منقولة
ﺍﻟﺠﺰﺀ ﺍﻟﺴﺎﺑﻊ ﻭﺍﻟﺜﻼﺛﻴﻦ 💔💖
للكاتبة GomanFared
ﻣﺎﺗﺘﺤﺸﻤﻴﺶ ﺧﻠﻴﻚ ﻋﺎﺩﻳﻪ ﻭﺍﻟﻠﻪ ﻧﺎﺱ ﻃﻴﺒﻪ ﻭﺣﺘﻨﺴﺠﻤﻲ ﻣﻌﺎﻫﻢ ﻃﻮﻝ ..
ﺃﻣﻴﺮﺓ ﺑﺈﺑﺘﺴﺎﻣﻪ ﺧﺠﻮﻟﻪ ﻭﻫﻲ ﺗﺬﻛﺮ ﻓﻲ ﺳﺮﻣﺪ : ﺑﺎﻩ ...
ﻃﻠﻌﺖ ﻋﻠﻴﺎ ﻫﻲ ﻭﺃﺧﺘﻬﺎ ﻣﻦ ﺍﻟﺤﻮﺵ ﻭﺗﻘﺎﺑﻠﻮﺍ ﻣﻊ ﻫﺎﻟﻪ ..
ﻫﺎﻟﻪ ﺍﺑﺘﺴﻤﺖ : ﻛﻴﻒ ﺣﺎﻟﻚ ﺃﻣﻴﺮﻩ ..
ﻗﺪﻣﺖ ﺍﻣﻴﺮﺓ ﻭﺳﻠﻤﺖ ﻋﻠﻴﻬﺎ : ﺍﻟﺤﻤﺪ ﻟﻠﻪ ... ﻛﻴﻒ ﺣﺎﻟﻚ ﺇﻧﺘﻲ ..
ﻫﺎﻟﻪ : ﺍﻟﺤﻤﺪ ﻟﻠﻪ ..
ﻋﻠﻴﺎ : ﺷﻦ ﺩﺍﻳﺮﺓ ..
ﻫﺎﻟﻪ : ﻣﻜﺮﻭﻧﻪ ﺑﺎﻟﺒﻴﺸﺎﻣﻴﻞ .. ﻭﺍﻧﺘﻲ ...
ﻋﻠﻴﺎ : ﻃﺎﺟﻴﻦ ﺟﺒﻦ ..
ﻭﻧﺰﻟﻮﺍ ﻣﻊ ﺑﻌﻀﻬﻢ ﺍﻭﻝ ﻣﺎﻓﺘﺤﻮﺍ ﺍﻟﻔﺎﺻﻞ ﻗﺎﺑﻠﻬﻢ ﺳﺮﻣﺪ .. ﺍﻣﻴﺮﺓ ﺍﺩﺭﻗﺖ ﻭﺭﺍﻫﻢ ...
ﺳﺮﻣﺪ ﺍﺑﺘﺴﻢ : ﻫﺎﻩ ﺷﻦ ﺩﺍﻳﺮﻳﻦ .. ﻗﺪﻡ .. ﺷﻦ ﻓﻲ ﻫﻨﻲ ..
ﻋﻠﻴﺎﺑﻀﺤﻜﻪ : ﻃﺎﺟﻴﻦ
ﺳﺮﻣﺪ : ﺍﻣﻤﻢ ﻛﻮﻳﺲ .. ﺷﺒﺢ ﻟﻬﺎﻟﻪ .. ﻗﻠﺒﻲ ﻳﺪﻕ ﻭﺍﻧﻲ ﻧﺸﻮﻑ ﻟﻠﻲ ﻓﻴﺪﻙ .. ﻋﻼﺵ ﻳﺎﺗﺮﻯ ..
ﻫﺎﻟﻪ : ﻫﻬﻬﻬﻬﻬﻬﻬﻬﻪ ﺍﻟﻠﻲ ﻓﺒﺎﻟﻚ ﺻﺢ ...
ﺳﺮﻣﺪ : ﺍﻧﺘﻲ ﺃﺣﺴﻦ ﻭﺣﺪﻩ .. ﺑﻌﺪﻳﻦ ﺷﺒﺢ ﻟﻌﻠﻴﺎ ... ﻭﺍﻛﻴﺪ ﺣﺘﻰ ﺍﻧﺘﻲ ﺍﺣﺴﻦ ﻭﺣﺪﻩ .. ﻭﺍﻟﻠﻲ ﻭﺭﺍﻙ ﻣﺪﺭﻗﻪ ﻣﺶ ﻋﺎﺭﻑ ﻋﻼﺵ ﺣﺘﻰ ﻫﻲ ﺍﺣﺴﻦ ﻭﺣﺪﻩ ..
ﻫﺎﻟﻪ ﻭﻋﻠﻴﺎ 😂😂:
ﺃﻣﻴﺮﺓ 🙈😳:
ﻋﻠﻴﺎ : ﻣﺘﺤﺸﻤﻪ ﺷﻮﻳﻪ ..
ﺳﺮﻣﺪ ﺑﺮﻓﻌﺔ ﺣﺎﺟﺐ ﺍﺑﺘﺴﻢ ..
ﺧﺸﻮﺍ ﻛﻠﻬﻢ ﺩﺍﺧﻞ ﻟﻘﻮﺍ ﺍﻧﻌﺎﻡ ﻭﺳﺎﺭﺓ ﻭﺑﺮﻧﻴﻪ ﻓﻲ ﺍﻟﺼﺎﻟﻪ ﻗﻌﻤﺰﻭﺍ ﻭﺳﺮﻣﺪ ﻗﻌﺪ ﻭﺍﻗﻒ ..
ﺳﺎﺭﺓ : ﺍﻧﺴﺘﻲ ﺍﻣﻴﺮﺓ ..
ﺍﻣﻴﺮﺓ : ﺍﻟﻠﻪ ﻳﺄﻧﺴﻚ ..
ﺍﻧﻌﺎﻡ : ﺧﻮﺩﻱ ﺭﺍﺣﺘﻚ ﺳﻤﻮﺣﻪ ﻣﺎﺗﺘﺤﺸﻤﻴﺶ ..
ﺍﺑﺘﺴﻤﺖ ﺃﻣﻴﺮﺓ ...
ﺑﺮﻧﻴﻪ : ﻣﺮﺣﺒﺘﻴﻦ ﺑﻴﻚ ﺑﻨﻴﺘﻲ ..
ﺍﻣﻴﺮﺓ : ﺗﺴﻠﻤﻲ ﻳﺎﺣﻨﺎﻱ ..
ﺳﺎﺭﺓ ﺑﻀﺤﻜﻪ : ﻳﺎﺣﻠﻴﻠﻲ ﺍﻧﻲ ﺣﺴﻴﺘﻬﺎ ﻭﻟﺖ ﻛﻨﺘﻨﺎ ﺣﺘﻰ ﻫﻲ
ﺳﺮﻣﺪ ﺍﺑﺘﺴﻢ ..
ﻋﻠﻴﺎ : ﺧﻼﺹ ﺭﻩ ﺑﺘﺒﺨﺮ ﻣﻦ ﺍﻟﺨﺠﻞ ..
ﺍﻣﻴﺮﺓ ﻗﺮﺻﺘﻬﺎ .. ﻭﻫﻤﺎ ﺿﺤﻜﻮﺍ ..
ﺳﺮﻣﺪ ﻭﻫﻮ ﻣﺒﺘﺴﻢ : ﻫﻴﺎ ﺣﻄﻮﻟﻲ ﺍﻧﻲ ﻭﻣﺮﻋﻲ ..
ﺍﻧﻌﺎﻡ : ﺑﺎﻩ ... ﺣﻄﻮﺍ ﻟﻤﺮﻋﻲ ﻭﺳﺮﻣﺪ ﻭﺳﺮﻣﺪ ﺭﻓﻊ ﺻﻔﺮﺗﻬﻢ ﻭﻃﻠﻊ .. ﻭﺃﻣﻴﺮﺓ ﺑﺪﺕ ﺷﻮﻳﻪ ﺷﻮﻳﻪ ﺗﻨﻄﻠﻖ ﻭﺍﻧﺴﺠﻤﺖ ﻣﻌﺎﻫﻢ ..
ﻋﻠﻴﺎ ﻛﺎﻧﺖ ﺗﻀﺤﻚ ﺑﺎﻟﺴﻴﻒ ﺣﺘﻰ ﻓﻲ ﺍﻟﻤﺎﻛﻠﻪ ﻛﺎﻧﺖ ﺗﺠﺎﻣﻞ ﻣﺎﻫﻨﺎﻙ ﻣﺎﻛﻠﺖ ..
ﻟﻤﺎ ﺗﻜﻮﻥ ﻣﺘﺎﻟﻢ ﻣﻦ ﺩﺍﺧﻞ ﺻﻌﺐ ﺗﺴﺘﻤﺘﻊ ﺑﺄﻱ ﺷﻲ ﺣﻠﻮ ﻳﻤﺮ ﻋﻠﻴﻚ ﻹﻥ ﻗﻠﺒﻚ ﺍﻟﻤﺠﺮﻭﺡ ﻣﺶ ﻗﺎﺩﺭ ﻳﻌﻴﺶ ﺣﺎﻟﺔ ﺍﻟﺴﻌﺎﺩﻩ ﻫﺎﺩﻱ .. ﺑﺒﺴﺎﻃﻪ ﺍﻟﻘﻠﺐ ﻫﻨﻲ ﻣﻔﻬﻮﻡ ﺍﻟﺴﻌﺎﺩﻩ ﻋﻨﺪﻩ ﺍﺧﺘﺼﺮ ﻓﻲ ﺷﺨﺺ ﻭﺍﺣﺪ 💔...
***
ﻣﺎﺷﻴﻴﻦ ﻓﻲ ﻣﻤﺮ ﻃﻮﻳﻞ ..
: ﻭﺍﺣﺪ ﻣﻦ ﺍﻟﻨﺎﺱ ﺍﻟﻠﻲ ﻛﺎﻧﺖ ﻣﺘﻮﻏﻠﻪ ﺩﺍﺧﻞ ﺍﻟﻤﻨﻈﻤﻪ ﻭﻃﺎﺡ ﻓﻲ ﺍﻳﺪﻳﻨﺎ ﻭﺣﺎﻓﻈﻨﺎ ﻉ ﺣﻴﺎﺗﻪ ﺃﻛﺜﺮ ﻣﻦ ﺣﻴﺎﺗﻨﺎ ..
ﺍﻟﺤﺴﻦ : ﻣﺎﺗﻜﻠﻤﺶ ﻣﻌﺎﻛﻢ ﺑﻜﻞ ..
: ﻻ ﻗﺎﻝ ﻧﺒﻲ ﻧﺸﻮﻑ ﺍﻻﻓﻨﺪﻱ ﺍﻟﺤﺴﻦ ..
ﺍﻟﺤﺴﻦ : ﺗﻤﺎﻡ .. ﻭﺻﻠﻮﺍ ﻓﻲ ﻣﻜﺘﺐ ﺍﻟﺘﺤﻘﻴﻖ .. ﻓﺘﺢ ﺍﻟﺤﺴﻦ ﺍﻟﺒﺎﺏ ﻭﺧﺶ .. ﻛﺎﻥ ﻳﺸﺒﺢ ﻟﻠﺸﺨﺺ ﺍﻟﻠﻲ ﻣﻘﻌﻤﺰ ﻗﺪﺍﻣﻪ ﻫﻠﺒﻪ .. ﺑﻌﺪﻳﻦ ﻗﻌﻤﺰ ..
ﺍﻟﺤﺴﻦ : ﻗﺎﻟﻮﺍ ﻃﻠﺒﺘﻨﻲ ﺑﺎﻹﺳﻢ ..
ﺭﺍﺱ ﺍﻟﻐﻮﻝ : ﺍﻳﻪ ... ﻭﺍﺧﻴﺮﺍ ﺷﻔﺖ ﺍﻟﻮﺟﻪ ﺍﻟﻠﻲ ﻣﺪﺍﻳﺮ ﻓﻴﻨﺎ ﺍﻟﺮﻋﺐ ..
ﺍﻟﺤﺴﻦ ﺷﺒﺤﻠﻪ ﺑﺒﺮﻭﺩ : ﺷﻦ ﻋﻨﺪﻙ ..
ﺭﺍﺱ ﺍﻟﻐﻮﻝ : ﺍﻟﻠﻲ ﺑﻨﻘﻮﻟﻪ ﺗﻮﺍ ﺣﻴﻜﻠﻔﻨﻲ ﻫﻠﺒﻪ .. ﺑﺲ ﺑﺼﺮﺍﺣﻪ ﻣﺎﻋﻨﺪﻱ ﺷﻲ ﻏﻴﺮ ﺭﻭﺣﻲ ﻭﺑﺎﻟﻨﺴﺒﻪ ﻟﻴﺎ ﻣﺶ ﻏﺎﻟﻴﻪ ﻫﻠﺒﻪ ﺧﻞ ﻳﺎﺧﺪﻭﻫﺎ ..
ﺍﻟﺤﺴﻦ : ﻓﻌﻼ ﻟﻮ ﻛﺎﻧﺖ ﻏﺎﻟﻴﻪ ﻋﻨﺪﻙ ﻣﺎﻛﻨﺘﺶ ﻏﺮﻗﺘﻬﺎ ﻓﻬﺎﻟﻮﺣﻞ ... ﺍﻟﻤﻬﻢ ﺗﻮﺍ ﺧﺶ ﻃﻮﻝ ﻓﻲ ﺍﻟﻤﻮﺿﻮﻉ ﻭﻗﻮﻝ ﺷﻦ ﻋﻨﺪﻙ . ﻣﺎﻋﻨﺪﻳﺶ ﻭﻗﺖ ﻧﻀﻴﻌﻪ ﻣﻌﺎﻙ ..
ﺭﺍﺱ ﺍﻟﻐﻮﻝ ﺗﻨﻬﺪ ﻭﺍﺗﻜﻲ ﻉ ﺍﻟﻜﺮﺳﻲ : ﻟﻴﺎ ﻣﻌﺎﻫﻢ 20 ﺳﻨﻪ .. ﺗﻜﻔﻲ ﺍﻥ ﻧﻌﺮﻑ ﻋﻨﻬﻢ ﺑﻌﺾ ﺍﻟﺤﺎﺟﺎﺕ .. ﻫﻲ ﻣﻦ ﺍﻛﺒﺮ ﻋﺼﺎﺑﺎﺕ ﺗﺠﺎﺭﺓ ﺍﻟﻤﺨﺪﺭﺍﺕ ﻭﻧﺸﻄﻪ ﻣﻦ ﻗﺮﻳﺐ 50 ﻋﺎﻡ ..
ﺍﻟﺤﺴﻦ : ﺍﻟﻠﻲ ﻗﻠﺘﻪ ﻧﻌﺮﻓﻪ .. ﻧﻌﺮﻑ ﺍﻧﻬﻢ ﻛﺎﻧﻮﺍ ﻣﺪﻋﻮﻣﻴﻦ ﻣﻦ ﺍﻟﻨﻈﺎﻡ ﺍﻟﺴﺎﺑﻖ .. ﻭﺑﻌﺪﻩ .. ﻭﻟﻼﻥ .. ﺗﺴﻘﻂ ﺩﻭﻝ ﻭﻫﻤﺎ ﻗﺎﻋﺪﻳﻦ ﻗﺎﻳﻤﻴﻦ ..
ﺭﺍﺱ ﺍﻟﻐﻮﻝ : ﺻﺢ ... ﻛﺒﻴﺮﻫﻢ .. ﻳﻨﺎﺩﻭﺍ ﻓﻴﻪ ﺍﻟﻜﻮﻣﺎﻧﺪﺍ .. ﻻﻋﻤﺮﻧﺎ ﺭﻳﻨﺎﻩ ﻭﻻﺷﻔﻨﺎﻩ ﻭﻻﺗﻌﺎﻣﻠﻨﺎ ﻣﻌﺎﻩ ﻧﻬﺎﺋﻴﺎ .. ﻛﺎﻧﺖ ﺗﺠﻲ ﺍﻷﻭﺍﻣﺮ ﻣﻨﻪ ﻋﻦ ﻃﺮﻳﻖ ﺭﺟﺎﻟﻪ .. ﻭﻟﻤﺎ ﺯﺩﺕ ﺳﺄﻟﺖ ﻋﺮﻓﺖ ﺍﻥ ﻣﺎﺣﺪ ﺷﺎﻓﻪ ﺣﺘﻰ ﺍﻟﻘﺪﻡ ... ﺍﻟﻔﺘﺮﺓ ﺍﻷﺧﻴﺮﺓ ﺳﻴﺐ ﻭﻋﻄﻲ ﺍﻟﻤﻜﺎﻥ ﻟﻐﻴﺮﻩ .
ﺍﻟﺤﺴﻦ ﺑﺈﻧﺘﺒﺎﻩ : ﺑﺎﻟﺰﺑﻂ ﺍﻣﺘﻰ ..
ﺭﺍﺱ ﺍﻟﻐﻮﻝ : ﺗﻼﺗﻪ ﺍﻟﺸﻬﻮﺭ ﺍﻷﺧﻴﺮﻩ .. ﻟﻮﺍﺣﺪ ﻟﻘﺒﻪ ﺍﻟﻜﻮﺑﺮﺍ ... ﺗﺒﻲ ﺍﻟﺤﻖ ﺍﻟﻜﻮﺑﺮﺍ ﺧﻼﻝ ﺳﻨﻴﻦ ﺍﻷﺧﻴﺮﻩ ﻫﻮ ﺍﻟﻠﻲ ﻳﻤﺸﻲ ﻓﻲ ﺍﻟﻤﻨﻈﻤﻪ ..
ﺍﻟﺤﺴﻦ : ﻭﺣﺘﻰ ﻫﻮ ﻣﺎﺗﻌﺮﻓﻮﺵ ﺷﻜﻠﻪ ..
ﺭﺍﺱ ﺍﻟﻐﻮﻝ : ﺷﻔﻨﺎﻩ ﻭﻣﺎﺷﻔﻨﺎﺷﻲ .. ﻳﻌﻨﻲ ﻛﺎﻥ ﻳﺘﻼﻗﻰ ﻣﻊ ﺍﻓﺮﺍﺩ ﻣﻦ ﺍﻟﻤﻨﻈﻤﻪ ﻟﻜﻦ ﻛﺎﻥ ﻣﺘﻨﻜﺮ ﻭﺍﻟﻘﻨﺎﻉ ﺍﻟﻠﻲ ﻛﺎﻥ ﻳﻠﺒﺲ ﻓﻴﻪ ﻏﺮﻳﺐ ﺷﻮﻱ .. ﻗﺎﺑﻠﺘﻪ ﻣﺮﺓ ﻭﺣﺪﻩ ﺑﺲ .. ﻭﺍﺣﺪ ﺟﻠﻒ ﻭﻣﺎﻓﻴﺸﻲ ﺭﺣﻤﻪ ﺑﺘﺎﺗﺎ ...
ﺍﻟﺤﺴﻦ : ﻣﺎﻓﻲ ﺣﺪ ﻓﻴﻜﻢ ﻋﻨﺪﻩ ﺭﺣﻤﻪ ﻣﻦ ﺍﻷﺻﻞ .. ﻋﻨﺪﻙ ﺷﻲ ﺗﺎﻧﻲ ﻏﻴﺮ ﻫﺬﺍ ..
ﺭﺍﺱ ﺍﻟﻐﻮﻝ : ﺍﻧﻲ ﻃﻠﺒﺘﻚ ﺑﺎﻷﺳﻢ ﻟﺴﺒﺐ ﺗﺎﻧﻲ ..
ﺍﻟﺤﺴﻦ : ﺷﻦ ﻫﻮ ..
ﺭﺍﺱ ﺍﻟﻐﻮﻝ : ﺯﻱ ﻣﺎﺗﻌﺮﻑ ﺍﻧﺖ ﺗﺸﻜﻞ ﻋﻠﻴﻨﺎ ﻓﻲ ﺧﻄﺮ ﻛﺒﻴﺮ ﻭﻳﺎﻣﺎ ﺧﺴﺮﺗﻨﺎ ﺭﺟﺎﻝ ﻭﻣﺎﻝ .. ﻣﻦ ﺍﻟﻤﻔﺮﻭﺽ ﺍﻧﻚ ﺗﻤﻮﺕ .. ﺑﺲ ﻛﺎﻥ ﺍﻹﺣﺘﻤﺎﻝ ﻫﺬﺍ ﺩﻳﻤﺎ ﺑﻌﻴﺪ ﻋﻨﺪﻫﻢ ..
ﺍﻟﺤﺴﻦ ﺿﻴﻖ ﻋﻴﻮﻧﻪ : ﺍﻟﻤﻌﻨﻰ؟
ﺭﺍﺱ ﺍﻟﻐﻮﻝ : ﺑﻨﺴﺄﻟﻚ ﺍﻧﻲ ﺗﻮﺍ؟ .. ﻟﻴﻚ ﻳﺪ ﻣﻌﺎﻫﻢ ..
ﺍﻟﺤﺴﻦ ﺷﺒﺤﻠﻪ ﺑﺘﻬﻜﻢ : ﻣﺎﻋﻨﺪﻳﺶ ﻧﻴﻪ ﻧﻤﺎﺭﺱ ﺍﻟﻌﻨﻒ ..
ﺭﺍﺱ ﺍﻟﻐﻮﻝ ﺿﺤﻚ ﺑﺘﻬﻜﻢ : ﺍﻟﻤﻬﻢ .. ﻫﻤﺎ ﻣﺎﻳﺒﻮﺵ ﻳﻀﺮﻭﻙ ﻭﻳﺒﻮﺍ ﻳﻀﺮﻭﻙ .. ﺍﻧﻲ ﻭﻹﻥ ﺍﻣﺮﻱ ﺷﺒﻪ ﻣﻨﺘﻬﻲ .. ﺑﻨﺤﺬﺭﻙ .. ﺍﻧﺖ ﺗﺤﺪﻳﺪﺍ ﻟﻮ ﻣﺎﻗﺘﻠﻮﻛﺶ .. ﺣﻴﺪﻳﺮﻭﻟﻚ ﻣﺼﻴﺒﻪ ﺍﻛﺒﺮ ..
ﺍﻟﺤﺴﻦ ﺷﺒﺤﻠﻪ ﻫﻠﺒﻪ ﺑﻌﺪﻳﻦ ﻧﺎﺽ : ﻛﻼﻣﻚ ﻻﻗﺪﻡ ﻭﻻﺍﺧﺮ .. ﻛﺎﻧﻮﺍ ﺣﻴﻨﻬﻮﺍ ﺍﻣﺮﻱ ﻓﻲ ﺍﺧﺮ ﻋﻤﻠﻴﻪ ﻏﻴﺮ ﺭﺑﻲ ﻣﺎﻳﺒﻴﺶ .. ﻭﺟﻲ ﺑﻴﻄﻠﻊ
ﺭﺍﺱ ﺍﻟﻐﻮﻝ : ﺍﻧﻲ ﺣﺬﺭﺕ .. ﻭﺃﻧﺖ ﺣﺮ ...
ﺍﻟﺤﺴﻦ ﻃﻠﻊ ﻭﺳﻜﺮ ﺍﻟﺒﺎﺏ ..
***
ﻣﺎﺷﻲ ﺑﻴﺤﻘﻖ ﻣﻊ ﺭﺍﺱ ﺍﻟﻐﻮﻝ ...
: ﺍﻳﻪ ..
ﻣﻨﺬﺭ : ﻓﻬﻤﺘﻪ ﻳﻘﻮﻟﻪ ﺯﻱ ﻣﺎﻗﺘﻠﻚ ..
: ﺍﻳﻪ ﻳﺎﺭﺍﺱ ...
ﻣﻨﺬﺭ : ﺗﻤﺎﻡ .. ﺗﻤﺎﻡ
***
ﺗﺎﻧﻲ ﻳﻮﻡ ...
ﺍﻟﺴﺎﻋﻪ 11
ﻛﺎﻥ ﻳﻤﺸﻲ ﺑﺎﻟﻘﻴﻼ ﺑﺎﻧﺖ ﻋﻠﻴﻪ ﻣﻦ ﺑﻌﻴﺪ ﻋﻴﻮﻧﻪ ﺿﺤﻜﻮﺍ ﻗﺒﻞ ﻓﻤﻪ .. ﻣﻦ ﻟﻤﺎ ﻭﺻﻼﺗﻪ ﺭﺳﺎﻟﺘﻬﺎ ﺍﻣﺲ ﻭﻗﻠﺒﻪ ﻣﺎﺧﻼﺷﻲ ﻳﺮﻗﺪ ...
ﻭﺻﻞ ﻓﻴﻬﺎ ..
ﺑﻼﻝ : ﺍﻟﺴﻼﻡ ﻋﻠﻴﻜﻢ ..
ﺍﺑﺘﺴﺎﻡ ﺑﻤﻼﻣﺢ ﺑﺎﺭﺩﻩ ﻭﻫﻲ ﺗﺸﺒﺢ ﻟﻠﻘﺪﺍﻡ : ﻗﻌﻤﺰ ..
ﺑﻼﻝ ﺍﺑﺘﺴﺎﻣﺘﻪ ﺗﻼﺷﺖ .. ﻗﻌﻤﺰ ﺑﺤﺪﺍﻫﺎ ﺑﻤﺴﺎﻓﻪ ..
ﺍﺑﺘﺴﺎﻡ : ﺍﺳﻤﻌﻨﻲ ﻛﻮﻳﺲ .. ﺍﻧﻲ ﻧﺤﺐ ﻧﻌﻴﺶ ﺑﻀﻤﻴﺮ ﻣﺮﺗﺎﺡ ﺿﻤﻴﺮ ﻳﺤﺲ ﺑﺮﺿﺎ ﺭﺑﻲ ﻋﻠﻴﻪ .. ﻟﻬﺬﺍ ﺍﻟﻘﺮﺍﺭ ﺍﻟﻠﻲ ﺧﺪﻳﺘﻪ ﻣﺮﺗﺎﺣﻪ ﻫﻠﺒﻪ ﺍﻧﻲ ﺧﺪﻳﺘﻪ .. ﺍﻧﻲ ﻧﺤﺐ ﺍﻟﺒﻼﺩ ﻫﺎﺩﻱ ﻭﻧﺘﻤﻨﻰ ﻧﺨﺪﻣﻬﺎ ﺑﺎﻟﻠﻲ ﻧﻘﺪﺭ ﻋﻠﻴﻪ .. ﻭﺗﻮﺍ ﺟﺘﻨﻲ ﻓﺮﺻﻪ ﻛﺒﻴﺮﺓ ﻟﻌﻨﺪﻱ ﻭﻣﺶ ﺣﻨﻀﻴﻌﻬﺎ .. ﺍﻧﻲ ﻣﻌﺎﻛﻢ ﺍﻧﺖ ﻭﺍﻟﺸﺮﻃﻪ ﻓﺎﻟﻠﻲ ﺑﺪﻳﺮﻭﻩ ... ﺣﺘﻰ ﻟﻮ ﻛﺎﻥ ﺿﺪ ﺑﻮﻱ .. ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ .. ﻣﻊ ﺍﻷﺳﻒ ﻫﻮ ﺍﻟﻠﻲ ﺟﺎﺑﻪ ﻟﺮﻭﺣﻪ ..
ﺑﻼﻝ ﻭﻫﻮ ﻣﺘﻔﺎﺟﺄ : ﻳﻌﻨﻲ ..
ﺍﺑﺘﺴﺎﻡ : ﺣﻴﺘﻢ ﻛﻞ ﺷﻲ ﻓﻲ ﻭﻗﺘﻪ ..
ﺑﻼﻝ ﻣﺶ ﻣﺴﺘﻮﻋﺐ ﺍﻟﻠﻲ ﺗﻘﻮﻝ ﻓﻴﻪ ..
ﺍﺑﺘﺴﺎﻡ ﺷﺒﺤﺘﻠﻪ ﺑﻐﻞ : ﻟﻜﻦ ﻻﺯﻡ ﺗﻌﺮﻑ ﺍﻥ ﺍﻧﺖ ﻋﻨﺪﻱ ﻣﻌﺎﺵ ﺗﺴﻮﻯ ﺷﻲ .. ﻭﻻﻋﺎﺩ ﺗﻌﻨﻴﻠﻲ ﺣﺎﺟﻪ ... ﺯﻭﺍﺟﻨﺎ ﻣﺮﺑﻮﻁ ﺑﻤﺪﻩ ﻣﻬﻤﺘﻚ ﻭﺑﺲ .. ﻭﺻﺪﻗﻨﻲ ﺣﻨﺴﺎﻋﺪﻙ ﻉ ﻗﺪ ﻣﺎﻧﻘﺪﺭ ﺑﺶ ﺍﺗﻤﻬﺎ ﻭﻧﺨﻠﺺ ﻣﻨﻚ ﻓﻲ ﺍﺳﺮﻉ ﻭﻗﺖ ..
ﺑﻼﻝ ﺍﻟﻠﻲ ﻛﺎﻥ ﻳﻌﺮﻑ ﻳﻘﺮﺍ ﻟﻐﺔ ﺍﻟﻌﻴﻮﻥ ﻛﻮﻳﺲ ﻗﺮﻱ ﺍﻟﻜﻼﻡ ﺍﻟﻠﻲ ﻓﻌﻴﻮﻧﻬﺎ ﺍﻟﻠﻲ ﻛﺎﻥ ﻋﻜﺲ ﺍﻟﻠﻲ ﻃﻠﻊ ﻣﻦ ﻓﻤﻬﺎ ﺗﻤﺎﻣﺎ ﺍﺑﺘﺴﻢ : ﺣﺎﺿﺮ ..
ﻫﻲ ﻃﻮﻝ ﻧﺎﺿﺖ ﻭﻣﺸﺖ ﻭﺧﻼﺗﻪ ..
ﺑﻼﻝ : ﺍﻟﻤﻬﻢ ﻧﻘﻌﺪ ﻗﺮﻳﺐ ﻋﻠﻴﻚ ..
***
ﺍﻟﺴﺎﻋﻪ 1 ﺍﻟﻈﻬﺮ ..
ﺧﺸﺖ ﺍﻣﻴﺮﺓ ﻟﻠﺤﻮﺵ ﺑﻌﺪ ﺣﻄﻬﺎ ﺳﺎﻟﻢ ﻭﻣﺎﺷﻲ ﻳﺠﻴﺐ ﻋﻠﻴﺎ ﻭﻫﺎﻟﻪ .. ﺑﺤﻜﻢ ﻗﺮﺏ ﻣﺪﺭﺳﻪ ﺍﻣﻴﺮﻩ ﻣﻦ ﺍﻟﺤﻮﺵ ..
ﺭﻛﺒﺖ ﺍﻟﺪﺭﻭﺝ ﻭﺳﺮﻣﺪ ﺟﻲ ﻃﺎﻟﻊ ﻭﻗﺮﻳﺐ ﺍﻧﺨﺒﻄﻮﺍ ﻓﻲ ﺑﻌﺾ ..
ﺳﺮﻣﺪ : ﺃﻭﻭﻭ ..
ﺍﻣﻴﺮﺓ ﺭﺍﺳﻬﺎ ﻟﻮﻃﺎ ﻭﺟﻬﻬﺎ ﺍﺣﻤﺮ ..
ﺳﺮﻣﺪ : ﺭﻭﺣﺘﻲ ..
ﺍﻣﻴﺮﺓ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺳﺮﻣﺪ ﺑﻀﺤﻜﻪ : ﻣﻔﺮﻭﺽ ﺭﺩﻳﺘﻲ ﻋﻠﻴﺎ ﻻﻗﺎﻋﺪﻩ ﻓﻲ ﺍﻟﻄﺮﻳﻖ ..
ﺍﻣﻴﺮﺓ : ﻫﻬﻬﻬﻬﻬﻬﻬﻬﻪ ..
ﺳﺮﻣﺪ : ﺗﺮﺍ ﻗﻴﻤﻲ ﺭﺍﺳﻚ ..
ﺍﻣﻴﺮﺓ ﺑﺎﻟﺸﻮﻳﻪ ﻗﺎﻣﺖ ﺭﺍﺳﻬﺎ ﺟﺖ ﻋﻴﻮﻧﻬﺎ ﻓﻌﻴﻮﻧﻪ ﺍﻟﻤﻠﻮﻧﻪ ﺳﺮﺣﺖ ﻓﻴﻬﻢ ..
ﺳﺮﻣﺪ ﻭﻫﻮ ﺫﺍﻳﺐ : ﺍﻧﺘﻲ ﻋﻼﺵ ﺣﻠﻮﺓ ﻫﻜﻲ ..
ﺍﻣﻴﺮﻩ ﻭﻃﺖ ﺭﺍﺳﻬﺎ .
ﺳﺮﻣﺪ : ﻭﺣﻠﻮﻩ ﻫﻠﺒﻪ ...
ﺍﻣﻴﺮﺓ ﻣﻌﺎﺵ ﻗﺪﺭﺕ ﺗﺘﺤﻤﻞ ﻃﻮﻝ ﻫﺮﺑﺖ ﻭﻓﺘﺤﺖ ﺍﻟﻔﺎﺻﻞ ﻭﺧﺸﺖ ﻭﺳﻜﺮﺍﺗﻪ ﻭﺭﺍﻫﺎ ..
ﺳﺮﻣﺪ ﺗﻨﻬﺪ : ﺣﻠﻠﻠﻠﻠﻮﺓﻫﻠﺒﻪ ...
" ﻣﻦ ﻫﻲ ﻫﺎﺩﻱ "
ﺍﻟﺘﻔﺖ ﺳﺮﻣﺪ ﺑﺨﻠﻌﻪ : ﻣﻨﻮ !!
ﺑﺮﻧﻴﻪ : ﺍﻧﻲ ﺍﻟﻠﻲ ﻧﺴﺄﻝ ﻓﻴﻚ
ﺳﺮﻣﺪ ﺑﺮﺑﻜﻪ : ﺍﻟﻨﺨﻠﻪ ﺍﻟﻠﻲ ﻏﺎﺩﻱ ..
ﺑﺮﻧﻴﻪ ﺷﺒﺤﺖ ﻟﻠﻨﺨﻠﻪ ﻭﺷﺒﺤﺘﻠﻪ ﺑﺈﺳﺘﻐﺮﺍﺏ ..
ﺳﺮﻣﺪ ﺑﻀﺤﻜﻪ ﻣﺮﺗﺒﻜﻪ : ﻫﻬﻬﻪ . ﻫﻲ .. ﺍﻧﻲ ﻣﺎﺷﻲ .. ﻣﺎﺗﺴﺘﻨﻮﻧﻴﺶ ﻉ ﺍﻟﻐﺪﻱ .. ﻭﻟﻒ ﻭﻧﺰﻝ ﻃﻮﻝ .. ﺭﻛﺐ ﺳﻴﺎﺭﺗﻪ ﻭﻃﻠﻊ ..
ﺑﺮﻧﻴﻪ ﻣﻄﺖ ﺷﻮﺍﺭﺑﻬﺎ ﺑﺘﺴﺎﺅﻝ ﻭﺧﺸﺖ ..
***
ﻓﺎﺗﻮﺍ ﻳﻮﻣﻴﻦ ..
ﺟﺖ ﻓﻴﻬﻢ ﺃﻡ ﺑﻼﻝ ﻟﺤﻮﺵ ﻋﺒﺪﺍﻟﻘﺪﻭﺱ ﺣﺪﺩﺕ ﻳﻮﻡ ﻋﺮﺱ ﻭﻟﺪﻫﺎ ﻉ ﺑﻨﺘﻪ .. ﺍﻟﻠﻲ ﻛﺎﻧﻮﺍ ﺑﻌﺪ ﺍﺳﺒﻮﻋﻴﻦ ...
ﺍﻣﻴﺮﻩ ﻗﺎﻋﺪﻩ ﺗﻌﻴﺶ ﻓﻲ ﺍﺟﻤﻞ ﺣﺎﻟﻪ ﺗﻌﻴﺸﻬﺎ ﺍﻱ ﺑﻨﺖ ﻓﻲ ﺳﻨﻬﺎ .. ﺑﺎﻟﺬﺍﺕ ﻭﺍﻥ ﺳﺮﻣﺪ ﻛﺎﻥ ﺟﺮﻱﺀ ﻫﻠﺒﻪ ﺑﻜﻼﻣﻪ ﻭﻧﻈﺮﺍﺗﻪ ﻭﻫﻲ ﺣﺎﺑﻪ ﺟﺮﺃﺗﻪ ﻫﺎﺩﻱ ..
ﻋﻠﻴﺎ ﻗﻠﺖ ﻣﺎﻛﻠﺘﻬﺎ ﻭﺣﺎﻟﻬﺎ ﻣﺶ ﺑﺎﻫﻲ ﺑﻜﻞ ﻻﺳﺄﻝ ﻋﻠﻴﻬﺎ ﻭﻻﺩﻭﺭﻫﺎ ﻭﻫﻲ ﻗﺮﻳﺐ ﺗﻤﻮﺕ ﻉ ﺷﻮﻓﺘﻪ ﻫﺎﻟﻤﺮﺓ ﺣﺴﺖ ﺍﻧﻪ ﺑﻌﻴﺪ ﺍﻛﺜﺮ ﻣﻦ ﻗﺒﻞ ﻫﻠﺒﻪ ﻫﻠﺒﻪ .. ﻣﺶ ﺣﺎﺳﻪ ﺑﻄﻌﻢ ﺷﻲ ﻣﻦ ﻏﻴﺮﻩ ...
ﺍﻣﺎ ﻫﻮ ﻓﻘﺎﻋﺪ ﻓﻲ ﺍﻟﻤﺪﻳﻨﻪ ﺍﻟﻠﻲ ﻫﻮ ﻓﻴﻬﺎ ﻣﺸﻐﻮﻝ ﺑﺎﻟﺘﺤﻘﻴﻘﺎﺕ ﻭﺍﻟﺘﺤﺮﻳﺎﺕ ﻭﻭﺻﻞ ﻟﻬﻠﺒﻪ ﻣﻌﻠﻮﻣﺎﺕ ﺗﻔﻴﺪﻩ .. ﻣﺎﺧﻄﺮﺗﺶ ﻓﻲ ﺑﺎﻟﻪ ﻋﻠﻴﺎ؟ ...! ﻫﻮ ﻗﺎﺩﺭ ﻳﺤﻮﻟﻬﺎ ﻣﻦ ﺑﺎﻟﻪ ... ﻏﻴﺮ ﻳﺴﻬﻰ ﺷﻮﻳﻪ ﻭﻻﻳﻐﻤﺾ ﻋﻴﻮﻧﻪ ﺑﻴﺮﻗﺪ ﺗﺠﻲ ﺑﻴﻦ ﻋﻴﻮﻧﻪ .. ﻣﺴﺘﺎﺣﺸﻬﺎ ﺑﻴﻤﻮﺕ ﻋﻠﻴﻬﺎ .. ﻟﻜﻦ ﻣﺠﺮﻭﺡ ﻫﻠﺒﻪ ﻫﻠﺒﻪ .. ﻫﻮ ﻣﺶ ﺷﺎﻙ ﻓﻲ ﺇﻧﻬﺎ ﺗﺨﻮﻥ ﻓﻴﻪ ﻻ .. ﺑﺲ ﻫﻮ ﺣﺎﺳﺲ ﺍﻧﻬﺎ ﻣﺎﺗﺤﺒﺎﺵ .. ﻭﻗﺎﻋﺪﻩ ﺗﺤﺐ ﻣﻨﺼﻒ .. ﻣﺎﻻ ﻋﻼﺵ ﺭﺍﻓﻀﺎﺗﻪ؟ !!
ﺧﻮﻟﻪ ﻗﺎﻋﺪﻩ ﻣﻨﺴﺠﻤﻪ ﻓﻲ ﺍﻟﺨﺪﻣﻪ ﻭﺃﻣﻮﺭﻫﺎ ﺗﻤﺎﻡ ﺑﺎﻟﺬﺍﺕ ﺑﻌﺪ ﻏﻴﺮﺕ ﺷﻔﺮﺗﻬﺎ ..
ﻓﻲ ﻳﻮﻡ ﻛﺎﻧﺖ ﺭﺍﻛﺒﻪ ﻟﻤﻜﺘﺐ ﺍﻟﻤﺪﻳﺮ ﺑﺘﺴﻠﻤﻪ ﻣﻠﻒ ﻣﻄﻠﻮﺏ ﻣﻨﻬﺎ ..
ﻭﺻﻠﺖ ﻭﻃﻘﺖ ﺍﻟﺒﺎﺏ ﻭﺧﺸﺖ ...
ﺧﻮﻟﻪ : ﺗﻔﻀﻞ ﺍﺳﺘﺎﺫ ﻭﻟﻴﺪ ﻫﺬﺍ ﺍﻟﻤﻠﻒ ﺍﻟﻠﻲ ﻃﻠﺒﺘﻪ ﻣﻨﻲ ..
ﻭﻟﻴﺪ ﻗﻌﺪ ﻳﺘﻔﺤﺺ ﻓﻴﻪ : ﻣﻤﺘﺎﺯ ..
ﺧﻮﻟﻪ : ﻓﻲ ﺷﻲ ﺗﺎﻧﻲ ..
ﻭﻟﻴﺪ ﺍﺑﺘﺴﻢ : ﻻ ﺗﻘﺪﺭﻱ ﺗﻮﻟﻲ ﻟﻤﻜﺘﺒﻚ ..
ﺧﻮﻟﻪ ﺍﺑﺘﺴﻤﺖ ﻭﻟﻔﺖ ﻭﻫﻲ ﻣﺎﺷﻴﻪ ﻭﻗﻔﺖ ﻭﺍﻟﺘﻔﺘﺖ : ﺍﺣﻢ ﺍﺳﺘﺎﺫ ﻭﻟﻴﺪ ..
ﻭﻟﻴﺪ : ﻧﻌﻢ ..
ﺧﻮﻟﻪ : ﺍﺣﻤﻢ .. ﻧﻘﺪﺭ ﻧﻌﺮﻑ .. ﻳﻌﻨﻲ .. ﺯﻣﻴﻠﻲ ﻓﻲ ﺍﻟﻤﻜﺘﺐ ﺭﻳﺎﺽ ﻋﻼﺵ ﺍﺳﺘﻘﺎﻝ ..
ﻭﻟﻴﺪ ﺍﺑﺘﺴﻢ : ﻗﺎﻝ ﻣﺎﺍﻧﺴﺠﻤﺘﺶ ﻓﻲ ﺍﻟﺨﺪﻣﻪ ﻣﻌﺎﻛﻢ ..
ﺧﻮﻟﻪ " ﻏﺮﻳﺒﻪ ﻫﻮﻗﺎﻝ ﺍﻧﻪ ﺑﺄﻣﺲ ﺍﻟﺤﺎﺟﻪ ﻟﻴﻬﺎ ﻳﺴﻴﺒﻬﺎ ﻉ ﺧﺎﻃﺮ ﻣﺎﺃﻧﺴﺠﻤﺶ .."
ﻭﻟﻴﺪ : ﻓﻲ ﺣﺎﺟﻪ؟
ﺧﻮﻟﻪ : ﺍﺣﻤﻢ .. ﻣﺶ ﻋﺎﺭﻓﻪ ﺷﻦ ﺑﻨﻘﻮﻟﻚ .. ﺍﺧﺮ ﻳﻮﻡ ﻟﻴﻪ ﻣﻌﺎﻧﺎ ﺻﺎﺭ ﺑﻴﻨﻲ ﻭﺑﻴﻨﻪ ﺳﻮﺀ ﺗﻔﺎﻫﻢ .. ﻭﺑﺼﺮﺍﺣﺔ ﺍﻛﺘﺮ ﺍﻧﻲ ﺍﻟﻠﻲ ﻏﻠﻄﺘﺖ ﻓﻴﻪ ﻭﻧﺒﻲ ﻧﻌﺘﺬﺭ ﻣﻨﻪ ﻟﻴﺎ ﻓﺘﺮﺓ ﻧﺤﺎﻭﻝ ﻧﻮﺻﻞ ﻓﻴﻪ ﻭﻣﺶ ﻗﺎﺩﺭﺓ .. ﻳﻌﻨﻲ ﻣﺎﻋﻨﺪﻛﺶ ﻟﻴﻪ ﺷﻲ .. ﺭﻗﻢ ﺗﻠﻴﻔﻮﻥ ﻣﺜﻼ .. ﻫﻜﻲ ﻳﻌﻨﻲ ..
ﻭﻟﻴﺪ ﺍﺑﺘﺴﻢ : ﻫﻮ ﻣﺠﺮﺩ ﻣﻮﻇﻒ ﻋﻨﺪﻧﺎ ﻋﻼﺵ ﺑﻴﻜﻮﻥ ﻋﻨﺪﻱ ﺭﻗﻢ ﺗﻠﻴﻔﻮﻧﻪ ..
ﺧﻮﻟﻪ ﺍﺑﺘﺴﻤﺖ ﺑﺈﺣﺮﺍﺝ : ﺻﺢ .. ﺍﺳﻔﻪ ﺟﺪﺍ ﺧﺪﻳﺖ ﻣﻦ ﻭﻗﺘﻚ ﻋﻦ ﺍﺫﻧﻚ ﺍﺳﺘﺎﺫ ...
ﻭﻟﻴﺪ : ﺍﺫﻧﻚ ﻣﻌﺎﻙ ..
ﻟﻔﺖ ﻭﻃﻠﻌﺖ ﻃﻮﻝ .. ﻭﻭﻟﻴﺪ ﺿﺤﻚ ﻭﻃﻮﻝ ﻗﺎﻡ ﺗﻠﻴﻔﻮﻧﻪ ﻭﺩﺍﺭ ﺍﺗﺼﺎﻝ ﺑﺮﻗﻢ ﻣﻌﺮﻭﻑ ﺻﺎﺣﺒﻪ ...
***
ﺑﻌﺪ ﺍﻟﻌﺼﺮ ..
ﻣﻘﻌﻤﺰﻳﻦ ﻳﺸﺮﺑﻮﺍ ﻓﻲ ﻗﻬﻮﺗﻬﻢ ﻓﻲ ﺍﻟﺠﻨﺎﻥ ﺍﻟﺠﻮ ﺭﺑﻴﻌﻲ .. ﻭﺍﻟﻄﻘﺲ ﻣﻌﺘﺪﻝ ..
ﻫﺎﻟﻪ ﻣﻘﻌﻤﺰﺓ ﺣﺪﺍ ﺣﺴﺎﻥ ﻭﺗﻬﺪﺭﺯ ﻋﻠﻴﻪ .. ﻭﺍﻧﻌﺎﻡ ﺗﻬﺪﺭﺯ ﻣﻊ ﺳﺎﺭﻩ ﻭﺃﻣﻴﺮﻩ ﻭﺍﻗﻔﻪ ﺣﺪﺍ ﺍﻟﻨﺨﻠﻪ ﻣﻊ ﺑﺮﻧﻴﻪ ﻭﺗﻬﺪﺭﺯ ﻋﻠﻴﻬﺎ ﻭﺳﺮﻣﺪ ﻳﺸﺒﺤﻠﻬﻢ .. ﺍﻣﺎ ﻋﻠﻴﺎ ﻓﻜﺎﻧﺖ ﻓﻲ ﻋﺎﻟﻢ ﺗﺎﻧﻲ ﻋﺎﻟﻢ ﺍﻟﻠﻲ ﻏﺎﻳﺐ ﻋﻨﻬﺎ ﻭﻣﺨﻠﻴﻬﺎ ﺗﻌﺎﻧﻲ ﻣﻊ ﺷﻮﻗﻬﺎ ﻟﻴﻪ ... ﻣﻼﻣﺤﻤﻬﺎ ﺑﻬﺘﺖ ﻭﻭﺟﻬﻬﺎ ﺷﺎﺣﺐ ﻣﻦ ﻗﻠﺔ ﺍﻟﻤﺎﻛﻠﻪ ﻭﻋﻴﻮﻧﻬﺎ ﺍﻟﺤﻠﻮﺍﺕ ﺫﺑﻠﻬﻢ ﺍﻟﺒﻜﻲ ﺍﻟﻠﻲ ﻛﻞ ﻟﻴﻠﻪ ﺗﺒﻜﻲ .. ﻓﻴﻪ ..
🎶 ﻳﺎﻏﺎﻳﺐ ﻟﻴﻪ ﻣﺎﺗﺴﺄﻝ ﻉ ﺃﺣﺒﺎﺑﻚ ﺍﻟﻠﻲ ﻳﺤﺒﻮﻧﻚ
ﻭﻣﺎﻳﻨﺎﻣﻮﺍ ﺍﻟﻠﻴﻞ ﻟﻌﻴﻮﻧﻚ ﺍﻧﺎ ﺑﻔﻜﺮ ﻓﻴﻚ
ﺗﺒﻌﺪ ﻋﻨﻲ ﻭﺗﻨﺴﺎﻧﻲ ﻣﺤﺘﺎﺟﻚ ﺟﻨﺒﻲ ﺗﺮﻋﺎﻧﻲ .
ﺗﻨﺴﻴﻨﻲ ﺩﻣﻮﻋﻲ ﺍﻧﺎ ﻣﺸﺘﺎﻕ ﻟﻌﻴﻨﻴﻚ ...
ﻳﺎﺣﺒﻴﺒﻲ ﻻﺗﺮﻭﺡ ﺑﻌﻴﺪ ..
ﺍﻧﺖ ﻧﺼﻴﺒﻲ ﻭﺑﻘﻠﺒﻲ ﺍﻟﻮﺣﻴﺪ
ﺍﻧﺖ ﺍﻟﻠﻲ ﺑﻘﻠﺒﻲ ﻭﺍﻟﻠﻪ ﺗﻔﺪﺍﻙ ﺍﻟﺪﻧﻴﺎ ﻛﻼ ...
ﺑﺮﻧﻴﻪ : ﻭﻫﻮ ﻫﺬﺍ ...
ﺍﻣﻴﺮﻩ : ﺣﻴﻨﻔﻌﻨﻲ ﻛﻼﻣﻚ ﻓﻲ ﺍﻟﺒﺤﺚ ﻫﻠﺒﻪ ﺻﺤﻴﺘﻲ ﺣﻨﻴﻨﻪ ..
ﺑﺮﻧﻴﻪ ﺑﻀﺤﻜﻪ : ﺳﻠﻤﻬﺎ ﻳﺎﺭﺑﻲ .. ﺍﻥ ﺷﺎﺀ ﺍﻟﻠﻪ ﺑﺎﻟﻨﺠﺎﺡ .. ﻫﻴﺎ ﺗﻌﺎﻟﻲ ﻧﻘﻌﻤﺰﻭﺍ ﺣﺪﺍﻫﻢ ..
ﺍﻣﻴﺮﻩ ﺑﺈﺑﺘﺴﺎﻣﻪ : ﻫﻴﺎ .. ﻣﺸﻮﺍ ﻫﻤﺎ ﺍﻟﺰﻭﺯ ﻭﻗﻌﻤﺰﻭﺍ ﺑﺤﺪﺍﻫﻢ .. ﺍﻣﻴﺮﺓ ﺷﺒﺤﺖ ﻟﺴﺮﻣﺪ ﻟﻘﺎﺗﻪ ﻳﺸﺒﺤﻠﻬﺎ ﺍﺑﺘﺴﻤﺖ ﻭﻧﺰﻟﺖ ﻋﻴﻮﻧﻬﺎ ﻭﻫﻮ ﺍﺑﺘﺴﻢ ..
ﺳﺎﺭﺓ : ﻣﺶ ﻉ ﺑﻌﻀﻬﺎ ﺷﻮﻓﻴﻬﺎ ﺑﻜﺮﻱ ﺩﻣﻮﻋﻬﺎ ﻳﻨﺰﻟﻮﺍ ﻭﺗﻤﺴﺢ ﻓﻴﻬﻢ ﺑﺴﺮﻋﻪ ..
ﺍﻧﻌﺎﻡ : ﻓﻲ ﺣﺎﺟﻪ .. ﺍﺻﻼ ﻋﻼﻗﺘﻬﻢ ﺑﺒﻌﺾ ﻏﺎﻣﻀﻪ ﻭﻣﺶ ﻣﻔﻬﻮﻣﻪ ..
ﺳﺎﺭﺓ : ﻣﺎﺳﺄﻟﺘﻴﺶ ﻧﻔﺴﻚ ﻟﻴﺶ ﺑﻌﺪ ﺍﺭﺑﻌﻪ ﺷﻬﻮﺭ ﺯﻭﺍﺝ ﻟﺘﻮﺍ ﻣﺎﻓﻴﺶ ﺣﻤﻞ ..
ﺍﻧﻌﺎﻡ : ﺣﺘﻰ ﻫﺎﻟﻪ ...
ﺳﺎﺭﺓ ﺷﺒﺤﺖ ﻟﻬﺎﻟﻪ ﻭﺣﺴﺎﻥ : ﺭﻩ ﺣﺘﻰ ﻫﻤﺎ ﻣﺎﻛﺎﻧﻮﺵ ﻣﺰﺑﻮﻃﻴﻦ ﻣﻊ ﺑﻌﺾ ﻣﺎﺗﻨﺴﻴﺶ ﺣﺴﺎﻥ ﻣﺠﺒﻮﺭ ﻋﻠﻴﻬﺎ ﺑﺲ ﺗﻮﺍ ﺗﺤﺴﻨﺖ ﻋﻼﻗﺘﻬﻢ ﺑﺒﻌﺾ ..
ﺍﻧﻌﺎﻡ ﺗﻨﻬﺪﺕ ﻭﺳﻜﺘﺖ ...
ﺑﺮﻧﻴﻪ : ﺧﻴﺮﻛﻢ ﺍﻟﻠﻲ ﻫﺬﺍ ﻓﻲ ﺟﻬﺔ ﺗﻌﺎﻟﻮﺍ ﻫﻨﺎﻳﺎ ..
ﺳﻤﻌﻮﻫﺎ ﻭﺟﻮ ﻗﻌﻤﺰﻭﺍ ﺣﺪﺍﻫﺎ ...
ﺑﺮﻧﻴﻪ ﻭﺯﻋﺖ ﻧﻈﺮﻫﺎ ﻋﻠﻴﻬﻢ ﺑﻌﺪﻳﻦ ﺷﺒﺤﺖ ﻟﻠﺠﻨﺎﻥ : ﻫﺎﻟﺠﻨﻴﻦ ﺍﻟﺴﻴﺎﺡ ﺍﻟﻨﻴﺎﺡ ﻳﺒﻴﻠﻪ ﺻﻐﻮﻳﺮﺓ ﻳﺠﺮﻭﺍ ﻓﻴﻪ ﻭﻳﻠﻌﺒﻮﺍ ...
ﻫﺎﻟﻪ ﻭﻋﻠﻴﺎ 😳😳:
ﺣﺴﺎﻥ ﻗﺮﺏ ﻣﻦ ﻫﺎﻟﻪ ﻭﻫﻤﺲ ﻓﻲ ﻭﺫﻧﻬﺎ : ﺳﻤﻌﺘﻲ ﺣﻨﺎﻱ ﺷﻦ ﺗﺒﻲ ..
ﻫﺎﻟﻪ ﻓﻨﺼﺖ ﻓﻴﻪ ﻭﺟﻬﻬﺎ ﻧﺎﺭ ﻣﻦ ﺍﻟﺨﺠﻞ ..
ﺳﺎﺭﺓ ﺑﺘﻐﻴﺮ ﺍﻟﻤﻮﺿﻮﻉ : ﺍﻟﻠﻴﻠﻪ ﺣﻠﻘﺘﻚ ﺳﺮﻣﺪ
ﺳﺮﻣﺪ ﺑﺄﺑﺘﺴﺎﻣﻪ : ﺍﻳﻪ ..
ﺍﻧﻌﺎﻡ : ﻉ ﺷﻨﻮ ....
ﺳﺮﻣﺪ : ﻉ ....
ﺍﻣﻴﺮﺓ ﺑﺘﻠﻘﺎﺋﻴﻪ : ﻉ ﺍﻟﻮﺿﻊ ﻓﻲ ﺍﻟﺠﻨﻮﺏ ﻭﺷﻦ ﺳﺒﺐ ﺍﻷﻫﻤﺎﻝ ﺍﻟﺪﺍﺋﻢ ﻟﻜﻞ ﺍﻧﻈﻤﺔ ﺍﻟﺤﻜﻢ ﺍﻟﻤﺘﻌﺎﻗﺒﻪ ﻓﺎﻟﺒﻼﺩ ﻟﻠﺠﻨﻮﺏ ﻭﻧﺎﺳﻪ .. ﻭ ... ﺳﻜﺘﺖ ﻟﻤﺎ ﻟﻘﺘﻬﻢ ﻳﺸﺒﺤﻮﻟﻬﺎ ﻭﻣﺘﻔﺎﺟﺌﻴﻦ ..
ﺍﻧﻌﺎﻡ : ﺣﺎﻓﻈﻪ ﺍﻟﺪﻋﺎﻳﻪ ﺷﻜﻠﻬﺎ ...
ﻋﻠﻴﺎ ﺑﻀﺤﻜﻪ : ﺗﺤﻀﺮ ﻓﻲ ﺩﻋﺎﻳﻪ ﺍﻟﺒﺮﻧﺎﻣﺞ ﻛﻞ ﻣﺎﺗﺘﻌﺎﻭﺩ ﻭﺗﺤﻀﺮ ﻓﻲ ﺍﻟﺒﺮﻧﺎﻣﺞ ﻓﻮﻗﺘﻪ ﻭﻑ ﺍﻹﻋﺎﺩﻩ ..
ﺍﻣﻴﺮﺓ ﺑﺈﺣﺮﺍﺝ : ﻋﻠﻴﺎﺍﺍ 🙈
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻪ .. ﻣﺎﻋﺪﺍ ﺳﺮﻣﺪ ﺍﻟﻠﻲ ﺳﺮﺣﺎﻥ ﻓﻴﻬﺎ ﻭﻣﺒﺘﺴﻢ ...
***
ﺑﺘﺨﺶ ﻟﻔﺮﺍﺷﻬﺎ ﻭﺗﺮﻗﺪ ﺑﻌﺪ ﺷﺎﻓﺖ ﺍﻟﺴﺎﻋﻪ ﻭﻟﻘﺘﻬﺎ 1 ﻟﻴﻼ ..
ﺭﻥ ﺗﻠﻴﻔﻮﻧﻬﺎ ﺑﺮﻧﺔ ﻣﺴﺞ .. ﻓﺘﺤﺎﺗﻪ
( ﺃﺭﺍﻛﻲ ﻏﺪﺍ ﻳﺎﻟﺒﺮﺗﻘﺎﻟﻪ )
ﺭﻳﺤﺎﻧﻪ ﻗﺮﻳﺐ ﺗﺘﻄﺮﺑﻖ ﺭﺩﺕ ﻋﻠﻴﻪ ﺑﺮﺳﺎﻟﻪ
( ﻳﺮﺍﻙ ﻋﺰﺭﺍﺋﻴﻞ ﺍﻟﻠﻴﻠﻪ ﻭﻣﺎﺗﻠﺤﻖ ﻉ ﻏﺪﺍ )
ﻭﺳﻜﺮﺕ ﺗﻠﻴﻔﻮﻧﻬﺎ ﻭﺭﻗﺪﺕ ...
ﻣﺠﺮﺩ ﻭﺻﻼﺗﻪ ﺍﻟﺮﺳﺎﻟﻪ ﻭﻗﺮﺍﻫﺎ
ﻣﻨﺬﺭ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﺗﻬﺒﻞ ﺍﻟﺠﺮﻭﺓ ﻫﺎﺩﻱ ..
***
ﻧﺎﺿﺖ ﺍﻟﺼﺒﺢ ﺑﻜﺮﻱ ﻫﻠﺒﻪ .. ﺻﻠﺖ ﻭﺑﺪﻟﺖ ﻭﻧﺰﻟﺖ ﻟﻮﻃﺎ ..
ﻛﺎﻥ ﺍﻟﺠﻮ ﺣﻠﻮ .. ﻗﻌﺪﺕ ﺗﺪﻫﻮﺭ ﻓﻲ ﺍﻟﺠﻨﺎﻥ ﺍﻟﻜﺒﻴﺮ ... ﺩﻣﻮﻋﻬﺎ ﻳﻨﺰﻟﻮﺍ ﻏﺼﺐ ﻣﻨﻬﺎ ... ﻣﺤﺠﺮ ﻋﻴﻨﻬﺎ ﺍﻧﺤﺮﻕ ﻣﻦ ﺩﻣﻮﻋﻬﺎ ﺍﻟﻤﺎﻟﺤﻪ ﺍﻟﻠﻲ ﺩﻳﻤﺎ ﺗﻨﺰﻝ .. ﻭﺻﻠﺖ ﻓﻲ ﺍﻟﻌﻨﺒﻪ ﻗﻌﺪﺕ ﺗﺸﺒﺤﻠﻬﺎ ﻭﺗﺬﻛﺮ ﻣﻮﺍﻗﻔﻬﻢ ﻭﺍﺫﻛﺮﺕ ﺍﺧﺮ ﻣﺮﺓ ﻟﻤﺎ ﻭﻗﻔﻮﺍ ﻫﻨﻲ ﺷﻦ ﻗﺎﻟﻠﻬﺎ ...
>> ﺣﺎﻻﺗﻚ ﻛﻠﻬﺎ ﺣﻠﻮﺓ .. ﻣﺮﺓ ﻃﻔﻠﻪ .. ﻣﺮﺓ ﻣﺮﺍﺓ ﻧﺎﺿﺠﻪ .. ﻭﺍﻧﻲ ﻧﺤﺒﻚ ﺑﻜﻞ ﺣﺎﻻﺗﻚ ... ﺣﺘﻰ ﻟﻤﺎ ﺗﻮﻟﻲ ﻏﻮﻟﺔ ﺟﻨﺎﻧﺎﺕ ﻭﺗﻔﺼﻠﻲ <<...
ﻋﻠﻴﺎ " ﻭﺍﻧﻲ ﻧﺤﺒﻚ ﻣﻮﺕ .. ﺣﺘﻰ ﻟﻮ ﻣﺎﻗﻠﺘﻬﺎﺵ ﺑﻠﺴﺎﻧﻲ ﻗﻠﺘﻬﺎ ﺑﺎﻓﻌﺎﻟﻲ ﻗﻠﺘﻬﺎ ﺑﻌﻴﻮﻧﻲ ﻗﻠﺘﻬﺎ ﺑﺄﻛﺜﺮ ﻣﻦ ﻟﻐﻪ .. ﺍﻩ ﻣﻨﻚ ﻇﻠﻤﺘﻨﻲ ﻭﻇﻠﻤﻚ ﻣﺮ ..."
...
ﺩﺭﺱ ﺍﻟﺴﻴﺎﺭﺓ ﻗﺪﺍﻡ ﺍﻟﺤﻮﺵ ﺑﺎﻟﺰﺑﻂ .. ﻧﺰﻝ ﻣﻨﻬﺎ ﻭﻗﻌﺪ ﻳﻨﺰﻝ ﻓﻲ ﻗﺎﺑﻴﺎﺕ ﻓﻮﺍﻛﻪ ﺑﻌﺘﻬﻢ ﻣﻌﺎﻩ ﺟﺪﻩ ﻣﻦ ﺍﻟﺤﻮﺍﺯﺓ ﻟﻤﺎ ﺧﻄﻢ ﻋﻠﻴﻬﺎ ...
ﻧﺰﻝ ﺃﻭﻝ ﻭﺣﺪﻩ ﻭﺧﺶ ﺑﻴﻬﺎ ... ﺑﻴﺤﻄﻬﺎ ﺣﺪﺍ ﺍﻟﻜﻮﺟﻴﻨﻪ ﻣﻦ ﺑﺮﺍ ..
ﻭﻫﻮ ﻣﺎﺷﻲ ﺳﻤﻊ ﺻﻮﺕ ﻳﻐﻨﻲ ﻗﺮﺏ ﺍﻛﺜﺮ .. ﻟﻘﺎﻫﺎ ﻭﺍﻗﻔﻪ ﻗﺪﺍﻡ ﺍﻟﻌﻨﺒﻪ ﻭﺗﻐﻨﻲ ...
ﻻ ﻳﺎﺣﺒﻴﺐ ﺍﻟﻌﻴﻦ ﻻﺗﻈﻠﻤﻨﻲ ﻇﻠﻤﻚ ﻋﺬﺍﺏ ﻣﺮﻳﺮ
ﻭﻟﻮ ﺭﻳﺖ ﻣﻨﻲ ﻋﻴﺐ ﻻﺗﺠﺎﻣﻠﻨﻲ ﺣﻘﻚ ﻋﻠﻲ ﻛﺒﻴﺮ
ﻫﻜﻲ ﻏﻼ ﺍﻟﺰﻳﻨﻴﻦ ﻻﺟﺮﺡ ﻻﺩﻣﻌﺎﺍﺕ ..
ﺩﺍﻳﻢ ﺯﻫﺎ ﻟﻠﻌﻴﻦ ﻻﻇﻠﻢ ﻻﺳﻴﺎﺕ ..
ﻏﻴﺮ ﺍﻟﺸﻮﻕ ﻏﻴﺮ ﺍﻟﺸﻮﻕ ﻭﺍﻟﻮﺩ ﺍﻟﻐﺰﻳﺮ
ﻻﻳﺎﺣﺒﻴﺐ ﺍﻟﻌﻴﻦ ﻻﻻ ..
" ﺍﺣﻤﻢ ﺣﻤﻢ "
ﺟﻤﺪﺕ ﻓﻲ ﻣﻜﺎﻧﻬﺎ ﺑﺲ ﻗﻠﺒﻬﺎ ﻛﺎﻟﻌﺎﺩﻩ ﻳﺮﺟﻒ ...💓 ﺟﺴﻤﻬﺎ ﻗﻌﺪ ﻳﺮﺟﻒ ﺗﺒﻲ ﺗﺘﻠﻔﺖ ﺍﻧﻔﺎﺳﻬﺎ ﺗﺴﺎﺭﻋﺖ .. ﺍﻟﺘﻔﺘﺖ .. ﺷﺎﻓﺘﻪ ﻳﺤﻂ ﻓﻲ ﺍﻟﻘﺎﺑﻴﻪ ﺑﻤﺴﺎﻓﻪ ﺑﻌﻴﺪﻩ ﻋﻨﻬﺎ ﺷﻮﻱ .. ﻭﻫﻮ ﻣﻮﻟﻲ ﺗﻨﺤﻨﺢ ﻣﻦ ﺟﺪﻳﺪ ... ﺿﺤﻜﺖ ﻭﺩﻣﻮﻋﻬﺎ ﻧﺰﻟﻮﺍ ﻓﻬﻤﺖ ﻗﺼﺪﻩ .. ﻣﻌﻨﺎﻫﺎ " ﺧﺸﻲ ..." ﻉ ﻃﻮﻝ ﺧﺸﺖ ..
ﻫﻮ ﻭﻻ ﻭﻣﻌﺎﻩ ﻗﺎﺑﻴﺔ ﺗﺎﻧﻴﻪ ﺷﺒﺢ ﺟﻴﻬﺔ ﺍﻟﻌﻨﺒﻪ ﻣﺎﻟﻘﻬﺎﺵ ﺍﺑﺘﺴﻢ ﺍﺑﺘﺴﺎﻣﻪ ﻉ ﺟﻨﺐ ... ﻭﻻ ﻃﻠﻊ ﻳﺪﺧﻞ ﻓﻲ ﻗﺎﺑﻴﻪ .. ﺗﺎﻧﻴﻪ ...
ﻗﻌﺪﺕ ﻣﻘﻌﻤﺰﺓ ﻓﻲ ﺍﻟﻜﻮﺟﻴﻨﻪ ﻭﻫﻲ ﺗﺤﺎﻭﻝ ﺗﻬﺪﻱ ﻗﻠﺒﻬﺎ ﺷﻮﻳﻪ ﻭﺗﻮﻗﻒ ﺩﻣﻮﻋﻬﺎ ﺍﻟﻠﻲ ﻳﻨﺰﻟﻮﺍ ﺑﺪﻭﻥ ﺍﺭﺍﺩﻩ ﻣﻨﻬﺎ .. ﻉ ﺧﺸﺔ ﺑﺮﻧﻴﻪ ...
ﺑﺮﻧﻴﻪ : ﺻﺒﺎﺡ ﺍﻟﺨﻴﺮ ﺑﻨﻴﺘﻲ ..
ﻋﻄﺖ ﺑﺎﻟﻈﻬﺮ ﻭﻣﺴﺤﺖ ﺩﻣﻮﻋﻬﺎ : ﺻﺒﺎﺡ ﺍﻟﺨﻴﺮ ﺣﻨﺎﻱ ﻭﺗﺼﻨﻌﺖ ﺍﻹﺑﺘﺴﺎﻣﻪ ...
ﺑﺮﻧﻴﻪ : ﻧﺴﻤﻊ ﻓﻲ ﺣﺲ ﺑﺮﺍ ...
ﺧﺶ ﺍﻟﺤﺴﻦ : ﺻﺒﺎﺡ ﺍﻟﺨﻴﺮ ..
ﺑﺮﻧﻴﻪ ﺑﻔﺮﺣﻪ : ﻭﻟﻴﺪﻱ ﺟﻴﺖ .. ﺻﺒﺎﺣﻚ ﻣﺒﺮﻭﻙ ﻭﻟﻴﺪﻱ ..
ﻗﺪﻡ ﺑﺎﺱ ﻉ ﺍﻳﺪﻫﺎ ﻭﺭﺍﺳﻬﺎ ...
ﺑﺮﻧﻴﻪ : ﻓﻄﺮﺕ ..
ﺍﻟﺤﺴﻦ ﻫﺰ ﺭﺍﺳﻪ ﺑﺎﻟﻨﻔﻲ ..
ﺑﺮﻧﻴﻪ : ﺑﻨﻴﺘﻲ ﻃﻠﻌﻲ ﺯﻣﻴﺘﻪ ﺩﻳﺮﻫﺎ ﻟﺮﺍﺟﻠﻚ ..
ﺍﻟﺤﺴﻦ : ﻧﺒﻴﻬﺎ ﻣﻦ ﺍﻳﺪﻙ ﺍﻧﺘﻲ ﺣﻨﺎﻱ ..
ﻋﻠﻴﺎ ﺧﻨﻘﺘﻬﺎ ﺍﻟﻌﺒﺮﺓ : ﺍﺣﻤﻢ .. ﺧﻞ ﻧﻤﺸﻲ ﻧﻘﻮﻝ ﻷﺧﺘﻲ ﺗﻨﺰﻝ .. ﻭﻓﺎﺗﺖ ﺑﺴﺮﻋﻪ ﻣﻦ ﺣﺪﺍﻫﻢ ﻭﻃﻠﻌﺖ ..
ﺑﺮﻧﻴﻪ ﺷﺒﺤﺘﻠﻪ ﺑﻀﻴﻖ : ﺧﻴﺮﻙ ﻣﻌﺎﻫﺎ ..
ﺍﻟﺤﺴﻦ ﻭﻫﻮ ﻳﺼﺐ ﻓﻲ ﻣﻴﻪ ﺑﻴﺸﺮﺏ : ﻭﻳﻦ ﺍﻟﻤﺸﻜﻠﻪ ﻟﻮﻗﻠﺖ ﻧﺒﻴﻬﺎ ﻣﻦ ﺍﻳﺪﻙ ﺍﻧﺘﻲ ..
ﺑﺮﻧﻴﻪ : ﺍﺳﻤﻊ ﺭﻩ ﻗﺎﻋﺪﻩ ﻧﺸﻮﻑ ﻏﻴﺮ ﻧﺪﻳﺮ ﻓﺮﻭﺣﻲ ﻣﺶ ﺷﺎﻳﻔﻪ .. ﺍﻟﺒﻨﻴﻪ ﺣﺎﻟﻬﺎ ﻣﻮﻟﻲ ﺣﺎﻝ ﻻﺗﺎﻛﻞ ﻻﺗﺸﺮﺏ ﺯﻱ ﺍﻟﻨﺎﺱ .. ﻭﻋﻴﻮﻧﻬﺎ ﺩﻳﻤﺎ ﻣﻨﻔﻮﺧﺎﺕ ﻣﻦ ﺍﻟﺒﻜﻲ .. ﺍﻟﺒﻨﺖ ﺍﻣﺎﻧﻪ ﻓﺮﻗﺒﺘﻚ ﻳﺎﻭﻟﺪ ﻣﺶ ﻗﺪ ﻫﺎﻷﻣﺎﻧﻪ ﺭﺩﻫﺎ ﻷﺻﺤﺎﺑﻬﺎ .. ﻭﻃﻠﻌﺖ ﻣﻦ ﺣﺪﺍﻩ ..
ﻫﻮ ﺑﻠﻊ ﺭﻳﻘﻪ .. ﻭﻏﻤﺾ ﻋﻴﻮﻧﻪ ﺑﺸﺪﻩ ﻭﻓﺘﺤﺘﻬﻢ ﻭﻗﻌﺪ ﻳﺸﺮﺏ ﻓﻲ ﺍﻟﻤﻴﻪ ﺑﻐﻞ ...
ﻫﻲ ﻟﻤﺎ ﺭﻛﺒﺖ ﻃﻮﻝ ﺧﺸﺖ ﻟﻠﺤﻤﺎﻡ ﻭﺳﻜﺮﺕ ﻋﻠﻴﻬﺎ ﻭﻗﻌﺪﺕ ﺗﺒﻜﻲ ...
ﺍﻣﻴﺮﻩ ﺍﻟﻠﻲ ﻛﺎﻧﺖ ﺗﺒﺪﻝ ﻓﻲ ﺍﻟﺪﺍﺭ ﺍﻟﺘﺎﻧﻴﻪ ﺣﺴﺖ ﺑﻴﻬﺎ ﺧﺸﺖ ﻣﺸﺘﻠﻬﺎ ﻟﺪﺍﺭ ﺍﻟﻨﻮﻡ ﻣﺎﻟﻘﺘﻬﺎﺵ ﻗﺪﻣﺖ ﻭﻗﻔﺖ ﺣﺪﺍ ﺍﻟﺤﻤﺎﻡ ﻭﻃﻘﺖ ﺍﻟﺒﺎﺏ ..
ﺍﻣﻴﺮﺓ : ﻋﻠﻴﺎ ﺍﻧﺘﻲ ﺩﺍﺧﻞ ..
ﻋﻠﻴﺎ ﻭﻫﻲ ﺗﺤﺎﻭﻝ ﺗﻌﺪﻝ ﻧﺒﺮﺓ ﺻﻮﺗﻬﺎ : ﺍﻧﺰﻟﻲ ﺣﺒﻴﺒﺘﻲ ﺍﻓﻄﺮﻱ .. ﻟﺤﻘﺎﺗﻚ ..
ﺍﻣﻴﺮﺓ : ﺑﺎﻩ ... ﻃﻠﻌﺖ ﺍﻣﻴﺮﺓ ﻣﻦ ﺍﻟﺸﻘﺔ ﻭﻧﺰﻟﺖ ﻟﻮﻃﺎ ﻟﻘﺖ ﺳﺮﻣﺪ ﻗﺪﺍﻣﻬﺎ ..
ﺳﺮﻣﺪ : ﻫﻮ ﻳﺈﻧﻚ ﺍﻧﺘﻲ ﺗﻼﺣﻘﻲ ﻓﻴﺎ .. ﻳﺎﻟﻘﺪﺭ ﻣﺼﺮ ﻳﻄﻠﻌﻚ ﻓﻲ ﻃﺮﻳﻘﻲ ..
ﺍﻣﻴﺮﺓ ﺗﻨﺮﻓﺰﺕ : ﻧﻼﺣﻖ ﻓﻴﻚ !! ﺍﺳﻤﻊ ﺍﻧﺖ ﻣﺬﻳﻊ ﻣﺸﻬﻮﺭ ﻭﺍﻧﻲ ﻣﺎﻧﻨﻜﺮﺵ ﻣﻌﺠﺒﻪ ﺑﻴﻚ ﻛﻤﺬﻳﻊ ﺑﺲ ﻣﺎﻓﻴﺶ ﺣﺎﺟﻪ ﺗﺎﻧﻴﻪ ..
ﺳﺮﻣﺪ : ﻛﺴﺮﺗﻲ ﻗﻠﺒﻲ ﺍﻟﻠﻲ ﻛﺎﻥ ﻣﺘﺄﻣﻞ ﻓﻲ ﻫﻠﺒﻪ ﺣﺎﺟﺎﺕ ..
ﺍﻣﻴﺮﺓ ﺷﺒﺤﺘﻠﻪ ﺑﺤﺪﻩ ..
ﺳﺮﻣﺪ : ﻫﻬﻬﻬﻬﻬﻬﻬﻪ .. ﺍﺣﻤﻢ .. ﺻﻔﺤﺘﻲ ﺍﻟﺸﺨﺼﻴﻪ ﻉ ﺍﻟﻔﻴﺲ ﺍﻛﻴﺪ ﺗﻌﺮﻓﻴﻬﺎ ﺣﻨﻔﺘﺢ ﻃﻠﺒﺎﺕ ﺍﻟﺼﺪﺍﻗﻪ ﺍﻟﻴﻮﻡ ﺑﺲ ﻉ ﺧﺎﻃﺮﻙ ..
ﺍﻣﻴﺮﺓ ﺭﻓﻌﺖ ﺣﺎﺟﺒﻬﺎ ﻭﺧﺸﺖ ..
ﻭﻫﻮ ﺿﺤﻚ ﻭﻣﺸﻲ ﻟﺴﻴﺎﺭﺗﻪ ...
...
ﻃﻠﻌﺖ ﻋﻠﻴﺎ ﻣﻦ ﺍﻟﺤﻤﺎﻡ ﻭﻫﻲ ﻣﺎﺷﻴﻪ ﺣﺴﺖ ﺑﺪﻭﺧﻪ .. ﺑﺲ ﺷﺪﺕ ﺭﻭﺣﻬﺎ .. ﺗﻤﺎﺳﻜﺖ ﻭﺧﺪﺕ ﺷﻨﻄﺘﻬﺎ ﻭﻃﻠﻌﺖ ﻣﻦ ﺍﻟﺤﻮﺵ ﻭﻧﺰﻟﺖ ﻟﻮﻃﺎ ...
ﺧﺸﺖ ﻟﻘﺖ ﻫﺎﻟﻪ ﻭﺍﻣﻴﺮﺓ ﻭﺍﻧﻌﺎﻡ ﻳﻔﻄﺮﻭﺍ .. ﻭﺍﻟﺤﺴﻦ ﻣﻘﻌﻤﺰ ﺑﺮﺍ ﻳﺎﻛﻞ ﺷﺎﻓﺘﻪ ﻣﻦ ﺑﺎﺏ ﺍﻟﻤﻄﺒﺦ ﺍﻟﻤﻔﺘﻮﺡ ﻉ ﺍﻟﺠﻨﺎﻥ ..
ﺑﺮﻧﻴﻪ : ﻫﻲ ﺗﻌﺎﻟﻲ ﺍﻓﻄﺮﻱ ..
ﻋﻠﻴﺎ ﺍﺑﺘﺴﻤﺖ ﻣﺠﺎﻣﻠﻪ : ﻓﻄﺮﺕ ﻓﻮﻕ ..
ﺍﻣﻴﺮﺓ ﺷﺒﺤﺘﻠﻬﺎ ﺑﺈﺳﺘﻐﺮﺍﺏ ... ﺍﻣﺎ ﺑﺮﻧﻴﻪ ﻓﻬﻤﺖ ﻋﻠﻴﺎ ﻭﻟﻔﺖ ﺑﻮﺟﻬﻬﺎ ﺟﻬﺔ ﺍﻟﺤﺴﻦ ﺍﻟﻠﻲ ﻋﺎﻃﻲ ﺑﻈﻬﺮﻩ ﻭﻳﺎﻛﻞ ..
ﺳﻤﻌﻮﺍ ﻛﻼﻛﺲ ..
ﻋﻠﻴﺎ : ﻫﻴﺎ .. ﺑﺎﻟﺴﻼﻣﻪ ... ﻭﻃﻠﻌﺖ ...
ﻃﻠﻌﻮﺍ ﻭﺭﺍﻫﺎ ﻫﺎﻟﻪ ﻭﺃﻣﻴﺮﺓ ﺑﺴﺮﻋﻪ .. ﺍﻧﻌﺎﻡ ﺷﺒﺤﺖ ﻟﺒﺮﻧﻴﻪ .. ﻭﺍﺷﺮﺕ ﺑﻌﻴﻮﻧﻬﺎ ﻷﻣﻬﺎ ﺑﻤﻌﻨﻲ ﺷﻦ ﺻﺎﺭ ..
ﺑﺮﻧﻴﻪ ﺷﺒﺤﺖ ﻟﻠﺤﺴﻦ ﻭﻫﺰﺕ ﺭﺍﺳﻬﺎ ﺍﻳﻤﻴﻦ ﻭﻳﺴﺎﺭ ﺑﺄﺳﻒ ..
ﺍﻣﺎ ﻫﻮ ﻓﻜﺎﻥ ﻳﺎﻛﻞ ﻭﺍﻟﻠﻘﻤﻪ ﺑﺎﻟﺴﻴﻒ ﺗﻨﺰﻝ .. ﻗﻠﺒﻪ ﻭﺍﺟﻌﻪ ﻋﻠﻴﻬﺎ ﻫﻠﺒﻪ .. ﺑﺲ ﻛﺮﺍﻣﺘﻪ ﻭﻛﺒﺮﻳﺎﺋﻪ ﻣﺴﻴﻄﺮﻳﻦ ﻉ ﺗﺼﺮﻓﺎﺗﻪ ﻣﻌﺎﻫﺎ ...
***
ﺯﺍﻫﻴﻪ : ﺍﻭﻝ ﻣﺮﺓ ﻳﺠﺘﻤﻊ ﺑﻴﻨﺎ ﺭﺋﻴﺲ ﻣﺠﻠﺲ ﺍﻷﺩﺍﺭﺓ ..
ﻣﻮﺩﺓ : ﻗﺼﺪﻙ ﺑﻤﻮﻇﻔﻴﻦ ﺍﻟﺸﺮﻛﻪ ﻛﻠﻬﻢ .. ﻭﻳﻦ ﺑﻴﺤﻄﻨﺎ ..
ﺧﻮﻟﻪ ﺑﻀﺤﻜﻪ : ﻓﻲ ﻗﺎﻋﺔ ﺯﻱ ﺍﻟﻤﺴﺮﺡ ﻫﻨﺎﻳﺎ ﻫﻴﺎ ﺍﻟﻠﻲ ﺣﻨﺠﺘﻤﻌﻮﺍ ﻓﻴﻬﺎ ..
ﺯﺍﻫﻴﻪ : ﻗﺎﻟﻮﺍ ﺃﻭﻝ ﻣﺮﺓ ﻳﺪﻳﺮﻫﺎ ..
ﺧﻮﻟﻪ : ﺍﺷﺒﺢ ﺷﻦ ﻓﻲ ﺍﻥ ﺷﺎﺀ ﺍﻟﻠﻪ ﺧﻴﺮ ..
ﻭﺻﻠﻮﺍ ﻟﻠﻘﺎﻋﻪ ﻭﺧﺸﻮﺍ ﻟﻘﻮﺍ ﺍﻟﻘﺎﻋﻪ ﺗﻌﺒﺖ .. ﺷﻮﻳﻪ ﻭﺍﻛﺘﻤﻞ ﻋﺪﺩ ﺍﻟﻤﻮﻇﻔﻴﻦ .. ﺧﺶ ﻭﻟﻴﺪ ﻭﻣﻌﺎﻩ ﺍﻟﺴﻜﺮﺗﻴﺮﺓ ﻭﻣﺪﻳﺮ ﻣﻜﺘﺒﻪ .. ﻛﻠﻬﻢ ﺭﻛﺒﻮﺍ ﻉ ﺍﻟﺴﺘﻴﺞ ﻭﻗﻌﻤﺰﻭﺍ ﻉ ﻛﺮﺍﺳﻴﻬﻢ ﻭﺧﻠﻮﺍ ﻛﺮﺳﻲ ﻓﺎﺿﻲ ﻓﻲ ﻧﺼﻬﻢ ..
ﺯﺍﻫﻴﻪ : ﻣﺘﺤﻤﺴﻪ ﺑﺶ ﻧﺸﻮﻓﻪ ...
ﺧﻮﻟﻪ : ﻫﻬﻬﻬﻬﻬﻬﻪ ...
ﻭﻟﻴﺪ ﻗﺮﺏ ﻟﻴﻪ ﻻﻗﻂ ﺍﻟﺼﻮﺕ : ﺍﺣﻤﻢ .. ﺻﺒﺎﺡ ﺍﻟﺨﻴﺮ ﻋﻠﻴﻜﻢ ﺟﻤﻴﻌﺎ .. ﺍﻟﻴﻮﻡ ﺍﻷﺳﺘﺎﺫ ﺍﻟﺮﺍﻭﻱ ﺣﺐ ﻳﺠﺘﻤﻊ ﺑﻴﻜﻢ ﺯﻱ ﻣﺎﺗﻌﺮﻓﻮﺍ ..
ﻭﻫﺬﺍ ﺍﻭﻝ ﺍﺟﺘﻤﺎﻉ ﻟﻴﻪ ﺑﺎﻟﻤﻮﻇﻔﻴﻦ .. ﺍﻟﺴﺒﺐ ﺍﻧﻪ ﻳﺒﻴﻜﻢ ﺗﺘﻌﺮﻓﻮﺍ ﻋﻠﻴﻪ ﺍﻛﺜﺮ .. ﻭﻳﻜﻮﻥ ﻓﻲ ﺗﻮﺍﺻﻞ ﺑﻴﻦ ﺍﻟﺮﺋﻴﺲ ﻭﺍﻟﻤﺮﺅﻭﺳﻴﻦ ..
ﺷﺒﺢ ﻟﻠﺒﺎﺏ .. ﺍﻫﻮ ﺟﻲ ...
ﻛﻠﻬﻢ ﺍﻟﺘﻔﺘﻮﺍ ﻟﻠﺒﺎﺏ ﻭﺷﺎﻓﻮﺍ ﺍﻟﺸﺨﺺ ﺍﻟﻠﻲ ﻛﺎﻥ ﺑﻜﺎﻣﻞ ﺍﻧﺎﻗﺘﻪ ﺧﺶ ﻭﻭﺭﺍﻩ ﺷﺨﺺ ﻗﺎﻳﻢ ﺍﻟﺸﻨﻄﻪ .. ﻛﻠﻬﻢ ﻳﺸﺒﺤﻮﻟﻪ ﺑﻔﻀﻮﻟﻪ .. ﺃﻻ ﺍﻟﻤﺠﻤﻮﻋﻪ ﺍﻟﻠﻲ ﻛﺎﻧﺖ ﺗﺸﺒﺢ ﻓﻴﻪ ﻓﻲ ﺍﻟﻘﺴﻢ ﺍﻟﻠﻲ ﻛﺎﻥ ﻳﺨﺪﻡ ﻓﻴﻪ ﻛﻠﻬﻢ ﻣﺼﺪﻭﻣﻴﻦ .. ﺑﺲ ﻣﺶ ﺯﻱ ﺻﺪﻣﺔ ﺧﻮﻟﺔ ﺑﺘﺎﺗﺎ ﺍﻟﻠﻲ ﻣﺎﻗﺪﺭﺗﺶ ﺗﺮﻣﺶ ﻣﻦ ﺗﺄﺛﻴﺮ ﺍﻟﺼﺪﻣﻪ ﻋﻠﻴﻬﺎ ..
ﻫﻮ ﻭﺻﻞ ﻓﻲ ﻛﺮﺳﻴﻪ ﻭﻗﻌﻤﺰ .. ﻭﺯﻉ ﻧﻈﺮﻩ ﻋﻠﻴﻬﻢ .. ﻗﺮﺏ ﻟﻴﻪ ﻻﻗﻂ ﺍﻟﺼﻮﺕ ..
ﺭﻳﺎﺽ : ﺻﺒﺎﺡ ﺍﻟﺨﻴﺮ ... ﺳﻌﻴﺪ ﺑﻠﻘﺎﺋﻲ ﻣﻌﺎﻛﻢ ﺍﻟﻴﻮﻡ ... ﺍﻭﻝ ﺷﻲ ﺧﻞ ﻧﻌﺮﻓﻜﻢ ﺑﺈﺳﻤﻲ ﻛﺎﻣﻞ .. ﻭﺟﻪ ﻧﻈﺮﻩ ﻟﺨﻮﻟﻪ ﺍﻟﻠﻲ ﻣﺎﻛﺎﻧﺶ ﺍﺻﻼ ﻳﺸﻮﻑ ﻓﻲ ﻏﻴﺮﻫﺎ ﻣﻦ ﺑﻴﻦ ﺍﻟﻤﻮﺟﻮﺩﻳﻦ ... ﻣﻌﺎﻛﻢ .. ﺭﻳﺎﺽ ﺯﺍﻳﺪ ﺍﻟﺮﻭﺍﻱ ...
ﺧﻮﻟﻪ ﺟﺎﺣﻈﻪ ﻧﻈﺮﻫﺎ ﻓﻴﻪ ﺑﺼﺪﻣﻪ ﺷﺪﻳﺪﻩ ﻭﻣﺶ ﻣﺼﺪﻗﻪ ﺑﻜﻞ ..
***
ﺍﻟﺴﺎﻋﻪ 11
ﻛﻠﻴﺔ ﺍﻟﻄﺐ ...
ﻣﺎﺷﻴﺎﺕ ﺍﻟﺘﻼﺗﻪ ﻃﺎﻟﻌﺎﺕ ﻣﻦ ﺍﻟﻜﻠﻴﻪ ﺑﻴﻤﺸﻮﺍ ﻟﻜﻠﻴﻪ ﺍﻟﻌﻠﻮﻡ ﻉ ﺭﺟﻠﻴﻬﻢ ..
ﻧﺮﺟﺲ : ﺭﻳﺎﺿﻪ ﻳﺎﺑﻨﺘﻲ ..
ﺍﺑﺘﺴﺎﻡ : ﺑﻄﻴﺤﻲ ﺭﺟﻠﻴﻨﺎ ﺍﻧﺘﻲ ..
ﻋﻠﻴﺎ ﻣﺶ ﻣﻌﺎﻫﻢ ﺑﻜﻞ ...
ﻧﺮﺟﺲ : ﻫﻴﺎ ﻫﻲ ﻗﺼﻮﺍ ﺑﺴﺮﻋﻪ .. ﻓﺎﺗﻮﺍ ﻧﺮﺟﺲ ﻭﺍﺑﺘﺴﺎﻡ .. ﻭﻋﻠﻴﺎ ﻣﺎﻛﺎﻧﺘﺶ ﻉ ﺑﻌﻀﻬﺎ ﻗﺼﺖ ﺑﻌﺪﻫﻢ ﻭﻣﺶ ﻣﺮﻛﺰﺓ ﻉ ﺍﻟﺴﻴﺎﺭﺓ ﺍﻟﻠﻲ ﺟﺎﻳﻪ ..
ﺍﻟﺘﻔﺘﻮﺍ ﻧﺮﺟﺲ ﻭﺍﺑﺘﺴﺎﻡ ﻭﺷﺎﻓﻮﻫﺎ ﻋﻴﻄﻮﺍ ﺍﻟﺰﻭﺯ : ﻋﻠﻴﺎﺍﺍﺍﺍﺍﺍﺍﺍﺍﺍ
ﺍﻣﺎ ﻫﻲ ﻟﻤﺎ ﺳﻤﻌﺘﻬﻢ ﺷﺒﺤﺖ ﻟﻠﺴﻴﺎﺭﺓ ﺍﻟﺠﺎﻳﻪ ﻧﺎﺣﻴﺘﻬﺎ ﺣﺴﺖ ﺑﺮﻭﺣﻬﺎ ﻣﺶ ﻗﺎﺩﺭﺓ ﺗﺘﺤﺮﻙ ... ﻭﻓﺠﺄﺓ ﺍﻟﺪﻧﻴﺎ ﻭﻟﺖ ﺳﻮﺩﺍ
.. ﻭﻋﻠﻴﺎ ﻃﺎﺣﺖ ﻓﻲ ﻣﻜﺎﻧﻬﺎ .....
... ﻳﺘبع
