#الحسن (الوطن عشق رجاله )
ﺍﻟﺠﺰﺀ ﺍﻟﺜﺎﻣﻦ ﻭﺍﻟﺜﻼﺛﻴﻦ ❤
للكاتبة GomanFared
ﺟﻨﺎﺍﺍﺍﻥ ...
ﺟﻨﺎﻥ ﺍﻟﺘﻔﺖ ﺗﺸﺒﺢ ﻟﺨﻮﻫﺎ ﺍﻟﻠﻲ ﺟﺎﻱ ﺑﺴﺮﻋﻪ ﻭﺍﻟﺨﻮﻑ ﻣﺎﻟﻴﻪ .. ﻭﺻﻞ ﻓﻴﻬﺎ ..
ﺍﻟﺤﺴﻦ ﺑﺨﻮﻑ ﺷﺪﻳﺪ : ﻭﻳﻨﻬﺎ !!!
ﺟﻨﺎﻥ : ﺩﺍﺧﻞ ... ﻃﻠﻌﺖ ﻣﻐﻤﻰ ﻋﻠﻴﻬﺎ ﺍﻟﺮﺍﺟﻞ ﺷﺪ ﻓﺮﻳﻨﻮ ﻗﺒﻞ ﻟﻴﻮﺻﻞ ﻓﻴﻬﺎ ..
ﺍﻟﺤﺴﻦ : ﻭﻋﻼﺵ ﺍﻏﻤﻰ ﻋﻠﻴﻬﺎ ..
ﺟﻨﺎﻥ : ﺍﻟﺪﻛﺘﻮﺭ ﻗﺎﻝ ﺿﻐﻄﻬﺎ ﻫﺎﺑﻂ ﻭﺩﻣﻬﺎ ﻧﺎﺯﻝ ..
ﺍﻟﺤﺴﻦ ﺑﻠﻊ ﺭﻳﻘﻪ ﻭﻭﺯﻉ ﻧﻈﺮﻩ ﻉ ﺍﻟﻤﻜﺎﻥ ﻟﻴﻦ ﺟﺖ ﻋﻴﻨﻪ ﻉ ﺻﺤﺒﺎﺗﻬﺎ ﻭﺍﻗﻒ ﻋﻠﻴﻬﻢ ﻭﺍﺣﺪ ..
ﺍﻟﺤﺴﻦ : ﻣﻨﻮ ﻫﺬﺍ ..
ﺟﻨﺎﻥ ﺍﻟﺘﻔﺘﺖ : ﺍﻩ .. ﻫﺬﺍ ﺍﻟﺸﺎﺏ ﺍﻟﻠﻲ ﻗﺮﻳﺐ ﺿﺮﺑﻬﺎ ﻫﻮ ﺍﻟﻠﻲ ﺍﺳﻌﻔﻬﺎ ..
ﺍﻟﺤﺴﻦ ﻗﺪﻡ ﺟﻴﻬﺘﻬﻢ ﻭﻟﺤﻘﺎﺗﻪ ﺟﻨﺎﻥ ..
ﺍﺑﺘﺴﺎﻡ : ﻳﺎﺧﻮﻱ ﻭﺍﻟﻠﻪ ﻣﺎﻟﻴﻪ ﻟﺰﻭﻡ ﺧﻼﺹ ﻫﻲ ﻛﻮﻳﺴﻪ
ﺍﻟﺸﺎﺏ : ﻻﻣﺶ ﺣﻨﻤﺸﻲ ﻟﻴﻦ ﻧﻄﻤﻦ ﻋﻠﻴﻬﺎ ﻭﻧﺸﻮﻑ ﺷﻦ ﺗﺒﻲ ﻭﺷﻦ ﻣﺤﺘﺎﺟﻪ ..
ﻧﺮﺟﺲ : ﻋﻼﺵ ﻫﺬﺍ ﻛﻠﻪ ﻛﺎﻥ ﺿﺮﺑﺘﻬﺎ ﻧﻘﻮﻟﻮﺍ ...
ﺍﻟﺸﺎﺏ : ﺍﻛﻴﺪ ﺍﻏﻤﻰ ﻋﻠﻴﻬﺎ ﻣﻦ ﺍﻟﺨﻮﻑ ..
ﻧﺮﺟﺲ : ﻳﺎﻭﺩﻱ ﺿﻐﻄﻬﺎ ﻫﺎﺑﻂ ﻣﻦ ﺍﻷﺻﻞ ..
ﺍﻟﺸﺎﺏ ﻳﺸﺒﺢ ﻟﻐﺮﻓﺘﻬﺎ : ﻧﻘﺪﺭﻭﺍ ﻧﺸﻮﻓﻬﺎ ..
ﺍﻟﺤﺴﻦ ﺍﻟﻠﻲ ﻛﺎﻥ ﻳﺴﻤﻊ ﻓﻲ ﺣﺪﻳﺜﻬﻢ : ﻧﻘﺪﺭﻭﺍ ﻧﺸﻮﻓﻮﺍ ﻋﺮﺽ ﻛﺘﺎﻓﻚ ..
ﺍﻟﺸﺎﺏ ﺷﺒﺤﻠﻪ : ﻣﻦ ﺣﻀﺮﺗﻚ ..
ﺍﻟﺤﺴﻦ : ﺗﻮﻛﻞ ﻉ ﺍﻟﻠﻪ ﺗﻮﻛﻞ ..
ﺍﻟﺸﺎﺏ : ﺷﻦ ﻋﻼﻗﺘﻚ ﺍﻧﺖ ..
ﺟﻨﺎﻥ : ﺭﺍﺟﻠﻬﺎ ...
ﺍﻟﺸﺎﺏ 😨: ﺍﺳﻒ ﺟﺪﺍ ﺟﺪﺍ .. ﻻﺑﺎﺱ ﻋﻠﻴﻬﺎ ﻧﺴﺘﺄﺫﻥ ... ﻭﻃﺎﺭ ﻣﻦ ﻗﺪﺍﻣﻪ ﻃﻮﻝ ﻭﺍﻟﺤﺴﻦ ﻳﺸﺒﺤﻠﻪ ﺑﺈﺯﺩﺭﺍﺀ .. ﺑﻌﺪﻳﻦ ﻟﻒ ﻭﺟﻬﻪ ﺟﻬﺔ ﺻﺤﺒﺎﺗﻬﺎ ..
ﺍﻟﺤﺴﻦ : ﺧﺸﻴﺘﻮﺍ ﺷﻔﺘﻮﻫﺎ ..
ﻧﺮﺟﺲ : ﻻ ﺣﺼﻠﻨﺎ ﻓﻲ ﻫﺬﺍ .. ﺗﻮ ﺑﻨﺨﺸﻮﺍ ﺑﻌﺪ ﺍﺫﻧﻚ ﻃﺒﻌﺎ ..
ﺍﻟﺤﺴﻦ : ﺗﻔﻀﻠﻮﺍ .. ﺷﺒﺢ ﻹﺑﺘﺴﺎﻡ ﺍﻟﻠﻲ ﻣﺎﺑﺘﺶ ﺗﺸﺒﺤﻠﻪ .. ﺍﺑﺘﺴﻢ ﺑﺘﻬﻜﻢ ..
ﺧﺸﻮﻟﻬﺎ ﺍﻟﺒﻨﺎﺕ ...
ﺟﻨﺎﻥ : ﻟﻮﻟﻮ ﺣﺒﻴﺒﺘﻲ ﻻﺑﺎﺱ ﻋﻠﻴﻚ ..
ﻋﻠﻴﺎ ﻭﻫﻲ ﺭﺍﻗﺪﻩ ﻉ ﺍﻟﺴﺮﻳﺮ ﻭﺩﺍﻳﺮﻳﻠﻬﺎ ﺗﻐﺬﻳﻪ : ﻣﺎﺗﺸﻮﻓﻲ ﺑﺎﺱ ..
ﺍﺑﺘﺴﺎﻡ : ﻗﺮﻳﺐ ﻣﺘﻨﺎ ﻣﻦ ﺍﻟﺨﻮﻑ ﻋﻠﻴﻚ ﻋﻼﺵ ﻫﺎﻣﻠﻪ ﺭﻭﺣﻚ ﻫﻜﻲ ..
ﻋﻠﻴﺎ ﺩﻣﻌﺘﻬﺎ ﻧﺰﻟﺖ ﻃﻮﻝ ..
ﻧﺮﺟﺲ : ﻭﺍﻟﻠﻪ ﺧﻮﻓﺘﻴﻨﺎ ﻋﻠﻴﻚ ﻫﻠﺒﻪ ..
ﻋﻠﻴﺎ ﺑﺼﻮﺕ ﺑﺎﻛﻲ : ﺳﺎﻣﺤﻮﻧﻲ ..
ﺟﻨﺎﻥ : ﺍﻟﺤﺴﻦ ﻟﺒﺮﺍ ..
ﻋﻠﻴﺎ ﺷﺒﺤﺘﻠﻬﺎ ﻭﻧﺰﻟﻮﺍ ﺩﻣﻮﻉ ﺑﺪﻝ ﺍﻟﺪﻣﻌﻪ ..
ﺟﻨﺎﻥ ﺣﺴﺖ ﺑﺄﻥ ﻓﻲ ﺷﻲ ﺻﺎﻳﺮ ﺑﻴﻨﺎﺗﻬﻢ ...
***
ﺃﺑﻠﻪ ﺭﻳﺤﺎﻧﻪ ﻓﻲ ﻭﻟﻲ ﺍﻣﺮ ﻳﺒﻲ ﻳﺸﻮﻓﻚ ..
ﺭﻳﺤﺎﻧﻪ : ﻭﻭﻭﺍﻙ ..
ﺍﻷﺑﻠﻪ ﺑﻀﺤﻜﻪ : ﻟﻮﻃﺎ ﻓﻲ ﺍﻹﺩﺍﺭﻩ ..
ﻧﺰﻟﺖ ﺭﻳﺤﺎﻧﻪ ﻭﻫﻲ ﺗﺘﺄﻓﻒ ﻭﺻﻠﺖ ﻟﻤﻜﺘﺐ ﺍﻟﻤﺪﻳﺮﻩ .. ﻃﻘﺖ ﺑﻌﺪ ﺍﺫﻥ ﺍﻟﺪﺧﻮﻝ ﺧﺸﺖ .. ﻗﻌﺪﺕ ﺟﺎﻣﺪﻩ ﻓﻲ ﻣﻜﺎﻧﻬﺎ ..
ﺍﻟﻤﺪﻳﺮﺓ : ﺧﺸﻲ ﺍﺑﻠﻪ ﺭﻳﺤﺎﻧﻪ ..
ﺭﻳﺤﺎﻧﻪ ﺗﺸﺒﺤﻠﻪ ﺑﺼﺪﻣﻪ ﻭﺧﺸﺖ ..
ﺍﻟﻤﺪﻳﺮﺓ : ﻧﺴﺘﺄﺫﻥ ..
ﺭﻳﺤﺎﻧﻪ ﻓﻨﺼﺖ : ﺍﺑﻠﻪ ﺳﻬﻴﺮ
ﺍﻟﻤﺪﻳﺮﺓ : ﻫﻮ ﻗﺎﻝ ﺑﻴﺪﻭﻱ ﻣﻌﺎﻙ ﻓﻲ ﺷﻲ ﺧﺎﺹ ﺑﺒﻨﺘﻪ ..
ﺭﻳﺤﺎﻧﻪ ﻗﻌﺪﺕ ﺗﺸﺒﺢ ﻟﻠﻤﺪﻳﺮﺓ ﺍﻟﻠﻲ ﻃﻠﻌﺖ ﻭﺳﻜﺮﺕ ﺍﻟﺒﺎﺏ .. ﺷﺒﺤﺘﻠﻪ ﻫﻮ ..
ﺭﻳﺤﺎﻧﻪ ﺑﻐﻀﺐ : ﻭﻟﻲ ﺍﻣﺮ ﻭﻣﺪﺍﻳﺮ ﺍﻟﻌﺎﺭ ﻭﺗﻼﺣﻖ ﻓﻲ ﺍﺑﻠﺔ ﺑﻨﺘﻚ ﺑﺎﻟﺬﻣﻪ ﺍﻧﺖ ﺍﺏ ﺻﺎﺍﻟﺢ ﺍﻧﺖ ﺍﻛﻴﺪ ﺑﻨﺘﻚ ﻭﺣﺪﻩ ﻣﻦ ﺍﻟﺤﻤﻴﺮﺍﺕ ﺍﻟﻤﺰﺑﻜﺎﺕ ﻗﻠﻴﻼﺕ ﺍﻻﺩﺏ ﺍﻟﻠﻲ ﻧﻘﺮﻱ ﻓﻴﻬﻢ .. ﻫﺎﺩﻭﻣﺎ ﺣﺎﻟﻔﻪ ﺑﺎﻟﻠﻪ ﻣﺎﺿﺎﻟﻪ ﺇﻻ ﻣﺴﻘﻄﺘﻬﻢ .. ﻭﺍﻧﺖ ﻟﻮ ﺟﺎﺗﻚ ﻣﺮﺍﻫﻘﺔ ﻣﺘﺄﺧﺮﺓ ﺑﺮﺍ ﻋﻴﺸﻬﺎ ﻗﺪﺍﻡ ﺛﺎﻧﻮﻳﺎﺕ ﺍﻟﺒﻨﺎﺕ .. ﻭﻧﺎﺿﺖ ﺟﺖ ﺑﺘﻤﺸﻲ .. ﺷﺪﻫﺎ ﻣﻦ ﺍﻳﺪﻫﺎ ﻭﺟﺒﺪﻫﺎ ﻟﻴﻪ ..
ﻣﻨﺬﺭ : ﺟﺮﻭﺓ .. ﻭﻟﺴﺎﻧﻚ ﻃﻮﻳﻞ .. ﻟﻜﻦ ﺧﺸﻴﺘﻲ ﺭﺍﺳﻲ ﻫﻠﺒﻪ ..
ﺭﻳﺤﺎﻧﻪ : ﺣﻮﻝ ﻳﺎﻭﺳﺦ ﺣﻮﻝ ..
ﻣﻨﺬﺭ : ﻏﺼﺐ ﻋﻨﻚ ﺣﺘﺤﺒﻴﻨﻲ .. ﻭﺗﻤﻮﺗﻲ ﻓﻴﺎ .. ﺑﺘﺴﻜﺮﻱ ﺭﺍﺳﻚ ﺣﻨﻜﺴﺮﻩ .. ﻭﻏﻴﺮﻱ ﻣﺶ ﺣﻨﺨﻠﻴﻪ ﻳﻔﻜﺮ ﻓﻴﻚ ﺣﺘﻰ ﻣﺠﺮﺩ ﺍﻟﺘﻔﻜﻴﺮ ...
ﺭﻳﺤﺎﻧﻪ ﺑﻜﻞ ﻗﻮﺗﻬﺎ ﻓﻜﺖ ﻳﺪﻫﺎ ﻭﺩﻓﺎﺗﻪ : ﻭﺍﺣﺪ ﻣﻌﻔﻦ ﺯﻳﻚ ﺍﻧﺖ ﻣﺎﻳﺤﻠﻤﺶ ﻳﻄﻮﻝ ﻇﻔﺮﻱ .. ﻭﻣﺸﺖ ﻃﻠﻌﺖ ﻣﻦ ﺍﻟﻤﻜﺘﺐ ﻭﺧﻼﺗﻪ .
ﻣﻨﺬﺭ : ﻧﻮ ﻧﻮﺭﻳﻚ ﺷﻦ ﻳﺪﻳﺮﻓﻴﻚ ﺍﻟﻤﻌﻔﻦ ﺍﻟﻠﻲ ﻣﺶ ﻋﺎﺟﺒﻚ ﻳﺎﺟﺮﻭﺓ ...
***
ﻃﻠﻌﻮﺍ ﻣﻦ ﺑﺤﺪﺍﻫﺎ ﺻﺎﺣﺒﺎﺗﻬﺎ ﻭﺧﻠﻮﻫﺎ ﺗﺮﺗﺎﺡ ﻟﻴﻦ ﺗﻢ ﺍﻟﺘﻐﺬﻳﻪ ﺭﻭﺣﻮﺍ ﻭﺟﻨﺎﻥ ﻣﻌﺎﻫﻢ ﺍﻟﻠﻲ ﺭﻭﺣﺖ ﺑﻄﻠﺐ ﻣﻦ ﺍﻟﺤﺴﻦ ..
ﺍﻟﺤﺴﻦ ﻛﺎﻥ ﻣﻘﻌﻤﺰ ﺑﺮﺍ ﻉ ﻧﺎﺭ ﻳﺒﻲ ﻳﺨﺶ ﻳﺸﻮﻓﻬﺎ .. ﻧﺎﺽ ﻭﺟﻲ ﺟﻬﺔ ﺍﻟﺒﺎﺏ ﻓﺘﺤﻪ ﺑﺎﻟﺸﻮﻳﻪ ﻭﺧﺶ .. ﻟﻘﺎﻫﺎ ﺭﺍﻗﺪﻩ ﺳﻜﺮ ﺍﻟﺒﺎﺏ ﺑﺎﻟﺸﻮﻳﻪ .. ﻭﻗﺪﻡ ﻟﻴﻦ ﻭﺻﻞ ﻓﻴﻬﺎ ﻗﻌﺪ ﻳﺸﺒﺤﻠﻬﺎ ﻭﻳﺘﺄﻣﻞ ﻓﻲ ﺗﻔﺎﺻﻴﻠﻬﺎ ﺍﻟﻠﻲ ﻳﻌﺸﻘﻬﻢ ..💓
ﻗﺮﺏ ﻭﻗﻌﻤﺰ ﺣﺪﺍﻫﺎ ﻉ ﺳﺮﻳﺮﻫﺎ ... ﻭﻫﻮ ﻳﺸﻮﻑ ﻟﻤﻼﻣﺤﻬﺎ ﺍﻟﺬﺑﻼﻧﻪ ... ﻫﻮ ﻓﻬﺎﻟﻠﺤﻈﻪ ﺣﺲ ﺭﻭﺣﻬﺎ ﺍﻥ ﻇﻠﻤﻬﺎ .. ﻭﺗﺄﻛﺪ ﺍﻥ ﻣﻨﺼﻒ ﻳﺒﻲ ﻳﺪﻳﺮ ﺍﻱ ﺑﺶ ﻳﻔﺮﻗﻬﻢ .. ﺗﻨﻬﺪ ﺣﻂ ﺍﻳﺪﻩ ﻉ ﺍﻳﺪﻫﺎ .. ﻫﻲ ﺑﺮﻭﺩﺓ ﺍﻳﺪﻳﻪ ﻟﻤﺎ ﻟﻤﺴﺖ ﺍﻳﺪﻫﺎ ﺍﻟﺴﺨﻮﻧﻪ ﻓﻴﻘﺘﻬﺎ .. ﻓﺘﺤﺖ ﻋﻴﻮﻧﻬﺎ ﺑﺎﻟﺸﻮﻳﻪ ﺗﺤﺴﺎﺏ ﺭﻭﺣﻬﺎ ﺗﺘﺨﺎﻳﻞ ﺳﻜﺮﺗﻬﻢ ﻭﻓﺘﺤﺘﻬﻢ ﻣﻦ ﺟﺪﻳﺪ ﻭﺗﺄﻛﺪﺕ ﺍﻥ ﻫﻮ ﻛﺎﻧﺖ ﻧﻈﺮﺗﻪ ﻛﻠﻬﺎ ﺧﻮﻑ ﻋﻠﻴﻬﺎ ..
ﺍﻟﺤﺴﻦ : ﺷﻦ ﺗﺤﺴﻲ ...
ﻋﻠﻴﺎ ﻭﻫﻲ ﺗﺸﺒﺤﻠﻪ ﻛﺎﻧﺖ ﺗﺒﻲ ﺗﻘﻮﻟﻪ ﻧﺤﺲ ﻓﻲ ﻗﻠﺒﻲ .. ﻗﻠﺒﻲ ﻣﻔﻄﻮﺭ ﻣﺠﺮﻭﺡ ﻭﺍﻧﺖ ﺍﻟﺴﺒﺐ .. ﺑﺲ ﺭﺩﻫﺎ ﻛﺎﻥ ﺑﺪﻭﻥ ﻛﻼﻡ .. ﺳﺤﺒﺖ ﺍﻳﺪﻫﺎ ﻣﻦ ﺍﻳﺪﻩ ﻭﻟﻔﺖ ﻭﺟﻬﻬﺎ ﻟﻠﺠﻬﺔ ﺍﻟﺘﺎﻧﻴﻪ ..
ﺍﻟﺤﺴﻦ ﻣﺎﺍﺿﺎﻳﻘﺶ .. ﻣﻤﻜﻦ ﻋﺬﺭﻫﺎ ﺍﻟﻠﻲ ﻫﻲ ﻓﻴﻪ ﺑﺴﺒﺒﻪ .. ﻫﻮ ﺍﻟﻠﻲ ﻋﺬﺑﻬﺎ ﻭﻭﺻﻠﻬﺎ ﻟﻬﻨﻲ .. ﺑﺲ ﻣﺶ ﻣﻨﻪ ﻟﻮ ﻫﻲ ﺗﻌﺬﺑﺖ ﻣﺮﺓ ﻫﻮ ﺗﻌﺬﺏ ﻗﺪﻫﺎ 100 ﻣﺮﺓ ..
ﺍﻟﺤﺴﻦ : ﺷﻮﻳﻪ ﻭﺗﻄﻠﻌﻲ ...
ﻋﻠﻴﺎ : ﺭﻭﺡ ﺑﻴﺎ ﻟﺤﻮﺵ ﺍﻫﻠﻲ ..
ﺍﻟﺤﺴﻦ ﺍﻧﺼﺪﻡ ..
ﻋﻠﻴﺎ ﺷﺒﺤﺘﻠﻪ ﺑﺤﺪﻩ : ﻣﺶ ﺍﻧﻲ ﻓﻲ ﻧﻈﺮﻙ ﺧﺎﻳﻨﻪ ﻭﺍﻧﺖ ﻋﺎﻳﻔﻨﻲ .. ﺧﻼﺹ ﺭﻭﺡ ﺑﻴﺎ ﻟﺤﻮﺵ ﺍﻫﻠﻲ .. ﻭﻟﻮ ﺗﺒﻲ ﺗﺨﻠﺺ ﻉ ﺃﺧﺮ .. ﻋﻄﻴﻨﻲ ﻛﻠﻤﺘﻲ ..
ﺍﻟﺤﺴﻦ ﻗﺪﻡ : ﺣﺘﺮﻭﺣﻲ ﻣﻌﺎﻱ ﻭﺭﺟﻠﻴﻚ ﻓﻮﻕ ﺭﺍﺳﻚ .. ﻭﻟﻮ ﺍﻧﻲ ﺷﺎﻳﻔﻚ ﺯﻱ ﻣﺎﻗﻠﺘﻲ .. ﻟﺤﻈﻪ ﻉ ﺫﻣﺘﻲ ﻣﺎﺗﻘﻌﺪﻱ ... ﻭﺧﻼﺹ ﻣﻨﻚ ﻣﺎﻧﺒﻴﺶ ﻧﺨﻠﺺ .. ﻭﻻﺍﻧﺘﻲ ﺣﺘﺨﻠﺼﻲ ﻟﻮ ﻛﻨﺘﻲ ﺗﺒﻲ ﺍﻟﺨﻼﺹ ... ﻭﺗﻮﺍ ﺗﻤﺮﻗﺪﻱ ﻟﻴﻦ ﺍﺗﻢ ﺍﻟﺘﻐﺪﻳﻪ ..
ﻭﻟﻒ ﻭﻃﻠﻊ ﻭﺧﻼﻫﺎ ﻣﻔﻨﺼﺔ ﻣﻦ ﺍﺳﻠﻮﺑﻪ .. ﺷﻮﻳﻪ ﻭﻣﻼﻣﺢ ﻭﺟﻬﻬﺎ ﺗﻐﻴﺮﺕ ﻹﺑﺘﺴﺎﻣﻪ ﻭﻫﺎﻷﺑﺘﺴﺎﻣﻪ ﺗﺤﻮﻟﺖ ﻟﻀﺤﻜﻪ .. ﺗﺒﻌﺘﻬﺎ ﺗﻨﻬﻴﺪﻩ ﻃﺎﻟﻌﻪ ﻣﻦ ﺍﻟﻘﻠﺐ ...❤ ﺑﻌﺪﻳﻦ ﻏﻤﻀﺖ ﻋﻴﻮﻧﻬﺎ ﻭﻫﻲ ﻣﺒﺘﺴﻤﻪ ﻭﺗﺘﺬﻛﺮ ﻓﻲ ﺷﻜﻠﻪ ﻛﻴﻒ ﻛﺎﻥ ﻗﺒﻞ ﺷﻮﻱ 💖
***
ﻣﺎﺷﻴﻪ ﻭﻓﻲ ﺍﻳﺪﻳﻬﺎ ﻭﺭﻗﻪ ﻭﻛﺎﻧﺖ ﺗﻤﺸﻲ ﺑﻌﺼﺒﻴﻪ ﻟﻴﻦ ﻭﺻﻠﺖ ﻟﻤﻜﺘﺐ ﺍﻷﺩﺍﺭﺓ ..
ﺧﻮﻟﻪ : ﺍﻟﺴﻴﺪ ﺭﻳﺎﺽ ﻣﻮﺟﻮﺩ
ﺍﻟﺴﻜﺮﺗﻴﺮﺓ : ﺍﻳﻪ ﻣﻮﺟﻮﺩ ..
ﺧﻮﻟﻪ : ﻳﺎﺭﻳﺖ ﺗﻘﻮﻟﻴﻠﻪ ﻧﺒﻲ ﻧﺸﻮﻓﻪ ﻭﻣﺶ ﺣﻨﺎﺧﺪ ﻣﻦ ﻭﻗﺘﻪ 5 ﺩﻗﺎﻳﻖ ..
ﺍﻟﺴﻜﺮﺗﻴﺮﺓ ﺭﻛﺰﺕ ﻋﻠﻴﻬﺎ ﺍﻧﻬﺎ ﻣﻌﺼﺒﻪ : ﺣﺎﺿﺮ .. ﻛﻠﻤﺎﺗﻪ ﺍﻟﺴﻜﺮﺗﻴﺮﺓ ﻭﺳﻜﺮﺕ ..
ﺍﻟﺴﻜﺮﺗﻴﺮﺓ : ﺗﻔﻀﻠﻲ ..
ﺧﻮﻟﻪ ﻃﻮﻝ ﺗﻮﺟﻬﺖ ﻟﻠﻤﻜﺘﺐ ﻓﺘﺤﺖ ﺍﻟﺒﺎﺏ ﻭﺧﺸﺖ ﺩﺍﺧﻞ ﻭﺑﻘﻮﺓ ﻭﺍﻧﺪﻓﺎﻉ .. ﺣﻄﺖ ﺍﻟﻮﺭﻗﻪ ﻉ ﺍﻟﻄﺎﻭﻟﻪ : ﻟﻮ ﺳﻤﺤﺖ ﻭﻗﻊ ..
ﺭﻳﺎﺽ ﻳﺸﺒﺢ ﻟﻠﻮﺭﻗﻪ ﺑﺒﺮﻭﺩ : ﺷﻨﻮ ﻫﺬﺍ ..
ﺧﻮﻟﻪ ﺑﺤﺪﻩ : ﺍﺳﺘﻘﺎﻟﻪ ..
ﺭﻳﺎﺽ : ﺍﻟﺴﺒﺐ ..
ﺧﻮﻟﻪ ﺷﺒﺤﺘﻠﻪ ﺑﺮﻓﻌﺔ ﺣﺎﺟﺐ : ﺃﻧﺖ ﺍﺩﺭﻯ ..
ﺭﻳﺎﺽ ﺷﺒﺤﻠﻬﺎ ﺑﺒﺮﻭﺩ : ﺍﺭﻓﻌﻴﻬﺎ ﻭﻭﻟﻲ ﻟﻤﻜﺘﺒﻚ ..
ﺧﻮﻟﻪ ﺑﻌﺼﺒﻴﻪ : ﺣﺘﻰ ﻟﻮﺭﻓﻀﺘﻬﺎ ﻣﺶ ﺣﻨﻮﻟﻲ .. ﻭﻟﻮ ﺑﺘﻘﻮﻟﻲ ﻋﻘﺪ ﻣﺎﻋﻘﺪ ﻣﺶ ﺣﻴﻬﻤﻨﻲ .. ﻭﻗﻌﺎﺩ ﻫﻨﻲ ﻣﻌﺎﺵ ﻗﺎﻋﺪﻩ ...
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﺑﻨﻴﻪ ﺻﻐﻴﺮﻭﻧﻪ ﻭﻭﺭﺍﻫﺎ ﻭﻟﻴﺪ ..
ﻳﻘﻴﻦ ﻭﺻﻠﺖ ﻓﻲ ﺑﻮﻫﺎ ﻭﺗﺸﺒﺢ ﻟﺨﻮﻟﻪ : ﺑﺎﺑﺎ ﺧﻴﺮﻫﺎ ..
ﺭﻳﺎﺽ ﺍﺑﺘﺴﻢ ﻟﺒﻨﺘﻪ : ﻣﻌﺼﺒﻪ ﺷﻮﻳﻪ ..
ﻳﻘﻴﻦ ﻣﺸﺘﻠﻬﺎ ﻭﻭﻗﻔﺖ ﻗﺪﺍﻣﻬﺎ : ﺗﺮﺍ ﺍﻧﺰﻟﻲ ﺷﻮﻳﻪ ..
ﺧﻮﻟﻪ ﺑﺄﺑﺘﺴﺎﻣﻪ ﺧﻔﻴﻔﻪ ﻧﺰﻟﺖ ﻟﻤﺴﺘﻮﺍﻫﺎ .. ﺣﻄﺖ ﺍﻟﺒﻨﻴﻪ ﺍﻳﺪﻫﺎ ﻉ ﺭﺍﺱ ﺧﻮﻟﻪ ﻭﻗﻌﺪﺕ ﺗﻤﺸﻲ ﻋﻠﻴﻪ : ﻟﻤﺎ ﺑﺎﺑﺎ ﻳﺰﻋﻠﻨﻲ ﻫﻜﻲ ﺍﺩﻳﺮﻟﻲ ﺣﻨﻴﻨﻪ ﻣﻌﺎﺵ ﻧﺰﻋﻞ ﺑﻌﺪﻳﻦ ..
ﺧﻮﻟﻪ ﺍﺑﺘﺴﻤﺖ : ﺷﻦ ﺍﺳﻤﻚ ..
ﻳﻘﻴﻦ : ﻳﻜﻴﻦ ..
ﺧﻮﻟﻪ ﺑﻀﺤﻜﻪ : ﻳﻜﻴﻦ .. ﺍﻧﺘﻲ ﺣﻠﻮﺓ ﻫﻠﺒﻪ ...
ﻳﻘﻴﻦ : ﺣﺘﻰ ﺍﻧﺘﻲ ﻭﺿﺤﻜﺖ ..
ﺧﻮﻟﻪ ﺷﺒﺤﺖ ﻟﺮﻳﺎﺽ ﺑﺎﺳﺖ ﻳﻘﻴﻦ ﻉ ﺭﺍﺳﻬﺎ ﻭﻭﻗﻔﺖ : ﻣﺎﻏﻴﺮﺗﺶ ﻛﻼﻣﻲ ... ﻭﺍﻟﺘﻔﺖ ﻭﻃﻠﻌﺖ ﻭﻫﻤﺎ ﻳﺸﺒﺤﻮﻟﻬﺎ ..
ﻭﻟﻴﺪ ﺷﺒﺤﻠﻪ : ﺗﻮﻗﻌﺖ ﺭﺩﺓ ﻓﻌﻠﻬﺎ ﻫﺎﺩﻱ ..
ﺭﻳﺎﺽ ﻭﻫﻮ ﻣﺒﺘﺴﻢ ﻭﻳﺸﺒﺢ ﺟﻬﺔ ﺍﻟﺒﺎﺏ : ﺗﻮﻗﻌﺖ ﺍﺳﻮﺃ ﻣﻦ ﻫﻜﻲ .. ﻭﺷﺒﺢ ﻟﺒﻨﺘﻪ .. ﺑﺲ ﻳﻘﻴﻦ ﻛﺎﻥ ﻟﻴﻬﺎ ﺗﺄﺛﻴﺮ ﺧﺎﺹ ❤..
***
ﻭﺍﻗﻒ ﻳﺸﺒﺤﻠﻬﺎ ﻭﺍﻟﻤﻤﺮﺿﻪ ﺗﻔﻜﻠﻬﺎ ﻓﻲ ﻳﺒﺮﺓ ﺍﻟﺘﻐﺬﻳﻪ ﻭﺗﺴﺎﻋﺪ ﻓﻴﻬﺎ ﺗﻨﻮﺽ .. ﺑﻌﺪ ﻧﺎﺿﺖ .. ﻣﺸﺘﻠﻪ ..
ﺍﻟﻤﻤﺮﺿﺔ : ﻻﺑﺎﺱ ﻋﻠﻴﻚ ..
ﻋﻠﻴﺎ ﺍﺑﺘﺴﻤﺖ : ﻻﻳﻮﺭﻳﻚ ﺑﺎﺱ ..
ﻃﻠﻌﺖ ﺍﻟﻤﻤﺮﺿﻪ .. ﻭﻫﻲ ﻭﺭﺍﻫﺎ .. ﻭﻫﻮ ﻭﺭﺍﻫﺎ ﻫﻲ ...
ﻋﻠﻴﺎ ﺗﻤﺸﻲ ﻭﻫﻮ ﺟﻨﺒﻬﺎ ..
" ﻣﺶ ﻫﺬﺍ ﺍﻟﺤﺴﻦ ﺍﻟﺼﺎﺩﻕ "
" ﺍﻳﻪ ﻫﻮ ﺟﺬﺍﺏ ﻉ ﺍﻟﻄﺒﻴﻌﻪ ﺍﻛﺜﺮ .."
ﻋﻠﻴﺎ ﺷﺒﺤﺘﻠﻬﻢ ﺑﺤﺪﻩ ﻭﺷﻘﻠﺒﺖ ﻋﻴﻮﻧﻬﺎ ﻭﻫﻲ ﺗﻤﺸﻲ ..
ﺗﻼﺗﻪ ﺗﺎﻧﻴﺎﺕ ..
" ﻫﻮ ﻫﻮ ﻣﺶ ﻗﺘﻠﻚ "
" ﻋﻠﻴﻚ ﺷﺨﺼﻴﻪ ﺗﻘﺘﻞ "
" ﺣﺮﺍﻡ ﻫﺬﺍ ﻳﺎﺧﺪ ﻭﺣﺪﻩ ﺑﺲ "
ﻓﻨﺼﺖ ﻋﻠﻴﺎ ﻭﺍﻟﺘﻔﺘﺖ ﺗﺸﺒﺤﻠﻬﻢ ﻭﻫﻲ ﺗﻤﺸﻲ ﺑﻌﺪﻳﻦ ﺷﺒﺤﺘﻠﻪ ﻫﻮ ﻣﺎﺷﻲ ﻭﻻﻛﺄﻧﻪ ﻓﻲ ﺷﻲ ..
ﻭﺻﻠﻮﺍ ﻟﻠﻮﺍﺟﻬﻪ ...
" ﺣﻴﻴﻲ ﺍﻟﺤﺴﻦ ﺍﻟﺼﺎﺩﻕ "
" ﻫﻮﻭﻭ ﻳﺎﻗﻠﺒﻲ "
ﻋﻠﻴﺎ ﻓﻲ ﻧﻔﺴﻬﺎ " ﻫﺬﺍ ﻏﻴﺮ ﺿﺎﺑﻂ ﺷﺮﻃﻪ ﻣﺎﻻ ﻛﺎﻧﻪ ﻣﻤﺜﻞ ﻭﻻ ﻣﻐﻨﻲ ﺷﻦ ﺩﺭﺗﻮﺍ .." ﻫﻲ ﺷﺒﺤﺘﻠﻪ ﻭﻣﻦ ﻏﻴﺮﺗﻬﺎ ﻗﺮﺑﺖ ﻣﻨﻪ ﻭﺷﺪﺕ ﻓﻲ ﺇﻳﺪﻩ .. ﻫﻮ ﺗﻜﻬﺮﺏ ﻛﺎﻟﻌﺎﺩﻩ ﺗﺄﺛﻴﺮﻫﺎ ﻋﻠﻴﻪ ﺍﻟﻤﻌﺘﺎﺩ ﻟﻤﺎ ﺗﻠﻤﺴﻪ .. ﺷﺒﺢ ﻹﻳﺪﻩ ﺷﺒﺤﻠﻬﺎ ﻟﻘﺎﻫﺎ ﺗﺸﺒﺢ ﺍﻟﻘﺪﺍﻡ ﺑﻌﺼﺒﻴﻪ ﻭﺣﻮﺍﺟﺒﻬﺎ ﻣﻘﺮﻭﻧﻪ ... ﺯﺑﻄﻬﺎ ﻏﺎﺭﺕ .. ﺍﺑﺘﺴﻢ ... ﻭﻗﻌﺪﻭﺍ ﻫﻜﻲ ﻟﻴﻦ ﻭﺻﻠﻮﺍ ﻓﻲ ﺍﻟﺴﻴﺎﺭﺓ .. ﻓﺘﺤﻠﻬﺎ ﺍﻟﺒﺎﺏ ﻭﻣﺸﻲ ﺭﻛﺐ .. ﻫﻲ ﺭﻛﺒﺖ .. ﻭﺗﺤﺮﻛﻮﺍ ...
***
ﺭﻭﺣﻮﺍ ﺃﻫﻞ ﻋﻠﻴﺎ ﻟﺤﻮﺷﻬﻢ ﻭﻫﻤﺎ ﺧﺎﺷﻴﻦ ...
" ﺃﻣﻲ .."
ﺟﻌﻔﺮ ﻭﺯﻳﻨﺐ ﺍﻟﺘﻔﺘﻮﺍ ﺑﺼﺪﻣﻪ ...
ﻣﻨﺬﺭ ﺑﺄﻟﻢ ﻭﺷﻮﻕ : ﺍﻣﻲ ﺣﻤﺪ ﻟﻠﻪ ﻉ ﺳﻼﻣﺘﻚ ..
ﺯﻳﻨﺐ ﺗﺸﺒﺤﻠﻪ ﺑﺤﺪﻩ ﻭﻋﻴﻮﻧﻬﺎ ﻣﻠﻴﺎﻧﺎﺕ ﺩﻣﻮﻉ ﺑﻴﻨﻤﺎ ﺟﻌﻔﺮ ﻣﻼﻣﺢ ﻭﺟﻬﻪ ﺗﺒﺪﻟﺖ ﻟﻤﻼﻣﺢ ﻣﺮﺗﺎﺣﻪ ..
ﺟﻌﻔﺮ : ﺯﻳﻨﺐ ﻗﻮﻟﻴﻠﻪ ﻳﺨﺶ ﻟﻠﺠﻨﺎﻥ ... ﻭﺧﺶ ﺩﺍﺧﻞ ..
ﻫﻮ ﺷﺒﺢ ﻟﺒﻮﻩ ﻟﻴﻦ ﺧﺶ ﻭﺑﻌﺪﻳﻦ ﺷﺒﺢ ﻷﻣﻪ ..
ﺯﻳﻨﺐ ﺑﻨﺒﺮﺓ ﺣﺎﺩﻩ : ﺗﻌﺎﻟﻰ ﺧﺶ ... ﻭﺧﺸﺖ ..
ﻣﻨﺬﺭ ﺑﻔﺮﺣﻪ ﺧﺶ ﺩﺍﺧﻞ ".. ﻃﺒﻌﺎ ﻣﺘﻨﻜﺮ ﺑﻄﺎﻗﻴﻪ ﻭﻣﺪﺍﻳﺮ ﻟﺤﻴﻪ ﻭﻧﻈﺮﺍﺕ .."
ﺧﺶ ﻟﻘﻲ ﺍﻣﻪ ﻣﻘﻌﻤﺰﺓ ﻭﺗﺸﺒﺤﻠﻪ : ﺗﻌﺎﻟﻰ ﻗﻌﻤﺰ ..
ﻗﺪﻡ ﺑﺨﻄﻮﺍﺕ ﻣﺴﺘﺤﻴﻪ ﻭﻗﻌﻤﺰ ﺣﺪﺍﻫﺎ ..
ﻣﻨﺬﺭ : ﺍﻣﻲ ﻛﻴﻒ ﺣﺎﻟﻚ ..
ﺯﻳﻨﺐ : ﺍﻟﺤﻤﺪ ﻟﻠﻪ ..
ﻣﻨﺬﺭ : ﺷﻦ ﻗﺎﻟﻮﻟﻚ ﻏﺎﺩﻱ ..
ﺯﻳﻨﺐ : ﻣﻌﺮﻭﻓﻪ ﺑﻨﻴﺘﻲ ﺿﻌﻴﻔﻪ ﻋﻄﻮﻧﻲ ﺣﺒﻮﺏ ﻣﻘﻮﻳﻪ ﻻﺯﻡ ﻧﻤﺸﻲ ﻋﻠﻴﻬﺎ ﺩﻳﻤﻪ ...
ﻣﻨﺬﺭ : ﺍﻣﻲ ﻟﻮ ﺗﺒﻲ ﻧﻄﻠﻌﻚ ...
ﺯﻳﻨﺐ : ﻧﻤﻮﺕ ﻭﻻﻳﻨﺼﺮﻑ ﻋﻠﻴﺎ ﻗﺮﺵ ﺣﺮﺍﻡ ..
ﺳﻜﺖ ﻣﻨﺬﺭ ﻭﺑﻠﻊ ﺭﻳﻘﻪ ..
ﺯﻳﻨﺐ : ﺍﻃﻤﻨﺖ ﻉ ﺣﺎﻟﻲ ﺗﻮﺍ ﺗﻮﻛﻞ ﺍﻣﺸﻲ ﺑﺴﺮﻋﻪ ..
ﻣﻨﺬﺭ : ﺣﺎﺿﺮ .... ﺑﺲ ﻗﺒﻞ ﻟﻨﻄﻠﻊ ﺑﺎﻟﻠﻪ ﻋﻠﻴﻚ ﺍﻣﻲ ﺑﺎﻟﻠﻪ ﻋﻠﻴﻚ ﺧﻠﻴﻨﻲ ﻧﺒﻮﺱ ﺍﻳﺪﻳﻚ ﺑﺎﻟﻠﻪ ..
ﺯﻳﻨﺐ ﺷﺎﺩﻩ ﺩﻣﻌﺘﻬﺎ ﺑﺎﻟﻘﻮﺓ ﻭﻗﺴﺖ ﻗﻠﺒﻬﺎ ﺑﺰﻳﺎﺩﻩ : ﺍﻃﻠﻊ ...
ﻣﻨﺬﺭ ﺍﺑﺘﺴﻢ ﺑﺄﻟﻢ ﻭﻳﺄﺱ ... ﻭﻧﺎﺽ .. ﺧﺪﻱ ﺷﻬﻴﻖ ﻭﺯﻓﻴﺮ ﻭﺟﻲ ﺑﻴﻄﻠﻊ .. ﺍﻣﻪ ﻛﺎﻧﺖ ﺗﺸﺒﺤﻠﻪ ﻭﺟﺖ ﺑﻴﻦ ﻋﻴﻮﻧﻬﺎ ﺫﻛﺮﻯ ﻣﻦ ﺍﻟﻤﺎﺿﻲ ..
ﻓﻼﺵ ﺑﺎﻙ ..
ﺯﻳﻨﺐ : ﺑﺈﺫﻥ ﺍﻟﻠﻪ ﺣﺘﻔﻮﺯ .. ﺗﻤﺴﻚ ﺑﺎﻟﺪﻋﺎﺀ ﺍﻟﻠﻲ ﻋﻠﻤﺘﻬﻮﻟﻚ ..
ﻣﻨﺬﺭ ﺍﺑﺘﺴﻢ : ﺣﺎﺿﺮ ..
ﺟﻌﻔﺮ ﻣﻦ ﺑﺮﺍ : ﻫﻴﺎ ﻳﺎﻣﻨﺬﺭ ...
ﻣﻨﺬﺭ ﺑﺼﻮﺕ ﻋﺎﻟﻲ : ﺟﺎﺍﺍﺍﻱ ﻳﺎﺑﻮﻱ .. ﺍﻣﻲ ﻋﻄﻴﻨﻲ ﺍﻳﺪﻙ ..
ﺍﺑﺘﺴﻤﺖ ﺯﻳﻨﺐ ﻣﺪﺕ ﺍﻳﺪﻫﺎ ﻭﺑﺎﺳﻬﺎ ﻣﻨﺬﺭ .. ﻭﻣﺸﻲ ﻭﺻﻞ ﻓﻲ ﺍﻟﺒﺎﺏ ﺷﺒﺢ ﻷﻣﻪ ﻭﺩﺍﺭﻟﻬﺎ 🖐 ﻭﻫﻲ ﺭﺩﺗﻬﺎ ﻭﻃﻠﻊ ..
ﺍﻟﻮﻗﺖ ﺍﻟﺤﺎﺿﺮ ...
ﺷﺒﺤﺖ ﺯﻳﻨﺐ ﻟﻠﺮﻭﺷﻦ ﺟﻨﺒﻬﺎ ﻟﻘﺖ ﺟﻌﻔﺮ ﻳﺸﺒﺤﻠﻬﺎ ﺷﺒﺤﻮﺍ ﻟﺒﻌﺾ ﻫﻠﺒﻪ ... ﺍﺷﺮﻟﻬﺎ ﺑﻌﻴﻮﻧﻪ .. ﻭﻫﻲ ﺍﺑﺘﺴﻤﺖ .. ﺷﺒﺤﺖ ﻟﻠﺒﺎﺏ ﻣﻨﺬﺭ ﻛﻴﻒ ﻓﺘﺢ ﺍﻟﺒﺎﺏ ...
ﺯﻳﻨﺐ ﺑﺼﻮﺕ ﻋﺎﻟﻲ : ﺗﻌﺎﻟﻰ
ﺗﻠﻔﺖ ﻣﻨﺬﺭ ﺷﺒﺤﻠﻬﺎ ﻟﻘﺎﻫﺎ ﻣﺎﺩﻩ ﺍﻳﺪﻫﺎ ﻗﺎﻋﺪ ﻭﺍﻗﻒ ﻣﺼﺪﻭﻡ ... ﺑﻌﺪﻳﻦ ﻣﺸﻲ ﻳﺠﺮﻱ ﻧﺰﻝ ﻉ ﺭﻛﺎﺑﻪ ﺑﺎﺱ ﺍﻳﺪﻫﺎ ﺑﻌﻤﻖ ﺑﺎﺳﻬﺎ ﻣﺮﺓ ﺍﺗﻨﻴﻦ ﺗﻼﺗﻪ ﻭﺑﻌﺪﻳﻦ ﺑﺎﺳﻬﺎ ﻣﻦ ﺩﺍﺧﻞ ﺃﻛﺜﺮ ﻣﻦ ﻣﺮﺓ ..
ﻗﺎﻡ ﺭﺍﺳﻪ ﻭﺷﺒﺢ ﻟﻌﻴﻮﻧﻬﺎ ﻟﻘﻲ ﺩﻣﻮﻋﻬﺎ ﻧﺰﻟﻮﺍ .. ﻗﺎﻡ ﺍﻳﺪﻩ ﻭﻣﺴﺤﻬﻢ ... ﻗﻌﺪﻭﺍ ﻳﺸﺒﺤﻮﺍ ﻟﺒﻌﻀﻬﻢ ﻫﻠﺒﻪ ﺑﻨﻈﺮﺍﺕ ﺷﻮﻕ ﺳﻨﻴﻴﻦ ﻭﺳﻨﻴﻦ ﺷﻮﻕ ﻣﻦ ﻧﻮﻉ ﺍﺧﺮ ﺷﻮﻕ ﺍﻡ ﻷﺑﻨﻬﺎ ﻭﺷﻮﻕ ﺍﻷﺑﻦ ﻷﻣﻪ ... ﺷﻮﻕ ﺍﻟﻤﺘﻐﺮﺏ ﻭﻫﻮ ﻓﻲ ﺑﻼﺩﻩ .. ﺑﺪﻭﻥ ﺗﺮﺩﺩ ﺣﻀﻦ ﺃﻣﻪ .. ﻭﻫﻲ ﻣﻌﺶ ﻗﺪﺭﺕ ﻟﻔﺖ ﺍﻳﺪﻳﻬﺎ ﻋﻠﻴﻪ ﻭﺣﻀﻨﺎﺗﻪ .. ﻭﺑﺪﻭﺍ ﻳﺒﻜﻮﺍ ﻫﻤﺎ ﺍﻟﺰﻭﺯ ﻳﺒﻜﻮﺍ ﺑﺎﻟﻌﺒﺮﻩ .. ﻛﺎﻥ ﻳﺘﻤﻨﻰ ﻣﻨﺬﺭ ﻓﻲ ﻫﺪﻳﻜﺎ ﺍﻟﻠﻪ ﻟﻮ ﻳﻤﻮﺕ ﻳﻤﻮﺕ ﻭﻫﻮ ﻓﻲ ﺣﻀﻨﻬﺎ ﻳﻤﻮﺕ ﺑﺮﺍﺣﻪ ﻳﺮﺗﺎﺡ ﻣﻦ ﻛﻞ ﺷﻲ .. ﻭﻫﻲ ﺗﻤﻨﺖ ﻟﻮ ﺍﻧﻬﺎ ﺗﻘﺪﺭ ﺗﺮﺩﻩ ﻓﻲ ﺑﻄﻨﻬﺎ ﻣﻦ ﺟﺪﻳﺪ .. ﺑﺶ ﻣﻌﺎﺵ ﻳﻔﺎﺭﻗﻬﺎ .. ﺑﺶ ﻣﻌﺎﺵ ﻓﻲ ﺷﻲ ﻳﺎﺧﺪﻩ ﻣﻨﻬﺎ ﻣﺮﺓ ﺗﺎﻧﻴﻪ ...
ﻫﺎﻟﻤﺸﻬﺪ ﻛﺎﻥ ﻳﺘﻔﺮﺝ ﻋﻠﻴﻪ ﺟﻌﻔﺮ .. ﻭﺩﻣﻮﻋﻪ ﺗﻨﺰﻝ ﺑﺤﺮﻗﻪ ﻭﺑﺄﺳﻒ ... ﻓﻬﺎﻟﻠﺤﻈﻪ ﺭﻥ ﺗﻠﻴﻔﻮﻧﻪ ﻟﻘﺎﻩ ﺭﺍﺟﻞ ﺑﻨﺘﻪ " ﺍﻟﺤﺴﻦ " ﺭﺩ ..
ﺟﻌﻔﺮﻭﻫﻮ ﻳﺤﺎﻭﻝ ﻳﻌﺪﻝ ﻧﺒﺮﺓ ﺻﻮﺗﻪ : ﺍﻟﺴﻼﻡ ﻋﻠﻴﻜﻢ ..
ﺍﻟﺤﺴﻦ : ﻭﻋﻠﻴﻜﻢ ﺍﻟﺴﻼﻡ ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ .
ﺟﻌﻔﺮ : ﺍﻟﻠﻪ ﻳﺴﻠﻤﻚ ﻭﻟﺪﻱ ..
ﺍﻟﺤﺴﻦ : ﻋﻤﻲ ﺣﻨﻲ ﺗﻮﺍ ﺧﺸﻴﻨﺎ ﻟﺸﺎﺭﻋﻜﻢ ..
ﺟﻌﻔﺮ ﺷﺒﺢ ﻃﻮﻝ ﻟﻤﺮﺗﻪ ﻭﻭﻟﺪﻩ ..
ﺟﻌﻔﺮ : ﺑﺎﻫﻲ ﻭﻟﺪﻱ ﻧﺴﺘﻨﻮﺍ ﻓﻴﻜﻢ .. ﻭﺻﻜﺮ ..
ﺍﻟﺤﺴﻦ ﺍﺳﺘﻐﺮﺏ ﺑﺲ ﻣﺎﺑﺎﺵ ﻳﺪﻗﻖ ..
ﺟﻌﻔﺮ ﻃﻠﻊ ﻟﻠﺠﻨﺎﻥ : ﻧﻮﺽ ﺩﺍﺧﻞ ﺍﺧﺘﻚ ﻭﺭﺍﺟﻠﻬﺎ ﺟﺎﻳﻴﻦ ..
ﻣﻨﺬﺭ ﺷﺒﺤﻠﻪ ﻭﺑﻌﺪﻳﻦ ﻧﺎﺽ ...
ﺯﻳﻨﺐ : ﻫﻴﺎ ﺑﺴﺮﻋﻪ ﺧﺶ ..
ﻣﻨﺬﺭ ﺷﺒﺤﻠﻬﻢ ﺍﻟﺰﻭﺯ ..
ﻃﻖ ﺍﻟﺒﺎﺏ ...
ﺟﺒﺪﻩ ﺑﻮﻩ : ﻫﻴﺎ ﺧﺶ ﺗﺤﺮﻙ ..
ﻣﻨﺬﺭ ﺯﻱ ﺍﻟﻤﺼﺪﻭﻡ ﺧﺶ ﻃﻮﻝ ﺩﺍﺧﻞ ...
ﺟﻌﻔﺮ ﻭﺯﻳﻨﺐ ﻣﺴﺤﻮﺍ ﺩﻣﻮﻋﻬﻢ ... ﺍﺳﺘﺠﻤﻌﻮﺍ ﺍﻧﻔﺴﻬﻢ ﺧﺪﻭﺍ ﺷﻬﻴﻖ ﻭﺯﻓﻴﺮ .. ﺭﺳﻤﻮﺍ ﺍﺑﺘﺴﺎﻣﻪ ﻉ ﻭﺟﻮﻫﻬﻢ ... ﻃﻖ ﻣﻦ ﺟﺪﻳﺪ ..
ﺗﻮﺟﻪ ﺑﺴﺮﻋﻪ ﺟﻌﻔﺮ ﻟﻠﺒﺎﺏ ﻭﻓﺘﺤﻪ ..
ﻟﻘﻲ ﺍﻟﺤﺴﻦ ﻭﻋﻠﻴﺎ ﻭﻭﺭﺍﻫﻢ ﺍﻣﻴﺮﻩ ..
ﺟﻌﻔﺮ : ﺍﻫﻼ .. ﺗﻔﻀﻠﻮﺍ ﺗﻔﻀﻠﻮﺍ ..
ﺍﻟﺤﺴﻦ : ﻳﺰﻳﺪ ﻓﻀﻠﻚ ...
ﺧﺸﻮﺍ ﺩﺍﺧﻞ ﺳﻠﻤﻮﺍ ﺍﻟﺤﺴﻦ ﻭﻋﻠﻴﺎ ﻋﻠﻴﻪ ﻭﺑﻌﺪﻫﻢ ﺍﻣﻴﺮﺓ ﻭﺗﻮﺟﻬﺖ ﻋﻠﻴﺎ ﻷﻣﻬﺎ ﺣﻀﻨﺘﻬﺎ ... ﻭﺳﺄﻟﺘﻬﺎ ﻉ ﺣﺎﻟﻬﺎ .. ﻭﺑﻌﺪ ﺳﻼﻡ ﻭﻛﻼﻡ .. ﺧﺸﺸﻮﻫﻢ ﺩﺍﺧﻞ ... ﺟﻌﻔﺮ ﻭﺯﻳﻨﺐ ﻭﺍﺿﺢ ﺍﻧﻬﻢ ﻣﺶ ﻉ ﺑﻌﻀﻬﻢ ﻣﺶ ﻋﺎﺭﻓﻴﻦ ﻣﻨﺬﺭ ﻗﺎﻋﺪ ﻓﻲ ﺍﻟﺤﻮﺵ ﻭﻻﻃﻠﻊ ﻣﻨﻪ ..
ﻧﺎﺿﺖ ﻋﻠﻴﺎ ﻟﻠﻜﻮﺟﻴﻨﻪ ﻫﻲ ﻭﺃﻣﻴﺮﻩ ... ﻣﻨﺬﺭ ﻛﺎﻥ ﻓﻴﻬﺎ ﻟﻤﺎ ﺳﻤﻊ ﺻﻮﺍﺗﻬﻢ ﻃﻠﻊ ﺑﺮﺍ ﺍﻟﻜﻮﺟﻴﻨﻪ ﻣﻦ ﺟﻬﺔ ﺍﻟﺠﻨﺎﻥ ﻭﻭﻗﻒ ﺣﺪﺍ ﺍﻟﺒﺎﺏ
ﻋﻠﻴﺎ ﻭﺍﻗﻔﻪ ﻉ ﺍﻟﺜﻼﺟﻪ ﺍﺩﻭﺭ ﻛﺎﻥ ﻓﻲ ﻋﺼﻴﺮ .. ﻭﺃﻣﻴﺮﻩ ﻓﺘﺤﺖ ﺍﻟﻔﺮﻳﺰ ﺍﺩﻭﺭ ﻓﻲ ﺍﻟﺸﻜﻼﻃﻪ ..
ﻋﻠﻴﺎ : ﺣﺎﺳﻪ ﺍﻣﻲ ﻣﺶ ﻉ ﺑﻌﻀﻬﺎ ﻭﻛﺄﻧﻬﺎ ﺑﺎﻛﻴﻪ ..
ﺍﻣﻴﺮﺓ ﺑﺨﻮﻑ : ﺷﻦ ﻗﺼﺪﻙ
ﻋﻠﻴﺎ : ﻣﺎﺗﺨﺎﻓﻴﺶ ﻣﺎﻧﻘﺼﺪﺵ ﺍﻟﻠﻲ ﻓﺒﺎﻟﻚ ﺑﺲ ﺍﻧﺘﻲ ﻧﺎﺳﻴﻪ ﺍﻟﻴﻮﻡ ﺷﻨﻮ ...
ﺍﻣﻴﺮﺓ ﺗﻔﻜﺮﺕ : ﺍﻳﻪ ﺻﺢ ..
ﻋﻠﻴﺎ : ﺟﺎﺑﺘﻪ ﻓﻲ ﻟﻴﻠﺔ ﻋﺮﻓﻪ ..
ﺍﻣﻴﺮﺓ : ﺍﺳﻜﺘﻲ ﺑﺎﻟﻠﻪ ﻋﻠﻴﻚ .. ﺭﻩ ﺗﺴﻤﻌﻚ ..
ﻋﻠﻴﺎ ﺣﻄﺖ ﺍﻟﺒﺎﻛﻮ ﻉ ﺍﻟﺮﺧﺎﻣﻪ ﻭﻣﺎﻗﺪﺭﺗﺶ ﺗﺸﺪ ﺩﻣﻮﻋﻬﺎ
ﺍﻣﻴﺮﻩ : ﻋﻠﻴﺎﺍﺍﺍ ....
ﻋﻠﻴﺎ ﻗﻌﺪﺕ ﺗﺒﻜﻲ ..
ﺍﻣﻴﺮﺓ ﻗﺮﺑﺖ ﻣﻨﻬﺎ : ﺍﻣﻲ ﻳﺎﻋﻠﻴﺎ ﻣﺶ ﻧﺎﻗﺼﻪ ..
ﻋﻠﻴﺎ ﺑﺒﻜﻲ : ﻋﻼﺵ ﻫﻜﻲ ﺻﺎﺭﻟﻪ ﻋﻼﺵ .. ﺧﻮﻱ ﺍﻟﻜﺒﻴﺮ ﺍﻟﻠﻲ ﻣﻔﺮﻭﺽ ﻳﻜﻮﻥ ﺳﻨﺪﻱ ﻭﻇﻬﺮﻱ .. ﻫﻮ ﺳﺒﺐ ﻛﺴﺮﺗﻲ ﻭﻗﻬﺮﺗﻲ ..
ﺍﻣﻴﺮﺓ ﻧﺰﻟﻮﺍ ﺩﻣﻮﻋﻬﺎ ...
ﻋﻠﻴﺎ : ﺑﺲ ﺗﻌﺮﻓﻲ ﻉ ﻗﺪ ﻣﺎﺩﺍﺭ ﻗﻠﺒﻲ ﻣﺶ ﻛﺎﺭﻫﻪ ﺑﻜﻞ ..
ﺍﻣﻴﺮﻩ : ﺣﺘﻰ ﻣﺪﻳﺤﻪ ﺗﻘﻮﻝ ﻓﻴﻬﺎ ﺗﻘﻮﻝ ﻧﺪﻋﻲ ﻋﻠﻴﻪ ﻭﻗﻠﺒﻲ ﻳﻮﺟﻌﻨﻲ ﻭﻧﺴﺘﻐﻔﺮ ﺑﻌﺪﻫﺎ ...
ﻋﻠﻴﺎ ﺗﻨﻬﺪﺕ : ﺭﺑﻲ ﻳﺴﺎﻣﺤﻪ ﻭﺧﻼﺹ ... ﻫﻴﺎ ﺧﻞ ﻧﻄﻠﻊ ﺍﻟﺼﻔﺮﻩ ...
ﻃﻠﻌﻮﺍ ﻫﻤﺎ ﺍﻟﺰﻭﺯ ...
ﺑﺲ ﻣﻨﺬﺭ ﺑﺮﺍ ﻛﺎﻥ ﻭﺍﻗﻒ ﻉ ﺍﻟﺤﻴﻂ ﻋﻴﻮﻧﻪ ﻣﻔﺘﻮﺣﺎﺕ ﺑﺼﺪﻣﻪ ﻭﺩﻣﻮﻋﻪ ﻳﻨﺰﻟﻮﺍ .... ﺷﻮﻳﻪ ﻭﺗﺤﺮﻙ ﺑﺨﻄﻮﺍﺕ ﺛﻘﻴﻠﻪ ﻭﻃﻠﻊ ﻣﻦ ﺍﻟﺤﻮﺵ ﺑﺪﻭﻥ ﻣﺎﻳﺤﺲ ﻋﻠﻴﻪ ﺣﺪ ...
***
ﻃﺎﻟﻌﻪ ﻣﻦ ﺍﻟﻜﻠﻴﻪ ﻋﻨﺪﻫﺎ ﻣﺘﺄﺧﺮ .. ﺗﻔﺎﺟﺌﺖ ﻟﻤﺎ ﺷﺎﻓﺘﻪ ﻭﺍﻗﻒ ﻗﺪﺍﻣﻬﺎ ﻭﻣﺤﻮﻝ ﺟﺒﺲ ﺍﻳﺪﻩ .. ﺍﺑﺘﺴﻤﺖ ﺑﻔﺮﺡ ﻣﻤﺰﻭﺝ ﺑﺎﻟﺪﻫﺸﻪ ﻭﻣﺸﺘﻠﻪ ﻃﻮﻝ ..
ﻫﺎﻟﻪ : ﺣﺴﺎﻥ ...
ﺣﺴﺎﻥ ﺑﺤﺐ : ﻗﻠﺐ ﺣﺴﺎﻥ ❤
ﻫﺎﻟﻪ ﺑﻀﺤﻜﻪ : ﺍﻳﺪﻙ ﻛﻮﻳﺴﻪ ﻣﻌﺎﺵ ﺗﺤﺲ ﺑﺸﻲ ..
ﺣﺴﺎﻥ ﻗﻌﺪ ﻳﺤﺮﻙ ﻓﻴﻬﺎ ﻗﺪﺍﻣﻬﺎ ..
ﻫﺎﻟﻪ ﺷﺒﺤﺖ ﻟﻮﻃﺎ : ﻭﺭﺟﻠﻚ؟
ﺣﺴﺎﻥ ﻧﻘﺰ ...
ﻫﺎﻟﻪ : ﻫﻬﻬﻬﻬﻬﻬﻬﻬﻬﻬﻬﻪ ..
ﻣﻦ ﺑﻌﻴﺪ ﻛﺎﻥ ﻳﺸﻮﻑ ﻓﻴﻬﻢ ﺷﺨﺺ ﻗﻠﺒﻪ ﻗﺎﻋﺪ ﻣﺤﺮﻭﻕ .. ﻗﺎﻋﺪ ﻣﺘﻤﻨﻴﻬﺎ ﻭﻣﺘﺤﺴﺮ ﻋﻠﻴﻬﺎ .. ﺍﻧﺼﺪﻡ ﻟﻤﺎ ﺷﺎﻑ ﺍﻟﺸﺨﺺ ﺍﻟﻠﻲ ﺑﺪﺍﺗﻪ ﻋﻠﻴﻪ ﺃﻭ ﻫﻮ ﻫﻜﻲ ﺷﺎﻳﻒ .. ﺷﺨﺺ ﻋﻜﺴﻬﺎ ﻫﻲ ﺗﻤﺎﻣﺎ ﻭﺍﺿﺢ ﻣﻦ ﻟﺒﺴﻪ ﻭﻣﻦ ﺍﻟﻀﺮﺑﻪ ﺍﻟﻠﻲ ﻓﻲ ﺣﺎﺟﺒﻪ ﺍﻟﻠﻲ ﻳﺪﻳﺮﻭﺍ ﻓﻴﻬﺎ ﺍﻟﺸﺒﺎﺏ ﺍﻟﺼﺎﻳﻊ ﺃﻭ ﻫﻜﻲ ﻫﻮﻧﻈﺮﺗﻪ ... ﻗﺪﻡ ﺟﻴﻬﺘﻬﻢ ...
ﺧﺎﻟﺪ : ﻫﻲ ﻫﺎﺩﻱ ﺍﻟﻨﻮﻋﻴﻪ ﺍﻟﻠﻲ ﺗﻌﺠﺒﻚ ...
ﺍﻟﺘﻔﺖ ﻭﺍﻧﺼﺪﻣﺖ ﻭﺣﺴﺎﻥ ﻳﺸﺒﺤﻠﻪ ﺑﺈﺳﺘﻐﺮﺍﺏ ..
ﺧﺎﻟﺪﺑﺘﻬﻜﻢ : ﺗﺴﻴﺒﻴﻨﻲ ﺍﻧﻲ ﻭﺗﺎﺧﺪﻱ ﻭﺍﺣﺪ ﺯﻱ ﻫﺬﺍ ..
ﺣﺴﺎﻥ ﺑﻌﺼﺒﻴﻪ : ﻣﻦ ﻫﻮ ﻫﺬﺍ ...
ﺧﺎﻟﺪ : ﻗﻮﻟﻴﻠﻪ ... ﺍﻥ ﺍﻧﻲ ﺍﻟﻠﻲ ﻋﺸﻤﺘﻴﻪ ﻭﻓﻮﺗﻴﻪ ﻳﺎﺷﻴﺨﻪ ..
ﺣﺴﺎﻥ ﺑﻐﻀﺐ ﺷﺪﻳﺪ : ﺑﺘﺼﻜﺮ ﻓﻤﻚ ﺍﻧﺖ ﻭﻻﻧﺴﻜﺮﻩ ﺑﺈﻳﺪﻱ ...
ﺧﺎﻟﺪ : ﻧﻤﺎﺫﺟﻚ ﺍﻧﺖ ﻣﺎﻧﺨﺸﺶ ﻣﻌﺎﻫﻢ ﻓﻲ ﺟﺪﺍﻻﺕ ... ﻉ ﺍﻟﻌﻤﻮﻡ ﺍﻟﻄﻴﺒﻮﻥ ﻟﻠﻄﻴﺒﻴﺎﺕ ﻭﻛﻤﻠﻲ ﺍﻟﺒﺎﻗﻲ ﺑﺮﻭﺣﻚ ﻳﺎﺷﻴﺨﻪ ...
ﻫﺎﻟﻪ ﺑﺤﺪﻩ : ﺍﻳﻪ ﺻﺪﻗﺖ ﺍﻟﻄﻴﺒﻮﻥ ﻟﻠﻄﻴﺒﺎﺕ ﻫﺬﺍ ﻋﻼﺵ ﺭﺑﻲ ﺑﻌﺪﻧﻲ ﻋﻨﻚ ﻭﺧﻼﻧﻲ ﻧﺼﻴﺒﻪ .. ﻻﻧﻪ ﻃﻴﺐ ﻣﻦ ﺩﺍﺧﻞ .. ﻻﻧﻪ ﻳﺤﺐ ﺭﺑﻲ ﻹﻧﻪ ﻳﻌﺮﻓﻪ ﺍﻛﺜﺮ ﻣﻨﻚ .. ﺍﻟﻠﻲ ﺧﺪﺍﻙ ﺍﻟﻌﺠﺐ ﻭﺧﻼﻙ ﺗﺰﻛﻲ ﻧﻔﺴﻚ ﻭﺗﻘﻴﻢ ﺍﻟﻨﺎﺱ ﻉ ﺣﺴﺐ ﻧﻈﺮﺗﻚ ﺍﻟﻘﺎﺻﺮﺓ .. ﺑﺮﺍ ﺭﺍﺟﻊ ﻧﻔﺴﻚ ﻛﻮﻳﺲ ﻭﺗﻌﺎﻟﻰ ﻗﻴﻢ ﻏﻴﺮﻙ .. ﻳﺎﺷﻴﺦ ﺧﺎﻟﺪ ..
ﺧﺎﻟﺪ ﻗﻬﺮﻩ ﻛﻼﻣﻬﺎ ﺧﺼﻮﺻﺎ ﺍﻧﻪ ﻛﺎﻥ ﻓﻲ ﻣﺠﻤﻊ ﺷﺒﺤﻠﻬﻢ ﺑﻨﻈﺮﺓ ﻏﻞ ﻭﻟﻒ ﻭﻣﺸﻲ ..
ﺍﻣﺎ ﻫﻲ ﻓﻲ ﻋﺰ ﻏﻀﺒﻬﺎ ﺍﻟﺘﻔﺘﺖ ﻟﺤﺴﺎﻥ ﻟﻘﺎﺗﻪ ﻳﺸﻮﻓﻠﻬﺎ ﺑﺤﺐ ﺑﻌﺸﻖ ﺑﺈﻋﺠﺎﺏ ..
ﻫﻴﺎ ﺍﺑﺘﺴﻤﺖ : ﻫﻴﺎ ﻧﺮﻭﺣﻮﺍ ﻭﻗﺖ ..
ﺍﺑﺘﺴﻢ ﻭﺷﺪ ﺍﻳﺪﻫﺎ ﻭﻟﺒﺲ ﻧﻈﺮﺍﺗﻪ ﻭﻣﺸﻮﺍ ❤...
***
ﺭﻭﺣﻮﺍ ﻟﻠﺤﻮﺵ ﺧﺸﻮﺍ .. ﺭﻛﺒﻮﺍ ﺍﻟﺪﺭﻭﺝ .. ﻣﺸﺖ ﺟﻴﻬﺔ ﺍﻟﻔﺎﺻﻞ
ﺍﻟﺤﺴﻦ : ﻣﺎﺗﺮﻛﺒﻴﺶ ...
ﻋﻠﻴﺎ ﺍﻟﺘﻔﺘﺖ : ﺷﻨﻮ ..
ﺍﻟﺤﺴﻦ ﺍﺷﺮﻟﻬﺎ ﺑﺤﻮﺍﺟﺒﻪ : ﺧﺸﻲ ﻫﻨﻲ ..
ﻋﻠﻴﺎ : ﺑﺎﻩ ﻧﺒﺪﻝ ..
ﺍﻟﺤﺴﻦ : ﻗﻠﺖ .. ﺧﺸﺸﻲ ..
ﻋﻠﻴﺎ ﺳﻜﺘﺖ ﻭﺧﺸﺖ ﻭﻫﻮ ﺧﺶ ﻭﺭﺍﻫﺎ ..
ﺍﻟﺤﺴﻦ ﻭﻋﻠﻴﺎ : ﺍﻟﺴﻼﻡ ﻋﻠﻴﻜﻢ ..
ﺑﺮﻧﻴﻪ : ﻭﻋﻠﻴﻜﻢ ﺍﻟﺴﻼﻡ ... ﻻﺑﺎﺱ ﺑﻨﻴﺘﻲ ﻻﺑﺎﺱ ..
ﻋﻠﻴﺎ ﻗﻌﻤﺰﺕ ﺣﺪﺍﻫﺎ : ﻻﻳﻮﺭﻳﻚ ﺑﺎﺱ ﺣﻨﺎﻱ ..
ﺑﺮﻧﻴﻪ : ﺭﻳﺘﻲ ﺷﻦ ﺩﺭﺗﻲ ﻓﺮﻭﺣﻚ ﻻﺗﺎﻛﻠﻲ ﻻﺗﺸﺮﺑﻲ ﻻﺗﺮﻗﺪﻱ ﻛﻮﻳﺲ .. ﺭﻩ ﻧﺸﻮﻑ ﻳﺎﺑﻨﺘﻲ ﻣﺶ ﻋﻤﻴﻪ .. ﺍﺷﻘﻲ ﺑﺼﺤﺘﻚ ﺭﻩ ﻭﺍﻟﻠﻪ ﻣﺎﻧﺎﻓﻌﻚ ﺣﺪ ﻛﺎﻥ ﺻﺎﺭﺗﻠﻚ ﺣﺎﺟﻪ ..
ﺍﻟﺤﺴﻦ ﺷﺒﺢ ﻟﺤﻨﺎﻩ ﺑﺮﻓﻌﺔ ﺣﻮﺍﺟﺐ ...
ﺍﻧﻌﺎﻡ ﺑﻀﺤﻜﻪ : ﺍﻣﻲ ﻫﻬﻬﻬﻬﻬﻬﻪ ... ﻻﺑﺎﺱ ﻋﻠﻴﻚ ﻟﻮﻟﻮ ...
ﻋﻠﻴﺎ : ﻻﻳﻮﺭﻳﻚ ﺑﺎﺱ ...
ﺍﻟﺤﺴﻦ : ﺍﻧﻌﺎﻡ ﻧﻮﺿﻲ ﺣﻄﻴﻠﻲ ﻏﺪﻱ
ﻋﻠﻴﺎ ﺑﺈﺣﺮﺍﺝ : ﺍﺣﻤﻢ .. ﺗﻮﻧﺤﻂ ﺍﻧﻲ
ﺍﻟﺤﺴﻦ : ﻗﻌﻤﺰﻱ ﺍﻧﺘﻲ .. ﺍﻧﻌﺎﻡ ﺣﻄﻴﻪ ﺑﺮﺍ ..
ﺍﻧﻌﺎﻡ : ﺑﺘﻐﺪﺍ ﻓﻲ ﺍﻟﺠﻨﺎﻥ ..
ﺍﻟﺤﺴﻦ ﻫﺰ ﺭﺍﺳﻪ ﺑﺈﻳﺠﺎﺏ : ﻭﻟﻮ ﺩﺭﺗﻮﺍ ﻋﺼﻴﺮ ﻣﻦ ﻓﻮﺍﻛﻪ ﺍﻟﺤﻮﺍﺯﺓ ﺣﻄﻴﻪ
ﺍﻧﻌﺎﻡ ﺍﺑﺘﺴﻤﺖ : ﺗﻤﺎﻡ .. ﻭﻧﺎﺿﺖ
ﻋﻠﻴﺎ ﺗﺸﺒﺤﻠﻪ ﻭﻫﻮ ﺷﺒﺤﻠﻬﺎ ﻏﻴﺮﺕ ﻋﻴﻮﻧﻬﺎ ﻭﺑﺮﻧﻴﻪ ﺗﺮﺍﻗﺐ ﻓﻴﻬﻢ ..
ﺷﻮﻳﻪ ﻭﻃﻠﻌﺖ ﺍﻧﻌﺎﻡ ﻣﻦ ﺍﻟﻜﻮﺟﻴﻨﻪ ..
ﺍﻧﻌﺎﻡ : ﻏﺪﺍﻙ ﻭﺍﺗﻲ ﺑﺮﺍ ..
ﺍﻟﺤﺴﻦ ﻧﺎﺽ ﻭﻭﻗﻒ : ﻧﻮﺿﻲ ..
ﻋﻠﻴﺎ : ﺍﻧﻲ؟
ﺍﻟﺤﺴﻦ : ﺍﻳﻪ .. ﻧﻮﺿﻲ ﻫﻴﺎ ..
ﻧﺎﺿﺖ ﻋﻠﻴﺎ ﻭﻫﻲ ﻣﺴﺘﻐﺮﺑﻪ ﻭﻣﺶ ﻫﻲ ﺑﺲ ﺣﺘﻰ ﺑﺮﻧﻴﻪ ﻭﺍﻧﻌﺎﻡ ..
ﻣﺎﺷﻲ ﻭﻫﻲ ﻭﺭﺍﻩ ﻃﻠﻌﻮﺍ ﻟﻠﺠﻨﺎﻥ .. ﻗﻌﻤﺰ ....
ﺍﻟﺤﺴﻦ : ﻗﻌﻤﺰﻱ ﻫﻨﻲ .. ﻭﺍﺷﺮ ﻉ ﻛﺮﺳﻲ ﻣﻘﺎﺑﻠﻪ ﻭﻗﺮﻳﺐ ﻣﻨﻪ ..
ﻗﻌﻤﺰﺕ ﻋﻠﻴﺎ .. ﻭﻫﻮ ﺧﺪﻱ ﺍﻟﻜﺸﻴﻚ ﻭﺣﻄﻪ ﻓﻲ ﺍﻟﺼﻮﻧﻴﻪ ﻭﻋﺒﺎﻩ ﻭﻗﺮﺑﻪ ﻟﻔﻤﻬﺎ ..
ﻫﻲ ﻣﺼﺪﻭﻣﻪ : ﺷﻨﻮ ﻫﺬﺍ ﻛﻠﻪ ..
ﺍﻟﺤﺴﻦ : ﺍﻟﻠﻲ ﻳﺴﻤﻌﻚ ﻳﺼﺪﻕ .. ﺍﻧﺘﻲ ﺗﺎﻛﻠﻲ ﻛﺸﻴﻜﻴﻦ ﻓﻜﺸﻴﻚ ...
ﻋﻠﻴﺎ : ﺷﻨﻮﻭﻭﻭﻭ ...
ﺍﻟﺤﺴﻦ ﺑﺼﻮﺕ ﻋﺎﻟﻲ : ﻛﻮﻭﻭﻟﻲ ..
ﻓﺘﺤﺖ ﻓﻤﻬﺎ ﻻﺇﺭﺍﺩﻳﺎ ﻭﺭﻣﺸﺖ ﻋﻴﻮﻧﻬﺎ ﻭﻛﻠﺖ .. ﻫﻮ ﺭﻓﻊ ﺣﺎﺟﺒﻪ ﻭﺍﺑﺘﺴﻢ ﻉ ﺟﻨﺐ .. ﻭﻫﻲ ﺗﺸﺒﺤﻠﻪ ﻭﺑﺲ ..
ﻋﻄﺎﻫﺎ ﺍﻟﻌﺼﻴﺮ ﻭﺷﺮﺑﺖ .. ﻗﻌﺪ ﻳﻮﻛﻞ ﻓﻴﻬﺎ ﻟﻴﻦ ﺣﺴﺖ
ﺭﻭﺣﻬﺎ ﻣﻌﺎﺵ ﻗﺎﺩﺭﺓ ﻟﻜﻦ ﻫﻮ ﺳﻜﺮ ﺭﺍﺳﻪ ..
ﻋﻠﻴﺎ : ﻭﺍﻟﻠﻪ ﺍﻟﻌﻈﻴﻢ ﻣﺎﻋﺎﺩ ﻧﻘﺪﺭ ..
ﺍﻟﺤﺴﻦ ﺣﻂ ﺍﻟﻜﺸﻴﻚ ﻓﻲ ﻓﻤﻪ ﻭﻗﻌﺪ ﻳﺎﻛﻞ ...
ﻋﻠﻴﺎ ﺗﺸﺒﺤﻠﻪ ﻭﺑﺲ ..
ﻋﻠﻴﺎ : ﻧﻘﺪﺭ ﻧﻮﺽ ﺗﻮﺍ ...
ﺍﻟﺤﺴﻦ : ﻧﻜﻤﻞ ﻗﺒﻞ .. ﻭﻗﻌﺪ ﻳﺎﻛﻞ ﻉ ﻣﻬﻠﻪ ﻭﻫﻲ ﻗﺮﻳﺐ ﺗﻄﺮﺑﻖ
ﻭﺑﺮﻧﻴﻪ ﻭ ﺍﻧﻌﺎﻡ ﺍﻟﻠﻲ ﻛﺎﻧﻮﺍ ﻳﺮﺍﻗﺒﻮﺍ ﻓﻴﻬﻢ ﻗﻌﺪﻭﺍ ﻳﻀﺤﻜﻮﺍ ﻋﻠﻴﻬﻢ ..
***
ﻣﻌﻨﺎﻫﺎ ﻫﻮ ﻣﻌﺠﺐ ﺑﻴﻚ ..
ﺧﻮﻟﻪ : ﺑﺎﻩ ﻭﺑﻌﺪﻳﻦ ..
ﺟﻨﺎﻥ : ﺍﻧﺘﻲ ﻣﺎﺧﻠﻴﺘﻨﺎﺵ ﻧﻌﺮﻓﻮﺍ ﺑﻌﺪﻳﻦ ﻫﺎﺩﻱ ..
ﺧﻮﻟﻪ : ﻭﻣﺶ ﻻﺯﻡ ﻧﻌﺮﻓﻮﺍ ﺧﻼﺹ ﺍﻧﻲ ﻏﺎﺩﻱ ﻣﻌﺎﺵ ﺑﻨﻤﺸﻲ ..
ﺳﻤﻌﻮﺍ ﺻﻮﺕ ﺭﺳﺎﻟﻪ ﻣﺎﺳﻨﺠﺮ .. ﻭﻛﺎﻧﺖ ﻣﻦ ﺗﻠﻴﻔﻮﻥ ﺟﻨﺎﻥ .. ﺷﺎﻓﺘﻪ ﺍﺑﺘﺴﻤﺖ ..
ﺧﻮﻟﻪ ﺑﻀﺤﻜﻪ : ﻏﻴﺮ ﻛﺎﻥ ﻧﻌﺮﻑ ﻣﻦ ﻫﺬﺍ ﺑﺲ ..
ﺟﻨﺎﻥ ﺍﺑﺘﺴﻤﺖ ﻭﻣﺸﺖ ﻟﺴﺮﻳﺮﻫﺎ ﻭﻗﻌﻤﺰﺕ ﻋﻠﻴﻪ ﻭﻗﻌﺪﺕ ﺗﻬﺪﺭﺯ ﻉ ﺍﻟﺴﻤﺎﺭﺓ ❤...
***
ﻓﻲ ﺍﻟﻠﻴﻞ ...
ﺗﺸﺒﺢ ﻟﻠﻤﺮﺍﻳﻪ .. ﻛﺎﻧﺖ ﻻﺑﺴﻪ ﻗﻔﻄﺎﻥ ﻭﺭﺩﻱ ﺣﻠﻮ ﻣﺘﺎﻉ ﺣﻮﺵ ﻗﺼﻴﺮ ﻟﻔﻮﻕ ﺍﻟﺮﻛﺒﻪ ﺑﺸﻮﻱ ﻭﻓﺎﺭﺩﻩ ﺷﻌﺮﻫﺎ ﺩﺍﺭﺕ ﻛﺮﻳﻤﻪ ﻹﻳﺪﻫﺎ ﻭﺟﻬﻬﺎ ... ﻭﻣﺸﺖ ﻟﻠﺪﻭﻻﺏ ﻃﻠﻌﺖ ﺣﻮﺍﻳﺞ ﺑﺘﻠﺒﺴﻬﻢ ﻏﺪﻭﺓ ﻟﻠﻜﻠﻴﻪ ..
ﺳﻤﻌﺖ ﺑﺎﺏ ﺍﻟﺤﻮﺵ ﺍﺑﺘﺴﻤﺖ .. ﺑﺲ ﻛﺎﻥ ﻋﻘﻠﻬﺎ ﻳﻘﻮﻟﻠﻬﺎ ﻓﻲ ﻫﻠﺒﻪ ﺣﺎﺟﺎﺕ ..
ﺧﺶ ﻟﺪﺍﺭ ﺍﻟﻨﻮﻡ ﺷﺎﻓﻬﺎ ﻻﻫﻴﻪ ﺗﻌﻠﻖ ﻓﻲ ﺍﻟﻠﺒﺴﻪ ﻭﻗﻠﺒﻪ ﺑﻴﻔﺮ 💓
ﺍﻟﺘﻔﺘﺖ ﺷﺒﺤﺘﻠﻪ ﺑﺒﺮﻭﺩ ﻭﻣﺸﺖ ﺟﻬﺔ ﺩﻭﻻﺏ ﺍﻷﺣﺪﻳﻪ ﻃﻠﻌﺖ ﻣﻨﻪ ﺷﻦ ﺑﺘﻠﺒﺲ .. ﻭﺣﻄﺎﺗﻪ ﺑﺤﺪﺍ ﺍﻟﺒﺎﺏ ﺟﺖ ﺟﻨﺒﻪ ﺑﺎﻟﺰﺑﻂ ﻭﻫﻲ ﻣﻄﺒﺴﻪ ﺗﺤﻂ ﻓﻜﻨﺪﺭﺗﻬﺎ ﻧﺰﻝ ﻋﻠﻴﻬﺎ ﺷﻌﺮﻫﺎ ﻟﻤﺎ ﻭﻗﻔﺖ ﻉ ﺣﻴﻠﻬﺎ ﻭﺧﺮﺍﺗﻪ ﺑﺈﻳﺪﻫﺎ ﻓﺎﺣﺖ ﺭﻳﺤﺘﻬﺎ ﺍﻟﺤﻠﻮﺓ ﻋﻠﻴﻪ ﻭﻣﺸﺖ .. ﻣﻦ ﺣﺪﺍﻩ .. ﻣﺘﻮﺟﻬﻪ ﻟﻠﺴﺮﻳﺮ ..
ﺍﻟﺤﺴﻦ ﻭﺟﻬﻪ ﺃﺣﻤﺮ : ﺍﺣﻤﻢ .. ﺑﻨﺮﻗﺪ ﺑﺮﺍ ..
ﻋﻠﻴﺎ : ﺗﺼﺒﺢ ﻉ ﺧﻴﺮ .. ﻭﺭﻗﺪﺕ ﻭﻫﻲ ﻋﺎﻃﻴﻪ ﺑﺎﻟﻈﻬﺮ ﻭﺗﻐﻄﺖ ﺑﺎﻟﻮﺭﻏﺎﻥ ..
ﻫﻮ ﻛﺎﻥ ﻳﺒﻲ ﻳﺮﻗﺪ ﻉ ﺍﻟﺴﺮﻳﺮ .. ﻳﻌﻨﻲ ﻗﺮﻳﺐ ﻣﻨﻬﺎ .. ﻳﺤﺴﺎﺑﻬﺎ ﺑﺘﻘﻮﻟﻪ ﺗﻌﺎﻟﻰ ﺍﺭﻗﺪ ﻫﻨﻲ ﺑﺲ ﺍﺗﻔﺎﺟﺄ ﺑﺮﺩﻫﺎ .. ﻣﺎﻳﻨﺪﺭﻳﺶ ﻣﺴﻜﻴﻦ ﺑﺎﻟﺤﺮﺏ ﺍﻟﻠﻲ ﺃﻋﻠﻨﺘﻬﺎ ﻋﻠﻴﻪ ﻋﻠﻴﺎ ﺣﺘﺎﺧﺪ ﺑﺘﺎﺭﻫﺎ ﻓﻲ ﺍﻷﻳﺎﻡ ﺍﻟﻠﻲ ﻋﺬﺑﻬﺎ ﻓﻴﻬﻢ ..
ﻫﻮ ﺧﺶ ﻃﻠﻊ ﺣﻮﺍﻳﺠﻪ ﻣﻦ ﺍﻟﺪﻭﻻﺏ ﻭﻣﺮﺓ ﻣﺮﺓ ﻳﺸﻮﻓﻠﻬﺎ .. ﻟﻴﻦ ﻃﻠﻊ ﻣﻦ ﺍﻟﺪﺍﺭ .. ﻭﺳﻜﺮ ﺍﻟﻀﻲ ..
ﻋﻠﻴﺎ ﺍﺑﺘﺴﻤﺖ " ﻫﺎﺩﻱ ﺍﻟﺒﺪﺍﻳﻪ ...."
ﻃﻠﻊ ﺍﻟﺤﺴﻦ ﺑﺪﻝ .. ﺑﻌﺪﻳﻦ ﺍﻧﻄﺮﺡ ﻉ ﺍﻟﻜﻨﺒﻪ .. ﺍﺫﻛﺮ ﺍﻟﻠﻴﻠﻪ ﺍﻟﻠﻲ ﺭﻗﺪﺕ ﺟﻨﺒﻪ ﻓﻴﻬﺎ ... ﻗﻌﺪ ﻳﻔﻜﺮ .. ﻫﻲ ﻟﻤﺎ ﺗﺠﻲ ﺭﺍﻗﺪﻩ ﺗﺨﻠﻲ ﻓﻲ ﺿﻲ ﺍﻻﺑﺎﺟﻮﺭﺓ ﻣﻔﺘﻮﺡ ﻭﺍﺿﻮﻳﻪ ﺍﻟﺤﻮﺵ ﺍﻟﺨﺎﻓﺘﻪ ﻣﻔﺘﻮﺣﻪ ﻣﻌﻨﺎﻫﺎ ﻣﺎﺗﺤﺒﺶ ﺍﻟﻈﻼﻡ .. ﺍﺑﺘﺴﻢ ﺑﻤﻜﺮ .. ﻭﻧﺎﺽ .. ﻓﺘﺢ ﺑﺎﺏ ﺍﻟﺸﻘﻪ ﺑﻬﺪﻭﺀ .. ﻣﺸﻲ ﻓﺼﻞ ﺍﻟﺘﺎﻛﻮ .. ﺍﻟﻠﻲ ﻟﻴﻪ ﻋﻼﻗﺔ ﺑﺸﻘﺘﻪ ..
ﻭﻭﻻ ﺳﻜﺮ ﺍﻟﺒﺎﺏ ﺑﻬﺪﻭﺀ .. ﻭﻫﻮ ﻳﺘﻠﻤﺲ ﺭﺟﻊ ﻟﻠﻜﻨﺒﻪ ﻭﺭﻗﺪ ﻋﻠﻴﻬﺎ ﻭﻫﻮ ﻳﺴﺘﻨﻰ .. ﻏﻤﺾ ﻋﻴﻮﻧﻪ ... ﺣﻮﺍﻟﻲ 10 ﺩﻗﺎﻳﻖ ﺣﺲ ﺑﻀﻲ ﻉ ﻭﺟﻬﻪ ﻓﺘﺢ ﻋﻴﻮﻧﻪ ﻭﺳﻜﺮﻫﻢ ﻓﻴﺴﻊ ..
ﺍﻟﺤﺴﻦ : ﺍﻃﻔﻴﻪ ..
ﻋﻠﻴﺎ : ﺧﻴﺮﻩ ﺍﻟﻀﻲ ..
ﺍﻟﺤﺴﻦ : ﺍﻃﻔﻲ ﻫﺬﺍ ﻭﻻ ﺣﻮﻟﻴﻪ ﻣﻦ ﻗﺪﺍﻡ ﻭﺟﻬﻲ .. ﻋﻠﻴﺎ ﺭﻓﻌﺎﺗﻪ ﻓﻮﻕ ..
ﻋﻠﻴﺎ : ﺧﻴﺮﻩ ﺍﻟﻀﻲ ..
ﺍﻟﺤﺴﻦ ﻭﻫﻮ ﻣﺴﻜﺮ ﻋﻴﻮﻧﻪ : ﻫﺮﺏ ..
ﻋﻠﻴﺎ : ﻗﺪﺍﺵ ﻟﻴﻨﺎ ﺍﻟﻜﻠﻤﻪ ﻫﺎﺩﻱ ﻣﻌﺎﺵ ﺳﻤﻌﻨﺎﻫﺎ ﺷﻦ ﺻﺎﺭ ﺗﻮﺍ ..
ﺍﻟﺤﺴﻦ ﺑﺘﻬﻜﻢ : ﺍﻧﺸﺪﻳﻬﻢ ..
ﻋﻠﻴﺎ ﻣﺘﻌﺼﺒﻪ ﻣﻨﻪ ﻭﻣﻦ ﺑﺮﻭﺩﻩ ...
ﺍﻟﺤﺴﻦ : ﺑﺮﻱ ﺍﺭﻗﺪﻱ ..
ﻋﻠﻴﺎ ﺑﺈﺣﺮﺍﺝ : ﻣﺎﻧﺤﺒﺶ ﺍﻟﻈﻼﻡ ..
ﺍﻟﺤﺴﻦ : ﻭﺷﻦ ﺑﻨﺪﻳﺮﻟﻚ ..
ﻋﻠﻴﺎ ﺳﻜﺘﺖ ..
ﺍﻟﺤﺴﻦ ﻓﺘﺢ ﻋﻴﻮﻧﻪ : ﺷﻦ ﺗﺒﻲ ..
ﻋﻠﻴﺎ ﻭﻋﻴﻮﻧﻬﺎ ﻟﻮﻃﺎ ﻭﻋﺎﻗﺪﻩ ﺣﻮﺍﺟﺒﻬﺎ ﻭﻭﺟﻬﻬﺎ ﺍﺣﻤﺮ : ﺍﺩﻧﻰ ﻏﺎﺩﻱ ..
ﺍﻟﺤﺴﻦ : ﻋﻼﺵ ..
ﻋﻠﻴﺎ : ﺍﻭﻓﻔﻒ ...
ﺍﻟﺤﺴﻦ : ﻣﻌﺎﺵ ﺗﻨﻔﺨﻲ
ﻧﺎﺽ ﻣﻦ ﻣﻜﺎﻧﻪ ﻭﻭﻗﻒ : ﺍﺭﻗﺪﻱ ..
ﻋﻠﻴﺎ ﻗﻌﺪﺕ ﺗﺸﺒﺤﻠﻪ ﻭﻫﻲ ﻛﻴﻒ ﺑﺘﺮﻗﺪ ﺣﺮﻛﺖ ﺍﻟﺘﻠﻴﻔﻮﻥ ﺟﻲ ﺍﻟﻔﻼﺵ ﻉ ﻋﻴﻮﻧﻪ ..
ﺍﻟﺤﺴﻦ ﺟﺒﺪ ﺍﻟﺘﻠﻴﻔﻮﻥ : ﻫﺎﺗﻲ ﺍﻟﻬﻢ ﺟﺎﻱ
ﻋﻠﻴﺎ ﺑﻬﻤﺲ : ﺑﺮﺑﺮﻱ ..
ﺍﻟﺤﺴﻦ : ﺣﺼﻠﻪ ..
ﻋﻠﻴﺎ ﺷﻘﻠﺒﺖ ﻋﻴﻮﻧﻬﺎ ﻭﺭﻗﺪﺕ ﻭﻫﻲ ﻋﺎﻃﻴﻪ ﺑﺎﻟﻈﻬﺮ ﻭﻫﻮ ﺍﺑﺘﺴﻢ .. ﺣﻂ ﺍﻟﺘﻠﻴﻔﻮﻥ ﺑﻌﻴﺪ ﺷﻮﻳﻪ ﻭﻓﻼﺷﻪ ﻣﻔﺘﻮﺡ .. ﻭﺗﻤﺪﺩ ﺟﻨﺒﻬﺎ
ﻛﺎﻥ ﻳﺸﺒﺤﻠﻬﺎ .. ﻭﻫﻲ ﻋﺎﻃﻴﻪ ﺑﺎﻟﻈﻬﺮ ﻭﺣﺎﺳﻪ ﻗﻠﺒﻬﺎ ﻗﺮﻳﺐ ﻳﻄﻴﺮ ﻣﻦ ﺻﺪﺭﻫﺎ ﻭﻳﻤﺸﻴﻠﻪ .. ﻗﻌﺪﺕ ﻓﺎﻳﻘﻪ ﺷﻮﻳﻪ ﻟﻴﻦ ﺧﺪﺍﻫﺎ .. ﺍﻟﻨﻮﻡ ﻭﻫﻮ ﻛﺬﻟﻚ ..
ﺍﻟﺼﺒﺢ ..
ﻓﺘﺤﺖ ﻋﻴﻮﻧﻬﺎ ﺣﺴﺖ ﺭﻭﺣﻬﺎ ﻣﻜﺘﻔﻪ .. ﺭﻛﺰﺕ ﻛﻮﻳﺲ .. ﻟﻘﺖ ﺭﻭﺣﻬﺎ ﻓﻲ ﺣﻀﻨﻪ ﻭﻫﻮ ﻣﺤﺎﻭﻃﻬﺎ ﺑﺈﻳﺪﻳﻪ ..
ﻋﻠﻴﺎ ﺍﺑﺘﺴﻤﺖ .. ﻭﺷﻮﻳﻪ ﻭﺑﻌﺪﺕ ﺍﻳﺪﻳﻪ ﻫﻮ ﻧﺎﺽ ..
ﺍﻟﺤﺴﻦ ﺑﺼﻮﺕ ﻧﺎﻋﺲ : ﺧﻴﺮﻙ ..
ﻋﻠﻴﺎ : ﺻﺒﺢ ﺍﻟﺼﺒﺢ ..
ﺍﻟﺤﺴﻦ ﺭﻛﺰ ﻉ ﻓﻴﺮﻧﺪﺍ ﻟﻘﻲ ﺿﻲ ﺍﻟﺼﺒﺢ ﺟﺎﻱ ﻣﻨﻬﺎ ..
ﻋﻠﻴﺎ : ﻣﻤﻜﻦ ﺗﺤﻮﻝ ..
ﺍﻟﺤﺴﻦ ﺍﺑﺘﺴﻢ ﺑﺘﻬﻜﻢ : ﻋﻼﺵ ﺍﻧﻲ ﺷﺎﺩﻙ ..
ﻋﻠﻴﺎ ﺭﻛﺰﺕ ﺍﻧﻪ ﺣﻮﻝ ﺍﻳﺪﻩ ﺟﺖ ﺑﺘﻨﻮﺽ ﻧﺎﺽ ﻣﻌﺎﻫﺎ .. ﺷﺒﺤﻮﺍ ﻟﺒﻌﺾ ﻭﻛﺎﻧﻮﺍ ﻗﺮﺍﺏ ﻫﻠﻠﻠﻠﺒﻪ .. ﻋﻴﻮﻧﻬﻢ ﺍﻟﻤﺴﺘﺎﺣﺸﻪ ﺑﻌﻀﻬﺎ ﻣﻦ ﻗﺪﺭﺗﺶ ﺗﻤﻨﻊ ﺑﻌﻀﻬﺎ ﻣﻦ ﺍﻟﻜﻼﻡ ﻓﻲ ﺍﻟﺤﺐ ﻭﺍﻟﺸﻮﻕ ... ﻭﺍﻟﻘﻠﻮﺏ ﺍﻟﻠﻲ ﺗﻀﺮﺏ ﺑﻌﻨﻒ ﻟﻮ ﺗﻠﻘﻲ ﺗﺘﺤﺮﺭ ﻣﻦ ﺻﺪﻭﺭﻫﻢ ﻭﺗﺤﻀﻦ ﺑﻌﺾ .. ﻭﻟﻜﻦ ﻟﻠﻌﻘﻞ ﻓﻲ ﺑﻌﺾ ﺍﻟﻤﻮﺍﻗﻒ ﺍﻟﻜﻠﻤﻪ ﺍﻷﺧﻴﺮﻩ ..
ﻋﻠﻴﺎ ﺑﻌﺪﺕ .. ﻭﻫﻮ ﺑﻌﺪ ﻟﻤﺎ ﺷﺎﻓﻬﺎ ﺑﻌﺪﺕ .
ﻋﻠﻴﺎ ﺑﺪﻭﻥ ﻣﺎﺗﺸﺒﺤﻠﻪ : ﺣﻮﻝ ﺧﻞ ﺑﻨﻨﺰﻝ ..
ﺍﻟﺤﺴﻦ ﻭﺯﻉ ﻧﻈﺮﻩ ﻋﻠﻴﺎ ﺍﺑﺘﺴﻢ ﻭﺭﻓﻊ ﺣﺎﺟﺒﻪ ﺍﻟﻴﺴﺎﺭ ﻟﻤﺎ ﺟﺖ ﻋﻴﻨﻪ ﻉ ﻗﻔﻄﺎﻧﻬﺎ ﺍﻟﻤﺮﻓﻮﻉ ﺷﻮﻳﻪ ﺭﻛﺰﺕ ﻋﻠﻴﺎ .. ﻗﺮﻳﺐ ﻣﺎﺗﺖ ﻣﻦ ﺍﻟﺨﺠﻞ ...
ﻋﻠﻴﺎ ﻧﺰﻟﺖ ﺍﻟﻘﻔﻄﺎﻥ ﻭﻏﻤﻀﺖ ﻋﻴﻮﻧﻬﺎ ﺑﺨﺠﻞ : ﺣﻮﻝ ﻫﻴﺎ ..
ﺍﻟﺤﺴﻦ : ﺍﻧﻲ ﺣﻮﻟﺖ ﻣﻦ ﺯﻣﺎﻥ ..
ﻓﺘﺤﺖ ﻋﻴﻮﻧﻬﺎ ﻟﻘﺎﺗﻪ ﻣﺤﻮﻝ ﺭﺟﻠﻴﻪ ﻧﺎﺿﺖ ﺑﺴﺮﻋﻪ ﺗﺠﺮﻱ ﻟﻠﺪﺍﺭ ﺍﻣﺎ ﻫﻮ ﺿﺤﻚ ﻭﺑﻌﺪﻳﻦ ﺍﺗﻜﻰ ﻉ ﺍﻟﻜﻨﺒﻪ " ﺁﺍﺍﺍﻩ ﻣﻨﻚ ﻳﺎﺭﻳﻼ ..."
***
ﻋﻴﻮﻧﻜﻢ ﻋﻠﻴﻪ .. ﺍﻳﻪ ﻣﺤﻤﺪ ﺭﺯﻕ ﺍﻟﻠﻪ .. ﻣﺎﺗﺴﻬﻮﺵ ﻋﻨﻪ ﻟﻠﺤﻈﻪ .. ﺗﻤﺎﻡ ... ﺻﻜﺮ ﻭﻭﻗﻒ ﻉ ﺍﻟﻤﺮﺍﻳﻪ ...
: ﻭﺟﻪ ﺑﺮﻱﺀ ﻟﻴﻦ ﻓﺎﻳﺖ ﻓﻴﻪ ﺑﺲ ﻧﺤﺒﻪ ﺍﻛﺜﺮ ﻣﻦ ﻭﺟﻬﻲ ﺍﻟﺤﻘﺎﻧﻲ ... ﺗﻨﻬﺪ ... ﻭﻟﻒ ﻭﻃﻠﻊ ...
... ﻳﺘﺒﻊ
