منقولة
#الحسن
ﺍﻟﺠﺰﺀ ﺍﻟﺘﺎﺳﻊ ﻭﺍﻟﻌﺸﺮﻳﻦ 🌹🌹💖💖
للكاتبة GomanFared
ﻫﻮ ﻣﺎﺷﻲ ﻣﺘﻮﺟﻪ ﻟﺨﻴﻤﺔ ﺍﻟﺮﺟﺎﻟﻪ ﻭﻗﺎﻋﺪﻩ ﺑﻴﻦ ﻋﻴﻮﻧﻪ .. ﺑﻴﻬﺒﻞ ﻋﻠﻴﻬﺎ .. ﻃﻮﻝ ﺍﻟﻮﻗﺖ ﺷﺎﻏﻠﻪ ﺗﻔﻜﻴﺮﻩ .. ﻭﺷﻮﻗﻪ ﺑﺪﻱ ﻳﻜﺒﺮ ﻭﻳﻜﺒﺮ ﻭﻳﻜﺒﺮ ..
ﻭﺻﻞ ﻓﻲ ﺍﻟﺨﻴﻤﻪ ..
ﺳﺮﻣﺪ : ﻭﻳﻦ ﺍﻟﻮﺭﻗﻪ ..
ﺍﻟﺤﺴﻦ ﺑﺈﺳﺘﻐﺮﺍﺏ : ﺃﻣﺎ ﻭﺭﻗﻪ ...
ﻣﺤﻤﺪ ﻋﻤﻪ : ﺍﻟﻮﺭﻗﻪ ﻣﺘﺎﻉ ﺍﻷﺭﺽ ﺍﻟﻠﻲ ﻗﺎﻟﻚ ﻋﻠﻴﻬﺎ ..
ﺍﻟﺤﺴﻦ ﺍﺫﻛﺮ ﺇﻥ ﻛﺎﻥ ﻣﺎﺷﻲ ﻳﺠﻴﺐ ﻭﺭﻗﻪ ﺃﺭﺽ ﺗﺨﺺ ﺳﺮﻣﺪ ﻣﻦ ﺷﻘﺘﻪ ﻧﺴﺎﻫﺎ ﻣﺮﺓ ﻭﺣﺪﺓ ﻛﻠﻪ ﻣﻨﻬﺎ ﻫﻲ 💓
ﺍﻟﺤﺴﻦ ﺑﺮﺑﻜﻪ : ﺀﺍ .. ﺯﺣﻤﻪ ﻭﻧﺴﺎﻭﻳﻦ .. ﻭﺩﻭﺷﻪ ﻳﺎﺭﺍﺟﻞ .. ﺣﺘﻰ ﻏﺪﻭﺓ .. ﻫﻮﺭﺍﺟﻞ ﺧﺎﻟﺘﻚ ﺑﺎﻳﺖ ... ﺷﺒﺢ ﻟﻠﺮﺍﺟﻞ .. ﺑﺎﻳﺖ؟
ﺍﻟﺮﺍﺟﻞ : ﺍﻳﻪ ﺑﺎﻳﺖ ..
ﺍﻟﺤﺴﻦ : ﻫﺎﻩ ﺧﻼﺹ ﻭﺷﺒﺢ ﺍﻟﻘﺪﺍﻡ ﻭﺟﻬﻪ ﺃﺣﻤﺮ ..
ﺳﺮﻣﺪ ﺍﺑﺘﺴﻢ ﻭﻛﺈﻥ ﻓﻬﻢ ﺷﻨﻲ ﺍﻟﻠﻲ ﺻﺎﺭ ..
...
ﻋﻨﺪ ﺍﻟﻨﺴﺎﻭﻳﻦ ﻣﺠﺮﺩ ﺧﺸﺖ ﻋﻠﻴﺎ ﻭﺣﻮﻟﺖ ﻋﺒﺎﻳﺘﻬﺎ .. ﻓﺘﺤﻮﺍ ﻓﻤﻬﻢ ﻓﻴﻬﺎ ﻭﻧﺴﻮﺍ ﺻﺎﺣﺒﺔ ﺍﻟﺸﺄﻥ ﻣﺮﺓ ﻭﺣﺪﻩ .. ﻛﺎﻧﺖ ﻣﺒﻬﺮﺓ .. ﻣﺬﻫﻠﻪ .. ﻭﻗﻔﻄﺎﻧﻬﺎ ﻓﻀﻴﻴﻴﻊ .. ﻫﻲ ﺍﺣﻤﺮ ﻭﺟﻬﻬﺎ ﻣﻦ ﻧﻈﺮﺍﺗﻬﻢ ﺍﻟﻠﻲ ﻣﺤﺎﺻﺮﺗﻬﺎ ...
ﺟﺘﻬﺎ ﺟﻨﺎﻥ : ﻭﺍﺍﺍﺍﺍﺍﺍﻭ ﻟﻠﻮﺷﻪ ﻭﺍﺍﺍﺍﺍﻭ
ﻋﻠﻴﺎ ﺍﺑﺘﺴﻤﺖ : ﻣﺎﻻ ﺷﻦ ﻧﻘﻮﻝ ﻋﻠﻴﻚ ﺍﻧﺘﻲ ﺗﻬﺒﺒﺒﻠﻲ ..
ﺟﻨﺎﻥ : ﺍﻧﺘﻲ ﻗﻠﻌﺘﻲ ﺍﻟﻜﻞ ﻫﻨﻲ .. ﺍﻟﻘﻔﻄﺎﻥ ﻳﺠﻨﻦ ..
ﻋﻠﻴﺎ : ﺫﻭﻕ ﺧﻮﻙ ..
ﺟﻨﺎﻥ ﺑﺈﺳﺘﻐﺮﺍﺏ : ﻣﻦ ﺧﻮﻱ ..
ﻋﻠﻴﺎ ﺑﻀﺤﻜﻪ : ﻣﻦ ﺧﻮﻙ ﻳﻌﻨﻲ ﺭﺍﺟﻠﻲ ..
ﺟﻨﺎﻥ ﺑﺪﻫﺸﻪ : ﻣﺴﺘﺤﻴﻴﻴﻴﻴﻴﻞ ..
ﻋﻠﻴﺎ : ﻭﺍﻟﻠﻪ ﺫﻭﻗﻪ ﻫﻮ ﺍﻟﻠﻲ ﺧﺪﺍﻩ ..
ﺟﻨﺎﻥ : ﻫﺬﺍ ﻣﺮﻛﺰ ﻋﻠﻴﻚ ﻛﻮﻳﺲ ﻣﻘﺎﺳﻚ .. ﻃﻮﻟﻚ ﻭﺯﻧﻚ ..
ﻋﻠﻴﺎ ﻭﺟﻬﻬﺎ ﻭﻻ ﺃﺣﻤﺮ ..
ﻛﻠﻬﻢ ﺑﻌﺪﻳﻦ ﺟﻮﻫﺎ ﻭﺳﺄﻟﻮﻫﺎ ﻋﻠﻴﻪ ﻭﺗﻔﺎﺟﺌﻮﺍ ﻟﻤﺎ ﻋﺮﻓﻮﺍ ﺇﻥ ﺍﻟﻠﻲ ﺟﺎﻳﺒﻪ ﺍﻟﺤﺴﻦ .. ﺑﻨﺎﺕ ﺍﺧﺖ ﺑﺮﻧﻴﻪ ﻣﺶ ﻃﺎﻳﻘﻴﻨﻬﺎ ﻭﺑﺎﻟﺬﺍﺕ ﺍﻟﻌﺮﻭﺳﺔ ﻣﺘﺎﻉ ﺍﻟﺒﻴﺎﻥ ﺧﻄﻔﺖ ﻣﻨﻬﺎ ﺍﻷﺿﻮﺍﺀ 😂
ﺍﻟﻤﻬﻢ .. ﺗﻤﺖ ﺣﻔﻠﺔ ﺍﻟﺒﻴﺎﻥ .. ﻭﻛﻞ ﺣﺪ ﺗﻮﺟﻪ ﻟﺤﻮﺷﻬﻢ .. ﻭﺍﻟﻠﻲ ﺑﺎﻳﺖ ﻟﻮﻃﺎ ﺑﺎﻳﺖ ..
ﺭﻛﺒﻮﺍ ﻋﻠﻴﺎ ﻭﻫﺎﻟﻪ ﺳﺎﻋﺪﺕ ﻋﻠﻴﺎ ﻓﻲ ﺍﻟﻘﻔﻄﺎﻥ ﻟﻴﻦ ﻭﺻﻠﻮﺍ ﻓﻲ ﺷﻘﻘﺎﻫﻢ ﻭﺧﺸﻮﺍ ﺍﻟﺰﻭﺯ ...
ﻋﻨﺪﻫﺎﻟﻪ ...
ﺧﺸﺖ ﺣﻮﻟﺖ ﻋﺒﺎﻳﺘﻬﺎ ﻭﺣﻄﺘﻬﺎ ﻉ ﺍﻟﺴﺮﻳﺮ ﻭﺑﺪﺕ ﺗﺤﻮﻝ ﻓﻲ ﺍﻟﺬﻫﺐ ﻉ ﺧﺸﺔ ﺣﺴﺎﻥ .. ﺍﻟﻠﻲ ﺷﺎﻑ ﻛﻨﺪﺭﺗﻬﺎ ﺑﺤﺪﺍ ﺍﻟﺒﺎﺏ ﺍﺑﺘﺴﻢ
ﺗﻮﺟﻪ ﻟﺪﺍﺭ ﺍﻟﻨﻮﻡ ..
ﻫﺎﻟﻪ : ﺍﺣﻤﻢ .. ﻛﻤﻠﺘﻮﺍ ﺍﻟﺤﻮﺳﻪ ..
ﺣﺴﺎﻥ ﻣﺴﺘﻮﻩ ﻓﻴﻬﺎ ﻭﺧﻼﺹ ..
ﻫﺎﻟﻪ ﺷﺒﺤﺖ ﻟﻠﻤﺮﺍﻳﻪ ﻭﺟﻬﻬﺎ ﺍﺣﻤﺮ ..
ﺣﺴﺎﻥ ﻻﺇﺭﺩﺍﻳﺎ ﻗﺪﻡ ﻭﺟﻲ ﺟﻨﺒﻬﺎ ﺣﻮﻟﻠﻬﺎ ﺍﻟﺨﺮﺻﻪ ﺍﻟﻠﻲ ﻣﻦ ﺑﻜﺮﻱ ﻭﻫﻲ ﺣﺎﺻﻠﻪ ﻓﻴﻬﺎ ..
ﻫﺎﻟﻪ ﺳﺨﻨﺖ ﻣﻦ ﻗﺮﺑﻪ ﻛﺎﻥ ﻗﺮﻳﺐ ﻫﻠﺒﻪ .. ﻭﻫﻮ ﺑﺪﻱ ﻳﻀﻴﻊ ﻭﻫﻮ ﻳﺸﻢ ﻓﻲ ﺭﻳﺤﺘﻬﺎ ..
ﻫﺎﻟﻪ ﺗﺒﻲ ﺗﻬﺮﺏ : ﺗﺮﺍ ﺷﻮﻳﻪ ..
ﺣﺴﺎﻥ ﺑﺼﻮﺕ ﻫﺎﺩﻱ : ﻭﻳﻦ ..
ﻫﺎﻟﻪ : ﺣﻮﻝ ﺧﻞ ﺑﻨﺒﺪﻝ ﻭﻧﺮﻗﺪ ..
ﺣﺴﺎﻥ ﺑﻬﻴﺎﻡ : ﻭﺍﻧﻲ ﺷﻦ ﺑﻴﺮﻗﺪﻧﻲ ..
ﻫﺎﻟﻪ : ﺍﺣﻤﻢ .. ﺣﺴﺎﻥ ..
ﺣﺴﺎﻥ ﺑﻬﻴﺎﻡ ﺷﺪﻳﺪ : ﻃﺎﻟﻌﻪ ﺗﻬﺒﻠﻲ ﺗﻬﺒﺒﺒﺒﻠﻲ ..
ﻫﺎﻟﻪ ﺳﻜﺘﺖ ﻭﺭﺍﺳﻬﺎ ﻟﻮﻃﺎ ..
ﺣﺴﺎﻥ ﻗﺎﻡ ﺭﺍﺳﻬﺎ ﺑﺼﻮﺍﺑﻌﻪ ﻭﻗﻌﺪ ﻣﺮﻛﺰ ﻉ ﻣﻜﺎﻥ ﻭﺍﺣﺪ ﻓﻲ ﻭﺟﻬﻬﺎ : ﻫﺎﻟﻪ .. ﻫﺎﻟﻪ .. ﺍﻧﻲ .. ﻗﻠﺒﻲ .. ﻳﻮﺟﻊ ﻓﻴﺎ ..
ﻫﺎﻟﻪ ﺗﺸﺒﺢ ﻟﻌﻴﻮﻧﻪ ﺍﻟﺪﺍﺑﻠﻪ ﻭﺑﺪﻭﺥ ﻣﻦ ﺍﻟﺨﺠﻞ .
ﺣﺴﺎﻥ : ﻫﺎﻟﻪ .. ﺍﻧﺘﻲ .. ﺍﻧﺘﻲ ﺧﻠﻴﺘﻨﻲ .. ﺁﺍﺍﻩ ﺣﺘﻰ ﺍﻟﻜﻼﻡ ﻣﺶ ﻗﺎﺩﺭ ﻧﺘﻜﻠﻢ ..
ﻫﺎﻟﻪ : ﺣﻮﻝ ﺣﺴﺎﻥ ..
ﺣﺴﺎﻥ ﺑﻬﻴﺎﻡ : ﻻ .... ﻗﺮﺏ ﺃﻛﺜﺮ ..
ﺑﺲ ﻫﺎﻟﻪ ﺍﻟﻠﻲ ﻛﺎﻧﺖ ﻉ ﻭﺷﻚ ﺍﻹﺳﺘﺴﻼﻡ ﺟﻲ ﺑﻴﻦ ﻋﻴﻮﻧﻬﺎ ﺣﺴﺎﻥ ﻣﺘﺎﻉ ﺍﻟﻨﺴﺎﻭﻳﻦ ﺍﻟﻠﻲ ﻣﺮﺍﺕ ﻧﻈﺮﺗﻪ ﻟﻴﻬﺎ ﺯﻱ ﻧﻈﺮﺗﻪ ﺍﻟﻠﻲ ﻋﺮﻓﻬﻢ ﻗﺒﻞ ﺑﺎﻟﺤﺮﺍﻡ .. ﺑﻜﻞ ﻗﻮﺗﻬﺎ ﺩﻓﺎﺗﻪ ..
ﻫﻮ ﺍﻧﺼﺪﻡ .. ﻭﻫﻲ ﻛﺎﻧﺖ ﺗﺸﺒﺤﻠﻪ ﺑﻨﻈﺮﺓ ﺣﺎﺩﻩ .
ﻫﺎﻟﻪ : ﺭﺩ ﺑﺎﻟﻚ ﺗﻔﻜﺮ ﺍﻥ ﻣﻤﻜﻦ ﻧﺴﻠﻤﻚ ﻧﻔﺴﻲ ﻭﺍﻧﻲ ﻋﺎﺭﻓﺔ ﻛﻮﻳﺲ ﺍﻧﻚ ﺗﺸﻮﻓﻠﻲ ﺑﺸﻬﻮﺍﻧﻴﻪ ﺯﻳﻲ ﺯﻱ ﻏﻴﺮﻱ .. ﺭﻩ ﻣﺮﻛﺰﺓ ﻋﻠﻴﻚ ﻗﺎﻋﺪ ﺗﻜﻠﻢ ﻭﻗﺎﻋﺪ ﻓﻲ ﺳﺮﻳﺒﻚ ﺍﻷﻭﻝ ﻟﻜﻦ ﻣﺘﺠﺎﻫﻠﻪ ﻷﻧﻪ ﻣﺎﻳﻬﻤﻨﺶ ﻛﻞ ﺍﻟﻠﻲ ﻳﻬﻤﻨﻲ ﺇﻧﻲ ﻧﻌﻴﺶ ﺑﺴﻼﻡ ﻭﺧﻼﺹ .. ﺑﻌﻴﺪ ﻋﻦ ﺍﻟﻤﺸﺎﻛﻞ ..
ﺣﺴﺎﻥ ﻷﻭﻝ ﻣﺮﺓ ﻳﻨﺠﺮﺡ ﻗﻠﺒﻪ ﺗﻮﺟﻊ ﻟﻴﻦ ﺧﻼﺹ : ﻟﻮ ﻛﻨﺖ ﻧﺸﻮﻓﻠﻚ ﺑﺎﻟﻨﻈﺮﻩ ﺍﻟﻠﻲ ﻗﻠﺘﻲ ﻋﻠﻴﻬﺎ .. ﺭﻩ ﻣﻦ ﺯﻣﺎﻥ ﺣﻘﻲ ﺍﻟﺸﺮﻋﻲ ﻭﺍﺧﺪﻩ ﺗﺒﻲ ﻭﻻﻣﺎﺗﺒﻴﺶ .. ﻭﺍﻣﺎ ﻗﺼﺔ ﺍﻧﻲ ﻧﻜﻠﻢ ﻓﻲ ﻏﻴﺮﻙ .. ﻓﻴﺸﻬﺪ ﻋﻠﻴﺎ ﺭﺑﻲ ﻣﻦ ﺍﻟﻴﻮﻡ ﺍﻟﻠﻲ ﺻﺎﺭ ﺑﻴﻨﻲ ﻭﺑﻴﻨﻚ ﻓﻴﻪ ﻧﻘﺎﺵ ﻭﻣﺪﻳﺖ ﺍﻳﺪﻱ ﻋﻠﻴﻚ ... ﻗﻄﻌﺖ ﻛﻞ ﺟﻨﺲ ﺣﻮﺍﺀ ﻭﻻ ﻋﺎﺩ ﻗﻤﺖ ﻋﻴﻨﻲ ﻓﻲ ﻏﻴﺮﻙ .. ﻃﻠﻊ ﺗﻠﻴﻔﻮﻧﻪ ﻣﻦ ﺟﻴﺒﻪ .. ﻭﻟﻮ ﺗﺒﻲ ﺗﻌﺮﻓﻲ ﻓﻤﻦ ﻧﻜﻠﻢ ﺷﻮﻓﻲ .. ﻓﺘﺤﻠﻬﺎ ﻉ ﻗﺮﻭﺏ ﻣﺎﺳﻨﺠﺮ ﻟﻴﻪ ﻫﻮ ﻭﻭﻻﺩ ﻣﻌﺎﻩ .. ﻛﺎﻧﻮﺍ ﻳﺪﻳﺮﻭﺍ ﻓﻲ ﺳﺒﺎﻗﺎﺕ ﻣﻮﻃﻮﺍﺕ ﺷﺒﻪ ﻛﻞ ﻟﻴﻠﻪ ﻭﻫﻮ ﻛﺎﻥ ﻳﺤﺐ ﻳﺮﻛﺐ ﻉ ﺍﻟﻤﻮﻃﻮ ﻭﻛﺎﻧﺖ ﻓﻲ ﺑﻴﻨﺎﺗﻬﻢ ﺗﺤﺪﻳﺎﺕ .. ﻭﻛﺎﻧﻮﺍ ﻳﺠﻬﺰﻭﺍ ﻟﻤﺴﺎﺑﻘﻪ ﻓﻴﻪ .. ﻋﻨﺪﻙ ﺍﻟﺘﻠﻴﻔﻮﻥ ﻓﺘﺸﻴﻪ ﺑﺮﺍﺣﺘﻚ ﺣﺘﻰ ﺭﻣﺰ ﻣﺶ ﻣﺪﺍﻳﺮ ... ﺻﺪﻗﺘﻲ ﻭﻻﻻ ... ﺍﻧﺘﻲ ﺣﺮﺓ ﺍﻟﻤﻬﻢ ﺍﻧﻲ ﺿﻤﻴﺮ ﻣﺮﺗﺎﺡ ..
ﻷﻧﻲ ﺻﺎﺩﻕ ﻓﻲ ﻛﻞ ﺣﺮﻑ ﻗﻠﺘﻪ ... ﻭﻟﻒ ﻭﺟﻲ ﺑﻴﻄﻠﻊ ﺑﺲ ﻭﻗﻒ ﻭﺗﻠﻔﺘﻠﻬﺎ ... ﺍﻟﻠﻲ ﺑﻨﻘﻮﻟﻪ ﺗﻮﺍ ﻫﻮ ﺃﻛﺜﺮ ﻛﻠﻤﺔ ﺻﺎﺩﻗﻪ ﻧﻘﻮﻟﻬﺎ ﻓﻲ ﺣﻴﺎﺗﻲ ﻷﻧﻬﺎ ﻃﺎﻟﻌﻪ ﻣﻦ ﻫﻨﻲ .. ﻭﺍﺷﺮ ﻉ ﻗﻠﺒﻪ ..
" ﻧﺤﺒﻚ ...." ﻭﻟﻒ ﻭﻃﻠﻊ ﻣﻦ ﺍﻟﺸﻘﺔ ﻛﻠﻬﺎ ﻣﺮﺓ ﻭﺣﺪﻩ ..
ﻭﻫﺎﻟﻪ ﻣﺼﺪﻭﻣﻪ ﻭﻣﺶ ﻣﺴﺘﻮﻋﺒﻪ ﺣﺎﺟﻪ ﻣﻦ ﺍﻟﻠﻲ ﺻﺎﺭ ﻭﺩﻣﻮﻋﻬﺎ ﻧﺰﻟﻮﺍ ..
ﻋﻨﺪ ﻋﻠﻴﺎ ...
ﺣﻮﻟﺖ ﻋﺒﺎﻳﺘﻬﺎ ﺍﻭﻝ ﻣﺎﺳﻜﺮﺕ ﺑﺎﺏ ﺍﻟﺤﻮﺵ ﻭﻣﺸﺖ ﻟﺪﺍﺭ ﺍﻟﻨﻮﻡ .. ﺑﺘﺤﻮﻝ ﺍﻟﻘﻔﻄﺎﻥ .. ﻫﻮ ﺧﺶ .. ﺗﻠﻔﺘﺖ ﻭﻋﻄﺎﺗﻪ ﺑﻮﺟﻬﻬﺎ ﻷﻥ ﻇﻬﺮﻫﺎ ﻭﻻ ﻋﺮﻳﺎﻥ .. ﺑﺲ ﻣﺎﺭﻛﺰﺗﺶ ﻉ ﻛﺘﺎﻑ ﺍﻟﻘﻔﻄﺎﻥ ﺍﻟﻠﻲ ﻧﺰﻟﻮﺍ .. ﺑﺲ ﻫﻮ ﺭﻛﺰ ..
ﺍﻟﺤﺴﻦ ﻳﺸﺒﺤﻠﻬﺎ ﻭﻧﺎﺭ ﻭﻟﻌﺖ ﻓﻴﻪ .. ﻣﻌﺎﺵ ﻗﺎﺩﺭ ﻳﺼﺒﺮ ﻋﻠﻴﻬﺎ ..
ﻫﻲ ﺣﺴﺖ ﻣﻦ ﻧﻈﺮﺍﺗﻪ ﺃﻥ ﻓﻲ ﺷﻲ ﻣﺶ ﻃﺒﻴﻌﻲ .. ﺧﺎﻓﺖ ﻭﻫﻠﺒﻪ ﻣﺶ ﺷﻮﻳﻪ ﻭﻣﺶ ﻋﺎﺭﻓﻪ ﻋﻼﺵ ﺧﺎﻓﺖ ﻫﻜﻲ ﺗﻠﻘﺎﺋﻴﺎ ﺗﺼﺮﻓﺖ ﺗﺼﺮﻑ ﻻﺇﺭﺍﺩﻱ ..
ﻋﻠﻴﺎ ﺑﻌﺼﺒﻴﻪ : ﻛﻴﻒ ﺗﺨﺶ ﻋﻠﻴﺎ ﻫﻜﻲ ﻣﻦ ﻏﻴﺮ ﻣﺎﺗﺴﺘﺄﺫﻥ ..
ﺍﻟﺤﺴﻦ ﺍﻧﺼﺪﻡ ﻧﺰﻝ ﻋﻴﻮﻧﻪ ﻭﺣﺲ ﺭﻭﺣﻪ ﻓﻲ ﻣﻮﻗﻒ ﺧﻴﻴﻴﻴﻴﻲ ... ﻛﻠﻤﻪ ﻭﺣﺪﻩ ﻃﻠﻌﺖ ﻣﻦ ﻓﻤﻪ ﻭﺑﻨﺒﺮﺓ ﻏﺮﻳﺒﻪ : ﺁﺳﻒ .. ﻟﻒ ﻭﻃﻠﻊ ﻃﻮﻝ ... ﺍﻧﺘﻔﺘﻀﺖ ﻟﻤﺎ ﺳﻤﻌﺖ ﺑﺎﺏ ﺍﻟﺸﻘﻪ ﺗﻘﺮﺑﻊ .. ﺭﺟﻌﺖ ﻟﻮﻋﻴﻬﺎ .. ﺍﻧﺼﺪﻣﺖ ﻓﻲ ﻧﻔﺴﻬﺎ ﻋﻼﺵ ﻛﻠﻤﺎﺗﻪ ﻫﻜﻲ .. ﻋﻼﺵ ﺍﻫﻨﺎﺗﻪ ﻋﻼﺵ ﺟﺮﺣﺎﺗﻪ ... ﻛﺮﻫﺖ ﺭﻭﺣﻬﺎ ﻫﻠﺒﻪ ﻫﻠﺒﻪ ...
ﺍﻣﺎ ﻫﻮ ﻧﺰﻝ ﻭﻃﻠﻊ ﻟﻠﺠﻨﺎﻥ ﺧﺪﻱ ﻧﻔﺲ ﻋﻤﻴﻖ ﻭﻏﻤﺾ ﻋﻴﻮﻧﻪ ﺑﺸﺪﻩ ﺑﺶ ﻳﺘﻤﺎﻟﻚ ﻧﻔﺴﻪ ... ﻋﻤﺮﻩ ﻣﺎﺗﻌﺮﺽ ﻟﻤﻮﻗﻒ ﻓﻴﻪ ﺇﻫﺎﻧﻪ ﺯﻱ ﻫﺎﻟﻤﻮﻗﻒ .. ﺷﺪ ﺭﻗﺒﺘﻪ ﻭﻗﻌﺪ ﻳﻤﺴﺪ ﻋﻠﻴﻬﺎ ﺣﺲ ﺑﺈﻧﻪ ﻣﺨﻨﻮﻕ ..
ﻭﺯﻉ ﻧﻈﺮﻩ ﻓﻲ ﺍﻟﻤﻜﺎﻥ ﻟﻘﻲ ﺣﺴﺎﻥ ﻣﻘﻌﻤﺰ ﺑﻌﻴﺪ ﺷﻮﻱ .. ﻭﻛﺎﻥ ﻭﺍﺿﺢ ﻋﻠﻴﻪ ﻣﻀﺎﻳﻖ ﻫﻠﺒﻪ ...
" ﺍﻧﺖ ﻭﻫﻮ "
ﺍﻟﺰﻭﺯ ﺍﻟﺘﻔﺘﻮﺍ ﻟﻤﺼﺪﺭ ﺍﻟﺼﻮﺕ ..
ﺳﺮﻣﺪ ﺑﻀﺤﻜﻪ : ﺗﺤﺴﺪﻭﺍ ﻓﻴﺎ ﻉ ﻋﺰﻭﺑﻴﺘﻲ ﺻﺢ ؟
ﺣﺴﺎﻥ ﺿﺤﻚ ﻏﺼﺐ ﻋﻨﻪ .. ﻭﺍﻟﺤﺴﻦ ﺍﺑﺘﺴﻢ ﺑﺘﻬﻜﻢ ..
ﺳﺮﻣﺪ : ﺩﺍﺭﻱ ﺗﺮﺣﺐ ﺑﻜﻢ .. ﻫﻲ ﺗﻌﺎﻟﻮﺍ ..
ﺟﻮﻩ ﻫﻤﺎ ﺍﻟﺰﻭﺯ ﻭﺧﺸﻮﺍ ﻣﻌﺎﻩ ﻟﺪﺍﺭﻩ .. ﻭﻣﺸﺖ ﻟﻴﻠﺘﻬﻢ ﻣﻌﺎﻩ ﻫﺪﺭﺯﻩ ﻟﻴﻦ ﻫﻮ ﺭﻗﺪ ﻟﻜﻦ ﻫﻤﺎ ﻛﻞ ﻭﺍﺣﺪ ﺍﻇﺎﻫﺮ ﺑﺎﻟﻨﻮﻡ .. ﻭﻗﻠﻮﺑﻬﻢ ﻣﺤﺮﻭﻗﻪ ﺣﺮﻕ ...
ﺍﻟﺼﺒﺢ 🌄
ﻛﺎﻥ ﺍﻟﺠﻮ ﺑﺎﻫﻲ ﻭﺍﻟﺴﻤﻲ ﺻﺎﻓﻴﻪ ﻭﺍﻟﺤﻮﺵ ﻭﻻ ﺧﻠﻴﺔ ﻧﺤﻞ ..
ﺑﺮﻧﻴﻪ : ﻗﻮﻟﻮﻟﻬﻢ ﻳﺠﻮﺍ ﻳﺴﻮﻭﻩ ..
ﺍﻧﻌﺎﻡ : ﺗﻮ ﻧﻜﻠﻤﻬﻢ ..
ﻋﻠﻴﺎ ﻭﻫﺎﻟﻪ ﺧﺸﻮﺍ ﺍﺗﺼﺒﺤﻮﺍ ﻋﻠﻴﻬﻢ ﻭﺭﺩﻭﺍ ﻋﻠﻴﻬﻢ ..
ﻋﻠﻴﺎ : ﺷﻦ ﻓﻲ ..
ﺳﺎﺭﺓ : ﺍﻟﻤﻈﻠﻪ ﺍﻟﻠﻲ ﺑﺮﺍ ﻣﺎﻳﻠﻪ ﻭﺍﻟﻘﻴﻄﻮﻥ ﺍﻟﻔﺎﺻﻞ ﻃﺎﻳﺢ .. ﺑﻴﻨﺎﺩﻭﻫﻢ ﻳﺴﺎﻭﻭﻫﺎ ..
ﻫﺎﻟﻪ : ﺍﻫﺎ ...
....
ﻣﺘﻮﺟﻬﻴﻦ ﺑﺎﻟﻌﺪﺓ .. ﺍﻟﺤﺴﻦ ﻭﺣﺴﺎﻥ ﻭﺳﺮﻣﺪ ﻭﻭﻟﺪ ﺧﺎﻟﺘﻬﻢ ﺍﺳﻤﻪ ﺍﻟﻬﺎﺩﻱ ...
ﺍﻟﻨﺴﺎﻭﻳﻦ ﻓﻲ ﺍﻟﻜﻮﺟﻴﻨﻪ ﻳﻮﺗﻮﺍ ﻓﻲ ﺍﻟﻔﻄﻮﺭ .. ﻭﻫﻤﺎ ﺑﺮﺍ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﻳﺴﺎﻭﻭﺍ ﻓﻲ ﺍﻟﻤﻈﻠﻪ ..
ﺍﻟﻬﺎﺩﻱ ﻛﺎﻥ ﻳﻐﻨﻲ ﻟﻤﺤﻤﺪ ﺣﺴﻦ ﻭﻛﻠﻬﻢ ﻣﻨﺴﺠﻤﻴﻦ ﻣﻌﺎﻩ ﺣﺘﻰ ﺍﻟﻨﺴﺎﻭﻳﻦ ﺩﺍﺧﻞ ﻓﻲ ﺍﻟﻜﻮﺟﻴﻨﻪ ﻳﺴﻤﻌﻮﺍ ﻓﻴﻪ ..
ﺳﺎﺭﺓ : ﻫﺬﺍ ﺻﻮﺕ ﺧﻮﻙ ﺍﺑﺘﻬﺎﻝ
ﺍﺑﺘﻬﺎﻝ : ﺍﻳﻪ ..
ﻛﻠﻬﻢ ﺍﺑﺘﺴﻤﻮﺍ ﻭﻣﻨﺴﺠﻤﻴﻦ ..
...
ﺳﺮﻣﺪ : ﺍﻟﻠﻪ ﻉ ﺻﻮﺗﻚ ﻭﺍﺣﺴﺎﺳﻚ ﻳﺎﺭﺍﺟﻞ ...
ﺣﺴﺎﻥ : ﺣﻖ ﻭﺍﻟﻠﻪ ﺍﻧﺴﺠﻤﺖ ..
ﺍﻟﻬﺎﺩﻱ ﺑﻀﺤﻜﻪ : ﻣﺎﻝ ﻟﻮﺗﺴﻤﻌﻮﺍ ﺻﻮﺕ ﺑﻌﺾ ﺍﻟﻨﺎﺱ ..
ﺍﻟﺤﺴﻦ ﺍﺑﺘﺴﻢ ﺑﺘﻬﻜﻢ ..
ﺳﺮﻣﺪ : ﻣﻨﻮ ..
ﺍﻟﻬﺎﺩﻱ : ﻭﻟﺪ ﺧﻮﻙ
ﺳﺮﻣﺪ : ﻣﻦ ﻭﻟﺪﺧﻮﻱ ..
ﺍﻟﻬﺎﺩﻱ : ﺍﻟﻠﻲ ﻭﺭﺍﻙ ﺍﻟﻠﻲ ﺩﺍﻳﺮ ﺭﻭﺣﻪ ﺍﻟﺪﻭﻩ ﻣﺶ ﻋﻠﻴﻪ ..
ﺍﻟﺘﻔﺘﻮﻟﻪ ﺳﺮﻣﺪ ﻭﺣﺴﺎﻥ ﺑﺪﻫﺸﻪ .. ﻭﻫﻮ ﻳﺮﻛﺐ ﻓﻲ ﺍﻟﻘﻴﻄﻮﻥ ..
ﺍﻟﻬﺎﺩﻱ : ﻧﻬﺎﺭﻫﺎ ﺧﻄﻢ ﻋﻠﻴﻨﺎ .. ﻭﺑﺎﺕ ﻋﻨﺪﻧﺎ ﻧﻀﺖ ﻟﻴﻠﺘﻬﺎ ﻉ ﺻﻮﺗﻪ ﻭﻫﻮ ﻳﻐﻨﻲ ﻟﻤﺤﻤﺪ ﺣﺴﻦ .. ﺣﺒﻴﺒﻲ ﺗﺠﺮﺡ ﻓﻲ ..
ﺳﺮﻣﺪ : ﻗﻮﻝ ﻭﺍﻟﻠﻪ ..
ﺍﻟﻬﺎﺩﻱ ﺑﻀﺤﻜﻪ : ﻭﺣﻖ ﺍﻟﻠﻪ ..
ﺣﺴﺎﻥ : ﻣﺴﺘﺤﻴﻴﻴﻞ ..
ﺍﻟﻬﺎﺩﻱ : ﺗﺮﺑﺢ ﻳﺎﻓﻨﺪﻱ ﺍﺗﺒﺘﻠﻬﻢ ﻛﻼﻣﻲ ..
ﺍﻟﺤﺴﻦ : ﻛﻼﻡ ﺷﻨﻮ ..
ﺍﻟﻬﺎﺩﻱ ﺑﻀﺤﻜﻪ : ﺍﻟﻠﻲ ﻗﻠﺘﻪ ﺗﻮﺍ ..
ﺍﻟﺤﺴﻦ : ﻣﺎﻋﻨﺪﻱ ﻣﺎﻧﺘﺒﺖ ..
ﺳﺮﻣﺪ : ﻣﻌﻨﺎﻫﺎ ﻛﻼﻣﻪ ﺣﻖ
ﺍﻟﺤﺴﻦ ﻣﺎﺑﺎﺵ ﻳﺮﺩ ..
ﺣﺴﺎﻥ ﺑﻤﻜﺮ : ﺗﺤﺸﺸﻢ ..
ﺍﻟﺤﺴﻦ : ﻭﻋﻼﺵ ..
ﺣﺴﺎﻥ ﺑﻀﺤﻜﻪ : ﻭﺍﺿﺢ ..
ﺳﺮﻣﺪ ﺑﻤﻜﺮ : ﺍﻳﻴﻴﻪ ﻫﻬﻬﻬﻬﻬﻬﻬﻬﻪ
ﺍﻟﺤﺴﻦ ﻗﺪﻣﻠﻬﻢ : ﻭﻋﻼﺵ ﺑﻨﺘﺤﺸﻢ ..
ﺍﻟﻬﺎﺩﻱ : ﺗﻲ ﺑﺎﻫﻲ ﻏﻨﻲ ..
ﺍﻟﺤﺴﻦ ﺷﺒﺤﻠﻬﻢ .. ﻫﻮ ﺧﺎﻃﺮﻩ ﻳﻐﻨﻲ ﻳﺒﻲ ﻳﻐﻨﻲ .. ﺍﻷﻏﻨﻴﻪ ﺍﻟﻠﻲ ﻗﺎﻝ ﻋﻠﻴﻬﺎ ﺍﻟﻬﺎﺩﻱ .. ﺍﻟﻠﻲ ﻣﻦ ﻟﻤﺎ ﺣﺐ ﻋﻠﻴﺎ ﺗﺴﻠﻞ ﻓﻲ ﻗﻠﺒﻪ ﻭﻫﻮ ﻭﻳﻦ ﻳﻘﻌﻤﺰ ﻣﻊ ﺭﻭﺣﻪ ﻭﻳﺬﻛﺮﻫﺎ ﻳﻐﻨﻲ ﻓﻴﻬﺎ ..
ﺍﻟﺤﺴﻦ : ﻋﺎﺩﻱ ﺟﺪﺍ ... ﻧﻐﻨﻲ ... ﺍﺣﻤﻢ .. ﺣﻤﻢ ..
🎶 ﺣﺒﻴﺒﻲ ﺣﺒﻴﺒﻲ ﻭﺗﺠﺮﺡ ﻓﻲ ﻭﺃﻧﺎ ﻧﺴﺎﻣﺢ ﻓﻴﻚ
ﺣﺒﻴﺒﻲ ﻣﺎﺗﻘﻮﻝ ﺩﺍﻳﺮ ﺷﻲ ﻧﻨﺴﻰ ﺍﻟﺰﻋﻞ ﻭﻧﺠﻴﻚ ..
ﻣﺎﻧﻴﺶ ﻋﺎﺭﻑ ﻭﻳﻦ ﻧﻠﻘﺎﻟﻚ ﺍﻟﻌﺬﺭ ﻣﻨﻴﻦ
ﻣﺎﻧﻴﺶ ﻋﺎﺭﻑ ﻭﻳﻦ ﻧﻠﻘﺎﻟﻚ ﺍﻟﻌﺬﺭ ﻣﻨﻴﻦ ..
ﻭﻧﻘﻮﻝ ﺗﺪﻟﻞ ﻋﻠﻴﺎ ﻭﻧﺴﺎﻣﺤﻚ ﻭﻧﺠﻴﻚ ﺣﺒﻴﺒﻲ ..
ﺃﻧﺖ ﺍﻟﻠﻲ ﻏﻠﻄﺎﻥ ﻭﻧﻘﻮﻟﻚ ﺳﺎﻣﺤﻨﻲ
ﻣﺎﻧﻚ ﺍﻟﻠﻲ ﺗﻨﻬﺎﻥ ﺣﺘﻰ ﺑﻌﺪ ﺗﺠﺮﺣﻨﻲ
ﻧﺤﺒﻚ ﺻﺤﻴﺢ ﻧﺤﺒﻚ ﻧﺤﺒﻚ ﺻﺤﻴﺢ ﻧﺤﺒﻚ
ﺑﻘﻠﺒﻲ ﻭﺭﻭﺣﻲ ﻣﺎﺟﺒﺮﺕ ﺩﺭﺍﻋﻲ
ﻧﺤﺒﻚ ﺻﺤﻴﺢ ﻧﺤﺒﻚ ﻧﺤﺒﻚ ﺻﺤﻴﺢ ﻧﺤﺒﻚ
ﻭﻻﻣﻦ ﺿﺮﺑﻨﻲ ﻓﻮﻕ ﺭﻭﻭﺱ ﺍﺻﺒﺎﻋﻲ
ﻭﻻﻳﻬﻤﻨﻲ ﻓﻲ ﺷﻲ ﺇﻻ ﺭﺿﺎﻙ ﻋﻠﻲ ..
ﻣﻦ ﺍﻟﺸﻮﻕ ﺍﻟﻘﻮﻱ ﻧﺼﺎﺭﺣﻚ ﻳﺠﻤﻌﻨﺎ ﺣﺒﻴﺒﻲ ..
ﻫﻮ ﻳﻐﻨﻲ ﻗﻠﺒﻪ ﻳﻐﻨﻲ ﺑﻤﺸﺎﻋﺮﻩ ﻳﻐﻨﻲ .. ﻭﺣﺴﺎﻥ ﺳﺮﺣﺎﻥ ﻣﻌﺎﻩ ﻭﻋﻘﻠﻪ ﻋﻨﺪﻫﺎ ..
ﻟﺪﺍﺧﻞ ..
ﻛﻠﻬﻢ ﺳﻴﺒﻮﺍ ﺍﻟﻠﻲ ﻓﻲ ﺍﻳﺪﻳﻬﻢ ﻭﻣﺮﻛﺰﻳﻦ ﻣﻊ ﺍﻟﻠﻲ ﻳﻐﻨﻲ ..
ﺍﻧﻌﺎﻡ ﺷﺎﻓﺖ ﻣﻦ ﺍﻟﺮﻭﺷﻦ ﺑﺤﺬﺭ : ﻭﺍﻟﻠﻪ ﻫﻮ ..
ﺧﻮﻟﻪ : ﻣﻨﻮ ..
ﺍﻧﻌﺎﻡ ﺍﻟﺘﻔﺘﺖ : ﺍﻟﺤﺴﻦ ﺍﻟﻠﻲ ﻳﻐﻨﻲ ..
ﻛﻠﻬﻢ ﺍﻧﺼﺪﻣﻮﺍ .. ﻭﻋﻠﻴﺎ ﻗﻠﺒﻬﺎ ﻳﺪﻕ ﺑﻘﻮﺓ ..
ﺭﻳﺤﺎﻧﻪ ﻻﺷﻌﻮﺭﻳﺎ : ﺣﺘﻰ ﻣﻦ ﺻﻮﺗﻪ ﻳﻬﺒﺒﺒﻞ ..
ﻋﻠﻴﺎ ﺷﺒﺤﺘﻠﻬﺎ ﺑﺤﺪﻩ ﻭﻛﺎﻥ ﺗﻠﻘﻰ ﺗﺨﻨﻘﻬﺎ ﻣﻦ ﺭﻗﺒﺘﻬﺎ ...
ﻭﺍﻟﺸﻮﻕ ﻫﺬﺍ ﺣﺎﻟﻲ ﻏﺎﻟﺒﻨﻲ ﺣﻨﻴﻨﻲ
ﻻﻗﺪﺭﺕ ﻧﺼﺒﺮ ﻻﻧﺮﻳﺢ ﺑﺎﻟﻲ ﻭﻻﺭﻳﺤﺘﻨﻲ ﻋﻴﻨﻲ ..
ﻣﻨﻬﻮ ﺍﻟﻠﻲ ﻳﻐﻨﻲ ﻋﻠﻴﻚ ﻭﻋﻨﻚ
ﻫﻴﻬﺎﺕ ﻧﻠﻘﻰ ﻳﺎﺣﺒﻴﺒﻲ ﺻﺒﺮ
ﺣﺘﻰ ﺍﻥ ﻛﺎﻥ ﺍﻟﻌﻴﺐ ﻓﻴﻚ ﻭﻣﻨﻚ
ﻳﺎﻋﺰﻳﺰ ﻧﺠﻴﺒﻠﻚ ﻓﻲ ﻋﺬﺭ ...
ﻋﻠﻴﺎ ﺗﺴﻤﻊ ﻓﻴﻪ ﻭﺣﺴﺖ ﺑﻜﻼﻡ ﺍﻷﻏﻨﻴﻪ ﻃﺎﻟﻊ ﻣﻦ ﻗﻠﺒﻪ ﺯﺍﺩ ﻭﺟﻌﻬﺎ ﻗﻠﺒﻬﺎ ﻭﻛﺮﻫﺖ ﺭﻭﺣﻬﺎ ﻟﻤﺎ ﺍﺫﻛﺮﺕ ﺍﻟﻤﻮﻗﻒ ﺍﻟﻠﻲ ﺻﺎﺭ ﺃﻣﺲ ..
ﺳﺮﻣﺪ ﺻﻔﻖ ﻭﺣﺴﺎﻥ ﺻﻔﻖ ... ﻭﺍﻟﻬﺎﺩﻱ ﻳﻀﺤﻚ
ﺍﻟﻬﺎﺩﻱ : ﺷﻦ ﺭﺍﻳﻜﻢ ...
ﺳﺮﻣﺪ : ﻋﻤﻪ ﻭﺩﺍﻳﺮﻧﻲ ﺻﺎﺣﺒﻪ ﻣﺎﻧﻌﺮﻑ ﻋﻠﻴﻪ ﻫﺎﻟﻤﻌﻠﻮﻣﻪ ﺍﻟﺨﻄﻴﺮﻩ ..
ﺍﻟﻬﺎﺩﻱ : ﻭﺍﻟﻠﻪ ﻛﺎﻥ ﻣﺶ ﺻﺪﻓﺖ ﻟﻴﻠﺘﻬﺎ ﻧﻀﺖ ﺭﻩ ﻗﻌﺪﺕ ﻫﺎﻟﻤﻮﻫﺒﻪ ﻣﺪﻓﻮﻧﻪ ..
ﺍﻟﺤﺴﻦ : ﻫﻴﺎ ﺍﻧﺖ ﻭﻳﺎﻩ ﻫﻴﺎ .. ﺑﺼﻮﺕ ﻋﺎﻟﻲ ... ﻛﻤﻤﻤﻤﻤﻠﻨﺎﺍﺍ .. ﻭﻣﺸﻲ ﻭﻫﻤﺎ ﺿﺤﻜﻮﺍ ﻭﻟﺤﻘﻮﻩ ..
ﺳﺎﺭﻩ : ﻳﺎﺣﻈﻚ ﺑﻴﻪ ﻳﺎﻟﻠﻲ ﻓﺒﺎﻟﻲ ..
ﻋﻠﻴﺎ ﻭﺟﻬﻬﺎ ﺍﺣﻤﺮ .. ﻭﻫﻤﺎ ﺍﺑﺘﺴﻤﻮﺍ ﻣﺎ ﻋﺪﺍ ﺑﻌﺾ ﺍﻟﻌﻴﻮﻥ ﺍﻟﺤﺎﻗﺪﻩ 😈
....
ﺟﻲ ﻭﻗﺖ ﺍﻟﻐﺪﻱ ... ﻭﺗﻮﻩ .. ﻋﻠﻴﺎ ﻛﺎﻧﺖ ﺗﺠﻴﺐ ﻓﻲ ﺻﻔﺮﺓ ﻣﻦ ﺑﺮﺍ ﻭﻫﻲ ﻣﺎﺷﻴﻪ ﺷﺎﻓﺖ ﺍﻟﺤﺴﻦ ﺟﺎﻱ ﺗﻠﺨﺒﻄﺖ ﻭﻗﻠﺒﻬﺎ ﻗﻌﺪ ﻳﺮﺟﻒ .. ﺑﺲ ﺍﻧﺼﺪﻣﺖ ﻟﻤﺎ ﻃﻠﻌﺖ ﺭﻳﺤﺎﻧﻪ ﻭﻭﻗﻔﺎﺗﻪ ﻭﻗﻌﺪﺕ ﺗﻜﻠﻢ ﻓﻴﻪ ..
ﺭﻳﺤﺎﻧﻪ : ﺑﻨﻜﻠﻤﻚ ﻓﻲ ﻣﻮﺿﻮﻉ ..
ﺍﻟﺤﺴﻦ ﺑﺈﺳﺘﻐﺮﺍﺏ : ﺷﻦ ﻓﻲ ..
ﺭﻳﺤﺎﻧﻪ : ﻓﻲ ﻭﺍﺣﺪ ﺗﺎﻓﻪ ﻟﻴﻪ ﻓﺘﺮﺓ ﻳﻠﺤﻖ ﻓﻴﺎ ﻭﻣﺪﺭﻫﻠﻲ ﻛﺒﺪﻱ
ﺍﻟﺤﺴﻦ : ﻛﻴﻒ؟ !
ﺭﻳﺤﺎﻧﻪ : ﻛﻞ ﻣﺎﻧﺠﻲ ﻣﺮﻭﺣﻪ ﻣﻦ ﺍﻟﺨﺪﻣﻪ " ﺍﺑﻠﻪ ﻓﻲ ﻣﺪﺭﺳﻪ " ﻧﻠﻘﻰ ﻓﻴﻪ ﻗﺪﺍﻣﻲ ﻛﺮﻫﻨﻲ ﻓﻲ ﻋﻤﺮﻱ ..
ﺍﻟﺤﺴﻦ : ﺗﻮ ﻧﺸﻮﻑ ﺍﻟﻤﻮﺿﻮﻉ .. ﺍﻫﻢ ﺷﻲ ﺍﻧﺘﻲ ﺗﺠﺎﻫﻠﻴﻪ ﻭﻣﺎﺩﻭﺭﻳﺸﻲ ..
ﺭﻳﺤﺎﻧﻪ : ﺍﻳﻪ ﺣﺘﻰ ﺍﻧﻲ ﻫﻜﻲ ﻣﺪﺍﻳﺮﻩ " ﻛﺬﺍﺑﻪ "
ﺍﻟﺤﺴﻦ : ﺗﻤﺎﻡ ...
ﺭﻳﺤﺎﻧﻪ : ﺷﻜﺮﺍ
ﺍﻟﺤﺴﻦ : ﻣﺎﺗﺸﻜﺮﻧﻴﺶ ﻫﺬﺍ ﻭﺍﺟﺒﻲ ﺑﻨﺖ ﻋﻤﻲ ﺍﻧﺘﻲ ..
" ﺧﻴﺮﻫﺎ ﺑﻨﺖ ﻋﻤﻚ "
ﺍﻧﺼﺪﻡ ﺑﻴﻬﺎ ﻭﻗﻔﺖ ﺑﻴﻨﺎﺗﻬﻢ ﺗﺴﺄﻝ ﻓﻴﻪ ﺑﻨﺒﺮﺓ ﺣﺎﺩﻩ ﻭﺗﺸﺒﺢ ﻟﺮﻳﺤﺎﻧﻪ ﻣﻦ ﻓﻮﻕ ﻟﻠﻮﻃﺎ ..
ﺭﻳﺤﺎﻧﻪ ﺩﺍﺭﺕ ﺭﻭﺣﻬﺎ ﻣﺼﺪﻭﻣﻪ ﻭﻣﺎﺗﺒﻴﺶ ﺗﺮﺩ ..
ﺍﻟﺤﺴﻦ : ﺷﻦ ﺩﻳﺮﻱ ﺑﺎﻟﺼﻔﺮﻩ ﻫﻨﻲ ..
ﻋﻠﻴﺎ ﺷﺒﺤﺖ ﻟﻠﺼﻔﺮﺓ ﻭﺍﺫﻛﺮﺕ ﺍﻧﻬﻢ ﻳﺮﺍﺟﻮ ﻓﻴﻬﺎ .. ﺷﺒﺤﺖ ﻟﺮﻳﺤﺎﻧﻪ .. ﻭﺍﻧﺪﻓﻌﺖ ﻃﻮﻝ ﻭﺷﺪﺗﻬﺎ ﻣﻦ ﺫﺭﺍﻋﻬﺎ : ﻫﻴﺎ ﺗﻌﺎﻟﻲ ﻭﻗﺖ ﻉ ﺍﻟﻐﺪﻱ .. ﻭﻗﻌﺪﺕ ﺗﺠﺮ ﻓﻴﻬﺎ ﻭﺭﻳﺤﺎﻧﻪ ﻣﺼﺪﻭﻣﻪ " ﻳﺎﻗﻌﺎﺩﻫﺎ ﻳﺠﺮﺟﺮﻭﺍ ﻓﻴﻬﺎ ﻋﻠﻴﺎ ﻭﺧﻮﻫﺎ .."😂 ﺧﺸﻮﺍ ﺩﺍﺧﻞ ..
ﺍﻟﺤﺴﻦ " ﺗﻮ ﻫﺎﺩﻱ ﻏﻴﺮﻩ ﻭﻻﺷﻨﻮ ﺑﺎﻟﺰﺑﻂ .." ﺍﺑﺘﺴﻢ ﻉ ﺟﻨﺐ .. ﻭﻧﺎﺩﻯ ﻉ ﺍﻧﻌﺎﻡ ﻭﺻﺎﻫﺎ ﻉ ﺣﺎﺟﺎﺕ ﻭﻣﺸﻲ ..
***
ﻋﺒﺪﺍﻟﻘﺪﻭﺱ : ﺭﺍﺟﻞ ﺑﻨﺖ ﺧﺎﻟﻚ ﺑﺪﻱ ﻳﻜﺒﺮ ﻫﻠﺒﻪ ..
ﻣﻨﺼﻒ ﻳﺸﺒﺢ ﻟﻠﻤﻠﻒ : ﻣﻨﻮ ﻓﻴﻬﻢ ..
ﻋﺒﺪﺍﻟﻘﺪﻭﺱ : ﺍﻟﻠﻲ ﻛﺎﻧﺖ ﺧﻄﻴﺒﺘﻚ ..
ﻣﻨﺼﻒ ﻣﻂ ﺷﻮﺍﺭﺑﻪ ﺩﺍﺧﻞ ﻭﺳﻜﺮ ﺍﻟﻤﻠﻒ ﻭﺷﺒﺢ ﻟﻌﺒﺪ ﺍﻟﻘﺪﻭﺱ : ﻣﻌﻠﻴﺸﻲ ﻳﺎﺑﻲ ﻟﻮ ﻣﻌﺎﺵ ﺗﺠﻴﺐ ﺳﻴﻴﺮﺗﻪ ﺃﻓﻀﻞ ..
ﻋﺒﺪ ﺍﻟﻘﺪﻭﺱ ﺑﺘﻬﻜﻢ : ﻏﺼﺐ ﻋﻨﻲ ﻭﻋﻨﻚ ﺣﺘﺠﻲ ﺳﻴﺮﺗﻪ ﻭﺍﻧﺖ ﻓﺎﻫﻢ ﻗﺼﺪﻱ ..
ﻣﻨﺼﻒ ﺑﺤﻘﺪ : ﻭﺭﺍﺳﻚ ﻳﺎﺑﻲ ﺣﻨﺼﻐﺮﻩ ﻫﻠﺒﻪ ﻣﺶ ﺷﻮﻱ ﻭﺍﺫﻛﺮ ﻛﻼﻣﻲ ﻫﺬﺍ ﻛﻮﻳﺲ ..
ﻋﺒﺪﺍﻟﻘﺪﻭﺱ : ﻭﺍﻧﻲ ﻧﺮﺍﺟﻲ ﺷﻦ ﻳﻄﻠﻊ ﻣﻌﺎﻙ ..
ﻣﻨﺼﻒ : ﺣﻴﻄﻠﻊ ﻣﻌﺎﻱ ﻫﻠﺒﻪ ﻣﺶ ﺷﻮﻳﻪ ..
***
ﻓﺎﺕ ﺍﻟﻨﻬﺎﺭ ﻣﻊ ﺍﻟﻤﻐﺮﺏ ﻛﺎﻧﻮﺍ ﺧﻮﺍﺕ ﺑﺮﻧﻴﻪ ﻣﺮﻭﺣﺎﺕ ﻭﻗﻌﺪﻭﺍ ﺍﻟﻌﻴﻠﻪ ﺑﺲ ..
ﻛﺎﻧﻮﺍ ﻣﻘﻌﻤﺰﻳﻦ ﻓﻲ ﺍﻟﺼﺎﻟﻪ .. ﻛﻠﻬﻢ ..
ﻋﻴﻮﻥ ﺣﺴﺎﻥ ﻣﺎﻓﺎﺭﻗﺘﺶ ﻫﺎﻟﻪ ﺍﻟﻠﻲ ﻛﺎﻧﺖ ﻻﻫﻴﻪ ﻓﻲ ﺍﻟﻬﺪﺭﺯﺓ ﻣﻊ ﻣﻴﺴﻮﻥ ﻭﺧﻮﻟﻪ .. ﻭﻋﻴﻮﻥ ﺍﻟﺤﺴﻦ ﻳﺴﺮﻗﻮﺍ ﻓﻲ ﺍﻟﻨﻈﺮﺍﺕ ﻟﻌﻠﻴﺎ ﺍﻟﻠﻲ ﻗﺎﺭﻧﻪ ﺍﻟﺮﺍﺱ ﻫﻲ ﻭﺟﻨﺎﻥ ..
ﻋﻠﻴﺎ : ﻳﺎﺭﺑﻲ ﻋﻠﻴﻚ ﺻﺪﻓﻪ ..
ﺟﻨﺎﻥ : ﻣﺶ ﻫﻜﻲ ﻭﺑﺲ .. ﻟﻘﻴﺘﻪ ﺑﺎﻋﺘﻠﻲ ﻃﻠﺐ ﺍﺿﺎﻓﻪ ﺑﻌﺪﻫﺎ .. ﻋﻠﻴﺎ ﻣﻦ ﺍﻟﺤﻤﺎﺱ ﺷﻬﻘﺖ ﺑﺼﻮﺕ ﻋﺎﻟﻲ ..
ﻛﻠﻬﻢ ﺳﻜﺘﻮﺍ ﻭﺷﺒﺤﻮﻟﻬﺎ ..
ﻫﻲ ﺍﺳﺘﺎﻗﻀﺖ ﻭﻗﻌﺪﺕ ﺍﺩﻭﺭ ﺑﻌﻴﻮﻧﻬﺎ ﻋﻠﻴﻬﻢ ﻟﻴﻦ ﺟﺖ ﻓﻲ ﻋﻴﻮﻧﻪ ﺍﻟﻠﻲ ﻳﺸﺒﺤﻮﺍ ﺑﺤﺪﻩ .. ﻟﻔﺖ ﻭﺟﻬﻬﺎ ﻋﻨﻪ ..
ﺟﻨﺎﻥ ﺑﺮﺑﻜﻪ : ﻧﺤﻜﻴﻠﻬﺎ ﻉ ﻣﻮﻗﻒ ﺻﺎﺭ ﻓﻲ ﺍﻟﻜﻠﻴﻪ ﻭﻫﻲ ﺗﺤﻤﺴﺖ ﺷﻮﻳﻪ ...
ﺭﺟﻌﻮﺍ ﺑﻌﺪﻳﻦ ﻟﻬﺪﺭﺯﺗﻬﻢ
ﺟﻨﺎﻥ : ﻳﺎﻓﻀﻴﺤﻪ ﺍﻧﺘﻲ ..
ﻋﻠﻴﺎ ﺑﻀﺤﻜﻪ : ﺗﺤﻤﺴﺖ ﻣﻌﺎﻙ ..
ﺟﻨﺎﻥ : ﻫﻬﻬﻬﻬﻬﻬﻬﻬﻪ .. ﻭﻛﻤﻠﻮﺍ ﻫﺪﺭﺯﺓ ... ﻭﻛﺎﻧﺖ ﺃﻏﻠﺒﻬﺎ ﺿﺤﻚ ..
ﺳﺎﺭﺓ : ﺗﺮﺍ ﺟﻨﺎﻥ ﺷﻮﻓﻲ .. ﻭﺭﺗﻬﺎ ﺻﻮﺭﺓ ﻗﻔﻄﺎﻥ ﺗﺒﻲ ﺗﺎﺧﺪﻩ ﻭﻋﻠﻴﺎ ﺗﻨﻬﺪﺕ ﻭﻗﺎﻣﺖ ﻋﻴﻮﻧﻬﺎ ﻓﻴﻪ ﻟﻘﺎﺗﻪ ﻳﺸﺒﺤﻠﻬﺎ ﻭﻫﻲ ﻗﻌﺪﺕ ﺗﺸﺒﺤﻠﻪ .. ﻣﺎﻗﺪﺭﺗﺶ ﺗﻠﻒ ﻭﺟﻬﻬﺎ ﻋﻨﻪ ﻷﻥ ﻧﻈﺮﺗﻪ ﻛﺎﻧﺖ ﺣﻠﻮﺓ ﻫﻠﺒﻪ .. ﺍﻟﺰﻭﺯ ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ﻭﻧﺎﺳﻴﻦ ﺍﻟﻤﻮﺟﻮﺩﻳﻦ ﺍﻟﻠﻲ ﻛﺎﻧﻮﺍ ﻻﻫﻴﻴﻦ ﻋﻨﻬﻢ ﺑﺎﻟﻬﺪﺭﺯﺓ ...
ﻋﻠﻴﺎ " ﺣﺎﺳﻪ ﺭﻭﺣﻲ ﺑﺪﻳﺖ ... ﻳﺎﺭﺑﻲ ﻣﻌﻘﻮﻟﻪ ﻫﻜﻲ ﺑﻬﺎﻟﺴﺮﻋﻪ .. ﺍﺍﻟﻲ ﻧﺤﺲ ﺑﻴﻪ ﻣﻌﺎﻩ ﻣﺎﺣﺴﻴﺘﺎﺵ ﻣﻦ ﻗﺒﻞ ﺑﻜﻞ ﺑﻜﻞ ﺣﺘﻰ ﻣﻊ ﻣﻨﺼﻒ .. ﻗﻠﺒﻲ ﻋﻤﺮﻩ ﻣﺎﺭﺟﻒ ﻟﻤﻨﺼﻒ ﻟﻴﻪ ﻫﻮ ﻳﺮﺟﻒ ﺣﺘﻰ ﻟﻮ ﺳﻤﻌﺖ ﺍﺳﻤﻪ ﺑﺲ ﺑﺪﻭﻥ ﻣﺎﻧﺸﻮﻓﻪ "
ﺍﻟﺤﺴﻦ " ﺍﺳﺘﺴﻠﻤﺖ ﻭﻷﻭﻝ ﻣﺮﺓ ﻧﺴﺘﺴﻠﻢ ﻓﻲ ﺣﻴﺎﺗﻲ .. ﻋﻴﻮﻧﻚ ﺻﻌﺐ ﻳﺘﻘﺎﻭﻣﻮﺍ .. ﺍﻧﺘﻲ ﻛﻞ ﻉ ﺑﻌﻀﻚ ﻣﻘﺎﻭﻣﺘﻚ ﻣﺴﺘﺤﻴﻠﻪ .. ﺍﻧﻲ ﺍﻟﻠﻲ ﻗﺎﻭﻣﺖ ﻋﺼﺎﺑﻪ ﻣﺴﻠﺤﻪ ﺑﺮﻭﺣﻲ ﻣﺎﺃﺳﺘﺴﻠﻤﺘﺶ .. ﺑﻨﻴﻪ ﺻﻐﻴﺮﻭﻧﻪ ﺯﻳﻚ ﻣﺶ ﻗﺎﺩﺭ ﻧﻘﺎﻭﻣﻬﺎ ..."
ﺳﺮﻣﺪ ﻣﻌﺎﻫﻢ ﻉ ﺧﻂ " ﺍﺍﺍﻩ ﺧﺎﻃﺮﻱ ﻧﻌﻴﺶ ﻣﺸﺎﻋﺮﻫﻢ .. ﺣﺘﻰ ﻋﻤﻚ ﺣﺴﺎﻥ ﺭﺍﻳﺢ ﻓﻴﻬﺎ ﻭﻫﺎﻟﻪ ﺗﺸﺒﺤﻠﻪ ﺑﺎﻟﺨﻨﺒﻪ .. ﻻﺯﻡ ﻧﺪﻭﺭ ﻉ ﻭﺣﺪﻩ ﻧﺤﺒﻬﺎ ﺣﺘﻰ ﺃﻧﻲ ﺧﻴﺮ ﻣﺎﻧﻘﻌﺪ ﻧﻤﺺ ﻓﻲ ﺍﻟﻠﻴﻢ "😂
ﺳﺮﻣﺪ : ﺍﺷﺒﺤﻮﻟﻲ ﻫﻨﻲ ..
ﻛﻠﻬﻢ ﻗﻄﻌﻮﺍ ﺣﺪﻳﺜﻬﻢ ﻭﺭﻛﺰﻭﺍ ﻣﻌﺎﻩ ..
ﺳﺮﻣﺪ : ﺍﻟﺨﻤﻴﺲ ﺍﻟﺠﺎﻱ ﺃﻥ ﺷﺎﺀ ﺍﻟﻠﻪ ....
ﺍﻧﻌﺎﻡ : ﺑﺘﺨﻄﺐ ...
ﺳﺮﻣﺪ : ﺧﻠﻴﻨﻲ ﻧﻜﻤﻞ ﻛﻼﻣﻲ ﻳﺎﻣﻄﺮﺷﻘﻪ ..
ﻛﻠﻬﻢ 😂😂😂😂😂:
ﺳﺮﻣﺪ : ﺍﻟﺨﻤﻴﺲ ﺍﻟﺠﺎﻱ ﺣﻴﻜﻮﻥ ﻓﻴﻪ ﺣﻔﻞ ﺗﺨﺮﻳﺞ ﺩﻓﻌﺎﺕ ﻣﻦ ﻛﻠﻴﺔ ﺍﻟﺸﺮﻃﻪ ﻭﺣﻴﺤﻀﺮ ﻭﺯﻳﺮﺍﻟﺪﺍﺧﻠﻴﻪ ﻭﺭﺋﻴﺲ ﺍﻟﻮﺯﺭﺍﺀ ﻭﺭﺋﻴﺲ ﺍﻟﺒﺮﻟﻤﺎﻥ .. ﺍﻟﻤﻬﻢ ﻓﻲ ﻫﺬﺍ ﻛﻠﻪ ﺍﻧﻪ ﺣﻴﺘﻢ ﺗﻜﺮﻳﻢ ﻭﻟﺪﻧﺎ .. ﺍﻟﺤﺴﻦ ﺍﻟﺼﺎﺩﻕ .. ﺑﻮﺳﺎﻡ ﺷﺮﻑ ... ﻣﻦ ﻗﺒﻞ ﺭﺋﻴﺲ ﺍﻟﻮﺯﺭﺍﺀ ...
ﻛﻠﻬﻢ ﺷﺒﺤﻮﺍ ﻟﻠﺤﺴﻦ ﺑﻔﺮﺣﻪ ..
ﺑﺮﻧﻴﻪ : ﺭﻭﻭﻭﻭﻭﻭﻭﻭﻭﺭﻭﻭﻭﻭﻭﻭﺭﻭﻭﻭﻭﻭﻭﻱ ..
ﻭﺑﺪﺕ ﺍﻟﻤﺒﺎﺭﻛﺎﺕ ﻣﻦ ﺍﻟﺠﻤﻴﻊ ﻭﻋﻠﻴﺎ ﺗﺸﺒﺤﻠﻪ ﺑﺈﻋﺠﺎﺏ ﺷﺪﻳﺪ ﻭﻓﺮﺣﺎﻧﻪ ﺑﻴﻪ ﺍﻛﺜﺮ ﻣﻨﻬﻢ ﻛﻠﻬﻢ ...
ﺭﻳﺤﺎﻧﻪ : ﺩﻳﻤﺎ ﻭﺍﻧﺖ ﺭﺍﻓﻊ ﺍﺳﻢ ﻋﻴﻠﺘﻨﺎ ﻓﻮﻕ ﺍﻛﺜﺮ ﻣﺎﻫﻮ ﻣﺮﻓﻮﻉ ...
ﺍﺑﺘﺴﻢ ﺍﻟﺤﺴﻦ .. ﻭﻋﻠﻴﺎ ﻋﻴﻮﻧﻬﺎ ﻧﺎﺭ ... ﻛﺎﻥ ﺗﻠﻘﻰ ﺗﺮﻳﺸﻬﺎ ﻣﻦ ﺷﻔﺎﺷﻴﻔﻬﺎ ..
🍃 ﻓﺎﺗﻮﺍ ﻛﻢ ﻳﻮﻡ ﺭﺟﻌﺖ ﺍﻟﺤﻴﺎﺓ ﻟﻤﺎ ﻛﺎﻧﺖ ﻋﻠﻴﻪ ..
ﺍﻟﺤﺴﻦ ﻭﻻ ﻣﻌﺎﺵ ﻳﺮﻛﺐ ﻟﻠﺸﻘﻪ ﺑﻜﻞ ﻭﻟﻮ ﺍﺿﻄﺮ ﻳﺮﻛﺐ ﻓﻼﺯﻡ ﻳﺘﺄﻛﺪ ﺍﻥ ﻋﻠﻴﺎ ﻣﺶ ﻓﻴﻬﺎ .. ﻣﻌﺎﺵ ﺗﻜﻠﻤﻮﺍ ﻣﻊ ﺑﻌﺾ ﺇﻻ ﺑﺎﻟﻨﻈﺮﺍﺕ .. ﻭﻛﻞ ﻣﻨﻬﻢ ﻧﻈﺮﺍﺗﻪ ﺗﻘﻮﻝ ﺍﻟﻒ ﻛﻠﻤﻪ ﻭﻛﻠﻤﻪ .. ﺣﺎﻝ ﺣﺴﺎﻥ ﻭﻫﺎﻟﻪ ﺯﻱ ﺣﺎﻟﻪ ﻋﻠﻴﺎ ﻭﺍﻟﺤﺴﻦ ﺑﺎﻟﺰﺑﻂ ...
ﺍﻟﺤﺴﻦ ﻟﻬﻲ ﺑﺎﻟﺘﺠﻬﻴﺰ ﻟﺤﻔﻞ ﺍﻟﺘﺨﺮﻳﺞ ﻭﺗﺄﻣﻴﻦ ﺍﻟﻤﻜﺎﻥ ﻣﻊ ﺟﻤﺎﻋﺔ ﺍﻷﻣﻦ ﺍﻟﻌﺎﻡ ﺗﺄﻣﻴﻦ ﻛﺎﻣﻞ ...
ﻓﻲ ﻟﻴﻠﺔ ﺍﻟﻠﻲ ﺗﺴﺒﻖ ﻳﻮﻡ ﺣﻔﻞ ﺍﻟﺘﺨﺮﻳﺞ ..
ﻫﺎﻟﻪ ﻓﻲ ﺷﻘﺘﻬﺎ ﻭﻛﺎﻧﺖ ﺍﺩﻳﺮ ﻓﻲ ﻣﺸﺮﻭﺏ ﺷﻜﻼﻃﻪ ﺳﺎﺧﻦ ﺍﻷﻧﺴﺐ ﻟﻬﺎﻟﺠﻮ ﺍﻟﻤﺼﻘﻊ ﻭﺣﺴﺒﺖ ﺣﺴﺎﻥ ﺍﻟﻠﻲ ﻗﺮﺭﺕ ﻭﺍﺧﻴﺮﺍ ﺑﻌﺪ ﻃﻮﻝ ﺗﻔﻜﻴﺮ ﺗﻌﻄﻴﻪ ﻓﺮﺻﻪ .. ﻣﺸﺖ ﻟﺪﺍﺭﻩ ﻃﻘﺖ ﺍﻟﺒﺎﺏ ...
ﺣﺴﺎﻥ ﻭﻗﻠﺒﻪ ﻳﺪﻕ ﺑﻘﻮﺓ : ﺗﻔﻀﻠﻲ ..
ﺧﺸﺖ ﻫﺎﻟﻪ ﺑﺈﺑﺘﺴﺎﻣﻪ : ﻣﺸﻐﻮﻝ ..
ﺣﺴﺎﻥ : ﻻ ..
ﻫﺎﻟﻪ : ﺍﻣﻤﻢ .. ﺩﺭﺕ ﻣﺸﺮﻭﺏ ﺷﻜﻼﻃﻪ ﺳﺨﻮﻥ ﻭﺣﺴﺒﺘﻚ ﻓﻴﻪ .. ﺗﺠﻲ ﺗﺸﺮﺏ ..
ﺣﺴﺎﻥ ﻗﻌﺪ ﻳﺸﺒﺤﻠﻬﺎ : ﻣﻌﻠﻴﺸﻲ ﺑﻨﺮﻗﺪ ..
ﻫﺎﻟﻪ ﺗﻼﺷﺖ ﺍﺑﺘﺴﺎﻣﺘﻬﺎ : ﺍﺣﻤﻢ .. ﺑﻪ ﺗﺼﺒﺢ ﻉ ﺧﻴﺮ ﻭﻃﻠﻌﺖ ﻭﺳﻜﺮﺕ ﺍﻟﺒﺎﺏ ... ﻣﺸﺖ ﻟﻠﻤﻄﺒﺦ ﻭﻫﻲ ﻣﻀﺎﻳﻘﻪ ﻟﻴﻦ ﺧﻼﺹ ﻣﺎﺗﻮﻗﻌﺘﺶ ﻳﺮﺩﻫﺎ .. ﻗﻌﺪﺕ ﺗﺸﺒﺢ ﻟﻠﻄﻮﺍﺳﻲ ﻓﻲ ﺍﻟﺼﺎﻟﻪ ﻃﺎﺭﺕ ﺍﻟﻨﻴﻪ ﻣﻨﻪ .. ﺗﻨﻬﺪﺕ ﻭﻗﺪﻣﺖ ﺑﺘﺮﻓﻊ ﺍﻟﺼﻔﺮﺓ ..
" ﺧﻠﻴﻬﺎ .." ﺍﻟﺘﻔﺘﺖ ﻟﻘﺎﺗﻪ ﻭﺭﺍﻫﺎ ﺑﺎﻟﺰﺑﻂ ..
ﻫﺎﻟﻪ ﺑﺮﻓﻌﺔ ﺣﺎﺟﺐ : ﻣﺶ ﺑﺘﺮﻗﺪ ..
ﺣﺴﺎﻥ : ﻣﺎﻗﺪﺭﺗﺶ ﻧﺮﻗﺪ ﻭﺍﻧﻲ ﻛﺎﺳﺮ ﺑﺨﺎﻃﺮﻙ ﻣﺎﺗﻬﻮﻧﻴﺶ ﻋﻠﻴﺎ ..
ﻫﺎﻟﻪ : ﻭﻣﻦ ﻗﺎﻟﻚ ﺧﺎﻃﺮﻱ ﺍﻧﻜﺴﺮ .. ﻣﺶ ﺑﺴﻬﻮﻟﻪ ﻳﻨﻜﺴﺮ ..
ﺣﺴﺎﻥ : ﺑﻪ ﻃﻤﻨﺘﻴﻨﻲ .. ﺑﺲ ﻣﺎﻗﻠﺘﻴﺶ ﻛﻴﻒ ﺟﺎﺗﻚ ﻭﻧﺎﺩﻳﺘﻲ ﻋﻠﻴﺎ ﻧﻘﻌﻤﺰ ﻣﻌﺎﻙ ...
ﻫﺎﻟﻪ : ﺍﻟﺤﻖ ﻓﻴﺎ ﺍﻟﻠﻲ ﺳﺨﻔﺘﻨﻲ ﻭﺍﻧﺖ ﻗﺎﻋﺪ ﺑﺮﻭﺣﻚ ﻓﻲ ﺍﻟﺪﺍﺭ ... ﻗﻠﺖ ﻧﻐﻴﺮﻟﻚ ﺟﻮﻙ ..
ﺣﺴﺎﻥ ﺑﺈﺑﺘﺴﺎﻣﻪ : ﻓﻴﻚ ﺍﻟﺨﻴﺮ .. ﻗﻌﺪﻭﺍ ﻳﺸﺒﺤﻮﺍ ﻟﺒﻌﺾ ﻫﻮ ﻳﻮﺯﻉ ﻓﻲ ﻧﻈﺮﻩ ﻉ ﻭﺟﻬﻬﺎ ﻭﻫﻲ ﺗﺸﺒﺢ ﻟﻌﻴﻮﻧﻪ ﻛﻴﻒ ﻳﺸﻮﻓﻠﻬﺎ ..
ﻫﺎﻟﻪ ﺑﺼﻮﺕ ﻫﺎﺩﻱ : ﻓﺸﻦ ﺗﻔﻜﺮ ..
ﺣﺴﺎﻥ ﺷﺒﺢ ﻟﻌﻴﻮﻧﻬﺎ : ﻓﻬﻠﺒﻪ ﺣﺎﺟﺎﺕ ﻗﻠﺒﻲ ﻳﻘﻮﻟﻲ ﺩﻳﺮﻫﻢ ﻭﻋﻘﻠﻲ ﻳﻘﻮﻟﻲ ﺭﺩ ﺑﺎﻟﻚ
ﻫﺎﻟﻪ : ﻭﻋﻼﺵ ﻳﻘﻮﻟﻚ ﺭﺩﺑﺎﻟﻚ ..
ﺣﺴﺎﻥ : ﺧﺎﻳﻒ ﻣﻨﻚ ...
ﻫﺎﻟﻪ ﺍﺑﺘﺴﻤﺖ : ﻗﻮﻟﻪ ﻣﺎﻳﺨﺎﻓﺶ .. ﻧﺒﻲ ﻧﻌﻄﻲ ﺻﺎﺣﺒﻪ ﻓﺮﺻﻪ ..
ﺣﺴﺎﻥ ﻓﺘﺢ ﻋﻴﻮﻧﻪ ﻉ ﻭﺳﻌﻬﻢ ﺑﺪﻫﺸﻪ ﻣﺶ ﻣﺼﺪﻕ ﺍﻟﻠﻲ ﺳﻤﻌﻪ ﻗﻠﺒﻪ ﻳﺪﻕ ﺑﻌﻨﻒ ﺷﺪﻳﻴﻴﻴﺪ ...
ﺣﺴﺎﻥ : ﻳﻌﻨﻲ ...
ﻫﺎﻟﻪ ﺍﺑﺘﺴﻤﺖ ...
ﺣﺴﺎﻥ ﺗﻨﻬﺪ : ﺁﺍﺍﺍﺍﺍﺍﻩ ﻳﺎﺭﻭﺣﻲ ﻳﺎﻗﻠﺒﻲ ﺍﻧﺘﻲ ... ﻭﻗﺮﺏ ﻭﺑﺎﺳﻬﺎ ... ﺑﺤﺐ ﺑﻌﺸﻖ ﺑﺸﻮﻕ ﺑﻮﻟﻪ .. ﻭﻫﻲ ﻏﻤﻀﺖ ﻋﻴﻮﻧﻬﺎ ﻭﺍﻧﺴﺠﻤﺖ ﻣﻌﺎﻩ ﻭﺣﺴﺖ ﺑﺸﻌﻮﺭ ﺣﻠﻮ ﻫﻠﺒﻪ .. ﺣﺎﻭﻃﻬﺎ ﻣﻦ ﺧﺼﺮﻫﺎ ﺑﺈﻳﺪﻳﻪ ﻭﻗﺎﻋﺪ ﺿﺎﻳﻊ ﻓﻴﻬﺎ .. ﻭﻫﻲ ﻛﺬﻟﻚ ... ﺷﻮﻳﻪ ﻭﺑﻌﺪ ﻋﻨﻬﺎ ﺑﺶ ﺗﺎﺧﺪ ﻧﻔﺲ ...
ﻫﺎﻟﻪ ﺑﺼﻮﺕ ﻳﺪﻭﺏ ﻃﺎﻟﻊ : ﺣﻨﻌﻄﻴﻚ .. ﻓﺮﺻﺔ ... ﺗﺜﺒﺘﻠﻲ ﻓﻴﻬﺎ ﺍﻧﻚ ﻓﻌﻼ ﺗﻐﻴﺮﺕ .. ﻭﻗﺘﻬﺎ ﺣﻨﻜﻮﻥ ﻟﻴﻚ ﺑﻘﻠﺒﻲ ﻭﻣﺸﺎﻋﺮﻱ ﻭﻛﻞ ﻣﺎﻓﻴﺎ ..
ﺣﺴﺎﻥ ﺑﻌﻴﻮﻥ ﺩﺍﺑﻠﻪ ﺷﺎﺩ ﻭﺟﻬﻬﺎ ﺑﺈﻳﺪﻳﻪ : ﺣﻨﺘﺒﺘﻠﻚ ﻳﺎﻫﺎﻟﻪ ﻭﺣﺘﺸﻮﻓﻲ ﺑﻌﻴﻮﻧﻚ ﺣﺴﺎﻥ ﺍﻟﻠﻲ ﺣﺒﻚ ﻏﻴﺮﻩ 180 ﺩﺭﺟﻪ ..
ﺣﻄﺖ ﺍﻳﺪﻳﻬﺎ ﻉ ﺍﻳﺪﻳﻪ ﻭﻧﺰﻟﺘﻬﻢ : ﻫﻴﺎ ﺗﻌﺎﻟﻰ ﻧﺸﺮﺑﻮﻩ ﺻﻘﻊ ﺧﻼﺹ ..
ﺣﺴﺎﻥ : ﻣﺶ ﺣﻨﺤﺲ ﺍﻧﻪ ﺻﻘﻊ ﻣﻦ ﺍﻟﻨﺎﺭ ﺍﻟﻠﻲ ﻭﺍﻟﻌﻪ ﻓﻴﺎ ..
ﻫﺎﻟﻪ ﻗﻌﻤﺰﺕ : ﻫﻬﻬﻬﻬﻬﻬﻬﻬﻪ ﻗﻌﻤﺰ ﻗﻌﻤﺰ .. ﻗﻌﻤﺰﻭﺍ ﻭﻗﻌﺪﻭﺍ ﻳﺸﺮﺑﻮﺍ ﻭﻳﻬﺪﺭﺯﻭﺍ ﻭﻳﻀﺤﻜﻮﺍ ﻭﺟﻮﻫﻢ ﺣﻠﻮ ﻭﻫﺪﻳﻜﺎ ﺍﻟﻠﻴﻠﻪ ﻛﺎﻧﺖ ﺍﻟﺒﺪﺍﻳﻪ ﺍﻟﺠﺪﻳﺪﻩ ﺍﻟﺤﻠﻮﺓ ﺑﻴﻦ ﺣﺴﺎﻥ ﻭﻫﺎﻟﻪ .. ﺑﺮﻏﻢ ﺍﻧﻪ ﻛﻞ ﻭﺍﺣﺪ ﻓﻴﻬﻢ ﻓﺪﺍﺭ ﺑﺲ ﻗﻠﻮﺑﻬﻢ ﻗﻌﺪﺕ ﺣﺎﺿﻨﻪ ﺑﻌﻀﻬﺎ ...💖💖
ﻋﻨﺪ ﻋﻠﻴﺎ ...
ﻛﺎﻧﺖ ﺭﺍﻗﺪﻩ ﻉ ﺍﻟﺴﺮﻳﺮ ﻭﺗﺘﺄﻣﻞ ﻓﻲ ﺑﺪﻟﻪ ﺍﻟﺸﺮﻃﻪ ﺍﻟﻤﻌﻠﻘﻪ ﻉ ﺍﻟﺮﻭﺷﻦ .. ﻫﻮ ﻋﻠﻘﻬﺎ ﻭﻫﻲ ﻣﻬﻨﺎﺵ .. ﻓﻬﻤﺖ ﺍﻧﻪ ﺣﻴﺮﻛﺐ ﻳﻠﺒﺲ ﻓﻮﻕ .. ﻗﻌﺪﺕ ﺗﺘﺄﻣﻞ ﻓﻴﻬﺎ ﻭﺗﺒﺘﺴﻢ ﻟﻴﻦ ﻏﻠﺒﻬﺎ ﺍﻟﻨﻮﻡ ﻭﺭﻗﺪﺕ ...
ﺗﺎﻧﻲ ﻳﻮﻡ ..
ﻧﺰﻟﻮﺍ ﻓﻄﺮﻭﺍ ﻟﻮﻃﺎ ﻭﻫﻤﺎ ﻳﻀﻤﻮﺍ ﻓﻲ ﺣﻮﺳﻪ ﺍﻟﻔﻄﻮﺭ .. ﺍﻟﺤﺴﻦ ﺍﺳﺘﻐﻞ ﻭﺟﻮﺩﻫﺎ ﻟﻮﻃﺎ ﻭﺭﻛﺐ ﻳﺒﺪﻝ ..
ﻫﻲ ﻗﺎﻋﺪﻩ ﺗﻔﻜﺮ ﻓﻴﻪ .. ﺍﺳﺘﺄﺫﻧﺖ ﻭﺭﻛﺒﺖ ﺑﺘﺸﻮﻓﻪ .. ﺭﻛﺒﺖ ﻭﻗﻠﺒﻬﺎ ﺳﺎﺑﻘﻬﺎ ... ﺧﺸﺖ ﻟﻠﺤﻮﺵ ﺷﻤﺖ ﺭﻳﺤﺘﻪ ﻏﻤﻀﺖ ﻋﻴﻮﻧﻬﺎ ﻭﺍﺑﺘﺴﻤﺖ ﻣﺸﺖ ﻟﺪﺍﺭ ﺍﻟﻨﻮﻡ ﻣﺎﻟﻘﺖ ﺣﺪ ﻭﻣﺎﻟﻘﺘﺶ ﺍﻟﺒﺪﻟﻪ ﺣﺘﻰ ﺍﻟﺤﻤﺎﻡ ﻓﺎﺿﻲ ﻣﺎﻓﻴﻪ ﺣﺪ .. ﺗﻠﻔﺘﺖ ﺟﺖ ﻋﻴﻨﻬﺎ ﻉ ﻃﺎﻗﻴﻪ ﺍﻟﺸﺮﻃﻪ ﻣﺘﺎﻋﻪ ﺷﺒﺤﺘﻠﻬﺎ ﻭﺍﺑﺘﺴﻤﺖ ﻭﻗﺪﻣﺖ ﺧﺪﺗﻬﺎ ﻭﻗﻌﺪﺕ ﺗﺘﺄﻣﻞ ﻓﻴﻬﺎ ﻭﺑﻌﺪﻳﻦ ﺷﺒﺤﺖ ﻟﻠﻤﺮﺍﻳﻪ ﻭﺣﻄﺘﻬﺎ ﻉ ﺭﺍﺳﻬﺎ .. ﺿﺤﻜﺖ ﻉ ﺭﻭﺣﻬﺎ ﻛﻴﻒ ﻃﻠﻌﺖ ﻋﻠﻴﻬﺎ ﻗﻌﺪﺕ ﺗﺸﺒﺢ ﻟﻠﻤﺮﺍﻳﻪ ﻭﺍﺩﻳﺮ ﻓﻲ ﺣﺮﻛﺎﺕ ﻫﺒﻠﻪ ﻭﻗﺪﻣﺖ ﺷﻮﺭﺍﺑﻬﺎ ﻭﺗﺴﺎﻭﻱ ﻓﻲ ﺷﻌﺮﻫﺎ ﺍﻟﻤﻔﺮﻭﺩ ﻉ ﻛﺘﺎﻓﻬﺎ ﻭﺗﻀﺤﻚ .. ﺭﻳﺤﺘﻪ ﺯﺍﺩﺕ ﻗﻮﻳﺖ .. ﻟﻔﺖ ﺟﻨﺒﻬﺎ ﻟﻘﺎﺗﻪ ﺣﺎﻁ ﺍﻳﺪﻳﻪ ﻓﻲ ﺟﻴﻮﺑﻪ ﻭﻳﺸﺒﺤﻠﻬﺎ ﺑﺈﺑﺘﺴﺎﻣﺘﻪ ﺍﻟﻠﻲ ﻉ ﺟﻨﺐ ﺍﻟﻠﻲ ﻫﻲ ﺣﺒﺘﻬﺎ ﻫﻠﺒﻪ 💖..
ﺍﻟﺤﺴﻦ : ﺷﻦ ﻏﻴﺮﺗﻲ ﺗﺨﺼﺼﻚ ..
ﻋﻠﻴﺎ ﺗﻠﻔﺘﺖ ﺑﺠﺴﻤﻬﺎ ﻛﻠﻪ : ﺍﻣﻤﻢ ﻧﻔﻜﺮ ﻧﺪﻳﺮﻫﺎ ..
ﺍﻟﺤﺴﻦ ﺿﻴﻖ ﻋﻴﻮﻧﻪ ﺑﺈﺳﺘﻐﺮﺍﺏ : ﻋﻼﺵ ..
ﻋﻠﻴﺎ : ﺑﺶ ﻧﻘﺒﺾ ﻋﻠﻴﻚ ﻟﻮ ﻓﻜﺮﺕ ﺗﻬﺮﺏ ﻣﻨﻲ ..
ﺍﻟﺤﺴﻦ : ﻧﻬﺮﺏ ﻣﻨﻚ ..
ﻋﻠﻴﺎ : ﺍﻳﻪ ﻟﻤﺎ ﺗﺰﻋﻞ ﻣﻨﻲ .. ﻣﻌﺎﺵ ﻧﺒﻴﻚ ﺗﻬﺮﺏ ﻧﺒﻴﻚ ﺗﺠﻲ ﺗﻮﺍﺟﻬﻨﻲ ﻭﺗﻘﻮﻝ ﺯﻋﻠﺖ ﻣﻨﻚ ..
ﺍﻟﺤﺴﻦ : ﻋﻤﺮﻱ ﻣﺎﺩﺭﺗﻬﺎ ﺍﻟﻠﻲ ﺯﻋﻠﻨﻲ ﻻﺯﻡ ﻳﻌﺮﻑ ﺑﺮﻭﺣﻪ ﺍﻧﻪ ﺯﻋﻠﻨﻲ ..
ﻋﻠﻴﺎ ﺑﺈﺑﺘﺴﺎﻣﻪ ﻭﺭﻓﻌﻪ ﺣﺎﺟﺐ : ﻣﻌﻨﺎﻫﺎ ﺣﻨﻀﻄﺮ ﻧﻘﺒﺾ ﻋﻠﻴﻚ ..
ﺍﻟﺤﺴﻦ ﻗﻌﺪ ﻳﺸﺒﺤﻠﻬﺎ ﻫﻠﺒﻪ ﺑﻌﺪﻳﻦ ﻗﺪﻡ ﻟﻴﻦ ﺟﻲ ﻗﺪﺍﻣﻬﺎ ﺑﺎﻟﺰﺑﻂ ﻭﻗﻌﺪ ﻳﺸﺒﺢ ﻟﻌﻴﻮﻧﻬﺎ : ﻭﺍﻧﻲ ﺣﻨﺴﻠﻤﻚ ﻧﻔﺴﻲ ﺩﻭﻥ ﻣﻘﺎﻭﻣﻪ ..
ﻋﻠﻴﺎ ﻗﻌﺪﺕ ﺗﺸﺒﺤﻠﻪ ﻭﻋﻴﻮﻧﻬﺎ ﻓﻲ ﻋﻴﻮﻧﻪ ﻗﻠﺒﻬﺎ ﻳﺮﺟﻒ ﻛﻠﻬﺎ ﺗﺮﺟﻒ .. ﻭﻫﻮ ﻣﺶ ﻗﺎﺩﺭ ﻳﻘﺎﻭﻡ ﻧﻈﺮﺗﻬﺎ ... ﻣﺶ ﻗﺎﺩﺭ ﻳﻘﺎﻭﻣﻬﺎ ﻗﺮﺏ ﺣﻂ ﺍﻳﺪﻩ ﻉ ﺧﺪﻫﺎ ﻭﻗﺮﺑﻬﺎ ﻟﻴﻪ ﻭﺃﺧﻴﺮﺍ ﺑﺎﺳﻬﺎ ..
ﻫﻲ ﻛﺎﻧﺖ ﻣﺼﺪﻭﻣﻪ ﺑﻌﺾ ﺍﻟﺸﻲ ﻣﺒﺎﺩﻻﺗﺎﺵ ﺑﺲ ﻫﻮ ﻣﺶ ﺣﺎﺱ ﺑﺸﻲ .. ﻳﺮﺗﻮﻱ ﻣﻦ ﺣﺒﻬﺎ ﻳﺮﻭﻱ ﻓﻲ ﻋﻄﺸﻪ ﻭﺑﺲ ﻗﻠﺒﻪ ﻳﺨﺒﻂ ﺑﻌﻨﻒ ﺷﺪﻳﺪ .. ﺷﻮﻳﻪ ﻭﺑﻌﺪ ﻋﻨﻬﺎ ... ﻭﻫﻲ ﺗﺸﺒﺤﻠﻪ ﺑﺼﺪﻣﻪ ﻭﻣﺶ ﻣﺴﺘﻮﻋﺒﻪ ﺍﻟﻠﻲ ﺻﺎﺭ .. ﻫﻮ ﻭﻗﻒ ﻉ ﺣﻴﻠﻪ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺧﺪ ﺍﻟﻄﺎﻗﻴﻪ ﻣﻦ ﻉ ﺭﺍﺳﻬﺎ ﻭﻟﺒﺴﻬﺎ ﺧﺪﻱ ﻧﻔﺲ ﻋﻤﻴﻖ ﻣﺎﺑﺎﺵ ﻳﺸﺒﺤﻠﻬﺎ ﻣﺮﺓ ﺗﺎﻧﻴﻪ ﻷﻥ ﺣﺲ ﺑﺄﻧﻪ ﻣﺶ ﺣﻴﻄﻠﻊ ﺑﻌﺪﻫﺎ .. ﻭﻟﻒ ﻭﻣﺸﻲ ﻭﺧﻼﻫﺎ ﻭﺍﻗﻔﻪ ﻣﺶ ﻣﺴﺘﻮﻋﺒﻪ ..
ﺣﻄﺖ ﺍﻳﺪﻳﻬﺎ ﻉ ﺷﻔﺎﻳﻔﻬﺎ .. ﻭﺑﻌﺪﻳﻦ ﻉ ﺧﺪﻭﺩﻫﺎ ﺍﻟﻠﻲ ﻛﺎﻧﻮﺍ ﺳﺨﺎﻥ .. ﻭﺷﻮﻳﻪ ﻭﺑﺪﺕ ﺗﻀﺤﻚ .. ﺑﻌﺪﻳﻦ ﺣﻄﺖ ﺍﻳﺪﻫﺎ ﻉ ﻗﻠﺒﻬﺎ ﻭﺗﻨﻬﺪﺕ ﻭﻗﺎﻟﺖ : ﻃﺤﺘﻲ ﻳﺎﻋﻠﻴﺎ
