منقولة
ﺍﻟﺠﺰﺀ ﺍﻟﺴﺎﺩﺱ ﻭﺍﻟﺜﻼﺛﻴﻦ 💖💔
للكاتبة GomanFared
ﻭﻗﻔﺖ ﺑﺴﻴﺎﺭﺗﻬﺎ ﻭﻃﻠﻌﺖ ﻣﻨﻬﺎ .. ﻭﻗﻌﻤﺰﺕ ﻓﻲ ﻣﻜﺎﻥ ﻓﺎﺿﻲ .. ﺍﻃﻠﻘﺖ ﺍﻟﻌﻨﺎﻥ ﻟﺪﻣﻮﻋﻬﺎ ﺍﻧﻬﺎ ﺗﻨﺰﻝ .. ﺻﺪﻣﻪ .. ﺍﺣﺒﺎﻁ .. ﻟﻠﺤﻈﻪ ﺣﺴﺖ ﻧﻔﺴﻬﺎ ﻟﻘﺖ ﺍﻟﺤﺐ ﺍﻟﻠﻲ ﺩﻭﺭ ﻋﻠﻴﻪ ﺑﺲ ﻣﻊ ﺍﻷﺳﻒ ﻃﻠﻊ ﻭﻫﻢ .. ﺑﻜﺖ ﻭﺑﻜﺖ ﻭﺑﻜﺖ ﻟﻴﻦ ﻛﺒﺪﻫﺎ ﻃﺎﺑﺖ ... ﻭﺑﻌﺪﻳﻦ ﻧﺎﺿﺖ .. ﺧﺪﺕ ﺷﻬﻴﻖ ﻭﺯﻓﻴﺮ ﻭﻣﺴﺤﺖ ﺩﻣﻮﻋﻬﺎ ﻭﺭﻛﺒﺖ ﺍﻟﺴﻴﺎﺭﻩ .. ﻭﻣﺸﺖ ....
🍃 ﻓﺎﺗﻮﺍ 5 ﺃﻳﺎﻡ ﺑﺎﻟﺰﺑﻂ ..
ﺍﺑﺘﺴﺎﻡ ﺗﻐﻴﺮﺕ ﻭﻟﺖ ﺗﺒﻲ ﺍﻟﻌﺰﻟﻪ ﻭﺣﺘﻰ ﺻﺎﺣﺒﺘﻬﺎ ﻣﺎﺗﺒﻲ ﺗﺤﻜﻴﻠﻬﻢ ﺗﻤﺸﻲ ﻟﻠﻜﻠﻴﻪ ﻭﺗﻠﻬﻲ ﻓﻲ ﺭﻭﺣﻬﺎ ﺑﺎﻟﻘﺮﺍﻳﻪ ﻭﻣﺎﺟﺎﺑﺘﺶ ﺳﻴﺮﺓ ﺣﺘﻰ ﻟﺒﻮﻫﺎ ﺑﺄﻧﻬﺎ ﺳﻴﺒﺖ ﺑﻼﻝ ...
ﺑﻼﻝ ﺍﻟﻠﻲ ﻣﻦ ﻳﻮﻡ ﺻﺎﺭ ﺍﻟﻠﻲ ﺻﺎﺭ ﻭﻫﻮ ﺿﺎﻳﻊ ﻣﻦ ﻏﻴﺮﻫﺎ ﺑﺮﻏﻢ ﺣﺎﻟﺘﻪ ﻻﺯﻡ ﻳﻮﻣﻴﺎ ﻳﺸﻮﻓﻬﺎ ﻳﺮﻛﺐ ﺗﺎﻛﺴﻲ ﻛﻞ ﺻﺒﺢ ﻭﻳﺠﻲ ﻟﻠﻜﻠﻴﻪ ﻭﻳﻘﻌﺪ ﻳﺮﺍﻗﺐ ﻓﻴﻬﺎ ﺑﺪﻭﻥ ﻣﺎﺗﺤﺲ ﻋﻠﻴﻪ ..
ﺍﻟﺤﺴﻦ ﺭﺟﻊ ﻟﺤﺎﻟﺘﻪ ﺍﻷﻭﻟﻰ ﺑﺪﻱ ﻳﺘﺠﻨﺐ ﻳﻘﻌﺪ ﻓﻲ ﺍﻟﺤﻮﺵ ﺍﻟﻠﻲ ﺻﺎﺭ ﺍﺧﺮ ﻣﺮﺓ ﺟﺮﺣﻠﻪ ﻛﺮﺍﻣﺘﻪ .. ﻭﻋﻠﻴﺎ ﻣﻼﺣﻈﻪ ﻋﻠﻴﻪ ﻫﺎﻟﺸﻲ ﻭﻛﻞ ﻣﺎﺗﺤﺎﻭﻝ ﺗﻨﻔﺮﺩ ﺑﻴﻪ ﻛﺎﻥ ﻳﺘﻬﺮﺏ ﻣﻨﻬﺎ ..
ﻓﻲ ﻳﻮﻡ ...
ﺯﻳﻨﺐ ﺗﻌﺒﺖ ... ﻭﻋﻠﻴﺎ ﻗﺮﻳﺐ ﻣﺎﺗﺖ ﻣﻦ ﺍﻟﺨﻮﻑ ﻉ ﺃﻣﻬﺎ ﺭﻓﻌﻬﺎ ﺍﻟﺤﺴﻦ ﻟﺤﻮﺵ ﺍﻫﻠﻬﺎ ﻃﻮﻝ ﺍﻟﻄﺮﻳﻖ ﻛﺎﻧﻮﺍ ﺳﺎﻛﺘﻴﻦ ﻟﻴﻦ ﻭﺻﻠﻮﺍ ﻟﻠﺤﻮﺵ ﻛﻴﻒ ﺩﺭﺱ ﺍﻟﺴﻴﺎﺭﺓ ﻭﻋﻠﻴﺎ ﺑﺘﻨﺰﻝ .. ﻃﻠﻊ ﻣﻨﺼﻒ ..
ﺍﻟﺤﺴﻦ ﻭﻫﻮ ﻃﺎﻟﻊ ﻻﺣﻆ ﻋﻠﻴﺎ ﻛﻴﻒ ﻭﻗﻔﺖ ﻣﻜﺎﻧﻬﺎ ﻟﻤﺎ ﺷﺎﻓﺎﺗﻪ .. ﻫﻲ ﻛﺎﻧﺖ ﻣﻨﻘﺮﻓﻪ ﻣﻨﻪ ﻭﻛﺎﺭﻫﺎﺗﻪ ﻛﺎﻧﺖ ﺗﺒﻲ ﺗﺪﻓﻞ ﻋﻠﻴﻪ .. ﻭﻫﻮ ﻛﺎﻥ ﻳﺸﺒﺤﻠﻬﺎ ﺑﺸﻮﻕ ﺷﺪﻳﺪ ..
ﺍﻟﺤﺴﻦ : ﻣﺎﺗﺒﻴﺶ ﺗﺨﺸﻲ ..
ﺍﻟﺘﻔﺘﺖ ﻋﻠﻴﺎ ﻭﺷﺒﺤﺘﻠﻪ ﺑﺄﻟﻢ ﻣﻦ ﻧﺒﺮﺓ ﺻﻮﺗﻪ ﻣﺎﺑﺎﺵ ﻳﺸﺒﺤﻠﻬﺎ ﻗﺪﻡ ﻭﺑﻴﺨﺶ ﻭﻫﻲ ﻣﺸﺖ ﻣﻌﺎﻩ .. ﻣﻨﺼﻒ ﻛﺎﻥ ﻳﺸﺒﺤﻠﻪ ﻣﻦ ﻓﻮﻕ ﻟﻠﻮﻃﺎ ﺑﻐﻞ .. ﻭﻫﻮﻭ ﻻﻋﺒﺮﻩ ... ﺷﺒﺤﻪ ﻛﻴﻒ ﺷﺎﺩ ﻳﺪ ﻋﻠﻴﺎ ﻭﻗﺮﻳﺐ ﺍﻧﺠﻦ .. ﻗﻌﺪ ﻣﻌﺎﻫﻢ ﺑﻌﻴﻮﻧﻪ ﻟﻴﻦ ﺧﺸﻮﺍ ﻟﻠﺤﻮﺵ ﻭﺧﻄﺮﺕ ﻓﻲ ﺑﺎﻟﻪ ﺣﺎﺟﻪ ﻣﺸﻲ ﻃﻮﻝ ﺑﺎﺵ ﻳﻨﻔﺬﻫﺎ ....
***
ﺯﺍﻫﻴﻪ : ﻛﺎﻥ ﺧﻠﺘﻴﻨﻲ ﻧﺴﺎﻋﺪﻙ ..
ﺧﻮﻟﻪ : ﺻﺤﻴﺘﻲ ﺯﺍﻫﻴﻪ ﺭﻭﺣﻲ ﺍﻧﺘﻲ ﻭﺭﺍﻙ ﺣﻮﺵ ﻭﺻﻐﺎﺭ ..
ﺍﺑﺘﺴﻤﺖ ﺯﺍﻫﻴﻪ : ﻉ ﺭﺍﺣﺘﻚ ﻫﻲ ﺳﻼﻣﺎﺕ ..
ﺧﻮﻟﻪ : ﻣﻊ ﺍﻟﺴﻼﻣﻪ ...
ﻛﺎﻥ ﺭﻳﺎﺽ ﻣﻮﺟﻮﺩ ﻓﻲ ﺍﻟﻤﻜﺘﺐ ﺩﺍﻳﺮ ﺭﻭﺣﻪ ﻳﺨﺪﻡ ﻭﻫﻮ ﻣﺮﻛﺰ ﻣﻌﺎﻫﺎ ..
ﺷﻮﻳﻪ ﺟﺘﻬﺎ ﺭﺳﺎﻟﻪ ﻛﺎﻧﺖ ﺻﻮﺭﺓ ﻓﺘﺤﺘﻬﺎ ﻭﺍﻧﺼﺪﻣﺖ ..
ﻛﺎﻧﺖ ﺻﻮﺭﺓ ﻟﺴﻠﻴﻢ ﻭﻣﻼﻙ ﻓﻲ ﺷﻬﺮ ﺍﻟﻌﺴﻞ ﺍﻟﺒﺎﻳﻦ ﻓﻲ ﻓﺮﻧﺴﺎ ... ﻭﻛﺎﻥ ﺣﺎﺿﻨﻬﺎ .. ﻧﻔﺲ ﺍﻟﻤﻜﺎﻥ ﺍﻟﻠﻲ ﻣﺸﻮﻟﻪ ﻫﻤﺎ ﺷﻬﺮ ﻋﺴﻞ ﻭﻧﻔﺲ ﺍﻟﺼﻮﺭﺓ ﺧﺪﺍﻫﺎ ﻣﻌﺎﻫﺎ ﻫﻲ ﻭﻗﺘﻬﺎ .. ﻫﻲ ﺍﺿﺎﻳﻘﺖ ﻭﻋﺼﺒﺖ ﺷﻦ ﻣﺎﺯﺍﻝ ﻳﺒﻲ ﻓﻴﻬﺎ ﻋﻼﺵ ﻣﺎﺯﺍﻝ ﻻﺣﻘﻬﺎ ...
ﺧﺪﺕ ﻗﺮﺍﺭ ﺍﻧﻬﺎ ﺗﻐﻴﺮ ﺭﻗﻤﻬﺎ .. ﺣﺪﻓﺖ ﺗﻠﻴﻔﻮﻧﻬﺎ ﻉ ﺍﻟﻤﻜﺘﺐ ﻭﺗﺄﻓﻔﺖ ..
ﺭﻳﺎﺽ : ﺧﻴﺮﻙ ﺧﻮﻟﻪ ..
ﺧﻮﻟﻪ ﻭﻫﻲ ﻣﻀﺎﻳﻘﻪ : ﻣﺎﻓﻲ ﺷﻲ ..
ﺭﻳﺎﺽ : ﺑﺲ ﻭﺟﻬﻚ ﻳﻘﻮﻝ ﻏﻴﺮ ﻫﻜﻲ ..
ﺧﻮﻟﻪ ﻣﻌﺼﺒﻪ ﻭﺗﺒﻲ ﺗﻔﺶ ﻏﻠﻬﺎ ﻓﻲ ﺣﺪ ﻭﺑﺘﺠﻲ ﻓﻲ ﺭﻳﺎﺽ : ﻣﺶ ﻣﻼﺣﻆ ﺍﻧﻚ ﺗﺠﺎﻭﺯﺕ ﺣﺪﻭﺩﻙ ﻭﺗﺪﺧﻞ ﻫﻠﺒﻪ ﻓﻲ ﺧﺼﻮﺻﻴﺎﺕ ﻏﻴﺮﻙ .. ﻟﻮﺳﻤﺤﺖ ﺧﻠﻲ ﺑﻴﻨﺎﺗﻨﺎ ﺣﺪﻭﺩ ﻟﻺﺣﺘﺮﺍﻡ .. ﻭﺍﺫﺍ ﻓﻲ ﻓﺒﺎﻟﻚ ﺷﻲ ﺣﻮﻟﻪ ﻣﻦ ﺗﻮﺍ ... ﻭﻧﺎﺿﺖ ﻭﻃﻠﻌﺖ ﻣﻦ ﺍﻟﻤﻜﺘﺐ ﻭﺧﻼﺗﻪ ﻣﺼﺪﻭﻡ ...
***
ﻃﺒﻌﺎﻓﻲ ﺣﻮﺵ ﺃﻫﻞ ﻋﻠﻴﺎ ﻛﺎﻧﻮﺍ ﺣﻮﺵ ﻋﻤﺘﻬﺎ ﻣﻮﺟﻮﺩﻳﻦ ﺑﺶ ﻳﻄﻴﺮﻭﺍ ﺍﻟﺴﻮ ﻉ ﺯﻳﻨﺐ ﻭﻣﻮﺟﻮﺩﻳﻦ ﺧﺎﻻﺗﻬﺎ ﻛﺬﻟﻚ .. ﻭﻋﻠﻴﺎ ﻻﻫﻴﻪ ﺑﺎﻟﻬﺪﺭﺯﺓ ﻣﻌﺎﻫﻢ ﻟﻴﻬﺎ ﻭﻗﺖ ﻣﺎﺷﺎﻓﺘﻬﻤﺶ ..
ﻣﻨﺼﻒ : 2000 ﺩﻳﻨﺎﺭ ..
ﺭﺷﺎ : ﺍﻣﻤﻢ ﻛﻮﻳﺲ ..
ﻣﻨﺼﻒ : ﺣﻄﻴﻬﺎ ﺑﺤﺬﺭ ..
ﺭﺷﺎ ﺑﻀﺤﻜﻪ : ﻣﺎﺗﻮﺻﻴﺶ .. ﻣﺸﻲ ﻣﻨﺼﻒ ﻭﺧﺸﺖ ﺭﺷﺎ .... ﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻓﻲ ﺍﻟﻤﻜﺎﻥ ﻃﺎﺣﺖ ﻋﻴﻨﻬﺎ ﻉ ﺷﻨﻄﺔ ﻋﻠﻴﺎ ﺍﻟﻠﻲ ﻛﺎﻧﺖ ﻣﺤﻄﻮﻃﻪ ﻉ ﺍﻟﺼﺎﻟﻮﻥ ﻣﺸﺖ ﻓﺘﺤﺘﻬﺎ .. ﻭﺣﻄﺖ ﻓﻴﻬﺎ ﺍﻟﻠﻲ ﻗﺎﻟﻠﻬﺎ ﻋﻠﻴﻪ ﻣﻨﺼﻒ ... ﻋﻄﺮﻩ ﺍﻟﻠﻲ ﻛﺎﻧﺖ ﺷﻴﺸﺘﻪ ﺻﻐﻴﺮﻩ ﻭﻣﻌﺎﻫﺎ ﻛﺮﺕ ﻓﻴﻪ ﻛﻼﻡ ... ﺩﺭﻗﺘﻬﻢ ﻛﻮﻳﺲ ﻓﻲ ﺍﻟﺠﻴﺐ ﺍﻟﺪﺧﻼﻧﻲ .. ﻭﻣﺸﺖ .. ﻭﻻﻣﻦ ﺷﺎﻑ ﻭﻻﻣﻦ ﺩﺭﻱ ..
ﺷﻮﻳﻪ ﻭﺟﻲ ﺍﻟﺤﺴﻦ ... ﻃﻠﻌﺖ ﻋﻠﻴﺎ ﺑﻌﺪ ﺳﻠﻤﺖ ﻉ ﺍﻟﻌﻴﻠﻪ ﻭﻫﻲ ﻃﺎﻟﻌﻪ ﻟﻘﺖ ﻣﻨﺼﻒ ﻭﺍﻗﻒ ﻣﻊ ﻣﺼﻌﺐ ﺷﺒﺤﺘﻠﻪ ﺑﺈﺯﺩﺭﺍﺀ ﻭﻫﻮ ﺍﺑﺘﺴﻢ .. ﻭﻫﺬﺍ ﻛﺎﻥ ﻉ ﻋﻴﻮﻥ ﺍﻟﺤﺴﻦ ﺍﻟﻠﻲ ﻛﺎﻥ ﻣﻘﻌﻤﺰ ﻓﻲ ﺍﻟﺴﻴﺎﺭﻩ .. ﻃﻠﻌﺖ ﻋﻠﻴﺎ ﻭﺭﻛﺒﺖ ﺍﻟﺴﻴﺎﺭﺓ .. ﻭﻫﻮ ﺗﺤﺮﻙ .. ﻭﻃﻮﻝ ﺍﻟﻄﺮﻳﻖ ﻭﻫﻮ ﻳﻐﻠﻲ ﻭﻫﻲ ﻣﻀﺎﻳﻘﻪ ﻫﻠﺒﻪ ﻣﻦ ﺣﺎﻟﻬﻢ ﻫﺬﺍ ..
ﻭﺻﻠﻬﺎ ﻟﻠﺤﻮﺵ ﻭﺗﻮﺟﻪ ﻟﻠﻤﺮﻛﺰ ....
...
ﻣﻨﺼﻒ : ﺩﺭﺗﻲ ﺯﻱ ﻣﺎﻗﺘﻠﻚ ..
ﺭﺷﺎ : ﺍﻳﻪ ...
ﻣﻨﺼﻒ : ﺧﻮﺩﻱ ..
ﺭﺷﺎ : ﺍﺣﺴﻦ ﺣﺎﺟﻪ ﻓﻴﻚ ﺍﻧﻚ ﺳﺮﻳﻊ ﻓﻲ ﻣﻌﺎﻣﻼﺗﻚ ..
ﻣﻨﺼﻒ ﺷﺒﺤﻠﻬﺎ ﺑﻘﺮﻑ ﻭﺳﻜﺖ ..
***
ﻣﻘﻌﻤﺰﺓ ﺗﺼﺤﺢ ﻓﻲ ﺍﻟﻜﺮﺍﺳﺎﺕ ..
ﺭﻳﺤﺎﻧﻪ : ﻗﻄﻴﻊ ﺣﻤﻴﺮ ﺍﻟﻠﻲ ﻧﻘﺮﻱ ﻓﻴﻪ ﺃﻧﻲ ﻣﺶ ﺑﻨﺎﺩﻣﻴﻪ .. ﻭﻫﺎﺍﺍﻩ ﺻﻔﺮ ... ﻛﻮﻝ ﻉ ﺭﺍﺳﻚ . ﺑﻬﺎﻳﻢ ..
ﺭﻥ ﺗﻠﻴﻔﻮﻧﻬﺎ ﻭﻛﺎﻥ ﺭﻗﻢ ﻏﺮﻳﺐ ..
ﺭﻳﺤﺎﻧﻪ : ﻣﻨﻮ ﻫﺬﺍ ﺗﻮﺍ ... ﺭﺩﺕ ..
ﺭﻳﺤﺎﻧﻪ : ﺁﻟﻮ ...
ﻣﻨﺬﺭ : ﻭﺍﺣﻠﻰ ﺁﻟﻮ ..
ﺭﻳﺤﺎﻧﻪ : ﻣﻨﻮ ﺍﻧﺖ ..
ﻣﻨﺬﺭ : ﺍﻧﻲ ﻭﺍﺣﺪ ﻣﻜﺒﺪ ﻟﻴﻦ ﻃﺎﻳﺢ ﺳﻌﺪﻩ ..
ﺭﻳﺤﺎﻧﻪ : ﺇﻥ ﺷﺎﺀ ﺍﻟﻠﻪ ﺩﻳﻤﺎ ﻃﺎﻳﺢ .. ﻭﺻﻜﺮﺕ ﻋﻠﻴﻪ .. ﻧﺎﻗﺼﻨﻲ ﻋﺎﻫﺎﺕ ..
ﺷﻮﻳﻪ ﻭﻋﺎﻭﺩ ﻗﺮﻳﺐ 5 ﻣﺮﺍﺕ .. ﻭﻫﻲ ﻛﺎﻧﺖ ﺗﻐﻨﻲ ﻣﻊ ﺍﻟﻨﻐﻤﻪ ... ﻭﻻﻣﻌﺒﺮﻩ
ﻟﻴﻦ ﺑﻌﺘﻠﻬﺎ ﺭﺳﺎﻟﻪ .. ﻓﺘﺤﺘﻬﺎ ﻭﺍﻧﺼﺪﻣﺖ ﻟﻘﺖ ﻓﻴﻬﺎ ﻣﻌﻠﻮﻣﺎﺕ ﻋﻨﻬﺎ ﺍﺳﻤﻬﺎ ﻛﺎﻣﻞ ﻋﻤﺮﻫﺎ .. ﻃﻮﻟﻬﺎ ﻭﺯﻧﻬﺎ ﺍﻟﻤﺪﺍﺭﺱ ﺍﻟﻠﻲ ﻗﺮﺕ ﻓﻴﻬﻢ ﺍﻣﺘﻰ ﺧﺸﺖ ﺍﻟﻤﻌﻬﺪ ﻭﺍﻣﺘﻰ ﺗﺨﺮﺟﺖ ﻭﺍﻣﺘﻰ ﺧﺪﻣﺖ ..
ﻓﺎﺗﺤﺔ ﻋﻴﻮﻧﻬﺎ ﻭﻓﻤﻬﺎ ﻉ ﻭﺳﻌﻬﻢ ﻣﻦ ﺍﻟﺪﻫﺸﻪ ...
ﺷﻮﻳﻪ ﻭﺟﺘﻬﺎ ﺭﺳﺎﻟﻪ ﺗﺎﻧﻴﻪ ﻭﻛﺎﻧﺖ ﻓﻴﻬﺎ ﺻﻮﺭﺗﻪ ﻭﻫﻮ ﻣﺒﺘﺴﻢ ﺑﺈﺳﺘﻔﺰﺍﺯ .. ﻭﻣﺪﺍﻳﺮ ..🖐
ﺭﻳﺤﺎﻧﻪ " ﺍﻟﺤﻴﻮﺍﻥ ﻫﺬﺍﻛﺎ ...."
***
ﻓﻲ ﺍﻟﻠﻴﻞ ﻋﻠﻴﺎ ﻛﺎﻧﺖ ﺗﻮﺗﻲ ﻓﻲ ﺣﻮﺍﻳﺠﻬﺎ ﻟﻠﺠﺎﻣﻌﻪ ... ﻓﻜﺮﺕ ﺷﻦ ﻫﻲ ﺍﻟﺸﻨﻄﻪ ﺍﻟﻠﻲ ﺑﺘﻨﺴﻘﻬﺎ ﻣﻌﺎﻫﻢ .. ﻓﻜﺮﺕ ﻓﻲ ﺍﻟﺸﻨﻄﻪ ﺍﻟﻠﻲ ﻟﺒﺴﺘﻬﺎ ﺍﻟﻴﻮﻡ ﻟﻤﺎ ﻣﺸﺖ ﻟﺤﻮﺵ ﺍﻫﻠﻬﺎ .. ﺧﺪﺗﻬﺎ ﻭﻓﺘﺤﺘﻬﺎ ﺑﺶ ﺑﺘﺤﻂ ﺑﻄﺎﻗﺘﻬﺎ ﻓﻲ ﺍﻟﺠﻴﺐ ﺍﻟﺪﺧﻼﻧﻲ ﻟﻤﺎ ﺟﺖ ﺑﺘﺤﻂ ﺍﻟﺒﻄﺎﻗﻪ ﺣﺴﺖ ﺑﺸﻲ ﻗﺎﻣﺘﻪ ﺑﺈﻳﺪﻫﺎ ﺍﻧﺼﺪﻣﺖ .. ﺷﻴﺸﻪ ﻋﻄﺮ ﻣﻨﺼﻒ .. ﺭﻋﺸﺖ ﻣﻊ ﺑﻌﻀﻬﺎ " ﻣﻦ ﺍﻟﻠﻲ ﺣﻄﻬﺎ ..." ﻟﻘﺖ ﺍﻟﺒﻄﺎﻗﻪ ﺑﺎﻳﻨﻪ ﻣﻦ ﺍﻟﺠﻴﺐ ... ﻃﻠﻌﺖ ﻭﻗﺮﺗﻬﺎ
( ﺣﺒﻴﺒﺘﻲ ﻫﺬﺍ ﻋﻄﺮﻱ ﻳﺼﺒﺮﻙ ﻫﺎﻟﻔﺘﺮﺓ ﻟﻴﻦ ﺗﺨﻠﺼﻲ ﻣﻨﻪ ) ..
ﻋﻠﻴﺎ : ﻳﺎﻭﺳﺦ ﻳﺎﺣﻘﻴﺮ ... ﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺢ ﻣﻌﺎﺵ ﻋﺮﻓﺖ ﺷﻦ ﺍﺩﻳﺮ .. ﺑﺴﺮﻋﻪ ﺣﻄﺘﻬﻢ ﻓﻲ ﻗﺠﺮ ﺍﻟﻜﺎﻣﻴﺪﻳﻨﻮ ﻭﺳﻜﺮﺍﺗﻪ ﻭﻫﻮ ﺧﺶ .. ﻻﺣﻆ ﻋﻠﻴﻬﺎ ﺍﻹﺭﺗﺒﺎﻙ ...
ﺍﻟﺤﺴﻦ : ﻧﻮﺿﻲ ﺩﻳﺮﻱ ﻗﻬﻮﺓ ﺟﺎﻳﻨﻲ ﺭﺍﺟﻞ .. ﻏﻴﺮ ﻣﺎﻟﻘﻴﺖ ﺣﺪ ﻟﻮﻃﺎ ..
ﻋﻠﻴﺎ ﻭﻫﻲ ﺗﺮﻋﺶ : ﺣﺎﺍ .. ﺿﺮ .... ﻭﻃﻠﻌﺖ ﻣﻦ ﺍﻟﺪﺍﺭ ... ﻫﻮ ﻗﻌﺪ ﻳﺸﺒﺢ ﻟﻠﻘﺠﺮ .. ﻋﻘﻠﻪ ﻣﺎﻫﻨﺎﺷﻲ .. ﺑﻌﺪ ﺩﺍﻡ ﺍﻟﻨﻈﺮ .. ﻣﺸﻲ ﻃﻮﻝ ﻭﻗﻌﻤﺰ ﻉ ﺍﻟﺴﺮﻳﺮ ﻭﻓﺘﺤﻪ ﻃﻮﻝ ﻗﺎﺑﻠﻮﻩ ﺍﻟﻌﻄﺮ ﻭﺍﻟﻜﺮﺕ .. ﻭﻫﻮ ﻳﺮﺟﻒ .. ﺧﺪﻱ ﺍﻟﻜﺮﺕ ﻭﻗﺮﺍﻩ .. ﺍﻟﺮﺻﺎﺻﻪ ﺍﻟﻠﻲ ﺍﺧﺘﺮﻗﺖ ﺻﺪﺭﻩ ﻛﺎﻧﺖ ﺍﺭﺣﻢ ﻣﻠﻴﻮﻥ ﻣﺮﺓ ﻣﻦ ﺍﻟﻠﻲ ﺷﺎﻓﻪ ﻗﺘﻼﺗﻪ ﺍﻛﺜﺮ ﻣﻨﻬﺎ ...
ﻋﻠﻴﺎ ﺟﺖ : ﺷﻦ ﻧﺪﻱ ......
ﻗﺎﻡ ﻋﻴﻮﻧﻪ ﻓﻴﻬﺎ ﺷﺒﺤﻠﻬﺎ ﻫﻠﺒﻪ ﺑﻌﺪﻳﻦ ﻧﺎﺽ ﺣﻂ ﺍﻟﻜﺮﺕ ﻉ ﺍﻟﻜﺎﻣﺪﻳﻨﻮ .. ﻭﺟﻲ ﺑﻴﻤﺸﻲ ..
ﻋﻠﻴﺎ ﺑﻠﻌﺖ ﺭﻳﻘﻬﺎ : ﺍﺳﻤﻌﻨﻲ ... ﻫﻮ ﻓﺎﺕ ﻣﻦ ﺟﻨﺒﻬﺎ ﺷﺪﺕ ﺫﺭﺍﻋﻪ
ﺍﻟﺤﺴﻦ ﺑﻬﺪﻭﺀ ﻭﻧﺒﺮﺓ ﺣﺎﺩﻩ : ﻣﺎﺗﻤﺴﻴﻨﻴﺶ ..
ﻋﻠﻴﺎ ﻗﺮﻳﺐ ﻣﺎﺗﺖ ﺣﺴﺖ ﻗﻠﺒﻬﺎ ﺑﻴﻮﻗﻒ .. ﺣﻮﻟﺖ ﻳﺪﻫﺎ ﻭﻫﻮ ﻣﺸﻲ ﺑﺴﺮﻋﻪ ﻭﻃﻠﻊ ...
ﻋﻠﻴﺎ ﺣﻄﺖ ﺍﻳﺪﻳﻬﺎ ﺍﻟﺰﻭﺯ ﻉ ﺻﺪﺭﻫﺎ ﺣﺴﺖ ﺭﻭﺣﻬﺎ ﺑﺘﻤﻮﺕ ﺗﻮﺟﻬﺖ ﻟﻠﻘﺠﺮ ﻃﻠﻌﺖ ﻣﻨﻪ ﺍﻟﻌﻄﺮ ﻭﺍﻟﻜﺮﺕ ﻭﻃﻮﻝ ﻟﻠﻤﻄﺒﺦ ﻭﻟﻮﺣﺘﻬﻢ ﻓﻲ ﺍﻟﻜﻨﺎﺳﻪ ﻭﺩﻣﻮﻋﻬﺎ ﻳﻨﺰﻟﻮﺍ ..
ﻣﺸﺖ ﺑﺼﻌﻮﺑﻪ ﻗﻌﻤﺰﺕ ﻉ ﺍﻟﺼﺎﻟﻮﻥ ﻭﻫﻲ ﻣﻨﻬﺎﺭﻩ ﺑﻌﺪﻳﻦ ﺣﻄﺖ ﺍﻳﺪﻳﻬﺎ ﻉ ﻭﺟﻬﻬﺎ ﻭﻗﻌﺪﺕ ﺗﺒﻜﻲ ﺑﻌﺒﺮﺗﻬﺎ ...
ﺍﻣﺎ ﻫﻮ ﻣﻦ ﻟﻤﺎ ﻃﻠﻊ ﻭﻫﻮ ﻳﻘﻮﻝ ﻟﻨﻔﺴﻪ " ﻣﻦ ﺍﻷﻭﻝ ﻛﺎﻥ ﻣﻔﺮﻭﺽ ﺗﻔﻬﻢ ﻫﻲ ﻣﺎﺗﺒﻴﻜﺶ ﺍﻧﺖ ﺍﻟﻠﻲ ﺩﻳﻤﺎ ﺗﺒﺎﺩﺭ ﻭﻫﻲ ﺗﻠﻘﻰ ﺭﻭﺣﻬﺎ ﻣﺠﺒﺮﺓ ﺍﻧﻬﺎ ﺗﺴﺎﻳﺮﻙ .. ﻫﻲ ﺗﺒﻴﻚ ﺗﺨﻠﺼﻬﺎ ﻣﻦ ﺧﻮﻫﺎ ﺑﺲ ﻗﺎﻟﺘﻬﺎﻟﻚ ﺣﺘﻌﻴﺶ ﻣﻊ ﻭﺣﺪﻩ ﻗﻠﺒﻬﺎ ﻣﻊ ﻏﻴﺮﻙ ﻟﻜﻦ ﺍﻧﺖ ﺍﻟﻠﻲ ﻛﻨﺖ ﺍﻋﻤﻰ ﻭﺍﺳﺘﺴﻠﻤﺖ ﻟﻘﻠﺒﻚ .. ﻗﻠﺒﻲ ﻫﺬﺍ ﻟﻮ ﻧﻘﺪﺭ ﻧﺠﺒﺪﻩ ﻣﻦ ﺻﺪﺭﻱ ﻭﻧﻌﻔﺲ ﻋﻠﻴﻪ .." ﻭﻣﺸﻲ ﻟﻠﻔﻬﺪ ﻭﻗﺎﻟﻪ ﻳﻤﺸﻮﺍ ﻟﻠﻤﺮﻛﺰ ﻹﻧﻪ ﻣﺎﻟﻘﻲ ﺣﺪ ﻓﺎﻳﻖ ...
ﺗﺎﻧﻲ ﻳﻮﻡ ...
ﻧﺎﺿﺖ ﺍﻟﺼﺒﺢ ﺣﺴﺖ ﺑﺄﻟﻢ ﻓﻲ ﺭﻗﺒﺘﻬﺎ ﻷﻧﻬﺎ ﺭﻗﺪﺕ ﻉ ﺍﻟﻜﻨﺒﻪ ... ﻧﺎﺿﺖ ﺣﺴﺖ ﺑﺮﺍﺳﻬﺎ ﻳﻮﺟﻊ ﻓﻴﻬﺎ ... ﻣﺸﺖ ﻃﻮﻝ .. ﺩﻭﺷﺖ ﻭﻃﻠﻌﺖ ﺻﻠﺖ ﻭﻟﺒﺴﺖ ﺣﻮﺍﻳﺠﻬﺎ ﻭﻧﺰﻟﺖ ﺗﺤﺖ ﻛﺎﻧﺖ ﺗﺤﺎﻭﻝ ﺗﺘﺼﻨﻊ ﺍﻧﻬﺎ ﻛﻮﻳﺴﻪ ﺑﺮﻏﻢ ﺍﻥ ﻋﻴﻮﻧﻬﺎ ﺍﻟﻤﻨﻔﻮﺧﺎﺕ ﻣﻦ ﺍﻟﺒﻜﻲ ﻗﺎﻟﻮﺍ ﻏﻴﺮ ﻫﻜﻲ .. ﺟﻲ ﺍﻟﺴﻮﺍﻕ ﻃﻠﻌﺖ ﻫﻲ ﻭﻫﺎﻟﻪ ﻭﺑﻄﺮﻳﻘﻬﻢ ﻟﻠﺠﺎﻣﻌﻪ ...
***
ﺧﺸﺖ ﻟﻠﻤﻜﺘﺐ ﻟﻘﺖ ﻣﻮﻇﻔﻪ ﺗﺎﻧﻴﻪ ﻣﻊ ﺯﺍﻫﻴﻪ ﻓﻲ ﺍﻟﻤﻜﺘﺐ ..
ﺧﻮﻟﻪ : ﺻﺒﺎﺡ ﺍﻟﺨﻴﺮ ..
ﺍﻟﺰﻭﺯ : ﺻﺒﺎﺡ ﺍﻟﻨﻮﺭ ...
ﻗﻌﻤﺰﺕ ﻓﻲ ﻣﻜﺘﺒﻬﺎ ..
ﺯﺍﻫﻴﻪ : ﻫﺎﺩﻱ ﺯﻣﻴﻠﺘﻨﺎ ﺍﻟﺠﺪﻳﺪ ﻣﻮﺩﻩ ..
ﺧﻮﻟﻪ : ﺍﻫﻼ ﻭﺳﻬﻼ ..
ﻣﻮﺩﻩ : ﺍﻫﻼ ﺑﻴﻚ ..
ﺯﺍﻫﻴﻪ : ﺭﻳﺎﺽ ﺳﻴﺐ ﺍﻟﺸﺮﻛﻪ ...
ﺧﻮﻟﻪ ﺍﻧﺼﺪﻣﺖ : ﺳﻴﺐ ..
ﺯﺍﻫﻴﻪ : ﺍﻳﻪ ...
ﺧﻮﻟﻪ ﺍﺗﻔﺎﺟﺌﺖ " ﻋﻼﺵ ﺳﻴﺐ ﻣﻌﻘﻮﻟﻪ ﻉ ﺧﺎﻃﺮ ﺍﻟﻠﻲ ﺻﺎﺭ ﺍﻣﺲ .. ﻣﺴﺘﺤﻴﻞ .." ﺣﺴﺖ ﺑﺘﺄﻧﻴﺐ ﺿﻤﻴﺮ ﻭﻻﻣﺖ ﻧﻔﺴﻬﺎ ﻉ ﺃﺳﻠﻮﺑﻬﺎ ﻣﻌﺎﻩ ﺍﻣﺲ ﻭﺗﻤﻨﺖ ﻟﻮ ﺗﺸﻮﻓﻪ ﻣﻦ ﺟﺪﻳﺪ ﺑﺶ ﺗﻌﺘﺬﺭ ..
***
ﻣﻨﻬﻤﻜﻪ ﺑﻤﺮﺍﺟﻌﻪ ﺍﻟﺤﺴﺎﺑﺎﺕ ﺍﻟﻠﻲ ﺭﺍﺳﻬﺎ ﺻﺪﻉ ﻣﻨﻬﻢ ﻗﻄﻊ ﻋﻠﻴﻬﺎ ﺍﻟﻠﻲ ﻫﻲ ﻓﻴﻪ ﺍﺣﺪﻫﻢ ﻗﺎﺋﻼ ..
ﻫﻼﻝ : ﻣﺮﺣﺒﺎ ..
ﻗﺎﻣﺖ ﺭﺍﺳﻬﺎ ﺑﺎﻟﺸﻮﻳﻪ ﻭﻗﻌﺪﺕ ﺗﺸﺒﺤﻠﻪ ﻭﺣﻮﺍﺟﺒﻬﺎ ﻣﺮﻓﻮﻋﺎﺕ ..
ﻫﻼﻝ : ﻧﺒﻲ ﻧﺎﺧﺪ ﻣﻦ ﻭﻗﺘﻚ ﻃﺸﺔ ﺩﻗﺎﻳﻖ .. ﻣﻤﻜﻦ ..
ﺍﻧﻌﺎﻡ ﻭﺯﻋﺖ ﻧﻈﺮﻫﺎ ﻉ ﺍﻟﻤﻜﺎﻥ ﻭﺷﺒﺤﺘﻠﻪ : ﺗﻔﻀﻞ ..
ﻫﻼﻝ : ﻣﺎﻳﻨﻔﻌﺶ ﻫﻨﺎ ..
ﺍﻧﻌﺎﻡ ﺑﺮﻓﻌﺔ ﺣﺎﺟﺐ : ﻣﺎﻻﻳﻨﻔﻊ ﻭﻳﻦ ..
ﻫﻼﻝ : ﻓﻲ ﺍﻟﻘﻬﻮﺓ ﺍﻟﻠﻲ ﺟﻨﺒﻜﻢ ..
ﺍﻧﻌﺎﻡ ﺷﺒﺤﺖ ﻟﻠﻤﻠﻒ ﺷﻮﻳﻪ ﺑﻌﺪﻳﻦ ﻧﺎﺿﺖ : ﻋﺸﺮﺓ ﺩﻗﺎﻳﻖ ﻓﻘﻂ ﻻﻏﻴﺮ ..
ﻫﻼﻝ ﺑﻀﺤﻜﻪ : ﺍﻟﻠﻲ ﺗﺒﻴﻬﺎ ...
ﺍﻧﻌﺎﻡ ﻃﻠﻌﺖ ﻣﻦ ﻣﻜﺘﺒﻬﺎ ﻭﻣﺸﺖ ﻣﻌﺎﻩ ﻭﻣﺎﺑﺘﺶ ﺗﺒﺘﺴﻢ ﺣﺘﻰ ﻧﺺ ﺍﺑﺘﺴﺎﻣﻪ ﺍﻣﺎ ﻓﻜﺎﻥ ﻳﻀﺤﻚ ﻭﺟﻮﻩ ﻣﻠﻴﺢ ..
***
ﻣﻘﻌﻤﺰﺓ ﻓﻲ ﺍﻟﻜﻠﻴﻪ ﺣﺎﻃﻪ ﺍﻳﺪﻫﺎ ﻉ ﺧﺪﻫﺎ .. ﻛﻞ ﻣﺎﺗﺬﻛﺮ ﺍﻟﻠﻲ ﺻﺎﺭ ﺩﻣﻮﻋﻬﺎ ﻳﻨﺰﻟﻮﺍ .. ﺗﺮﻥ ﻓﻲ ﻭﺫﻧﻬﺎ ﻛﻠﻤﺔ " ﻣﺎﺗﻤﺴﻨﻴﺶ " ﺣﺴﺎﺗﻪ ﻋﺎﻓﻬﺎ ﻭﻣﻌﺎﺵ ﻃﺎﻳﻘﻬﺎ .. ﺣﺴﺖ ﺭﻭﺣﻬﺎ ﺑﺘﻤﻮﺕ ... ﻓﺠﺄﺓ ﻗﻌﺪﺕ ﺗﺒﻜﻲ ﺑﻌﺒﺮﺗﻬﺎ ..
ﺍﺑﺘﺴﺎﻡ ﺟﺎﻳﻪ ﻣﻦ ﺑﻌﻴﺪ ﺷﺎﻓﺘﻬﺎ ﺟﺘﻬﺎ ﺗﺠﺮﻱ ..
ﺍﺑﺘﺴﺎﻡ : ﻋﻠﻴﺎ ﺧﻴﺮﻙ ..
ﻋﻠﻴﺎ ﺑﺒﻜﻲ : ﺑﻨﻤﻮﺕ ﻳﺎﺇﺑﺘﺴﺎﻡ ..
ﺍﺑﺘﺴﺎﻡ ﺧﺎﻓﺖ ﻭﻗﻌﻤﺰﺕ ﺟﻨﺒﻬﺎ : ﺑﻌﻴﺪ ﺍﻟﺴﻮ ﺧﻴﺮﻙ ﺷﻦ ﺻﺎﺭ ...
ﻋﻠﻴﺎ ﺷﺒﺤﺘﻠﻬﺎ ﻭﺣﻜﺘﻠﻬﺎ ﺍﻟﻠﻲ ﺻﺎﺭ ﻛﻠﻪ ..
ﺍﺑﺘﺴﺎﻡ : ﺍﻩ ﺑﺲ ﻟﻮ ﻳﻄﻴﺢ ﻓﻲ ﺍﻳﺪﻱ ﻫﺎﻟﺤﻘﻴﺮ ...
ﻋﻠﻴﺎ ﺑﺒﻜﻲ : ﺍﻟﺤﺴﻦ ﻳﺎﺍﺑﺘﺴﺎﻡ ﺣﺴﺎﺗﻪ ﻛﺮﻫﻨﻲ ﻭﻋﺎﻳﻔﻨﻲ ﻭﻛﺈﻧﻲ ﻭﺣﺪﻩ ﺧﺎﻳﻨﻪ ﻭﻣﺶ ﻛﻮﻳﺴﻪ ﻭﺍﻟﻠﻪ ﻧﻈﺮﺗﻪ ﻟﺤﻈﺘﻬﺎ ﻛﺮﻫﺘﻨﻲ ﻓﻲ ﻧﻔﺴﻲ ..
ﺍﺑﺘﺴﺎﻡ : ﻋﻠﻴﺎ ﺍﻧﺘﻲ ﺗﺤﺒﻴﻪ ..
ﻋﻠﻴﺎ ﺑﺒﻜﻲ : ﻧﺤﺒﻪ؟؟ ! ... ﻫﺎﺩﻱ ﻛﻠﻤﻪ ﻣﺎﺗﻌﺒﺮ ﻉ ﺷﻲ .. ﺍﺑﺘﺴﺎﻡ ﺍﻧﻲ ﻧﻤﻮﺕ ﻓﻴﻪ ﺍﻟﺘﺮﺍﺏ ﺍﻟﻠﻲ ﻳﻤﺸﻲ ﻋﻠﻴﻪ ﺍﻧﻲ ﺑﺪﻳﺖ ﻋﺎﻳﺸﻪ ﻉ ﺣﺴﻪ ﻫﻮ ﻳﺎﺇﺑﺘﺴﺎﻡ ..
ﺍﺑﺘﺴﺎﻡ ﺣﻄﺖ ﺍﻳﺪﻫﺎ ﻉ ﺍﻳﺪ ﺻﺎﺣﺒﺘﻬﺎ ﻭﻗﻌﺪﺕ ﺳﺎﻛﺘﻪ ...
ﻣﺶ ﻗﺎﺩﺭﺓ ﺗﻮﺍﺳﻴﻬﺎ ﻫﻲ ﺃﺻﻼ ﺗﺒﻲ ﻣﻦ ﻳﻮﺍﺳﻴﻬﺎ ...
***
ﻭﺍﺛﻖ ﻓﻴﻪ ..
ﺍﻟﺤﺴﻦ : ﺯﻱ ﺛﻘﺘﻲ ﺑﻨﻔﺴﻲ .. ﻭﻫﻮ ﺍﻟﻠﻲ ﺣﻴﻄﻠﻌﻬﻢ ﻭﺍﺣﺪ ﻭﺍﺣﺪ ..
ﺟﺎﺩ ﺍﻟﻠﻪ : ﻣﻔﺮﻭﺽ ﺧﺪﻣﻨﺎ ﻣﻦ ﺩﺍﺧﻞ ﻗﺒﻞ ... ﺗﺤﻤﺴﻨﺎ ﻫﻠﺒﻪ ﻭﺧﺪﺗﻨﺎ ﺍﻟﻔﺮﺣﻪ ﻟﻤﺎ ﺭﺟﻌﺖ ﻟﻠﺸﺮﻃﻪ ﻫﻴﺒﺘﻬﺎ ...
ﺍﻟﺤﺴﻦ : ﻣﻌﻠﻴﺸﻲ .. ﺍﻟﻠﻲ ﺻﺎﺭ ﺧﻼﻧﺎ ﻧﻌﻴﺪﻭﺍ ﺣﺴﺎﺑﺎﺗﻨﺎ ﻭﻧﻠﺤﻘﻮﺍ ﻧﺼﻠﺤﻮﺍ ﻛﻞ ﺷﻲ .. ﻭﻧﺪﺍﺭﻛﻮﺍ ﺍﺧﻄﺎﺋﻨﺎ ...
ﺟﺎﺩ ﺍﻟﻠﻪ ﻫﺰ ﺭﺍﺳﻪ ﺑﺈﻳﺠﺎﺏ : ﻣﺶ ﻋﺎﺭﻑ ﺷﻦ ﻛﺎﻥ ﺻﺎﺭ ﻓﻴﻨﺎ ﻟﻮ ﻓﻘﺪﻧﺎﻙ ...
ﺍﻟﺤﺴﻦ : ﻛﻠﻜﻢ ﺧﻴﺮ ﻭﺑﺮﻛﻪ .. ﻭﺍﻟﻠﻲ ﺻﺎﺭ ﺍﻧﻲ ﻧﺘﺤﻤﻞ ﺟﺰﺀ ﻣﻦ ﺍﻟﺨﻄﺄ ﻓﻴﻪ .. ﻳﻌﻨﻲ ﺯﻳﻲ ﺯﻳﻜﻢ ...
ﺟﺎﺩ ﺍﻟﻠﻪ ﺍﺑﺘﺴﻢ ﺑﺄﻟﻢ ....
***
ﺍﻧﻌﺎﻡ ﺗﺸﺮﺏ ﻓﻲ ﺍﻟﻘﻬﻮﺓ ﻭﺗﺴﻤﻊ ﻓﻲ ﻫﻼﺍﻝ ...
ﻫﻼﻝ : ﻫﻤﺎ ﺣﻴﻮﺍﻓﻘﻮﺍ ﻓﻲ ﺍﻟﻨﻬﺎﻳﻪ .. ﺑﺲ ﺍﻧﺎ ﻧﺒﻴﻚ ﺗﻮﺍﻓﻘﻲ ﻣﻦ ﻧﺎﺣﻴﻪ ﺍﻟﻤﺒﺪﺃ .. ﻭﺍﻧﺎ ﺣﻨﺪﻳﺮ ﺍﻟﻤﺴﺘﺤﻴﻞ ﻋﺸﺎﻥ ﻳﻘﺒﻠﻮﺍ ..
ﺍﻧﻌﺎﻡ ﻧﺰﻟﺖ ﻓﻨﺠﺎﻥ ﺍﻟﻘﻬﻮﺓ ﻭﺑﺘﻬﻜﻢ : ﺍﻣﻤﻢ .. ﻋﺸﺎﻥ ﻳﻘﺒﻠﻮﺍ ..!!! ﺷﺒﺤﺘﻠﻪ ... ﻭﻟﻮ ﻣﺎﻗﺒﻠﻮﺵ ..
ﻫﻼﻝ ﺑﺈﺑﺘﺴﺎﻣﻪ : ﺣﻴﻘﺒﻠﻮﺍ ﺻﺪﻗﻴﻨﻲ ..
ﺍﻧﻌﺎﻡ ﺷﺒﺤﺘﻠﻪ ﻭﺍﺑﺘﺴﻤﺖ ﺑﺘﻬﻜﻢ ﻭﻧﺎﺿﺖ : ﻣﺎﺗﻌﺒﺶ ﺭﻭﺣﻚ ﻭﻻﺗﻌﺒﻬﻢ .. ﻣﺎﻓﻴﺶ ﻧﺼﻴﺐ ﻳﺎﺧﻮﻱ ... ﻭﻣﺸﺖ .. ﻫﻮ ﺍﻧﺼﺪﻡ ﻭﻧﺎﺽ ﻭﺭﺍﻫﺎ ﻃﻮﻝ ...
ﻫﻼﻝ ﻭﻫﻮﻣﺎﺷﻲ ﻭﺭﺍﻫﺎ : ﻏﻴﺮ ﺍﺳﺘﻨﻲ .. ﺍﻧﺴﻪ ﺍﻧﻌﺎﻡ ..
ﺍﻧﻌﺎﻡ ﻣﺎﺷﻴﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ ..
ﻫﻼﻝ : ﺍﺭﺟﻮﻙ ﺍﺳﻤﻌﻴﻨﻲ ﻭﺍﻟﻠﻪ ﻧﺒﻴﻚ ﻣﺴﺘﻌﺪ ﻧﺪﻳﺮ ﺍﻟﻤﺴﺘﺤﻴﻞ ﺑﺶ ﺗﻮﻟﻲ ﺣﻼﻟﻲ ..
ﺍﻧﻌﺎﻡ ﻃﻠﻌﺖ ﻣﻦ ﺍﻟﻤﻘﻬﻰ ﻭﺩﻣﻮﻋﻬﺎ ﻧﺰﻟﻮﺍ ...
ﻫﻮ ﺟﺮﻱ ﻭﻟﺤﻖ ﻋﻠﻴﻬﺎ ﻭﻭﻗﻒ ﻗﺪﺍﻣﻬﺎ : ﺍﺭﺟﻮ ....
ﺳﻜﺖ ﻟﻤﺎ ﺷﺎﻓﻬﺎ ﺗﺒﻜﻲ ﻣﺎﺗﺤﻤﻠﺶ ﺩﻣﻮﻋﻬﺎ ..
ﺍﻧﻌﺎﻡ ﺑﺒﻜﻲ : ﺍﺳﻤﻊ ﻛﻼﻡ ﺍﻣﻚ ﻭﺑﺮﺍ ﺗﺰﻭﺝ ﻭﺣﺪﻩ ﺗﻨﺎﺳﺒﻚ ﻭﺧﻠﻴﻨﻲ ﻓﻲ ﺣﺎﻟﻲ ﺍﻟﻠﻲ ﻓﻴﺎ ﻛﺎﻓﻴﻨﻲ ..
ﻫﻼﻝ : ﻣﺎﻻ ﻭﺣﻖ ﻣﻦ ﺧﻠﻘﻨﻲ ﻭﺳﻮﺍﻧﻲ ﻭﻋﺪﻟﻨﻲ .. ﻏﻴﺮﻙ ﻣﺎﻧﻲ ﻣﺰﻭﺯ ﺣﻄﻴﻬﺎ ﻓﺮﺍﺳﻚ ﻫﺬﻱ ﺍﻧﺘﻲ ﻣﻘﺴﻮﻣﻪ
ﻟﻬﻼﻝ ﻣﺮﺍﺟﻊ .. ﻭﺍﻷﻳﺎﻡ ﺣﺘﻮﺭﻳﻚ .. ﻭﻟﺒﺲ ﻧﻈﺮﺍﺗﻪ ﻭﻟﻒ ﻭﻣﺸﻲ ..
ﻭﻫﻲ ﻭﻗﻔﺖ ﻣﺼﺪﻭﻣﻪ ﻣﻦ ﺍﻟﻠﻲ ﺻﺎﺭ .. ﻭﺯﻋﺖ ﻧﻈﺮﻫﺎ ﻉ ﺍﻟﻨﺎﺱ ﻣﺴﺤﺖ ﺩﻣﻮﻋﻬﺎ ﻭﻭﻟﺖ ﻟﻠﻤﺼﺮﻑ ..
***
ﺭﻭﺣﺖ ﻋﻠﻴﺎ ﻣﻦ ﺍﻟﻜﻠﻴﻪ .. ﺩﺍﺭﺕ ﺩﻭﺭﺗﻬﺎ ﻉ ﺭﻭﺣﻬﺎ ﻭﺣﻮﺷﻬﺎ .. ﻭﻧﺰﻟﺖ ﻟﻠﻌﻴﻠﻪ .. ﻟﻘﺖ ﺑﺮﻧﻴﻪ ﺗﻨﻘﻲ ﻓﻲ ﺍﻟﺸﻌﻴﺮ .. ﺍﺑﺘﺴﻤﺖ ﻭﻗﻌﻤﺰﺕ ﺣﺪﺍﻫﺎ ..
ﻋﻠﻴﺎ : ﻛﻴﻒ ﺣﺎﻟﻚ ﺣﻨﺎﻱ ..
ﺑﺮﻧﻴﻪ : ﺍﻟﺤﻤﺪ ﻟﻠﻪ ﺑﻨﻴﺘﻲ ﺍﻣﺘﻰ ﺭﻭﺣﺘﻲ ..
ﻋﻠﻴﺎ : ﻟﻴﺎ ﺳﺎﻋﻪ .. ﺷﻦ ﺩﻳﺮﻱ ..
ﺑﺮﻧﻴﻪ : ﺑﻨﺪﻳﺮ ﺯﻣﻴﺘﻪ ...
ﻋﻠﻴﺎ : ﻗﺼﺪﻙ ﺍﻧﺘﻲ ﺩﻳﺮﻱ ﻓﻴﻬﺎ ﻣﺶ ﻭﺍﺗﻴﻪ ..
ﺑﺮﻧﻴﻪ : ﻣﺎﻻ ﺷﻨﻮ .. ﻻﺑﺪ ﺍﻧﻲ ﺍﻟﻠﻲ ﻧﺪﻳﺮﻫﺎ ﺟﺪﻙ ﻭﺭﺍﺟﻠﻚ ﻣﺎﻳﻜﻠﻮﻫﺎﺵ ﺇﻻ ﻣﻨﻲ ..
ﻋﻠﻴﺎ ﻟﻤﺎ ﺟﺖ ﺳﻴﺮﺗﻪ ﺣﺴﺖ ﺑﻐﺼﻪ ﻭﺳﻜﺘﺖ ..
ﺑﺮﻧﻴﻪ ﻧﺎﺿﺖ : ﺑﺎﻟﻠﻪ ﺑﻨﻴﺘﻲ ﻣﺪﻳﻠﻲ ﺍﻟﺼﻮﻧﻴﻪ ..
ﻋﻠﻴﺎ : ﺣﺎﺿﺮ .. ﻗﺎﻣﺖ ﺍﻟﺼﻮﻧﻴﻪ .. ﺗﻮ ﻧﻮﺻﻠﻬﺎﻟﻚ ﻭﻳﻦ ﻣﺎﺗﺒﻲ ..
ﺍﺑﺘﺴﻤﺖ ﺑﺮﻧﻴﻪ ﻭﻃﺒﻄﺒﺖ ﻉ ﻛﺘﻒ ﻋﻠﻴﺎ .. ﻭﻣﺸﻮﺍ ﻣﻊ ﺑﻌﺾ ﻃﻠﻌﻮﺍ ﺑﺮﺍ ..
ﺑﺮﻧﻴﻪ : ﺍﻟﺮﺑﻴﻊ ﺧﺶ
ﻋﻠﻴﺎ : ﺍﻫﺎ .. ﻣﻦ ﻳﻮﻣﻴﻦ
ﺑﺮﻧﻴﻪ ﻛﺎﻥ ﻗﺪﺍﻣﻬﺎ ﺍﻟﻤﺮﻛﺎﺏ ﻭﻟﻌﺎﺗﻪ .. ﻭﺧﺪﺕ ﻃﺎﺟﻴﻦ ﻛﺒﻴﺮ ﺣﻄﺖ ﻓﻴﻪ ﺍﻟﺸﻌﻴﺮ ﺍﻟﻤﻨﻘﻲ ﻭﺑﺪﺕ ﺗﺤﻤﺲ ...
ﻋﻠﻴﺎ ﺑﺤﺪﺍﻫﺎ ﻭﺗﺮﺍﻗﺐ ﻓﻴﻬﺎ ﺷﻦ ﺍﺩﻳﺮ .. ﺷﻮﻳﻪ ﻭﺣﻄﺖ ﺑﺮﻧﻴﻪ ﺍﻟﻠﻲ ﺣﻤﺴﺎﺗﻪ ﻓﻲ ﺻﻮﻧﻴﻪ ﻛﺒﻴﺮﻩ ﺣﺪﺍﻫﺎ ..
ﻋﻠﻴﺎ ﺑﺤﻤﺎﺱ : ﺧﻠﻴﻨﻲ ﺍﻧﻲ ﺍﻟﻤﺮﺓ ﻫﺎﺩﻱ ..
ﺑﺮﻧﻴﻪ ﺑﻀﺤﻜﻪ : ﺗﻘﺪﺭﻱ ..
ﻋﻠﻴﺎ ﺑﻀﺤﻜﻪ : ﺧﻞ ﻧﺠﺮﺏ ..
ﺑﺮﻧﻴﻪ : ﻫﻬﻬﻬﻬﻪ .. ﺑﺎﻩ ﻫﻲ ..
ﺑﺪﺕ ﺗﺤﻤﺲ ﻋﻠﻴﺎ ﻓﻲ ﺍﻟﺸﻌﻴﺮ ﻭﺟﺎﺑﺘﻬﺎ ﺻﺢ ﻣﻦ ﺃﻭﻝ ﻣﺮﺓ ..
ﺑﺮﻧﻴﻪ : ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ..
ﻋﻠﻴﺎ ﺍﺑﺘﺴﻤﺖ ... ﻛﻤﻠﺖ ﻫﻲ ﺗﺤﻤﻴﺲ ﺑﺎﻗﻲ ﺍﻟﺸﻌﻴﺮ ...
ﺍﻧﻌﺎﻡ ﺭﻭﺣﺖ .. ﻭﺟﺘﻬﻢ ﻃﻮﻝ ...
ﺍﻧﻌﺎﻡ : ﺗﺴﻮﻗﻲ ﺃﻣﻲ ..
ﺑﺮﻧﻴﻪ : ﻋﻠﻴﺎ ﻫﻲ ﺍﻟﻠﻲ ﺣﻤﺴﺖ ..
ﺍﻧﻌﺎﻡ ﺑﺪﻫﺸﻪ : ﺑﺠﺪﻳﺎﺍﺕ !!
ﺑﺮﻧﻴﻪ : ﻭﺍﻟﻠﻪ ﻟﻬﻲ
ﻋﻠﻴﺎ : ﻫﻬﻬﻬﻬﻬﻬﻬﻪ
ﺑﺮﻧﻴﻪ : ﻫﻴﺎ ﺷﺎﻣﻠﻲ ﻣﻌﺎﻫﺎ ﺍﻟﺼﻮﻧﻴﻪ ﺑﺎﺵ ﻧﺮﺣﻴﻪ ..
ﻋﻠﻴﺎ : ﻗﺼﺪﻙ ﺣﺘﻰ ﺍﻟﺮﺣﻲ ﺍﻧﺘﻲ !!
ﺑﺮﻧﻴﻪ ﺑﻀﺤﻜﻪ : ﺍﻳﻪ ﻳﺎﺣﻨﻪ ﺍﻳﻪ ..
ﺷﺎﻣﻠﺖ ﻋﻠﻴﺎ ﻫﻲ ﻭﺇﻧﻌﺎﻡ ﺍﻟﺼﻮﻧﻴﻪ ﻭﺭﻓﻌﻮﻫﺎ ﻟﻤﻜﺎﻥ ﻓﻲ ﺍﻟﺠﻨﺎﻥ .. ﻃﺎﺭﺣﻪ ﻓﻴﻪ ﺑﺮﻧﻴﻪ ﻓﺮﺷﻪ ﻛﺒﻴﺮﻩ ﻭﺩﺍﻳﺮﻩ ﺍﻟﺮﺣﺎﻳﻪ ...
ﻋﻠﻴﺎ ﻣﻨﺪﻫﺸﻪ ﻓﻲ ﺍﻟﻠﻲ ﺗﺸﻮﻑ ﻓﻴﻪ ﻭﻋﺎﺟﺒﻬﺎ ﺍﻟﺠﻮ ... ﻗﻌﻤﺰﺕ ﺑﺮﻧﻴﻪ ... ﻭﻗﻌﻤﺰﺕ ﺣﺪﺍﻫﺎ ﻋﻠﻴﺎ ...
ﺍﻧﻌﺎﻡ : ﺧﻞ ﻧﻤﺸﻲ ﻧﺸﻮﻑ ﺍﻟﻐﺪﻱ ... ﻭﻣﺸﺖ ..
ﻋﻠﻴﺎ ﺗﺘﻔﺮﺝ ﻉ ﺑﺮﻧﻴﻪ ﻛﻴﻒ ﺗﺮﺣﻲ ..
ﻋﻠﻴﺎﺑﺘﻮﺳﻞ : ﺑﺎﻟﻠﻪ ﻋﻠﻴﻚ ﺣﻨﺎﻱ ﺧﻠﻴﻨﻲ ﻧﺠﺮﺏ
ﺿﺤﻜﺖ ﺑﺮﻧﻴﻪ : ﻫﻲ ﺗﻌﺎﻟﻲ ..
ﻧﺎﺿﺖ ﺑﺮﻧﻴﻪ ﻭﻗﻌﻤﺰﺕ ﻋﻠﻴﺎ ﻓﻲ ﻣﻜﺎﻧﻬﺎ ﻭﺭﺑﻌﺖ ﺭﺟﻠﻴﻬﺎ ﻭﺑﺪﺕ ﺗﺮﺣﻲ ..
ﻓﻲ ﺍﻟﻜﻮﺟﻴﻨﻪ ..
ﺍﻧﻌﺎﻡ ﻃﻔﺖ ﻉ ﺍﻟﻐﺪﻱ ...
ﺧﺶ ﺍﻟﺤﺴﻦ : ﻃﺎﺏ ﺍﻟﻐﺪﻱ ..
ﺍﻧﻌﺎﻡ ﺍﻟﺘﻔﺘﺖ ﻭﺍﺑﺘﺴﻤﺖ : ﺍﻫﻼ .. ﺍﻳﻪ ﺗﻮﺍ ﻛﻴﻒ ﻃﺎﺏ ..
ﺍﻟﺤﺴﻦ : ﺑﺎﻫﻲ ﻉ ﺍﻟﺴﺮﻳﻊ ﺣﻄﻴﻠﻲ .. ﺑﻨﻄﻠﻊ ﺑﺮﺍ ﻃﺮﺍﺑﻠﺲ ..
ﺍﻧﻌﺎﻡ : ﺍﻟﺤﺴﻦ ﺍﺻﺎﺑﺘﻚ ﻗﺎﻋﺪﺓ ﺟﺪﻳﺪﻩ ..
ﺍﻟﺤﺴﻦ : ﻫﻴﺎ ﻫﻴﺎ ... ﺑﺴﺮﻋﻪ ..
ﺍﻧﻌﺎﻡ : ﻫﻬﻬﻬﻬﻬﻬﻬﻪ ..
ﺍﻟﺤﺴﻦ ﺷﺎﻑ ﺣﻔﺎﻇﻪ ﻓﻴﻬﺎ ﻏﺮﻳﺒﻪ ﻭﻗﻒ ﻋﻠﻴﻬﺎ ﻭﺧﺪﻱ ﻃﺮﻑ : ﺣﻨﺎﻱ ﻭﻳﻦ ..
ﺍﻧﻌﺎﻡ ﻭﻫﻲ ﺗﺴﻘﻲ : ﺑﺮﺍ ﺗﺮﺣﻲ ﻑ ﺷﻌﻴﺮ ﻟﻠﺰﻣﻴﺘﻪ ﻫﻲ ﻭﻋﻠﻴﺎ ..
ﺍﻟﺤﺴﻦ 💓💓💓💓💓💓
ﺍﻧﻌﺎﻡ : ﻋﻠﻴﺎ ﺣﻤﺴﺘﻬﺎ ﺗﺼﺪﻕ ..
ﺍﻟﺤﺴﻦ ﺩﺍﻳﺮ ﺭﻭﺣﻪ ﻻﻫﻲ ﺑﺎﻟﻐﺮﻳﺒﻪ ...
....
ﺑﺮﻧﻴﻪ : ﺗﺘﻌﻠﻤﻲ ﺑﺴﺮﻋﻪ ﻣﺎﺷﺎﺀ ﺍﻟﻠﻪ ..
ﻋﻠﻴﺎ : ﺍﻣﻲ ﺩﻳﻤﺎ ﺗﻘﻮﻝ ﻓﻴﻬﺎ ..
ﻣﻦ ﺑﻌﻴﺪ ﺷﻮﻱ ..
ﻏﺼﺐ ﻋﻨﻪ ﻃﻠﻊ ﻭﻣﺸﻲ ﺟﻴﻬﺘﻬﻢ ﻣﺶ ﺑﺈﻳﺪﻩ .. ﻗﻠﺒﻪ ﻫﻮ ﺍﻟﻤﺘﺴﻠﻂ ﻋﻠﻴﻪ ... ﻳﺘﺄﻣﻞ ﻓﻴﻬﺎ ﻭﻫﻲ ﺗﺮﺣﻲ ﻭﻣﻨﺴﺠﻤﻪ ... ﻻﺇﺭﺍﺩﻳﺎ ﺍﺑﺘﺴﻢ ...
ﺷﻮﻳﻪ ... ﻭﻟﻒ ﻭﻣﺸﻲ .. ﻭﻫﻮ ﻳﻤﺸﻲ ﻳﺘﻠﻔﺖ ﻭﻳﺸﻮﻓﻠﻬﺎ ﻟﻴﻦ ﺧﺶ ﺩﺍﺧﻞ ...
ﺑﺮﻧﻴﻪ : ﻫﻴﺎ ﺑﻨﺘﻲ ...
ﺑﺪﺕ ﻫﻲ ﻭﻋﻠﻴﺎ ﺗﻐﺮﺑﻞ ﻓﻴﻬﺎ ... ﻭﺑﻌﺪ ﻛﻤﻠﻮﺍ ﺣﻄﻮﻩ ﻓﻲ ﺷﻜﺎﺭﺓ ﺧﻴﺸﻪ ﻛﺒﻴﺮﻩ .. ﻋﻠﻴﺎ ﺟﺖ ﺑﺘﻘﻴﻤﻬﺎ ..
ﺑﺮﻧﻴﻪ : ﻻﺑﻨﺘﻲ ﻣﺎﺗﻘﻴﻤﻬﺎﺵ ﻣﻦ ﺑﻜﺮﻱ ﻭﺍﻧﺘﻲ ﺗﻘﻴﻤﻲ ﻓﻲ ﺍﻟﺜﻘﻴﻞ ﻣﺮﺍﺕ ﺗﻜﻮﻧﻲ ﺣﺎﻃﻪ ﻓﻲ ﺑﻄﻨﻚ ﻭﺍﻧﺘﻲ ﻣﺎﺗﻨﺪﺭﻳﺶ ..
ﻋﻠﻴﺎ ﻣﺎﻓﻬﻤﺘﺶ ﻗﺼﺪﻫﺎ ..
ﻗﺎﻣﺖ ﺑﺮﻧﻴﻪ ﺍﻟﺸﻜﺎﺭﺓ ﻭﺗﻮﺟﻬﻮﺍ ﻟﻠﻜﻮﺟﻴﻨﻪ ... ﻛﺎﻥ ﺍﻟﺤﺴﻦ ﻋﺎﻃﻲ ﺑﺎﻟﻈﻬﺮ ﻭﻳﺘﻐﺪﺍ ﻉ ﺍﻟﻮﺍﻗﻒ ... ﻋﻠﻴﺎ ﺍﻭﻝ ﻣﺎﺷﺎﻓﺘﻪ ﻛﺎﻟﻌﺎﺩﻩ ﺍﻟﻘﻠﺐ ﻳﺮﺟﻒ 💓
ﺑﺮﻧﻴﻪ : ﻭﻟﻴﺪﻱ ﺧﻴﺮﻙ ﺗﺘﻐﺪﺍ ﻭﺍﻧﺖ ﻭﺍﻗﻒ ...
ﺍﻟﺤﺴﻦ ﺍﻟﺘﻔﺘﻠﻬﺎ : ﻋﻨﺪﻱ ﺧﺪﻣﻪ ﻃﺎﻟﻊ ﺑﺮﺍ ﻃﺮﺍﺑﻠﺲ .. ﺗﺮﺍ ﺍﻧﻌﺎﻡ ﻃﺎﺳﻪ ﻣﻴﻪ ﻣﻦ ﺣﺪﺍﻙ ..
ﺍﻧﻌﺎﻡ : ﻋﻠﻴﺎ ﺑﺎﻟﻠﻪ ﺻﺒﻴﻠﻪ ﺍﻳﺪﻳﺎ ﻣﺶ ﻧﻈﺎﻑ ..
ﻣﺸﺖ ﻋﻠﻴﺎ ﻋﺒﺘﻠﻪ ﻣﻴﻪ ﻣﻦ ﺛﻼﺟﺔ ﺍﻟﻤﻴﻪ .. ﻭﻗﺪﻣﺖ ﻭﻗﺮﺑﺖ ﻣﻨﻪ ﻭﻣﺪﺗﻠﻪ ﺍﻟﻄﺎﺳﻪ ... ﺧﺪﺍﻫﺎ ﺩﻭﻥ ﻣﺎﻳﺸﺒﺤﻠﻬﺎ ﺣﻄﻬﺎ ﻉ ﺍﻟﺮﺧﺎﻣﻪ .. ﻭﻣﺎﺷﺮﺑﻬﺎﺵ .. ﻭﻣﺸﻲ ﻣﻦ ﺣﺪﺍﻫﺎ ..
ﺍﻟﺤﺴﻦ : ﻫﻲ ﺍﻧﻲ ﻣﺎﺷﻲ ..
ﺑﺮﻧﻴﻪ : ﺍﻣﺘﻰ ﺗﺮﻭﺡ ..
ﺍﻟﺤﺴﻦ : ﻣﻦ ﺗﻼﺗﻪ ﺍﻳﺎﻡ ﻷﺳﺒﻮﻉ ...
ﺑﺮﻧﻴﻪ ﺗﻨﻬﺪﺕ : ﺭﺑﻲ ﻳﻔﺘﺤﻬﺎ ﻋﻠﻴﻚ ﻭﻳﺒﻌﺪ ﻋﻠﻴﻚ ﻭﻻﺩﺍﻟﺤﺮﺍﻡ ..
ﺍﻟﺤﺴﻦ : ﺍﻟﺴﻼﻡ ﻋﻠﻴﻜﻢ .. ﻭﻃﻠﻊ ..
ﻫﻮ ﻃﻠﻊ ﻭﻣﺶ ﻣﻬﺘﻢ ﻟﻠﻘﻠﺐ ﺍﺍﻟﻠﻲ ﺧﻼﻩ ﻣﻜﺴﻮﺭ ﻭﺭﺍﻩ ﺣﺮﻛﺘﻪ ﺍﻷﺧﻴﺮﻩ ﻭﺟﻌﺘﻬﺎ ﻫﻠﻠﻠﺒﻪ .. ﻟﻬﺎﻟﺪﺭﺟﻪ ﺣﺘﻰ ﺍﻟﻤﻴﻪ ﻣﻦ ﺍﻳﺪﻫﺎ ﻣﺎﻳﺒﻴﺶ ﻳﺎﺧﺪﻫﺎ !!... ﻣﻮﻋﺮﻫﺎ 💔...
***
ﺍﻟﺴﺎﻛﺘﻪ : ﺷﻦ ﺻﺎﺭ ﻓﻲ ﻋﺮﺳﻚ ﺍﻧﺖ ﻭﺍﺑﺘﺴﺎﻡ ..
ﺑﻼﻝ ﻳﺘﻐﺪﺍ ﻭﻗﻔﺖ ﺍﻟﻠﻘﻤﻪ ﻓﻲ ﻓﻤﻪ : ﺍﺣﻤﻢ .. ﻣﺎﺯﺍﻝ ﺷﻮﻱ ..
ﺍﻟﺴﺎﻛﺘﻪ ﺣﻄﺖ ﺍﻟﻜﺎﺷﻴﻚ : ﺍﺟﻠﺘﻮﺍ !..
ﺑﻼﻝ ﻫﺰ ﺭﺍﺳﻪ ﺑﺈﻳﺠﺎﺏ ﻭﻫﻮ ﻳﻤﻀﻎ ﻓﻲ ﻟﻘﻤﺘﻪ ..
ﺍﻟﺴﺎﻛﺘﻪ : ﻭﻋﻼﺵ ..
ﺑﻼﻝ : ﺍﻣﻤﻢ .. ﺍﻣﻲ ﺧﻼﺹ ﺧﻠﻴﻨﻲ ﻧﺘﻐﺪﺍ ﻭﺑﻌﺪﻳﻦ ﻧﻬﺪﺭﺯﻭﺍ ..
ﺍﻟﺴﺎﻛﺘﻪ ﺷﺒﺤﺘﻠﻪ ﺑﺸﻚ ﻭﺳﻜﺘﺖ ...
***
ﻋﻠﻴﺎ ﻣﺎﻗﺪﺭﺗﺶ ﺗﺎﻛﻞ ﻣﻮﺟﻮﻋﻪ ﻟﻴﻦ ﺧﻼﺹ .. ﺭﺍﺟﺖ ﻟﻴﻦ ﻏﺴﻠﺖ ﺃﻣﺎﻋﻴﻦ ﺍﻟﻐﺪﻱ ﻭﺭﻛﺒﺖ ﻟﺸﻘﺘﻬﺎ ﻣﺸﺖ ﻟﻠﺪﺍﺭ ﻭﺧﺸﺖ ﻗﻌﻤﺰﺕ ﻉ ﺍﻟﺴﺮﻳﺮ .. ﺭﺟﻌﺖ ﺍﺫﻛﺮﺕ ﺗﻔﺎﺻﻴﻞ ﻫﺬﺍﻛﺎ ﺍﻟﻴﻮﻡ .. ﺣﺴﺖ ﺭﻭﺣﻬﺎ ﺍﻧﺨﻨﻘﺖ .. ﻃﻠﻌﺖ ﻣﻦ ﺍﻟﺪﺍﺭ ﻭﻣﺸﺖ ﻟﻠﺼﺎﻟﻪ ﻗﻌﻤﺰﺕ ﻭﻫﻲ ﺣﺎﻃﻪ ﺭﺍﺳﻬﺎ ﺑﻴﻦ ﺍﻳﺪﻳﻬﺎ ﻭﺗﻔﻜﺮ ﻳﻌﻨﻲ ﻣﻌﻘﻮﻟﻪ ﻫﻮ ﻣﺼﺪﻕ ﺍﻧﻬﺎ ﺗﺨﻮﻥ ﻓﻴﻪ ﻭﺍﻧﻬﺎ ﻗﺎﻋﺪﻩ ﺗﺘﻮﺍﺻﻞ ﻣﻊ ﻣﻨﺼﻒ ﻣﻦ ﻭﺭﺍﻩ .. ﻣﻌﻘﻮﻟﻪ ﻣﺶ ﺷﺎﻳﻒ ﺣﺒﻬﺎ ﻟﻴﻪ ... ﻣﻌﻘﻮﻟﻪ ﻣﺶ ﺣﺎﺱ ﺑﺄﻧﻬﺎ ﺗﺤﺒﻪ ﻣﻦ ﺗﺼﺮﻓﺎﺗﻬﺎ ﻣﻌﺎﻩ ﻣﻦ ﺧﻮﻓﻬﺎ ﻋﻠﻴﻪ .. ﻭﻫﻠﺒﻪ ﺣﺎﺟﺎﺕ ﺗﺜﺒﺖ ﺍﻥ ﻫﻲ ﺗﺤﺒﻪ ..
ﻣﻦ ﺣﺮﻗﺘﻬﺎ ﺭﻗﺪﺕ ﻉ ﺍﻟﻜﻨﺒﻪ ﺣﻀﻨﺖ ﻧﻔﺴﻬﺎ ﻭﻗﻌﺪﺕ ﺗﺒﻜﻲ ..
***
ﻟﻴﻠﻪ ...
ﻣﺮﺕ ﻉ ﺍﻧﻌﺎﻡ ﻭﻫﻲ ﺗﺒﻜﻲ .. ﻭﺗﻔﻜﺮ ﻓﻲ ﻫﻼﻝ .. ﺣﺴﺖ ﺍﻧﻬﺎ ﺍﻧﺠﺬﺑﺘﻠﻪ ﻭﺍﻧﻪ ﺍﻟﻮﺣﻴﺪ ﺍﻟﻠﻲ ﻓﻌﻼ ﺧﻼﻫﺎ ﺧﺎﻃﺮﻫﺎ ﺗﻌﻄﻲ ﻧﻔﺴﻬﺎ ﻓﺮﺻﺔ ﺟﺪﻳﺪﻩ ﻟﻠﺤﺐ ..
ﻭﻉ ﺧﻮﻟﻪ ﻭﻫﻲ ﺗﻔﻜﺮ ﻑ ﺭﻳﺎﺽ ﻣﺶ ﻟﺸﻲ .. ﺑﺲ ﻹﻧﻬﺎ ﻣﺎﺗﺤﺒﺶ ﺗﻜﺴﺮ ﺑﺨﺎﻃﺮ ﺣﺪ ﻭﻻﺗﺠﺮﺡ ﺣﺪ ﻣﺎﻏﻠﻄﺶ ﻓﻴﻬﺎ ﻭﺃﻛﺜﺮ ﺷﻲ ﺗﻔﻜﺮ ﻓﻴﻪ ﻟﻮ ﺍﻥ ﻓﻌﻼ ﺭﻳﺎﺽ ﺳﻴﺐ ﺍﻟﺨﺪﻣﻪ ﺑﺴﺒﺐ ﺍﻟﻤﺸﻜﻠﻪ ﺍﻟﻠﻲ ﺻﺎﺭﺕ ﺑﻴﻨﺎﺗﻬﻢ ﻣﻌﻨﺎﻫﺎ ... ﻳﻌﻨﻲ ﺭﻳﺎﺽ ﻛﺎﻥ ﻓﺒﺎﻟﻪ ﺷﻲ ﻧﺎﺣﻴﺘﻬﺎ !...
ﺍﻣﺎ ﺍﺑﺘﺴﺎﻡ ﻓﻜﺎﻧﺖ ﻃﻮﻝ ﺍﻟﻠﻴﻞ ﺗﻔﻜﺮ ﻛﻴﻒ ﺍﺩﻳﺮ .. ﺷﻦ ﻻﺯﻡ ﺍﺩﻳﺮ ... ﻓﻜﺮﺓ ﺗﺎﺧﺪﻫﺎ ﻭﻓﻜﺮﺓ ﺗﺠﻴﺒﻬﺎ .. ﻭﻣﺶ ﻋﺎﺭﻓﻪ ﺗﺎﺧﺪ ﻗﺮﺍﺭ ...
💖 ﺍﻟﻮﺣﻴﺪﻳﻦ ﺍﻟﻠﻲ ﻟﻴﻠﺘﻬﻢ ﻛﺎﻧﺖ ﺣﻠﻮﺓ ﻫﺎﻟﻪ ﻭﺣﺴﺎﻥ ...
ﻭﻫﻤﺎ ﻣﻘﻌﻤﺰﻳﻦ ﻳﺘﻔﺮﺟﻮﺍ ﻉ ﻓﻴﻠﻢ ﻉ ﺍﻟﻼﺏ ﺗﻮﺏ ﺑﻌﺪ ﺗﻌﺐ ﺣﺴﺎﻥ ﻭﻫﻮ ﻳﻘﻨﻊ ﻓﻴﻬﺎ ﺍﻧﻪ ﻓﻴﻠﻢ ﺣﻠﻮ ﻭﻣﺤﺘﺮﻡ .. ﻛﺎﻥ ﻣﻘﻌﻤﺰ ﻭﻫﻮ ﻣﺠﺒﺲ ﻭﺣﺎﻟﺘﻪ ﺟﻨﺒﻪ ﻭﻫﻲ ﺟﻨﺒﻪ ﻭﺍﻟﻼﺏ ﺗﻮﺏ ﻉ ﺭﺟﻠﻴﻬﻢ ﻭﺻﻮﻧﻴﻪ ﻣﻜﺴﺮﺍﺕ ﺑﻴﻨﺎﺗﻬﻢ ﻳﺎﻛﻠﻮﺍ ﻭﻳﺘﻔﺮﺟﻮﺍ ﻭﻣﺮﺓ ﻣﺮﺓ ﺗﺠﻲ ﻟﻘﻄﻪ ﺭﻭﻣﺎﻧﺴﻴﻪ ﻫﺎﻟﻪ ﺗﻘﻠﺐ ﻓﻲ ﻭﺟﻬﻬﺎ ﻭﺗﻬﺰﺏ ﻓﻲ ﺣﺴﺎﻥ ﻭﻫﻮ ﻳﻀﺤﻚ ﻋﻠﻴﻬﺎ ﻭﻳﻘﻮﻟﻠﻬﺎ " ﻋﺎﺩﻱ ﻫﺎﺩﻱ ﺣﺎﺟﺎﺕ ﺑﺴﻴﻄﻪ ﺯﻱ ﺍﻟﻠﻲ ﻧﺪﻳﺮﻭﺍ ﻓﻴﻬﺎ .." ﻋﻴﻄﺖ ﻋﻠﻴﻪ ﻭﻫﻲ ﺗﻀﺤﻚ .. ﻭﺑﻌﺪﻳﻦ ﺍﻧﺴﺠﻤﺖ ﻣﻊ ﻗﺼﺔ ﺍﻟﻔﻴﻠﻢ .. ﻭﻣﺎﺗﻢ ﺇﻻ ﻫﻲ ﻭﺍﺧﺪﻫﺎ ﺍﻟﻨﻮﻡ ﻭﺭﺍﺳﻬﺎ ﻉ ﻛﺘﻔﻪ .. ﻫﻮ ﺍﺗﻜﻰ ﻳﺸﻢ ﻓﻲ ﺭﻳﺤﺘﻪ ﻭﻫﻮ ﻣﺒﺘﺴﻢ ﻏﻤﺾ ﻋﻴﻮﻧﻪ ﻭﺧﺪﺍﻩ ﺍﻟﻨﻮﻡ ﻭﺭﻗﺪ 💖💖💖
***
ﺗﺎﻧﻲ ﻳﻮﻡ ...
ﻧﺎﺿﺖ ﻋﻠﻴﺎ ﺣﺴﺖ ﺭﻭﺣﻬﺎ ﺗﻌﺒﺎﻧﻪ ﻣﺶ ﻗﺎﺩﺭﺓ ﺗﺘﺤﺮﻙ .. ﻓﻲ ﻫﺪﻳﻜﺎ ﺍﻟﻠﺤﻈﻪ ﺭﻥ ﺗﻠﻴﻔﻮﻧﻬﺎ ﻭﻛﺎﻧﺖ ﺃﻣﻬﺎ ...
ﻋﻠﻴﺎ ﻋﺪﻟﺖ ﺻﻮﺗﻬﺎ : ﺻﺒﺎﺡ ﺍﻟﺨﻴﺮ ﻣﺎﻣﺎ ..
ﺯﻳﻨﺐ : ﺻﺒﺎﺡ ﺍﻟﺨﻴﺮ ﺑﻨﻴﺘﻲ .. ﻛﻴﻒ ﺣﺎﻟﻚ ﻭﻛﻴﻒ ﺣﺎﻝ ﺭﺍﺟﻠﻚ ﻭﻧﺎﺳﻚ ..
ﻋﻠﻴﺎ : ﺍﻟﺤﻤﺪ ﻟﻠﻪ ﻛﻮﻳﺴﻴﻦ .. ﺍﻧﺘﻲ ﻣﺎﻣﺎ ﻛﻴﻒ ﺣﺎﻟﻚ ..
ﺯﻳﻨﺐ : ﺍﻟﺤﻤﺪ ﻟﻠﻪ ﺑﻨﺘﻲ ﺍﻫﻮ ﺑﻨﻄﻠﻊ ﻟﺘﻮﻧﺲ ..
ﻋﻠﻴﺎ : ﺍﺣﺴﻦ ﺷﻲ ﻻﺯﻡ ﺗﻄﻤﻨﻲ ﻉ ﺭﻭﺣﻚ ﻣﺎﻣﺎ ﻭﻧﻄﻤﻨﻮﺍ ﻋﻠﻴﻚ ..
ﺯﻳﻨﺐ : ﺇﻥ ﺷﺎﺀ ﺍﻟﻠﻪ ﺧﻴﺮ ... ﺑﻨﺘﻲ ..
ﻋﻠﻴﺎ : ﻧﻌﻢ ﻣﺎﻣﺎ ..
ﺯﻳﻨﺐ : ﺯﻱ ﻣﺎﺗﻌﺮﻓﻲ ﺑﻨﺘﻲ ﻣﺪﻳﺤﻪ ﻣﺶ ﻑ ﻟﻴﺒﻴﺎ " ﺭﺍﺟﻠﻬﺎ ﻳﺨﺪﻡ ﻓﻲ ﺗﺮﻛﻴﺎ " ﻭ ﺍﻣﻴﺮﺓ ﺷﻬﺎﺩﻩ ﺍﻟﺴﻨﻲ .. ﻭﻣﺎﻧﻘﺪﺭﺵ ﻧﺨﻠﻴﻬﺎ ﺗﻐﻴﺐ ﻉ ﻗﺮﺍﻳﺘﻬﺎ ...
ﻋﻠﻴﺎ ﺍﺑﺘﺴﻤﺖ : ﺗﺒﻴﻬﺎ ﺗﺠﻲ ﺗﻘﻌﺪ ﻋﻨﺪﻱ ﻣﺮﺣﺒﺘﻴﻦ ﺑﻴﻬﺎ
ﺯﻳﻨﺐ ﺑﻀﺤﻜﻪ : ﻳﻌﻨﻲ ﻋﺎﺩﻱ ﺭﺍﺟﻠﻚ ﻣﺎﻳﻀﺎﻳﻘﺶ ..
ﻋﻠﻴﺎ ﺑﻀﻴﻖ ﻣﺨﻔﻲ : ﻫﻮ ﺍﺻﻼ ﻃﺎﻟﻊ ﺑﺮﺍ ﻃﺮﺍﺑﻠﺲ ﺍﺳﺒﻮﻉ ..
ﺯﻳﻨﺐ : ﻣﻌﻨﺎﻫﺎ ﺍﻟﻌﺸﻴﻪ ﻧﺠﻴﺒﻮﻫﺎ ..
ﻋﻠﻴﺎ ﺑﻀﺤﻜﻪ : ﺟﻴﺒﻮﻫﺎ ...
ﺑﻌﺪ ﻛﻤﻠﺖ ﻣﻜﺎﻟﻤﺘﻬﺎ ﻣﻊ ﺍﻣﻬﺎ .. ﻛﻠﻤﺖ ﻫﺎﻟﻪ ﻭﻗﺎﻟﺖ ﺍﻧﻬﺎ ﻣﺶ ﺣﺘﻤﺸﻲ ﺍﻟﻴﻮﻡ .. ﺩﺍﺭﺕ ﻉ ﺣﻮﺷﻬﺎ ﻭﺑﻌﺪﻳﻦ ﻧﺰﻟﺖ .. ﺑﻠﻐﺖ ﺍﻟﻌﻴﻠﻪ ﺑﺴﻔﺮ ﺍﻣﻬﺎ ﻭﺍﻥ ﺍﺧﺘﻬﺎ ﺣﺘﺠﻲ ﻭﻫﻤﺎ ﺭﺣﺒﻮﺍ ﺑﻴﻬﺎ ...
***
ﻣﻊ ﺍﻟﻈﻬﺮ ﺭﻭﺣﺖ ﻟﻠﺤﻮﺵ .. ﺗﻼﻗﺖ ﻣﻊ ﻣﺤﺎﻣﻲ ﺑﻮﻫﺎ ﺍﻟﻠﻲ ﺑﺪﺕ ﺗﺘﻘﺰﺯ ﻛﻞ ﻣﺎﺗﺸﻮﻓﻪ ﻭ ﻫﻮ ﻻﺣﻆ ﻧﻈﺮﺍﺗﻬﺎ ...
ﻣﻨﺼﻒ : ﺍﻧﺴﻪ ﺍﺑﺘﺴﺎﻡ ..
ﺍﺑﺘﺴﺎﻡ ﻭﻗﻔﺖ ﻭﺷﻘﻠﺒﺖ ﻭﻋﻴﻮﻧﻬﺎ ﻭﺍﻟﺘﻔﺘﺖ ﻭﺑﺤﺪﻩ : ﺧﻴﺮ !!
ﻣﻨﺼﻒ : ﻣﻦ ﺯﻣﺎﻥ ﻭﺍﻧﻲ ﻧﺨﺪﻡ ﻣﻊ ﺑﻮﻙ .. ﻭﻛﺎﻥ ﻣﺎﻓﻲ ﺑﻴﻨﺎﺗﻨﺎ ﺇﻻ ﻛﻞ ﺍﺣﺘﺮﺍﻡ .. ﺷﻦ ﺍﻟﻠﻲ ﺗﻐﻴﺮ ﺗﻮﺍ ﻭﻟﻴﺘﻲ ﺣﺘﻰ ﺍﻟﺴﻼﻡ ﻣﺎﺗﺮﺩﻳﺶ ﻓﻴﻪ ..
ﺍﺑﺘﺴﺎﻡ ﺑﺤﺪﻩ : ﻋﺮﻓﺘﻚ ﻉ ﺣﻘﻴﻘﺘﻚ ﻻﺃﻛﺜﺮ ..
ﺷﺒﺤﻠﻬﺎ ﻫﻠﺒﻪ ﺑﻌﺪﻳﻦ ﺍﺑﺘﺴﻢ ﺑﺨﺒﺚ : ﻋﺮﻓﺘﻴﻨﻲ ﻉ ﺣﻘﻴﻘﺘﻲ ..!!! ﺍﻣﻤﻢ ... ﺗﻤﺎﻡ ﺗﻤﺎﻡ ... ﻭﺟﻲ ﺑﻴﻤﺸﻲ ﺑﻌﺪﻳﻦ ﻭﻻ .. ﻧﺒﻴﻚ ﻣﺎﺗﻨﺴﻴﺶ ﺍﻥ ﺣﻘﻴﻘﺘﻲ ﻭﺣﻘﻴﻘﺔ ﺑﻮﻙ ﻭﺣﺪﻩ .. ﺍﺑﺘﺴﻢ ﺑﺘﻬﻜﻢ ﻭﻣﺸﻲ ...
ﻭﺧﻼ ﺍﺑﺘﺴﺎﻡ ﻓﻲ ﻗﻤﺔ ﺍﻟﻐﻀﺐ ﻭﺍﻷﻟﻢ ﻓﻲ ﻧﻔﺲ ﺍﻟﻮﻗﺖ ..
***
ﺑﻌﺪ ﺍﻟﻌﺼﺮ
ﺧﺸﺖ ﻟﺤﻮﺵ ﺍﺧﺘﻬﺎ .. ﺑﻌﺪ ﻣﺎﺧﺸﺖ ﺍﺧﺘﻬﺎ ...
ﺍﻣﻴﺮﻩ : ﻓﺮﺣﺖ ﻫﻠﺒﻪ ﻟﻤﺎ ﻗﺎﻟﺘﻠﻲ ﻣﺎﻣﺎ ﺑﻨﻘﻌﺪ ﻋﻨﺪﻙ ..
ﻋﻠﻴﺎ ﺑﻀﺤﻜﻪ : ﺣﺒﻴﺒﺘﻲ ... ﻫﻴﺎ ﺗﻌﺎﻟﻲ ..
ﺩﺧﻠﺘﻬﺎ ﻟﻠﻤﻄﺒﺦ ﻭﻗﻌﻤﺰﻭﺍ ﻗﻌﺪﻭﺍ ﻳﻬﺪﺭﺯﻭﺍ .. ﻋﻠﻴﺎ ﺍﺩﻳﺮ ﻓﻲ ﺍﻟﻨﺴﻜﺎﻓﻴﻪ ﻭﺍﻣﻴﺮﺓ ﻣﻘﻌﻤﺰﺓ ﺣﺪﺍﻫﺎ ﺗﺤﻜﻴﻠﻬﺎ ﻉ ﺍﻟﻘﺮﺍﻳﻪ ...
***
ﺑﻌﺪ ﻃﻮﻝ ﺗﻔﻜﻴﺮ .. ﺑﻌﺪ ﺭﺑﻄﺖ ﺍﻷﺣﺪﺍﺙ ﺑﺒﻌﻀﻬﺎ .. ﺑﻌﺪ ﻣﻮﺍﺟﻬﻪ ﻃﻮﻳﻠﻪ ﺑﻴﻨﻬﺎ ﻭﺑﻴﻦ ﺿﻤﻴﺮﻫﺎ .. ﻣﺒﺎﺩﺋﻬﺎ .. ﺍﺧﻼﻕ ﺍﻟﻘﺮﺁﻥ ﺍﻟﻠﻲ ﻋﺎﻳﺸﻪ ﻓﻴﻬﺎ ... ﺧﻠﺘﻬﺎ ﺗﺎﺧﺪ ﻗﺮﺍﺭ ﻭﻣﺎﻓﻴﺸﻲ ﺭﺟﻌﻪ .. ﻗﺎﻣﺖ ﺗﻠﻴﻔﻮﻧﻬﺎ ﻭﻛﺘﺒﺖ ﺭﺳﺎﻟﻪ ﻭﺑﻌﺘﺘﻬﺎ ﻟﺮﻗﻢ ﻣﺤﺪﺩ ...
***
ﻓﻲ ﺍﻟﻠﻴﻞ ..
ﻭﺍﻗﻔﻪ ﻉ ﺍﻟﺮﻭﺷﻦ ﺗﺘﺄﻣﻞ ﻓﻲ ﺟﻨﺎﻥ ﺣﻮﺵ ﻧﺎﺱ ﺃﺧﺘﻬﺎ ..
ﺍﻣﻴﺮﺓ : ﻳﻬﺒﻞ ﺍﻟﺠﻨﺎﻥ ﻳﺎﻟﻠﻮﺷﻪ ﻛﺒﻴﺮ ﻫﻠﺒﻪ .. ﻭﻣﻨﺴﻖ ﻭﺣﻠﻮ ..
ﻋﻠﻴﺎ : ﺍﻳﻪ .. ﻣﻴﺮﻭ .. ﺑﻨﺨﺶ ﺍﻟﺤﻤﺎﻡ ﺷﻮﻳﻪ .. ﺭﺩﻱ ﺑﺎﻟﻚ ﻉ ﺍﻟﻄﺎﺟﻴﻦ ﻓﻲ ﺍﻟﻜﻮﺷﻪ ..
ﺍﻣﻴﺮﻩ ﺍﻟﺘﻔﺘﻠﻬﺎ : ﺑﺎﻩ ... ﺳﻤﻌﺖ ﺻﻮﺕ ﺍﻟﺒﺎﺏ ﺍﻟﺮﺋﻴﺴﻲ ﺍﻧﻔﺘﺢ .. ﻟﻔﺖ ﻭﺟﻬﻬﺎ ﻟﻠﺮﻭﺷﻦ ﻗﻌﺪﺕ ﻣﺮﻛﺰﺓ ﻣﻊ ﺍﻟﺴﻴﺎﺭﺓ ﺍﻟﻠﻲ ﺧﺸﺖ ..
•• ﺗﺤﺖ ..
ﺳﺮﻣﺪ ﺩﺭﺱ ﺍﻟﺴﻴﺎﺭﺓ ﻭﺍﻟﺒﺎﻳﻦ ﻋﻠﻴﻪ ﺭﺍﻳﻖ ﻛﻌﺎﺩﺗﻪ .. ﻧﺰﻝ ﻭﻫﻮ ﻳﻐﻨﻲ ..
ﺳﺮﻣﺪ : ﺍﻧﺎ ﺟﻴﻠﻚ ﻭﻧﺎﻭﻳﻬﺎ ﺑﺨﻄﻂ ﻭﺍﻛﻴﺪ ﻉ ﺍﻟﺒﺎﺏ ﺣﺨﺒﻂ ﺣﺘﻌﻤﻠﻲ ﺍﻳﻪ ..
ﺣﺘﺴﻠﻢ ﺑﻌﺪﻳﻬﺎ .. ﺍﻣﻤﻤﻢ ... ﺗﺮﺍﺭﺍﺭﺍ .. ﻣﺶ ﺣﺎﻓﻈﻬﺎ ﻛﻠﻬﺎ ﺧﺴﺎﺭﺓ ..
ﺿﺤﻜﺖ ﺃﻣﻴﺮﺓ ..
ﻫﻮ ﺳﻜﺮ ﺑﺎﺏ ﺍﻟﺴﻴﺎﺭﻩ ﻭﻭﺯﻉ ﻧﻈﺮﻩ ﻉ ﺍﻟﺤﻮﺵ .. ﻟﻤﺎ ﺭﻓﻊ ﻋﻴﻮﻧﻪ ﻓﻮﻕ ... ﻓﺘﺤﻬﻢ ﻉ ﻭﺳﻌﻬﻢ ﺑﺪﻫﺸﻪ ..
ﺳﺮﻣﺪ ﻭﻫﻮ ﻳﺸﺒﺤﻠﻬﺎ : ﻣﺎ ﺍﻟﺬﻱ ﻳﺮﻳﺪﻩ ﺍﻟﻘﺪﺭ ﻣﻨﻲ ؟
ﻫﻲ ﺗﺸﺒﺤﻠﻪ ﻭﻣﺶ ﻗﺎﺩﺭﻩ ﺗﺒﻌﺪ ﻋﻴﻮﻧﻬﺎ ﻋﻨﻪ ... ﺳﺮﻣﺪ ﺍﺑﺘﺴﻢ .. ﻭﻫﻲ ﺑﺎﺩﻻﺗﻪ ﺍﻹﺑﺘﺴﺎﻣﻪ ..
ﺳﺮﻣﺪ ﺑﻀﺤﻜﻪ : ﺍﻧﺘﻲ ﻣﻔﺮﻭﺽ ﺍﻃﻠﻲ ﻋﻠﻴﺎ ﻣﻦ ﻏﺎﺩﻱ .. ﺍﻟﺘﻔﺖ ﻭﺍﺷﺮ ﺑﺼﺒﻌﻪ ﻉ ﺍﻟﺴﻤﻲ ..
ﻫﻨﻲ ﺍﻣﻴﺮﻩ ﺗﺤﺸﻤﺖ ﺧﻼﺹ ﺧﺸﺖ ﻃﻮﻝ ﻭﻫﻲ ﺗﻀﺤﻚ " ﺟﺮﺉ ﻫﻠﺒﻪ .."
ﺳﺮﻣﺪ ﺗﻨﻬﺪ ﻭﻗﺎﻋﺪ ﻳﺸﻮﻑ ﻟﻠﺮﻭﺷﻦ : ﺳﺮﻣﺪ ﺭﺩﺑﺎﻟﻚ ﺍﻃﻴﺢ ﻓﻲ ﺍﻛﺒﺮ ﻓﺦ ﻣﻤﻜﻦ ﻳﻄﻴﺢ ﻓﻴﻪ ﺍﻻﻧﺴﺎﻥ ﻓﻲ ﺍﻟﺤﻴﺎﺓ ... ﺍﻧﺖ ﺑﺎﻟﺬﺍﺕ ﻣﺎﻳﻨﻔﻌﺶ ﺍﻃﻴﺢ ﻓﻴﻪ ... ﻋﻴﻮﻧﻪ ﻟﻤﻌﻮﺍ ﺑﺪﻣﻌﻪ .. ﻭﺭﻛﺐ ﻭﺧﺶ ﻃﻮﻝ ...
.... ﻳﺘﺒﻊ
