤﺤﺖ ﺗﻠﻴﻔﻮﻧﻬﺎ ﻳﻀﻮﻱ .. ﻃﻔﺖ ﺍﻟﻤﺎﻛﻴﻨﻪ ﻭﺧﺪﺍﺗﻪ ﺗﻔﺎﺟﺌﺖ ﻟﻤﺎ ﺷﺎﻓﺖ ﺍﻟﺮﻗﻢ .. ﺍﺑﺘﺴﻤﺖ ﻭﺭﺩﺕ ..
ﺍﻣﻴﺮﻩ : ﺁﻟﻮ ... ﻭﻫﻲ ﺗﺤﺮﻙ ﺑﺎﻟﻜﺎﺷﻴﻚ ﻓﻲ ﻛﺮﻳﻤﺔ ﺍﻟﻨﺴﻜﺎﻓﻴﻪ ..
ﺳﺮﻣﺪ ﻟﻤﺎ ﺳﻤﻊ ﺻﻮﺗﻬﺎ ﻋﻴﻮﻧﻪ ﺗﻌﺒﻮﺍ ﺩﻣﻮﻉ ﻭﻣﺎﺗﻜﻠﻤﺶ ..
ﺍﻣﻴﺮﻩ ﺍﺳﺘﻐﺮﺑﺖ .. ﺁﻟﻮ ... ﺁﻟﻮ .... ﺳﺮﻣﺪ ..
ﻟﻤﺎ ﻗﺎﻟﺖ ﺍﺳﻤﻪ ﻗﻠﺒﻪ ﻗﻌﺪ ﻳﺪﻕ ﺑﻌﻨﻒ ﻭﻗﻌﺪ ﺳﺎﻛﺖ ..
ﺍﻣﻴﺮﻩ ﺧﺎﻓﺖ : ﺳﺮﻣﺪ ﺻﺎﻳﺮﻩ ﻣﻌﺎﻙ ﺣﺎﺟﻪ .. ﺭﺩ ﺧﻮﻓﺘﻨﻲ ...
ﺳﺮﻣﺪ ﻏﻤﺾ ﻋﻴﻮﻧﻪ ﺑﺄﻟﻢ ﻭﻓﺘﺤﻬﻢ ﻭﺑﺼﻮﺕ ﻳﺪﻭﺏ ﻃﺎﻟﻊ : ﻥ .. ﺣﺐ .. ﻙ ....
ﺍﻣﻴﺮﻩ ﻓﺘﺤﺖ ﻋﻴﻮﻧﻬﺎ ﻉ ﻭﺳﻌﻬﻢ ﺑﺼﺪﻣﻪ .. ﺍﻭﻝ ﻣﺮﺓ ﻳﻘﻮﻟﻬﺎﻟﻬﺎ .. ﻧﺒﺮﺓ ﺻﻮﺗﻪ ﻛﺎﻧﺖ ﻏﺮﻳﺒﻪ .. ﻣﺎﻗﺪﺭﺗﺶ ﺗﺘﻜﻠﻢ ..
ﻫﻮ ﺻﻜﺮ ﻭﻧﺰﻟﺖ ﻣﻦ ﻋﻴﻨﻪ ﺩﻣﻌﻪ ﻫﺮﺏ ﻣﻦ ﺍﻟﻤﻜﺎﻥ ﻛﻠﻪ ﻃﻠﻊ ﻣﻦ ﺍﻟﺤﻮﺵ ... ﻳﺒﻲ ﻳﻬﺮﺏ ﺑﺲ ﻣﻦ ﺷﻨﻮ .. ﻣﻦ ﻗﻠﺒﻪ؟ ..!!
...
ﺍﻟﺴﺎﻋﻪ 12 ﻟﻴﻼ ..
ﺭﻛﺒﻮﺍ ﺍﻟﺤﺴﻦ ﻭﺣﺴﺎﻥ ﻭﻣﺮﻋﻲ ﺑﺴﺮﻋﻪ ﻟﺤﻴﺎﺷﻬﻢ ﻭﺷﻮﻗﻬﻢ ﻳﺮﻓﻊ ﻓﻴﻬﻢ ...
ﻧﺒﺪﻭﺍ ﺑﻤﺮﻋﻲ ..
ﺍﻭﻝ ﻣﺎﺧﺶ ﺗﻮﺟﻪ ﻃﻮﻝ ﻟﺪﺍﺭ ﺍﻟﻨﻮﻡ ... ﻟﻘﻲ ﺳﺎﺭﻩ .. ﺭﺍﻗﺪﻩ ﺗﺸﺨﺮ ﻣﺎﺗﻨﺪﺭﻱ ﻉ ﺣﺎﺟﻪ ..
ﺍﻧﺼﺪﻡ ... ﺑﺲ ﺑﻌﺪﻫﺎ ﻫﺰ ﺭﺍﺳﻪ ﺍﻳﻤﻴﻦ ﻭﻳﺴﺎﺭ ﺑﺈﺑﺘﺴﺎﻣﻪ ﻗﺪﻡ ﺑﺎﺳﻬﺎ ﻉ ﺭﺍﺳﻬﺎ ﻭﻧﺎﺽ ..
ﺳﺎﺭﺓ ﻭﻫﻲ ﺷﺒﻪ ﻭﺍﻋﻴﻪ : ﺃﺳﻔﻪ ... ﺗﻌﺒﺎﻧﻪ ... ﻭﺭﻗﺪﺕ ..
ﻣﺮﻋﻲ ﺿﺤﻚ ... ﻃﻠﻊ ﻣﻦ ﺣﺪﺍﻫﺎ ﻭﺭﻗﺪ ﺑﺮﺍ ﺑﺶ ﻣﺎﻳﻀﺎﻳﻘﻬﺎﺵ .
ﺍﻣﺎ ﺣﺴﺎﻥ ..
ﺍﻟﻠﻲ ﺩﺍﺭ ﺯﻱ ﻣﺮﻋﻲ .. ﻭﻟﻘﻲ ﻫﺎﻟﻪ ﺭﺍﻗﺪﻩ ﻭﻋﺎﻃﻴﻪ ﺑﺎﻟﻈﻬﺮ ... ﺍﺑﺘﺴﻢ ﻭﻗﺪﻡ ﺭﻗﺪ ﺟﻨﺒﻬﺎ ﻭﺣﻀﻨﻬﺎ ...
ﻫﺎﻟﻪ ﺍﺑﺘﺴﻤﺖ ﻟﻤﺎ ﺣﺴﺖ ﺑﻴﻪ ﻭﺭﻗﺪﻭﺍ ﺍﻟﺰﻭﺯ ..💓💓
ﺍﻟﺤﺴﻦ : ﺭﺍﻗﺪﻩ ﺍﻟﺸﻔﺸﻔﻪ .. ﻛﻮﻳﺲ .. ﺍﻧﻲ ﺑﺮﻭﺣﻲ ﺟﻌﺎﻥ ﻧﻮﻡ ...
ﻏﻴﺮ ﺣﻮﺍﻳﺠﻪ ﻭﺧﺶ ﺍﻟﺴﺮﻳﺮ .. ﺗﻤﺪﺩ ﻉ ﻇﻬﺮﻩ ﻗﻌﺪ ﻳﺸﺒﺢ ﻟﻠﺴﻘﻒ .. ﻭﻫﻮ ﻳﻔﻜﺮ .. ﻣﺶ ﻗﺎﺩﺭ ﻳﺤﻮﻝ ﻣﻦ ﺭﺍﺳﻪ ﻗﺼﺔ ﺳﻴﻒ ... ﺑﺎﻟﺬﺍﺕ ﺑﻌﺪ ﺍﻟﻠﻲ ﺻﺎﺭ ﺍﻟﻴﻮﻡ ﻓﻲ ﺍﻟﻤﺮﻛﺰ ..
ﻓﻼﺵ ﺑﺎﻙ ..
ﺍﻟﺤﺴﻦ : ﻳﺎﻓﻨﺪﻱ ﻋﺎﺩﻝ .. ﺍﻟﻤﻠﻒ ﻫﺬﺍ ﻣﺴﺘﺤﻴﻞ ﻧﺨﻠﻴﻪ ..
ﻋﺎﺩﻝ : ﺍﻟﻌﻨﺎﺩ ﻧﻔﺴﻪ ..
ﺍﻟﺤﺴﻦ ﺿﻴﻖ ﻋﻴﻮﻧﻪ ﺑﺘﺴﺎﺅﻝ : ﻧﻌﻢ !! ؟
ﻋﺎﺩﻝ ﺍﺑﺘﺴﻢ : ﺣﻨﺘﺎﻗﺸﻮﺍ ﺍﻛﺜﺮ .. ﺑﻌﺪﻳﻦ ... ﻧﺎﺽ ﺑﻴﻄﻠﻊ ..
ﺍﻟﺤﺴﻦ ﺍﺿﺎﻳﻖ .. ﻭﻧﺎﺽ ..
ﻋﺎﺩﻝ ﻳﺸﺒﺤﻠﻪ : ﻋﺎﺭﻓﻚ ﺣﺴﻴﺖ ﺑﺸﻲ ﻣﻦ ﺍﻷﻫﺎﻧﻪ .. ﺑﺲ ﺧﻠﻴﻚ ﻣﺘﺄﻛﺪ ﺍﻧﻲ ﻣﺶ ﻗﺎﺻﺪ ﻹﻥ ﻓﻌﻼ ﻓﻲ ﺍﺟﺘﻤﺎﻉ ﻓﻲ ﺍﻟﻮﺯﺍﺭﻩ ..
ﺍﻟﺤﺴﻦ : ﺗﻢ ﻳﺎﻓﻨﺪﻱ ..
ﻋﺎﺩﻝ ﻗﺪﻣﻠﻪ : ﻛﻴﻒ ﺣﺎﻝ ﺟﺪﻙ .
ﺍﻟﺤﺴﻦ ﻣﺘﻔﺎﺟﺄ : ﺗﻌﺮﻓﻪ؟ ..
ﻋﺎﺩﻝ : ﺍﻧﻲ ﺍﻟﻠﻲ ﻧﻌﺮﻓﻪ ... ﺷﻦ ﺣﺎﻟﻪ ..
ﺍﻟﺤﺴﻦ ﺑﺄﺳﻒ : ﺗﻮﻓﻰ ﻟﻴﻪ ﺍﻛﺜﺮ ﻣﻦ ﺷﻬﺮ ..
ﻋﺎﺩﻝ : ﺍﻟﻠﻪ ﻳﺮﺣﻤﻪ ... ﺯﻋﻢ ﻳﺘﻼﻗﻮﺍ ﺑﻌﺪ ﻓﺮﺍﻕ 34 ﺳﻨﻪ !!..
ﺍﻟﺤﺴﻦ : ﻣﻌﻠﻴﺸﻲ ﻳﺎﻓﻨﺪﻱ ﻣﻦ ﺍﻭﻝ ﻣﺎﺟﻴﺖ ﻭ ﺗﻌﺎﻣﻠﻚ ﻣﻌﺎﻱ ﻏﺮﻳﺐ ﻣﺎﻋﺮﻓﺘﺶ ﻧﻔﺴﺮﻩ ﻭﻻﻗﺪﺭﺕ ﻧﺘﻘﺒﻠﻪ ..
ﻋﺎﺩﻝ : ﺳﺒﺤﺎﻥ ﺍﻟﺨﺎﻟﻖ .. ﺍﻭﻝ ﻣﺮﺓ ﻧﺸﻮﻑ ﺣﺪ ﻳﺸﺒﻪ ﻟﻌﻤﻪ ﻟﻬﺎﻟﺪﺭﺟﻪ ..
ﺍﻟﺤﺴﻦ : ﻋﻤﻲ !!! ..
ﻋﺎﺩﻝ : ﺳﻴﻒ ﺍﻟﺼﺎﺩﻕ ..
ﺍﻟﺤﺴﻦ ﺗﻔﺎﺟﺄ ﻫﻠﺒﻪ : ﻣﻦ ﻭﻳﻦ ﺗﻌﺮﻓﻪ ..
ﻛﻴﻒ ﺟﺎﻱ ﺑﻴﺮﺩ ﺍﻟﻌﻤﻴﺪ ﺭﻥ ﺗﻠﻴﻔﻮﻧﻪ : ﻣﻀﻄﺮ ﻧﻄﻠﻊ .. ﺍﻷﻳﺎﻡ ﺟﺎﻳﻪ ﻭﺣﻨﻬﺪﺭﺯﻭﺍ ... ﻃﻠﻊ ﺍﻟﺤﺴﻦ ﻭﻫﻮ ﻣﺘﻔﺎﺟﺄ ﻉ ﺍﻷﺧﺮ ﻭﻃﻠﻊ ﻭﺭﺍﻩ ﺍﻟﻌﻤﻴﺪ ﻭﺳﻜﺮ ﻣﻜﺘﺒﻪ ﺍﺑﺘﺴﻢ ﻟﻠﺤﺴﻦ ﻭﻣﺸﻲ .. ﻭﺧﻼﻩ ﻓﻲ ﺭﺍﺳﻪ ﺍﻟﻒ ﺳﺆﺍﻝ ﻭﺳﺆﺍﻝ ..
ﺍﻟﺤﺴﻦ ﺗﻨﻬﺪ ..
" ﺧﻴﺮﻙ ﺣﺒﻴﺒﻲ .."
ﺗﻠﻔﺖ ﺷﺎﻓﻠﻬﺎ ﻭﻫﻲ ﺭﺍﻗﺪﻩ ﻉ ﺑﻄﻨﻬﺎ ﻭﺷﻌﺮﻫﺎ ﻧﺎﺯﻝ ﻭﺟﻬﻬﺎ ﻛﺎﻟﻌﺎﺩﻩ .. ﻭﺗﺸﺒﺤﻠﻪ ..
ﺍﻟﺤﺴﻦ ﺍﺑﺘﺴﻢ : ﺷﻲ .. ﺍﺭﻗﺪﻱ ﺳﻤﻮﺣﻪ ..
ﻋﻠﻴﺎ ﺑﺼﻮﺕ ﻧﺎﻋﺲ : ﺍﻣﻤﻤﻢ ... ﻏﺪﻭﺓ ﻧﻌﺮﻑ .. ﻭﻏﻤﻀﺖ ﻋﻴﻮﻧﻬﺎ ﻭﺭﻗﺪﺕ ...
ﻫﻮ ﺍﺑﺘﺴﻢ ﻉ ﺟﻨﺐ ﻭﺭﺟﻊ ﻳﺸﺒﺢ ﻓﻮﻕ ﻭﻳﻔﻜﺮ .... ﺷﻮﻳﻪ ﻏﻤﺾ ﻋﻴﻮﻧﻪ ﻭﺭﻗﺪ ..
ﺍﻟﻴﻮﻡ ﺍﻟﻠﻲ ﺑﻌﺪﻩ
ﻛﺎﻥ ﻋﺎﺩﻱ ﺟﺪﺍ ﻣﺎﻓﻴﺸﻲ ﺷﻲ ﺟﺪﻳﺪﻩ ﻧﻔﺲ ﺍﻟﺮﻭﺗﻴﻦ .. ﺑﺮﻏﻢ ﺍﻥ ﺍﻟﺤﺴﻦ ﻣﻦ ﺍﻟﺼﺒﺢ ﻛﺎﻥ ﻓﻲ ﺍﻟﻤﺮﻛﺰ ﺑﺲ ﺍﻟﻌﻤﻴﺪ ﻳﻮﻣﻬﺎ ﻣﺎﺟﺎﺵ ﻹﻧﻪ ﻣﺸﻐﻮﻝ ﻓﻲ ﻭﺯﺍﺭﺓ ﺍﻟﺪﺍﺧﻠﻴﻪ ..
ﺍﻧﺸﻐﺎﻟﻪ ﺑﻘﺼﺔ ﺳﻴﻒ ... ﺧﻼﺗﻪ ﻳﻨﺴﻰ ﺍﻟﻘﻀﻴﻪ ﺍﻷﺳﺎﺳﻴﻪ ﻭﻣﺨﻠﻰ ﺍﺣﻤﺪ ﻳﺨﺪﻡ ﻉ ﺍﻟﻤﻠﻒ ﺑﺮﻭﺣﻪ ..
ﻓﻲ ﻣﻜﺎﻥ ﺍﺧﺮ ﻓﻲ ﺣﺪ ﺗﺎﻧﻲ ﻛﺎﻥ ﻳﺸﺘﻐﻞ ﻉ ﺍﻟﻤﻠﻒ ﺑﺲ ﺑﻄﺮﻳﻘﻪ ﺗﺎﻧﻴﻪ ....
ﻓﻲ ﺍﻟﻠﻴﻞ ﺭﻭﺡ ﺍﻟﺤﺴﻦ ﻭﻛﺎﻧﺖ ﺗﺴﺘﻨﻰ ﻓﻴﻪ ﺭﻳﺤﺎﻧﻪ ﺗﻔﺎﺟﺄ ﻟﻤﺎ ﺷﺎﻓﻬﺎ ﻫﻲ ﺟﺎﺗﻪ ..
ﺭﻳﺤﺎﻧﻪ : ﻛﻴﻒ ﺣﺎﻟﻚ ..
ﺍﻟﺤﺴﻦ : ﺍﻟﺤﻤﺪ ﻟﻠﻪ .. ﺧﻴﺮﻙ ﻭﺍﻗﻔﻪ ﻫﻨﻲ ..
ﺭﻳﺤﺎﻧﻪ " ﻳﺎﺭﺑﻲ ﺷﻦ ﺑﻨﻘﻮﻟﻪ ﺑﻨﻠﺨﺒﻂ ﺍﻟﺪﻧﻴﺎ ﻛﺎﻧﺖ ﻗﻠﺖ ﺷﻲ ﻣﻦ ﺍﻟﻠﻲ ﺳﻤﻌﺘﻪ ﻣﻦ ﻣﻨﺬﺭ "
ﺍﻟﺤﺴﻦ : ﺭﻳﺤﺎﺍﺍﻧﻪ ..
ﺭﻳﺤﺎﻧﻪ ﺑﺮﺑﻜﻪ : ﻻﺷﻲ ﻏﻴﺮ ﻛﻨﺖ ﻧﺸﻢ ﻓﻲ ﻫﻮﺍ ...
ﺍﻟﺤﺴﻦ ﺑﺸﻚ : ﺗﺸﻤﻲ ﻓﻲ ﻫﻮﺍ !! ﺑﺎﻩ ﺧﺸﻲ ﺩﺍﺧﻞ ..
ﺭﻳﺤﺎﻧﻪ : ﺣﺎﺿﺮ .. ﺧﺸﺖ ﻭﻫﻮ ﻭﺭﺍﻫﺎ ﺍﻟﺘﻔﺘﺖ ﻓﺠﺎﻩ ﻭﺷﺪﺍﺗﻪ ﻣﻦ ﺍﻳﺪﻳﻪ .. ﻫﻮ ﺍﻧﺼﺪﻡ ..
ﺭﻳﺤﺎﻧﻪ : ﺭﺩ ﺑﺎﻟﻚ ﻉ ﺭﻭﺣﻚ ﺍﺭﺟﻮﻙ ..
ﺍﻟﺤﺴﻦ : ﺧﻴﺮﻙ .. ﺣﺮﺍﺭﺗﻚ ﺭﺍﻗﻴﻪ .. ﻗﺎﻡ ﺍﻳﺪﻳﻪ ﺣﻄﻬﺎ ﻉ ﺟﺒﻬﺘﻬﺎ .. ﺑﺴﺨﺮﻳﻪ .. ﺷﻜﻠﻬﺎ ﺣﺮﺍﺭﺓ ﺩﺍﺧﻠﻴﻪ ..
ﺭﻳﺤﺎﻧﻪ ﺍﺑﺘﺴﻤﺖ : ﺧﻮﺩﻧﻲ ﻉ ﻗﺪ ﻋﻘﻠﻲ ﻭﺧﻠﻲ ﺑﺎﻟﻚ ﻉ ﺭﻭﺣﻚ .. ﻋﻠﻴﺎ ﻣﺶ ﺣﺘﺘﺤﻤﻞ ﻟﻮ ﺻﺎﺭ ﻓﻴﻚ ﺷﻲ ..
ﺍﻟﺤﺴﻦ ﺑﺈﺑﺘﺴﺎﻣﻪ : ﻻﻋﻠﻴﺎ ﺣﺘﺘﺤﻤﻞ ..
" ﺷﻨﻮ ﺍﻟﻠﻲ ﺑﻨﺘﺤﻤﻠﻪ .."
ﺍﻟﺘﻔﺘﺖ ﺭﻳﺤﺎﻧﻪ ﻭﻫﻮ ﺷﺒﺤﻠﻬﺎ ﻛﻴﻒ ﻭﺍﻗﻔﻪ ﻣﺼﺪﻭﻣﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ﻭﻣﻦ ﺍﻳﺪﻳﻬﺎ ﻭﺍﺿﺢ ﺍﻧﻬﺎ ﺗﺮﻋﺶ ..
ﺭﻳﺤﺎﻧﻪ ﻃﻠﻘﺖ ﺍﻳﺪ ﺍﻟﺤﺴﻦ .. ﻭﺗﺸﺒﺢ ﻟﻌﻠﻴﺎ ﺑﺼﺪﻣﻪ ﻭﺍﻟﺤﺴﻦ ﻳﺸﻮﻓﻠﻬﺎ ..
ﻋﻠﻴﺎ ﺑﻨﺒﺮﺓ ﺑﺎﻛﻴﻪ : ﻳﺎﺭﻳﺘﻨﻲ ﻣﺘﺖ ﻭﻻ ﺷﻔﺖ ﺍﻟﻠﻲ ﺷﻔﺘﻪ ﻭﻟﻔﺖ ﻭﺧﺸﺖ ﺩﺍﺧﻞ ..
ﺍﻟﺤﺴﻦ ﺿﻴﻖ ﻋﻴﻮﻧﻪ ﺑﻌﺪﻡ ﻓﻬﻢ ﺍﺷﺮ ﺑﺴﺒﺎﺑﺘﻪ ﺟﻴﻬﺘﻬﺎ : ﻫﺎﺩﻱ .... ﻫﺎﺩﻱ ﺷﻦ ﻓﻬﻤﺖ !!!
ﺭﻳﺤﺎﻧﻪ ﺑﺄﺳﺘﻴﺎﺀ : ﻓﻬﻤﺖ ﻏﻠﻂ ﻭﻫﻠﺒﻪ ..
....
ﻋﻠﻴﺎ ﻣﺎﻟﻘﺘﺶ ﻏﻴﺮ ﺩﺍﺭ ﺑﺮﻧﻴﻪ ﺧﺸﺘﻠﻬﺎ ﻭﻗﻌﻤﺰﺕ ﻉ ﺍﻟﺴﺮﻳﺮ ﻭﻗﻌﺪﺕ ﺗﺒﻜﻲ ﺑﺎﻟﻌﺒﺮﻩ .. ﻭﻹﻥ ﻛﻠﻬﻢ ﻛﺎﻧﻮﺍ ﺑﺮﺍ ﻣﺎﺣﺪ ﺣﺲ ﺑﻴﻬﺎ ..
ﺍﻣﺎﻫﻮ ﻣﺸﻲ ﻫﻮ ﺭﻳﺤﺎﻧﻪ ﻟﻠﺠﻬﺔ ﺍﻟﺘﺎﻧﻴﻪ ﻣﻦ ﺍﻟﺠﻨﺎﻥ ﻳﺤﺴﺎﺏ ﺑﻴﻠﻘﺎﻫﺎ ﻣﻌﺎﻫﻢ ﺑﺲ ﻣﻜﺎﻧﺘﺶ ﻣﻮﺟﻮﺩﻩ .. ﺍﺿﺎﻳﻖ ﻉ ﺍﻵﺧﺮ .. ﺗﺎﻛﺪ ﺍﻧﻬﺎ ﺗﻮﺍ ﻓﺘﺮﻛﻴﻨﻪ ﻣﻦ ﺍﻟﺘﺮﺍﻛﻴﻦ ﻭﺗﺒﻜﻲ ..
ﻋﺎﺑﺪ ﻳﻀﺒﺢ : ﺍﻟﺤﺴﻦ .. ﺗﻌﺎﻟﻰ ...
ﺍﻟﺤﺴﻦ ﺑﻴﺄﺱ : ﻫﻴﺎ .. ﺟﺎﻱ .. ﻭﻣﺸﺎﻟﻬﻢ ..
ﺍﻣﺎ ﻫﻲ ﻓﻜﺎﻧﺖ ﺗﺒﻜﻲ ﺑﺸﺪﻩ .. ﻟﻴﻦ ﺩﺍﺧﺖ ﻭﺭﻗﺪﺕ ...
ﻣﺮﻭﺍ ﻛﻢ ﺳﺎﻋﻪ .. ﺧﺸﺖ ﺑﺮﻧﻴﻪ ﻟﻠﺪﺍﺭ ﻟﻘﺖ ﻋﻠﻴﺎ ﺭﺍﻗﺪﻩ ﻓﻮﺳﻄﻬﺎ ﺍﺳﺘﻐﺮﺑﺖ .. ﻗﺎﻟﺖ ﻓﺒﺎﻟﻬﺎ ﺑﺎﻟﻚ ﻣﺮﻳﻀﻪ .. ﻃﻠﻌﺖ ﺑﻬﺪﻭﺀ ﻭﺳﻜﺮﺕ ﺍﻟﺒﺎﺏ ﻭﻫﻲ ﻣﺎﺷﻴﻪ ﺗﻘﺎﺑﻠﺖ ﻣﻊ ﺍﻟﺤﺴﻦ ..
ﺍﻟﺤﺴﻦ : ﻣﺎﺷﻔﺘﻴﺶ ﻋﻠﻴﺎ ..
ﺑﺮﻧﻴﻪ : ﺭﺍﻗﺪﻩ ﻓﻲ ﺩﺍﺭﻱ .. ﺍﻟﺤﺴﻦ ﻓﺎﺕ ﻣﻦ ﺣﺪﺍ ﺣﻨﺎﻩ ﻣﺘﻮﺟﻪ ﻟﻠﺪﺍﺭ ﻫﻴﺎ ﺿﺤﻜﺖ ﻭﻣﺸﺖ .. ﻫﻮ ﻓﺘﺢ ﺑﺎﺏ ﺍﻟﺪﺍﺭ ﻭﺧﺶ ﻟﻘﺎﻫﺎ ﺭﺍﻗﺪﻩ ﻉ ﺍﻟﺴﺮﻳﺮ ﺑﺎﻟﻌﺮﺽ ﻓﻮﺿﻌﻴﺘﻬﺎ ﺍﻟﻤﻌﺘﺎﺩﻩ .. ﺍﺑﺘﺴﻢ ﻭﻗﻌﻤﺰ ﺟﻨﺒﻬﺎ ﻳﻤﺸﻲ ﺑﻴﺪﻩ ﻉ ﺷﻌﺮﻫﺎ ..
ﻗﺪﻡ ﻭﺑﺎﺳﻬﺎ ﻉ ﺭﺍﺳﻬﺎ ﻋﻠﻴﺎ ﻓﺎﻗﺖ ﺍﻭﻝ ﻣﺎﺷﺎﻓﺘﻪ ﻟﻔﺖ ﻭﺟﻬﻬﺎ ﺍﻟﺠﻬﺔ ﺍﻟﺘﺎﻧﻴﻪ ﺑﻌﺼﺒﻴﻪ ..
ﻋﻠﻴﺎ : ﺍﻃﻠﻊ ﻣﻦ ﺣﺪﺍﻱ ..
ﺍﻟﺤﺴﻦ ﺑﻀﺤﻜﻪ : ﻧﻤﺸﻲ ﻟﺮﻳﺤﺎﻧﻪ ...
ﻋﻠﻴﺎ ﺍﻟﺘﻔﺘﺖ ﻧﺎﺿﺖ ﻗﻌﻤﺰﺕ ﻭﺗﻔﻨﺺ : ﻣﻌﻨﺎﻫﺎ ﺣﻘﻪ ..!!.
ﺍﻟﺤﺴﻦ : ﻫﻬﻬﻬﻬﻪ .. ﺣﻤﺎﺭﺓ ﻭﺍﻟﻠﻪ ﺍﻟﻌﻈﻴﻢ ..
ﻋﻠﻴﺎ : ﻻﺍﺍﺍ ﻫﺬﺍ ﻓﻮﻕ ﻣﺎﺍﻧﺖ ﻏﺎﻟﻂ ..
ﺍﻟﺤﺴﻦ : ﺍﺳﺘﻐﻔﺮ ﺍﻟﻠﻪ .. ﺗﻮ ﺍﻧﺘﻲ ﻋﻘﻠﻚ ﺍﻟﺼﻐﻴﺮ ﻫﺬﺍ ﺷﻦ ﻗﺎﻟﻚ ..
ﻋﻠﻴﺎ ﺍﺑﺘﺴﻤﺖ ﺑﺴﺨﺮﻳﻪ : ﺯﻳﺪ ﺯﻳﺪ ﻃﻠﻊ ﺍﻟﻠﻲ ﻋﻨﺪﻙ ﺧﻠﻲ ﻧﺴﺘﻠﻤﻪ ﻛﻠﻪ ﻭﺭﺍ ﺑﻌﻀﻪ ..
ﺍﻟﺤﺴﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻋﻠﻴﺎ : ﺑﺎﺍﺍﺍﺍﺭﺩ .. ﺍﻧﻲ ﻧﻨﺤﺮﻕ ﻭﺍﻧﺖ ﺗﻀﺤﻚ ..
ﺍﻟﺤﺴﻦ : ﻹﻧﻚ ﻏﺒﻴﻪ .. ﻗﺪﻣﻠﻬﺎ ﻭﻫﻲ ﺗﻮﺧﺮ .. ﻭﺑﻬﻤﺲ .. ﺗﻌﺮﻓﻲ ﺍﻧﻲ ﻣﻠﻜﻚ ﺑﺮﻭﺣﻚ .. ﻭﺍﻥ ﻗﻠﺒﻲ ﻟﻢ ﻭﻟﻦ ﻳﻘﺒﻞ ﺑﻐﻴﺮﻙ .. ﻭﻗﺎﻋﺪﻩ ﺗﺘﺨﺎﻳﻠﻲ ﻓﻲ ﺣﺎﺟﺎﺕ ﻏﺒﻴﻪ ..
ﻋﻠﻴﺎ ﺗﺸﺒﺢ ﻟﻌﻴﻮﻧﻪ : ﺷﻦ ﻛﺎﻧﺖ ﺗﺒﻲ ﻣﻨﻚ ﻭﻋﻼﺵ ﺷﺪﺕ ﺍﻳﺪﻙ ..
ﺍﻟﺤﺴﻦ : ﻭﺻﺘﻨﻲ ﻧﺮﺩ ﺑﺎﻟﻲ ﻣﻦ ﺭﻭﺣﻲ ﻉ ﺧﺎﻃﺮﻙ .. ﻗﺎﻟﺖ ﻟﻮ ﺻﺎﺭﺕ ﻓﻴﻚ ﺣﺎﺟﻪ ﻋﻠﻴﺎ ﻣﺶ ﺣﺘﺘﺤﻤﻞ .. ﺍﻧﻲ ﻗﻠﺖ ﺣﺘﺘﺤﻤﻞ ..
ﻋﻠﻴﺎ : ﻧﺘﺤﻤﻞ ﺷﻨﻮ .. ﻣﺎﻧﺘﺤﻤﻞ ﻓﻴﻚ ﺷﻲ ﺍﻧﻲ .. ﺣﺘﻰ ﺍﻟﺸﻮﻛﻪ ﻟﻮ ﻧﺨﺼﺎﺗﻚ ﻭﺗﻘﻮﻝ ﺣﺘﺘﺤﻤﻞ ﺣﺎﺟﻪ ﺍﻛﺒﺮ ﻣﻦ ﻫﻜﻲ ﺑﻤﻠﻴﻮﻥ ﻣﺮﺓ !!
ﺍﻟﺤﺴﻦ ﻗﺮﺏ ﺍﻛﺜﺮ : ﺗﺤﺒﻴﻨﻲ .. ﻟﻬﺎﻟﺪﺭﺟﻪ ..
ﻋﻠﻴﺎ : ﻓﻮﻕ ﺍﻟﺤﺐ ﻧﺤﺒﻚ ...
ﻭﺍﻟﺤﺴﻦ ﻛﺎﻟﻌﺎﺩﻩ ﻣﺎﻳﻘﺪﺭﺵ ﻳﻘﺎﻭﻣﻬﺎ ﻧﻬﺎﺋﻲ ... ﻭﻫﻲ ﺍﻟﻜﺎﻟﻌﺎﺩﻩ ﻣﺴﺘﺴﻠﻤﻪ .. ﻧﺴﻮﺍ ﺍﻧﻬﻢ ﻓﻲ ﺩﺍﺭ ﺑﺮﻧﻴﻪ .. ﻫﻤﺎ ﻧﺴﻮﺍ ﻣﻦ ﻫﻤﺎ ﺍﺻﻼ ..
ﻟﺤﻈﺎﺕ ﻭﺭﺍﻫﺎ ﻟﺤﻈﺎﺕ .. ﻟﻴﻦ ﻃﻖ ﺍﻟﺒﺎﺏ .. ﺑﻌﺪﻭﺍ ﻋﻦ ﺑﻌﺾ ..
ﻋﻠﻴﺎ : ﻏﺒﺎﺭﺗﻲ ..
ﺍﻟﺤﺴﻦ ﺿﺤﻚ ﻭﺣﻮﻝ ﻭﻫﻲ ﻧﺎﺿﺖ ﻭﻗﻌﺪﺕ ﺗﺴﺎﻭﻱ ﻓﺮﻭﺣﻬﺎ ..
ﻣﻦ ﺑﺮﺍ ..
ﺟﻨﺎﻥ : ﻋﻠﻴﺎ ﺍﻧﺘﻲ ﺩﺍﺧﻞ ..
ﻋﻠﻴﺎ : ﺍﺣﻤﻢ .. ﺷﻮﻳﻪ ﻭﻃﺎﻟﻌﻪ ..
ﺟﻨﺎﻥ : ﻧﺴﺘﻨﻮﺍ ﻓﻴﻚ .. ﻭﻣﺸﺖ ..
ﻋﻠﻴﺎ : ﻭﻭﻭﻙ ﻣﻨﻚ ﺑﺪﻳﺮﻟﻲ ﻛﺸﻔﻪ ﻣﻌﺎﻫﻢ ..
ﺍﻟﺤﺴﻦ : ﻫﻬﻬﻬﻬﻬﻬﻬﻬﻪ ...
ﻋﻠﻴﺎ ﻧﺎﺿﺖ : ﺍﺿﺤﻚ ﺍﺿﺤﻚ ..
ﺍﻟﺤﺴﻦ ﻧﺎﺽ ﻭﻗﺮﺏ ﻣﻨﻬﺎ ..
ﻋﻠﻴﺎ : ﺑﺮﺍ ﻏﺎﺩﻱ !!
ﺍﻟﺤﺴﻦ : ﻳﺎﻏﺒﻴﻪ ﺍﻟﺘﻮﻛﻪ ﻣﺘﺎﻋﻚ ... ﺣﻄﻬﺎ ﻉ ﺷﻌﺮﻫﺎ ﻭﻃﻠﻊ ﻫﻲ ﺿﺤﻜﺖ ﺑﺨﺠﻞ .. ﻣﺸﺖ ﻉ ﺍﻟﻤﺮﺍﻳﻪ ﺗﺴﺎﻭﻱ ﻓﻲ ﺍﻟﻮﺷﺎﺡ .. ﻟﻤﺤﺖ ﺣﺎﺟﻪ ﻉ ﺍﻟﺰﻳﺎﻧﻪ ... ﻛﺎﻧﺖ ﺳﺎﻋﻪ ﻓﻀﻪ ﺍﻧﺘﻴﻜﻪ ﻗﺪﻳﻤﻪ .. ﻋﺠﺒﺘﻬﺎ ﻗﺎﻣﺘﻬﺎ ﻭﻗﻌﺪﺕ ﺗﺸﺒﺤﻠﻬﺎ ﻭﻗﺎﻟﺖ : ﺯﻱ ﺍﻟﻠﻲ ﻧﺸﻮﻓﻮﺍ ﻓﻴﻬﺎ ﻓﻲ ﺍﻟﺘﻠﻔﺰﻳﻮﻥ .. ﺳﺎﻋﺎﺕ ﻣﻨﺘﺼﻒ ﺍﻟﻘﺮﻥ ﺍﻟﻌﺸﺮﻳﻦ ..
ﻳﺎﺍﺍﺍﻱ .. ﺿﺤﻜﺖ .. ﺗﺮﺍ ﺯﻋﻤﻪ ﺗﻨﻔﺘﺢ .. ﺣﺎﻭﻟﺖ ﺗﻔﺘﺤﻬﺎ ﺍﻧﻔﺘﺤﺖ .. ﺍﺗﻔﺎﺟﺌﺖ ﻟﻤﺎ ﺷﺎﻓﺖ ﺻﻮﺭﺓ ﻧﻔﺲ ﺍﻟﺮﺍﺟﻞ " ﺳﻴﻒ .."
ﻋﻠﻴﺎ : ﻳﺎﺍﺍﺭﺑﻲ ﻓﻲ ﻭﺭﺍﻩ ﻗﺼﻪ ﻛﺒﻴﺮﻩ ...
ﺣﻄﺖ ﺍﻟﺴﺎﻋﻪ ﻓﻤﻜﺎﻧﻬﺎ ﺑﺘﻮﺗﺮ ... ﻭﻃﻠﻌﺖ ﺑﺴﺮﻋﻪ ...
***
ﺍﻣﻴﺮﻩ ﻣﻘﻌﻤﺰﻩ ﻣﻊ ﺑﻮﻫﺎ ﻭﺃﻣﻬﺎ ﻭﺧﻮﻫﺎ ﺳﺎﻫﺮﻳﻦ ﻟﻠﺴﺤﻮﺭ .. ﺗﺸﺒﺢ ﻟﺘﻠﻔﻮﻧﻬﺎ ﻭﺗﻔﺴﻔﺲ ...
ﻗﺎﻣﺖ ﻋﻴﻮﻧﻬﺎ ﻟﻘﺖ ﺧﻮﻫﺎ ﻣﺮﻛﺰ ﻉ ﺑﺮﻧﺎﻣﺞ ﻓﻲ ﻧﺎﺷﻮﻧﺎﻝ ﺟﻐﺮﺍﻓﻴﻚ ... ﻭﺑﻮﻫﺎ ﻛﺬﻟﻚ ..
ﺯﻳﻨﺐ : ﻭﻭﻙ ﻋﻠﻴﺎ ﻣﺎﻛﺒﺮ ﺍﻣﻪ ..
ﺟﻌﻔﺮ : ﺳﺒﺤﺎﻥ ﺍﻟﻠﻪ ...
ﻣﺼﻌﺐ : ﺍﻟﺼﻞ ﻫﺬﺍ ﻳﺒﻠﻊ ﺑﻨﺎﺩﻡ ..
ﺍﻣﻴﺮﻩ ﺑﺈﻣﺘﻌﺎﺽ : ﻟﻴﻠﻪ ﺍﻭﻝ ﻳﻮﻡ ﻓﺮﻣﻀﺎﻥ ﺗﺘﻔﺮﺟﻮﺍ ﻓﻴﻬﺎ ﻉ ﻫﺎﻟﺒﻠﻲ ..😑..
ﻛﻠﻬﻢ ﻣﺎﺩﻭﺭﻫﺎﺵ ﻣﺮﻛﺰﻳﻦ ﻣﻊ ﺍﻟﺒﺮﻧﺎﻣﺞ ﻫﺰﺕ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﻭﺭﺟﻌﺖ ﺗﺸﻮﻑ ﻟﺘﻠﻴﻔﻮﻧﻬﺎ ...
ﻓﻲ ﺍﻟﺘﻠﻔﺰﻳﻮﻥ ..
} ﻭﺍﻵﻥ ﻣﻊ ﺍﻷﻓﻌﻰ ﺍﻷﻛﺜﺮ ﺩﻫﺎﺀ ... ﺍﻟﻜﻮﺑﺮﺍ {
ﺍﻣﻴﺮﻩ ﻟﻤﺎ ﺳﻤﻌﺖ ﻫﺎﻟﺠﻤﻠﻪ ﻗﺎﻣﺖ ﺭﺍﺳﻬﺎ ﺗﻠﻘﺎﺋﻴﺎ ﻟﻠﺘﻠﻔﺰﻳﻮﻥ ﺷﺒﺤﺖ ﺷﻜﻞ ﺍﻓﻌﻰ ﺍﻟﻜﻮﺑﺮﺍ ⚡.. ﺟﻲ ﺑﻴﻦ ﻋﻴﻮﻧﻬﺎ ﺧﺎﺗﻢ ﺳﺮﻣﺪ ...
ﺍﻣﻴﺮﻩ " ﺍﻳﻮﺍﺍﺍﻩ ﻫﻮ ﻫﺬﺍ ﺍﻟﻤﺮﺳﻮﻡ ﻋﻠﻲ ﺧﺎﺗﻤﻪ ﻫﻮ ﻫﺬﺍ .. ﺑﺲ ﻳﺎﺗﺮﻯ ﻋﻼﺵ ﻳﻠﺒﺲ ﺧﺎﺗﻢ ﻣﺨﻴﻒ ﺯﻱ ﻫﺬﺍ ﻋﻜﺲ ﺷﺨﺼﻴﺘﻪ ﺗﻤﺎﻣﺎ .... ﺍﻟﻜﻮﺑﺮﺍ ... ﻣﺮﺍﺕ ﻳﻄﻠﻊ ﻳﺤﺐ ﺍﻟﻠﻔﻌﻪ ﻫﺎﺩﻱ .. ﻟﻠﻨﺎﺱ ﻓﻴﻤﺎ ﻳﻌﺸﻘﻮﻥ ﻣﺬﺍﻫﺐ ﻭﺳﺮﻣﺪ ﺑﺮﻭﺣﻪ ﻏﺮﻳﺐ ﺍﻃﻮﺍﺭ ﺣﺘﻰ ﺍﻋﺘﺮﺍﻓﻪ ﺑﺎﻟﺤﺐ ﻛﺎﻥ ﻏﺮﻳﺐ " ﺍﺑﺘﺴﻤﺖ ﻭﻗﻌﺪﺕ ﺗﻔﻜﺮ ﻓﻴﻪ ﻭﻓﺈﻋﺘﺮﺍﻓﻪ ﻟﻴﻬﺎ ﺑﺤﺒﻪ . ﻃﻠﻌﺖ ﻣﻦ ﺍﻟﻔﻴﺲ ﻭﺧﺸﺖ ﺻﻮﺭﺗﻪ ﻭﻗﻌﺪﺕ ﺗﺘﺄﻣﻞ ﻓﻴﻬﺎ ...
... ﻳﺘﺒﻊ
