#الحسن (الوطن عشق رجاله )
ﺍﻟﺠﺰﺀ ﺍﻟﺴﺎﺩﺱ ﻭﺍﻷﺭﺑﻌﻴﻦ 💗🌹
للكاتبة GomanFared
ﻗﺒﺮﺹ ..
ﻭﺍﻗﻔﻪ ﻉ ﺍﻟﺸﻂ ﺗﺘﻔﺮﺝ ﻋﻠﻴﻪ ﻛﻴﻒ ﻳﻌﻮﻡ ﻭﺟﻮﻩ ﻣﻠﻴﺢ ﻭﻫﻲ ﻗﺮﻳﺐ ﺗﺘﻔﺠﺮ ﻣﻦ ﺣﺎﺟﺘﻴﻦ ﺍﻭﻟﻬﻢ ﺍﻟﻐﻴﺮﺓ ﻹﻥ ﻓﻲ ﻫﻠﺒﻪ ﺑﻨﺎﺕ ﺣﻮﺍﻟﻴﻪ .. ﻭﺗﺎﻧﻴﻬﻢ ﺑﺮﻭﺩﻩ ﻭﻻﻛﺄﻧﻪ ﺻﺎﻳﺮ ﺷﻨﻲ ﻭﻛﺈﻥ ﻋﺮﻳﺲ ﺣﻖ ..
ﻋﻔﻮﺍ ..
ﺍﺑﺘﺴﺎﻡ ﺍﻟﺘﻔﺘﺖ ﻟﻘﺎﺗﻪ ﺷﺎﺏ ﻃﻮﻝ ﺑﻌﺮﺽ ﺍﻟﻌﻴﻮﻥ ﺍﻟﺰﺭﻕ ﻭﺍﻟﺸﻘﻮﺭﻳﻪ : ﺗﻔﻀﻞ ..
ﺍﻟﺸﺎﺏ : ﺍﻋﺘﺬﺭ ﻟﻜﻲ ﺣﻘﺎ ﻉ ﺍﻹﺯﻋﺎﺝ ﻭﻟﻜﻨﻲ ﺍﻋﺘﻘﺪ ﺑﺄﻧﻬﺎ ﺗﺨﺼﻚ .. ﻣﺪﻟﻬﺎ ﺗﺰﺩﺍﻥ ﺻﻐﻴﺮ ..
ﺍﺑﺘﺴﻤﺖ ﺑﺪﻫﺸﻪ : ﻧﻌﻢ ﻟﻲ .. ﺧﺪﺍﺗﻬﺎ .. ﺷﻜﺮﺍ ..
ﺍﻟﺸﺎﺏ : ﻫﻞ ﺍﻧﺘﻲ ﻋﺮﺑﻴﻪ؟
ﺍﺑﺘﺴﺎﻡ : ﻧﻌﻢ ..
ﺍﻟﺸﺎﺏ ﺍﺑﺘﺴﻢ : ﻣﺤﻈﻮﻅ ﺑﺎﻟﺘﻌﺮﻑ ﺍﻟﻴﻚ ..
ﻣﺎﺗﻨﺪﺭﻳﺶ ﻉ ﺭﻭﺣﻬﺎ ﺇﻻ ﻭﻫﻲ ﻭﺭﺍ ﻇﻬﺮﻩ ..
ﺑﻼﻝ : ﻣﺎﺫﺍ ﺗﺮﻳﺪ ..
ﺍﻟﺸﺎﺏ : ﺍﻫﻲ ﺻﺪﻳﻘﺘﻚ ..
ﺑﻼﻝ ﺑﻀﺤﻜﻪ ﻣﺘﻬﻜﻤﻪ : ﺯﻭﻭﺟﺘﻲ .. ﺯﻭﻭﻭﻭﻭﺟﺘﻲ ...
ﺍﻟﺸﺎﺏ : ﺍﻋﺘﺬﺭ ﺟﺪﺍ ... ﻭﻟﻒ ﻭﻣﺸﻲ ..
ﺍﺑﺘﺴﺎﻡ ﻋﺠﺒﻬﺎ ﺍﻟﺠﻮ ﻭﻛﺎﻧﺖ ﺗﻀﺤﻚ ﻭﻣﺠﺮﺩ ﺗﻠﻔﺖ ﺑﻼﻝ ﺗﺼﻨﻌﺖ ﺍﻟﻐﻀﺐ : ﺷﻦ ﺍﻟﺤﺮﻛﺎﺕ ﺍﻟﻬﻤﺠﻴﻪ ﻫﺎﺩﻱ ..
ﺑﻼﻝ ﺑﻐﻀﺐ : ﺑﺪﻝ ﻣﺎﺗﺴﺄﻟﻴﻨﻲ ﻉ ﺣﺮﻛﺎﺗﻲ ﺍﻟﻬﻤﺠﻴﻪ .. ﺟﺎﻭﺑﻴﻨﻲ ﻳﺎﺷﻴﺨﻪ ﻛﻴﻒ ﺗﻮﻗﻔﻲ ﻭﺍﺩﻗﻲ ﺣﻨﻚ ﻣﻊ ﻭﺍﺣﺪ ﺍﺟﻨﺒﻲ ﻋﻨﻚ ﻭﺍﻧﺘﻲ ﻣﺮﺍﺓ ﻣﺘﺰﻭﺟﻪ ..
ﺍﺑﺘﺴﺎﻡ ﺑﻌﺼﺒﻴﻪ : ﺍﺣﺘﺮﻡ ﻧﻔﺴﻚ .. ﻭﺗﻜﻠﻢ ﻛﻮﻳﺲ ..
ﺑﻼﻝ ﺑﻐﻀﺐ : ﺻﺎﺭ ﻫﻜﻲ .. ﺗﻤﺎﻡ .. ﻫﻲ ﺗﻌﺎﻟﻲ ﻧﻮﻟﻮﺍ ﻟﻠﻔﻨﺪﻕ ﻣﺮﺓ ﻭﺣﺪﻩ ..
ﺍﺑﺘﺴﺎﻡ ﺑﺘﺠﺎﻫﻞ : ﺑﺮﺍ ﺑﺮﻭﺣﻚ ..
ﺑﻼﻝ ﺑﺪﻭﻥ ﺗﺮﺩﺩ ﻭﻻﺗﻔﻜﻴﺮ ﻃﺒﻬﺎ ﻗﺎﻣﻬﺎ ﻉ ﻛﺘﻔﻪ ﻭﻣﺸﻲ ﺑﻴﻬﺎ ﻭﻫﻲ ﺑﺘﻤﻮﺕ ﻣﻦ ﺍﻟﺼﺪﻣﻪ ﻭﺍﻹﺣﺮﺍﺝ ..
ﺍﺑﺘﺴﺎﻡ : ﻧﺰﻟﻨﻲ ﺑﻼﻋﺎﺭ ..
ﺑﻼﻝ ﺑﻀﺤﻜﻪ : ﻋﺎﺩﻱ ﺑﺴﻮﻣﺘﻲ ﻫﺎﺩﻡ ﻣﺎﻳﺪﻭﺭﻭﺵ ﺑﺎﻟﻌﻜﺲ ﺗﻮﺍ ﺗﻠﻘﻴﻬﻢ ﻳﺘﺄﻣﻠﻮﺍ ﻓﻴﻨﺎ ﻭﻳﻘﻮﻟﻮﺍ ﻳﺎﺍﺍﺍﺍﻱ ﺍﺣﻠﻰ ﻛﻮﻭﺑﻞ .
ﺍﺑﺘﺴﺎﻡ ﺷﺎﺩﻩ ﺿﺤﻜﺘﻬﺎ ﺑﺎﻟﺴﻴﻒ ﺍﻣﺎ ﺑﻼﻝ ﻣﻜﻤﻞ ﺑﻴﻬﺎ ﻫﻜﻲ ﻭﻫﻮ ﻳﻀﺤﻚ ﻭﺟﻮﻩ ﻣﻠﻴﺢ ...
***
ﺍﻟﺴﺎﻋﻪ 10 ﻟﻴﻼ ﻓﻲ ﺣﻮﺵ ﺍﻟﻌﻴﻠﻪ ..
ﻻﺍﺍﺍﺍﺍﺍﺍﺍﺍﺍﺍﺍ ﻻﻫﻨﻲ ﻭﻳﺎﺳﺮ ..
ﻋﺎﺑﺪ : ﻭﻃﻲ ﺻﻮﺗﻚ ..
ﻭﺳﻴﻠﻪ : ﺗﻲ ﻣﻔﺮﻭﺽ ﺗﻘﻮﻟﻲ ﺍﻧﺪﺑﻲ ﻭﻋﻴﻄﻲ ﻉ ﻃﻴﺎﺡ ﺳﻌﺪﻱ
ﺑﻨﺘﻲ ﺍﻟﻠﻲ ﺯﻱ ﺍﻟﻌﺴﻞ ﻭﺑﻴﻀﺎ ﺗﻘﻮﻝ ﺷﻤﻌﻪ ﻧﻌﻄﻴﻬﺎ ﻟﻌﺒﺪ ..
" ﺳﺎﻣﺤﻮﻧﻲ ﺑﺲ ﻫﺎﺩﻱ ﻋﻘﻠﻴﻪ ﺑﻌﺾ ﺍﻟﻨﺎﺱ ﻓﻲ ﻣﺠﺘﻤﻌﻨﺎ .. ﻣﺘﺨﻠﻔﻴﻦ ﻭﺟﻬﻠﻪ ﻭﺳﻴﻠﻪ ﻧﻤﻮﺫﺝ "
ﺑﺮﻧﻴﻪ : ﻭﺍﻟﻠﻪ ﺍﻟﻌﻈﻴﻢ ﻣﺮﺍﺓ ﻋﻘﻠﻚ ﻓﻴﻪ ﻧﻘﺺ ﺑﺰﺍﻳﺪ ..
ﻭﺳﻴﻠﻪ؛ ﻃﺒﻌﺎ ﻣﺎﻫﻮ ﻛﻼﻡ ﺍﻟﺤﻖ ﻣﺎﻳﻌﺠﺐ ﺣﺪ ..
ﻋﺎﺑﺪ : ﻭﺳﻴﻴﻠﻪ ..
ﺍﻟﺤﺴﻦ ﻳﺸﺒﺢ ﻷﻣﻪ ﻭﻳﺘﻤﺎﻟﻚ ﻓﻲ ﻧﻔﺴﻪ ﺑﺎﻟﺴﻴﻒ ..
ﻭﺳﻴﻠﻪ : ﺍﻳﻪ ﻋﻴﻂ ﻋﻠﻴﺎ ﻓﺎﻟﺢ ﻛﺎﻥ ﻓﻴﺎ .. ﻳﺎﻧﺎﺱ ﺣﺴﻮﺍ ﺑﻴﺎ ﺍﻓﻬﻤﻮﻧﻲ .. ﻫﺎﺩﻱ ﺑﻨﺘﻲ ﻛﻴﻒ ﺗﺒﻮﻧﻲ ﻧﺮﺿﺎﻟﻬﺎ ﺗﺘﺰﻭﺝ ﻭﺍﺣﺪ ﺯﻱ ﻫﺬﺍ ... ﻳﺎﺳﺮ ﻗﻬﺎﻳﺮ ﻳﺎﺳﺮﻣﺶ ﺳﺎﺩ ﺧﻴﺒﺔ ﺧﻮﺗﻬﺎ ..
ﺍﻟﺤﺴﻦ : ﺍﻟﻠﻪ ﺍﻟﻤﺴﺘﻌﺎﻥ ..
ﺣﺴﺎﻥ ﺍﻟﻠﻲ ﺳﻤﻊ ﺍﻟﻨﻘﺎﺵ ﺑﺮﺍ ﺧﺶ : ﺧﻴﺒﺔ ﺷﻨﻮ .... ؟
ﻋﺎﺑﺪ : ﺣﺴﺎﻥ ﻭﻟﺪﻱ ﺍﻃﻠﻊ ..
ﺣﺴﺎﻥ ﺑﻌﺼﺒﻴﻪ : ﻻﻣﺶ ﺣﻨﻄﻠﻊ ﻗﺒﻞ ﻟﻨﻘﻮﻝ ﺍﻟﻠﻲ ﻋﻨﺪﻱ .. ﺍﻣﻲ ﺍﻧﻲ ﻋﺎﺭﻑ ﻛﻮﻳﺲ ﺍﻧﻚ ﻣﺎﺗﺤﺒﻴﻬﺎﺵ ﻭﻻﺗﺒﻴﻬﺎ .. ﻟﻜﻦ ﺃﻧﻲ ﻧﺤﺒﻬﺎ ﻭﻧﺒﻴﻬﺎ ﻭﻣﺎﻧﺮﺿﻰ ﻟﺤﺪ ﻳﻮﺻﻞ ﻓﻴﻬﺎ ﺑﻜﻠﻤﻪ ﻻﻓﻐﻴﺎﺑﻬﺎ ﻭﻻﻓﺤﻀﻮﺭﻫﺎ .. ﻭﻟﻮﺍﻧﺘﻲ ﺗﺸﻮﻓﻲ ﻓﻴﻬﺎ ﺧﻴﺒﻪ ﻳﺎﺭﻳﺘﻨﻲ ﺧﺎﻳﺐ ﻫﺎﻟﺨﻴﺒﻪ ﻣﻦ ﺯﻣﺎﻥ .. ﻭﻃﻠﻊ ﻭﺧﻼﻫﻢ ..
ﻭﺳﻴﻠﻪ ﺑﻀﺤﻜﻪ ﺗﻬﻜﻤﻴﻪ : ﻣﻮﻛﻠﻴﻨﻪ ﻭﻣﺸﺮﺑﻴﻨﻪ
ﺍﻟﺤﺴﻦ ﻧﺎﺽ : ﺑﻮﻱ ﺍﻟﻤﻮﺿﻮﻉ ﻋﻨﺪﻙ ﻭﺍﻧﺖ ﺷﻮﻑ ﺍﻟﻮﺿﻊ ﻭﻛﻠﻤﻨﻲ .. ﻭﻃﻠﻊ ..
ﺑﺮﻧﻴﻪ : ﻳﺎﺳﺮﻙ ﻣﻌﺎﻧﺪﻩ ﻭﺗﺴﻜﻴﺮ ﺭﺍﺱ ﺩﻳﺮﻱ ﻋﻘﻞ ﺭﺍﻙ ﻗﺎﻋﺪﻩ ﺗﺨﺴﺮﻱ ﻓﺼﻐﺎﺭﻙ ..
ﻭﺳﻴﻠﻪ : ﺻﻐﺎﺭﻱ ﺧﺎﺳﺮﺗﻬﻢ ﻣﻦ ﺯﻣﺎﻥ ..
ﺑﺮﻧﻴﻪ : ﺍﻟﻠﻪ ﻏﺎﻟﺐ ﺍﻟﻌﻘﻞ ﻣﻦ ﺭﺑﻲ ..
ﻭﺳﻴﻠﻪ : ﺍﻳﻪ ﻋﻨﺪﻙ ﺣﻖ ﻣﺎﻫﻮ ﻟﻮ ﻛﺎﻥ ﺍﺣﻔﺎﺩﻙ ﻣﺎﻛﺎﻧﺶ ﻫﺬﺍ ﻣﻮﻗﻔﻚ ..
ﺍﻧﺼﺪﻣﺖ ﺑﺮﻧﻴﻪ ﻭﻭﺟﻌﺘﻬﺎ ﻫﻠﺒﻪ ﻛﻠﻤﺔ ﻭﺳﻴﻠﻪ ﻭﻋﺎﺑﺪ ﻓﻨﺺ ﺑﺼﺪﻣﻪ ..
" ﻋﺎﺍﺍﺍﺑﺪ "
ﺍﻟﺘﻔﺘﻮﺍ ﻛﻠﻬﻢ ﻟﻤﺼﺪﺭ ﺍﻟﺼﻮﺕ ﻭﺯﺍﺩ ﺻﺪﻣﺘﻬﻢ ..
ﺍﻟﺤﺎﺝ ﻋﻠﻲ ﺑﺤﺪﻩ : ﺧﻮﺩ ﻣﺮﺗﻚ ﻭﺭﻭﺡ ..
ﻋﺎﺑﺪ ﺷﺪ ﻭﺳﻴﻠﻪ ﻣﻦ ﺫﺭﺍﻋﻬﺎ : ﻫﻴﺎﺍﺍ ..
ﻭﺳﻴﻠﻪ ﻣﺤﺮﺟﻪ ﻉ ﺍﻵﺧﺮ ﻣﻦ ﻋﻤﻬﺎ ﻭﻫﻤﺎ ﻃﺎﻟﻌﻴﻦ
ﺍﻟﺤﺎﺝ ﻋﻠﻲ : ﺑﺘﺠﻲ ﻳﺎﻋﺎﺑﺪ ﻣﺮﺓ ﺗﺎﻧﻴﻪ ﺗﻌﺎﻝ ﺑﺮﻭﺣﻚ ..
ﻗﺮﻳﺐ ﻣﺎﺗﺖ ﻭﺳﻴﻠﻪ ﻫﺎﻟﻤﺮﺓ ﻟﺰﻫﺎ ﻛﺒﻴﺮ ﺍﻟﻌﻴﻠﻪ ﺧﻼﺹ ..
ﻃﻠﻊ ﻋﺎﺑﺪ ﺑﻴﻬﺎ ﻃﻮﻝ ﻭﺑﺮﻧﻴﻪ ﺗﺸﺒﺢ ﻟﻠﺤﺎﺝ ﻋﻠﻲ ﺑﺄﻟﻢ ..
ﺍﻟﺤﺎﺝ ﻋﻠﻲ : ﺍﻟﻠﻲ ﻳﻮﺻﻞ ﻓﻴﻚ ﻫﺬﺍ ﺍﻟﻠﻲ ﻳﺴﺘﺤﻘﻪ .. ﻭﻟﻒ ﻭﻃﻠﻊ ﻭﻫﻲ ﺍﺑﺘﺴﻤﺖ ﻭﻃﻠﻌﺖ ﻭﺭﺍﻩ ...
***
ﺗﺎﻧﻲ ﻳﻮﻡ ...
ﻧﺰﻟﺖ ﻣﻦ ﺳﻴﺎﺭﺗﻬﺎ ﻣﺘﺠﻬﻪ ﻟﺸﺮﻛﻪ ﺟﺪﻳﺪﻩ ﻋﻨﺪﻫﺎ ﻓﻴﻬﺎ ﻣﻘﺎﺑﻠﻪ ﻋﻤﻞ ﺧﺸﺖ ﻭﻓﻲ ﻋﻴﻮﻥ ﺗﺮﺍﻗﺐ ﻓﻴﻬﺎ ... ﺑﻌﺪ ﺣﻮﺍﻟﻲ ﺳﺎﻋﺘﻴﻦ .
ﻃﻠﻌﺖ ﻭﻫﻲ ﻣﻀﺎﻳﻘﻪ ﺭﻓﻀﻮﻫﺎ ﺑﺮﻏﻢ ﺍﻥ ﻛﻞ ﺍﻟﻠﻲ ﻃﻠﺒﻮﻩ ﻋﻨﺪﻫﺎ ﻣﺎﻋﺪﺍ ﺷﺮﻁ ﻏﺮﻳﺐ ﻋﺠﻴﺐ ﺍﻧﻬﺎ ﺗﻜﻮﻥ ﻣﺘﺰﻭﺟﻪ ...
ﺗﻨﻬﺪﺕ ﺑﻀﻴﻖ ﻭﻫﻲ ﺗﻤﺸﻲ ﻣﺘﻮﺟﻬﻪ ﻟﺴﻴﺎﺭﺗﻬﺎ ﻟﻴﻦ ﺍﻋﺘﺮﺽ ﻃﺮﻳﻘﻬﺎ ﺷﺨﺺ ﻣﺎ ..
ﺧﻮﻟﻪ ﺑﻐﻀﺐ : ﺣﻮﻝ ﻣﻦ ﻗﺪﺍﻣﻲ ..
ﺳﻠﻴﻢ : ﻻ ...
ﺧﻮﻟﻪ : ﻗﺴﻤﺎ ﺑﺎﻟﻠﻪ ﻟﻮ ﻣﺎﺣﻮﻟﺖ ..
ﺳﻠﻴﻢ : ﺷﻦ ﺑﺪﻳﺮﻟﻲ ﺑﺘﺠﻴﺒﻠﻲ ﺟﻤﺎﻋﻪ ﻳﻬﺪﺩﻭﻧﻲ ﺯﻱ ﺍﻟﻤﺮﺓ ﺍﻟﻠﻲ ﻓﺎﺗﺖ ..
ﺧﻮﻟﻪ ﺍﺳﺘﻐﺮﺑﺖ ﺑﺲ ﺗﺠﺎﻫﻠﺖ ﻣﺎﻛﺎﻧﺶ ﺗﺒﻲ ﺗﻌﻄﻴﻪ ﻣﻦ ﻭﻗﺘﻬﺎ ﺛﺎﻧﻴﻪ ﺯﻳﺎﺩﻩ .. ﺣﻔﺎﺗﻪ ﻭﻣﺸﺖ ﺷﺪﻫﺎ ﻣﻦ ﺫﺭﺍﻋﻬﺎ ... ﻑ ﻫﺎﻟﻠﺤﻈﻪ ﻫﻮ ﻓﻲ ﺣﺪ ﻓﻚ ﺍﻳﺪﻩ ﻭﺑﻌﺪﻫﺎ .. ﻭﺧﻮﻟﻪ ﻓﺎﺗﺤﻪ ﻋﻴﻮﻧﻬﺎ ﻉ ﻭﺳﻌﻬﻢ ﻣﻦ ﺍﻟﺼﺪﻣﻪ ..
ﺭﻳﺎﺽ : ﺑﺘﺘﺤﺮﻙ ﻭﻻ ﻧﺠﻴﺐ ﻣﻦ ﻳﺤﺮﻛﻚ
ﺳﻠﻴﻢ : ﻳﺎﻋﻴﻨﻲ .. ﻣﻨﻮ ﻫﺬﺍ ﻳﺎﻣﺤﺘﺮﻣﻪ ..
ﺭﻳﺎﺽ ﺷﺪ ﻭﺟﻪ ﺳﻠﻴﻢ ﻭﻟﻔﻪ ﻟﻴﻪ : ﻛﻠﻤﻨﻲ ﺍﻧﻲ ..
ﺳﻠﻴﻢ ﺣﻮﻟﻪ ﻳﺪﻩ : ﺗﺮﺍ ﺯﻳﺪ ﻏﺎﺩﻱ ﺍﻣﻮﺭ ﺧﺎﺻﻪ ﻣﺎﻟﻴﻜﺶ ﻓﻴﻬﺎ ..
ﺭﻳﺎﺽ : ﺗﺮﺑﻄﻚ ﺑﻴﻪ ﺣﺎﺟﻪ ﻫﺬﺍ؟
ﺧﻮﻟﻪ ﻭﻫﻲ ﺗﺸﺒﺢ ﻟﺴﻠﻴﻢ ﺑﺤﻘﺪ : ﺍﻟﺤﻤﺪ ﻟﻠﻪ ﻻ ..
ﺭﻳﺎﺽ ﺍﺷﺮ ﺑﺈﺑﻬﺎﻣﻪ ﻉ ﺧﻮﻟﻪ : ﺳﻤﻌﺖ ﺳﻤﻌﺘﻬﺎ ﺷﻦ ﻗﺎﻟﺖ .. ﺗﺒﻲ ﻧﻌﺎﻭﺩﻟﻚ ..
ﺳﻠﻴﻢ : ﺑﺎﻫﻲ ﻳﺎﺧﻮﻟﻪ ﺍﻷﻳﺎﻡ ﺑﻴﻨﺎ .. ﺟﺎﻱ ﺑﻴﻤﺸﻲ
ﺭﻳﺎﺽ ﺷﺪﻩ : ﻭﺩﻳﻨﻲ ﻭﻣﺎ ﺍﻋﺒﺪ ﻣﺎﺯﺍﻝ ﺗﻔﻜﺮ ﻫﺎﻩ .. ﺗﻔﻜﺮ ﺗﻘﺮﺏ ﺟﻴﻬﺘﻬﺎ ﻧﺨﻠﻲ ﺣﺎﻟﻚ ﺯﻱ ﺣﺎﻟﻪ .. ﻭﺍﺷﺮﻟﻪ ﻉ ﻭﺍﺣﺪ ﻣﻬﺒﻮﻝ ﻣﺘﺸﺮﺩ ﻳﻨﻘﺰ ﻓﻲ ﺍﻟﺸﺎﺭﻉ .. ﺳﻠﻴﻢ ﺷﺒﺤﻠﻪ .. ﻭﻓﻚ ﺫﺭﺍﻋﻪ ﻣﻦ ﺭﻳﺎﺽ ﻭﻣﺸﻲ ...
ﻗﻌﺪﻭﺍ ﻣﻌﺎﻩ ﺧﻮﻟﻪ ﻭﺭﻳﺎﺽ ﺑﻌﻴﻮﻧﻬﻢ ﻟﻴﻦ ﺭﻛﺐ ﺳﻴﺎﺭﺗﻪ ﻭﻣﺸﻲ ..
ﺗﻠﻔﺖ ﺭﻳﺎﺽ ﻟﺨﻮﻟﻪ ﻭﻫﻲ ﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ ﻭﻧﻈﺮﺓ ﺣﺎﺩﻩ ..
ﺭﻳﺎﺽ ﺑﺈﺑﺘﺴﺎﻣﻪ : ﻣﺎﻓﻴﺶ ﺷﻜﺮ ...
ﺧﻮﻟﻪ ﺑﺤﺪﻩ : ﺷﻜﺮﺍ .. ﻭﺟﺖ ﺑﺘﻤﺸﻲ ﻭﻗﻒ ﻗﺪﺍﻣﻬﺎ ..
ﺧﻮﻟﻪ : ﺑﺎﻟﺪﻭﺭ ﻫﻮ ...
ﺭﻳﺎﺽ : ﻫﻬﻬﻬﻬﻬﻬﻪ ... ﺑﺲ ﺍﻧﻲ ﻓﻲ ﺑﻴﻨﻲ ﻭﺑﻴﻨﻚ ﺍﻣﺮ ﺧﺎﺹ .. ﻧﺮﺍﺟﻲ ﻓﺎﻟﺮﺩ ﻋﻠﻴﻪ ﻟﻴﺎ ﻭﻗﺖ ..
ﺧﻮﻟﻪ ﺷﺒﺤﺘﻠﻪ ﺑﻌﺪﻳﻦ ﺷﺒﺤﺖ ﻟﻤﺒﻨﻰ ﺍﻟﺸﺮﻛﻪ : ﻟﻴﻚ ﻋﻼﻗﻪ ﺑﺎﻟﻠﻲ ﺻﺎﺭ ﻫﻨﻲ ..
ﺭﻳﺎﺽ ﺍﺑﺘﺴﻢ ﺑﻤﻜﺮ : ﻣﻤﻜﻦ ..
ﺧﻮﻟﻪ ﺗﻨﺮﻓﺰﺕ : ﺗﻤﺎﻡ .. ﻣﺎﻻ ﺗﻔﻀﻞ ﺧﻮﺩ ﺍﻟﺮﺩ ﺍﻟﻠﻲ ﺗﺮﺍﺟﻲ ﻓﻴﻪ .. ﻗﺮﺑﺘﻠﻪ ﻭﺑﺈﺑﺘﺴﺎﻣﻪ ﻣﺴﺘﻔﺰﺓ .. ﻣﺎﻓﻴﺶ ﻧﺼﻴﻴﻴﺐ .. ﻭﺷﻘﻠﺒﺖ ﻋﻴﻮﻧﻬﺎ ﻭﻣﺸﺖ ﺭﻛﺒﺖ ﺳﻴﺎﺭﺗﻬﺎ ﻭﺗﺤﺮﻛﺖ ﻃﻮﻝ ...
ﺿﺤﻚ ﺭﻳﺎﺽ ﻭﺗﻮﺟﻪ ﻟﺴﻴﺎﺭﺗﻪ ﻭﺭﻛﺐ ﻭﻛﺎﻟﻌﺎﺩﻩ ﻟﺤﻘﻬﺎ 💗...
***
ﻫﺬﺍ ﺍﻟﻠﻲ ﺻﺎﺭ ﺑﺎﻟﺰﺑﻂ ..
ﺿﺎﺑﻂ ﺍﻟﺘﺤﻘﻴﻖ : ﻳﻌﻨﻲ ﺍﻧﺖ ﻣﺎﺷﻔﺖ ﺣﺪ ﻭﻻﺍﻱ ﻋﻼﻣﻪ ﺩﺍﻟﻪ ﻉ ﺍﻟﻤﻜﺎﻥ ﺍﻟﻠﻲ ﻛﻨﺖ ﻓﻴﻪ ...
ﺳﺮﻣﺪ : ﻫﺰ ﺭﺍﺳﻪ ﺑﺎﻟﻨﻔﻲ ...
ﺿﺎﺑﻂ ﺍﻟﺘﺤﻘﻴﻖ : ﺗﻌﺮﺿﺖ ﻟﺘﻬﺪﻳﺪﺍﺕ ﻣﻦ ﺍﻟﺒﻲ ..
ﺳﺮﻣﺪ : ﻻ ..
ﺿﺎﺑﻂ ﺍﻟﺘﺤﻘﻴﻖ : ﺑﺎﻩ ﺗﻬﺪﻳﺪﺍﺕ ﺍﻟﻠﻲ ﺗﻌﺮﺿﺘﻠﻬﺎ ﻣﻦ ﻣﻨﻮ ..
ﺳﺮﻣﺪ : ﻣﻦ ﺟﻤﺎﻋﻪ ﻣﺎﻧﻌﺮﻓﺶ ﻋﻨﻬﻢ ﺷﻲ ﻧﻬﺎﺋﻲ ..
ﺿﺎﺑﻂ ﺍﻟﺘﺤﻘﻴﻖ : ﻛﻴﻒ ؟ !!
ﺳﺮﻣﺪ ﺑﻀﺤﻜﻪ : ﻭﺍﻟﻠﻪ ﻫﺬﺍ ﺍﻟﻠﻲ ﺻﺎﺭ .. ﻛﻞ ﺍﻟﻠﻲ ﻧﻌﺮﻓﻪ ﺍﻥ ﺍﻟﻠﻲ ﻧﻘﻮﻝ ﻓﻴﻪ ﻓﺒﺮﻧﺎﻣﺠﻲ ﻣﺶ ﻋﺎﺟﺒﻬﻢ ﻭﺍﻟﻤﻌﻠﻮﻣﺎﺕ ﺍﻟﻠﻲ ﻧﻄﻠﻊ ﻓﻴﻬﺎ ﻋﻦ ﺍﻟﻔﺴﺎﺩ ﺿﺮﺗﻬﻢ ﻭﺍﻧﻲ ﺗﻜﻠﻤﺖ ﻉ ﻫﻠﺒﻪ ﺷﺨﺼﻴﺎﺕ ﻣﺶ ﻋﺎﺭﻑ ﻣﻦ ﻓﻴﻬﻢ ﺍﻟﻠﻲ ﺩﺍﺭ ﻓﻴﺎ ﻫﻜﻲ ..
ﺍﻟﻀﺎﺑﻂ : ﺍﻟﻜﻮﺑﺮﺍ ..
ﺳﺮﻣﺪ : ﻫﻬﻬﻬﻬﻬﻬﻬﻬﻬﻬﻪ
ﺍﻟﻀﺎﺑﻂ : ﻗﻠﺖ ﻧﻜﺘﻪ ..
ﺳﺮﻣﺪ : ﻫﺎﻹﺳﻢ ﺳﻤﻌﺖ ﺑﻴﻪ ﺍﻛﺜﺮ ﻣﻦ ﺍﺳﻤﻲ ﺧﻼﻝ 24 ﺳﺎﻋﻪ ﺍﻟﻠﻲ ﻓﺎﺗﺖ ... ﻣﺎﻧﻌﺮﻓﺎﺵ ﻭﻻ ﻋﻤﺮﻱ ﺳﻤﻌﺖ ﺑﻴﻪ ..
ﺍﻟﻀﺎﺑﻂ : ﺗﻤﺎﻡ .. ﻋﻨﺪﻙ ﺍﻱ ﺷﻲ ﺗﺎﻧﻲ ﺗﺒﻲ ﺍﺿﻴﻔﻪ ..
ﺳﺮﻣﺪ ﻭﻫﻮ ﺷﺒﻪ ﻧﺎﻋﺲ : ﻻﻻ ..
ﺍﻟﻀﺎﺑﻂ : ﻛﻮﻳﺲ .. ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ .. ﻳﺼﻴﺮ ﺟﺪﻳﺪ ﺑﻠﻐﻨﺎ ..
ﺳﺮﻣﺪ ﻳﻘﺎﻭﻡ ﻓﺎﻟﻨﻮﻡ : ﺣﺎﺿﺮ ..
ﺍﻟﻀﺎﺑﻂ ﺗﻮﺟﻪ ﻟﻠﺒﺎﺏ ﻭﻓﺘﺤﻪ ﻗﺎﺑﻠﻪ ﺍﻟﺤﺴﻦ ..
ﺍﻟﺤﺴﻦ : ﺷﻦ ﺻﺎﺭ ..
ﺍﻟﻀﺎﺑﻂ : ﻧﻔﺲ ﺍﻟﻜﻼﻡ ﺍﻟﻠﻲ ﻗﻠﺘﻬﻮﻟﻲ ..
ﺳﺮﻣﺪ ﺑﻀﺤﻜﻪ : ﺩﺍﻣﻪ ﻋﺎﻭﺩﻟﻚ ﺍﻟﻠﻲ ﻗﻠﺘﻪ ﺍﺗﻌﺒﻮﺍ ﻓﻴﺎ ﻋﻼﺵ ..
ﺍﻟﺤﺴﻦ : ﺧﻴﺮﻙ ﺗﻘﻮﻝ ﺑﺪﻭﺥ ..
ﺳﺮﻣﺪ : ﻧﺰﻝ ﻋﻠﻴﺎ ﺍﻟﻨﻮﻡ ﻓﺠﺄﻩ ..
ﺍﻟﺤﺴﻦ : ﺍﻟﺪﻭﺍ ﻓﻴﻪ ﻣﻨﻮﻡ ..
ﺳﺮﻣﺪ : ﺷﻜﻠﻪ ..
ﺍﻟﺤﺴﻦ : ﺗﻤﺎﻡ .. ﻫﻴﺎ ﻳﺎﻓﻨﺪﻱ .. ﻃﻠﻊ ﺍﻟﺤﺴﻦ ﻫﻮ ﻭﺍﻟﻀﺎﺑﻂ ﻭﺳﻜﺮ ﺍﻟﺒﺎﺏ ..
ﻭﺳﺮﻣﺪ ﺑﻴﺮﻗﺪ ..
ﻃﻘﻄﻘﻄﻖ ..
[ ﺍﻟﻜﺎﺗﺒﻪ ﺟﻤﺎﻥ : ﺳﺮﻣﺪ ..
ﺳﺮﻣﺪ ﻓﺘﺢ ﻋﻴﻮﻧﻪ ﻭﻳﺪﻭﺭ ..
ﺍﻟﻜﺎﺗﺒﻪ ﺟﻤﺎﻥ : ﺍﻧﻲ ﻧﻜﻠﻢ ﻓﻴﻚ ﻳﺎﺳﺮﻣﺪ ..
ﺳﺮﻣﺪﺑﻀﺤﻜﻪ : ﺍﻭﻭﻭﻭﻭ ﻳﺎﻣﺘﻌﺒﺘﻨﻲ ..
ﺍﻟﻜﺎﺗﺒﻪ ﺟﻤﺎﻥ : ﻫﻬﻬﻬﻬﻬﻪ ﺗﺴﺘﺎﻫﻞ ..
ﺳﺮﻣﺪ : ﺍﻟﻠﻪ ﻳﺴﺎﻣﺤﻚ ..
ﺍﻟﻜﺎﺗﺒﻪ ﺟﻤﺎﻥ : ﺍﻟﻤﻬﻢ ﺗﻮﺍ ﻳﺴﻠﻤﻮﺍ ﻋﻠﻴﻚ ﻣﺘﺎﺑﻌﺎﺕ ﺍﻟﺮﻭﺍﻳﻪ ﻫﻠﺒﻪ ..
ﺳﺮﻣﺪ : ﺳﻠﻤﻬﻢ ﺳﻠﻤﻴﻠﻲ ﻋﻠﻴﻬﻢ ﻧﻔﺮﺓ ﻧﻔﺮﺓ ..
ﺍﻟﻜﺎﺗﺒﻪ ﺟﻤﺎﻥ : ﻓﻲ ﻭﺣﺪﻩ ﻣﻨﻬﻢ ﻓﻀﻮﻟﻴﻪ ﻫﻠﺒﻪ ﺳﻤﺎﻫﺎ ﺳﺎﺭﺓ ﻋﻨﺪﻫﺎ ﺳﺆﺍﻝ ..
ﺳﺮﻣﺪ : ﺑﺮﻏﻢ ﺍﻧﻲ ﻣﺎﻧﺤﺒﺶ ﺍﻟﻔﻀﻮﻟﻴﻴﻦ ﻟﻜﻦ ﻳﻠﻼ ﻗﻮﻟﻴﻠﻲ ﺷﻨﻮ ﺳﺆﺍﻟﻬﺎ ...
ﺍﻟﻜﺎﺗﺒﻪ ﺟﻤﺎﻥ : ﺍﺣﻤﻢ .. ﺗﻌﺮﻑ ﻣﻦ ﻫﻮ ﺍﻟﻜﻮﺑﺮﺍ؟
ﺳﺮﻣﺪ : ﻫﻬﻬﻬﻬﻬﻬﻬﻪ ﺍﻗﻄﻊ ﺳﻴﺮﺗﻪ ﻭﺧﻼﺹ . ﻻﻧﻌﺮﻑ ﻛﻮﺑﺮﺍ ﻻﺣﻨﺶ .. ﺧﻠﻮﻧﻲ ﻧﺮﻗﺪ ﺑﺎﻟﻠﻪ ..
ﺍﻟﻜﺎﺗﺒﻪ ﺟﻤﺎﻥ : ﺑﺎﻩ ﺳﺆﺍﻝ ﺍﺧﻴﺮ ..
ﺳﺮﻣﺪ ﺑﻨﻔﺎﺫ ﺻﺒﺮﻭﺍﻟﻨﻮﻡ ﺑﻴﻐﻠﺒﻪ : ﺷﻨﻮﻭﻭ؟
ﺍﻟﻜﺎﺗﺒﻪ ﺟﻤﺎﻥ : ﺑﻴﻨﻲ ﻭﺑﻴﻨﻚ ﻭﺍﻟﻤﺘﺎﺑﻌﻴﻦ ﻭﺗﺄﻛﺪ ﺍﻥ ﺳﺮﻙ ﻓﻲ ﺑﻴﺮ .. ﻗﻮﻝ ﺍﻧﺖ ﺍﻟﻜﻮﺑﺮﺍ؟ ...
ﻻﺭﺩ
ﺍﻟﻜﺎﺗﺒﻪ ﺟﻤﺎﻥ : ﺳﺮﺭﻣﺪ ...
ﻻﺭﺩ
ﺍﻟﻜﺎﺗﺒﻪ : ﺳﺮﺭﺭﻣﺪ ... ﻳﺎﺳﺮﺭﻣﺪ ﻏﻴﺮ ﺟﺎﻭﺑﻨﻲ ﻗﺒﻞ ﺑﻌﺪﻳﻦ ﺍﺭﻗﺪ ..
ﻻﺭﺩ
ﺍﻟﻜﺎﺗﺒﻪ : ﺧﺴﺎﺍﺍﺭﺓ ﺭﻗﺪ .. ﻳﻠﻼ ﻣﺎ ﻋﻠﻴﻨﺎ ﺳﻴﻮﺭﻧﺎ ﻧﻌﺮﻓﻮﺍ ..
ﻫﻴﺎ ﻧﻄﻠﻌﻮﺍ ﻭﻧﺴﻜﺮﻭﺍ ﺍﻟﺒﺎﺏ .. ﻭﻃﻠﻌﻨﺎ ﻭﺳﻜﺮﻧﺎ ﺍﻟﺒﺎﺏ [😂
***
ﻣﻘﻌﻤﺰ ﻭﻣﺮﺑﻊ ﺍﻳﺪﻳﻪ ﻭﻳﺘﺄﻣﻞ ﻓﻲ ﺍﻟﺤﻴﻮﺍﻥ ﺍﻟﻐﺮﻳﺐ ﺍﻟﻤﺤﻄﻮﻁ ﻓﻲ ﺻﻮﻧﻴﻪ ﻗﺪﺍﻣﻪ ﻛﻴﻒ ﺑﻴﺎﻛﻠﻪ ﻭﻫﻲ ﺗﺸﺒﺤﻠﻪ ﻭﺷﺎﺩﻩ ﺿﺤﻜﺘﻬﺎ ..
ﺑﻼﻝ ﺷﺒﺤﻠﻬﺎ : ﺍﺿﺤﻜﻲ ﻣﺎﺗﺸﺪﻳﻬﺎﺵ ..
ﺍﺑﺘﺴﺎﻡ ﺑﻀﺤﻜﻪ : ﻋﻼﺵ ﻃﻠﺒﺘﻪ ﻣﻦ ﺍﻷﻭﻝ ..
ﺑﻼﻝ ﺑﻀﺤﻜﻪ ﻭﺭﻓﻌﺔ ﺣﺎﺟﺐ : ﻋﺠﺒﻨﻲ ﺍﻵﺳﻢ ﻧﺴﻤﻊ ﻓﻴﻪ ﺩﻳﻤﺎ ﻣﻦ ﺍﻟﻤﺴﻠﺴﻼﺕ ﻗﻠﺖ ﺧﻞ ﻧﻌﻴﺶ ﺍﻟﺪﻭﺭ ﻭﻧﺠﺮﺑﻪ ..
ﺍﺑﺘﺴﺎﻡ ﺑﻀﺤﻜﻪ : ﺗﺒﻴﻨﻲ ﻧﺴﺎﻋﺪﻙ ..
ﺑﻼﻝ ﺑﺮﻓﻌﺔ ﺣﺎﺟﺐ : ﺍﻟﻠﻲ ﺑﻴﺪﻳﺮ ﺍﻟﺨﻴﺮ ﻣﺎﻳﺸﺎﻭﺭﺵ ..
ﺷﺒﺤﺘﻠﻪ ﺑﻨﺺ ﻋﻴﻦ ﻭﺧﺪﺕ ﺍﻟﺼﻮﻧﻴﻪ ﻭﻗﻌﺪﺕ ﺗﻮﺭﻱ ﻓﻴﻪ ﻛﻴﻒ ﻳﺎﻛﻠﻪ ﻭﻫﻮ ﻋﻴﻮﻧﻪ ﺗﺘﺄﻣﻞ ﻓﻴﻬﺎ ﺑﺤﺐ ... ﻗﺎﻣﺖ ﻋﻴﻮﻧﻬﺎ ..
ﺍﺑﺘﺴﺎﻡ : ﺯﺑﻄﺘﻬﺎ ... ﺳﻜﺘﺖ ﻭﺟﻬﻬﺎ ﺍﺣﻤﺮ ... ﻋﻼﺵ ﺗﺸﺒﺤﻠﻲ ﻫﻜﻲ ﻣﺮﻳﺢ ﺣﺎﺟﻪ ﻓﻲ ﻭﺟﻬﻲ ..
ﺑﻼﻝ ﺑﺤﺐ : ﻣﺮﻳﺢ ﺭﻭﺣﻲ ﻓﻴﻚ ..
ﺍﺑﺘﺴﺎﻡ ﻗﻠﺒﻬﺎ ﻳﺪﻕ ﺑﻘﻮﺓ ﺗﺤﺎﻭﻝ ﻉ ﻗﺪ ﻣﺎﺗﻘﺪﺭ ﻣﺎﺗﻀﻌﻔﺶ ﻗﺪﺍﻣﻪ ﺑﺘﻬﻜﻢ ﺭﺩﺕ : ﺍﻟﻜﺬﺏ ﻣﺘﺎﻋﻚ ﻣﻌﺎﺵ ﻳﻔﻮﺕ ﻋﻠﻴﺎ ..
ﺑﻼﻝ : ﺍﻋﺘﺒﺮﻳﻪ ﺍﻟﻠﻲ ﺗﺒﻴﻪ ﺑﺲ ﺍﻧﻲ ﻟﻮ ﻛﺬﺑﺖ ﺣﺘﻰ ﻓﺈﺳﻤﻲ ﺣﺒﻲ ﻟﻴﻚ ﺍﻟﺤﺎﺟﻪ ﺍﻟﻮﺣﻴﺪﻩ ﺍﻟﻠﻲ ﻣﺴﺘﺤﻴﻞ ﻧﻜﺬﺏ ﻓﻴﻬﺎ ..
ﺍﺑﺘﺴﺎﻡ ﺑﺤﺪﻩ : ﺍﻟﺪﻭﺓ ﻫﺎﺩﻱ ﻛﻠﻬﺎ ﻣﺶ ﻣﻬﻤﻪ ﻋﻨﺪﻱ .. ﺍﻟﻤﻬﻢ ﺗﻮﺍ ﻣﺎﺯﺍﻝ ﻳﻮﻣﻴﻦ ﻭﻧﺮﻭﺣﻮﺍ ﺷﻦ ﺣﻴﺼﻴﺮ ﺑﺎﻟﺰﺑﻂ ..
ﺑﻼﻝ : ﻭﻟﻮ ﺍﻧﻲ ﻣﺎﻧﺘﻤﻨﺎﺵ ﺍﻧﺮﻭﺡ ... ﺑﺲ .. ﺍﻟﻠﻪ ﻏﺎﻟﺐ .. ﺍﻟﻤﻬﻢ ﺗﻮﺍ ﻉ ﻗﻮﻟﺘﻚ .. ﺍﺳﻤﻌﻴﻨﻲ ﻛﻮﻳﺲ .. ﻭﺭﻛﺰﻱ ﻣﻌﺎﻱ .. ﻭﻗﺒﻞ ﻛﻞ ﺷﻲ ﻧﺒﻴﻚ ﺗﻌﺮﻓﻲ ﺍﻥ ﺍﻟﺘﺮﺍﺟﻊ ﺣﻴﻜﻠﻔﻨﺎ ﻫﻠﺒﻪ ..
ﺍﺑﺘﺴﺎﻡ : ﺍﻃﻤﻦ ﻣﺶ ﺣﻨﺘﺮﺍﺟﻊ ﺍﻧﻲ ﺣﺎﺳﻤﻪ ﺍﻣﺮﻱ ..
ﺑﻼﻝ ﺍﺑﺘﺴﻢ : ﺗﻤﺎﻡ .. ﺍﺳﻤﻌﻲ ..........
***
ﺍﻟﺤﺴﻦ : ﺗﻔﻀﻠﻮﺍ ﻣﺮﺣﺒﺘﻴﻦ ﺑﻴﻜﻢ .. ﺗﻢ ..... ﻭﺻﻜﺮ ..
ﺧﺶ ﻟﻠﺤﻮﺵ ..
ﺍﻟﺤﺴﻦ : ﺣﻨﺎﻱ ...
ﺑﺮﻧﻴﻪ : ﻧﻌﻢ ..
ﺍﻟﺤﺴﻦ : ﻳﻨﻌﻢ ﻋﻠﻴﻚ .. ﺍﻟﻴﻮﻡ ﺑﻴﺠﻲ ﻫﻼﻝ ﻫﻮ ﻭﻋﻴﻠﺘﻪ ﻉ ﺧﺎﻃﺮ ﺳﺮﻣﺪ ﻭﻓﻨﻔﺲ ﺍﻟﻮﻗﺖ ﻟﻤﻮﺿﻮﻉ ﺍﻧﻌﺎﻡ ...
ﺑﺮﻧﻴﻪ ﺍﺑﺘﺴﻤﺖ : ﻣﺮﺣﺒﺘﻴﻦ ﺑﻴﻬﻢ ..
ﺍﻟﺤﺴﻦ ﻟﻒ ﺑﻴﻄﻠﻊ ﺍﻧﻔﺘﺢ ﺑﺎﺏ ﺍﻟﺤﻮﺵ ﺧﺸﻮﺍ ﻋﻠﻴﺎ ﻭﻫﺎﻟﻪ ﻭﻫﻤﺎ ﻳﻀﺤﻜﻮﺍ ...
ﺍﻟﺤﺴﻦ ﻧﺰﻝ ﻣﻦ ﺍﻟﺪﺭﻭﺝ : ﺍﺻﺼﺼﺼﺼﺺ ﻭﻃﻮﺍ ﺍﻟﺤﺲ ..
ﺳﻜﺘﻮﺍ ﺍﻟﺰﻭﺯ ﺑﺈﺣﺮﺍﺝ ...
ﺍﻟﺤﺴﻦ : ﺧﺸﻮﺍ ﺑﺴﺮﻋﻪ ﻧﻈﻤﻮﺍ ﺍﻣﻮﺭﻛﻢ ﻭﺍﻧﺰﻟﻮﺍ ﻟﻮﻃﺎ ﻭﺧﺸﻮﺍ ﻋﻮﻟﻮﺍ ﻣﻌﺎﻫﻢ ﻉ ﺍﻟﻐﺪﻱ ﻓﻲ ﻧﺎﺱ ﺑﺘﺠﻲ ..
ﻋﻠﻴﺎ : ﺣﺎﺿﺮ ... ﻫﺎﻟﻪ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﻭﻫﻤﺎ ﺧﺎﺷﺎﺕ ﺍﻟﺤﺴﻦ ﺷﺪ ﻋﻠﻴﺎ ﺷﺒﺢ ﻟﻬﺎﻟﻪ ﻟﻴﻦ ﺧﺸﺖ .. ﺧﺪﺍﻫﺎ ﻉ ﺍﻟﺘﺮﻛﻴﻨﻪ ﻭﻫﻮ ﻳﺸﻮﻑ ﻫﻨﻲ ﻭﻫﻨﻲ ..
ﻋﻠﻴﺎ ﺑﻀﺤﻜﻪ : ﺧﻴﺮﻙ ..
ﺍﻟﺤﺴﻦ ﺑﺎﺳﻬﺎ ﺑﻮﺳﻪ ﻃﻮﻳﻴﻴﻴﻠﻪ ﻭﺑﻌﺪ : ﺍﻟﻐﺪﻱ ﺑﺎﺯﻳﻦ .. ﺩﻳﺮﻳﻪ ﺍﻧﺘﻲ ..
ﻋﻠﻴﺎ ﺑﻌﺸﻖ : ﺑﺎﻩ ... ﺑﺎﺳﻬﺎ ﻣﻦ ﺧﺪﻫﺎ .. ﻭﺧﺮ ﺧﻄﻮﺍﺕ ﻭﻫﻮ ﻳﺸﻮﻓﻠﻬﺎ ﺍﺑﺘﺴﻢ ﻉ ﺟﻨﺐ ﻭﻟﺒﺲ ﻧﻈﺮﺍﺗﻪ .. ﻭﻟﻒ ﻭﻃﻠﻊ ..
ﺍﻣﺎ ﻫﻲ ﻓﻜﺎﻧﺖ ﺗﺘﺤﺴﺲ ﻓﻲ ﺧﺪﻭﺩﻫﺎ ﺑﺨﺠﻞ ﻭﺭﻛﺒﺖ ﺍﻟﺪﺭﻭﺝ 💗
***
ﻗﻠﺘﻠﻲ ﺑﻠﻐﺘﻨﻲ ﺣﺎﺟﻪ ﺯﻱ ﻫﺎﺩﻱ ﻻﺯﻡ ﻳﻜﻮﻥ ﻋﻨﺪﻱ ﺑﻴﻬﺎ ﻋﻠﻢ
ﺍﻟﻔﻬﺪ : ﺍﻫﻠﻚ ﺭﻓﻀﻮﺍ ..
ﺟﻨﺎﻥ ﺣﺎﻃﻪ ﺍﻳﺪﻫﺎ ﻉ ﺟﺒﻬﺘﻬﺎ : ﻣﺤﻤﺪ ﺍﻧﻲ ﻣﺎﻗﻠﺘﺶ ﻫﻜﻲ ..
ﺍﻟﻔﻬﺪ : ﻋﻄﻴﻬﺎﻟﻲ ﻣﻦ ﺍﻻﺧﻴﺮ ﻳﺎﺟﻨﺎﻥ ..
ﺟﻨﺎﻥ ﺑﻠﻌﺖ ﺭﻳﻘﻬﺎ : ﻣﺤﻤﺪ ﺍﺳﻤﻌﻨﻲ ....
ﻗﺎﻃﻌﻬﺎ : ﺧﻼﺹ ﻣﺎﻓﻴﺶ ﺩﺍﻋﻲ ﻟﻸﺧﺪ ﻭﺍﻟﺮﺩ .. ﻣﺎﻓﻴﺶ ﻧﺼﻴﺐ ﺑﻴﻨﺎﺗﻨﺎ ﺍﺳﺎﺳﺎ ﺍﻟﺤﻜﺎﻳﻪ ﻭﺍﺿﺤﻪ ﻣﻦ ﺃﻭﻟﻬﺎ .. ﻏﻴﺮ ﺍﻧﻲ ﻭﻳﺎﻙ ﺍﻟﻠﻲ ﻛﻨﺎ ﻣﺴﻜﺮﻳﻦ ﻋﻴﻮﻧﻨﺎ ﻳﻠﻼ ﻣﻌﺮﻓﺔ ﺧﻴﺮ ﻭﺳﺎﻣﺤﻴﻨﻲ ..
ﺟﻨﺎﻥ ﺑﻐﻀﺐ ﻣﻤﺰﻭﺝ ﺑﺎﻷﻟﻢ : ﺟﺒﺎﻥ ... ﻭﻣﺘﺮﺩﺩ ... ﻳﺎﺧﺴﺎﺭﺓ ﺍﻟﺮﺗﺒﻪ ﺍﻟﻠﻲ ﻭﺍﺧﺪﻫﺎ ﻭﺍﻟﺴﻤﻌﻪ ﺍﺍﻟﻠﻲ ﻋﻨﺪﻙ .. ﻣﺤﻤﺪ ﺍﻟﻔﻬﺪ ﺍﻷﺳﻮﺩ .. ﺍﻟﻠﻲ ﺩﻣﺮ ﺍﻹﺭﻫﺎﺏ ﻭﺟﻼ ﺍﻹﺭﻫﺎﺑﻴﻴﻦ ﻣﻦ ﺍﻟﺒﻼﺩ .. ﻣﺶ ﻗﺎﺩﺭ ﻳﺤﺎﺭﺏ ﻉ ﺧﺎﻃﺮ ﺍﻟﺒﻨﺖ ﺍﻟﻠﻲ ﻳﺤﺒﻬﺎ .. ﻟﻜﻦ ﺗﻌﺮﻑ ﺷﻨﻮ .. ﺍﻧﻲ ﺍﻛﺘﺸﻔﺖ ﺗﻮﺍ ﺍﻧﻲ ﻣﺎﻟﻴﺶ ﻗﻴﻤﻪ ﻋﻨﺪﻙ ﻭﻻﻋﻤﺮﻙ ﺣﺒﻴﺘﻨﻲ ﻣﻦ ﺍﻷﺳﺎﺱ .. ﺍﺳﻔﻪ ﺟﺪﺍ ﻉ ﻭﻗﺖ ﺍﻟﻠﻲ ﺿﻴﻌﺘﻪ ﻣﻌﺎﻙ ... ﺻﻜﺮﺕ .. ﻭﺩﻣﻮﻋﻬﺎ ﻧﺰﻟﻮﺍ ﻭﺑﺪﺕ ﺗﺒﻜﻲ ﺑﺤﺮﻗﻪ ..
ﺍﻣﺎ ﻫﻮ ﻓﻜﺎﻥ ﻣﻘﻌﻤﺰ ﻓﻲ ﻣﻜﺘﺒﻪ ﻭﻣﺼﺪﻭﻡ ﻫﻠﺒﻪ ﻭﻭﺟﻌﻪ ﻛﻼﻣﻬﺎ ﻹﻧﻪ ﺣﻖ .. ﺑﺲ ﻫﻮ ﻳﺤﺒﻬﺎ ﻫﻠﺒﻪ ﻭﻣﻦ ﺣﺒﻪ ﻟﻴﻬﺎ ﻣﺎﻳﺒﻴﻬﺎﺵ ﺗﻌﺎﻧﻲ ﺑﺴﺒﺒﻪ ﺯﻱ ﻣﺎﻋﺎﻧﺖ ﺍﻣﻪ ..
ﺭﻥ ﺗﻠﻴﻔﻮﻥ ﻣﻜﺘﺒﻪ ﺭﺩ ﺑﺎﻟﺴﻴﻒ : ﻧﻌﻢ ﻳﺎﻓﻨﺪﻱ .... ﺍﻳﻪ ﻋﻨﺪﻱ ... ﺗﻢ ﺟﺎﻱ ﻓﻮﺭﺍ .. ﻭﺳﻜﺮ ....
ﻓﺘﺢ ﺍﻟﻘﺠﺮ ﻣﺘﺎﻉ ﻣﻜﺘﺒﻪ ﺑﺶ ﻳﻄﻠﻊ ﻣﻨﻪ ﻣﻠﻒ ﻭﺍﺣﺪ ﻣﻦ ﺍﻟﺪﻭﺍﻋﺶ ﻛﺎﻥ ﻣﻦ ﺍﻟﻤﺴﺆﻭﻟﻴﻦ ﻋﻦ ﺗﺠﺎﺭﺓ ﺍﻟﻤﺨﺪﺭﺍﺕ ﺍﻟﻠﻲ ﻳﻤﺎﺭﺱ ﻓﻴﻬﺎ ﻓﺮﻉ ﺍﻟﺘﻨﻈﻴﻢ ﻓﻠﻴﺒﻴﺎ ﺍﺳﻤﻪ ﻋﺰ ﺍﻟﺪﻳﻦ ﺍﺩﺭﻳﺲ ﻣﻠﻘﺐ ﺑﺄﺑﻮ ﺍﻟﺨﻨﺴﺎﺀ .. ﺍﻧﺼﺪﻡ ﻟﻤﺎ ﻣﺎﻟﻘﺎﺵ ﺍﻟﻤﻠﻒ ﻗﻌﺪ ﻳﺪﻭﺭ ﻭﻳﺪﻭﺭ .. ﺩﻭﺭ ﺍﻟﻤﻜﺘﺐ ﺷﺒﺮ ﺷﺒﺮ ﻣﺎﻟﻘﺎﺵ ﺍﻟﻤﻠﻒ .. ﻓﺺ ﻣﻠﺢ ﺫﺍﺏ ..
ﺍﻟﻔﻬﺪ " ﻣﺼﻴﺒﺔ ﻛﺒﻴﺮﺓ ..."
***
ﺑﻌﺪ ﺍﻟﻈﻬﺮ ..
ﺍﻟﺤﺴﻦ : ﺗﻔﻀﻠﻮﺍ ﺗﻔﻀﻠﻮﺍ ..
ﺧﺶ ﻫﻼﻝ ﻣﻊ ﺍﻣﻪ ﻭﺣﻨﺎﻩ ... ﺩﺧﻞ ﺍﻟﺤﺴﻦ ﻫﻼﻝ ﻟﻠﻤﺮﺑﻮﻋﻪ .. ﻭﺑﺮﻧﻴﻪ ﺍﺳﺘﻘﺒﻠﺖ ﺍﻡ ﻫﻼﻝ ﻭﺣﻨﺎﻩ ..
ﻓﻲ ﺍﻟﻜﻮﺟﻴﻨﻪ ..
ﻛﺎﻧﺖ ﻋﻠﻴﺎ ﻻﻫﻴﻪ ﺑﺎﻟﺒﺎﺯﻳﻦ ﻭﺗﺬﻛﺮ ﻓﻲ ﺍﻟﺤﺴﻦ ﻛﻴﻒ ﻃﻠﺒﻪ ﻣﻨﻬﺎ ﺗﺘﻨﻬﺪ ﻭﺗﺒﺘﺴﻢ ﺑﺤﺐ .. ﻭﺍﻧﻌﺎﻡ ﻣﺮﻛﺰﺓ ..
ﺍﻧﻌﺎﻡ ﺑﻀﺤﻜﻪ : ﺧﻴﺮﻙ ﺗﺘﻨﻬﺪﻱ ﻭﺗﻀﺤﻜﻲ ﻭﺍﻧﺘﻲ ﺗﻌﺼﺪﻱ ..
ﻋﻠﻴﺎ ﻭﻭﺟﻬﻬﺎ ﺍﺣﻤﺮ : ﻋﺎﺩﻱ ..
ﺍﻧﻌﺎﻡ ﻭﻫﻲ ﻣﻀﻴﻘﻪ ﻋﻴﻮﻧﻬﺎ ﻭﺗﻀﺤﻚ : ﻋﺎﺩﻱ ﺻﺎﺭ ..
ﻫﺎﻟﻪ ﺑﻀﺤﻜﻪ : ﺧﻠﻴﻚ ﻣﻨﻬﺎ ﻭﻓﻜﺮﻱ ﻓﻀﻴﻮﻓﻨﺎ ﺍﻟﻠﻲ ﺑﺮﺍ ﻭﻏﻤﺰﺗﻠﻬﺎ .
ﻋﻠﻴﺎ ﺑﻀﺤﻜﻪ : ﺗﻮ ﺑﺘﺘﻨﻬﺪ ﻭﺗﻀﺤﻚ ﺣﺘﻰ ﻫﻲ ..
ﻫﺎﻟﻪ ﻭﺍﻧﻌﺎﻡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻧﻌﺎﻡ ﺑﺈﺣﺮﺍﺝ : ﺧﻼﺹ ﺍﺳﻜﺘﻮﺍ ﻣﻦ ﻏﻴﺮ ﺷﻲ ﻣﺘﻮﺗﺮﺓ ..
ﻫﺎﻟﻪ ﺑﺈﺑﺘﺴﺎﻣﻪ : ﺭﺑﻲ ﻳﺘﻤﻢ ﻉ ﺧﻴﺮ ..
ﻋﻠﻴﺎ : ﺁﺍﺍﺍﻣﻴﻦ ..
***
ﻃﻠﻌﺖ ﻣﻦ ﻋﻴﻨﻬﺎ ..
ﺳﺮﻣﺪ ﺑﻀﺤﻜﻪ : ﻋﻤﺮ ﺍﻟﺸﻘﻲ ﺑﻘﻲ " ﺑﺎﻟﻤﺼﺮﻱ ﻗﺎﻟﻬﺎ "
ﻫﻼﻝ ﺑﻀﺤﻜﻪ : ﻣﺎﻋﺮﻓﺘﻮﺵ ﻣﻦ ﻭﺭﺍﻫﺎ ..
ﺍﻟﺤﺴﻦ : ﺗﺲ ...
ﻫﻼﻝ : ﻭﺍﻧﺖ ﺗﻮﺍ ﺷﻦ ﻧﺎﻭﻱ ﺍﺩﻳﺮ ﺑﻌﺪ ﺍﻟﻄﺮﻳﺤﻪ ﺍﻟﻠﻲ ﻛﻠﻴﺘﻬﺎ ..
ﺳﺮﻣﺪ : ﺑﺎﻗﻲ ﻭﺍﺗﻤﺪﺩ .. ﻭﺗﻮ ﻧﺨﻠﻴﻬﻢ ﻳﻌﺮﻓﻮﺍ ﻛﻮﻳﺲ ﻣﻦ ﻫﻮ ﺳﺮﻣﺪ ﺍﻟﺼﺎﺩﻕ ..
ﺍﻟﺤﺴﻦ : ﻫﺪﻱ ﻫﺪﻱ .. ﺗﻮﺍ ﺍﻟﻬﻰ ﺑﺼﺤﺘﻚ ﺑﺲ ..
ﺳﺮﻣﺪ ﺿﺤﻚ : ﺷﻦ ﺍﻟﻐﺪﻱ ..
ﺍﻟﺤﺴﻦ ﺍﺑﺘﺴﻢ ﻉ ﺟﻨﺐ : ﺑﺎﺯﻳﻦ ..
ﻫﻼﻝ ﻭﺑﺼﻮﺕ ﻣﻤﻴﺰ : ﻧﺎﺑﻴﺪﻱ ﺷﻤﻴﺖ ﺍﻟﺒﻨﻪ ﻣﺘﺎﻋﻪ ..
ﺍﻟﺤﺴﻦ ﺿﺤﻚ ..
ﺳﺮﻣﺪ ﺿﻴﻖ ﻋﻴﻮﻧﻪ ﺑﺘﺴﺎﺅﻝ : ﻧﺒﺮﺓ ﺻﻮﺗﻚ ﻫﺎﺩﻱ ﺭﻛﺰﺕ ﻋﻠﻴﻚ ﺗﺘﻜﻠﻢ ﺑﻴﻬﺎ ﻟﻤﺎ ﺗﻘﻮﻝ ﻓﻲ ﺟﻤﻠﺔ " ﻧﺎﺑﻴﺪﻱ "
ﻫﻼﻝ ﺷﺒﺢ ﻟﻠﺤﺴﻦ : ﻫﻬﻬﻬﻬﻬﻬﻬﻪ ﻟﻴﺎ ﻣﻌﺎﻫﺎ ﺫﻛﺮﻳﺎﺕ ﺣﻠﻮﺓ ﻭﺍﺟﺪ ..
ﺳﺮﻣﺪ : ﺍﻫﺎ ...
***
ﺍﻧﻲ ﺣﻄﻴﺘﻚ ﺍﻧﺖ ﺍﻟﻤﺴﺆﻭﻝ ﻋﻦ ﻣﻠﻔﻪ ﻛﻴﻒ ﻳﺮﻳﺢ ﻣﻨﻚ ﺑﺒﺴﺎﻃﻪ ﻭﺍﻧﺖ ﻋﺎﺭﻑ ﺧﻄﻮﺭﺗﻪ ..
ﺍﻟﻔﻬﺪ : ﻣﺶ ﻋﺎﺭﻑ ﻛﻴﻒ ﺻﺎﺭ ﻫﻜﻲ .. ﺍﻧﻲ ﻣﻜﺘﺒﻲ ﺩﻳﻤﺎ ﻧﻘﻌﺪ ﻓﻴﻪ ﻭﻟﻮ ﻃﻠﻌﺖ ﻧﺴﻜﺮﻩ ﺑﺎﻟﻤﻔﺘﺎﺡ .. ﻭﻣﺎﺣﺪ ﻋﻨﺪﻩ ﻣﻨﻪ ﻧﺴﺨﻪ ﻣﻦ ﺍﻟﻤﻔﺘﺎﺡ .. ﺍﺻﻼ ﺍﻟﻤﻔﺘﺎﺡ ﻟﻴﻪ ﻧﺴﺨﻪ ﻭﺣﺪﻩ ﻭﻋﻨﺪﻱ ﻓﻲ ﺍﻟﺤﻮﺵ ..
ﺭﺋﻴﺴﻪ : ﺍﻟﻠﻲ ﻧﻌﺮﻓﻪ ﺍﻥ ﻫﺎﻟﻤﻠﻒ ﻳﻄﻠﻊ ... ﻟﻮ ﻃﺎﺡ ﻓﻴﺪ ﺣﺪ ﺗﺎﻧﻲ ﻳﻌﻨﻲ ﺍﻟﻠﻲ ﺩﺭﻧﺎﻩ ﺍﻟﻤﺪﻩ ﺍﻟﻠﻲ ﻓﺎﺗﺖ ﺣﻴﻤﺸﻲ ﻫﺒﺎﺀﺍ ﻣﻨﺜﻮﺭﺍ .. ﻣﺤﻤﺪ ﺍﻧﺖ ﺍﻟﻤﺴﺆﻭﻝ ﻗﺪﺍﻣﻲ ﻭﺣﺘﺘﺤﺎﺳﺐ ﻟﻮ ﺍﻟﻤﻠﻒ ﻫﺬﺍ ﻃﺎﺡ ﻓﻲ ﻳﺪ ﺍﻟﻄﺮﻑ ﺍﻟﻠﻲ ﺍﻧﻲ ﻭﻳﺎﻙ ﻧﻌﺮﻓﻮﻩ ﻛﻮﻳﺲ ..
ﺍﻟﻔﻬﺪ ﺑﺄﺳﻒ : ﻭﺍﻧﻲ ﻣﺴﺘﻌﺪ ﻧﺘﺤﻤﻞ ﺍﻟﻤﺴﺆﻭﻟﻴﻪ .. ﺍﺩﻯ ﺍﻟﺘﺤﻴﻪ ﻭﻃﻠﻊ ...
***
ﻻﺑﺲ ﺳﻮﺭﻳﻪ ﺑﻴﻀﺎ ﻭﺳﺮﻭﺍﻝ ﺟﻴﻨﺰ ﺍﺯﺭﻕ ﻭﺟﻬﻪ ﺧﺎﻟﻲ ﻣﻦ ﺍﻟﺸﻌﺮ ﻻﺑﺲ ﻧﻈﺮﺍﺕ ﻃﺒﻴﻪ ﻭﻣﺎﺷﻂ ﺷﻌﺮﻩ ﻟﻠﺨﻠﻒ ﺑﺎﻟﺠﻞ .. ﺧﺶ ﻟﻤﺒﻨﻰ ﻓﻨﺪﻕ ﻛﺒﻴﺮ .. ﺳﺄﻝ ﻋﻦ ﻏﺮﻓﻪ ﻭﻋﻄﻮﻩ .. ﺧﺪﻱ ﻛﺮﺕ ﺍﻟﻐﺮﻓﻪ ﻭﺗﻮﺟﻪ ﻟﻸﺻﻨﻴﺼﻴﺮ ﺭﻛﺒﻪ ﻭﺭﻓﻌﻪ ﻟﻠﺪﻭﺭ ﺍﻟﻤﻄﻠﻮﺏ .. ﻭﺻﻞ ﻭﺗﻮﺟﻪ ﻟﻐﺮﻓﺘﻪ ﺑﻌﺪ ﺑﺤﺚ ﻟﻘﻲ ﺍﻟﻐﺮﻓﻪ ﻓﺘﺤﻬﺎ ﺑﺎﻟﻜﺮﺕ ﻭﺧﺶ .. ﺍﻭﻝ ﻣﺎﺻﻜﺮ ﺍﻟﺒﺎﺏ ﺭﻥ ﺗﻠﻴﻔﻮﻧﻪ .. ﺭﺩ
: ﺍﻳﻮﻩ ..
ﻣﻨﺬﺭ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﻳﺎﻋﺰ ﺍﻟﺪﻳﻦ ﻭﻻﻧﻘﻮﻟﻚ ﻳﺎﻟﺆﻱ ...
ﻋﺰﺍﻟﺪﻳﻦ : ﺍﻟﺪﻛﺘﻮﺭ ﻟﺆﻱ ﻟﻮﺳﻤﺤﺖ ...
ﻣﻨﺬﺭ : ﻫﻬﻬﻬﻬﻬﻬﻬﻬﻬﻪ ﻋﺸﺖ ﺍﻟﺪﻭﺭ ﻛﻮﻳﺲ ﻛﻮﻳﺲ .. ﺍﻟﻤﻬﻢ ﺍﻟﻠﻴﻠﻪ ﺣﻨﺠﻴﻚ ﻭﻧﺘﻔﺎﻫﻤﻮﺍ
ﻋﺰﺍﻟﺪﻳﻦ : ﺑﺘﺠﻲ ﺑﺮﻭﺣﻚ ﻭﻻ ﻣﻌﺎﻙ ﺍﻟﺮﺍﺱ ..
ﻣﻨﺬﺭ : ﺍﻟﻤﺮﺓ ﻫﺎﺩﻱ ﺑﺮﻭﺣﻲ ﻣﺮﺓ ﺗﺎﻧﻴﻪ ﻫﻮ ...
ﻋﺰ ﺍﻟﺪﻳﻦ : ﺗﻢ .. ﻧﺴﺘﻨﻰ ﻓﻴﻚ .. ﻭﺻﻜﺮ ..
***
ﻃﻠﻊ ﻭﺳﻴﺐ ﺿﻴﻮﻓﻪ ﺑﻌﺪ ﺟﺎﺗﻪ ﺭﺳﺎﻟﻪ ﻣﺤﺘﻮﺍﻫﺎ ﻳﻘﻮﻝ
( ﺍﺭﺟﻮﻙ ﻧﺒﻲ ﻧﺸﻮﻓﻚ ﺿﺮﻭﺭﻱ ﺍﻟﻴﻮﻡ .... ﻧﻬﻠﻪ )
ﻣﺸﻲ ﻟﺘﺮﻛﻴﻨﻪ ﻣﺴﺘﺨﻄﻴﻪ ... ﻭﺍﺗﺼﻞ ﺑﺘﻠﻴﻔﻮﻧﻪ ﺍﻟﺘﺎﻧﻲ ..
ﺍﻟﺤﺴﻦ : ﺍﻳﻮﻩ ..
ﻧﻬﻠﻪ : ﻛﻮﻳﺲ ﺍﻧﻲ ﺣﺼﻠﺘﻚ ﺍﺳﻔﻪ ﺗﻮﺍﺻﻠﺖ ﻣﻌﺎﻙ ﻉ ﺭﻗﻤﻚ ﺍﻟﺘﺎﻧﻲ ﺑﺲ ﻣﺎﻛﺎﻧﺶ ﺑﻴﺪﻱ ﻏﻴﺮ ﻫﻜﻲ .. ﺗﻠﻴﻔﻮﻧﻲ ﻫﺬﺍﻛﺎ ﺍﺿﻄﺮﻳﺖ ﻧﺘﺨﻠﺺ ﻣﻨﻪ ..
ﺍﻟﺤﺴﻦ : ﺍﻭﻝ ﺷﻲ ﺍﻧﺘﻲ ﺑﺄﻱ ﺗﻠﻴﻔﻮﻥ ﺗﻜﻠﻤﻲ ﻓﻴﺎ ..
ﻧﻬﻠﻪ : ﺷﺮﻳﺖ ﺷﻔﺮﺓ ﺟﺪﻳﺪﻩ ﻭﺗﻠﻴﻔﻮﻥ ﺑﻴﻼﺟﺪﻳﺪ ..
ﺍﻟﺤﺴﻦ : ﻣﻤﺘﺎﺯ .. ﺷﻦ ﺍﻟﻠﻲ ﺧﻼﻙ ﺗﺘﺨﻠﺼﻲ ﻣﻦ ﺍﻟﺘﻠﻴﻔﻮﻥ ﻫﺬﺍﻛﺎ ..
ﻧﻬﻠﻪ ﺧﺪﺕ ﻧﻔﺲ ﻋﻤﻴﻖ : ﻣﺶ ﺣﺘﺼﺪﻕ ﻣﻦ ﻣﺪﻩ ﻣﻦ ﺟﺎﻧﻲ
ﻟﻠﺤﻮﺵ ..
ﺍﻟﺤﺴﻦ : ﻣﻨﻮ ...
ﻧﻬﻠﻪ : ﺍﻟﻜﻮﺑﺮﺍ ....
ﺍﻟﺤﺴﻦ ﺑﺼﺪﻣﻪ ﺗﻠﻔﺖ ﺷﺒﺢ ﻟﺮﻭﺷﻦ ﺍﻟﻤﺮﺑﻮﻋﻪ ﻟﻘﻲ ﺳﺮﻣﺪ ﻳﺸﺒﺤﻠﻪ .. ﺍﺑﺘﺴﻢ ﺳﺮﻣﺪ ﻭﺍﻟﺤﺴﻦ ﺭﺩﻫﺎ ﻭﺗﻠﻔﺖ ﺍﻟﻘﺪﺍﻡ ..
ﺍﻟﺤﺴﻦ : ﺍﺣﻜﻲ ﺷﻦ ﺻﺎﺭ ﺑﺎﻟﺰﺑﻂ ...
ﻧﻬﻠﻪ : ....
ﻓﻼﺵ ﺑﺎﻙ ..
... ﻳﺘﺒﻊ ...
