#الحسن (الوطن عشق رجاله)
ﺍﻟﺠﺰﺀ ﺍﻟﺤﺎﺩﻱ ﻭﺍﻷﺭﺑﻌﻴﻦ 💖💕💗
للكاتبة GomanFared
🎶 ﻉ ﻫﺪﻳﺮ ﺍﻟﺒﻮﺳﻄﺎ ﺍﻟﻠﻲ ﻛﺎﻧﺖ ﻧﺎﻗﻠﺘﻨﺎ
ﻣﻦ ﺿﻴﻌﺔ ﺣﻤﻼﻳﺎ ﻉ ﺿﻴﻌﺔ ﺗﻨﻮﺭﻳﻦ
ﺗﺰﻛﺮﺗﻚ ﻳﺎﻋﻠﻴﺎ ﻭﺗﺰﻛﺮﺕ ﻋﻴﻮﻧﻚ
ﻳﺨﺮﺏ ﺑﻴﺖ ﻋﻴﻮﻧﻚ ﻳﺎﻋﻠﻴﺎ ﺷﻮ ﺣﻠﻮﻳﻦ
ﻓﺘﺤﺖ ﻋﻴﻮﻧﻬﺎ ﻉ ﺻﻮﺕ ﺍﻷﻏﻨﻴﻪ ﺗﺤﺴﺎﺏ ﺭﻭﺣﻬﺎ ﺗﺤﻠﻢ .. ﻗﻌﻤﺰﺕ ﻉ ﺣﻴﻠﻬﺎ ﻭﻣﺎﺯﺍﻟﺖ ﺗﺴﻤﻊ ﻓﻴﻬﺎ .. ﻧﺎﺿﺖ ﻣﻦ ﺳﺮﻳﺮﻫﺎ ﻭﻃﻠﻌﺖ ﺑﺮﺍ ﺍﻟﺪﺍﺭ .. ﺍﻟﺼﻮﺕ ﻭﺍﺿﺢ ﺟﺎﻱ ﻣﻦ ﺍﻟﺼﺎﻟﻪ .. ﻟﻘﺖ ﺍﻟﻤﻨﻈﻮﻣﻪ ﻣﺤﻄﻮﻃﻪ ﻓﻴﻬﺎ .. ﻗﺪﻣﺖ ﺍﻛﺜﺮ .. ﺗﻮﺯﻉ ﻓﻲ ﻧﻈﺮﻫﺎ ﻉ ﺍﻟﻤﻜﺎﻥ ﻟﻴﻦ ﺟﺖ ﻋﻴﻨﻬﺎ ﻉ ﺍﻟﻤﻄﺒﺦ ﻟﻘﺖ ﺍﻟﻔﻄﻮﺭ ﻉ ﺍﻟﻄﺎﻭﻟﻪ .. ﻭﻟﻘﺖ ﻭﺭﺩﻩ .. ﻗﺮﺑﺖ ﺑﺰﻳﺎﺩﻩ ﺑﻨﻈﺮﺍﺗﻬﺎ ﺍﻟﻤﺪﻫﻮﺷﻪ .. ﻟﻘﺖ ﻭﺭﻗﻪ ﻗﺎﻣﺘﻬﺎ ... ﻭﻗﺮﺗﻬﺎ
( ﺍﻟﻴﻮﻡ ﺍﻧﻲ ﺳﻜﺮﺕ 38 ﺳﻨﻪ ... ﻋﻤﺮﻱ ﻣﺎﺩﻭﺭﺕ ﻳﻮﻡ ﻣﻴﻼﺩﻱ ﻭﻻﺍﺫﻛﺮﺗﻪ ... ﺑﺲ ﻣﻦ ﺍﻟﻴﻮﻡ ﺣﻴﺒﺪﺍ ﻋﻨﺪﻱ ﺍﻫﻢ ﻳﻮﻡ ﻓﻲ ﺍﻟﺴﻨﻪ .. ﻣﺶ ﻹﻧﻪ ﻳﻮﻡ ﻣﻴﻼﺩﻱ .. ﻹﻧﻪ ﺍﻟﻴﻮﻡ ﺍﻟﻠﻲ ﺳﻤﻌﺖ ﻓﻴﻪ ﻣﻨﻚ ﺍﺣﻠﻰ ﻛﻠﻤﻪ ﺧﺸﺖ ﻟﻮﺫﻧﻲ ... ﻧﺤﺒﻚ ... )
ﻋﻠﻴﺎ ﺗﻘﺮﺍ ﻭﺗﻌﺎﻭﺩ ﻣﺶ ﻣﺴﺘﻮﻋﺒﻪ ﺣﺎﺳﻪ ﺍﻧﻬﺎ ﻗﺎﻋﺪﻩ ﺭﺍﻗﺪﻩ ﻭﻫﺬﺍ ﺣﻠﻢ ﺭﻛﺰﺕ ﻉ ﺍﻟﻮﺭﺩﺓ ﺍﻟﻠﻲ ﻛﺎﻧﺖ ﺷﺒﻪ ﻳﺎﺑﺴﻪ ﻫﻲ ﻧﻔﺴﻬﺎ ﺍﻟﻮﺭﺩﺓ ﻋﻄﻬﺎﻟﻬﺎ ﻳﻮﻣﻬﺎ ..
" ﻟﺤﻈﻪ ... ﺍﻧﻲ ﺍﻣﺘﻰ ﻗﺘﻠﻪ ﻧﺤﺒﻚ !! ﺣﻴﻴﻲ .. ﻳﺎﺭﺑﻲ ﺍﻧﻲ ﺍﺻﻼ ﻛﻨﺖ ﺭﺍﻗﺪﻩ ﻓﻲ ﺍﻟﺼﺎﻟﻪ ﻧﻀﺖ ﻟﻘﻴﺖ ﺭﻭﺣﻲ ﻓﻲ ﺍﻟﺪﺍﺭ "!!!
ﺣﻄﺖ ﺍﻳﺪﻫﺎ ﻉ ﻓﻤﻬﺎ " ﻳﺎﺭﺑﻲ ﺷﻦ ﺻﺎﺭ ﺃﻣﺲ ..."
ﺃﺑﺘﺴﻤﺖ ﻭﺑﻌﺪﻳﻦ ﺿﺤﻜﺖ "... ﻋﻘﻠﻲ ﺍﻟﺒﺎﻃﻦ ﻓﻀﺤﻨﻲ .. ﻭﺃﺣﻠﻰ ﻓﻀﻴﺤﻪ ..."💖
ﻋﻠﻴﺎ ﺗﺸﺒﺢ ﻟﻠﻔﻄﻮﺭ ﻭﺍﻟﻮﺭﺩﻩ ﻭﺍﻟﻮﺭﻗﻪ : ﻫﻬﻬﻬﻬﻬﻬﻬﻬﻬﻪ ﺣﺘﻰ ﺣﺮﻛﺎﺗﻪ ﻛﻼﺳﻴﻜﻴﻪ ﻭﻗﺪﻳﻤﻪ .. ﺷﻜﻠﻪ ﺗﻔﺮﺝ ﻉ ﻓﻴﻠﻢ ﺍﺑﻴﺾ ﻭﺍﺳﻮﺩ ﻗﺒﻞ ﻟﻴﺮﻭﺡ ﺍﻟﺤﻮﺵ .. ﺭﻛﺰﺕ ﻓﻲ ﺭﻗﻢ ...38 ﺍﻩ ﻣﺤﻼﻙ .. ﻟﻮ ﻳﻜﻮﻥ ﻋﻤﺮﻙ 70 ﻧﻤﻮﺕ ﻓﻴﻚ ❤❤..
***
ﻳﺎﻓﻨﺪﻱ ﺷﺮﻭﺩﺓ ﻓﻲ ﻣﻜﺘﺐ ﺍﻟﺘﺤﻘﻴﻖ ..
ﺍﻟﺤﺴﻦ ﻧﺎﺽ ﻭﻃﻠﻊ ﻭﻃﻠﻊ ﻭﺭﺍﻩ ﺍﻟﻌﻨﺼﺮ ... ﺍﻟﻠﻲ ﻳﻘﺎﺑﻠﻪ ﻳﺄﺩﻳﻠﻪ ﺗﺤﻴﻪ ... ﻟﻴﻦ ﻭﺻﻞ ﻓﻲ ﺍﻟﻤﻜﺘﺐ ﻓﺘﺢ ﺍﻟﺒﺎﺏ ﻭﺧﺶ ... ﻟﻤﺎ ﺷﺎﻓﻪ ﺍﺫﻛﺮ ﺍﻟﻴﻮﻡ ﺍﻟﻠﻲ ﺷﺎﻑ ﻓﻴﻪ ﻋﻠﻴﺎ ﻓﻬﺪﻳﻜﺎ ﺍﻟﺤﺎﻟﻪ .. ﻣﺎﺧﻄﺮﺵ ﻓﻲ ﺑﺎﻟﻪ ﻏﻴﺮ ﺷﻲ ﻭﺍﺣﺪ ﻳﻌﻄﻴﻪ ﺭﺻﺎﺻﻪ ﻓﻲ ﺭﺍﺳﻪ .. ﺗﻤﺎﻟﻚ ﻧﻔﺴﻪ ..
ﻭﻗﺪﻡ ﻭﻗﻌﻤﺰ ....
ﺷﺮﻭﺩﺓ ﺑﻀﺤﻜﻪ : ﺍﻭﻭﻭ ﺍﻓﻨﺪﻳﻨﺎ ﺍﻟﻠﻴﺚ ﻟﻴﻚ ﻭﺣﺸﻪ ..
ﺍﻟﺤﺴﻦ ﺑﺘﻬﻜﻢ : ﻭﻟﻴﻚ ﺍﻛﺜﺮ ..
ﺷﺮﻭﺩﺓ : ﻗﺎﻟﻮﺍ ﺗﺰﻭﺟﺖ ..
ﺍﻟﺤﺴﻦ ﻧﻈﺮﺓ ﻋﻴﻨﻪ ﻭﻟﺖ ﺗﺨﻮﻑ : ﻟﺘﻮﺍ ﻣﺎﻓﻄﺮﺗﺶ ... ﺗﺒﻴﻨﻲ ﻧﻔﻄﺮ ﻋﻠﻴﻚ ﻣﺎﻋﻨﺪﻳﺶ ﻣﺸﻜﻠﻪ ...
ﺷﺮﻭﺩﺓ : ﻫﻬﻬﻬﻬﻬﻬﻬﻪ ... ﺑﺲ ﻭﺍﻟﻠﻪ ﻃﺤﺖ ﻭﺍﻗﻒ ..
ﺍﻟﺤﺴﻦ ﻃﺎﺭ ﻋﻘﻠﻪ .. ﻧﺎﺿﻠﻪ ﻭﻃﺎﺡ ﻓﻴﻪ ﺑﻮﻛﺴﺎﺕ .. ﻟﻴﻦ ﺧﺸﻠﻪ ﺳﺎﻣﺮ ﺍﻟﻠﻲ ﻛﺎﻥ ﻳﺘﻔﺮﺝ ﻋﻠﻴﻬﻢ ﻣﻦ ﺑﺮﺍ ﻋﻦ ﺍﻟﻄﺮﻳﻖ ﺍﻟﺰﺟﺎﺝ ﺍﻟﻌﺎﺯﻝ .. ﺷﺪﻩ ﻋﻨﻪ .. ﺍﻟﺤﺴﻦ ﻛﺎﻥ ﻓﻲ ﻗﻤﺔ ﺍﻟﻐﻀﺐ .. ﻭﺷﺮﻭﺩﺓ ﺍﻟﻠﻲ ﻭﺟﻬﻪ ﻭﻻ ﺩﻡ ﻗﻌﺪ ﻳﻀﺤﻚ ﺑﺈﺳﺘﻔﺰﺍﺯ ..
ﺳﺎﻣﺮﺑﺼﻮﺕ ﻋﺎﻟﻲ : ﻳﺎﻓﻨﺪﻱ ﻫﺬﺍ ﻳﺴﺘﻔﺰ ﻓﻴﻚ .. ﻳﺒﻲ ﻳﻀﻴﻊ ﻭﻗﺖ ﺑﺲ ..
ﺍﻟﺤﺴﻦ ﺍﺳﺘﺎﻗﺾ ﻟﻨﻔﺴﻪ ﻭﻫﺪﻱ ﺷﻮﻳﻪ : ﺣﻮﻝ ﺧﻼﺹ .. ﻓﻜﻪ ﺳﺎﻣﺮ .. ﺍﺳﺘﺠﻤﻊ ﻧﻔﺴﻪ .. ﻭﻭﻻ ﻗﻌﻤﺰ ﻭﺳﺎﻣﺮ ﻃﻠﻊ ﻭﺳﻜﺮ ﺍﻟﺒﺎﺏ ..
ﺍﻟﺤﺴﻦ : ﺯﺍﻳﺪ ﻧﺎﻗﺺ ﺣﺘﻌﺪﻡ ... ﻟﺬﻟﻚ ﻗﻮﻝ ﺍﻟﻠﻲ ﻋﻨﺪﻙ ﺍﻟﻠﻲ ﻧﺴﺎﻟﻚ ﻋﻨﻪ ﺣﺘﺠﺎﻭﺑﻨﻲ ﻋﻠﻴﻪ ..
ﺷﺮﻭﺩﺓ : ﻫﻬﻬﻬﻬﻬﻬﻬﻪ .. ﻭﺍﻟﻠﻪ ﻭﺗﻌﺮﻑ ﺗﻨﻜﺖ .. ﺳﻜﺖ .. ﺍﻧﻲ ﻣﻴﺖ ﻣﻴﺖ ﻳﻌﻨﻲ ﻣﺶ ﺣﻨﺴﺘﻔﻴﺪ ﻗﻠﺖ ﻭﻻ ﻣﺎﻗﻠﺘﺶ ..
ﺍﻟﺤﺴﻦ ﺍﺑﺘﺴﻢ ﺑﺘﻬﻜﻢ : ﺍﻟﻠﻲ ﺍﻧﺖ ﻣﺶ ﻋﺎﺭﻓﻪ ﺍﻭ ﻣﻤﻜﻦ ﺭﺍﻓﺾ ﺗﺘﻘﺒﻠﻪ .. ﺟﻤﺎﻋﺘﻚ ﺑﺎﻋﻮﻙ .. ﺣﻄﻮﻫﺎ ﻓﻲ ﺭﺍﺳﻚ ﺍﻧﺖ ﻭﺑﺎﻋﻮﻙ .. ﺧﻠﻮﻙ ﺍﻧﺖ ﺗﻘﻴﻢ ﺗﻬﻢ ﻛﺒﻴﺮﺓ ﺑﺮﻭﺣﻚ .. ﻭﺍﻧﺖ ﻣﺎﺯﺍﻝ ﺗﺤﻤﻲ ﻓﻴﻬﻢ ..
ﺷﺮﻭﺩﺓ ﻋﺎﺭﻑ ﺍﻥ ﻛﻼﻡ ﺍﻟﺤﺴﻦ ﺻﺢ ﺑﺲ ﻣﺶ ﻗﺎﺑﻠﻬﺎ ﻉ ﻧﻔﺴﻪ ﺑﻤﺎ ﺍﻧﻪ ﻛﺎﻥ ﺭﺍﺱ ﻛﺒﻴﺮ ﻓﻲ ﺍﻟﻤﻨﻈﻤﻪ .. ﻛﻴﻒ ﺑﺎﻋﻮﻩ ﻫﻜﻲ ﻭﻭﻛﻠﻮﻩ ﻣﻘﻠﺐ ..
ﺍﻟﺤﺴﻦ : ﺣﻨﻌﻄﻴﻚ ﻓﺮﺻﺔ ﺗﻔﻜﺮ ... ﻭﻫﻮ ﻳﺄﺷﺮ ﺑﺼﺒﻌﻪ ﻉ ﺭﺍﺳﻪ ﺑﺤﺮﻛﻪ ﺩﺍﺋﺮﻳﻪ ... ﻓﻜﺮ .. ﻓﻜﺮ ... ﻓﻜﺮ ... ﻭﺧﺒﻂ ﺑﺈﻳﺪﻩ ﻉ ﺍﻟﻄﺎﻭﻟﻪ ﻭﻧﺎﺽ .. ﻭﻃﻠﻊ ﻣﻦ ﺍﻟﻤﻜﺘﺐ ﻭﺧﻼ ﺷﺮﻭﺩﺓ ﻣﻠﺨﺒﻂ ﻫﻠﺒﻪ ..
ﺍﻟﺤﺴﻦ ﻭﻫﻮ ﻃﺎﻟﻊ ﺧﺶ ﻟﺴﺎﻣﺮﻭﻗﻌﺪ ﻳﺸﺒﺢ ﻟﺸﺮﻭﺩﻩ ﻣﻦ ﺍﻟﺰﺟﺎﺝ ﻣﺎﻛﺎﻧﺶ ﺷﺮﻭﺩﺓ ﻳﻘﺪﺭ ﻳﺸﻮﻓﻪ ﻣﻨﻪ ..
ﺍﻟﺤﺴﻦ : ﻧﻘﻠﻪ ﻟﻠﺴﺠﻦ ﻳﺘﻢ ﺑﺴﺮﻳﺔ ﺗﺎﻣﻪ ﺯﻱ ﻣﺎﺟﻲ ..
ﺳﺎﻣﺮ : ﻣﺎﻗﺎﻝ ﺷﻲ ..
ﺍﻟﺤﺴﻦ : ﺣﻴﻘﻮﻝ ﻗﺮﻳﺐ .. ﻭﺗﻮﺟﻪ ﻟﻠﺒﺎﺏ ﻭﻃﻠﻊ ..
***
ﻋﻴﺪ ﻣﻴﻼﺩﻩ ..
ﻋﻠﻴﺎ : ﺍﻳﻪ ﻣﺶ ﻋﺎﺭﻓﻪ ﻛﻴﻒ ﺭﺍﺣﺖ ﻋﻦ ﺑﺎﻟﻲ ﺣﺎﺟﻪ ﺯﻱ ﻫﺎﺩﻱ ﻣﺎﻋﺮﻓﺘﻬﺎﺵ ﻋﻠﻴﻪ ..
ﺍﺑﺘﺴﺎﻡ : ﻗﻮﻟﻲ ﺫﻛﺮﻯ ﻣﻴﻼﺩﻩ ..
ﻧﺮﺟﺲ ﺑﻀﺤﻜﻪ : ﺑﺎﻩ ...
ﻋﻠﻴﺎ : ﻗﺼﺪﻱ ﻣﺶ ﻋﺎﺭﻓﻪ ﺭﺍﺟﻞ ﺯﻱ ﺍﻟﺤﺴﻦ ﺷﻦ ﻫﻲ ﺍﻟﻬﺪﻳﻪ ﺍﻟﻠﻲ ﺗﻨﺎﺳﺒﻪ ...
ﻧﺮﺟﺲ ﻭﺍﺑﺘﺴﺎﻡ ﻳﻔﻜﺮﻭﺍ ...
ﺍﺑﺘﺴﺎﻡ : ﻟﻠﻮﺷﻪ .. ﺍﻟﺤﺴﻦ ﻳﻠﺒﺲ ﻓﻌﺮﺑﻲ .
ﻋﻠﻴﺎ : ﺗﺼﺪﻗﻲ ﻋﻤﺮﻱ ﻣﺎﺭﻳﺘﻪ ﻻﺑﺴﻪ ..
ﻧﺮﺟﺲ : ﻣﻌﻨﺎﻫﺎ ﻣﺎﻳﺤﺒﺶ ﻳﻠﺒﺲ ﻋﺮﺑﻲ ..
ﺍﺑﺘﺴﺎﻡ ﺑﺈﺑﺘﺴﺎﻣﻪ : ﺗﺨﻠﻴﻪ ﻳﺤﺒﻪ ..
ﻋﻠﻴﺎ ﺑﺄﺑﺘﺴﺎﻣﻪ : ﻫﻜﻲ ﺗﻘﻮﻟﻲ ..
ﺍﺑﺘﺴﺎﻡ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ﻭﻫﻲ ﺗﻀﺤﻚ : ﻓﻲ ﻣﺤﻞ ﻧﻌﺮﻓﻪ ﻳﺒﻴﻊ ﻓﻲ ﺣﺎﺟﺎﺕ ﺭﺍﻗﻴﻪ ﻫﻠﺒﻪ ...
ﻋﻠﻴﺎ : ﻧﻤﺸﻮﺍ ﺗﻮﺍ .. ﻣﺎﺯﺍﻝ ﺗﻼﺗﻪ ﺳﺎﻋﺎﺕ ﻉ ﺍﻟﻤﺤﺎﺿﺮﺓ ﺍﻷﺧﻴﺮﻩ ..
ﺍﺑﺘﺴﺎﻡ ﺿﺤﻜﺖ : ﺑﺎﻩ ..
ﻋﻠﻴﺎ ﻧﺎﺿﺖ ﺑﺤﻤﺎﺱ : ﺧﻞ ﻧﻜﻠﻤﻪ .. ﻧﻘﻮﻟﻪ ﺑﻨﻄﻠﻊ ﻧﺸﻮﻑ ﺍﻟﻤﺤﻼﺕ ..
ﻧﺮﺟﺲ ﺑﻀﺤﻜﻪ : ﻳﻠﻼ .. ﻭﻗﺖ ..
ﻋﻠﻴﺎ ﻣﺸﺖ ﻉ ﺗﺮﻛﻴﻨﻪ ﻭﺍﺗﺼﻠﺖ .. ﻫﻮ ﻛﺎﻥ ﻃﺎﻟﻊ ﻣﻦ ﺍﻟﻤﺮﻛﺰ ﺭﻥ ﺗﻠﻴﻔﻮﻧﻪ ﺷﺎﻑ ﺍﻟﺮﻗﻢ ﺍﺑﺘﺴﻢ ﻣﻦ ﻗﻠﺒﻪ .. ﻭﺭﺩ
ﺍﻟﺤﺴﻦ : ﻫﺎﺍﻩ
ﻋﻠﻴﺎ ﺑﻀﺤﻜﻪ : ﺧﺎﻃﺮﻱ ﻣﺮﺓ ﺗﺮﺩ ﻋﻠﻴﺎ ﺑﻜﻠﻤﻪ ﺣﻠﻮﺓ ..
ﺍﻟﺤﺴﻦ ﺑﺈﺑﺘﺴﺎﻣﻪ : ﻫﻴﺎ ﻗﻮﻟﻲ ﺷﻦ ﺗﺒﻲ ﻣﺶ ﻓﺎﺿﻲ ..
ﻋﻠﻴﺎ ﺑﺈﺑﺘﺴﺎﻣﻪ : ﺑﻨﻄﻠﻊ ﺍﻧﻲ ﻭﺍﻟﺒﻨﺖ ﻟﻠﻤﺤﻼﺕ .. ﺯﻱ ﻣﺎﺗﻌﺮﻑ ﻋﺮﺱ ﺍﺑﺘﺴﺎﻡ ﺧﻼﺹ ﻣﻌﺎﺵ ﻣﺎﺯﺍﻝ ﻋﻠﻴﻪ ﺷﻲ ﺏ ...
ﺍﻟﺤﺴﻦ : ﺑﺮﻱ ..
ﻋﻠﻴﺎ : ﻫﻬﻬﻬﻬﻬﻪ ... ﺑﺎﻩ ﺗﻮﺍ ﺑﺎﻱ ..
ﺍﻟﺤﺴﻦ ﺍﺑﺘﺴﻢ ﻭﺻﻜﺮ .. ﺗﻨﻬﺪ .. ﻭﻟﺒﺲ ﻧﻈﺮﺍﺗﻪ ﻭﺭﻛﺐ ﺍﻟﺴﻴﺎﺭﻩ ﻭﺗﺤﺮﻙ ﻃﻮﻝ ..
ﻭﻟﺖ ﻋﻠﻴﺎ ﻟﺼﺎﺣﺒﺎﺗﻬﺎ ﻭﻣﺸﻮﺍ ﻣﻊ ﺑﻌﺾ ...
***
( ﻧﺒﻲ ﻧﺸﻮﻓﻚ . )
( ﻭﻳﻦ )
( ﻓﻲ ﻣﺤﻞ ﻭﺭﺩ ﻧﻌﺮﻓﻪ ﻗﺮﻳﺐ ﻉ ﻣﺪﺭﺳﺘﻚ )
( ﺍﻩ ﺍﻳﻪ ﻋﺮﻓﺘﻪ )
( ﺗﻤﺎﻡ .. ﻟﻤﺎ ﺗﺮﻭﺣﻲ .. ﺍﺧﻄﻤﻲ ﻋﻠﻴﻪ .. )
( ﺑﺎﻩ )
ﺭﻥ ﺍﻟﺠﺮﺱ ﺍﻧﺘﻬﺎﺀ ﺍﻹﺳﺘﺮﺍﺣﻪ ..
: ﻫﻴﺎ ﺃﻣﻴﺮﻩ ..
ﺍﻣﻴﺮﺓ ﻭﻫﻲ ﺗﻜﺘﺐ : ﻫﻴﺎ ﻫﻲ ...
***
ﻋﻠﻴﺎ ﻭﻫﻲ ﺩﻭﺭ ﺑﻌﻴﻮﻧﻬﺎ ﻓﻲ ﺍﻟﻤﺤﻞ : ﻳﺎﺭﺑﻲ ﻛﻞ ﺣﺎﺟﻪ ﺍﺣﻠﻰ ﻣﻦ ﺍﻟﺘﺎﻧﻴﻪ .. ﻣﺤﺘﺎﺭﺓ ﺷﻦ ﻧﺎﺧﺪ .. ﻧﺤﺲ ﻓﻴﻪ ﻛﻠﻪ ﻳﻄﻠﻊ ﻋﻠﻴﻪ ..
ﻧﺮﺟﺲ : ﻧﻌﻄﻴﻚ ﺭﺍﻱ
ﻋﻠﻴﺎ : ﻗﻮﻟﻲ ..
ﻧﺮﺟﺲ : ﺭﺍﺟﻠﻚ ﻃﻮﻳﻞ ﻭﻋﺮﻳﺾ ﻣﺎﺷﺎﺀ ﺍﻟﻠﻪ .. ﺧﻮﺩﻳﻠﻪ ﺍﻟﻠﺒﺴﻪ ﺍﻟﻄﺮﺍﺑﻠﺴﻴﻪ .. ﺍﺷﺮﺕ ﺑﺼﺒﻌﻬﺎ ﻉ ﻭﺣﺪﻩ ﻟﻮﻧﻬﺎ ﺍﺳﻮﺩ .
ﻋﻠﻴﺎ ﻟﻤﺎ ﺟﺖ ﻋﻴﻨﻬﺎ ﻋﻠﻴﻬﺎ ﺗﺨﺎﻳﻠﺖ ﺍﻟﺤﺴﻦ ﻻﺑﺴﻬﺎ ﺣﻴﻄﻠﻊ ﻓﻴﻬﺎ ﺧﻴﺎﺍﺍﻝ ..💗
ﻋﻠﻴﺎ : ﺣﻠﻮﺓ ﻫﻠﺒﻪ .. ﺷﺒﺤﺖ ﻟﻠﺒﺎﻳﻊ .. ﻣﻌﻠﻴﺸﻲ ﺧﻮﻱ ..
ﺍﻟﺒﺎﻳﻊ : ﺗﻔﻀﻠﻲ ..
ﻋﻠﻴﺎ : ﺑﻜﻢ ﻫﺎﺩﻱ ..
ﺍﻟﺒﺎﻳﻊ : ﻫﺎﺩﻱ ﺏ 2500
ﻋﻠﻴﺎ ﺍﻧﺼﺪﻣﺖ ﻓﻲ ﺍﻟﺴﻌﺮ ..
ﻧﺮﺟﺲ : ﺗﻮﻗﻌﺖ ..
ﺍﺑﺘﺴﺎﻡ : ﺍﻟﺰﺑﻮﻥ ﻣﺎﺯﺍﻝ ﺃﻏﻠﻰ ﺃﻛﻴﺪ ..
ﻋﻠﻴﺎ ﻛﺎﻧﺖ ﻣﺼﺮﺓ ﺗﺎﺧﺪﻟﻪ ﺣﺎﺟﻪ ﻣﺎﺗﺒﻴﺶ ﻫﺎﻟﻴﻮﻡ ﻳﻌﺪﻱ ﻫﻜﻲ .. ﻓﻜﺮﺕ ﻫﻠﺒﻪ .. ﻟﻴﻦ ﻭﺻﻠﺖ ﻟﻘﺮﺍﺭ ..
ﻋﻠﻴﺎ : ﺗﻌﺎﻟﻮﺍ ﻣﻌﺎﻱ ...
ﻃﻠﻌﻮﺍ ﻣﻌﺎﻫﺎ ﻭﻫﻤﺎ ﻳﺤﺴﺎﺑﻮﻫﺎ ﺗﺮﺍﺟﻌﺖ ﻉ ﺍﻟﺸﺮﻱ ..
ﺍﺳﺘﻐﺮﺑﻮﺍ ﻟﻤﺎ ﻟﻘﻮﻫﺎ ﻣﺘﻮﺟﻬﻪ ﻟﻤﺤﻞ ﺫﻫﺐ ﻗﺮﻳﺐ .. ﻟﺤﻘﻮﻫﺎ ﺑﺪﻭﻥ ﻣﺎﻳﺴﺄﻟﻮﺍ .. ﻗﺒﻞ ﻟﺘﺨﺶ ﻭﻗﻔﺖ ﻉ ﺗﺮﻛﻴﻨﻪ ﺣﻄﺖ ﺍﻳﺪﻳﻬﺎ ﺗﺤﺖ ﻭﺷﺎﺣﻬﺎ ﻭﺣﻮﻟﺖ ﺳﻠﺴﻠﻪ ﻓﻲ ﺭﻗﺒﺘﻬﺎ .. ﺍﺑﺘﺴﺎﻡ ﻭﻧﺮﺟﺲ ﻳﺸﺒﺤﻮﻟﻬﺎ ﺑﺼﺪﻣﻪ ﻫﺎﺩﻱ ﺳﻠﺴﻠﻪ ﻓﻲ ﺭﻗﺒﺔ ﻋﻠﻴﺎ ﻣﻦ ﺳﻨﻴﻦ ﺑﻮﻫﺎ ﺟﺎﺑﻬﺎﻟﻬﺎ .. ﺑﻌﺪﻳﻦ ﺷﺒﺤﺖ ﻟﺨﺎﺗﻢ ﺍﻟﺬﻫﺐ ﺍﻟﻠﻲ ﻉ ﻫﻴﺌﺔ ﻭﺭﺩﺓ ﻓﻲ ﺍﻳﺪﻫﺎ ﺟﺎﺑﺘﻬﻮﻟﻬﺎ ﺍﻣﻬﺎ ﻟﻤﺎ ﺭﻭﺣﺖ ﻣﻦ ﺍﻟﻌﻤﺮﺓ .. ﺧﺪﺗﻬﻢ ﻭﺧﺸﺖ ﺑﻴﻬﻢ .. ﻭﺧﺸﻮﺍ ﻭﺭﺍﻫﺎ ﺻﺎﺣﺒﺎﺗﻬﺎ ﻭﻫﻤﺎ ﻣﺪﻫﻮﺷﺎﺕ ..
ﻋﻠﻴﺎ : ﺍﻟﺴﻼﻡ ﻋﻠﻴﻜﻢ ..
ﺍﻟﺮﺍﺟﻞ : ﻭﻋﻠﻴﻜﻢ ﺍﻟﺴﻼﻡ ..
ﻋﻠﻴﺎ : ﺑﺎﻟﻠﻪ ﺷﻮﻓﻠﻲ ﻫﺎﺩﻡ ﻛﻢ ﻳﺠﻴﺒﻮﺍ ..
ﺍﻟﺮﺍﺟﻞ ﺧﺪﺍﻫﻢ ﻣﻨﻬﻢ ﻭﻭﺯﻧﻬﻢ : 3000
ﻋﻠﻴﺎ ﺍﺑﺘﺴﻤﺖ : ﻛﻮﻳﺲ .. ﺑﻨﺼﺮﻓﻬﻢ ..
ﻭﻓﻌﻼ ﻋﻠﻴﺎ ﺻﺮﻓﺖ ﺍﻏﻠﻰ ﻫﺪﻳﺘﻴﻦ ﻉ ﻗﻠﺒﻬﺎ ﻉ ﺧﺎﻃﺮ ﺷﺨﺺ ﻭﻻ ﺃﻏﻠﻰ ﺷﻲ ﻋﻨﺪﻫﺎ ﻓﻲ ﺍﻟﺪﻧﻴﺎ ﻭﻣﺎﻓﻲ ﺷﻲ ﻳﻐﻼ ﻋﻠﻴﻪ .. ﻣﻬﻤﺎ ﺩﻳﺮﻟﻪ ﻣﺶ ﺣﺘﻮﻓﻴﻪ ﺷﻮﻳﻪ ﻣﻦ ﺍﻟﻠﻲ ﺩﺍﺭﻩ ﻣﻌﺎﻫﺎ .. ﻭﻫﻲ ﻓﺮﺣﺎﻧﻪ ﻣﺸﺖ ﺷﺮﺗﻠﻪ ﺍﻟﻬﺪﻳﻪ ﺑﻌﺪ ﻗﺪﺭﺕ ﻣﻘﺎﺳﻪ ﺍﻟﻠﻲ ﺷﺒﻪ ﺣﺎﻓﻈﺎﺗﻪ .. ﻭﺗﻔﻜﺮ ﺑﻄﺮﻳﻘﺔ ﺣﻠﻮﺓ ﺗﻬﺪﻳﻬﺎﻟﻪ ﺑﻴﻬﺎ ...
***
ﺍﻟﺴﺎﻋﻪ 1 ﻇﻬﺮﺍ ..
ﻭﺻﻠﺖ ﻓﻲ ﻣﺤﻞ ﺍﻟﻮﺭﺩ ﻭﺧﺸﺖ .. ﺍﻭﻝ ﻣﺮﺓ ﺗﺨﺸﻠﻪ ﺑﺮﻏﻢ ﺍﻧﻬﺎ ﻛﺎﻧﺖ ﺗﺸﻮﻑ ﻓﻴﻪ ﺷﺒﻪ ﻳﻮﻣﻴﺎ ﻛﺎﻥ ﻧﻈﺎﻣﻪ ﺣﻠﻮ ﺑﺎﻟﻤﺮﺓ .. ﻗﺪﻣﺖ .. ﻟﻘﺖ ﻭﺍﺣﺪ .. ﺍﺷﺮﻟﻬﺎ ﺗﺨﺶ ﺩﺍﺧﻞ .. ﺧﺸﺖ ﻭﻫﻲ ﻣﺴﺘﻐﺮﺑﻪ ... ﻣﻜﺎﻥ ﺣﻠﻮ ﻫﻠﺒﻪ ﻓﻴﻪ ﻃﺎﻭﻟﻪ ﻭﺯﻭﺯ ﻛﺮﺍﺳﻲ ﻫﻮ ﻛﺎﻥ ﻣﻘﻌﻤﺰ ﻭﻋﺎﻃﻴﻬﺎ ﺑﺎﻟﻈﻬﺮ ﻗﻌﺪﺕ ﺗﻤﺸﻲ ﻟﻴﻦ ﻭﺻﻠﺖ ﻓﻲ ﺍﻟﻄﺎﻭﻟﻪ ..
ﺷﺒﺤﺘﻠﻪ ﺷﻜﻠﻪ ﻛﺎﻥ ﻣﺨﺘﻠﻒ ﻣﺨﺘﻠﻒ ﻫﻠﺒﻪ .. ﻻﺑﺲ ﺍﺳﻮﺩ ﻓﻲ ﺍﺳﻮﺩ ﻓﻲ ﺃﻳﺪﻩ ﺧﺎﺗﻢ ﻣﻤﻴﺰ ﺃﻭﻝ ﻣﺮﺓ ﺗﺸﻮﻓﻪ ..
ﺳﺮﻣﺪ ﺑﺈﺑﺘﺴﺎﻣﻪ : ﻗﻌﻤﺰﻱ ..
ﺍﻣﻴﺮﺓ ﻭﻫﻲ ﻣﺴﺘﻐﺮﺑﻪ ﻗﻌﻤﺰﺕ ﻣﻘﺎﺑﻼﺗﻪ ﻫﻮ ﻳﺘﺄﻣﻞ ﻓﻴﻬﺎ ﺣﻂ ﺍﻳﺪﻩ ﺗﺤﺖ ﺫﻗﻨﻪ ﻭﻳﺸﺒﺤﻠﻬﺎ، ﻫﻲ ﺗﺮﻛﻴﺰﻫﺎﻛﻠﻪ ﻉ ﺧﺎﺗﻢ .. ﻫﻮ ﻛﺎﻥ ﻉ ﺷﻜﻞ ﺣﻴﻮﺍﻥ ﺑﺲ ﻣﺶ ﻗﺎﺩﺭﻩ ﺗﺰﺑﻄﻪ .. ﻫﻮ ﺍﻧﺘﺒﻬﻠﻬﺎ .. ﺣﻮﻝ ﺍﻳﺪﻩ ﻭﻗﻌﺪ ﻳﺸﺒﺢ ﻟﻠﺨﺎﺗﻢ ...
ﺳﺮﻣﺪ : ﻋﺠﺒﻚ ! ؟
ﺃﻣﻴﺮﺓ ﺑﺈﺑﺘﺴﺎﻣﻪ ﻣﺘﺴﺎﺋﻠﻪ : ﺷﻜﻠﻪ ﻏﺮﻳﺐ .. ﺍﻭﻝ ﻣﺮﺓ ﻧﺸﻮﻓﻪ ﻓﻲ ﺍﻳﺪﻙ ..
ﺳﺮﻣﺪ ﺑﺈﺑﺘﺴﺎﻣﻪ ﻭﺭﺩ ﺍﻳﺪﻩ ﺗﺤﺖ ﺫﻗﻨﻪ : ﻣﺮﻛﺰﺓ ﻋﻠﻴﺎ ﻫﻠﺒﻪ ..
ﺍﻣﻴﺮﺓ : ﻟﺪﺭﺟﻪ ﺣﺎﺳﻪ ﻭﻛﺄﻧﻚ ﻣﺶ ﻧﻔﺴﻪ ﺳﺮﻣﺪ ﺍﻟﻠﻲ ﻧﻌﺮﻓﻪ ..
ﺳﺮﻣﺪ ﺿﺤﻚ : ﺗﻮ ﺍﻧﺘﻲ ﺟﺎﻳﻪ ﺗﺸﻮﻓﻨﻲ ﻭﻻ ..
ﺍﻣﻴﺮﺓ : ﺍﻳﻪ ..
ﺳﺮﻣﺪ : ﻭﻫﺬﺍ ﺍﻭﻝ ﻟﻘﺎﺀ ﻟﻴﻨﺎ ﻉ ﺍﻧﻔﺮﺍﺩ ..
ﺍﻣﻴﺮﺓ ﻫﺰﺕ ﺭﺍﺳﻬﺎ ﺑﺈﻳﺠﺎﺏ ..
ﺳﺮﻣﺪ ﺑﻀﺤﻜﻪ : ﻭﺍﻧﺘﻲ ﺑﺎﻟﻨﺴﺒﻪ ﻟﻴﺎ ﺷﺨﺺ ﺧﺎﺹ .. ﺧﺎﺹ ﺟﺪﺍ ..
ﺍﺣﻤﺮﻭﺍ ﺧﺪﻭﺩ ﺍﻣﻴﺮﺓ ﻭﻭﻃﺖ ﺭﺍﺳﻬﺎ ﻟﻮﻃﺎ ..
ﺳﺮﻣﺪ ﺑﺈﻋﺠﺎﺏ ﺷﺪﻳﺪ : ﺷﻜﻠﻚ ﻫﺬﺍ ﻳﻄﻴﺮ ﻓﻲ ﺍﻟﻠﺐ ﻣﻦ ﻫﻨﻲ .. ﻭﺍﺷﺮ ﺑﺴﺒﺎﺑﺘﻪ ﻉ ﺭﺍﺳﻪ ... ﺍﺑﺘﺴﻢ ... ﻗﻴﻤﻲ ﺭﺍﺳﻚ ..
ﺍﻣﻴﺮﺓ ﻗﻌﺪﺕ ﺗﻘﻴﻢ ﻓﻴﻪ ﺑﺎﻟﺸﻮﻳﻪ ﻟﻴﻦ ﺟﺖ ﻋﻴﻮﻧﻬﺎ ﻓﻌﻴﻮﻧﻪ ..
ﺳﺮﻣﺪ ﺑﻬﻴﺎﻡ : ﺍﻧﺘﻲ ﻋﻼﺵ ﺣﻠﻮﺓ ﻫﻜﻲ ..
ﺍﻣﻴﺮﺓ ﺑﺨﺠﻞ : ﺍﻧﺖ ﺗﺤﺮﺝ ﻓﻴﺎ ﻫﻠﺒﻪ ﻧﻔﻀﻞ ﺍﻧﻮﺽ ﺍﺣﺴﻦ ..
ﺳﺮﻣﺪ ﺑﻀﺤﻜﻪ : ﺧﻼﺹ ﺧﻼﺹ ... ﺍﻣﻤﻢ .. ﻛﻴﻒ ﻛﺎﻥ ﻳﻮﻣﻚ ﻓﻲ ﺍﻟﻤﺪﺭﺳﻪ ..
ﺍﻣﻴﺮﺓ ﺍﺑﺘﺴﻤﺖ ﻭﺑﺪﺕ ﺗﺤﻜﻴﻠﻪ ﻉ ﺍﻟﻤﺪﺭﺳﻪ ﻭﻉ ﻧﻔﺴﻬﺎ ﺑﻌﻔﻮﻳﻪ ﻭﺑﺘﻠﻘﺎﺋﻴﻪ .. ﻭﻫﻮ ﻣﺮﻛﺰ ﻣﻌﺎﻫﺎ .. ﻣﻊ ﻧﻈﺮﺍﺗﻬﺎ ﻛﻼﻣﻬﺎ ﺍﺑﺘﺴﺎﻣﺘﻬﺎ ﺿﺤﻜﺘﻬﺎ ﺑﺮﺍﺋﺘﻬﺎ ﻋﻔﻮﻳﺘﻬﺎ .. ﻫﺎﻳﻢ ﻓﻴﻬﺎ ﻭﻳﺄﺷﺮ ﺑﻌﻴﻮﻧﻪ ﻭﺣﻮﺍﺟﺒﻪ ﺍﻧﻪ ﻣﻨﺘﺒﻪ ﻣﻌﺎﻫﺎ ﻭﻫﻮ ﻗﻠﺒﻪ ﻗﺎﻋﺪ ﻳﺪﻳﺮ ﻓﻲ ﺣﺎﻝ ﺩﺍﺧﻞ ...
***
ﺭﻭﺣﺖ ﻟﻠﺤﻮﺵ ﻟﻘﺖ ﻋﻤﺎﻝ ﻃﺎﻟﻌﻴﻦ ﻣﻨﻪ .. ﺧﺸﺖ ﺩﺍﺧﻞ ﺑﻌﺪ ﺍﺫﻛﺮﺕ ﺍﻟﺮﺳﺎﻟﻪ ﺍﻟﻠﻲ ﻭﺻﻠﺘﻬﺎ ﻓﻲ ﺍﻟﻠﻴﻞ .... ﻭﻫﻲ ﻣﺘﻮﺟﻬﻪ ﻟﻠﺪﺭﻭﺝ ﺍﻧﺼﺪﻣﺖ ﻟﻤﺎ ﻟﻘﺎﺗﻪ ﻧﺎﺯﻝ ..
ﺑﻼﻝ : ﻋﻼﺵ ﻣﺎﺑﻠﻐﺘﻴﺶ ﺑﻮﻙ ..
ﺍﺑﺘﺴﺎﻡ ﺑﺒﺮﻭﺩ : ﻧﺴﻴﺖ ..
ﺑﻼﻝ : ﻉ ﺍﻟﻌﻤﻮﻡ ﻟﻤﺎ ﺍﺗﺼﻠﺖ ﺑﻴﻚ ﻭﻣﺎﺑﺘﻴﺶ ﺗﺮﺩﻱ ﻛﻠﻤﺘﻪ ﻫﻮ ..
ﺍﺑﺘﺴﺎﻡ : ﺑﺎﻩ .. ﻟﻮﻛﻤﻠﺖ ﺷﻐﻠﻚ ﺗﻔﻀﻞ
ﺑﻼﻝ ﺟﻲ ﻗﺪﺍﻣﻬﺎ : ﻟﺰﻳﻨﻲ ﺍﻟﻴﻮﻡ .. ﻟﻜﻦ ﺑﻌﺪ ﺍﺳﺒﻮﻉ .... ﺳﻜﺖ ﻋﻤﺪﺍ ﻭﻫﻮ ﺭﺍﻓﻊ ﺣﺎﺟﺒﻪ ..
ﺍﺑﺘﺴﺎﻡ ﺷﺒﺤﺘﻠﻪ ﺑﺈﺯﺩﺭﺍﺀ ﻭﺭﻛﺒﺖ ﻭﻓﺎﺗﺘﻪ ..
ﺍﻣﺎ ﻫﻮ ﺍﺑﺘﺴﻢ ﺑﺄﻟﻢ ﻭﺗﻮﺟﻪ ﻟﻠﺒﺎﺏ ...
***
ﻭﺻﻠﺖ ﻟﻠﺤﻮﺵ ﺧﺸﺖ ... ﺭﻛﺒﺖ ﺍﻟﺪﺭﻭﺝ ﻭﺗﻮﺟﻬﺖ ﻟﺒﺎﺏ ﺍﻟﻔﺎﺻﻞ ﻓﺘﺤﺎﺗﻪ ﻭﺧﺸﺖ ﻭﺭﻛﺒﺖ ﻟﺸﻘﺘﻬﺎ .. ﺧﺸﺖ .. ﻭﺳﻜﺮﺕ ﺍﻟﺒﺎﺏ .. ﺗﻨﻬﺪﺕ ﻭﻗﻌﺪﺕ ﺗﻔﻜﺮ ﻛﻴﻒ ﺩﻳﺮ . ﺷﻦ ﺣﺘﺨﺘﺎﺭ ﻃﺮﻳﻘﺔ ﻣﻤﻴﺰﺓ ﺑﺶ ﺗﻬﺪﻳﻪ ﻫﺪﻳﺘﻪ 💗..
ﺷﻮﻳﻪ ﻭﻟﻘﺖ ﻃﺮﻳﻘﺔ ﻭﺗﻤﻨﺖ ﻣﻦ ﻗﻠﺒﻬﺎ ﺍﻧﻬﺎ ﺗﻌﺠﺒﻪ ...
ﻟﻮﻃﺎ ...
ﺳﺎﺭﺓ ﻓﻲ ﺍﻟﻤﻄﺒﺦ ﻣﻊ ﺍﻧﻌﺎﻡ ..
ﺍﻧﻌﺎﻡ : ﺑﺠﺪﻳﺎﺍﺕ !!
ﺳﺎﺭﺓ : ﺗﺼﺪﻗﻲ ﺗﻮﻗﻌﺖ ﺭﺑﻲ ﺣﻴﻌﻮﺿﻬﺎ ﺑﺴﺮﻋﻪ ﺍﺧﺘﻲ ﺧﻮﻟﻪ ﻃﻴﺒﻪ ﻫﻠﺒﻪ ﻭﺗﺴﺘﺎﻫﻞ ﻛﻞ ﺧﻴﺮ ..
ﺍﻧﻌﺎﻡ : ﺑﺎﻩ ﻫﻲ ﺷﻦ ﻗﺎﻟﺖ ...
ﺳﺎﺭﺓ : ﺍﻣﻲ ﻗﺎﻟﺘﻠﻲ ﺭﺍﻓﻀﻪ ..
ﺍﻧﻌﺎﻡ : ﻫﻬﻬﻬﻬﻬﻬﻬﻬﻬﻬﻪ ﻣﻦ ﻛﻼﻣﻚ ﺍﻷﻭﻝ ﺗﻮﻗﻌﺖ ﻭﺍﻓﻘﺖ ..
ﺳﺎﺭﺓ ﺑﻀﺤﻜﻪ : ﺍﻣﻲ ﻗﺎﻟﺘﻠﻲ ﺍﻧﻬﺎ ﺣﺘﻮﺍﻓﻖ ﻹﻧﻬﺎ ﺣﺘﺰﻥ ﻉ ﺭﺍﺳﻬﺎ .. ﻭﻛﺎﻥ ﻭﺳﻴﻠﻪ ﺯﻧﺖ ﻣﻌﻨﺎﻫﺎ ﻣﺶ ﺣﺘﺒﻄﻞ ﺯﻥ ﻟﻴﻦ ﻟﺘﺒﻴﻪ ﻳﺼﻴﺮ ..
ﺍﻧﻌﺎﻡ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ... ﻛﺎﻥ ﻫﻜﻲ ﻣﻌﻨﺎﻫﺎ ﺧﻞ ﻧﻜﻠﻤﻬﺎ ﻧﺒﺎﺭﻛﻠﻬﺎ ﻣﻦ ﺗﻮﺍ ... ﺑﺎﻫﻲ ﻫﻲ ﻋﻼﺵ ﺭﺍﻓﻀﻪ ..
ﺳﺎﺭﻩ : ﺍﻟﻴﻮﻡ ﺧﻤﻴﺲ ﺑﻴﺠﻮ ﺍﻟﺰﻭﺯ ﻳﺒﺎﺗﻮﺍ ﻭﻧﻔﻬﻤﻮﺍ ﻣﻨﻬﺎ ..
ﺍﻧﻌﺎﻡ : ﺣﺘﻰ ﺭﻳﺤﺎﻧﻪ ﺟﺎﻳﻪ ﺳﻬﺮﻳﻪ ﻟﻠﺼﺒﺢ ... ﺑﻨﺎﺧﺪﻛﻢ ﻣﻦ ﺭﺟﺎﻻﺗﻜﻢ ..
ﺳﺎﺭﺓ : ﺑﺎﻟﻨﺴﺒﺔ ﻟﻴﺎ ﺃﻧﻲ ﺍﺣﺴﻦ ﺣﺎﺟﻪ ﺍﺩﻳﺮﻫﺎ ..
ﺍﻧﻌﺎﻡ ﺑﻀﺤﻜﻪ : ﺧﻴﺮﻙ ﺟﺎﻳﺘﻚ ﻉ ﻣﺮﻋﻲ ..
ﺳﺎﺭﺓ : ﻫﻮ ﻣﻮﻟﻲ ﺩﺭﺍﻩ ﻛﺒﺪ ..
ﺍﻧﻌﺎﻡ : ﺗﻮﺍ ﻣﺮﻋﻲ ﺩﺭﺍﻩ ﻛﺒﺪ ﻭﺍﻧﺘﻲ ﻗﺒﻞ ﺷﺎﻳﻔﺘﻴﻪ ﻋﺴﻞ ﻛﺎﻥ ﺗﻠﻘﻲ ﺍﺫﻭﺑﻴﻪ ﻓﻲ ﻃﺎﺳﻪ ﻭﺗﺸﺮﺑﻴﻪ ..
ﺳﺎﺭﺓ ﺑﺘﻘﺰﺯ : ﺍﻟﻠﻪ ﻳﻘﺮﻑ ﻋﺪﻭﻳﻨﻚ ﻳﺎﺷﻴﺨﻪ ..
ﺍﻧﻌﺎﻡ : ﻫﻬﻬﻬﻬﻬﻬﻬﻬﻬﻬﻪ ﺍﻧﺘﻲ ﺍﻟﻠﻲ ﻛﻨﺘﻲ ﺗﻘﻮﻟﻲ ﻓﻴﻬﺎ ...
ﺳﺎﺭﺓ : ﺧﻼﺹ ﺍﺳﻜﺘﻲ ﺗﺮﺑﺤﻲ ...
ﺍﻧﻌﺎﻡ : ﻳﺎﺭﺏ ﻳﺘﻢ ﻫﺎﻟﺤﻤﻞ ﻉ ﺧﻴﺮ ﺑﺲ 🤣
ﺳﺎﺭﺓ 😒:
🌹 ﺑﻌﺪ ﺍﻟﻌﺼﺮ ... ﺟﻮ ﺧﻮﻟﻪ ﻭﺟﻨﺎﻥ ﻭﺭﻳﺤﺎﻧﻪ ﺣﺘﻰ ﻫﻲ ﻭﻛﺎﻧﻮﺍ ﻋﻠﻴﺎ ﻭﻫﺎﻟﻪ ﻟﻮﻃﺎ ...
ﺩﺍﺭﻭﺍ ﺗﻘﻌﻤﻴﺰﺓ ﺣﻠﻮﺓ ﺑﺮﺍ ﺣﺼﻴﺮﺓ ﻭﺻﻔﺮﺓ ﺑﺤﺪﺍﻫﻢ ﻗﻬﻮﺓ ﻭﻧﺴﻜﺎﻓﻴﻪ ﻭﺷﺎﻫﻲ ﻭﺣﻠﻮﻳﺎﺕ ﻭﻓﻄﻴﺮﺓ ﻭﻫﺪﺭﺯﺓ ﻭﺟﻮ ﺣﻠﻮ ﺑﺎﻟﻤﺮﺓ ... ﻻﺣﻈﺖ ﻋﻠﻴﺎ ﺍﻥ ﺭﻳﺤﺎﻧﻪ ﻣﺘﻐﻴﺮﺓ ﻣﻌﺎﻫﺎ ﻭﺣﺴﺖ ﺑﺈﺭﺗﻴﺎﺡ ﻟﻬﺎﻟﺘﻐﻴﻴﺮ .. ﻳﺮﺗﺎﺡ ﺍﻵﻧﺴﺎﻥ ﺍﻛﺜﺮ ﻓﻲ ﻣﻜﺎﻥ ﻳﺤﺲ ﺍﻥ ﻛﻞ ﺍﻟﻨﺎﺱ ﺍﻟﻠﻲ ﻓﻴﻪ ﻣﺘﻘﺒﻠﻴﻨﻪ ﺣﺘﻰ ﻟﻮ ﻣﺎﺣﺒﻮﺷﻲ ...
ﺟﺒﺪﻭ ﻣﻮﺿﻮﻉ ﺍﻟﻨﺎﺱ ﺍﻟﻠﻲ ﺟﻮ ﻟﺨﻮﻟﻪ ﻭﺣﻜﺘﻠﻬﻢ ﺧﻮﻟﻪ ﺍﻟﻘﺼﻪ ﻛﺎﻣﻠﻪ ..
ﺳﺎﺭﺓ : ﻳﺎﻛﺒﺎﺍﺍﺍﺩﻱ ﻫﻴﻴﻴﻪ ﻭﻫﺬﺍ ﻳﻨﻘﺎﻝ ﻋﻠﻴﻪ ﻻ ..
ﻫﺎﻟﻪ : ﺑﺼﺮﺍﺣﻪ ﺭﺍﺟﻞ ﻛﻮﻳﺲ ﻭﺍﺿﺢ ...
ﺟﻨﺎﻥ : ﻗﻮﻟﻮﻟﻬﺎ ﺑﺎﻟﻠﻪ .. ﻫﻲ ﺷﻲ ﺷﺎﺩﺗﻠﻲ ﻛﻠﻤﻪ ﻟﻌﺐ ﺑﻴﺎ ﻭﻟﻌﺐ ﺑﻴﺎ ..
ﺧﻮﻟﻪ : ﻣﺎﺣﺒﻴﺘﺶ ﺍﻟﻠﻲ ﺩﺍﺭﻩ ﺣﺴﻴﺘﻪ ﺍﺳﺘﻐﻔﻠﻨﻲ .. ﻣﺶ ﻋﺎﺭﻓﻪ ﺣﺴﻴﺖ ﺭﻭﺣﻲ ﻋﺒﻴﻄﻪ ...
ﻋﻠﻴﺎ : ﺑﺎﻟﻌﻜﺲ ﻻﻋﺒﻴﻄﻪ ﻭﻻ ﺳﻮ .. ﻭﻻﻫﻮ ﺍﺳﺘﻐﻔﻠﻚ .. ﻫﻮ ﻋﺎﺭﻑ ﺍﻧﻚ ﻃﺎﻟﻌﻪ ﻣﻦ ﺗﺠﺮﺑﻪ ﻓﺎﺷﻠﻪ ﻭﺻﻌﺒﻪ ﻭﺍﻧﺘﻲ ﻗﻠﺘﻲ ﺍﻧﻪ ﺷﻬﺪ ﻉ ﺍﻟﻠﻲ ﺻﺎﺭﻟﻚ ﻣﻊ ﻃﻠﻴﻘﻚ ﻳﻮﻡ ﺍﻟﻤﺤﻜﻤﻪ .. ﺣﺐ ﻳﻘﺮﺏ ﻣﻨﻚ ﺑﻄﺮﻳﻘﻪ ﻣﺎﺗﺨﻠﻴﻜﺶ ﺗﺮﻓﻀﻴﻪ ﻭﺗﺘﻘﺒﻠﻴﻪ ﺑﻴﻬﺎ ...
ﺭﻳﺤﺎﻧﻪ : ﻭﺣﺘﻰ ﻫﻮ ﺍﻟﺒﺎﻳﻦ ﺗﺠﺮﺑﺘﻪ ﺍﻷﻭﻟﻰ ﻋﻠﻤﺎﺗﻪ ﻳﻌﺮﻑ ﻳﺨﺘﺎﺭ ﺻﺢ ﻣﺮﺓ ﺗﺎﻧﻴﻪ ﻓﺪﺍﺭ ﻫﻜﻲ ﺑﺶ ﻳﻌﺮﻓﻚ ﻋﻦ ﻗﺮﺏ ﻭﻛﻮﻳﺲ ..
ﻋﻠﻴﺎ : ﺻﺢ .. ﺍﺑﺘﺴﻤﺘﻠﻬﺎ ﺭﻳﺤﺎﻧﻪ ﻭﻫﻲ ﺭﺩﺗﻠﻬﺎ ﻧﻔﺲ ﺍﻹﺑﺘﺴﺎﻣﻪ ..
ﺍﻧﻌﺎﻡ : ﺯﻳﺪﻱ ﻓﻜﺮﻱ ﺧﻮﺧﻪ ..
ﺧﻮﻟﻪ ﺑﺈﺑﺘﺴﺎﻣﻪ : ﻭﺍﻧﺘﻲ ...
ﺍﻧﻌﺎﻡ ﺑﻀﺤﻜﻪ ﺧﺠﻼﻧﻪ ﻏﻤﻀﺖ ﻋﻴﻦ ﻭﻓﺘﺤﺖ ﻋﻴﻦ ﻭﺩﺍﺭﺕ ﺣﺮﻛﻪ ﺑﺈﻳﺪﻫﺎ : ﻫﻮ ﺍﻧﻲ ﺷﺒﻪ ﻣﻮﺍﻓﻘﻪ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻪ
ﺍﻧﻌﺎﻡ ﺑﻀﺤﻜﻪ : ﻧﺮﺍﺟﻲ ﺍﻟﺤﺴﻦ ﺍﻣﺘﻰ ﻳﺮﻭﺡ ﺑﺶ ﻧﺴﺄﻝ ﻋﻠﻴﻪ ﻭﺑﻨﺎﺀ ﻉ ﻛﻼﻡ ﺍﻟﺤﺴﻦ ﺣﻨﻘﺮﺭ ..
ﺟﻨﺎﻥ ﺑﻀﺤﻜﻪ : ﺇﻻ ﻉ ﺳﻴﺮﺓ ﺍﻟﺤﺴﻦ ... ﺍﻟﻴﻮﻡ ﻋﻴﺪ ﻣﻴﻼﺩﻩ ..
ﺳﺎﺭﻩ : ﺍﻳﻪ ﻭﺍﻟﻠﻪ ... ﺳﻜﺮ 38 ﺍﻟﻴﻮﻡ ..
ﻫﺎﻟﻪ ﺑﺪﻫﺸﻪ : ﻣﺎﻳﺒﺎﻧﺶ ﻋﻠﻴﻪ ..
ﺍﻧﻌﺎﻡ : ﺍﻳﻪ ﻭﻭﻭﻙ ﻋﻠﻴﺎ ﺗﻮ ﺑﻴﺰﻳﺪ ﻳﺘﺴﻠﻂ ﻋﻠﻴﻨﺎ ﺍﻧﻲ ﻭﺳﺮﻣﺪ ﻛﻞ ﻣﺎﻳﺰﻳﺪ ﻓﻲ ﺍﻟﻌﻤﺮ ﺳﻨﻪ ﻳﺘﻐﻄﺮﺱ ﻋﻠﻴﻨﺎ ...
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻪ ....
ﺟﻨﺎﻥ : ﻟﻘﻄﻪ ﺍﻟﻌﻤﺎﻡ ﺍﺻﻐﺮ ﻣﻦ ﺻﻐﺎﺭ ﺧﻮﺗﻬﻢ ﺍﻧﺘﻢ ﺍﺻﻐﺮ ﻣﻦ ﺧﻮﺗﻲ ﻋﻠﻲ ﻭﺍﻟﺤﺴﻦ ..
ﻫﺎﻟﻪ : ﻋﻤﻲ ﻭﻋﻤﺘﻲ ﺗﺰﻭﺟﻮﺍ ﻭﻫﻤﺎ ﺻﻐﺎﺭ؟
ﺟﻨﺎﻥ : ﺑﺎﺑﺎ ﻋﻤﺮﻩ 19 ﺳﻨﻪ ﻭﻣﺎﻣﺎ 14
ﻋﻠﻴﺎ : ﺻﻐﻴﺮﻳﻦ ﻫﻠﺒﻪ ... ﺣﺘﻰ ﺍﻧﺘﻲ ﺧﻮﻟﻪ ﺍﻛﺒﺮ ﻣﻦ ﺍﻧﻌﺎﻡ ...
ﺧﻮﻟﻪ : ﺍﻳﻪ ﺍﻧﻲ ﻭﺳﺮﻣﺪ ﺟﻴﻨﺎ ﻓﻲ ﻧﻔﺲ ﺍﻟﺴﻨﻪ ﻫﻮ ﻓﻲ ﺑﺪﺍﻳﺘﻬﺎ ﻭﺍﻧﻲ ﻓﻲ ﺍﻟﻨﻬﺎﻳﻪ ..
ﻫﺎﻟﻪ : ﺣﺘﻰ ﺣﻨﺎﻱ ﺑﺮﻧﻴﻪ ﺻﻐﻴﺮﻩ ..
ﺍﻧﻌﺎﻡ : ﺑﻮﻱ ﺧﺪﻱ ﺍﻣﻲ ﻭﻋﺎﺑﺪ ﻋﻨﺪﻩ ﻋﻠﻲ ﻭﻗﺘﻬﺎ ...
ﻋﻠﻴﺎ : ﺣﻠﻮﺓ ﻋﻴﻠﺘﻜﻢ ﻭﻣﻤﻴﺰﺓ ﻫﻠﺒﻪ ..
ﺍﻧﻌﺎﻡ ﺍﺑﺘﺴﻤﺖ : ﺍﻟﻔﺮﻕ ﺑﻴﻦ ﺑﻮﻱ ﻭﺃﻣﻲ ﻓﻲ ﺍﻟﻌﻤﺮ ﺯﻱ ﺍﻟﻔﺮﻕ ﺑﻴﻨﻚ ﻭﺑﻴﻦ ﺍﻟﺤﺴﻦ ..
ﻋﻠﻴﺎ ﻗﻠﺒﻬﺎ ﻳﺪﻕ ﺑﻘﻮﺓ ... ﻣﻊ ﺍﺑﺘﺴﺎﻣﻪ .. ﻭﻉ ﺍﻟﺨﺪﻭﺩ ﺍﺗﻔﺘﺢ ﺍﻟﻮﺭﺩ ..
ﺷﻮﻳﻪ ﻭﺳﻤﻌﻮﺍ ﺍﺻﻮﺍﺕ ﺍﻟﻀﺤﻚ ..
ﺳﺎﺭﺓ : ﻟﻘﺪ ﺟﺎﺅﻭﺍ ﺟﻤﺎﻋﺔ ...
ﻛﻠﻬﻢ ﻭﺟﻬﻮﺍ ﻧﻈﺮﻫﻢ ﻟﺠﻬﺔ ﻣﻌﻴﻨﻪ ﺟﺎﻱ ﻣﻨﻬﺎ ﺍﻟﺼﻮﺕ ﻟﻴﻦ ﺑﺎﻧﻮﺍ ﻋﻠﻴﻬﻢ .. ﺣﺴﺎﻥ ﻭﺳﺮﻣﺪ ﻭﻣﺮﻋﻲ ... ﻗﺪﻣﻮﻟﻬﻢ ..
ﺳﺮﻣﺪ ﺑﻀﺤﻜﻪ : ﻣﺘﺠﻤﻌﻴﻦ ﻋﻨﺪ ﺍﻟﻨﺒﻲ " ﺑﺎﻟﻤﺼﺮﻱ ﻗﺎﻟﻬﺎ "
ﻛﻠﻬﻢ : ﺁﺍﺍﺍﻣﻴﻦ ..
ﺣﺴﺎﻥ : ﻛﻠﻤﻨﻲ ﺳﻴﻒ ﺍﻟﻨﺎﺭ ﻗﺎﻝ ﺑﻴﻌﻄﻞ ...
ﻋﻠﻴﺎ : ﻣﺎﻗﺎﻟﺶ ﻋﻼﺵ ..
ﺳﺮﻣﺪ : ﺍﻟﺤﺴﻦ ﻟﻤﺎ ﺑﻴﻌﻄﻞ ﻣﻌﻨﺎﻫﺎ ﻓﻲ ﺍﻟﺨﺪﻣﻪ ... ﺍﻟﻤﻬﻢ ﺗﻮﺍ ﻣﻌﺸﺮ ﺍﻟﻨﺴﺎﺀ ﺭﻛﺰﻭﺍ ﻣﻌﺎﻱ ... ﺍﻟﻴﻮﻡ ﺧﻤﻴﺲ .. ﻭﻫﻼ ﺑﺎﻟﺨﻤﻴﺲ ﺗﺮﺍﺭﻳﺮﺍﺭﻳﺘﺎﺭﺍ .. ﺍﺷﺮ ﻋﻠﻴﻬﻢ ... ﺭﺩﻭﺍ ﻋﻠﻴﻪ
ﺑﺼﻮﺕ ﻭﺍﺣﺪ " ﻫﻼﺍﺍﺍ ﺑﺎﻟﺨﻤﻴﺲ ..." ﻭﺿﺤﻜﻮﺍ ..
ﺳﺮﻣﺪ ﺑﻀﺤﻜﻪ : ﻭﺍﻣﻲ ﻭﺑﻮﻱ ﻣﻬﻨﺎﺵ .. ﻧﺒﻮﺍ ﻧﺎﺧﺪﻭﺍ ﺭﺍﺣﺘﻨﺎ ... ﺣﻨﻲ ﺑﻨﺤﻮﺯﻭﺍ ﺍﻟﺼﺎﻟﻪ ﻭﺍﻟﺘﻠﻔﺰﻳﻮﻥ ...
ﺍﻧﻌﺎﻡ ﺑﻀﺤﻜﻪ : ﻣﺎﻋﻨﺪﻧﺎ ﺑﻴﻬﻢ ﻟﺰﻭﻡ ..
ﺳﺮﻣﺪ : ﺗﻤﺎﻡ ﻭﺗﻮﺍ ﺑﻨﻮﺯﻉ ﺍﻟﻤﻬﺎﻡ .. ﻫﺎﻟﻪ ﺍﻟﺸﺎﻭﺭﻣﺎ .. ﻋﻠﻴﺎ ﺍﻟﺒﻴﺘﺰﺍ ... ﺳﺎﺭﺓ ﺍﻟﻜﻔﺘﺎﺟﻲ .. ﺧﻮﻟﻪ ﺭﺯ ﺍﻟﺒﻼﻭ .. ﻭﺍﻟﺘﺤﻼﻳﻪ ﺑﺒﺴﺒﻮﺳﻪ ﺭﻳﺤﺎﻧﺘﻲ ﺍﻟﻠﻲ ﻋﻴﻮﻧﻲ ﻋﻠﻴﻬﺎ ﺗﻮﺍ ... ﻭﺷﺒﺢ ﻟﺠﻨﺎﻥ .. ﺍﻧﺘﻲ ﺍﻟﻤﻴﻪ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ...
ﺟﻨﺎﻥ : ﺧﺰﻭﻭﻭﻭ ﺩﻳﻤﺎ ﻭﺍﻧﺖ ﻣﺸﺮﺷﺤﻨﻲ ...
ﺣﺴﺎﻥ : ﺧﻼﺹ ﺳﻤﻌﺘﻮﺍ ﺷﻦ ﻗﺎﻝ .. ﺗﻮﻛﻠﻮﺍ ﻟﻠﻜﻮﺟﻴﻨﻪ ..
ﻛﻠﻬﻢ ﺷﺒﺤﻮﻟﻪ ﺑﺮﻓﻌﺔ ﺣﺎﺟﺐ ...
ﺍﻧﻌﺎﻡ ﺑﻨﻈﺮﺓ ﺣﺎﺩﻩ : ﺑﻨﺘﻮﻛﻠﻮﺍ ﻹﻥ ﺣﻨﻲ ﺧﺎﻃﺮﻧﺎ ﻓﻲ ﺍﻟﻠﻲ ﻗﺎﻝ ﻋﻠﻴﻪ ﻻﺃﻛﺜﺮ .. ﻧﺎﺿﺖ ﻭﻫﻤﺎ ﻟﺤﻘﻮﻫﺎ ﻭﺷﺒﺤﺎﺗﻬﻢ ﻟﺤﺴﺎﻥ ﺧﻼﺗﻪ ﻳﺨﺎﻑ ..
ﺣﺴﺎﻥ ﺑﺈﺑﺘﺴﺎﻣﻪ ﻣﺮﺗﺒﻜﻪ : ﺧﻔﺖ ﺗﺼﺪﻗﻮﺍ ..
ﺳﺮﻣﺪ : ﺣﺘﻰ ﺍﻧﺖ ﻋﺸﺖ ﺍﻟﺪﻭﺭ 😂
ﻣﺮﻋﻲ : ﻫﻴﺎ ﺗﻌﺎﻟﻮﺍ ﺧﺸﻮﺍ ﺗﺎﻋﺐ ﻟﻠﺸﻼﺗﻴﺖ ..
ﺧﺸﻮﺍ ﻫﻤﺎ ﺗﻼﺗﻪ ﺩﺍﺧﻞ .. ﻭﺍﻟﻨﺴﺎﻭﻳﻦ ﺑﺪﻭﺍ ﺑﺎﻟﺨﺪﻣﻪ ...
***
ﻓﻲ ﺣﻲ ﻣﻦ ﺍﺣﻴﺎﺀ ﻃﺮﺍﺑﻠﺲ ﺍﻟﺸﻌﺒﻴﻪ ...
ﺷﺎﺩﻩ ﺍﻟﺘﻠﻴﻔﻮﻥ ﻭﺗﺘﻜﻠﻢ ﻭﺗﺘﻤﺸﻲ ﻑ ﺍﻟﺰﻧﻖ ...
ﻧﻬﻠﻪ : ﺍﻟﻴﻮﻡ ﺣﻨﺘﻼﻗﻰ ﻣﻌﺎﻫﻢ ..
ﺍﻟﺤﺴﻦ ﻓﻲ ﺳﻴﺎﺭﺗﻪ : ﻣﻨﻮ ﺑﺎﻟﺰﺑﻂ ..
ﻧﻬﻠﻪ : ﻣﺎﻗﺎﻟﻮﺵ ﻣﻊ ﻣﻨﻮ .
ﺍﻟﺤﺴﻦ : ﻧﻬﻠﻪ ﻷﺧﺮ ﻣﺮﺓ ﻧﻘﻮﻟﻬﺎﻟﻚ ﻟﻮ ﻣﺘﺄﻛﺪﻩ ﻣﻦ ﻧﻔﺴﻚ ﺧﺸﻲ ﻓﻲ ﺍﻟﻠﻌﺒﻪ ... ﺍﻧﺘﻲ ﻋﻨﺪﻙ ﺻﻐﺎﺭ ..
ﻧﻬﻠﻪ ﺑﺄﺑﺘﺴﺎﻣﻪ : ﺍﻃﻤﻦ ﻣﺘﺄﻛﺪﻩ ﻭﻭﺍﺛﻘﻪ ﻭﺣﻨﺪﻳﺮ ﺍﻟﻠﻲ ﻧﻘﺪﺭ ﻋﻠﻴﻪ ..
ﺍﻟﺤﺴﻦ : ﻣﺎﺗﺘﺤﻤﺴﻴﺶ ﻫﻠﺒﻪ ﻛﻞ ﺷﻲ ﺑﺎﻟﻌﻘﻞ ..
ﻧﻬﻠﻪ ﺑﻀﺤﻜﻪ : ﺍﻧﺖ ﺣﺮﻳﺺ ﻫﻠﺒﻪ ..
ﺍﻟﺤﺴﻦ : ﺣﻴﺎﺗﻚ ﻭﺣﻴﺎﺓ ﺻﻐﺎﺭﻙ ﺍﻫﻢ ﺑﺎﻟﻨﺴﺒﻪ ﻟﻴﻨﺎ ..
ﻧﻬﻠﻪ ﺑﺈﺑﺘﺴﺎﻣﻪ : ﺍﻃﻤﻦ ...
ﺍﻟﺤﺴﻦ : ﺇﻥ ﺷﺎﺀ ﺍﻟﻠﻪ ﺧﻴﺮ ... ﻭﺗﻮﺍ ﺍﻟﺘﻠﻴﻔﻮﻥ ﺍﻟﻠﻲ ﻓﻴﺪﻙ ﻻﺯﻡ ﺗﺘﺨﻠﺼﻲ ﻣﻨﻪ .
ﻧﻬﻠﻪ : ﻭﻛﻴﻒ ﺣﻨﺘﻮﺍﺻﻠﻮﺍ ..
ﺍﻟﺤﺴﻦ : ﺑﻌﺪﻳﻦ ﺳﺎﻫﻞ .. ﺍﻫﻢ ﺷﻲ ﺗﺘﺨﻠﺼﻲ ﻣﻨﻪ ﻭﻣﺎﺗﺨﻠﻲ ﺣﺪ ﻳﺤﺲ ﺑﻴﻚ ..
ﻧﻬﻠﻪ : ﺍﻣﻤﻢ ﺗﻤﺎﻡ ﺗﻮﻧﺸﻮﻑ ﺻﺮﻓﻪ ..
ﺍﻟﺤﺴﻦ : ﺗﻮﺍ ﺑﻨﺼﻜﺮ ... ﻭﺻﻜﺮ .
ﻧﻬﻠﻪ ﺍﺑﺘﺴﻤﺖ " ﻓﻀﻴﻴﻴﻊ ﻫﻬﻬﻬﻪ .. ﻳﺎﻧﻬﻠﻪ ﻳﺎﻫﺒﻠﻪ ﺧﻠﻴﻚ ﻓﻲ ﻣﻬﻤﺘﻚ " ﺗﻨﺤﻨﺤﺖ ﻭﻣﺸﺖ ...
***
ﺑﻌﺪ ﺍﻟﻤﻐﺮﺏ ...
ﺍﻟﺒﻨﺎﺕ ﺷﺒﻪ ﻭﺗﻮﺍ ﻛﻞ ﺷﻲ ... ﻗﻌﺪﻭﺍ ﻓﻲ ﺍﻟﻤﻄﺒﺦ ﺍﻧﻌﺎﻡ ﻭﺳﺎﺭﻩ .. ﻋﻠﻴﺎ ﺻﻠﺖ ﺍﻟﻤﻐﺮﺏ ﻭﻣﺸﺘﻠﻬﻢ ﺑﺲ ﻭﻗﻔﺖ ﻟﻤﺎ ﺳﻤﻌﺘﻬﻢ ﺟﺎﺑﻮﺍ ﺳﻴﺮﺗﻬﺎ ..
ﺳﺎﺭﺓ : ﺧﻮﻱ ﻣﻌﺎﺵ ﺻﻐﻴﺮ ﺷﻦ ﻗﺎﻋﺪﻟﻪ ﻉ 40
ﺍﻧﻌﺎﻡ : ﺳﺎﺭﺓ ﺭﺩﻱ ﺑﺎﻟﻚ ﺭﺩﻱ ﺑﺎﻟﻚ ﺗﺪﻭﻱ ﻣﻌﺎﻫﺎ ﻓﻲ ﻣﻮﺍﺿﻴﻊ ﺯﻱ ﻫﺎﺩﻱ .. ﻫﺎﺩﻱ ﺧﺼﻮﺻﻴﺎﺕ ﻳﻄﻴﺢ ﺍﻟﻘﺪﺭ ﺑﻴﻨﻚ ﻭﺑﻴﻨﻬﺎ ﻟﻮ ﺗﻜﻠﻤﺘﻲ ﻣﻌﺎﻫﺎ ﻓﻴﻬﺎ ..
ﺳﺎﺭﻩ ﺗﻨﻬﺪﺕ : ﻋﻨﺪﻙ ﺣﻖ ﺑﺲ ﺍﻧﺘﻲ ﺗﻌﺮﻓﻲ ﻗﺪﺍﺵ ﻓﺮﺣﻨﺎ ﻟﻢ ﻗﺮﺭ ﻳﺘﺰﻭﺝ ﻧﺒﻮﺍ ﻧﺸﻮﻓﻮﻩ ﻣﺴﺘﻘﺮ ﻭﻧﺸﻮﻓﻮﺍ ﺻﻐﺎﺭﻩ ..
ﺍﻧﻌﺎﻡ : ﻋﺎﺭﻓﻪ .. ﺑﺲ ﻫﻤﺎ ﺍﺩﺭﻯ ﻣﺎﺗﺪﺧﻠﻴﺶ ..
ﺳﻜﺘﺖ ﺳﺎﺭﻩ .. ﻭﻋﻠﻴﺎ ﺍﻟﻠﻲ ﻛﺎﻧﺖ ﺗﺴﻤﻊ ﻓﻴﻬﻢ ﺣﺴﺖ ﺑﻀﻴﻖ ﺷﺪﻳﺪ .. ﻫﻤﺎ ﻋﻨﺪﻫﻢ ﺍﻟﺤﻖ .. ﺑﺲ ﻫﻲ ﻣﺎﺯﺍﻝ ﻣﺶ
ﻣﺴﺘﻌﺪﻩ .. ﻭﺣﺎﺳﻪ ﺑﺨﻮﻑ ﻣﻦ ﺍﻟﻨﻮﻉ ﺍﻟﻄﺒﻴﻌﻲ ﺍﻟﻠﻲ ﺗﺤﺲ ﺑﻴﻪ ﺍﻱ ﺍﻧﺜﻰ ﻟﻤﺎ ﺗﻔﻜﺮ ﻓﻲ ﺣﺎﺟﺎﺕ ﺯﻱ ﻫﺎﺩﻱ ... ﻭﻟﺖ ﻟﻐﺮﻓﻪ ﺍﻟﻤﻌﻴﺸﻪ ﻭﻗﻌﻤﺰﺕ ﺣﺪﺍ ﺍﻟﺒﻨﺎﺕ ﻭﻫﻲ ﺗﻔﻜﺮ ...
ﺷﻮﻳﻪ ﻭﻛﺎﻥ ﺍﻟﻌﺸﻲ ﻭﺍﺗﻲ .. ﺣﻄﻮﺍ ﻟﻠﺮﺟﺎﻟﻪ ﺑﺮﻭﺣﻬﻢ ﻭﺧﻠﻮﺍ ﺣﺼﺔ ﺍﻟﺤﺴﻦ ﻉ ﺗﺮﻛﻴﻨﻪ ... ﻭﺩﺍﺭﻭ ﺻﻔﺮﺗﻬﻢ ﻫﻤﺎ ﻭﻣﺸﻮﺍ ﻟﻠﺪﺍﺭ ...
ﺍﻟﺤﺴﻦ ﺭﻭﺡ ﺧﺶ ﻟﻠﺤﻮﺵ .. ﺭﻛﺐ ﻟﻠﺪﺭﻭﺝ ﺳﻤﻊ ﺻﻮﺕ ﺿﺤﻚ ﻭﻫﺪﺭﺯﺓ ﺍﺑﺘﺴﻢ ﻉ ﺟﻨﺐ .. ﻭﻓﺘﺢ ﺍﻟﻔﺎﺻﻞ ﻭﺭﻛﺐ ﻟﺤﻮﺷﻪ ﺑﺶ ﻳﺪﻭﺵ ﻭﻳﺒﺪﻝ ﻭﻳﻨﺰﻟﻠﻬﻢ .. ﺍﻭﻝ ﻣﺎﺧﺶ ﻟﻠﺸﻘﻪ ﺗﻮﺟﻪ ﻟﺪﺍﺭ ﺍﻟﻨﻮﻡ .. ﺧﺶ ﻓﺘﺢ ﺍﻟﻀﻲ .. ﺗﻔﺎﺟﺄ ﺑﺼﻨﺪﻭﻕ ﻣﺤﻄﻮﻁ ﻉ ﺍﻟﺴﺮﻳﺮ .. ﻗﺮﺏ ﺍﻛﺜﺮ .. ﻛﺎﻥ ﺷﺒﻪ ﻣﻔﺘﻮﺡ ﻟﻤﺎ ﺭﻛﺰ ﺷﺎﻑ ﻟﺒﺴﻪ ﺭﺟﺎﻟﻴﻪ ﻋﺮﺑﻴﻪ ﻛﺎﻧﺖ ﻣﻐﻠﻔﻪ ﺑﻄﺮﻳﻘﻪ ﺣﻠﻮﺓ ﻟﻘﻲ ﻛﺮﺕ ﺩﺍﺧﻞ ﻓﺘﺤﻬﺎ ﻭﻃﻠﻊ ﺍﻟﻜﺮﺕ ﻭﻗﺮﺍﻩ ...
( ﺍﻷﺳﻮﺩ ﻳﻠﻴﻖ ﺑﻚ ... ﻭﺍﻧﺖ ﺗﻠﻴﻖ ﺑﻜﻞ ﺷﻲ ﺣﻠﻮ .. ﺑﻄﻮﻝ ﻋﻤﺮﻙ ﻉ ﺍﻟﻄﺎﻋﻪ ... ﻭﺍﻧﺖ ﺟﻨﺒﻲ (💗
ﺍﻟﺤﺴﻦ ﺍﺭﺗﺴﻤﺖ ﻉ ﻭﺟﻬﻪ ﺍﺑﺘﺴﺎﻣﻪ ﺣﻠﻮﺓ ﺑﺎﻟﻤﺮﺓ ﻗﻠﺒﻪ ﻗﺮﻳﺐ ﻳﻄﻠﻊ ﻣﻦ ﺻﺪﺭﻩ ... ﺗﻤﻨﻰ ﻟﻮ ﻛﺎﻧﺖ ﻗﺪﺍﻣﻪ ﻛﺎﻥ ﺣﻀﻨﻬﺎ ﺑﺄﻗﻮﻯ ﻣﺎﻓﻴﻪ ﺑﺶ ﻳﺪﺧﻠﻬﺎ ﺩﺍﺧﻠﻪ ﻳﺤﻄﻬﺎ ﻓﻲ ﻗﻠﺒﻪ .. ﻳﺤﺒﺴﻬﺎ ﻓﻴﻪ ﻟﻼﺑﺪ .. ﻫﻮ ﺗﻮﺍ ﻣﺸﺘﻌﻞ ﺑﺎﻟﺤﺐ ﻷﻗﺼﻰ ﺣﺪ ... ﺧﺪﻱ ﺷﻬﻴﻖ ﻭﺯﻓﻴﺮ ... ﻭﺗﻮﺟﻪ ﻟﻠﺪﻭﻻﺏ ﻭﻃﻠﻊ ﻣﻨﻪ ﺣﻮﺍﻳﺠﻪ ﻭﺧﺶ ﻟﻠﺪﻭﺵ ... ﻳﺒﻲ ﻳﻨﺰﻝ ﺑﺴﺮﻋﻪ ﻭﻳﺸﻮﻓﻬﺎ 💗💗
ﻟﻮﻃﺎ ...
ﻫﺎﻟﻪ : ﺍﻟﻠﻪ ﻳﺒﺎﺭﻙ ﻉ ﺭﺯﻙ ﺧﻮﻟﻪ ﻛﻞ ﺣﺒﻪ ﺑﺮﻭﺣﻬﺎ ﻛﺎﻥ ﺗﻘﻮﻟﻴﻠﻲ ﻛﻴﻒ ﺩﻳﺮﻱ ﻓﻴﻪ ..
ﺧﻮﻟﻪ ﻧﺎﺿﺖ ﻭﻫﻲ ﺗﺮﻓﻊ ﻓﻲ ﺍﻟﺼﻔﺮﻩ : ﺗﻌﺎﻟﻲ ﻣﻌﺎﻱ ﺗﻮ ﻧﻘﻮﻟﻚ ..
ﻣﺸﻮﺍ ﻫﻤﺎ ﺍﻟﺰﻭﺯ ﻟﻠﻜﻮﺟﻴﻨﻪ ﺍﻟﻠﻲ ﻛﺎﻧﻮﺍ ﻓﻴﻬﺎ ﺍﻟﺒﻨﺎﺕ ﻛﻠﻬﻢ ﻳﻐﺴﻠﻮﺍ ﻓﻲ ﺍﻟﻤﺎﻋﻴﻦ ﻭﻻﻫﻴﻴﻦ ...
" ﻣﺴﺎﺀ ﺍﻟﺨﻴﺮ .."
ﺍﻩ ﻳﺎﻗﻠﺒﻬﺎ ﺍﻟﻠﻲ ﻣﺎﻳﺒﻄﻠﺶ ﻳﺮﺟﻒ ﻓﻲ ﺣﻀﻮﺭﻩ .. ﺍﻟﺘﻔﺖ ﻟﻘﺎﺗﻪ ﻭﺍﻗﻒ ﻉ ﺍﻟﺒﺎﺏ ﻭﺍﻳﺪﻳﻪ ﻓﺠﻴﻮﺑﻪ ﻻﺑﺲ ﻓﺎﻧﻴﻠﻴﺎ ﺳﻮﺩﺍ ﻓﻴﻬﺎ ﻛﻼﻡ ﺑﺎﻷﺑﻴﺾ ... ﻭﺳﺮﻭﺍﻝ ﺟﻴﻨﺰ ﺍﺯﺭﻕ ﻛﺤﻠﻲ ...
ﻫﻮ ﺍﻭﻝ ﻣﺎﺟﺖ ﻋﻴﻨﻪ ﻓﻲ ﻋﻴﻨﻬﺎ ﺍﺑﺘﺴﻤﻠﻬﺎ ﺍﻹﺑﺘﺴﺎﻣﻪ ﺍﻟﻠﻲ ﺗﻤﻮﺕ ﻓﻴﻬﺎ ﻭﻓﻬﻤﺖ ﻣﻦ ﻧﻈﺮﺍﺗﻪ ﺍﻧﻪ ﺷﺎﻑ ﺍﻟﻬﺪﻳﻪ .. ﺗﺤﺸﻤﺖ ﻃﻮﻝ ﺭﺟﻌﺖ ﻻﻫﻴﻪ ﺑﺎﻟﻠﻲ ﺩﻳﺮ ﻓﻴﻪ ﻭﻗﻠﺒﻬﺎ ..💗💗💗
ﺳﺎﺭﻩ : ﺍﻓﻨﺪﻳﻨﺎ ﻳﺎﻏﺎﻟﻲ ﻛﻞ ﻋﺎﻡ ﻭﺍﻧﺖ ﺑﺨﻴﺮ ...
ﺍﻟﺤﺴﻦ : ﺍﻟﻤﻨﺎﺳﺒﻪ؟
ﺧﻮﻟﻪ ﺑﻀﺤﻜﻪ : ﺗﻠﻘﻴﻪ ﻧﺴﺎﻩ ﻛﺎﻟﻌﺎﺩﻩ ..
ﺟﻨﺎﻥ : ﺍﻟﺤﺴﻦ ﺑﺘﻌﻴﺪﻱ ﻋﻠﻴﻪ ﻋﻨﺪﻙ ﺍﻟﻌﻴﺪﻳﻦ ... ﺇﻟﻰ ﺟﺎﻧﺐ ﻋﻴﺪ ﺍﻟﺸﺮﻃﻪ ﻭﺍﻟﻤﻨﺎﺳﺒﺎﺕ ﺍﻟﻮﻃﻨﻴﻪ ..
ﺍﻟﺤﺴﻦ : ﻭﺯﻳﺪﻱ ﻋﻠﻴﻬﺎ ﻣﻨﺎﺳﺒﻪ ﺗﺎﻧﻴﻪ ﺑﺲ ﺗﺨﺼﻨﻲ ﺑﺮﻭﺣﻲ .. ﻭﺷﺒﺢ ﻟﻌﻠﻴﺎ ﺍﻟﻠﻲ ﻣﺎﺗﺒﻴﺶ ﺗﺸﺒﺤﻠﻪ ﻭﻛﺎﻧﺖ ﻣﺮﺗﺒﻜﻪ ﻟﻴﻦ ﺧﻼﺹ ..
ﺍﻧﻌﺎﻡ : ﺍﻛﻴﺪ ﻳﻮﻡ ﻗﺒﺾ ﻓﻴﻪ ﻉ ﻣﺠﺮﻡ ﺧﻄﻴﺮ ..
ﺍﻟﺤﺴﻦ : ﺍﻧﺘﻲ ﺍﺳﻜﺘﻲ ﺍﻓﻀﻞ ..
ﺍﻧﻌﺎﻡ : ﻫﺎﻩ ﻣﺶ ﻗﻠﺘﻠﻜﻢ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ...
ﺍﻟﺤﺴﻦ : ﻓﻜﻮﻧﻲ ﻣﻦ ﺩﻭﺗﻜﻢ ﺍﻟﻔﺎﺭﻏﻪ .. ﻭﺗﻮﻟﻲ ﻋﺸﺎﻱ ﻭﻃﻠﻌﻬﻮﻟﻲ ﺣﺪﺍ ﺍﻟﻌﻨﺒﻪ ﻭﻟﻒ ﻭﻣﺸﻲ ..
ﺳﺎﺭﺓ ﺑﻀﺤﻜﻪ : ﻟﻮﻻ ﺳﻴﺒﻲ ﻟﻔﻴﺪﻙ ﻭﺍﺷﻘﻲ ﺑﻌﺸﻲ ﺭﺍﺟﻠﻚ ..
ﻋﻠﻴﺎ ﺑﺼﻮﺕ ﻳﺪﻭﺏ ﻃﺎﻟﻊ : ﺑﺎﻫﻲ ..
ﺳﺎﺭﺓ : ﺧﻴﺮﻙ ﻳﺎﺑﻨﺘﻲ ﺑﺪﻭﺧﻲ .. ﺁﺍﺍﺍﺍﺍﺍﺍﻩ ... ﺷﻜﻠﻪ ﺍﻟﻤﻨﺎﺳﺒﻪ ﺍﻟﻠﻲ ﺗﺨﺼﻪ ﺑﺮﻭﺣﻪ ﻋﻠﻴﺎ ﺑﺲ ﺍﻟﻠﻲ ﺗﻌﺮﻓﻬﺎ ..
ﻋﻠﻴﺎ 😳:
ﺳﺎﺭﺓ : ﺭﻳﺘﻮﺍ ﻭﺟﻬﻬﺎ ﻛﻴﻒ ﺭﺍﺡ
ﻛﻠﻬﻢ 😂😂😂😂:
ﺍﻧﻌﺎﻡ ﺑﻀﺤﻜﻪ : ﺧﻠﻲ ﺍﻟﻤﺮﺍﺓ ﻓﺤﺎﻟﻬﺎ .. ﻫﻴﺎ ﺣﺒﻴﺒﺘﻲ ﻭﺗﻴﻠﻪ ﻋﺸﺎﻩ ﺑﺴﺮﻋﻪ ...
ﻋﻠﻴﺎ ﻭﻫﻲ ﻣﺘﺤﺸﻤﻪ ﻭﻣﺮﺗﺒﻜﻪ ﺗﻮﺗﻴﻠﻪ ﻓﻲ ﻋﺸﺎﻩ ﻭﺗﺨﻤﻢ ﻓﻲ ﺍﻟﻠﻲ ﺑﻌﺪ ﺍﻟﻌﺸﻲ ..
💗 ﻫﻮ ﻣﻘﻌﻤﺰ ﺗﺤﺖ ﺍﻟﻌﻨﺒﻪ ﻭﻣﻐﻤﺾ ﻋﻴﻮﻧﻪ ﻳﻔﻜﺮ ﻓﻲ ﺍﻟﻠﻲ ﺻﺎﺭ ﻟﻴﻠﺔ ﺃﻣﺲ ﻭﻳﻔﻜﺮ ﻓﻲ ﻫﺪﻳﺘﻬﺎ ﺍﻟﻠﻲ ﺟﺎﺑﺘﻬﺎ .. ﻓﺘﺢ ﻋﻴﻮﻧﻪ .. ﻓﻜﺮ ﻓﻲ ﺍﻟﻠﺒﺴﻪ ﻭﺍﺿﺢ ﻏﺎﻟﻴﻪ ﻫﻠﺒﻪ ﻣﻨﻴﻦ ﺟﺎﺑﺖ ﺣﻘﻬﺎ ﻭﻫﻮ ﻣﺶ ﻋﺎﻃﻴﻬﺎ ﻣﺒﻠﻎ ﻛﺒﻴﺮ ... ﺷﻮﻳﻪ ﻭﻟﻤﺤﻬﺎ ﺟﺎﻳﻪ ﻣﻦ ﺑﻌﻴﺪ ﻭﻓﻴﺪﻫﺎ ﺍﻟﺼﻔﺮﺓ .. ﻧﺎﺽ .. ﻭﻃﻠﻊ ﻣﻦ ﺗﺤﺖ ﺍﻟﻌﻨﺒﻪ ﻭﻣﺸﺎﻟﻬﺎ ﺧﺪﺍﻫﺎ ﻣﻨﻬﺎ ..
ﻋﻠﻴﺎ : ﻣﺶ ﺭﺯﻳﻨﻪ ﻧﻘﺪﺭ ﻧﻜﻤﻞ ﺑﻴﻬﺎ ﺑﺮﻭﺣﻲ ..
ﺍﻟﺤﺴﻦ ﻭﻫﻮ ﻗﺎﻳﻢ ﺍﻟﺼﻔﺮﺓ : ﺗﻌﺎﻟﻲ ﻭﺍﻧﺘﻲ ﺳﺎﻛﺘﻪ ..
ﻋﻠﻴﺎ : ﻫﻬﻬﻬﻬﻬﻬﻬﻬﻬﻪ
ﺍﻟﺤﺴﻦ : ﻋﻼﺵ ﺗﻀﺤﻜﻲ ..
ﻋﻠﻴﺎ : ﺍﻧﺖ ﻫﻜﻲ ﺩﻳﻤﺎ ﺻﻌﺐ ﺗﻘﻮﻝ ﻛﻠﻤﻪ ﺣﻠﻮﺓ ..
ﺍﻟﺤﺴﻦ : ﺍﻧﻲ ﻧﻔﻌﻞ ﻣﺎﻧﻘﻮﻟﺶ ..
ﻋﻠﻴﺎ ﺳﻜﺘﺖ ﻭ ﻭﺟﻬﻬﺎ ﻃﻤﺎﻃﻢ ...
ﺍﻟﺤﺴﻦ ﺍﺑﺘﺴﻢ ﻉ ﺟﻨﺐ .. ﻭﺻﻠﻮﺍ ﺗﺤﺖ ﺍﻟﻌﻨﺒﻪ ﺣﻂ ﺍﻟﺴﻔﺮﻩ ﻭﻗﻌﻤﺰ ..
ﻋﻠﻴﺎ : ﺗﺒﻲ ﺣﺎﺟﻪ ﺗﺎﻧﻴﻪ .
ﺍﻟﺤﺴﻦ : ﻭﻳﻦ ﻉ ﺧﻴﺮ؟ ! ﺗﻌﺎﻟﻲ ﻗﻌﻤﺰﻱ ..
ﻋﻠﻴﺎ ﻭﻫﻲ ﻣﺮﺗﺒﻜﻪ ﻗﻌﻤﺰﺕ ﺣﺪﺍﻩ ..
ﺍﻟﺤﺴﻦ ﺷﺒﺤﻠﻬﺎ ﻟﻴﻦ ﻗﻌﻤﺰﺕ ﺟﻨﺒﻪ : ﻧﻄﻠﺐ ﻣﻨﻚ ﻃﻠﺐ ﺗﺎﻧﻲ ..
ﻋﻠﻴﺎ ﺍﺫﻛﺮﺕ ﺍﻟﻄﻠﺐ ﺍﻷﻭﻝ ﺍﺑﺘﺴﻤﺖ : ﺷﻨﻮ ..
ﺍﺍﻟﺤﺴﻦ : ﻭﻛﻠﻴﻨﻲ ﺑﺈﻳﺪﻳﻚ ..
ﻋﻠﻴﺎ ﻗﻌﺪﺕ ﺗﺸﺒﺢ ﻟﻌﻴﻮﻧﻪ ﺍﻟﻠﻲ ﻧﻈﺮﺗﻬﻢ ﻛﺎﻥ ﻓﻴﻬﺎ ﻛﻼﺍﺍﻡ ﻫﻠﺒﻪ ﻳﻨﻘﺎﻝ : ﺑﺎﻩ ...
ﺑﺪﺕ ﺗﻮﻛﻞ ﻓﻴﻬﺎ ﻭﻫﻮ ﻳﺸﺒﺤﻠﻬﺎ ﻭﻋﻴﻮﻧﻪ ﻣﺎﻓﺎﺭﻗﺘﻬﺎﺵ ﺑﻜﻞ ﻳﺘﻤﻨﻰ ﻟﻮ ﻣﺎﻳﺮﻣﺸﺶ ﻭﺗﻔﻮﺗﻪ ﻟﺤﻈﻪ ﻣﺎﻳﺸﻮﻓﻬﺎﺵ ﻓﻴﻬﺎ .. ﺭﻛﺰ ﺑﻌﻴﻮﻧﻪ ﻉ ﺍﻳﺪﻫﺎ ﻓﻘﺪ ﺣﺎﺟﻪ .. ﺧﺎﺗﻤﻬﺎ ﺍﻟﺬﻫﺐ ﺍﻟﻠﻲ ﻉ ﻫﻴﺌﺔ ﻭﺭﺩﺓ .. ﺩﻳﻤﺎ ﻓﻴﺪﻫﺎ ﺍﻭﻝ ﻣﺮﺓ ﻣﺎﻳﺸﻮﻓﺎﺵ ..
ﻛﻴﻒ ﺟﺖ ﺑﺘﻘﺮﺏ ﺍﻟﻜﺸﻴﻚ ﻟﻔﻤﻪ ﻭﻗﻔﻬﺎ ﺑﻴﺪﻩ ✋
ﻋﻠﻴﺎ ﺍﺳﺘﻐﺮﺑﺖ : ﺷﺒﻌﺖ ﺑﺴﺮﻋﻪ ﻫﻜﻲ ..
ﺍﻟﺤﺴﻦ ﻭﻫﻮ ﻣﻀﻴﻖ ﻋﻴﻮﻧﻪ : ﺧﺎﺗﻤﻚ ﻭﻳﻦ ..
ﻋﻠﻴﺎ ﺷﺒﺤﺖ ﻹﻳﺪﻫﺎ ﻭﻟﻮﻧﻬﺎ ﺍﻧﺨﻄﻒ : ﺍﺣﻤﻢ ... ﺷﻜﻠﻲ ﻧﺴﻴﺘﻪ ﻓﻮﻕ ..
ﺍﻟﺤﺴﻦ ﻗﻌﺪ ﻳﺸﺒﺤﻠﻬﺎ ﻫﻠﺒﻪ ﺑﻌﺪﻳﻦ ﻗﺪﻡ ﻭﺣﻮﻟﻠﻬﺎ ﻭﺷﺎﺣﻬﺎ ﻭﻋﻴﻮﻧﻪ ﻉ ﺭﻗﺒﺘﻬﺎ ﻭﻫﻲ ﻗﺮﻳﺐ ﺗﻤﻮﺕ ..
ﺍﻟﺤﺴﻦ : ﻋﻠﻴﺎ ﻣﻨﻴﻦ ﺟﺒﺘﻲ ﺣﻖ ﺍﻟﻠﺒﺴﻪ ..
ﻋﻠﻴﺎ ﻗﻌﺪﺕ ﺗﺸﺒﺤﻠﻪ ﻭﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ..
ﺍﻟﺤﺴﻦ ﻏﻤﺾ ﻋﻴﻮﻧﻪ ﻭﻓﺘﺤﻬﻢ : ﻣﻦ ﻗﺎﻟﻚ ﻧﺒﻲ ﻣﻨﻚ ﻫﺪﺍﻳﺎ ﻏﺎﻟﻴﻪ .. ﻋﻠﻴﺎ ﺍﻟﻠﻲ ﺻﺎﺭ ﺃﻣﺲ ﺑﺎﻟﻨﺴﺒﻪ ﻟﻴﺎ ﻣﺎﻳﺘﻘﺪﺭﺵ ﺑﺜﻤﻦ .. ﺗﺒﻴﻌﻲ ﺍﻏﻠﻰ ﺣﺎﺟﺘﻴﻦ ﻋﻨﺪﻙ ﻋﻼﺵ ﻳﺎﻋﻠﻴﺎ ﻋﻼﺵ ..
ﻋﻠﻴﺎ ﻭﺩﻣﻮﻋﻬﺎ ﻳﻨﺰﻟﻮﺍ : ﻷﻧﻲ ﻧﺤﺒﻚ .. ﻷﻥ ﻣﻌﺎﺵ ﻋﻨﺪﻱ ﺣﺪ ﺃﻏﻠﻰ ﻣﻨﻚ .. ﻷﻧﻲ ﻣﺴﺘﻌﺪﻩ ﻧﻌﻄﻴﻚ ﺭﻭﺣﻲ ﺗﺮﺧﺼﻠﻚ .. ﺍﻧﺖ ﺩﺭﺗﻠﻲ ﻫﻠﺒﻪ ﺣﺎﺟﺎﺕ ﻛﺒﻴﺮﺓ ﻫﻠﺒﻪ .. ﺍﻧﺖ ﺭﺩﻳﺖ ﻟﻌﻴﻠﺘﻲ ﺍﻋﺘﺒﺎﺭﻫﺎ ﺧﻠﻴﺘﻨﻲ ﻧﺮﺟﻊ ﻧﺮﻓﻊ ﺭﺍﺳﻲ ﺑﻴﻦ ﺍﻟﻨﺎﺱ ﻭﻛﻠﻲ ﻓﺨﺮ ﻷﻧﻲ ﻣﺮﺗﻚ .. ﻫﻠﺒﻪ ﻫﻠﺒﻪ ﺣﺎﺟﺎﺕ ﻟﻮ ﻧﻌﺪﻫﺎ ﻧﺒﻲ ﺳﺎﻋﺎﺕ ﻭﺳﺎﻋﺎﺕ .. ﻣﺎﻓﻲ ﺷﻲ ﻳﺴﻮﺍﻙ ﻋﻨﺪﻱ .. ﺍﻧﺖ ﻛﻞ ﺷﻲ ﻭﻟﻴﺖ ﻛﻞ ﺷﻲ ﺑﺎﻟﻨﺴﺒﻪ ﻟﻴﺎ ..
ﺍﻟﺤﺴﻦ ﻣﻌﺎﺵ ﺗﻤﺎﻟﻚ ﻧﻔﺴﻪ .. ﻣﺘﻮﻗﻌﻴﻦ ﻛﻠﻜﻢ ﺷﻦ ﺩﺍﺭ .. ﻣﺎﺑﺎﺵ ﻳﺴﻴﺒﻬﺎ ﺑﻜﻞ ﻳﺨﻠﻴﻬﺎ ﺗﺎﺧﺪ ﻧﻔﺲ ﻭﻳﺮﺟﻊ ... ﻣﺶ ﻗﺎﺩﺭ ﻳﻮﻗﻒ ﻣﺶ ﻗﺎﺩﺭ ﺑﻜﻞ ﺗﺄﺛﻴﺮ ﻛﻼﻣﻬﺎ ﻋﻠﻴﻪ ﻗﻮﻱ ﻷﻗﺼﻰ ﺣﺪ ...
ﻣﻦ ﺑﻌﻴﺪ ﺷﻮﻱ ..
ﺳﺮﻣﺪ ﻛﺎﻥ ﻳﺘﻜﻠﻢ ﺑﺎﻟﺘﻠﻴﻔﻮﻥ ﻟﻤﺤﻬﻢ .. ﻟﻒ ﻭﺟﻬﻪ ﻭﻫﻮ ﻳﻀﺤﻚ ..
ﺳﺮﻣﺪ " ﺍﻟﺤﺐ ﺷﻦ ﻳﺪﻳﺮ ﻓﻲ ﻗﻠﻮﺏ ﺍﻟﺮﺟﺎﻟﻪ .. ﻳﺨﻠﻲ ﺍﻗﻮﻯ ﺭﺍﺟﻞ ﻳﻀﻴﻊ ﻗﺪﺍﻡ ﺍﺭﻕ ﺍﻧﺜﻰ ... ﺍﺍﺍﻩ ﻭﻫﺬﺍ ﺍﻟﻠﻲ ﺻﺎﻳﺮﻟﻲ ﺗﻮﺍ .. ﺑﺲ ﺍﻧﺖ ﺑﺎﻟﺬﺍﺕ ﻳﺎﺳﺮﻣﺪ ﻣﺎﻳﻨﻔﻌﻠﻜﺶ ﺑﻜﻜﻞ ..."
... ﻳﺘﺒﻊ
