#الحسن (الوطن عشق رجاله)
ﺍﻟﺠﺰﺀ ﺍﻟﺮﺍﺑﻊ ﻭﺍﻟﺜﻼﺛﻴﻦ 💖💖💖
للكاتبة GomanFared
ﻣﺸﺖ ﻟﻠﺨﺪﻣﻪ .. ﻭﻛﺎﻧﺖ ﻣﻮﺗﻴﻪ ﻋﺒﺎﺭﺍﺕ ﺍﻋﺘﺬﺍﺭ ﻫﻠﺒﻪ ﻟﻠﻤﺪﻳﺮ ﻉ ﻏﻴﺎﺑﻬﺎ ﻓﻮﻕ ﻓﺘﺮﺓ ﺍﻹﺟﺎﺯﺓ ﻭﻫﻲ ﻣﺎﺷﻴﻪ ﻟﻘﺖ ﺭﻳﺎﺽ ...
ﺭﻳﺎﺽ ﺑﺸﻮﻕ ﻭﻟﻬﻔﻪ : ﺧﻮﻟﻪ ...
ﺧﻮﻟﻪ ﺑﺈﺑﺘﺴﺎﻣﻪ : ﺻﺒﺎﺡ ﺍﻟﺨﻴﺮ
ﺭﻳﺎﺽ : ﺻﺒﺎﺡ ﺍﻟﻨﻮﺭ .. ﺍﻟﺤﻤﺪ ﻟﻠﻪ ﻉ ﺳﻼﻣﺔ ﺧﻮﻙ ...
ﺧﻮﻟﻪ : ﺍﻟﻠﻪ ﻳﺴﻠﻤﻚ .
ﺭﻳﺎﺽ : ﺣﺎﻟﻪ ﺑﺎﻫﻲ ﺗﻮﺍ ..
ﺧﻮﻟﻪ : ﺍﻳﻪ ﺍﻟﺤﻤﺪ ﻟﻠﻪ ... ﻣﻌﻠﻴﺸﻲ ﺭﻳﺎﺽ ﻏﻴﺮ ﻻﺯﻡ ﻧﺸﻮﻑ ﺣﺪ ﻣﻦ ﺍﻹﺩﺍﺭﺓ ﻧﺸﺮﺣﻠﻪ ﺍﺳﺒﺎﺏ ﻏﻴﺎﺑﻲ ..
ﺭﻳﺎﺽ ﺑﺘﻠﻘﺎﺋﻴﻪ : ﻣﺎﻓﻴﺶ ﺩﺍﻋﻲ ..
ﺧﻮﻟﻪ : ﻛﻴﻒ ﻣﺎﻓﻴﺶ ﺩﺍﻋﻲ ..
ﺭﻳﺎﺽ ﺑﺮﺑﻜﻪ : ﻗﺼﺪﻱ ﺧﻮﻙ ﻟﻴﺒﻴﺎ ﻛﻠﻪ ﺗﻌﺮﻑ ﺍﻟﻠﻲ ﺻﺎﺭﻟﻪ ﺍﻛﻴﺪ ﺣﻴﻌﺬﺭﻭﻙ ..
ﺧﻮﻟﻪ : ﻭﻟﻮ ﻣﺎﻧﻌﺮﻓﺶ ﻧﻈﺎﻣﻬﻢ .. ﻋﻦ ﺍﺫﻧﻚ ﺍﺑﺘﺴﻤﺖ ﻭﻣﺸﺖ ...
ﻫﻮﺗﻨﻬﺪ ﻭﺍﺑﺘﺴﻢ .. ﻭﻣﺸﻲ ﻟﻠﻤﻜﺘﺐ ..
***
ﻣﺎﺷﻴﻪ ﻓﻲ ﻣﻤﺮ ﺍﻟﻤﺴﺘﺸﻔﻰ ﺑﻌﺪ ﺧﺪﺕ ﺍﺟﺎﺯﺓ ﺳﺎﻋﻴﻪ ... ﻭﺻﻠﺖ ﻓﻲ ﺍﻟﻐﺮﻓﻪ .. ﻃﻘﺖ ﻭﺧﺸﺖ ... ﻭﺍﻧﺼﺪﻣﺖ ...
ﺍﻧﻌﺎﻡ : ﺍﺣﻤﻢ ... ﺍﺳﻔﻪ .. ﺍﻩ ﻭﻳﻦ ﻣﺮﺗﻚ ..
ﺍﻟﺤﺴﻦ : ﻟﻮﻃﺎ ...
ﺍﻧﻌﺎﻡ ﺷﺒﺤﺘﻠﻪ ﻭﺳﺮﻗﺖ ﻧﻈﺮﻩ ﻟﻀﻴﻔﻪ ﻭﻃﻠﻌﺖ ..
ﻫﻼﻝ ﻋﻴﻮﻧﻪ ﻓﻲ ﺍﻟﺒﺎﺏ ﺣﺘﻰ ﺑﻌﺪ ﻃﻠﻌﺖ ..
ﺍﻟﺤﺴﻦ ﺭﻛﺰ ﻋﻠﻴﻪ : ﻫﻠﻴﻴﻴﻞ .
ﻫﻼﻝ ﻭﻫﻮ ﺳﺎﺭﺡ : ﻧﻌﻢ ﻳﺎﻟﻜﺮﻣﺎ ..
ﺍﻟﺤﺴﻦ ﺿﻴﻖ ﻋﻴﻮﻧﻪ : ﺷﻨﻮﻭﻭﻭ ...
ﻫﻼﻝ ﺑﻀﺤﻜﻪ : ﻗﺘﻠﻚ ﻧﻌﻢ
ﺍﻟﺤﺴﻦ ﻳﺸﺒﺤﻠﻪ ﺑﻨﺺ ﻋﻴﻦ : ﻛﻤﻞ ...
ﻫﻼﻝ : ﺍﻳﻪ ... ﻭﻳﻦ ﻭﺻﻠﺖ ﻳﺎﺭﺑﻲ ..
ﺍﻟﺤﺴﻦ : ﻓﻲ ﺟﻤﺎﻋﺔ ﺍﻷﻣﻦ ﺍﻟﻌﺎﻡ ..
ﻫﻼﻝ : ﺍﻳﻮﺍﺍﺍﺍﺍﻩ .. ﺍﻟﺨﻮﺍﻥ ﺑﻴﻨﺎﺗﻬﻢ ...
ﺍﻟﺤﺴﻦ : ﺗﻤﺎﻡ .. ﺍﻧﻲ ﺗﻮﺍ ﻧﻔﻜﺮ ﺍﻟﻌﻤﻴﺪ ﺟﺎﺩ ﺍﻟﻠﻪ ﺍﻟﻠﻲ ﻳﺒﻲ ﻳﺘﻘﺎﻋﺪ ..
ﻫﻼﻝ : ﺣﺎﺱ ﺑﺎﻟﺬﻧﺐ ﺣﻂ ﻛﻞ ﺷﻲ ﻓﺮﻗﺒﺘﻪ ﻃﻠﺐ ﺣﺘﻰ ﻳﻔﺘﺤﻮﺍ ﻣﻌﺎﻩ ﺗﺤﻘﻴﻖ ﻭﻫﻤﺎ ﺭﻓﺾ ...
ﺍﻟﺤﺴﻦ ﺗﻨﻬﺪ : ﻣﺸﻴﺖ ﻟﻌﺰﻱ ﺁﺩﻡ ...
ﻫﻼﻝ ﺑﺤﺰﻥ : ﺍﻫﺎ .. ﺍﻧﻘﻬﺮﺕ ﻋﻠﻴﻪ ﻭﺍﺟﺪ ..
ﺍﻟﺤﺴﻦ ﺷﺒﺢ ﺍﻟﻘﺪﺍﻡ : ﻣﻊ ﺍﻟﺸﻬﺪﺍﺀ ﺇﻥ ﺷﺎﺀ ﺍﻟﻠﻪ ...
....
ﻗﻮﻟﻲ ﻭﺍﻟﻠﻪ ..
ﺍﻧﻌﺎﻡ ﺑﻀﺤﻜﻪ : ﻭﺍﻟﻠﻪ ..
ﻋﻠﻴﺎ : ﻭﻣﺎﺗﻘﻮﻟﻴﺶ ﻧﻌﻮﻣﻪ ..
ﺍﻧﻌﺎﻡ : ﺷﻦ ﺑﻨﻘﻮﻝ ﻣﺎﻓﻲ ﺷﻲ ﻳﻨﻘﺎﻝ .. ﺗﻌﺮﻓﻲ ﻟﻮ ﻣﺶ ﺷﻔﺘﻪ ﺗﻮﺍ ﺻﺪﻓﻪ ﻣﺎﻛﻨﺘﺶ ﺣﻜﻴﺖ ..
ﻋﻠﻴﺎ : ﺍﻧﻌﺎﻡ ﻋﻼﺵ ﺗﺒﻲ ﺗﻘﻌﺪﻱ ﻣﺴﻜﺮﺓ ﻉ ﺭﻭﺣﻚ ..
ﺍﻧﻌﺎﻡ ﺗﻨﻬﺪﺕ : ﻫﻜﻲ ﺍﺣﺴﻦ ..
ﻋﻠﻴﺎ : ﻻ ﻣﺶ ﺍﺣﺴﻦ .. ﻣﺎﻓﻴﺶ ﻭﺣﺪﻩ ﻓﻴﻨﺎ ﻣﺶ ﻣﺤﺘﺎﺟﻪ ﻟﺮﺍﺟﻞ ﻳﻜﻮﻥ ﺣﺒﻴﺐ ﻭﺳﻨﺪ ﻭﺻﺪﻳﻖ ﻭﻧﺺ ﺗﺎﻧﻲ ...
ﺍﻧﻌﺎﻡ ﺑﺈﺑﺘﺴﺎﻣﻪ : ﻣﺶ ﻛﻞ ﺍﻟﺮﺟﺎﻟﻪ ﻳﻘﺪﺭﻭﺍ ﻳﻜﻮﻧﻮﺍ ﻛﻞ ﺍﻟﻠﻲ ﻗﻠﺘﻲ ﻋﻠﻴﻪ ..
ﻋﻠﻴﺎ : ﻭﻣﺶ ﻛﻠﻬﻢ ﺍﻟﻌﻜﺲ ..
ﺍﻧﻌﺎﻡ ﺳﻜﺘﺖ ..
ﻋﻠﻴﺎ : ﺯﻳﺪﻱ ﻓﻜﺮﻱ ﺑﺠﺪﻳﻪ ﻓﻲ ﺍﻟﻤﺴﺘﻘﺒﻞ .. ﺭﻩ ﻣﺎﺯﺍﻝ ﻗﺪﺍﻣﻚ ﻭﻗﺖ ﺑﺶ ﺗﻌﻴﺸﻲ ﺳﻌﻴﺪﻩ ..
ﺍﻧﻌﺎﻡ ﺷﺒﺤﺘﻠﻬﺎ ﻭﺍﺑﺘﺴﻤﺖ ﻭﻣﺎﺭﺩﺗﺶ ..
***
ﻫﻠﻮ ...
ﻫﺎﻟﻪ : ﺍﻧﻲ ﻫﻨﻲ ..
ﺣﺴﺎﻥ : ﺗﻄﻠﻌﻲ ﻣﻌﺎﻱ ..
ﻫﺎﻟﻪ ﺑﺈﺑﺘﺴﺎﻣﻪ : ﻭﻳﻦ
ﺣﺴﺎﻥ : ﻣﺸﻮﺍﺭ ﺻﻐﻴﺮﻭﻥ ..
ﻫﺎﻟﻪ ﺑﻀﺤﻜﻪ : ﺑﺎﻩ ... ﺧﻞ ﻧﻤﺸﻲ ﻧﻠﺒﺲ ..
ﺣﺴﺎﻥ : ﺗﺮﺍ ﺗﻌﺎﻟﻲ ﺷﻮﻳﻪ .. ﺷﻨﻮ ﻫﻮ ﻫﺬﺍ
ﻫﺎﻟﻪ ﺑﺈﺳﺘﻐﺮﺍﺏ : ﺷﻨﻮ ﻫﻮ ...
ﺣﺴﺎﻥ ﻗﺮﺏ : ﻫﺪﺍ ﻫﺪﺍ .
ﻫﺎﻟﻪ ﺑﻨﻔﺎﺩ ﺻﺒﺮ : ﺷﻦ ﻫﻮﻭﻭ
ﺣﺴﺎﻥ : ﺗﻲ ﺍﻫﻮﺍ ﻳﺎﻭﺩﻱ .. ﻭﺧﻄﻒ ﻣﻨﻬﺎ ﺑﻮﺳﻪ ..
ﻫﺎﻟﻪ : ﻫﻬﻬﻬﻬﻬﻬﻬﻬﻪ ﻳﺎﻣﺤﺘﺎﻝ ..
ﺣﺴﺎﻥ ﺑﻀﺤﻜﻪ : ﺍﻟﻠﻪ ﻏﺎﻟﺐ ﻣﺎﻧﻘﺪﺭﺵ ﻧﺎﺧﺪﻫﺎ ﺍﻻﺑﺎﻹﺣﺘﻴﺎﻝ ..
ﻫﺎﻟﻪ ﺷﺒﺤﺘﻠﻪ ﻉ ﺟﻨﺐ ﺑﺈﺑﺘﺴﺎﻣﻪ : ﺗﺮﺍ ﺣﻮﻝ .. ﻭﻣﺸﺖ ﺑﻌﺪﻳﻦ ﺍﻟﺘﻔﺘﺖ .. ﺑﺘﻤﺸﻲ ﻟﻠﺤﺴﻦ ..
ﺣﺴﺎﻥ : ﺍﻳﻪ ﺑﻌﺪ ﺍﻟﻤﺸﻮﺍﺭ ﻫﺬﺍ ﻧﺤﻄﻚ ﻫﻨﻲ ﻭ ﻧﻤﺸﻴﻠﻪ ...
ﻫﺎﻟﻪ : ﺗﻤﺎﻡ .. ﻭﺧﺸﺖ ﻭﺳﻜﺮﺕ ﺍﻟﺪﺍﺭ ..
ﺗﻨﻬﺪ ﺣﺴﺎﻥ : ﺍﺧﺮﺓ ﺍﻟﺼﺒﺮ ﺣﻠﻮﺓ 💖....
***
ﻣﻘﻌﻤﺰﻳﻦ ﺣﺪﺍﻩ ﻳﻬﺪﺭﺯﻭﺍ ...
ﺍﻧﻌﺎﻡ : ﺍﻟﺤﻮﺵ ﺗﻌﺒﺎ .. ﻭﻛﺎﻥ ﻧﻘﻮﻟﻚ ﻣﻦ ﺟﻲ ﺗﺎﻧﻲ ..
ﺍﻟﺤﺴﻦ : ﻣﻨﻮ ..
ﺍﻧﻌﺎﻡ : ﺧﺎﻟﺘﻲ ﺻﻔﻴﻪ ﻭﺑﻨﺘﻬﺎ ﺭﻣﻴﺴﺎﺀ ..
ﺍﻟﺤﺴﻦ : ﺍﻫﺎ ..
ﺍﻧﻌﺎﻡ : ﺭﻣﻴﺴﺎﺀ ﻗﺮﻳﺐ ﻫﺒﻠﺖ ..
ﺍﻟﺤﺴﻦ : ﻛﺒﺮﺕ !!..
ﺍﻧﻌﺎﻡ : ﻛﺎﻥ ﺗﺸﻮﻓﻬﺎ ..
ﺍﻟﺤﺴﻦ : ﻛﻢ ﻋﻤﺮﻫﺎ ﻫﻲ ..
ﺍﻧﻌﺎﻡ : ..18
ﻋﻠﻴﺎ ﺑﻐﻴﺮﻩ : ﻣﻦ ﻫﻲ ..
ﺍﻟﺤﺴﻦ ﺍﺑﺘﺴﻢ
ﺍﻧﻌﺎﻡ ﺑﻀﺤﻜﻪ : ﺑﻨﻴﻪ ﻋﺴﺴﺴﻞ ﺯﻣﺎﻥ ﺗﻘﻮﻝ ﻟﻤﺎ ﺑﻨﻜﺒﺮ ﺑﻨﺘﺰﻭﺝ ﺍﻟﺤﺴﻦ ... ﻛﺎﻧﺖ ﺩﻳﻤﺎ ﻓﻲ ﺟﺮﺗﻪ ﻭﻫﻮ ﻳﺤﺐ ﻳﻼﻋﺒﻬﺎ ﻭﻣﺎﻳﺨﻠﻲ ﻣﺎﻳﺠﻴﺒﻠﻬﺎ ﻟﻤﺎ ﺗﺠﻴﻨﺎ ..
ﻋﻠﻴﺎ ﻭﺟﻬﻬﺎ ﺍﺣﻤﺮ ﻣﻦ ﺍﻟﻐﻴﺮﻩ : ﻭﺑﻌﺪﻳﻦ ...
ﺍﻧﻌﺎﻡ ﺑﻀﺤﻜﻪ : ﻭﻻﻗﺒﻠﻴﻦ ﻗﻠﺖ ﺯﻳﺎﺭﺍﺗﻬﻢ ﺍﺧﺮ ﻣﺮﻩ ﺟﺘﻨﺎ ﻛﺎﻥ ﻏﻤﺮﻫﺎ 10 ﺳﻨﻴﻦ ﺗﻘﺮﻳﺒﺎ ...
ﻋﻠﻴﺎ : ﺍﻣﻤﻤﻢ ..
ﺍﻟﺤﺴﻦ ﻳﺸﺒﺤﻠﻬﺎ ﻛﻴﻒ ﻭﺟﻬﺎ ﺍﺣﻤﺮ ﻭﺣﻮﺍﺟﺒﻬﺎ ﻣﻘﺮﻭﻧﺎﺕ ..
ﺍﻧﻌﺎﻡ : ﺧﻼﺹ ﺑﻨﺮﻭﺡ .. ﺗﺮﻭﺣﻲ ﻣﻌﺎﻱ ﻟﻮﻟﻮ
ﻋﻠﻴﺎ ﺷﺒﺤﺘﻠﻪ : ﻻﺍﺍ
ﺍﻟﺤﺴﻦ : ﺭﻭﺣﻲ ﻣﺎﻋﻨﺪﻙ ﻣﺎﺩﻳﺮﻱ ..
ﻋﻠﻴﺎ ﺷﺒﺤﺘﻠﻪ ﺑﺰﻋﻞ : ﺑﺎﻩ ...
ﺍﻧﻌﺎﻡ : ﻫﻴﺎ ﻣﺎﻻ ..
ﻋﻠﻴﺎ ﻃﻠﻌﺖ ﻗﺒﻠﻬﺎ ﻭﻫﻲ ﺯﻋﻼﻧﻪ ...
ﺍﻧﻌﺎﻡ ﺑﻀﺤﻜﻪ : ﺗﺒﻲ ﺗﻘﻌﺪ ﻣﻌﺎﻙ ..
ﺍﻟﺤﺴﻦ : ﻋﺎﺭﻑ ... ﺑﺲ ﻭﻳﻦ ﺗﻘﻌﺪ ﻭﺟﻤﺎﻋﺔ ﺍﻟﻌﻤﻞ ﻣﺎﺷﻴﻴﻦ ﻋﻠﻴﺎﺟﺎﻳﻴﻦ ..
ﺍﻧﻌﺎﻡ : ﻋﻨﺪﻙ ﺣﻖ .. ﻫﻴﺎ ﻣﺎﻻ ﻣﺎﺗﺒﻲ ﺷﻲ ..
ﺍﻟﺤﺴﻦ ﺍﺑﺘﺴﻢ : ﺳﻼﻣﺘﻚ ..
ﺍﻧﻌﺎﻡ : ﺗﺸﺎﻭ .. ﻭﻃﻠﻌﺖ .. ﺍﻣﺎ ﻫﻮ ﺗﻨﻬﺪ ﻭﺍﺗﻜﻲ ﻭﻗﻌﺪ ﻳﺸﺒﺢ ﻓﻮﻕ ﻭﻋﻘﻠﻪ ﻣﻊ ﺍﻟﻠﻲ ﺻﺎﺭ ﻣﻌﺎﻩ ﻭﻛﻴﻒ ﺣﻴﻜﺸﻒ ﺍﻟﻤﺪﺳﻮﺳﻴﻦ ﻓﻲ ﺟﻬﺎﺯ ﺍﻟﺸﺮﻃﻪ ﺍﻟﻠﻲ ﻗﺎﻋﺪﻳﻦ ﻳﻌﻄﻠﻮﺍ ﻓﻲ ﻋﻤﻞ ﺍﻟﻘﺎﻧﻮﻥ ....
***
ﻭﺍﻗﻔﻴﻦ ﻉ ﻛﻮﺑﺮﻱ ﻛﺒﻴﺮ ﻳﻠﻘﻮﺍ ﻓﻲ ﻧﻈﺮﻩ ﻣﻨﻪ ﻉ ﻣﻜﺎﻥ ﻣﻌﻴﻦ ..
ﺣﺴﺎﻥ : ﺷﻦ ﺭﺍﻳﻚ ..
ﻫﺎﻟﻪ : ﺣﻠﻮ ﺑﺲ .. ﻗﺼﺪﻙ ﺍﻧﺖ ﺑﺘﻨﻘﺰ ﺑﺎﻟﻤﻮﻃﻮ ﻓﻮﻕ ﺍﻟﺤﻮﺍﺟﺰ ﻫﺎﺩﻱ ..
ﺣﺴﺎﻥ : ﺍﻣﻤﻢ ...
ﻫﺎﻟﻪ ﺧﺎﻓﺖ : ﻻﻻﺍ .. ﻓﻮﺕ ﺍﻟﻘﺼﻪ ﻛﻠﻬﺎ ..
ﺣﺴﺎﻥ ﺑﺈﺑﺘﺴﺎﻣﻪ : ﺧﺎﻳﻔﻪ ﻋﻠﻴﺎ ..
ﻫﺎﻟﻪ : ﻧﺘﻜﻠﻢ ﺑﺠﺪﻳﺎﺕ ﺣﺴﺎﻥ ..
ﺣﺴﺎﻥ : ﺣﺒﻴﺒﺘﻲ ﻣﺎﺗﺨﺎﻓﻴﺶ ﺍﻧﻲ ﻣﺘﻤﻜﻦ
ﻫﺎﻟﻪ ﺗﺸﺒﺤﻠﻪ ﻭﺳﺎﻛﺘﻪ ..
ﺣﺴﺎﻥ ﺑﻌﺘﻬﺎ ﺑﻮﺳﻪ ﻃﺎﻳﺮﻩ : ﺍﻃﻤﻨﻲ ﻳﺎﻗﻠﺒﻲ ..
ﻫﺎﻟﻪ ﺍﺑﺘﺴﻤﺖ ﻭﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﺭﺟﻌﺖ ﺗﺸﺒﺢ ﻟﻠﻤﻜﺎﻥ ..
ﺣﺴﺎﻥ : ﻫﻴﺎ ﻳﺎﻗﻠﺒﻲ ﺧﻞ ﻧﺮﻭﺡ ﺑﻴﻚ ﺑﺶ ﻧﻤﺸﻲ ﻟﻠﺤﺴﻦ ..
ﻫﺎﻟﻪ : ﺗﻤﺎﻡ .. ﺭﻛﺒﻮﺍ ﺍﻟﺴﻴﺎﺭﻩ ..
ﻫﺎﻟﻪ ﺗﺸﺒﺤﻠﻪ ﻭﻫﻮ ﻳﻠﺒﺲ ﻓﻲ ﺣﺰﺍﻡ ﺍﻷﻣﺎﻥ : ﺣﺴﺎﻥ ..
ﺣﺴﺎﻥ : ﺭﻭﻭﺡ ﺣﺴﺎﻥ ...
ﻫﺎﻟﻪ ﺍﺑﺘﺴﻤﺖ : ﺭﺩﺑﺎﻟﻚ ﻉ ﺭﻭﺣﻚ ﻣﺎﻟﻴﺶ ﻏﻴﺮﻙ ﺭﻩ ..
ﺣﺴﺎﻥ ﻗﻌﺪ ﻳﺸﺒﺤﻠﻬﺎ ﻫﻠﺒﻪ ﺑﻌﺪﻳﻦ ﻗﺮﺏ ﻣﻨﻬﺎ ﺷﺪ ﻭﺟﻬﻬﺎ ﻭﺑﺎﺳﻬﺎ ﻣﻦ ﺧﺪﻫﺎ : ﺣﻨﺪﻳﺮ ﺑﺎﻟﻲ ﻉ ﺭﻭﺣﻲ ﻉ ﺧﺎﻃﺮﻙ ﺍﻧﺘﻲ ..
ﻫﺎﻟﻪ ﺍﺑﺘﺴﻤﺖ : ﺣﻮﻝ ﺭﺍﻧﺎ ﻓﻲ ﺍﻟﺸﺎﺭﻉ ..
ﺣﺴﺎﻥ : ﻣﺮﺗﻲ .. ﻣﺎﺣﺪ ﻟﻴﻪ ﺩﺧﻞ ..
ﻫﺎﻟﻪ : ﻣﺶ ﻛﻠﻬﻢ ﻳﻌﺮﻓﻮﻧﻲ ﻣﺮﺗﻚ ..
ﺣﺴﺎﻥ : ﺍﻧﻲ ﻧﻌﺮﻑ ... ﺳﺎﺩ .. ﻭﺑﺎﺳﻬﺎ ﻣﺮﺓ ﺗﺎﻧﻴﻪ ..
ﻫﺎﻟﻪ : ﻫﻬﻬﻬﻬﻬﻪ ﻣﺎﺻﺪﻗﺖ ﺍﻧﺖ .. ﺩﻓﺎﺗﻪ ﺑﺎﻟﺸﻮﻳﻪ ﺣﻮﻝ ﻏﺎﺩﻱ ..
ﺣﺴﺎﻥ ﻭﺧﺮ ﻭﻫﻮ ﻳﻀﺤﻚ ﻭﺗﺤﺮﻙ ﺑﺎﻟﺴﻴﺎﺭﺓ ...
***
ﻋﺎﺑﺪ : ﺍﺭﺟﻮﻙ ﺗﻢ ﺍﺭﺟﻮﻙ ﺗﺨﻠﻲ ﻧﺴﺎﻭﻳﻦ ﻭﻻﺩﻙ ﻓﻲ ﺣﺎﻟﻬﻢ
ﻭﺳﻴﻠﻪ : ﺗﻮ ﺍﻧﻲ ﺍﻟﻠﻲ ﻃﻠﻌﺖ ﻧﺪﻭﺭ ﻓﻴﻬﻢ ..
ﻋﺎﺑﺪ : ﻫﺬﺍ ﺍﻟﻠﻲ ﺻﺎﻳﺮ ..
ﻭﺳﻴﻠﻪ : ﻳﺎﻭﺩﻱ ﺑﺎﻫﻲ ﺑﺎﻫﻲ .. ﻫﻴﺎ ﺍﺭﻓﻌﻨﻲ ﻭﻗﺖ .. ﺧﻮﻟﻪ ﺑﺘﺠﻴﺐ ﺟﻨﺎﻥ ﻭﻫﻲ ﺟﺎﻳﻪ ..
ﻋﺎﺑﺪ : ﺑﺎﻫﻲ ...
***
ﺍﻧﺎ ﺑﻜﺮﺍ ﺑﻨﻔﺘﺢ ﻣﻌﺎﻫﻢ ﺍﻟﻤﻮﺿﻮﻉ ﺑﻨﺸﻴﻠﻚ ﻣﻌﺎﻱ ﺗﻔﺘﺤﻴﻪ ﺍﻧﺘﻲ ﻣﻊ ﺍﻟﻨﺴﺎﻭﻳﻦ ..
ﺭﻣﻠﻪ : ﺣﺎﺿﺮ ﻳﺎﺳﻴﺪﻱ ﺣﺎﺿﺮ ..
ﻗﻤﺮﺓ : ﻛﺎﻥ ﻧﺤﻘﻬﺎ ﺍﻟﻠﻲ ﺧﻼﺗﻚ ﻗﺮﻳﺐ ﺗﻨﻜﻠﺐ ﻋﻠﻴﻬﺎ ﻫﺬﻱ ﺍﺣﻠﻰ ﻣﻦ ﺑﻨﺖ ﻋﻤﺘﻚ ﺳﻠﻮﻯ ﻭﻻﻻ
ﻫﻼﻝ : ﺳﻠﻮﺓ ﺷﻦ ﻳﺎﺣﻨﻲ ﺑﺲ ﻓﺮﻕ ﺍﻟﺴﻤﺎ ﻉ ﺍﻟﻮﻃﺎ ..
ﻗﻤﺮﺓ : ﺑﻜﺮﺍ ﻳﺒﺎﻥ ..
***
ﺭﻭﺣﺖ ﻋﻠﻴﺎ ﻭﻟﻘﺖ ﺍﻟﺰﺣﻤﻪ ﻗﺪﺍﻣﻬﺎ ﻭﺷﺎﻓﺖ ﺭﻣﻴﺴﺎﺀ ﻟﻘﺘﻬﺎ ﻏﺎﻳﻪ ﻓﻲ ﺍﻟﺠﻤﺎﻝ ﺑﻴﻀﺎ ﻭﻋﻴﻮﻧﻬﺎ ﺧﻀﺮ ﻣﺎﻳﻼﺕ ﻟﻼﺯﺭﻕ ﻭﺷﻌﺮﻫﺎ ﺫﻫﺒﻲ ﻭﻃﻮﻳﻞ .. ﺑﺮﻏﻢ ﺍﻥ ﻋﻠﻴﺎ ﻓﻲ ﺍﻟﻨﻘﺶ ﺍﺟﻤﻞ .. ﺑﺲ ﻣﻮﺍﺻﻔﺎﺕ ﺍﻟﺸﻘﺮ ﺗﺒﺮﺯ ﺍﻛﺜﺮ ﻣﻦ ﻏﻴﺮﻫﻢ ﺣﺘﻰ ﻟﻮ ﻣﺎﻛﺎﻧﺶ ﻓﻴﻬﻢ ﻫﺬﺍﻛﺎ ﺍﻟﺠﻤﺎﻝ ... ﺍﻧﻘﻤﺼﺖ ﻣﻨﻬﺎ ﻭﺭﻛﺒﺖ ﻓﻮﻕ .. ﺩﻭﺷﺖ ﻭﻏﻴﺮﺕ ﻭﻛﺎﻧﺖ ﻣﻦ ﺩﺍﺧﻠﻬﺎ ﺗﺴﺤﻦ ﻉ ﺍﻟﺤﺴﻦ ﺍﻟﻠﻲ ﻣﺎﺧﻼﻫﺎﺵ ﺗﻘﻌﺪ ..
ﺑﻌﺪﻫﺎ ﻧﺰﻟﺖ ﺗﻘﺎﺑﻠﺖ ﻣﻊ ﻭﺳﻴﻠﻪ .. ﻻﺣﻈﻮﺍ ﻫﺎﻟﻤﺮﺓ ﺍﻥ ﻭﺳﻴﻠﻪ ﻓﺎﺗﺖ ﻋﻠﻴﺎ ﻭﺍﺳﺘﻠﻤﺖ ﻫﺎﻟﻪ .. ﻭﻫﺎﻟﻪ ﻋﻜﺲ ﻋﻠﻴﺎ ﻛﺎﻧﺖ ﺗﺘﺠﺎﻫﻞ ﻣﻦ ﺩﺍﺧﻞ ﻭﻣﻦ ﺑﺮﺍ ﻭﻣﺶ ﻣﻌﺪﻟﻪ ..
ﻛﻠﻬﻢ ﻛﺎﻧﻮﺍ ﻳﻮﺗﻮﺍ ﻟﻌﺰﻭﻣﻪ ﻏﺪﻭﺓ ﻓﻲ ﻣﺮﻭﺍﺣﺔ ﺍﻟﺤﺴﻦ
" ﺗﻮ ﺑﺘﻘﻮﻟﻮﺍ ﺩﻳﻤﺎ ﻭﻫﻤﺎ ﻋﺰﺍﻳﻢ ﻭﺍﻟﻨﺎﺱ ﻋﻨﺪﻫﻢ ..😁 ﻓﻲ ﻧﺎﺱ ﻫﻜﻲ ﺣﻖ ﺷﺒﻪ ﻳﻮﻣﻴﺎ ﺑﺎﻟﺬﺍﺕ ﻟﻤﺎ ﻳﺒﺪﻭﺍ ﺗﺠﺎﺭ ﺍﻭ ﻧﺎﺱ ﻟﻴﻬﺎ ﻣﻨﺼﺐ ﺍﻭ ﻣﻜﺎﻧﻪ "
ﻓﻲ ﺍﻟﻠﻴﻞ ..
ﻋﻠﻴﺎ ﺑﺎﻳﺘﻪ ﻣﻊ ﻫﺎﻟﻪ ﻓﻲ ﺍﻟﺸﻘﻪ ..
ﻋﻠﻴﺎ : ﻳﻐﻤﻮﺍ ﻉ ﺍﻟﻘﻠﺐ ..
ﻫﺎﻟﻪ ﺑﻀﺤﻜﻪ : ﻓﻜﻴﻨﺎ ﻣﻦ ﺍﻟﻘﺮﻣﻪ ..
ﻋﻠﻴﺎ : ﻋﻨﺪﻙ ﺣﻖ ﻣﺎﻳﺴﺘﺎﻫﻠﻮﺵ ﻳﺎﺧﺪﻭﺍ ﺣﺴﻨﺎﺗﻲ ..
ﻫﺎﻟﻪ : ﻫﻬﻬﻬﻬﻬﻬﻬﻪ .. ﻫﻴﺎ ﺍﺷﺮﺑﻲ ...
ﻋﻠﻴﺎ ﺗﺸﺮﺏ ﻓﻲ ﺍﻟﻨﺴﻜﺎﻓﻴﻪ : ﺧﺎﻃﺮﻱ ﻧﻌﺮﻑ ﺷﻦ ﺩﺍﺭ ﻣﻦ ﻏﻴﺮﻱ ﻃﻮﻝ ﺍﻟﻴﻮﻡ
ﻫﺎﻟﻪ : ﻫﻬﻬﻬﻬﻬﻪ .. ﺷﻦ ﻋﻨﺪﻩ ﺑﻴﺪﻳﺮ ﻣﺴﻜﻴﻦ ﺭﺍﻗﺪ ﻉ ﺍﻟﺴﺮﻳﺮ ﻭﺧﻼﺹ ..
ﻋﻠﻴﺎ : ﺍﻳﻪ ﻫﻤﺎ ﻳﺠﻮﻩ ﻟﻌﻨﺪﻩ
ﻫﺎﻟﻪ : ﻣﻦ ﻫﻤﺎ
ﻋﻠﻴﺎ : ﺍﻟﻤﻤﺮﺿﺎﺕ ﺍﻟﺘﺎﻓﻬﺎﺕ .. ﺗﺨﺎﻳﻠﻲ ﺍﺭﺑﻌﻪ ﻳﺒﻮﺍ ﻳﺨﺸﻮﺍ ﻳﻐﻴﺮﻭﺍ ﻉ ﺍﻟﺠﺮﺡ ..
ﻫﺎﻟﻪ : ﻫﻬﻬﻬﻬﻬﻬﻬﻬﻬﻪ
ﻋﻠﻴﺎ : ﺍﻩ ﻳﺎﻧﻲ ﺍﻛﻴﺪ ﺧﺸﻮﺍ ﻋﻠﻴﻪ ﺍﻟﻴﻮﻡ ﻭﺍﺳﺘﻐﻠﻮﺍ ﻏﻴﺎﺑﻲ .. ﻭﻫﻤﺎ ﻫﺬﺍﻛﺎ ﺍﻟﻤﻜﻴﺎﺝ ﻭﺍﻟﻠﺒﺲ ﺍﻟﻤﺸﺤﻂ ﻭﺭﻳﺤﺔ ﺑﺮﻓﻨﺎﺗﻬﻢ ﺗﺠﻴﺐ ﻣﻦ ﺑﺪﺍﻳﺔ ﺍﻟﺸﺎﺭﻉ ﺍﻟﻠﻲ ﻳﻮﺻﻞ ﻟﻠﻤﺴﺘﺸﻔﻰ ...
ﻫﺎﻟﻪ ﺧﻨﺴﺖ ﻣﻦ ﺍﻟﻮﺿﻊ ﺑﺎﻟﺬﺍﺕ ﻭﺍﻥ ﺣﺴﺎﻥ ﺑﺎﻳﺖ ﻏﺎﺩﻱ ..
ﻫﺎﻟﻪ : ﺷﻦ ﺭﺍﻳﻚ ﻧﺘﺼﻠﻮﺍ ﺑﻴﻬﻢ ..
ﻋﻠﻴﺎ : ﺍﻧﻲ ﻣﺶ ﻣﺘﺼﻠﻪ ﺑﻴﻪ ﻭﻻﺣﻨﻌﺒﺮﻩ .. ﺍﺗﺼﻠﻲ ﺍﻧﺘﻲ ..
ﻫﺎﻟﻪ : ﺗﻤﺎﻡ .. ﻧﺎﺿﺖ ﺟﺎﺑﺖ ﺗﻠﻴﻔﻮﻧﻬﺎ ﻣﻦ ﺍﻟﺪﺍﺭ ﻭﻭﻟﺖ ﻗﻌﻤﺰﺕ ﺣﺪﺍ ﻋﻠﻴﺎ ..
ﻋﻠﻴﺎ : ﺍﻧﻲ ﻣﺶ ﺑﺤﺪﺍﻙ ...
ﻫﺎﻟﻪ ﺑﻀﺤﻜﻪ : ﺑﺎﻫﻲ .. ﻭﺣﻄﺖ ﻉ ﺭﻗﻢ ﺣﺴﺎﻥ ﻭﺍﺗﺼﻠﺖ ..
ﻓﻲ ﻧﻔﺲ ﺍﻟﻮﻗﺖ ..
ﺍﻟﺤﺴﻦ : ﺻﺤﻪ ﻹﻳﺪﻳﻚ .. ﻓﻌﻼ ﺍﺛﺒﺘﺖ ﺍﻧﻚ ﺭﺍﺟﻞ ﻭﻧﺺ ..
ﺣﺴﺎﻥ : ﻃﺎﻟﻊ ﻟﺨﻮﻱ ..
ﺍﻟﺤﺴﻦ ﺍﺑﺘﺴﻢ ..
ﻓﻲ ﻫﺎﻟﻠﺤﻈﻪ ﺭﻥ ﺗﻠﻴﻔﻮﻧﻪ ﺷﺎﻑ ﺍﻟﺮﻗﻢ ﺍﺑﺘﺴﻢ ﻭﺭﺩ
ﺣﺴﺎﻥ : ﺍﻟﺴﻼﻡ ﻋﻠﻴﻜﻢ
ﻫﺎﻟﻪ : ﻭﻋﻠﻴﻜﻢ ﺍﻟﺴﻼﻡ .. ﺷﻦ ﺟﻮ ..
ﺣﺴﺎﻥ : ﺗﻤﺎﻡ .. ﺍﻧﺘﻢ ﺷﻦ ﺍﻷﺟﻮﺍﺀ ﻋﻨﺪﻛﻢ ..
ﻫﺎﻟﻪ : ﺍﻟﺤﻤﺪ ﻟﻠﻪ ﺗﻤﺎﻡ ... ﺷﻦ ﺣﺎﻝ ﺍﻟﺤﺴﻦ ...
ﺣﺴﺎﻥ ﺷﺒﺤﻠﻪ : ﻛﻮﻳﺲ ﺍﻟﺤﻤﺪﻟﻠﻪ ..
ﻋﻠﻴﺎ ﺗﻬﻤﺴﻠﻬﺎ : ﺍﺳﺄﻟﻴﻪ ﻉ ﺍﻟﺠﺮﺡ ..
ﻫﺎﻟﻪ ﺗﺸﺒﺤﻠﻬﺎ : ﻏﻴﺮ ﻉ ﺍﻟﺠﺮﺡ ..
ﺣﺴﺎﻥ ﻳﺸﺒﺤﻠﻪ : ﺍﻳﻪ ..
ﻫﺎﻟﻪ ﺗﺸﺒﺢ ﻟﻌﻠﻴﺎ : ﻏﻴﺮ ﻋﻠﻴﻪ ﻣﻌﻨﺎﻫﺎ ..
ﻋﻠﻴﺎ ﺗﻬﻤﺴﻠﻬﺎ : ﺃﺳﺄﻟﻴﻪ ﻣﻦ ﻏﻴﺮﻟﻪ ..
ﻫﺎﻟﻪ : ﺀ .. ﻣﻦ ﻏﻴﺮﻟﻪ ..
ﺣﺴﺎﻥ ﺑﺈﺳﺘﻐﺮﺍﺏ : ﻣﻤﺮﺿﺎﺕ ..
ﻫﺎﻟﻪ : ﻣﻤﺮﺿﺎﺕ !!
ﻋﻠﻴﺎ ﻣﻼﻣﺢ ﻭﺟﻬﻬﺎ ﺗﻐﻴﺮﻭﺍ ﻟﻠﻐﻀﺐ ..
ﻫﺎﻟﻪ : ﻛﻢ ﻭﺣﺪﻩ ..
ﺣﺴﺎﻥ ﺑﻤﺰﺡ : ..4 ﻭﺍﻟﻠﻪ ﻣﺎﻧﺤﻜﻴﻠﻚ ﺯﻱ ﺍﻟﺴﻠﻄﺎﻥ ﻭﺣﻮﺍﻟﻴﻪ ﺍﻟﺠﻮﺍﺭﻱ .. ﻳﺎﺣﻈﻪ ..
ﻫﺎﻟﻪ ﻓﻨﺼﺖ : ﺷﻨﻮﻭﻭﻭﻭ
ﺣﺴﺎﻥ : ﻭﺍﻟﻠﻪ ﻫﻮ ﻣﺮﻭﻕ ﻉ ﺍﻷﺧﺮ ﺗﻤﻨﻴﺖ ﺭﻭﺣﻲ ﻣﻀﺮﻭﺏ ﺑﺮﺻﺎﺻﻪ .. ﻃﻮﻁ ﻃﻮﻁ ﻃﻮﻁ ..
ﺣﺴﺎﻥ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺍﻟﺤﺴﻦ : ﻳﺎﺗﺎﻓﻪ ﺗﻮ ﺑﺘﻌﺎﻭﺩﻩ ﻟﻌﻠﻴﺎ ﻛﻠﻪ ..
ﺣﺴﺎﻥ ﻓﻨﺺ ﻭﺭﻓﻊ ﺣﻮﺍﺟﺒﻪ : ﺳﻴﻒ ﺍﻟﻨﺎﺭ ﺧﺎﻳﻒ ﻣﻦ ﺍﻟﻤﺪﺍﻡ ..
ﺍﻟﺤﺴﻦ : ﺧﺎﻳﻒ ﻣﻦ ﻋﻴﻨﻚ ﻳﺎﻛﻠﺐ .. ﻧﻮﺽ ﺍﺭﻗﺪ ﻧﻮﺽ ..
ﺣﺴﺎﻥ : ﻫﻬﻬﻬﻬﻬﻬﻬﻬﻬﻬﻪ
...
ﻫﺎﻟﻪ ﻭﻫﻲ ﺳﺮﺣﺎﻧﻪ : ﺍﻟﺮﺟﺎﻟﻪ ﻣﺎﻳﻤﻼ ﻋﻴﻨﻬﻢ ﺃﻻ ﺍﻟﺘﺮﺍﺏ
ﻋﻠﻴﺎ ﺑﻐﻴﻆ : ﺻﺪﻗﺘﻲ ﻛﻠﻬﻢ ﺯﻱ ﺑﻌﻀﻬﻢ ﻭﻟﻮﺑﺎﻥ ﺍﻟﻌﻜﺲ ...
ﻫﺎﻟﻪ : ﻟﻜﻦ ﺑﺎﻫﻲ ﻳﺎﺣﺴﺎﻥ ..
ﻋﻠﻴﺎ : ﺗﻮ ﻧﻮﺭﻳﻚ ﻳﺎﻟﺤﺴﻦ ...
ﻭﺍﻟﺰﻭﺯ ﺷﺮﺑﻮﺍ ﺍﻟﻨﺴﻜﺎﻓﻴﻪ ﻓﻲ ﻧﻔﺲ ﺍﻟﻠﺤﻈﻪ ﻣﻊ ﺑﻌﺾ ...
***
ﺗﺎﻧﻲ ﻳﻮﻡ ..
ﺍﻟﻨﺎﺱ ﺑﺪﺕ ﺗﻮﺻﻞ ﻣﻊ 12 ﺍﻟﺤﻮﺵ ﻭﺍﻟﺼﺎﻟﻪ ﺍﻟﺨﺎﺭﺟﻴﻪ ﺗﻌﺒﻮﺍ ...
ﻭﻳﺎﺣﻨﻪ ﻫﺎﻟﻪ ﻭﻋﻠﻴﺎ ﻛﺎﻧﻮﺍ ﺃﺧﺮ ﺍﻧﺎﻗﻪ ﻭﻃﺎﻟﻌﺎﺕ ﻳﻬﺒﻠﻮﺍ ﺍﻟﺰﻭﺯ .. ﻭﻃﺒﻌﺎ ﻷﻥ ﻛﻞ ﻭﺍﺗﻲ ﻣﻦ ﺍﻣﺲ .. ﻭﺍﻟﻮﺟﺒﻪ ﺍﻟﺮﺋﻴﺴﻴﻪ ﻃﻴﺒﻮﻫﺎ ﺍﻟﻨﺴﺎﻭﻳﻦ ﺍﻟﻜﺒﺎﺭ .. ﻭﺟﺎﺑﻮﺍ ﻣﻦ ﻳﻐﺴﻞ ﺍﻟﻤﺎﻋﻴﻦ .. ﻓﺸﺒﺎﺑﺎﺕ ﺍﻟﻌﻴﻠﻪ ﺣﻴﺘﺤﺮﻛﻮﺍ ﻉ ﺍﻟﺨﻔﻴﻒ ..
ﺭﻣﻴﺴﺎﺀ : ﻳﺎﺑﺨﺘﻪ ﺍﻟﺤﺴﻦ ﺑﻴﻚ ﺣﻠﻮﺓ ﻫﻠﺒﻪ ..
ﻋﻠﻴﺎ ﺷﺒﺤﺘﻠﻬﺎ ﺑﺄﺳﺘﻐﺮﺍﺏ ﻭﺍﺑﺘﺴﻤﺖ : ﺷﻜﺮﺍ ...
ﺭﻣﻴﺴﺎﺀ : ﻛﻴﻒ ﺩﺍﻳﺮﺓ ﻓﻲ ﺣﻴﺎﺗﻚ ﻣﻊ ﺭﺍﺟﻞ ﻳﺨﺪﻡ ﻓﻲ ﺍﻟﺸﺮﻃﻪ ..
ﻋﻠﻴﺎ : ﺯﻱ ﻣﺎﺗﺸﻮﻓﻲ ﻭﺿﺤﻜﺖ ..
ﺭﻣﻴﺴﺎﺀ : ﺣﺘﻰ ﺍﻧﻲ ﺧﻄﻴﺒﻲ ﻓﻲ ﺍﻟﺸﺮﻃﻪ ..
ﻋﻠﻴﺎ ﻣﺘﻔﺎﺟﺌﻪ : ﻣﺨﻄﻮﺑﻪ !
ﺭﻣﻴﺴﺎﺀ : ﺍﻳﻪ ..
ﻋﻠﻴﺎ ﺑﻔﺮﺣﻪ : ﺍﻫﺎ ...
ﺳﺎﺭﺓ ﺟﺘﻬﻢ : ﻟﻠﻮﺵ ﺍﻫﻠﻚ ﺟﻮ ..
ﻋﻠﻴﺎ ﻓﺮﺣﺖ ﻭﻃﻠﻌﺘﻠﻬﻢ ...
...
ﻭﺻﻞ ﺍﻟﺤﺴﻦ ﻟﻠﺤﻮﺵ ... ﻭﺗﻮﺟﻪ ﻃﻮﻝ ﻟﻠﺼﺎﻟﻪ ﺍﻭﻝ ﻣﺎﺷﺎﻓﻪ ﺟﺪﻩ ﻧﺎﺿﻠﻪ ﺣﻀﻨﻪ ﻃﻮﻝ .. ﻭﻗﻌﻤﺰ ﺟﻨﺒﻪ ﻭﻛﻠﻬﻢ ﻳﺴﺄﻟﻮﺍ ﻋﻠﻴﻪ ﻭﻉ ﺣﺎﻟﻪ ...
ﺗﻐﺪﻭﺍ ﻭﻧﻈﻤﻮﺍ ﺃﻣﻮﺭﻫﻢ .. ﻭﺷﻮﻳﻪ ﻭﺑﺪﻭﺍ ﻳﺮﻭﺣﻮﺍ .. ﻟﻴﻦ ﻓﻀﺖ ﺍﻟﺼﺎﻟﻪ ﻣﻦ ﺍﻟﺮﺟﺎﻟﻪ ..
ﺳﺮﻣﺪ : ﺗﻤﺎﻡ ﻧﺠﻴﺒﻠﻚ ﺍﻟﻮﺭﻗﻪ ﺗﻮﺍ ..
ﺭﺍﺟﻞ ﺧﺎﻟﺘﻪ : ﺟﻴﺒﻬﺎ ﻫﻲ ..
....
ﻋﻠﻴﺎ ﻭﻳﻦ ﺍﻟﺤﻤﺎﻡ ..
ﻋﻠﻴﺎ : ﺍﻣﺸﻲ ﻫﻜﻲ ﻃﻮﻝ ﻉ ﺍﻳﺪﻙ ﺍﻟﻴﻤﻴﻦ
ﺍﻣﻴﺮﺓ : ﺗﻤﺎﻡ ..
ﺍﻣﻴﺮﻩ ﻭﻫﻲ ﻣﺎﺷﻴﻪ ﻟﻠﺤﻤﺎﻡ ﺑﺶ ﺑﺘﺴﺎﻭﻱ ﻣﻜﻴﺎﺟﻬﺎ ﻟﻤﺤﺖ ﺩﺍﺭ ﻣﺮﺩﻭﺩﻩ ﻟﻔﺖ ﻧﻈﺮﻫﺎ ﻗﻴﺘﺎﺭ ﻣﻌﻠﻖ ﻓﻴﻬﺎ .. ﻣﻦ ﻓﻀﻮﻟﻬﺎ ﻗﺮﺑﺖ ﻣﻨﻬﺎ ﻭﻓﺘﺤﺘﻬﺎ ﻭﺍﻧﺒﻬﺮﺕ ﺑﺸﻜﻠﻬﺎ ﻭﺩﻳﻜﻮﺭﻫﺎ .. ﻭﻫﻲ ﺍﺩﻭﺭ ﺑﻌﻴﻮﻧﻬﺎ ﻓﻴﻬﺎ .. ﻃﺎﺣﺖ ﻋﻴﻨﻪ ﻉ ﺻﻮﺭﻩ ﻟﻴﻪ .. ﻛﺎﻥ ﻣﻄﻮﻝ ﺷﻌﺮﻩ ﻭﻣﺪﺍﻳﺮ ﻟﺤﻴﻪ ﻓﻴﻬﺎ ﻛﺎﻥ ﻳﻬﺒﺒﻞ ﻣﺎﻗﺪﺭﺗﺶ ﺗﻘﺎﻭﻡ ﺍﻟﺼﻮﺭﺓ ﻗﺪﻣﺖ ﻗﺎﻣﺘﻬﺎ ﻭﻗﻌﺪﺕ ﺗﺘﻔﺮﺝ ﻋﻠﻴﻬﺎ ..
ﺍﻣﻴﺮﻩ " ﻳﻬﺒﺒﺒﺒﻞ ..."💖
" ﻓﻲ ﺿﻴﻔﻤﺘﻄﻔﻞ ﻫﻨﻲ .."
ﻓﻨﺼﺖ ﻭﻣﺶ ﻗﺎﺩﺭﺓ ﺗﺘﻠﻔﺖ ﻗﻌﺪﺕ ﺟﺎﻣﺪﻩ ﻭﺷﺎﺩﻩ ﺍﻟﺼﻮﺭﺓ ..
ﺳﺮﻣﺪ ﻭﻫﻮ ﻭﺭﺍﻫﺎ ﻭﻳﺸﺒﺢ ﻟﻠﺼﻮﺭﺓ : ﻭﻫﺎﻟﻀﻴﻒ ﺟﺮﻱﺀ ﻫﻠﺒﻪ
ﻫﻲ ﻗﺮﻳﺐ ﻳﻐﻤﻰ ﻋﻠﻴﻬﺎ ﺍﻷﺣﺮﺍﺝ .. ﻏﻤﻀﺖ ﻋﻴﻮﻧﻬﺎ ﻭﺍﻟﺘﻔﺘﻠﻪ .. ﻭﺣﻄﺖ ﺍﻟﺼﻮﺭﻩ ..
ﺍﻣﻴﺮﻩ ﺑﺈﺣﺮﺍﺝ : ﺍﺳﻔﻪ .. ﺑﺲ ﻣﺎﻗﺪﺭﺗﺶ .. ﻧﻘﺎﻭﻡ ﻓﻀﻮﻟﻲ ... ﻭﻃﺎﺭﺕ ﺗﺠﺮﻱ ﺑﺮﺍ ..
ﺳﺮﻣﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ... ﻫﺪﺍ ﺑﺈﺑﺘﺴﺎﻣﻪ .. ﺑﺲ ﺣﻠﻮﺓ ﻭﻫﻠﺒﻪ 💓
***
ﻳﻜﺴﺮ ﻓﻲ ﺩﺍﺭﻩ ﻭﻳﻘﺮﺑﻊ .. ﻭﺑﻴﻤﻮﺕ ﻣﻦ ﻏﻴﻈﻪ ﻭﻗﻬﺮﺗﻪ ..
ﺍﻣﻪ ﺗﺒﻜﻲ ﻉ ﺣﺎﻟﻪ .. ﻭﺑﻮﻩ ﻃﺎﻳﺮﺗﻠﻪ ..
ﺟﻮﺍﺩ : ﺗﻮﺍ ﻣﺶ ﻫﻮ ﺍﻟﻠﻲ ﺳﻴﺒﻬﺎ ﻭﻗﺎﻝ ﻣﺎﺗﻨﺎﺳﺒﻨﻴﺶ ﻭﻣﺶ ﻋﺎﺭﻑ ﺷﻨﻮ .. ﺍﻟﻌﺒﻴﺘﺮ ﺍﻟﻠﻲ ﻳﺪﻳﺮ ﻓﻴﻪ ﻫﺬﺍ ﻛﻠﻪ ﻋﻼﺵ ..
ﺑﺘﻴﻨﻪ ﺗﺒﻜﻲ ﻭﻣﺶ ﻗﺎﺩﺭﻩ ﺗﺮﺩ ..
ﻓﺠﺄﺓ ﻃﻠﻊ ﻣﻦ ﺍﻟﺪﺍﺭ ﻭﻓﻲ ﺍﻳﺪﻩ ﺳﺎﻛﻮ : ﻣﺴﺎﻓﺮ ﻭﻣﺶ ﻋﺎﺭﻑ ﺍﻣﺘﻰ ﻧﺮﻭﺡ ﻣﺎﺩﻭﺭﻭﻧﻴﺶ ... ﻭﻣﺶ ﻃﻠﻊ ...
ﺟﻮﺍﺩ ﺑﺘﻬﻜﻢ : ﻳﺎﻭﺍﻟﻠﻪ ﺣﺎﻝ ..
ﺑﺘﻴﻨﻪ ﺑﺒﻜﻲ : ﺭﺑﻲ ﻳﻬﺪﻳﻪ ...
***
ﺍﻣﻮﺭﻛﻢ ﺗﻤﺎﻡ ..
ﺟﻨﺎﻥ ﺑﺈﺑﺘﺴﺎﻣﻪ : ﻳﻬﺒﻞ ﻳﺎﻋﻠﻴﺎ ﺷﺨﺼﻴﺘﻪ ﺗﺠﻨﻦ ..
ﻋﻠﻴﺎ ﺑﺈﺑﺘﺴﺎﻣﻪ : ﺭﺑﻲ ﻳﺠﻤﻌﻜﻢ ﻳﺎﺍﺭﺏ ..
ﺟﻨﺎﻥ : ﺁﺍﺍﺍﺍﻣﻴﻦ .. ﺿﺤﻜﻨﻲ ﻗﺎﻟﻲ ﻣﺮﺕ ﺧﻮﻙ ﺟﺒﺎﺭﻩ ..
ﻋﻠﻴﺎ ﺑﺈﺣﺮﺍﺝ : ﻣﻌﺎﺵ ﺍﺫﻛﺮﻳﻨﻲ ﻓﺼﻠﺖ ﻉ ﺍﻟﺤﺴﻦ ﻗﺪﺍﻣﻪ ...
ﺟﻨﺎﻥ : ﻫﻬﻬﻬﻬﻬﻬﻪ ﻗﺎﻟﻲ ﺍﻟﺤﺴﻦ ﻣﺎﻗﺪﺭﺵ ﻳﺪﻳﺮ ﺭﺩﺓ ﻓﻌﻞ ...
ﻋﻠﻴﺎ : ﻫﻬﻬﻬﻬﻬﻬﻬﻬﻬﻪ
ﻣﺠﻴﺪﻩ : ﻫﻴﺎ ﻳﺎﺑﻨﺎﺕ ﺗﻌﺎﻟﻮﺍ ﻟﺪﺍﺭ ﺍﻟﻤﻌﻴﺸﻪ
ﻋﻠﻴﺎ : ﺑﺎﻟﻠﻪ ﻋﻠﻴﻚ ﻣﺠﻴﺪﻩ ﻧﺎﺩﻳﻠﻲ ﻫﺎﻟﻪ ..
ﻣﺠﻴﺪﻩ : ﺑﺎﻩ ..
ﺗﻮﺟﻬﺖ ﻣﺠﻴﺪﻩ ﻟﺪﺍﺭ ﺍﻟﻤﻌﻴﺸﻪ ﺩﻭﺭﺕ ﺑﻌﻴﻮﻧﻬﺎ ﻉ ﻫﺎﻟﻪ
ﻣﺠﻴﺪﻩ : ﻫﺎﻟﻪ ﺗﺒﻴﻚ ﻋﻠﻴﺎ ﻓﻲ ﺍﻟﻤﻄﺒﺦ ..
ﻫﺎﻟﻪ : ﺑﺎﻩ ... ﻧﺎﺿﺖ ﻫﺎﻟﻪ .. ﻭﻫﻲ ﻃﺎﻟﻌﻪ ﻣﻦ ﺩﺍﺭ ﺍﻟﻤﻌﻴﺸﻪ ﺗﻘﺎﺑﻠﺖ ﻫﻲ ﻭﺟﻨﺎﻥ ﺍﺑﺘﺴﻤﻮﺍ ﻟﺒﻌﺾ ... ﻛﻤﻠﺖ ﻃﺮﻳﻘﻬﺎ ﻭﻗﺮﻳﺐ ﺗﻮﺻﻞ ﻟﻠﻤﻄﺒﺦ ﺷﺎﻓﺖ ﺣﺴﺎﻥ ﻭﺍﻟﺤﺴﻦ ﻭﺳﺮﻣﺪ ﺧﺎﺷﻴﻦ ﻟﻠﺤﻮﺵ ﺍﺑﺘﺴﻤﺖ ﺑﻤﻜﺮ ﻭﻛﻤﻠﺖ ﻃﺮﻳﻘﻬﺎ .. ﺧﺸﺖ ﻟﻠﻤﻄﺒﺦ ...
ﻫﺎﻟﻪ : ﺷﻨﻮ ﻭﺍﺗﻲ ..
ﻋﻠﻴﺎ : ﻛﻠﻬﻢ ﻣﻮﺟﻮﺩﻳﻦ ...
ﻫﺎﻟﻪ : ﺍﻳﻪ ﺣﺴﺎﻥ ﻭﺍﻟﺤﺴﻦ ﻭﺳﺮﻣﺪ ﺗﻮﺍ ﻛﻴﻒ ﺧﺸﻮﺍ ...
ﻋﻠﻴﺎ ﺍﺑﺘﺴﻤﺖ ﺑﻤﻜﺮ : ﺷﻮ ﺳﻠﻔﺘﻲ ﻃﺎﻟﻌﻪ ﺣﻠﻮﺓ ..
ﻫﺎﻟﻪ ﺑﻀﺤﻜﻪ : ﺑﻄﻴﺮﻱ ﺍﻟﻌﻘﻞ .. ﻭﺍﻧﺎ ﺳﻠﻔﺘﻲ ..
ﻋﻠﻴﺎ : ﻗﻤﻤﻤﻤﻤﻤﻤﺮ ﻳﺎﺗﺆﺑﺮﻳﻨﻲ ..
ﺍﻟﺰﻭﺯ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻋﻠﻴﺎ : ﻻﺷﻔﻘﺔ ..
ﻫﺎﻟﻪ : ﻻﺭﺣﻤﻪ ... ﺍﺑﺘﺴﻤﻮﺍ ﺑﺘﺤﺪﻱ ..
ﻫﺎﻟﻪ ﻗﺎﻣﺖ ﺳﻔﺮﺓ ﺍﻟﻨﺴﻜﺎﻓﻴﻪ ﻭﻋﻠﻴﺎ ﻣﺘﺮﺩ ﺍﻟﺤﻠﻮﻳﺎﺕ ..
ﻃﻠﻌﺖ ﻫﺎﻟﻪ ﺍﻷﻭﻟﻰ ﺑﻌﺪﻳﻦ ﻋﻠﻴﺎ .. ﻭﻫﻤﺎ ﻳﻤﺸﻮﺍ .. ﻭﺻﻠﻮﺍ ﻓﻲ ﺍﻟﺪﺍﺭ ﻭﺧﺸﻮﺍ ..
ﺣﺴﺎﻥ ﻣﺒﻠﻢ ﻓﻲ ﻫﺎﻟﻪ ﻛﺎﻥ ﻻﺑﺴﻪ ﺑﻠﻮﺯﻩ ﺑﻴﻀﺎ ﻃﻮﻳﻠﻪ ﻋﻠﻴﻬﺎ ﺟﻴﻠﻲ ﻃﻮﻳﻞ ﻟﻮﻧﻪ ﺃﺯﺭﻕ ﻣﻠﻜﻲ .. ﻭﺳﺮﻭﺍﻝ ﺟﻴﻨﺰ ﺍﻛﺤﻞ .. ﻭﻭﺷﺎﺡ ﺍﺯﺭﻕ ﻣﻠﻜﻲ .. ﺩﺍﻳﺮﺓ ﺍﻱ ﻻﻳﻨﺮ ﻟﻌﻴﻮﻧﻬﺎ ﻭﺭﻭﺝ ﺍﺣﻤﺮ ﺧﻔﻴﻒ .. ﻃﺎﻟﻌﻪ ﺟﺬﺍﺑﻪ ﻭﺗﻬﺒﻞ ..
ﺍﻣﺎ ﺍﻟﺤﺴﻦ ﻓﺎﺗﻨﺘﻪ ﻻﺑﺴﻪ ﻗﻔﻄﺎﻥ ﺍﺳﻮﺩ ﻛﻢ ﻣﺨﺼﺮ ﺿﻴﻖ ﻣﻦ ﻓﻮﻕ ﻭﻭﺍﺳﻊ ﻣﻦ ﺗﺤﺖ ﻭﺣﺰﺍﻣﻪ ﺍﺣﻤﺮ ﻓﻴﻪ ﻓﻴﻮﻛﻪ ﻣﻦ ﻟﺘﺎﻟﻲ .. ﻭﻭﺷﺎﺡ ﺍﺣﻤﺮ ﻣﺪﺍﻳﺮﺗﻪ ﺑﻄﺮﻳﻘﻪ ﺣﻠﻮﺓ ﻭﺣﺎﻃﻪ ﺭﻭﺝ ﺍﺣﻤﺮ ﻭﺍﻱ ﻻﻳﻨﺮ ﺍﺳﻮﺩ ﻃﺎﻟﻌﻪ ﺧﻴﺎﺍﺍﺍﺍﻝ .. ﻭﻫﻮ ﻗﺮﻳﺐ ﻋﻘﻠﻪ ﻃﺎﺭ ﻣﻦ ﻣﻜﺎﻧﻪ
ﺗﻔﺮﻕ ﻫﺎﻟﻪ ﻓﻲ ﺍﻟﻨﺴﻜﺎﻓﻴﻪ ﻭﻫﻲ ﻣﺒﺘﺴﻤﻪ ﻭﻣﺮﺓ ﻣﺮﺓ ﺗﻬﺪﺭﺯ ﻉ ﺍﻟﻠﻲ ﺗﻔﺮﻕ ﻋﻠﻴﻬﻢ ﻭﺗﻀﺤﻚ ﻭﻋﻴﻮﻥ ﺣﺴﺎﻥ ﻣﻌﺎﻩ ﻟﻴﻦ ﻭﺻﻠﺖ ﻓﻴﻪ .. ﻟﺒﺴﺖ ﺍﻟﻮﺟﻪ ﺍﻟﻨﺎﺷﻒ ﻭﻻﺑﺖ ﺗﻌﺒﺮﻩ .. ﺧﺪﻱ ﺍﻟﻨﺴﻜﺎﻓﻴﻪ ﻭﻣﺴﺘﻐﺮﺏ ﻓﻴﻬﺎ ﻋﻼﺵ ﻫﻜﻲ ﺩﺍﺭﺕ ...
ﺍﻣﺎ ﻋﻠﻴﺎ ﺍﻟﻠﻲ ﺍﻟﺤﺴﻦ ﻗﻠﺒﻪ ﻣﺶ ﺭﺍﺣﻢ ﺣﺎﻟﻪ ﻗﺮﻳﺐ ﻳﻬﺒﻞ ﻉ ﻋﻠﻴﺎ ﻳﺮﺍﺟﻲ ﻓﻴﻬﺎ ﺍﻣﺘﻰ ﺗﻮﺻﻞ ﻓﻴﻪ .. ﻭﺻﻠﺖ ﻓﻴﻪ ﻭﻛﺬﻟﻚ ﺣﺘﻰ ﻫﻲ ﻗﻠﺒﺖ ﻭﺟﻬﻬﺎ ﻋﻠﻴﻪ ﻭﻫﻮ ﺧﺪﻱ ﻣﻨﻬﺎ ﻭﻫﻮ ﻣﺶ ﻓﺎﻫﻢ ﻋﻼﺵ ﻫﻜﻲ ﺩﺍﺭﺕ ...
ﺣﻄﺖ ﻫﺎﻟﻪ ﺍﻟﺼﻔﺮﺓ ﻉ ﺍﻟﻄﺎﻭﻟﻪ ﻭﻋﻠﻴﺎ ﺍﻟﻤﺘﺮﺩ ﻭﻛﻞ ﻭﺣﺪﻩ ﻗﻌﻤﺰﺕ ﻓﻲ ﻣﻜﺎﻧﻬﺎ ﻭﺗﺠﺎﻫﻠﻮﺍ ﺭﺟﺎﻻﺗﻬﻢ ﺍﻟﻠﻲ ﻗﺮﻳﺐ ﻳﻬﺒﻠﻮﺍ ﻋﻠﻴﻬﻢ ...
ﺑﺮﻧﻴﻪ : ﺑﻨﻴﺘﻲ ﻋﻠﻴﺎ ..
ﻋﻠﻴﺎ : ﻧﻌﻢ ﺣﻨﺎﻱ ..
ﺑﺮﻧﻴﻪ : ﻭﺧﻴﺘﻚ ﺍﻟﻠﻲ ﺍﻟﻴﻮﻡ ﺟﺖ ﻣﻊ ﺍﻣﻚ ﻛﻢ ﻋﻤﺮﻫﺎ ..
ﺳﺮﻣﺪ ﺭﻛﺰ ﻣﻌﺎﻫﻢ ﻭﻫﻮ ﻳﺸﺮﺏ ﻓﻲ ﺍﻟﻨﺴﻜﺎﻓﻴﻪ ..
ﻋﻠﻴﺎ : ﻛﻴﻒ ﺧﺸﺖ 17 ..
ﺍﻧﻌﺎﻡ : ﺷﻨﻮ ﺍﻣﻲ ﺗﺒﻲ ﺗﺨﻄﺒﻴﻬﺎ ﻟﺴﺮﻣﺪ ..
ﺳﺮﻣﺪ ﻗﺮﻳﺐ ﺷﺮﻕ ﺑﺎﻟﻨﺴﻜﺎﻓﻴﻪ ﻭﻭﺟﻬﻪ ﺍﺣﻤﺮ ...
ﺑﺮﻧﻴﻪ : ﻭﻋﻼﺵ ﻻ ﺑﺪﺍﻝ ﺍﻟﺮﻳﻤﻪ ﻳﻮﻟﻮﺍ ﻋﻨﺪﻱ ﺯﻭﺯ ...
ﻋﻠﻴﺎ ﺗﺤﺸﻤﺖ : ﺳﻠﻤﻚ ﺣﻨﺎﻱ ..
ﺳﺎﺭﺓ : ﺍﻳﻪ ﺣﻘﻪ ﻧﺴﻤﻊ ﻓﻲ ﺃﻣﻚ ﺗﻨﺎﺩﻱ ﻓﻴﻚ ﺭﻳﻼ ...
ﻋﻠﻴﺎ : ﻫﻬﻬﻬﻬﻬﻪ
ﺟﻨﺎﻥ : ﺑﺠﺪﻳﺎﺕ ﺷﻦ ﻣﻌﺎﻧﺎﻩ ..
ﺍﻟﺤﺴﻦ ﻣﺮﻛﺰ ..
ﻋﻠﻴﺎ : ﺍﻟﻐﺰﺍﻝ ﺍﻷﺭﻳﻞ ..
ﺑﺮﻧﻴﻪ : ﺍﻳﻪ ﺻﺢ ﻳﻘﻮﻟﻮﺍ ﻓﻼﻧﻪ ﺳﻤﺤﻪ ﺯﻱ ﺍﻟﺮﻳﻼ ...
ﻋﻠﻴﺎ ﺑﻀﺤﻜﻪ : ﺻﺢ ...
ﺳﺎﺭﺓ : ﻭﺭﺍﺟﻞ ﺍﻟﺮﻳﻼ ﻣﺎﻳﺒﻴﺶ ﻳﺮﺗﺎﺡ ﺍﻟﻴﻮﻡ ﻛﻴﻒ ﻃﺎﻟﻊ ﻣﻦ ﺍﻟﻤﺴﺘﺸﻔﻰ ..
ﺍﻟﺤﺴﻦ ﻭﻫﻮ ﻳﺸﺒﺢ ﻟﻌﻠﻴﺎ ﺑﺮﻓﻌﺔ ﺣﺎﺟﺐ : ﻣﺎﻓﻴﺶ ﻣﻦ ﻣﻌﺪﻝ ﻋﻠﻴﺎ ﻭﻻﻣﺪﻭﺭﻧﻲ .. ﻭﻗﺎﻝ ﻧﻮﺽ ﺍﺭﺗﺎﺡ ..
ﻋﻠﻴﺎ ﺍﻧﺤﺮﺟﺖ ..
ﺑﺮﻧﻴﻪ : ﻧﻮﺽ ﻭﻟﺪﻱ ﺗﺮﻳﺢ .. ﻧﻮﺿﻲ ﻣﻌﺎﻩ ﺑﻨﻴﺘﻲ ..
ﻋﻠﻴﺎ ﺍﻧﺤﺮﺟﺖ ﻣﻦ ﺑﺮﻧﻴﻪ ﻧﺎﺿﺖ ﻭﻫﻮ ﻧﺎﺽ ..
ﻫﺎﻟﻪ ﺷﺪﺕ ﺿﺤﻜﺘﻬﺎ ﻭﺣﺴﺎﻥ ﻳﺸﻮﻓﻠﻬﺎ ..
ﻣﺸﻲ ﺍﻟﺤﺴﻦ ﻭﻋﻠﻴﺎ ﻭﺭﺍﻩ ....
ﻛﺎﻧﻮﺍ ﺳﺎﻛﺘﻴﻦ ﺍﻟﺰﻭﺯ ﻟﻴﻦ ﺧﺸﻮﺍ ﻣﻦ ﺍﻟﻔﺎﺻﻞ ..
ﻫﻮ ﻳﺮﻛﺐ ﻭﻫﻲ ﻭﺭﺍﻩ ... ﻟﻴﻦ ﻭﺻﻠﺖ ﻓﻲ ﺷﻘﺘﻬﻢ ﻓﺘﺤﺖ ﺍﻟﺒﺎﺏ ﻭﺧﺸﺖ ﻭﻫﻮ ﺧﺶ ﺑﻌﺪﻫﺎ ﻭﺳﻜﺮ ﺍﻟﺒﺎﺏ ...
ﺗﻮﺟﻪ ﻟﻠﻜﻨﺒﻪ .. ﻋﻠﻴﺎ ﺗﺸﺒﺤﻠﻪ ..
ﻋﻠﻴﺎ : ﺗﻌﺎﻟﻰ ﻟﻠﺪﺍﺭ ..
ﺍﻟﺤﺴﻦ ﺷﺒﺤﻠﻬﺎ : ﺣﺘﻰ ﻫﻨﻲ ﺑﺎﻫﻲ ...
ﻋﻠﻴﺎ : ﻻ ﻣﺶ ﺑﺎﻫﻲ .. ﻫﻴﺎ ﺗﻌﺎﻟﻰ ..
ﺍﻟﺤﺴﻦ ﻣﺎﺑﺎﺵ ﻳﻌﺪﻝ ﻋﻠﻴﻬﺎ .. ﺟﺎﺗﻪ ﺷﺪﺕ ﺍﻳﺪﻩ : ﻫﻴﺎ ﺗﻌﺎﻟﻰ ﺑﻼﻋﻨﺎﺩ ..
ﺍﻟﺤﺴﻦ ﻳﺸﺒﺢ ﻟﻌﻴﻮﻧﻬﺎ : ﻋﻼﺵ ﺍﻹﺳﺘﻜﺮﺍﺩ ..
ﻋﻠﻴﺎ : ﻣﺎﺍﺳﺘﻜﺮﺩﺕ ﺣﺪ
ﺍﻟﺤﺴﻦ : ﺗﻤﺎﻡ ﺑﺮﻱ ﺍﻧﺰﻟﻲ ﻟﻮﻃﺎ ﺗﻮ ﻧﺘﺤﻤﻞ ﻣﺴﺆﻭﻟﻴﺔ ﻧﻔﺴﻲ ﻣﺘﻌﻮﺩ ﻋﺎﺩﻱ ...
ﻋﻠﻴﺎ ﺷﺪﺕ ﺍﻳﺪﻩ ﺃﻛﺜﺮ ...
ﺍﻟﺤﺴﻦ ﺍﺑﺘﺴﻢ ﻭﺭﻓﻊ ﺣﺎﺟﺒﻪ : ﺷﻦ ﺗﺒﻲ ..
ﻋﻠﻴﺎ : ﺑﻨﻘﻌﺪ ﻣﻌﺎﻙ ...
ﺍﻟﺤﺴﻦ : ﻫﻬﻬﻬﻬﻬﻬﻬﻪ ﻃﻔﻠﻪ ﻭﺍﻟﻠﻪ ﻭﺍﻧﻲ ﻋﺠﺰﺕ ﻣﻌﺎﻙ ..
ﻋﻠﻴﺎﻭﻫﻲ ﺗﺤﻮﻟﻪ ﻓﻲ ﺍﺟﺎﻛﻪ : ﻫﻴﺎ ﺍﺭﻣﻲ ﺍﻟﺴﻮﺭﻳﻪ ﻭﺍﺭﻗﺪ ...
ﺍﻟﺤﺴﻦ ﺣﻮﻝ ﺍﻟﺴﻮﺭﻳﻪ ﻭﺗﻤﺪﺩ ﻉ ﺍﻟﻜﻨﺒﻪ ﻭﻋﻠﻴﺎﻗﻌﺪﺕ ﺟﻨﺒﻪ ..
ﺍﻟﺤﺴﻦ : ﻧﻄﻠﺐ ﻣﻨﻚ ﻃﻠﺐ ...
ﻋﻠﻴﺎ ﺑﺈﺑﺘﺴﺎﻣﻪ : ﺍﻃﻠﺐ ..
ﺍﻟﺤﺴﻦ : ﺍﺣﻤﻢ ... ﻣﻤﻜﻦ ﻧﺘﻮﺳﺪ ﺭﺟﻠﻚ ﻭﻧﺮﻗﺪ ..
ﻋﻠﻴﺎﺷﺒﺤﺘﻠﻪ ﻫﻠﺒﻪ ﻭﺍﺑﺘﺴﻤﺖ ﻭﻗﻌﻤﺰﺕ .. ﺣﻂ ﺭﺍﺳﻪ ﻉ ﺭﺟﻠﻬﺎ ﻭﻫﻲ ﺣﻄﺖ ﺍﻳﺪﻫﺎ ﻉ ﺷﻌﺮﻩ ﻭﻗﻌﺪﺕ ﺗﻤﺸﻲ ﻋﻠﻴﻪ ﻭﻫﻮ ﻳﺘﺄﻣﻞ ﻓﻴﻬﺎ ... ﻭﺧﻼﺹ ﺍﻟﻨﻮﻡ ﺑﻴﺎﺧﺪﻩ .. ﻣﺎﻳﺒﻴﺶ ﻳﻐﻤﺾ ﻋﻴﻮﻧﻪ ﻳﺒﻲ ﻳﻤﻠﻴﻬﻢ ﻣﻨﻬﺎ ..
ﺍﻟﺤﺴﻦ ﺑﻨﻈﺮﺍﺕ ﻋﺎﺷﻘﻪ ﻧﻌﺴﺎﻧﻪ : ﻧﺤﺒﻚ ﻳﺎﺭﻳﻼ 💖..
ﻋﻠﻴﺎ ﺍﺑﺘﺴﻤﺖ ﺑﺨﺠﻞ ﻭﻫﻮ ﺍﺑﺘﺴﻢ ﻭﺧﺪﺍﻩ ﺍﻟﻨﻮﻡ ...
***
ﻣﻄﻠﻘﻪ ﻳﺎﻋﻴﻞ ﻣﻄﻠﻘﻪ ..
ﻫﻼﻝ : ﻣﺶ ﺍﻭﻝ ﻭﻻﺍﺧﺮ ﻣﻄﻠﻘﻪ ﺗﺎﺧﺪ ﻋﺰﺍﺑﻲ .. ﻭﺑﻌﺪﻳﻦ ﻛﺎﻥ ﻣﻄﻠﻘﻪ ﺷﻨﻮ ﻳﻌﻨﻲ ..
ﺭﻣﻠﻪ : ﺑﻜﺮﻱ ﺍﻧﺖ ﻭﻧﺒﻲ ﻧﻔﺮﺡ ﺑﻴﻚ ﻣﻄﻠﻘﻪ ﻣﺶ ﺣﻨﺎﺧﺪﻟﻚ ﻟﻮ ﺗﻨﻘﺐ ﺍﻟﺴﻤﺎ ..
ﻫﻼﻝ ﻋﺼﺐ ﻉ ﺍﻵﺧﺮ : ﻭﺍﻧﺎ ﻛﺎﻥ ﻣﺎﺧﺬﻳﺘﻬﺎ ﻏﻴﺮﻫﺎ ﻣﺶ ﺣﻨﺎﺧﺪ .. ﻭﻃﻠﻊ ﻭﺧﻼﻫﻢ ..
ﺭﻣﻠﻪ ﺑﻀﻴﻖ : ﻳﺮﺿﻴﻚ ﻳﺎﻋﻤﺘﻲ ...
ﻗﻤﺮﺓ ﺳﺎﻛﺘﻪ ﻭﻣﺎﺑﺘﺶ ﺗﻌﻠﻖ ..
...
ﺗﻮﻗﻌﺘﻬﻢ ﺟﺎﻳﻴﻦ ﺑﻴﻔﺘﺤﻮﺍ ﺍﻟﻤﻮﺿﻮﻉ ﻭﻟﻤﺎ ﻋﺮﻓﻮﻧﻲ ﻣﻄﻠﻘﻪ ﻭﻭﺟﻮﻫﻢ ﺗﻐﻴﺮﺕ ﻭﺑﻠﻌﻮﺍ ﺍﻟﻠﻲ ﺑﻴﻘﻮﻟﻮﻩ ....
ﺑﺮﻧﻴﻪ : ﻫﻤﺎ ﺍﻟﺨﺎﺳﺮﻳﻦ ..
ﺍﻧﻌﺎﻡ ﺍﺑﺘﺴﻤﺖ ﺑﺤﺴﺮﺓ ...
.... ﻳﺘﺒﻊ
