#الحسن (الوطن عشق رجاله )
ﺍﻟﺠﺰﺀ ﺍﻷﺭﺑﻌﻴﻦ 💗💕💖
للكاتبة GomanFared
ﻳﻮﻡ ﻋﻄﻠﻪ ... ﻗﺎﻋﺪﻩ ﻓﻲ ﻓﺮﺍﺷﻬﺎ .. ﺍﻟﺴﺎﻋﻪ ...11 ﺟﺘﻬﺎ ﺭﺳﺎﻟﻪ ..
ﺧﺪﺕ ﺗﻠﻴﻔﻮﻧﻬﺎ ﻣﻦ ﻉ ﺍﻟﻜﺎﻣﺪﻳﻨﻮ ... ﻭﻓﺘﺤﺘﻬﺎ
( ﺻﺒﺎﺡ ﺍﻟﻮﺭﺩ ﻳﺎﻟﺒﺮﺗﻘﺎﻟﻪ )
ﺿﺤﻜﺖ .. ﻭﺍﺫﻛﺮﺕ ﺍﻟﺤﺪﻳﺚ ﺍﻟﻠﻲ ﺻﺎﺭ ﺑﻴﻨﺎﺗﻬﻢ ﻟﻤﺎ ﻗﻌﻤﺰﻭﺍ ﻓﻲ ﺍﻟﺤﺪﻳﻘﻪ ..
ﻓﻼﺵ ﺑﺎﻙ ..
ﻣﻨﺬﺭ ﺑﺈﺑﺘﺴﺎﻣﻪ : ﺍﻧﻲ ﺍﻛﺜﺮ ﺍﻧﺴﺎﻥ ﻭﺣﻴﺪ ﻓﻲ ﻫﺎﻟﺪﻧﻴﺎ .. ﺑﺮﻏﻢ ﺍﻥ ﻋﻨﺪﻱ ﻋﻴﻠﻪ .. ﻳﺤﺒﻮﻧﻲ ... ﺍﻭﻫﻜﻲ ﻧﻘﻮﻝ .. ﺳﻜﺖ ..
ﺭﻳﺤﺎﻧﻪ : ﻛﺎﻥ ﻋﻨﺪﻙ ﻋﻴﻠﻪ ﻭﻳﺤﺒﻮﻙ ﻛﻴﻒ ﺗﻘﻮﻝ ﺍﻧﻚ ﻭﺣﻴﺪ؟
ﻣﻨﺬﺭ ﺷﺒﺤﻠﻬﺎ ﻭﺍﺑﺘﺴﻢ ﺑﻌﺪﻳﻦ ﺷﺒﺢ ﺍﻟﻘﺪﺍﻡ : ﻛﻨﺖ ... ﻛﻨﺖ ﻋﺎﻳﺶ ﻓﻲ ﻭﺳﻄﻬﻢ .. ﺑﻴﻨﺎﺗﻬﻢ .. ﻓﻲ ﺣﻀﻦ ﺍﻣﻲ ﺍﻟﺪﺍﻓﻲ .. ﺗﺤﺖ ﺟﻨﺎﺡ ﺑﻮﻱ .. ﺑﻴﻦ ﺧﻮﺗﻲ .. ﺑﺲ ﻛﻞ ﺷﻲ .. ﻛﻞ ﺷﻲ ﺭﺍﺡ .. ﺑﺈﻳﺪﻱ ﺭﻳﺤﺘﻪ .. ﻣﺶ ﺑﺈﻳﺪﻱ ﺑﺲ ﺟﻨﻮﺍ ﻋﻠﻴﺎ .. ﺍﻳﻪ ﺟﻨﻮﺍ ﻋﻠﻴﺎ .. ﺑﻴﻨﺰﻟﻮﺍ ﺩﻣﻮﻋﻪ ﻓﻨﺺ .. ﺑﺶ ﻳﻮﻗﻔﻬﻢ ..
ﺭﻳﺤﺎﻧﻪ ﺩﻣﻌﺘﻬﺎ ﻧﺰﻟﺖ ...
ﻣﻨﺬﺭ ﺗﻨﻬﺪ ﺑﺄﻟﻢ : ﻛﻞ ﺍﻟﻠﻲ ﻧﻘﺪﺭ ﻧﻘﻮﻟﻪ ﺍﻧﻲ ﺇﻧﺴﺎﻥ ﺣﻴﺎﺗﻪ ﺍﻧﺴﺮﻗﺖ ﻣﻨﻪ ﺍﻭ ﻣﻤﻜﻦ ﺍﻧﻲ ﺍﻟﻠﻲ ﻋﻄﻴﺘﻬﺎ ﺑﺈﻳﺪﻱ ﺑﻌﺘﻬﺎ ﻓﺮﻃﺖ ﻓﻴﻬﺎ .. ﺍﻟﺨﻼﺻﻪ .. ﻗﻌﺪﺕ ﺑﺮﻭﺣﻲ ... ﺑﺮﻭﺣﻲ .. ﺩﻭﻥ ﻣﺎﻧﻠﻘﻰ ﺟﻨﺒﻲ ﺣﺪ ﻧﺘﻘﺎﺳﻢ ﻣﻌﺎﻩ ﻭﺟﻌﻲ ﻭﻫﻤﻲ ﻣﺎﻧﺒﻴﺶ ﻧﻘﻮﻝ ﻓﺮﺣﻲ .. ﺍﻧﻲ ﺍﻟﻔﺮﺡ ﻣﺼﻠﻲ ﻋﻠﻴﻪ ﺍﻟﺠﻨﺎﺯﺓ ﻣﻦ ﺯﻣﺎﻥ ... ﺍﻟﻮﺣﺪﻩ ... ﺍﺑﺸﻊ ﺷﻲ ﻳﻌﻴﺸﻪ ﺍﻹﻧﺴﺎﻥ ... ﺑﺼﻮﺕ ﻣﺒﺤﻮﺡ ... ﺑﺸﺸﺸﻊ ﻫﻠﺒﻪ .. ﻭﻧﺰﻟﺖ ﺩﻣﻌﻪ ... ﻃﻮﻝ ﻣﺴﺤﻬﺎ .. ﻭﺷﺒﺤﻠﻬﺎ ﻟﻘﺎﻫﺎ ﺗﺸﺒﺤﻠﻪ ﻭﺗﺒﻜﻲ ..
ﺭﻳﺤﺎﻧﻪ ﺑﺒﻜﻲ : ﻗﻄﻌﺘﻠﻲ ﻗﻠﺒﻲ ...
ﻣﻨﺬﺭ ﺿﺤﻚ ﺑﻴﻦ ﺩﻣﻮﻋﻪ : ﻗﺼﺪﻙ ﻋﻨﺪﻙ ﻗﻠﺐ ﺍﻧﺘﻲ ..
ﺭﻳﺤﺎﻧﻪ ﺑﻀﺤﻜﻪ ﻣﻤﺎﺛﻠﻪ : ﺍﻧﺖ ﺍﻟﻠﻲ ﻛﻴﻒ ﻃﻠﻊ ﻋﻨﺪﻙ ﻗﻠﺐ ﻭﺗﺤﺲ ﻭﺗﺒﻜﻲ ..
ﻣﻨﺬﺭ ﻭﺭﻳﺤﺎﻧﻪ ﺷﺒﺤﻮﺍ ﻟﺒﻌﺾ ﺑﻌﺪﻳﻦ : ﻫﻬﻬﻬﻬﻬﻬﻬﻬﻬﻬﻬﻬﻪ
ﺳﻜﺘﻮﺍ ﺷﻮﻳﻪ ..
ﻣﻨﺬﺭ : ﺍﺣﻤﻢ .. ﻣﻤﻜﻦ ﺗﻮﻟﻲ ﺍﺣﻤﻢ ﺻﺎﺣﺒﺘﻲ .. ﺣﺒﻴﺒﺘﻲ .. ﺷﻦ ﻳﻌﺠﺒﻚ ..
ﺭﻳﺤﺎﻧﻪ ﺑﺈﺑﺘﺴﺎﻣﻪ : ﻋﻼﺵ ﺍﻧﻲ ..
ﻣﻨﺬﺭ : ﻣﺶ ﻋﺎﺭﻑ .. ﻣﻦ ﻟﻤﺎ ﺟﺖ ﻋﻴﻨﻲ ﻓﻲ ﻋﻴﻨﻚ ﺍﻭﻝ ﻣﺮﺓ .. ﺟﺬﺑﺘﻴﻨﻲ ﺯﻱ ﺍﻟﻤﻐﻨﺎﻃﻴﺲ ...
ﺭﻳﺤﺎﻧﻪ : ﺍﻣﻤﻢ ...
ﻣﻨﺬﺭ : ﺷﻦ ﻗﻠﺘﻲ ..
ﺭﻳﺤﺎﻧﻪ : ﺷﻦ ﺑﻨﻘﻮﻝ ﻭﺍﻧﻲ ﺣﺘﻰ ﺇﺳﻤﻚ ﻣﺎﻧﻌﺮﻓﻪ ..
ﻣﻨﺬﺭ ﺑﻀﺤﻜﻪ : ﻋﻨﺪﻙ ﺣﻖ ... ﻣﻌﺎﻙ ﻣﻨﺬﺭ ...
ﺭﻳﺤﺎﻧﻪ : ﻣﻨﺬﺭ .... ﺗﻤﺎﻡ ... ﺣﻨﻜﻮﻧﻮﺍ ﺃﺻﺪﻗﺎﺀ ﻓﻘﻂ ﻻﻏﻴﺮ ...
ﻣﻨﺬﺭ ﺍﺑﺘﺴﻢ : ﺗﻤﺎﻡ ... ﺍﻟﻤﻬﻢ ﺗﻜﻮﻧﻲ ﻣﻮﺟﻮﺩﺓ ...
ﺭﻳﺤﺎﻧﻪ ﺍﺑﺘﺴﻤﺖ ..
ﺍﻟﻮﻗﺖ ﺍﻟﺤﺎﺿﺮ ...
ﻓﺎﻃﻤﻪ ﻣﻦ ﺑﺮﺍ : ﺭﻳﺤﺎﺍﺍﺍﺍﺍﺍﺍﺍﺍﻧﻪ .. ﻧﻮﺿﻲ ﻳﺎﺳﺮﻙ ﻧﻮﻡ ..
ﺭﻳﺤﺎﻧﻪ ﺗﺄﻓﻔﺖ ﺑﺘﺬﻣﺮ : ﺑﺎﺍﺍﺍﺍﺍﺍﻫﻲ .. ﺍﻟﻬﻢ ﺍﻷﺣﺮﻑ ...
***
ﻣﻊ ﺍﻟﻐﺪﻱ ...
ﺭﻛﺒﺖ ﻋﻠﻴﺎ ﺑﺘﻨﻮﺽ ﺍﻟﺤﺴﻦ ﺑﺶ ﻳﺘﻐﺪﻯ ﺍﻭﻝ ﻣﺎﺧﺸﺖ ﺍﻟﺸﻘﻪ ﻟﻘﺖ ﺍﻟﻔﻴﺮﻧﺪﺍ ﻣﻔﺘﻮﺣﻪ .. ﺍﻭﻝ ﻣﺮﺓ ﺗﻨﻔﺘﺢ .. ﻗﺪﻣﺖ ﺟﻴﻬﺘﻬﺎ .. ﺳﻤﻌﺖ ﺻﻮﺗﻪ ﻳﺘﻜﻠﻢ ..
ﺍﻟﺤﺴﻦ : ﺗﺘﻮﺍﺻﻠﻲ ﻣﻌﺎﻱ ﺑﺎﻟﺘﻠﻴﻔﻮﻥ ﺍﻟﻠﻲ ﺟﺒﺘﻬﻮﻟﻚ ﺭﺩﻱ ﺑﺎﻟﻚ ﺗﻐﻠﻄﻲ ﻣﺮﺓ ﻭﺗﻜﻠﻤﻴﻨﻲ ﺑﻐﻴﺮﻩ ..... ﻧﻬﻠﻪ ﺭﺩﻱ ﺑﺎﻟﻚ ... ﺳﻼﻣﺘﻚ ﻣﻬﻤﻪ ﻋﻨﺪﻱ .. ﻣﺎﺗﺨﺎﻓﻴﺶ ﻭﺍﻧﺘﻲ ﻓﻲ ﺣﻤﺎﻳﺘﻲ ...... ﻣﺎﺗﺒﻲ ﺷﻲ ......
ﺗﻤﺎﻡ ..... ﻭﺻﻜﺮ ... ﻭﻗﻌﺪ ﻭﺍﻗﻒ ﻳﺘﻔﺮﺝ ...
ﻋﻠﻴﺎ ﻗﻠﺒﻬﺎ ﻳﻨﺤﺮﻕ ﺣﺮﻕ ﻣﺶ ﻣﺘﺤﻤﻠﻪ ﺑﻜﻞ .. ﻫﻮﻗﻠﺒﻪ ﺩﻕ ﺑﻘﻮﺓ ﺣﺲ ﺑﻮﺟﻮﺩﻫﺎ .. ﺍﻟﺘﻔﺘﺖ ﻟﻘﺎﻫﺎ ﺗﺸﺒﺤﻠﻪ ﺑﻌﻴﻮﻥ ﻣﻌﺒﻴﻪ ﺩﻣﻮﻉ ..
ﻋﻠﻴﺎ ﺑﺼﻮﺕ ﻳﺮﺟﻒ : ﺍﻟﻐﺪﻱ .. ﻭﺍﺍﺗﻲ .. ﻭﻟﻔﺖ ﺑﺘﻤﺸﻲ ﺷﺪﻫﺎ ﻣﻦ ﺫﺭﺍﻋﻬﺎ ...
ﺍﻟﺤﺴﻦ ﻟﻔﻬﺎ ﻟﻴﻪ ﻭﻫﻮ ﻳﺸﺒﺢ ﻟﻌﻴﻮﻧﻬﺎ : ﺧﻴﺮﻙ ..
ﻋﻠﻴﺎ ﺑﻨﺒﺮﺓ ﺑﺎﻛﻴﻪ : ﻣﺎﺧﻴﺮﻧﻲ ﺷﻲ ..
ﺍﻟﺤﺴﻦ ﺑﺼﻮﺕ ﻫﺎﺩﻱ : ﺗﻐﺎﺭﻱ ...
ﻋﻠﻴﺎ ﺗﺸﺒﺢ ﻟﻌﻴﻮﻧﻪ : ﻭﻋﻼﺵ ﺑﻨﻐﺎﺭ ..
ﺍﻟﺤﺴﻦ ﺑﻨﻈﺮﺓ ﻋﺸﻖ : ﺗﺤﺒﻴﻨﻲ ...
ﻋﻠﻴﺎ ﻗﻠﺒﻬﺎ ﻳﺮﺟﻒ ﺑﺸﺪﻩ 💓
ﺍﻟﺤﺴﻦ : ﺟﺎﻭﺑﻲ .. ﺗﺤﺒﻴﻨﻲ ..
ﻋﻠﻴﺎ ﻣﻦ ﻗﻮﺓ ﻣﺸﺎﻋﺮﻫﺎ ﻣﻦ ﻗﻮﺓ ﺣﺒﻬﺎ ﻟﻴﻪ ﺣﺎﺳﻪ ﺭﻭﺣﻬﺎ ﻛﻞ ﻣﺎﺑﺘﻘﻮﻝ ﺍﻳﻪ ﻣﺶ ﻗﺎﺩﺭﺓ ﺗﺘﻜﻠﻢ ..
ﺍﻟﺤﺴﻦ : ﻋﻠﻴﺎ .. ﺍﻧﺘﻲ ﺗﺤﺒﻴﻨﻲ ...
ﻋﻠﻴﺎ ﺗﻨﻬﺪﺕ ﺑﻘﻮﺓ : ﺍﺣﻤﻢ ... ﻳﺴﺘﻨﻮﺍ ﻓﻴﻨﺎ ﻟﻮﻃﺎ ...
ﺍﻟﺤﺴﻦ ﺳﺮﻋﺎﻥ ﻣﺎﺗﺒﺪﻟﺖ ﻧﻈﺮﺍﺕ ﻋﻴﻮﻧﻪ ﻟﻨﻈﺮﺍﺗﻪ ﺍﻟﺤﺎﺩﻩ ﺍﻟﻤﻌﺘﺎﺩﻩ ﻃﻠﻘﻬﺎ : ﺧﻼﺹ .. ﻓﻬﻤﺖ ... ﻓﻬﻤﺖ ...
ﻭﻣﺸﻲ ﺗﻮﺟﻪ ﻟﻠﺒﺎﺏ ﻭﻃﻠﻊ ...
ﻭﻫﻲ ﻗﻌﺪﺕ ﻭﺍﻗﻔﻪ ﻓﻲ ﻣﻜﺎﻧﻬﺎ " ﻟﻮ ﻛﻨﺖ ﺗﻔﻬﻢ ﺣﻖ ﺭﻩ ﻋﺮﻓﺖ ﻣﻦ ﻋﻴﻮﻧﻲ ﺍﻧﻲ ﻧﻤﻮﺕ ﻓﻴﻚ ﻣﺶ ﺑﺲ ﻧﺤﺒﻚ ...." ﺗﻨﻬﺪﺕ .. ﻭﺗﻮﺟﻬﺖ ﻟﻠﺒﺎﺏ ﻭﻃﻠﻌﺖ ﻭﺳﻜﺮﺍﺗﻪ ...
***
ﺟﻨﺎﻥ : ﻣﺮﺕ ﺧﻮﻱ ﺣﺘﺠﻴﺐ ﺍﻷﻭﻟﻰ ...
ﺍﻟﻔﻬﺪ : ﻋﻼﺵ ﻣﺶ ﺍﻧﺘﻲ ..
ﺟﻨﺎﻥ ﺑﻀﺤﻜﻪ : ﺍﻧﻲ ﺍﻟﺴﻨﻪ ﺍﻟﻠﻲ ﻓﺎﺗﺖ ﻭﻫﻲ ﺍﻟﺴﻨﻪ ﻫﺎﺩﻱ .. ﺑﺎﻟﺪﻭﺭ ..
ﺍﻟﻔﻬﺪ ﺑﻀﺤﻜﻪ : ﺇﺟﺎﺑﻪ ﻣﻘﻨﻌﻪ ..
ﺟﻨﺎﻥ : ﻫﻬﻬﻬﻬﻬﻬﻬﻪ ...
ﺍﻟﻔﻬﺪ ﺳﺮﺡ ﻓﻀﺤﻜﺘﻬﺎ ﺯﻱ ﻣﺎﺗﻌﻮﺩ ...
ﺟﻨﺎﻥ : ﻣﺤﻤﺪ ..
ﺍﻟﻔﻬﺪ ﺑﺤﺐ : ﻧﺤﺒﻚ ❤
ﺟﻨﺎﻥ ﺗﺤﺸﻤﺖ ﻭﺳﻜﺘﺖ ..
ﺍﻟﻔﻬﺪ : ﺧﺎﻃﺮﻱ ﻧﺴﻤﻌﻬﺎ ﻣﻨﻚ ..
ﺟﻨﺎﻥ ﺑﺨﺠﻞ : ﺑﺲ ﺍﻧﺖ ﻋﺎﺭﻑ ...
ﺍﻟﻔﻬﺪ : ﺣﺘﻰ ﺍﻧﺘﻲ ﺗﻌﺮﻓﻲ .. ﻟﻜﻦ ﻟﻤﺎ ﺗﺴﻤﻌﻲ ﻓﻴﻬﺎ ﻣﻨﻲ ﺷﻦ ﺗﺤﺴﻲ ..
ﺟﻨﺎﻥ : ﺷﻌﻮﺭ ﺣﻠﻮ ﺑﺎﻟﻤﺮﺓ ..
ﺍﻟﻔﻬﺪ ﺑﺈﺑﺘﺴﺎﻣﻪ : ﻭﻋﻼﺵ ﺗﺤﺮﻣﻲ ﻓﻴﺎ ﻣﻨﻪ ..
ﺟﻨﺎﻥ ﺳﻜﺘﺖ ﺑﻌﺪﻳﻦ : ﻧﺤﺒﻚ ... ﻭﺻﻜﺮﺕ ﺑﺴﺮﻋﻪ ..
ﺍﻟﻔﻬﺪ ﻏﻤﺾ ﻋﻴﻮﻧﻪ ﻭﺿﺤﻚ ﻓﺘﺤﻬﻢ ﺷﺒﺢ ﻷﻣﻪ ﺍﻟﻠﻲ ﺗﺘﻔﺮﺝ ﻉ ﺍﻟﺘﻠﻔﺰﻳﻮﻥ ... ﺗﻼﺷﺖ ﺿﺤﻜﺘﻪ .. ﺗﺨﻴﻞ ﻟﻮﻳﺼﻴﺮ ﻣﻊ ﺟﻨﺎﻥ ﺯﻱ ﻣﺎﺻﺎﺭ ﻣﻊ ﺃﻣﻪ .. ﺗﺄﻟﻢ ﻫﻠﺒﻪ ﻭﺣﺲ ﺑﺎﻟﺨﻮﻑ ..
ﺍﻡ ﺍﻟﻔﻬﺪ ﻧﺒﻴﻬﻪ ... ﻣﻦ ﻋﻴﻠﻪ ﻋﺎﻳﺸﻴﻦ ﻓﻲ ﻋﻤﺎﺭﺓ ﺟﻴﺮﺍﻧﻬﻢ ﺍﻟﻠﻲ ﻗﺪﺍﻣﻬﻢ ﻣﻦ ﺍﺻﺤﺎﺏ ﺍﻟﺒﺸﺮﺓ ﺍﻟﺴﻤﺮﺍﺀ .. ﻛﺎﻧﻮﺍ ﺍﻫﻞ ﻣﺶ ﻣﺠﺮﺩ ﺟﻴﺮﺍﻥ .. ﺣﺘﻰ ﻣﻨﺎﺳﺒﺎﺗﻬﻢ ﻣﻊ ﺑﻌﺾ .. ﺍﻟﺤﺐ ﺧﺶ ﻟﻘﻠﻮﺏ ﻣﻨﻬﻢ ﺩﻗﺖ ﻟﺒﻌﻀﻬﺎ ﻏﺼﺐ ﻋﻨﻬﺎ ...
ﺣﺒﺖ ﻧﺒﻴﻬﻪ ﻓﺘﺤﻲ .. ﺣﺒﺎﺗﻪ ﻫﻠﺒﻪ ﻭﻫﻮ ﺍﻛﺜﺮ .. ﺑﺲ ﻟﻤﺎ ﺍﻟﺤﺐ ﻫﺬﺍ ﻃﻠﻊ ﻟﻠﻌﻠﻦ .. ﻗﺎﻣﺖ ﺍﻟﻘﻴﺎﻣﻪ .. ﺍﻟﻌﻴﻠﺘﻴﻦ ﺍﻧﻘﻄﻌﻮﺍ ﻋﻦ ﺑﻌﺾ ﻭﻟﻮﺍ ﺍﻟﺪ ﺍﻷﻋﺪﺍﺀ ﻋﻴﻠﺔ ﻧﺒﻴﻬﻪ ﺳﻴﺒﻮﺍ ﺍﻟﻌﻤﺎﺭﺓ .. ﺗﻌﺬﺑﺖ ﻧﺒﻴﻬﻪ ﻫﻠﺒﻪ ﻓﻲ ﺑﻌﺪﻩ ﻭﺍﻫﻠﻬﺎ ﺣﺮﻣﻮﻫﺎ ﺍﻟﻄﻠﻮﻉ ﻣﻦ ﺍﻟﺤﻮﺵ .. ﻓﺘﺤﻲ ﻛﺎﻥ ﺣﺎﻟﻪ ﺍﺳﻮﺃ ﻣﻨﻬﺎ ﻋﺸﻘﻬﺎ ﺑﺠﻨﻮﻥ .. ﻣﻘﺪﺭﻭﺵ ﻳﺨﻠﻮﺍ ﺑﻌﺾ .. ﻭﺻﻞ ﻓﻴﻬﺎ ... ﻭﻧﺒﻴﻬﻪ ﺧﺪﺕ ﺍﺻﻌﺐ ﻗﺮﺍﺭ ﻓﻲ ﺣﻴﺎﺗﻬﺎ .. ﻭﻫﺮﺑﺖ ﻣﻊ ﻓﺘﺤﻲ ﻃﻠﻌﻮﺍ ﺑﺮﺍ ﻟﻴﺒﻴﺎ ... ﻭﻋﺎﺷﻮﺍ ﻓﻲ ﻣﺼﺮ .. ﻓﺘﺤﻲ ﺣﻄﻬﺎ ﻓﻌﻴﻮﻧﻪ ﻛﺎﻥ ﻳﺤﺎﻭﻝ ﻳﻌﻮﺿﻬﺎ ﻋﻦ ﺃﻫﻠﻬﺎ ﻉ ﻣﺎﻳﻘﺪﺭﻟﻤﺎ ﺟﺎﺑﺖ ﺍﻟﻔﻬﺪﺍﻫﻠﻪ ﺗﻮﺍﺻﻠﻮﺍﻭﻣﻌﺎﻩ ﻭﺗﻌﺎﻣﻠﻮﺍ ﻣﻊ ﻧﺒﻴﻬﻪ ﺍﺣﺴﻦ ﻣﻌﺎﻣﻠﻪ .. ﻟﻜﻦ ﻧﺒﻴﻬﻪ ﺍﻫﻠﻬﺎ ﺗﺒﺮﻭﺍ ﻣﻨﻬﺎ ﻧﻬﺎﺋﻲ .. ﻋﺎﺷﺖ ﺟﺰﺀ ﻛﺒﻴﺮ ﻣﻦ ﻋﻤﺮﻫﺎ ﻓﻲ ﻣﺼﺮ .. ﻭﻭﻟﺖ ﻟﻠﻴﺒﻴﺎ ﻟﻤﺎ ﻛﺒﺮﻭﺍ ﻭﻟﺪﻫﺎ ﻭﺑﻨﺘﻬﺎ ... ﻭﻋﺎﺷﺖ ﺑﺎﻗﻲ ﻋﻤﺮﻫﺎ ﻓﻴﻬﺎ .. ﺗﻮﻓﻰ ﺭﺍﺟﻠﻬﺎ ﻓﻲ ﺣﺎﺩﺙ ﺳﻴﺎﺭﺓ .. ﻛﺎﻧﺖ ﻣﻌﺎﻩ ﻓﻴﻪ ﻭﻫﻲ ﺍﺻﻴﺒﺖ ﺑﺸﻠﻞ ﻧﺼﻔﻲ .. ﻭﻟﻬﺎﻟﻠﺤﻈﻪ ﺃﻫﻠﻬﺎ ﺭﺍﻓﻀﻴﻨﻬﺎ ﺗﻤﺎﻣﺎ ﻭﻻﻳﺒﻮﺍ ﻳﻌﺮﻓﻮﻫﺎ ..💔
***
ﺑﻌﺪ ﺍﻟﻌﺼﺮ ..
ﻓﻲ ﺣﻮﺵ ﻋﺎﺑﺪ ...
ﻛﺎﻧﺖ ﺍﻷﻡ ﻭﺑﻨﺎﺗﻬﺎ ﻣﻘﻌﻤﺰﻳﻦ ﻳﺸﺮﺑﻮﺍ ﻓﻲ ﺍﻟﻘﻬﻮﺓ ﻭﻳﺘﻔﺮﺟﻮﺍ ﻉ ﺍﻟﺘﻠﻔﺰﻳﻮﻥ .. ﺭﻥ ﺟﺮﺱ ﺍﻟﺤﻮﺵ ..
ﻭﺳﻴﻠﻪ : ﻣﻨﻮ ﺟﺎﻳﻨﺎ ﺗﻮﺍ ..
ﺟﻨﺎﻥ ﻭﺧﻮﻟﻪ ﺳﻜﺘﻮﺍ ﻭﻫﻤﺎ ﻣﺘﺴﺎﺋﻼﺕ ..
ﺟﻨﺎﻥ : ﺗﻮ ﻧﻔﺘﺢ ... ﻧﺎﺿﺖ ﺟﻨﺎﻥ ﻭﻃﻠﻌﺖ ﻣﻦ ﺍﻟﺼﺎﻟﻪ ﻭﺗﻮﺟﻬﺖ ﻟﻠﺒﺎﺏ ﻭﻓﺘﺤﺖ ﺗﻔﺎﺟﺌﺖ ﺑﻤﺮﺍﺓ ﻛﺒﻴﺮﺓ ﺑﺲ ﺭﺍﻗﻴﻪ ﻭﻧﺎﺯﻛﻪ ..
ﺍﻟﻤﺮﺍﻩ : ﺣﻮﺵ ﻋﺎﺑﺪ ﺍﻟﺼﺎﺩﻕ ..
ﺟﻨﺎﻥ ﺑﺈﺑﺘﺴﺎﻣﻪ : ﺍﻳﻪ .. ﺗﻔﻀﻠﻲ ..
ﺧﺸﺖ ﺍﻟﻤﺮﺍﺓ ﺭﻓﻌﺘﻬﺎ ﺟﻨﺎﻥ ﻟﻠﺼﺎﻟﻮﻥ ﻭﻗﻌﻤﺰﺗﻬﺎ ...
ﺟﻨﺎﻥ : ﻋﻦ ﺇﺫﻧﻚ ﻟﺤﻈﻪ ..
ﺍﻟﻤﺮﺍﻩ : ﺍﺫﻧﻚ ﻣﻌﺎﻙ ﺣﺒﻴﺒﺘﻲ ..
ﺟﻨﺎﻥ ﺍﺑﺘﺴﻤﺖ ﻭﻣﺸﺖ ﺑﺘﺨﺒﺮ ﺃﻣﻬﺎ ..
ﺍﻟﻤﺮﺃﻩ " ﺍﻟﺮﺑﻴﻊ ﻣﻦ ﻓﻢ ﺍﻟﺒﺎﺏ ﻳﺒﺎﻥ ".. ﺍﺑﺘﺴﻤﺖ ..
***
ﻓﻲ ﺣﻮﺵ ﻋﻠﻲ ﺍﻟﺼﺎﺩﻕ ..
ﻃﻖ ﺑﺎﺏ ﺍﻟﺤﻮﺵ .. ﺣﺴﺎﻥ ﻭﻫﻮ ﻃﺎﻟﻊ ﻓﺘﺢ ﺍﻟﺒﺎﺏ .. ﻟﻘﻲ ﺯﻭﺯ ﻧﺴﺎﻭﻳﻦ ﻭﺣﺪﻩ ﻓﻲ ﻋﻤﺮ ﺍﻣﻪ ﻭﺍﻟﺘﺎﻧﻴﻪ ﺍﻛﺒﺮ ﻣﻦ ﺣﻨﺎﻩ ﺷﻮﻱ ..
ﺭﻣﻠﻪ : ﻫﻠﻚ ﻣﻮﺟﻮﺩﻳﻦ ..
ﺣﺴﺎﻥ ﺑﺈﺑﺘﺴﺎﻣﻪ ﻭﻋﻴﻮﻧﻪ ﻟﻮﻃﺎ : ﺍﻳﻪ ﺗﻔﻀﻠﻮﺍ .. ﻭﺧﺮ ﻭﺧﺸﻮﺍ ..
ﺣﺴﺎﻥ : ﺗﻔﻀﻠﻮﺍ ﺗﻔﻀﻠﻮﺍ .. ﻗﺪﻡ ﺷﻮﻳﻪ .. ﺣﻨﺎﺍﺍﻱ .. ﺣﻨﺎﺍﺍﻱ ..
ﻃﻠﻌﺖ ﺑﺮﻧﻴﻪ ﺷﺎﻓﺘﻬﻢ ﻋﺮﻓﺘﻬﻢ ﻃﻮﻝ ﻧﺰﻟﺖ ﻣﻦ ﺍﻟﺪﺭﻭﺝ ﺳﻠﻤﺖ ﻋﻠﻴﻬﻢ .. ﻭﺭﻛﺒﺘﻬﻢ ﻣﻌﺎﻫﺎ .. ﻭﺣﺴﺎﻥ ﻃﻠﻊ ..
....
ﺑﻌﺪ ﺳﻼﻡ ﻭﺗﻌﺎﺭﻑ ﻭﺿﻴﺎﻓﻪ ..
ﺍﻟﻤﺮﺍﺓ : ﺑﺼﺮﺍﺣﻪ ﺍﻧﻲ ﺟﺎﻳﻪ ﻭﻗﺎﺻﺪﻩ ﺧﻴﺮ .. ﻭﺍﻧﺘﻢ ﻧﺎﺱ ﺗﺸﺮﻓﻮﺍ ﺍﻟﻠﻲ ﻳﻌﺮﻓﻜﻢ ﻳﺎﺑﺎﻝ ﻳﻨﺎﺳﺒﻜﻢ ..
ﻭﺳﻴﻠﻪ : ﺑﺎﺭﻙ ﺍﻟﻠﻪ ﻓﻴﻚ .. ﺍﺧﺘﻲ ﺻﺎﺑﺮﻳﻦ ..
ﺻﺎﺑﺮﻳﻦ : ﻭﺍﻟﻠﻪ ﺑﻨﻴﺘﻜﻢ ﺳﻤﻌﻨﺎ ﻋﻨﻬﺎ ﻛﻞ ﺧﻴﺮ .. ﻭﻋﻨﻜﻢ ﺍﻧﺘﻢ .
ﻟﺬﻟﻚ ﺟﺎﻳﻪ ﺍﻟﻴﻮﻡ ﻧﺒﻴﻬﺎ ﻟﻮﻟﺪﻱ ﺍﻟﻜﺒﻴﺮ ..
ﻭﺳﻴﻠﻪ ﺑﺈﺑﺘﺴﺎﻣﻪ : ﺍﻧﻲ ﻋﻨﺪﻱ ﺯﻭﺯ ﺑﻨﺎﺕ ...
ﺻﺎﺑﺮﻳﻦ : ﺑﻨﺘﻚ ﺧﻮﻟﻪ ...
ﻭﺳﻴﻠﻪ ﺗﻔﺎﺟﺌﺖ ..
ﺻﺎﺑﺮﻳﻦ : ﻭﻟﺪﻱ ﻣﻄﻠﻖ ﻭﻋﻨﺪﻩ ﺑﻨﺖ .. ﺭﺑﻲ ﻣﺎﻭﻓﻘﺎﺵ ﻣﻊ ﻣﺮﺗﻪ ﺍﻷﻭﻟﻰ ﻭﻣﺎﻛﺎﻧﺶ ﻓﻲ ﻧﺼﻴﺐ ﺑﻴﻨﻬﻢ ..
ﻭﺳﻴﻠﻪ : ﺣﺘﻰ ﺑﻨﺘﻲ .. ﻣﺎﺗﻮﻓﻘﺘﺶ ﻓﻲ ﺯﻭﺍﺟﻬﺎ ..
ﺻﺎﺑﺮﻳﻦ ﺑﺈﺑﺘﺴﺎﻣﻪ : ﻣﺮﺍﺕ ﺑﺶ ﺑﻴﻜﻮﻥ ﻧﺼﻴﺒﻬﻢ ﻓﻲ ﺑﻌﺾ ..
ﻭﺳﻴﻠﻪ ﺍﺑﺘﺴﻤﺖ : ﺇﻥ ﺷﺎﺀ ﺍﻟﻠﻪ ﺧﻴﺮ ..
...
ﺭﻣﻠﻪ : ﺟﺎﻳﻴﻦ ﻣﻦ ﺍﻗﺼﻰ ﺍﻟﺒﻼﺩ ﻋﺸﺎﻧﻬﺎ .. ﻭﺍﻧﺘﻮ ﻋﻴﻠﻪ ﺍﻟﻨﺎﺱ ﻛﻠﻬﺎ ﺗﺸﻜﺮ ﻓﻴﻜﻢ ﻭﻣﺎﺫﻡ ﻭﻳﺸﺮﻓﻨﺎ ﻧﺎﺳﺒﻮﻛﻢ ..
ﻗﻤﺮﺓ : ﻭﺣﺘﻰ ﺍﻟﻌﻴﻞ ﻳﺒﻴﻬﺎ ﻭﺷﺎﺩ ﻓﻴﻬﺎ ﻭﺍﺟﺪ ﻭﻗﺎﻝ ﻳﺎﻫﻲ ﻳﺎﻻ .. ﻭﻫﻼﻝ ﺍﻧﺎ ﺍﻟﻠﻲ ﺭﺑﻴﺘﻪ ﻣﺎﺗﺤﻘﺶ ﻋﻴﻨﻪ ﺍﻻ ﺍﻟﺤﺎﺟﻪ ﺍﻟﻐﺎﻟﻴﻪ ..
ﺑﺮﻧﻴﻪ ﺑﺈﺑﺘﺴﺎﻣﻪ : ﺑﺎﺭﻙ ﺍﻟﻠﻪ ﻓﻴﻜﻢ .. ﻭﺇﻥ ﺷﺎﺀ ﺍﻟﻠﻪ ﺧﻴﺮ ...
***
ﻣﺘﻮﻗﻊ ﺗﻮﺍﻓﻖ ..
ﺭﻳﺎﺽ : ﺣﺘﻰ ﻟﻮ ﺭﻓﻀﺖ ﺑﻬﺎﻟﻄﺮﻳﻘﻪ ﻓﻲ ﻃﺮﻕ ﺗﺎﻧﻴﻪ ﺣﻨﺘﺒﻌﻬﺎ ..
ﻭﻟﻴﺪ : ﺧﺎﺷﻪ ﺭﺍﺳﻚ ﺑﻘﻮﺓ ..
ﺭﻳﺎﺽ ﺍﺑﺘﺴﻢ : ﻗﻮﻝ ﻗﻠﺒﻲ ...
ﻭﻟﻴﺪ ﺍﺑﺘﺴﻢ : ﺭﺑﻲ ﻳﻨﻮﻝ ﻗﻠﺒﻚ ﻣﺮﺍﺩﻩ ..
ﺭﻳﺎﺽ ﺑﺈﺑﺘﺴﺎﻣﻪ : ﺇﻥ ﺷﺎﺀ ﺍﻟﻠﻪ
...
ﻋﻄﻚ ﺩﻋﻮﺓ .. ﺍﺛﻘﻞ
ﻫﻼﻝ : ﻫﻬﻬﻬﻬﻬﻬﻬﻬﻬﻪ .. ﺑﺎﻩ ﻳﺎﺣﻨﻲ ﻗﻮﻟﻴﻠﻲ ﺭﻳﺘﻮﻫﺎ ..
ﻗﻤﺮﺓ ﺑﻀﺤﻜﻪ : ﺍﻫﺎ .. ﺣﻨﺎ ﺣﻘﻴﻨﺎﻫﺎ ﻗﺒﻞ .. ﺳﻤﺤﻪ ﻭﺍﺟﺪ
ﻫﻼﻝ ﺑﻬﻴﺎﻡ : ﻭﺍﺍﺍﺟﺪ ﻭﺍﺍﺍﺟﺪ ....
ﺭﻣﻠﻪ : ﺗﺤﺸﻢ ....
ﻫﻼﻝ : ﻫﻬﻬﻬﻬﻬﻬﻬﻬﻬﻬﻪ
***
ﺳﺎﺭﺓ : ﻭﺍﻓﻘﻲ ﻧﻌﻮﻣﻪ ﺧﺎﻃﺮﻱ ﻓﻲ ﻋﺮﺱ ..
ﺍﻧﻌﺎﻡ : ﺣﺎﺿﺮ ﺣﻨﻮﺍﻓﻖ ﻉ ﺧﺎﻃﺮﻙ ﺑﺶ ﻣﺎﻳﻄﻠﻌﺶ ﻓﻲ ﺍﻟﻌﻴﻞ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻪ ...
ﻋﻠﻴﺎ ﺑﻀﺤﻜﻪ : ﺑﺠﺪﻳﺎﺕ ﻧﻌﻮﻣﻪ ﻧﺎﺱ ﻛﻮﻳﺴﻪ ﻭﺍﺿﺢ ..
ﺍﻧﻌﺎﻡ ﺗﻨﻬﺪﺕ : ﻳﺼﻴﺮ ﺧﻴﺮ ...
ﺳﺎﺭﺓ : ﺍﺳﺄﻟﻲ ﻋﻠﻴﻪ ﺍﻟﺤﺴﻦ ..
ﺍﻧﻌﺎﻡ : ﻣﻦ ﻏﻴﺮ ﻛﻼﻡ .. ﻭﻉ ﺍﻟﻠﻲ ﻳﻘﻮﻟﻪ ﺍﻟﺤﺴﻦ ﺣﻴﻜﻮﻥ ﻗﺮﺍﺭﻱ ..
ﻋﻠﻴﺎ ﻟﻤﺎ ﺟﺖ ﺳﻴﺮﺗﻪ ﺍﺫﻛﺮﺕ ﺍﻟﻤﻮﻗﻒ ﺍﻟﻠﻲ ﺻﺎﺭ ﺍﻟﻴﻮﻡ ﻭﺣﺴﺖ ﺑﻀﻴﻖ ﺷﺪﻳﺪ .. ﺍﻟﻠﻲ ﻣﻦ ﺑﻌﺪﻩ ﺍﻟﺤﺴﻦ ﻧﺰﻝ ﻃﻮﻝ ﻃﻠﻊ ﻣﻦ ﺍﻟﺤﻮﺵ ﺑﺪﻭﻥ ﻣﺎﻳﺘﻐﺪﺍ ﻭﻣﻦ ﺑﻌﺪﻫﺎ ﻣﻌﺎﺵ ﺟﻲ .. ﻋﺎﺭﻓﺎﺗﻪ ﺣﻔﻈﺖ ﺍﺳﻠﻮﺑﻪ ﺣﻴﺘﻌﻤﺪ ﻣﻌﺎﺵ ﻳﻮﺭﻳﻬﺎ ﻭﺟﻬﻪ ﻭﺣﻴﺘﺠﻨﺒﻬﺎ ﻟﻮﺻﺪﻓﺖ ﻭﺷﺎﻓﻮﺍ ﺑﻌﺾ ..
ﺣﺴﺖ ﺑﻀﻴﻖ ﺍﻛﺒﺮ .. ﻫﻲ ﻣﺎﺗﻘﺪﺭﺵ ﻉ ﺑﻌﺪﻩ .. ﺑﻌﺪﻩ ﻣﻮﺕ ﺑﻄﻴﺊ ﺑﺎﻟﻨﺴﺒﻪ ﻟﻴﻬﺎ .. ﻭﺍﻛﺜﺮ ﺷﻲ ﻗﺎﻫﺮﻫﺎ ﺍﻥ ﻛﻴﻒ ﻣﺶ ﻓﺎﻫﻢ ﻭﻣﺶ ﻋﺎﺭﻑ ﺍﻧﻬﺎ ﺗﺤﺒﻪ ﺑﻌﺪ ﻛﻞ ﺍﻟﻠﻲ ﺻﺎﺭ ...
***
ﺗﺤﺮﻭﺍ ﺑﺪﻗﻪ ﻭﻣﺎﺗﺨﻠﻮﺍ ﺣﺪ ﻳﺤﺲ ﻋﻠﻴﻜﻢ .. ﺣﻴﺎﺧﺪﻭﺍ ﺍﺣﺘﻴﺎﻃﺘﻬﻢ ﻟﻮ ﺣﺴﻮﺍ ...
: ﺗﻢ ﻳﺎﻓﻨﺪﻱ ... ﺷﻦ ﺻﺎﺭ ﻓﻲ ﺟﻤﺎﻋﺔ ﺍﻷﻣﻦ ﺍﻟﻌﺎﻡ ..
ﺍﻟﺤﺴﻦ : ﻗﺎﻋﺪﻳﻦ ﻳﺒﺎﻧﻮﺍ ﻭﺍﺣﺪ ﻭﺭﺍ ﺍﻟﺘﺎﻧﻲ .. ﻣﺶ ﺻﻌﺐ ﻫﻠﺒﻪ ﻳﻨﻜﺸﻔﻮﺍ ﻭﺍﻟﻀﺎﺑﻂ ﺍﻟﻠﻲ ﻭﻛﻠﻨﺎﻩ ﺑﺎﻟﻤﻬﻤﻪ ﻋﺎﺭﻑ ﺷﻦ ﻳﺪﻳﺮ ... ﺳﺎﻣﺮ .. ﺍﻟﺠﺎﻱ ﺍﺻﻌﺐ ..
ﺳﺎﻣﺮ : ﻋﺎﺭﻑ ﻳﺎﻓﻨﺪﻱ ... ﻭﺣﻨﻲ ﻗﺪﻫﺎ ﺑﺈﺫﻥ ﺍﻟﻠﻪ ..
ﺍﻟﺤﺴﻦ : ﺇﻥ ﺷﺎﺀ ﺍﻟﻠﻪ .. ﻧﺒﻴﻚ ﺗﻮﺍ ﺗﻜﻠﻤﻬﻢ .. ﻏﺪﻭﺓ ﺍﻟﺼﺒﺢ ﻳﺠﻴﺒﻮﺍ ﻳﻮﺳﻒ ﺍﻟﺸﺎﺭﺩ ﻫﻨﻲ ﺿﺮﻭﺭﻱ .. ﻭﺍﻛﺘﻤﻮﺍ ﺍﻟﻤﻮﺿﻮﻉ ...
ﺳﺎﻣﺮ : ﺗﻢ ﻳﺎﻓﻨﺪﻱ ..
ﺍﻟﺤﺴﻦ : ﺗﻘﺪﺭ ﺗﻨﺼﺮﻑ ..
ﺳﺎﻣﺮ ﺍﺩﻯ ﺍﻟﺘﺤﻴﻪ ﻭﻃﻠﻊ ...
ﺧﺶ ﻭﺍﺣﺪ ﻣﻦ ﺍﻟﻌﻨﺎﺻﺮ : ﻳﺎﻓﻨﺪﻱ ﺣﺘﻘﻌﺪ ﺍﻟﻠﻴﻠﻪ ﻫﻨﻲ ..
ﺍﻟﺤﺴﻦ ﺳﻜﺖ ﺷﻮﻳﻪ ﺑﻌﺪﻳﻦ ﻗﺎﻝ : ﺇﻳﻪ ..
***
ﺧﺶ ﻟﻠﺤﻮﺵ ﻣﺎﻟﻘﻬﺎﺵ ﻓﻲ ﺍﻟﺼﺎﻟﻪ ﺗﻮﺟﻪ ﻟﻠﺪﺍﺭ ﺍﻟﻨﻮﻡ ﻟﻘﺎﻫﺎ ﻣﻘﻌﻤﺰﺓ ﺗﺮﺍﺟﻊ ﻓﻲ ﺍﻟﻘﺮﺁﻥ ﻭﻻ ﻃﻠﻊ ﻭﻣﺸﻲ ﻟﻠﺼﺎﻟﻪ ﻗﻌﻤﺰ ﻉ ﺍﻟﻜﻨﺒﻪ ﻭﺍﺳﺘﺮﺧﻰ .. ﺷﻮﻳﻪ ﻭﻗﻌﻤﺰ ﻉ ﺣﻴﻠﻪ ﺷﺎﻑ ﻗﺪﺍﻣﻪ ﻣﺬﻛﺮﻩ .. ﺧﺪﺍﻫﺎ ﻓﺘﺤﻬﺎ ﻭﻗﻌﺪ ﻳﻘﻠﺐ ﻓﻴﻬﺎ .. ﻛﺎﻥ ﻳﺘﻔﺮﺝ ﻉ ﻧﻈﺎﻣﻬﺎ ﻭﺧﻄﻬﺎ ﺍﻟﺤﻠﻮ ﺑﺎﻟﻠﻐﻪ ﺍﻹﻧﺠﻠﻴﺰﻳﻪ ... ﻭﻫﻮ ﻳﻘﻠﺐ ﻃﺎﺣﺖ ﻋﻴﻨﻪ ﻉ ﻛﻼﻡ ﻣﻜﺘﻮﺏ ﻓﻲ ﺍﻋﻠﻰ ﻭﺣﺪﻩ ﻣﻦ ﺍﻟﺼﻔﺤﺎﺕ ...
ﺍﺳﻤﻪ ﺑﺎﻹﻧﺠﻠﻴﺰﻱ ﻣﺮﺳﻮﻡ ﺭﺳﻢ .. ﻭﻣﻜﺘﻮﺏ ﺗﺤﺘﻪ
ILove you to much ...
ﻫﻮ ﻣﻦ ﻓﺮﺣﺘﻪ ﺩﻣﻮﻋﻪ ﻋﺒﻮﺍ ﻋﻴﻮﻧﻪ ﻭﻗﻠﺒﻪ ﻗﻌﺪ ﻳﺪﻕ ﺑﻘﻮﺓ .. ﺍﻧﺠﺬﺏ ﻟﺼﻮﺗﻬﺎ ﻭﻫﻲ ﺗﻘﺮﺍ ﻓﻲ ﺍﻟﻘﺮﺁﻥ ﺗﻤﺪﺩ ﻉ ﺍﻟﻜﻨﺒﻪ ﺑﻌﺪ ﻣﺎﺳﻜﺮ ﺍﻟﻤﺬﻛﺮﺓ ﻭﺣﻄﻬﺎ ﻉ ﺍﻟﻄﺎﻭﻟﻪ ﻭﻗﻌﺪ ﻳﺴﻤﻊ ﺑﺨﺸﻮﻉ ...
***
ﻣﻄﻔﻴﻪ ﺍﺿﻮﻳﺔ ﺍﻟﺤﻮﺵ ﻣﺎﻋﺪﺍ ﺍﻟﺨﺎﻓﺘﻪ .. ﻭﻣﻘﻌﻤﺰﺓ ﺑﺠﺴﻤﻬﺎ ﻛﻠﻪ ﻉ ﺍﻟﻜﻨﺒﻪ ﺍﻟﻠﻲ ﻛﺎﻧﺖ ﺗﺠﻤﻌﻬﻢ ﻭﺗﻌﻴﺶ ﻓﻴﻬﺎ ﻣﻌﺎﻩ ﺍﺣﻠﻰ ﺍﻟﻠﺤﻈﺎﺕ .. ﺍﺳﺘﻨﺖ ﻫﻠﺒﻪ ﺑﺲ ﺑﻼ ﻓﺎﻳﺪﻩ .. ﻭﺍﺿﺢ ﺍﻧﻪ ﻣﺶ ﺟﺎﻱ .. ﻗﻌﺪﺕ ﺗﺒﻜﻲ ﻛﺎﻟﻌﺎﺩﻩ .. ﺣﺒﻪ ﻋﺬﺑﻬﺎ ﻫﻠﺒﻪ ﻫﻠﺒﻪ ﺑﺲ ﻉ ﻗﻠﺒﻬﺎ
ﻋﺬﺍﺑﻪ ﺃﺣﻠﻰ ﻣﻦ ﺍﻟﻌﺴﻞ ❤
***
ﻳﺤﺴﺎﺏ ﺑﻨﻮﺍﻓﻖ ﻋﻠﻴﻪ ﻟﻮ ﺩﺍﺭ ﻫﻜﻲ ..
ﺟﻨﺎﻥ ﺑﻀﺤﻜﻪ : ﻣﺎﻧﻌﺮﻓﻜﺶ ﻣﻌﺎﻧﺪﻳﻪ ..
ﺧﻮﻟﻪ : ﻣﺶ ﻋﻨﺎﺩ ﺑﺲ ﻣﺶ ﻋﺎﺭﻓﻪ ﺣﺴﺎﺗﻪ ﻟﻌﺐ ﺑﻴﺎ ..
ﺟﻨﺎﻥ : ﻟﻌﺐ ﺑﻴﻚ ﻳﺒﻌﺖ ﺍﻣﻪ ﺗﺨﻄﺒﻚ !
ﺧﻮﻟﻪ : ﺑﺎﻩ ﺍﻟﻠﻲ ﺩﺍﺭﻩ ﻫﺬﺍ ﻛﻠﻪ ﺷﻦ ﺗﺴﻤﻴﻪ ..
ﺟﻨﺎﻥ : ﺍﺳﻠﻮﺏ ﺣﻠﻮ ﻭﺟﺪﻳﺪ ﻳﺒﻲ ﻳﺘﻌﺮﻑ ﻋﻠﻴﻚ ﻛﻮﻳﺲ ﻭﺑﻌﺪﻳﻦ ﻳﺘﻘﺪﻣﻠﻚ ﺑﺲ ﺑﻄﺮﻳﻘﺘﻪ ..
ﺧﻮﻟﻪ ﺳﻜﺘﺖ ﻭ ﻣﻌﺼﺒﻪ ...
ﺟﻨﺎﻥ : ﺗﻌﺮﻓﻲ .. ﺗﻮﺍ ﺗﺄﻛﺪﺕ ﺍﻛﺜﺮ ﺍﻥ ﻫﻮ ﻭﺭﺍ ﺣﻜﺎﻳﺔ ﻭﺭﻗﺔ ﺍﻟﻄﻼﻕ ..
ﺧﻮﻟﻪ ﺑﺪﻫﺸﻪ : ﺍﻳﻪ ﻭﺍﻟﻠﻪ ﻣﺎﻧﺴﺘﺒﻌﺪﻫﺎ .. ﻛﻴﻒ ﻣﺎﻓﻜﺮﺗﺶ ﻓﻴﻬﺎ ﻣﻦ ﺍﻟﺒﺪﺍﻳﻪ ..
ﺟﻨﺎﻥ : ﻫﻬﻬﻬﻬﻬﻬﻪ ... ﻭﺍﻟﻠﻪ ﻳﻬﺒﻞ ﺍﻟﺮﺍﺟﻞ ﻫﻮ ..
ﺧﻮﻟﻪ ﺑﺎﻣﺘﻌﺎﺽ : ﺧﻮﺩﻳﻪ ..
ﺟﻨﺎﻥ ﺑﺈﺑﺘﺴﺎﻣﻪ : ﻋﻨﺪﻱ ﻣﻦ ﻳﻤﻠﻰ ﻋﻴﻨﻲ ❤
ﺧﻮﻟﻪ : ﻧﻤﻮﻭﻭﻭﺕ ﻭﻧﻌﺮﻑ ﻣﻦ ﻫﻮ ..
ﺟﻨﺎﻥ : ﻫﻬﻬﻬﻬﻬﻬﻬﻬﻪ ﺑﻌﻴﺪ ﺍﻟﺴﻮ ﻋﻠﻴﻚ ﻳﺎﺧﻮﺧﻪ .. ﻣﺎﺯﺍﻝ ﻳﺒﻮﻙ ..
ﺧﻮﻟﻪ ﺣﺪﻓﺖ ﻋﻠﻴﻬﺎ ﺍﻟﻤﺨﺪﻩ ..
ﺟﻨﺎﻥ : 😂
***
ﻛﻴﻒ ﺧﺸﺖ ﻓﺮﺍﺷﻬﺎ ﻟﻤﺎ ﺳﻤﻌﺖ ﺭﻧﺖ ﺗﻠﻴﻔﻮﻧﻬﺎ ﻭﻛﺎﻥ ﻣﺴﺞ ..
( ﻏﺪﻭﺓ ﺣﻨﺠﻴﺐ ﺩﺍﺭ ﺍﻟﻨﻮﻡ ﺑﻠﻐﻲ ﺑﻮﻙ .. ﻧﺤﺒﻚ (❤
ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﺳﻜﺮﺕ ﺗﻠﻴﻔﻮﻧﻬﺎ ﻭﺣﻄﺎﺗﻪ ﻉ ﺍﻟﻜﺎﻣﺪﻳﻨﻮ ﻭﻛﻤﻠﺖ ﺑﻜﺎﻫﺎ ﻉ ﻣﺨﺪﺗﻬﺎ ﺍﻟﻠﻲ ﻛﺎﻧﺖ ﻭﺣﺪﻫﺎ ﻣﺸﺎﺭﻛﺘﻬﺎ ﺟﺮﺣﻬﺎ ﻭﺍﻟﻤﻬﺎ ﺍﻟﻜﺒﻴﺮ 💔...
***
ﻃﻠﻌﺖ ﻣﻦ ﺍﻟﺪﺍﺭ .. ﺗﻔﺎﺟﺌﺖ ﻟﻤﺎ ﻟﻘﺎﺗﻪ ﺭﺍﻗﺪ ﻓﻲ ﺍﻟﺼﺎﻟﻪ ﺟﺖ ﺗﻨﻮﺽ ﻓﻴﻪ ..
ﻫﺎﻟﻪ : ﺣﺴﺎﻥ .. ﺣﺴﺎﻥ ...
ﺣﺴﺎﻥ ﻓﺘﺢ ﻋﻴﻮﻧﻪ ﺑﺎﻟﺸﻮﻳﻪ ﻣﺠﺮﺩ ﺷﺎﻓﻬﺎ ﺍﺑﺘﺴﻢ ..
ﻫﺎﻟﻪ ﺑﺈﺑﺘﺴﺎﻣﻪ : ﻧﻮﺽ ﺍﺭﻗﺪ ﺩﺍﺧﻞ ..
ﺣﺴﺎﻥ ﻗﻌﻤﺰ ﻉ ﺣﻴﻠﻪ ﺑﺲ ﺷﺒﻪ ﻣﺶ ﻓﺎﻳﻖ ﺗﻤﺎﻣﺎ ﺭﺟﻊ ﺍﺗﻜﻲ ﻉ ﺍﻟﻜﻨﺒﻪ ..
ﻫﺎﻟﻪ ﺟﺖ ﺣﺪﺍﻩ : ﺣﺴﺎﻥ ﻧﻮﺽ ﺍﻟﺠﻮ ﻣﺼﻘﻊ ﻫﻨﻲ .. ﻭﺍﻧﻲ ﻧﺒﻲ ﺍﻟﺪﻓﺎﻳﻪ ﻓﻲ ﺍﻟﺪﺍﺭ ﺩﺍﺧﻞ ..
ﺣﺴﺎﻥ ﺑﺼﻮﺕ ﻳﺪﻭﺏ ﻃﺎﻟﻊ : ﻗﺮﺑﻲ ﻣﻨﻚ .. ﻳﺪﻓﻴﻨﻲ .. ﻧﺤﺒﻚ .. ﺑﺠﻨﻮﻥ ..
ﻫﺎﻟﻪ ﻣﻌﺎﺵ ﻋﺮﻓﺖ ﺷﻦ ﺗﺮﺩ ..
ﺣﺴﺎﻥ : ﻗﻮﻟﻴﻬﺎ ﻣﺎﺗﺨﻠﻴﻬﺎﺵ ﻣﻜﺘﻮﻣﻪ ﻫﻠﺒﻪ .. ﻗﺮﺏ ﻣﻨﻬﺎ .. ﻧﺒﻲ ﻧﺴﻤﻌﻬﺎ ﻧﺒﻲ ﻧﺎﺭ ﻗﻠﺒﻲ ﺗﻬﺪﺍ ..
ﻫﺎﻟﻪ ﻣﺮﺗﺒﻜﻪ ﻫﻠﺒﻪ ﻭﻗﻠﺒﻬﺎ ﻳﺪﻕ ﺑﻌﻨﻒ ...
ﺣﺴﺎﻥ ﻳﺸﺒﺢ ﻟﺘﻔﺎﺻﻴﻞ ﻭﺟﻬﻬﺎ : ﻗﻮﻟﻲ ﻧﺤﺒﻚ ﺣﺴﺎﻥ ..
ﻫﺎﻟﻪ ﺗﺸﺒﺢ ﻟﻌﻴﻮﻧﻪ ﻭﺗﺘﻨﻔﺲ ﺑﺼﻌﻮﺑﻪ ..
ﺣﺴﺎﻥ ﺍﺑﺘﺴﻢ ﺑﻬﻴﺎﻡ : ﻣﺶ ﻻﺯﻡ ﺗﻘﻮﻟﻴﻬﺎ .. ﻧﺸﻮﻑ ﻓﻴﻬﺎ ﻓﻌﻴﻮﻧﻚ .. ﻭﻧﺴﻤﻊ ﻓﻴﻬﺎ ﻣﻦ ﺩﻗﺎﺕ ﻗﻠﺒﻚ .. ﻗﺮﺏ ﻣﻨﻬﺎ ﻭﺑﺎﺳﻬﺎ .. ﺑﻮﺳﻪ ﻃﻮﻳﻴﻴﻴﻴﻠﻪ ... ﻫﺎﻟﻪ ﻣﺎﻗﺪﺭﺗﺶ ﺗﻘﺎﻭﻣﻪ ﺑﺘﻘﺎﻭﻡ ﺷﻨﻲ ﻫﻲ ﺳﻌﻴﺪﻩ ﺑﻬﺎﻟﻠﺤﻈﺎﺕ ﺯﻳﻪ ﻭﻳﻤﻜﻦ ﺍﻛﺜﺮ .. ﺑﻌﺪ ..
ﺣﺴﺎﻥ ﺑﻬﻴﺎﻡ ﺷﺪﻳﺪ : ﻧﻮﺿﻲ ﻧﺮﻗﺪﻭﺍ ..
ﻫﺎﻟﻪ ﺑﺨﺠﻞ ﺷﺪﻳﺪ : ﺍﺣﻤﻢ ﺣﺴﺎﻥ .. ﺍﻧﻲ ..
ﺣﺴﺎﻥ ﺑﻀﺤﻜﻪ : ﻋﺎﺭﻑ ﻳﺎﻗﻠﺒﻲ .. ﺑﻨﺮﻗﺪ ﺣﺘﻰ ﺍﻧﻲ .. ﻣﺎﺗﺨﺎﻓﻴﺶ ﺣﻴﺼﻴﺮ ﻛﻞ ﺷﻲ ﻟﻤﺎ ﺍﻧﺘﻲ ﺗﺒﻲ ..
ﻫﺎﻟﻪ ﺍﻛﺘﻔﺖ ﺑﺈﺑﺘﺴﺎﻣﻪ ﻭﻧﺎﺿﻮﺍ ﻣﻊ ﺑﻌﺾ ﻭﺧﺸﻮﺍ ﻟﻠﺪﺍﺭ ....
***
ﻗﻠﺒﻪ ﻏﺼﺐ ﻋﻨﻪ ﻛﺎﻟﻌﺎﺩﻩ ﺟﺮﻩ ﺟﺮ ﻟﻴﻬﺎ .. ﺧﺶ ﻟﻠﺸﻘﻪ .. ﻟﻘﻲ ﺍﻻﺿﻮﻳﻪ ﺍﻟﺨﺎﻓﺘﻪ ﻣﻔﺘﻮﺣﻪ .. ﺑﺎﻧﺖ ﻋﻠﻴﻪ ﻛﻴﻒ ﻭﺍﺧﺪﻫﺎ ﺍﻟﻨﻮﻡ ﻭﻫﻲ ﻣﺘﻜﻴﻪ ﻉ ﺍﻟﻜﻨﺒﻪ ﺍﻛﻴﺪ ﺍﻟﻨﻮﻣﻪ ﺑﺎﻟﺸﻜﻞ ﻫﺬﺍ ﺗﻌﺒﺘﻬﺎ .. ﻗﺪﻡ .. ﻗﺎﻣﻬﺎ ﻓﻲ ﺣﻀﻨﻪ ﻣﺘﻮﺟﻪ ﺑﻴﻬﺎ ﻟﻠﺪﺍﺭ ﺑﺶ ﺗﺮﻗﺪ ﻉ ﺍﻟﺴﺮﻳﺮ ﻣﺠﺮﺩ ﻣﺎﺣﻄﻬﺎ ﻓﺎﻗﺖ ﻓﺘﺤﺖ ﻋﻴﻮﻧﻬﺎ ﺍﻟﻠﻲ ﺟﻮ ﻓﻌﻴﻮﻧﻪ ... ﻗﻌﺪﺕ ﺗﺸﺒﺤﻠﻬﻢ ﻭﻫﻮ ﻣﻠﺨﺒﻂ ﻉ ﺍﻷﺧﺮ ﻣﻦ ﻗﺮﺑﻪ ﻟﻴﻬﺎ ﻭﻧﻈﺮﺍﺗﻬﺎ .. ﺍﺑﺘﺴﻤﺖ ﻭﺑﺎﻟﺸﻮﻳﻪ ﺣﻄﺖ ﺍﻳﺪﻫﺎ ﻭﺭﺍ ﺭﻗﺒﺘﻪ ﻭﺑﻤﺸﺎﻋﺮ ﻗﻮﻳﻪ ﺍﻧﺪﻓﻌﺖ ﻓﻲ ﻟﺤﻈﻪ ﻗﺎﻟﺖ : ﻧﺤﺒﻚ ...❤ ﻣﻮﺕ ❤
ﻗﺮﺑﺎﺗﻪ ﻟﻴﻬﺎ ﻭﺑﺎﺳﺘﻪ .. ﻫﻮ ﺍﻧﺼﺪﻡ ﺑﺲ ﺷﻮﻳﻪ ﻭﻟﻘﻲ ﺭﻭﺣﻪ ﻏﺎﺭﻕ ﻓﻴﻬﺎ ﻓﻲ ﺍﺣﻠﻰ ﻟﺤﻈﻪ ﻗﺎﻋﺪ ﻳﻌﻴﺸﻬﺎ ﻓﻲ ﺣﻴﺎﺗﻪ ﻛﻠﻬﺎ ﻭﻳﺘﻤﻨﻲ ﻟﻮ ﻣﺎﺗﻨﺘﻬﻴﺶ .. ﺑﻌﺪ ﻟﺤﻈﺎﺕ .. ﻫﻲ ﺑﻌﺪﺕ ﻭﺣﻮﻟﺖ ﺍﻳﺪﻫﺎ ..
ﻋﻠﻴﺎ ﺑﻤﻼﻣﺢ ﻧﺎﻋﺴﻪ : ﺑﻨﺮﻗﺪ .. ﻭﺭﻗﺪﺕ ﻉ ﺟﻨﺒﻬﺎ .. ﻭﻣﺸﺖ ﻓﻲ ﺍﻟﻨﻮﻡ .. ﻫﻮﻧﺎﺽ ﻉ ﺣﻴﻠﻪ ﻭﻗﻌﺪ ﻳﻀﺤﻚ .. ﺻﺢ ﻣﺎﻛﺎﻧﺘﺶ ﻭﺍﻋﻴﻪ ﺗﻤﺎﻣﺎ .. ﺑﺲ ﺍﻹﻧﺴﺎﻥ ﻓﻲ ﻟﺤﻈﺎﺕ ﺯﻱ ﻫﺎﺩﻱ ﻳﻜﻮﻥ ﻓﻲ ﺃﺻﺪﻕ ﺣﺎﻻﺗﻪ ..
ﻫﻮ ﺍﻭﻝ ﻣﺮﺓ ﻳﺤﺲ ﺑﺴﻌﺎﺩﻩ ﻣﻦ ﻧﻮﻉ ﺧﺎﺹ ﻟﻴﻬﺎ ﻃﻌﻢ ﻏﻴﻴﻴﺮ .. ﺣﻠﻮ ﺑﺎﻟﻤﺮﺓ .. ﻋﻤﺮﻩ 38 ﺳﻨﻪ .. ﻓﻬﺎﻟﻴﻮﻡ ﻭﻻﻋﻤﺮﻩ 38 ﺳﻨﻪ .. ﺑﺲ ﺑﺎﻟﻨﺴﺒﻪ ﻟﻴﻪ ﻣﻦ ﻛﻢ ﺩﻗﻴﻘﻪ .. ﻫﻮ ﺍﻧﻮﻟﺪ .. ﻳﻮﻡ ﻣﻴﻼﺩﻩ ﺑﺎﻟﻨﺴﺒﻪ ﻟﻴﻪ ﻓﻲ ﻫﺎﻟﻠﺤﻈﻪ .. ﻟﻮﺳﺄﻟﻮﻩ ﻛﻢ ﻭﻻ ﻋﻤﺮﻙ ﺍﻟﻴﻮﻡ ﺣﻴﺮﺩﻗﺎﺋﻼ : 10 ﺩﻗﺎﻳﻖ ❤.....💗💕💖
.... ﻳﺘﺒﻊ
