#الحسن (الوطن عشق رجاله)
ﺍﻟﺠﺰﺀ ﺍﻟﺜﺎﻟﺚ ﻭﺍﻟﺜﻼﺗﻴﻦ 🛡💖
للكاتبةGomanFared
ﻟﻮ ﺳﻤﺤﺘﻲ .. ﺧﻼﺹ ﺍﻟﻮﻗﺖ ﺗﻢ
ﺑﺎﻟﺴﻴﻒ ﻃﻠﻌﺖ ﺗﺠﺮ ﻓﻲ ﺭﺟﻠﻴﻬﺎ ﺟﺮ .. ﻭﺻﻠﺖ ﻓﻲ ﺍﻟﺒﺎﺏ ﺷﺎﻓﺘﻠﻪ ﻭﺑﻌﺪﻳﻦ ﻃﻠﻌﺖ ... ﻗﻠﺒﻬﺎ ﺧﻼﺹ ﻣﻌﺎﺵ ﻳﻘﺪﺭ ﻳﺘﺤﻤﻞ ﺧﺎﻳﻔﻪ ﻫﻠﺒﻪ
ﺑﺎﻟﺬﺍﺕ ﻭﺍﻥ ﻭﺿﻌﻪ ﻣﺎﺗﻐﻴﺮ ﻓﻴﻪ ﺷﻲ
ﺍﻟﻴﻮﻡ ﺍﻟﻠﻲ ﺑﻌﺪﻩ
ﻛﺎﻧﺖ ﻓﻲ ﺣﺮﺍﺳﻪ ﻣﺸﺪﺩﻩ ﻉ ﺍﻟﻤﺴﺘﺸﻔﻰ ﺑﺎﻟﺬﺍﺕ ﻓﻲ ﺍﻟﺪﻭﺭ ﺍﻟﻠﻲ ﻓﻴﻪ ﺍﻟﺤﺴﻦ .. ﺍﺳﺎﺳﺎ ﻫﻮ ﻓﻲ ﺍﻟﻤﺴﺘﺸﻔﻰ ﺍﻟﺘﺎﺑﻌﻪ ﻟﻠﺸﺮﻃﻪ ..
ﺟﻮ ﺍﻫﻠﻪ ﻭﻗﺖ ﺍﻟﺰﻳﺎﺭﺓ
ﺟﻨﺎﻥ : ﺁﺍﺍﺍﻩ ﻳﺎﺭﺏ ..
ﺍﻧﻌﺎﻡ : ﺍﻟﻴﻮﻡ ﺗﺎﻟﺖ ﻳﻮﻡ ..
ﺧﻮﻟﻪ ﺑﺒﻜﻲ : ﻣﺶ ﻗﺎﺩﺭﺓ ﻧﺴﺘﻮﻋﺐ ﻟﺘﻮﺍ ..
ﻫﺎﻟﻪ ﺗﺸﺒﺢ ﻟﻌﻠﻴﺎ : ﻻﻗﺪﺭ ﺍﻟﻠﻪ ﻟﻮ ﺻﺎﺭﺕ ﺣﺎﺟﻪ ﻣﺶ ﻛﻮﻳﺴﻪ ﻋﻠﻴﺎ ﺣﺘﺮﻳﺢ ﻓﻴﻬﺎ ..
ﺳﺎﺭﺓ ﺗﺸﺒﺤﻠﻬﺎ : ﻳﺎﺭﻭﺣﻲ ﻋﻠﻴﻬﺎ ﻛﻴﻒ ﻭﺍﻗﻔﻪ ﺣﺪﺍ ﺍﻟﺒﺎﺏ ﻭﻣﺎﺗﺒﻴﺶ ﺗﺤﻮﻝ ..
ﻋﺎﺑﺪ : ﺑﻮﻱ ﻭﺿﻌﻪ ﻣﺶ ﻣﻄﻤﻨﻲ ..
ﻣﺤﻤﺪ : ﺣﺘﻰ ﺍﻧﻲ ﻣﻼﺣﻆ ﻣﺎﺑﺎﺵ ﻳﺠﻲ ﺑﻜﻞ ..
ﺳﺮﻣﺪ : ﺑﻮﻱ ﻣﺶ ﻗﺎﺩﺭ ﻳﻨﺴﻰ ..
ﻋﺎﺑﺪ : ﻭﻫﻮ ﻓﻲ ﺣﺪ ﻓﻴﻨﺎ ﻧﺴﻲ ..
ﻣﺤﻤﺪ ﺷﺒﺤﻠﻬﻢ ﺍﻟﺰﻭﺯ ﺑﺤﺪﻩ : ﺳﻜﺮﻭﺍ ﻉ ﺍﻟﻤﻮﺿﻮﻉ ..
ﺳﻜﺘﻮﺍ ﺍﻟﺰﻭﺯ ..
ﻓﺠﺄﺓ ... ﺳﻤﻌﻮﺍ ﺻﻮﺕ ﺟﻬﺎﺯ ﺍﻧﺬﺍﺭ ﺟﺎﻱ ﻣﻦ ﻋﻨﺪﻩ .. ﻛﻠﻬﻢ ﺍﻧﺼﺪﻣﻮﺍ ﻭﺧﺎﻓﻮﺍ ..
ﻓﻠﺤﻈﻪ ﺍﻟﺪﻛﺘﻮﺭ ﻭﻭﺭﺍﻩ ﺍﻟﻤﻤﺮﺿﺎﺕ ﺧﺸﻮﺍ ﺩﺍﺧﻞ ..
ﻋﻠﻴﺎ ﺑﺘﻮﻫﺎﻥ : ﺷﻦ ﻓﻲ .. ﺧﻴﺮﻫﻢ .. ﺷﻨﻮ ..
ﺷﺪﺗﻬﺎ ﺍﻧﻌﺎﻡ : ﺗﻌﺎﻟﻲ ﺣﺒﻴﺒﺘﻲ ..
ﻋﻠﻴﺎ ﺑﺨﻮﻑ : ﺷﻦ .. ﻓﻲ .. ﻻﺵ .. ﻫﻜﻲ ﺩﺍﺭﻭ ..
ﻋﺎﺑﺪ : ﺷﻦ ﺻﺎﺭ ..
ﻣﺤﻤﺪ : ﺭﺑﻲ ﻳﻠﻄﻒ ..
ﺳﺮﻣﺪ ﻳﺮﺍﻗﺐ ﻓﻲ ﺍﻟﻮﺿﻊ ﻭﺑﺲ ...
ﺩﺍﺧﻞ ...
ﺍﻟﺪﻛﺘﻮﺭ : ﺑﺴﺮﻋﻪ ﺣﻄﻲ ﺍﻟﻤﺎﺩﻩ ﻉ ﺻﺪﺭﻩ ﻫﻴﺎ .. ﺷﻐﻠﻮﺍ ﺍﻟﺠﻬﺎﺯ ..
ﺧﻂ ﻧﺒﻀﺎﺕ ﺍﻟﻘﻠﺐ ﻣﺴﺘﻘﻴﻢ .. ﺍﻟﺤﺴﻦ ﺣﺎﻟﻴﺎ ﻗﺎﻋﺪ ﻳﻤﻮﺕ ...
ﺍﻟﺪﻛﺘﻮﺭ ﺑﺪﻱ ﺑﺎﻟﺼﺪﻣﺎﺕ
ﺍﻟﺼﺪﻣﻪ ﺍﻷﻭﻟﻰ ... ﺧﻂ ﻣﺴﺘﻘﻴﻢ 💔..
ﺍﻟﺼﺪﻣﻪ ﺍﻟﺘﺎﻧﻴﻪ .. ﺧﻂ ﻣﺴﺘﻘﻴﻢ 💔
ﺍﻟﺪﻛﺘﻮﺭ : ﻗﻮﻭﻭﻩ ..
ﺍﻟﺼﺪﻣﻪ ﺍﻟﺘﺎﻟﺘﻪ ﺧﻂ ﻣﺴﺘﻘﻴﻢ 💔
ﺍﻟﺼﺪﻣﻪ ﺍﻟﺮﺍﺑﻌﻪ ﺧﻂ ﻣﺴﺘﻘﻴﻢ ....
ﺍﻟﻠﻲ ﺣﻮﺍﻟﻴﻦ ﺍﻟﺪﻛﺘﻮﺭ ﺁﻳﺴﻮﺍ ﺧﻼﺹ ﺑﺲ ﻫﻮ ﻻ ..
ﺍﻟﺪﻛﺘﻮﺭ : ﻗﻮﻭﻭﻭﻭﻭﻭﻩ ..
ﻗﻮﻩ ﻉ ﺩﺭﺟﻪ ﻗﺼﻮﻯ ...
ﺍﻟﺼﺪﻣﻪ ﺍﻟﺨﺎﻣﺴﻪ ... ﺧﻂ ﻣﺴﺘﻘﻴﻢ ..
ﺍﻟﻤﻤﺮﺿﻪ : ﺧﻼﺹ ﻳﺎﺩﻛﺘﻮﺭ ..
ﺍﻟﺪﻛﺘﻮﺭ ﻗﻌﺪ ﻳﺸﺒﺢ ﺑﺼﺪﻣﻪ .. ﺑﻌﺪﻳﻦ ﺍﺳﺘﺠﻤﻊ ﻧﻔﺴﻪ ..
ﺩﺍﺭ ﺍﺧﺮ ﺻﺪﻣﻪ ... ﺧﻂ ﻣﺴﺘﻘﻴﻢ ..
ﻟﻮﺡ ﻣﻦ ﺍﻳﺪﻳﻪ ﺍﻟﺠﻬﺎﺯ .. ﻭﺣﻂ ﺍﻳﺪﻳﻪ ﻉ ﺑﻌﻀﻬﻢ ﻓﻮﻕ ﺻﺪﺭ ﺍﻟﺤﺴﻦ .. ﻭﻗﻌﺪ ﻳﺪﻳﺮ ﻓﻲ ﻋﻤﻠﻴﻪ ﺍﻹﻧﻌﺎﺵ ... ﻓﻲ ﺍﺧﺮ ﺷﻲ ..
ﺍﻟﺪﻛﺘﻮﺭ : ﻳﺎﺍﺍﺍﺍﻟﻠﻪ ... ﻭﺿﻐﻂ ﺑﺄﻗﻮﻯ ﻣﻦ ﻋﻨﺪﻩ ...
ﺗﻮﺕ .. ﺗﻮﺕ .. ﺗﻮﺕ .. ﺗﻮﺕ .. ﺍﻳﻪ ﺭﺟﻊ ﺍﻟﻨﺒﺾ .. ﺭﺟﻊ ...
ﻛﻠﻬﻢ ﺍﻧﺪﻫﺸﻮﺍ ﻣﻦ ﺍﻟﻠﻲ ﺻﺎﺭ .. ﺃﻣﺎ ﺍﻟﺪﻛﺘﻮﺭ ﻏﻤﺾ ﻋﻴﻮﻧﻪ ﻭﻃﺎﺡ ﻉ ﺭﻛﺎﺑﻪ ﻭﺗﻨﻔﺲ ﺍﻟﺼﻌﺪﺍﺀ ...
ﺑﺮﺍ ...
ﻣﺶ ﻓﺎﻫﻤﻴﻦ ﺷﻲ ﻗﺮﻳﺐ ﻳﻬﺒﻠﻮﺍ ... ﺑﻜﻲ ﻭﺧﻼﺹ ﻭﻫﻲ ﻣﻐﻤﻀﻪ ﻋﻴﻮﻧﻬﺎ ﻭﺗﺪﻋﻲ ﺑﺲ ﻟﻴﻦ ﻃﻠﻊ ﺍﻟﺪﻛﺘﻮﺭ .. ﻛﻠﻬﻢ ﺟﻮﻩ ..
ﺍﻟﺪﻛﺘﻮﺭ ﺷﺒﺢ ﻟﻌﻠﻴﺎ ﺍﺑﺘﺴﻢ : ﺑﻔﻀﻞ ﺍﻟﻠﻪ .. ﺭﺩﻳﺘﻬﻮﻟﻚ ..
ﺷﻬﻘﺎﺕ ﺍﻟﻔﺮﺣﻪ .. ﺿﺤﻚ .. ﺩﻣﻮﻉ ﺍﻟﺤﺰﻥ ﺍﻟﻠﻲ ﺗﺒﺪﻟﺖ ﺑﻔﺮﺡ .. ﻛﻠﻬﻢ ﻳﺤﻀﻨﻮﺍ ﻓﻲ ﺑﻌﺾ ﻭﻣﺶ ﻣﺼﺪﻗﻴﻦ ..
ﻋﻠﻴﺎ ﺑﺼﺪﻣﻪ ﻣﻤﺰﻭﺟﻪ ﺑﺎﻟﻔﺮﺣﻪ : ﻣﺶ ﻗﻠﺘﻠﻜﻢ ﻗﻠﺘﻬﺎ ﺍﻧﻲ ﺭﺍﺟﻠﻲ ﻗﻮﻱ ﺭﻳﺘﻮﻩ ﻭﻋﺪﻧﻲ ﻭﻭﻓﻲ ﺑﻮﻋﺪﻩ .. ﻭﻋﺪﻧﻲ ﻭﺍﻟﻠﻲ ﺯﻳﻪ ﻟﻤﺎ ﻳﻮﻋﺪ ﻳﻮﻓﻲ ﻗﻠﺘﻠﻜﻢ .. ﻋﻘﺎﺏ ﺭﺻﺎﺻﻪ .. ﻣﺎﺩﻳﺮ ﺷﻲ ﻓﻴﻪ ﺑﻄﻠﻲ ﺍﻧﻲ .. ﻛﻠﻬﻢ ﻳﺸﺒﺤﻮﻟﻬﺎ ﻭﻣﺘﺄﺛﺮﻳﻦ ﺑﻜﻼﻣﻬﺎ ﺑﺲ ﻻﺣﻈﻮﺍ ﺍﻧﻬﺎ ﻣﺶ ﻣﺰﺑﻮﻃﻪ .. ﻓﻌﻼ ﺷﻮﻳﻪ ﻭﺍﻧﻘﻄﻊ ﺻﻮﺗﻬﺎ ﻭﻓﻘﺪﺕ ﺍﻟﻮﻋﻲ ..
ﻭﺻﻞ ﺧﺒﺮ ﻟﻠﺤﺎﺝ ﻋﻠﻲ .. ﺍﻟﻠﻲ ﺳﺠﺪ ﻟﺮﺑﻲ ﺳﺠﻮﺩ ﺷﻜﺮ ... ﻭﻗﺮﺭ ﻳﻄﻠﻊ ﺻﺪﻗﻪ ﻉ ﺳﻼﻣﺔ ﺍﻏﻠﻰ ﺍﺣﻔﺎﺩﻩ ﻉ ﻗﻠﺒﻪ ..
...
ﺍﻟﺪﻛﺘﻮﺭ : ﺣﻴﻘﻌﺪ ﺛﻼﺗﻪ ﺍﻳﺎﻡ ﺗﺎﻧﻴﻪ ﻟﻴﻦ ﻳﻮﻟﻲ ﺍﺣﺴﻦ ﻭﺑﻌﺪﻫﺎ ﻳﻘﺪﺭ ﻳﻄﻠﻊ ﺑﺲ ﻻﺯﻡ ﻳﺎﺧﺪ ﻧﻘﺎﻫﻪ ﻣﻦ ﺧﺪﻣﺘﻪ ﻷﻧﻲ ﻧﻌﺮﻓﻪ ﻛﻮﻳﺲ ..
ﻋﺎﺑﺪ : ﺗﻮ ﻧﺸﻮﻑ ﻛﻴﻒ ﻧﺘﺼﺮﻑ ﻣﻌﺎﻩ ..
ﺍﻟﺪﻛﺘﻮﺭ : ﻳﺎﺭﻳﺖ ﺗﻘﺪﺭ ﺗﻔﺮﺽ ﻋﻠﻴﻪ ﻳﺒﻌﺪ ﻫﺎﻟﻔﺘﺮﻩ ..
ﻋﺎﺑﺪ : ﺇﻥ ﺷﺎﺀ ﺍﻟﻠﻪ ..
ﺍﻟﺪﻛﺘﻮﺭ : ﻃﺒﻌﺎ ﺣﻴﻔﻴﻖ .. ﺑﺸﻜﻞ ﻛﺎﻣﻞ ﻏﺪﻭﺓ ﺍﻟﺼﺒﺢ ﺑﺄﺫﻥ ﺍﻟﻠﻪ .. ﺍﻟﺤﻤﺪ ﻟﻠﻪ ﻉ ﺳﻼﻣﺘﻪ ﻭﻣﺎﻳﺸﻮﻑ ﺑﺎﺱ ..
ﻋﺎﺑﺪ : ﺗﺴﻠﻢ ﻳﺎﺩﻛﺘﻮﺭ ..
ﺭﻭﺣﻮﺍ ﻫﺪﻳﻜﺎ ﺍﻟﻠﻴﻠﻪ ﻭﺍﻟﻘﻠﻮﺏ ﻣﻄﻤﻨﻪ ﻭﺍﻟﻔﺮﺣﻪ ﻣﺶ ﺳﺎﻋﻴﺘﻬﻢ .. ﺑﻴﻨﻤﺎ ﻋﻠﻴﺎ ﻗﻌﺪﺕ ﺣﻄﻮﻟﻬﺎ ﺍﻛﻴﺎﺱ ﺗﻐﺬﻳﻪ ﻷﻧﻬﺎ ﻻﺗﺎﻛﻞ ﻻﺗﺸﺮﺏ ﻭﻟﻬﺎﻟﺴﺒﺐ ﻓﻘﺪﺕ ﺍﻟﻮﻋﻲ ..
***
ﻋﺒﺪﺍﻟﻘﺪﻭﺱ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﻨﺼﻒ ﺑﻐﻴﻆ : ﺷﻨﻮ ﻳﺎﺑﻴﻲ ﻣﺘﺸﻤﺖ ﻓﻲ ﺭﻭﺣﻚ
ﻋﺒﺪﺍﻟﻘﺪﻭﺱ ﺑﻀﺤﻜﻪ : ﻻﻭﺍﻟﻠﻪ ﻓﻴﻚ ﺃﻧﺖ ..
ﻣﻨﺼﻒ : ﺧﺎﻃﺮﻱ ﻧﻌﺮﻑ ﺍﻧﺖ ﻣﻊ ﻣﻨﻲ ..
ﻋﺒﺪﺍﻟﻘﺪﻭﺱ ﻗﺪﻣﻠﻪ : ﺍﻧﻲ ﻣﻊ ﻧﻔﺴﻲ ﻭﺑﺴﺴﺲ ...
***
ﺗﺎﻧﻲ ﻳﻮﻡ ﺍﻟﺼﺒﺢ ..
ﺍﻟﺠﻬﺎﺯ ﻣﺨﺘﺮﻕ ﺃﻛﻴﺪ ﻻﺯﻡ ﺗﺒﺪﻭﺍ ﺗﺨﺪﻣﻮﺍ ﻣﻦ ﺩﺍﺧﻞ ..
ﺍﻟﺤﺴﻦ : ﻭﻫﺬﺍ ﺍﻟﻠﻲ ﺑﻴﺼﻴﺮ .. ﻣﻦ ﺍﻷﻭﻝ ﺣﺴﻴﺖ ﺑﺸﻲ ﻏﻠﻂ .. ﺑﺲ ﻣﺎﺣﺒﻴﺘﺶ ﻧﺪﺧﻞ ﻓﻲ ﺍﻟﻠﻲ ﻳﺪﻳﺮﻩ ﺍﻷﻓﻨﺪﻱ ﺟﺎﺩ ﺍﻟﻠﻪ ﻭﺛﻘﺖ ﻓﻲ ﺧﺒﺮﺗﻪ ﺃﻛﺜﺮ ﻣﻦ ﺣﺪﺳﻲ ..
ﺍﻧﻔﺘﺢ ﺍﻟﺒﺎﺏ .. ﺧﺶ ﺍﻟﺪﻛﺘﻮﺭ ...
ﺍﻟﺪﻛﺘﻮﺭ : ﺗﺘﻜﻠﻢ ﻓﻲ ﺍﻟﺨﺪﻣﻪ ..
ﺍﻟﻔﻬﺪ : ﻫﻬﻬﻬﻬﻬﻬﻬﻪ ﻣﻦ ﺍﻭﻝ ﻣﺎﻓﺎﻕ ...
ﺍﻟﺪﻛﺘﻮﺭ : ﻫﻬﻬﻬﻬﻬﻬﻬﻬﻬﻪ ﺗﺠﺮﻱ ﻓﻲ ﺩﻣﻪ ..
ﺍﻟﺤﺴﻦ : ﺷﻦ ﻭﺿﻊ ﺍﻟﻤﺴﺘﺸﻔﻰ ..
ﺍﻟﺪﻛﺘﻮﺭ : ﺍﻟﺤﺮﺍﺳﻪ ﻣﺸﺪﺩﻩ .. ﺑﺲ ﻗﻮﻟﻲ ﺍﻧﺖ ﻛﻴﻒ ﻗﻌﻤﺰﺕ ﻫﻜﻲ .. ﻣﺎﺗﺤﺴﺶ ﺑﻮﺟﻊ ..
ﺍﻟﻔﻬﺪ : ﺍﻧﻲ ﺳﺎﻋﺪﺗﻪ ..
ﺍﻟﺤﺴﻦ : ﻣﺎﻧﺤﺲ ﺑﺸﻲ ..
ﺍﻟﺪﻛﺘﻮﺭ : ﻛﺎﻥ ﺗﺤﺲ ﺑﺸﻲ ﻗﻮﻝ ﺧﻞ ﻧﺘﺼﺮﻑ .. ﺧﻴﺮ ﻣﺎﻧﺎﻛﻞ ﻃﺮﻳﺤﻪ ﺗﺎﻧﻴﻪ ...
ﺍﻟﺤﺴﻦ ﺿﻴﻖ ﻋﻴﻮﻧﻪ ﺑﺈﺳﺘﻐﺮﺍﺏ ...
ﺍﻟﻔﻬﺪ ﺑﻀﺤﻜﻪ : ﻫﺬﺍ ﻳﺎﺳﻴﺪﻱ ﺑﻌﺪ ﻃﻠﻌﺖ ﻣﻦ ﺍﻟﻌﻤﻠﻴﻪ ﺍﻟﺒﺎﺷﺎ ﻋﺰﻑ ﻟﻌﻴﻠﺘﻚ ﺍﻟﺴﻴﻤﻔﻮﻧﻴﻪ ﻣﺘﺎﻉ ﺍﻟﺪﻛﺎﺗﺮﺓ ﻧﻔﺴﻬﺎ .. ﻫﻮ ﺣﺎﻟﺘﻪ ﺧﻄﻴﺮﻩ ﻭﺣﻨﻲ ﺩﺭﻧﺎ ﺍﻟﻠﻲ ﻋﻠﻴﻨﺎ ﻭﻣﻦ ﻫﺎﻟﻜﻼﻡ ..
ﻣﺮﺗﻚ ﻫﺰﺑﺎﺗﻪ ﻭﻣﺴﺤﺖ ﺑﻜﺮﺍﻣﺘﻪ ﺍﻟﻮﻃﺎ ﻭﻗﻌﺪﺕ ﺗﻀﺮﺏ ﻓﻴﻪ ﻭﺗﻘﻮﻝ ﺭﺩﻫﻮﻟﻲ ..
ﺍﻟﺤﺴﻦ ﻓﺎﺗﺢ ﻋﻴﻮﻧﻪ ﻉ ﻭﺳﻌﻬﻢ ﺑﺪﻫﺸﻪ ﻭﻗﻠﺒﻪ ﻳﺪﻕ ..
ﺍﻟﺪﻛﺘﻮﺭ : ﻫﻬﻬﻬﻬﻬﻬﻬﻬﻪ ﺗﻲ ﺗﻌﺮﻑ ﺍﻧﻲ ﻧﺪﻳﺮﻟﻚ ﻓﻲ ﻋﻤﻠﻴﺔ ﺍﻹﻧﻌﺎﺵ ﺑﻜﻞ ﻣﺎﻋﻨﺪﻱ ﻣﻦ ﻗﻮﺓ ﺍﻛﺜﺮ ﺧﻮﻓﺎ ﻣﻨﻬﺎ .. ﺗﺪﻓﻨﻲ ﻟﻮﻻﻗﺪﺭ ﺍﻟﻠﻪ ﺻﺎﺭﻟﻚ ﺷﻲ ..
ﺍﻟﺤﺴﻦ ﺍﺑﺘﺴﻢ ﻉ ﺟﻨﺐ : ﺑﺎﻩ .. ﺍﻣﺘﻰ ﻧﻄﻠﻊ ..
ﺍﻟﺪﻛﺘﻮﺭ : ﻳﻮﻣﻴﻦ ﺟﻨﺐ ﻫﺎﻟﻴﻮﻡ ..
....
ﺍﻭﻝ ﻣﺎﻓﺎﻗﺖ ﻧﺎﺿﺖ ﻣﻦ ﺍﻟﺴﺮﻳﺮ ﺣﻮﻟﺖ ﻳﺒﺮﺓ ﺍﻟﺘﻐﺪﻳﻪ ﻭﻣﺸﺖ ﻟﻤﻜﺎﻧﻪ ﺍﻟﻠﻲ ﺗﻌﻮﺩﺕ ﺗﺮﺍﺟﻴﻪ ﻓﻴﻪ ﺑﺲ ﻣﺎﻛﺎﻧﺶ ﻣﻮﺟﻮﺩ .. ﻗﺮﻳﺐ ﻣﺎﺗﺖ ﻣﺸﺖ ﺗﺠﺮﻱ ﻭﺍﺩﻭﺭ ﻓﻲ ﺣﺪ ﺗﺴﺄﻟﻪ ..
ﻋﻠﻴﺎ ﻭﻫﻲ ﺩﺍﻫﺸﻪ ﻭﺧﺎﻳﻔﻪ : ﺑﺎﻟﻠﻪ ﻋﻠﻴﻚ ﺍﻟﺤﺴﻦ ﺍﻟﺼﺎﺩﻕ ﻭﻳﻨﻪ .
ﺍﻟﻤﻤﺮﺿﻪ ﺑﺈﺑﺘﺴﺎﻣﻪ : ﻧﺰﻟﻮﻩ ﺍﻟﺪﻭﺭ ﺍﻟﺘﺎﻧﻲ ... ﻓﺎﻕ ..
ﻣﺠﺮﺩ ﺳﻤﻌﺖ ﻛﻠﻤﺔ ﻓﺎﻕ ﻣﺸﺖ ﺗﺠﺮﻱ ﻧﺰﻟﺖ ﻟﻮﻃﺎ ﻣﻦ ﺍﻟﺪﺭﻭﺝ ﻣﺘﺠﺎﻫﻠﻪ ﺍﻷﺻﺎﻧﺼﻴﺮ .. ﻭﺻﻠﺖ ﻭﺳﺄﻟﺖ ﻗﺎﻟﻮﻟﻬﺎ ﻭﻳﻦ ﺗﻤﺸﻲ .. ﻗﻌﺪﺕ ﺗﻤﺸﻲ ﻭﺍﺩﻭﺭ ﻟﻴﻦ ﺍﻧﺨﺒﻄﺖ ﻓﺎﻟﺪﻛﺘﻮﺭ ..
ﻋﻠﻴﺎ : ﻭﻳﻨﻪ !!!!
ﺍﻟﺪﻛﺘﻮﺭ ﺃﺷﺮ ﺑﺼﺒﻌﻪ : ﻏﺎﺩﻱ ﺍﻟﻐﺮﻓﻪ ...*** ﺩﻓﺎﺗﻪ ﻣﻦ ﻗﺪﺍﻣﻬﺎ ﻭﻣﺸﺖ ﺗﺠﺮﻱ .. ﺿﺤﻚ ﺍﻟﺪﻛﺘﻮﺭ ﻭﻣﺸﻴﻲ ..
ﻭﺻﻠﺖ ﻓﻲ ﺍﻟﺒﺎﺏ ﻭﻗﻔﺖ ﻏﻤﻀﺖ ﻋﻴﻮﻧﻬﺎ ﺧﺪﺕ ﻧﻔﺲ .. ﻓﺘﺤﺖ ﻋﻴﻮﻧﻬﺎ ﺣﻄﺖ ﺍﻳﺪﻫﺎ ﻉ ﻣﻘﺒﺾ ﺍﻟﺒﺎﺏ ... ﻭﻓﺘﺤﺎﺗﻪ ﺑﺒﻂﺀ ﻭﺧﺸﺖ ﻗﺎﻣﺖ ﻋﻴﻮﻧﻬﺎ ﺷﺎﻓﺘﻪ ﻣﻘﻌﻤﺰ ﻉ ﺣﻴﻠﻪ ﻭﺻﺪﺭﻩ ﺍﻟﻌﺎﺭﻱ ﻣﻐﻄﻴﻴﻨﻪ ﺍﻟﻀﻤﺪﺍﺕ ﻳﺸﺒﺤﻠﻬﺎ ﺑﻨﻈﺮﻩ ... ﻳﺎﺍﺍﺍﺍﺍﺍﺍﺍﺍﺍﻩ ﻗﺪﺍﺵ ﺍﺳﺘﺎﺣﺸﺘﻬﺎ ..
ﻋﻴﻮﻧﻬﺎ ﺍﻟﻤﺸﺘﺎﻗﻪ .. ﺗﻐﻴﺮﺕ ﻧﻈﺮﺗﻬﻢ ﻟﻠﺤﺪﻩ .. ﻭﻣﻼﻣﺤﻬﺎ ﻟﻠﻐﻀﺐ ﺳﻜﺮﺕ ﺍﻟﺒﺎﺏ ﻭﻗﺪﻣﺖ ..
ﻋﻠﻴﺎ ﺑﻌﺼﺒﻴﻪ ﻭﺗﺄﺷﺮ ﺑﺴﺒﺎﺑﺘﻬﺎ : ﺍﻧﺖ ﻭﺍﺣﺪ ﻣﺴﺘﻬﺘﺮ ﻭﻣﺎﻋﻨﺪﻛﺶ ﺍﺣﺴﺎﺱ ﺑﺎﻟﻤﺴﺆﻭﻟﻴﻪ ... ﻻﺗﻘﻮﻝ ﻭﺭﺍﻱ ﺍﻫﻞ ﻻﺗﻘﻮﻝ ﻭﺭﺍﻱ ﻣﺮﺍﻩ ﻻﺗﻘﻮﻝ ﻭﺭﺍﻱ ﻧﺎﺱ ﻗﻠﻮﺑﻬﺎ ﺣﺘﻨﺤﺮﻕ ﻋﻠﻴﻚ .. ﺍﻧﺖ ﺗﻮﺍ ﻋﻨﺪﻙ ﺍﻭﻟﻮﻳﺎﺕ .. ﻋﻨﺪﻙ ﻣﺮﺍﺓ ﻓﻲ ﺭﻗﺒﺘﻚ ﺗﻮﺍ ﻣﻌﺎﺵ ﺣﺮ ﻧﻔﺴﻚ .. ﺍﺳﺘﻮﻋﺐ ﻳﺎﺭﺍﺟﻞ ... ﺳﻜﺘﺖ ﻭﺗﺴﺘﻨﻰ ﻓﻲ ﺭﺩﻩ
ﺍﻟﺤﺴﻦ ﺍﺑﺘﺴﻢ : ﺍﻟﻠﻪ ﻳﺴﻠﻤﻚ ..
ﺍﻟﻔﻬﺪ ﻭﻫﻮ ﻣﻔﻨﺺ : ﻫﻲ .. ﺍﻧﻲ ﻧﺴﺘﺄﺫﻥ .. ﺍﻟﺤﺴﻦ ﻭﻫﻮ ﻳﺸﺒﺤﻠﻬﺎ ﻫﺰ ﺭﺍﺳﻪ ﺑﺈﻳﺠﺎﺏ .. ﻃﻠﻊ ﺍﻟﻔﻬﺪ ﻭﻫﻲ ﻗﺎﻋﺪﻩ ﺗﺸﺒﺤﻠﻪ ﺑﺤﺪﻩ ...
ﺍﻟﺤﺴﻦ : ﻫﻜﻲ ﺍﻟﻤﺮﺍﺓ ﺍﻟﻌﺎﻗﻠﻪ ﺍﻟﻨﺎﺿﺠﻪ ﺗﻜﻠﻢ ﺭﺍﺟﻠﻬﺎ ﺍﻟﻠﻲ ﻃﺎﻟﻊ ﻣﻦ ﺍﻟﻤﻮﺕ ..
ﻋﻠﻴﺎ : ﺍﻳﻪ ﻟﻤﺎ ﻳﺒﺪﺍ ﺣﺎﺩﻑ ﺭﻭﺣﻪ ﻟﻠﻤﻮﺕ ﺑﺪﻭﻥ ﺗﻔﻜﻴﺮ ﻫﻜﻲ ﺗﻜﻠﻤﻪ ﻭﺍﻛﺜﺮ ..
ﺍﻟﺤﺴﻦ : ﻫﻬﻬﻬﻬﺂﺍﺍﻩ ..
ﻋﻠﻴﺎ ﺑﺨﻮﻑ : ﺧﻴﺮﻙ ..
ﺍﻟﺤﺴﻦ ﻏﻤﺾ ﻋﻴﻮﻧﻪ ﻭﻣﻼﻣﺤﻪ ﺗﺒﻴﻦ ﺍﻧﻪ ﻳﺘﻮﺟﻊ ﻣﺸﺘﻠﻪ ﺗﺠﺮﻱ ﻗﺮﺑﺖ ﻋﻠﻴﻪ ..
ﻋﻠﻴﺎ : ﺷﻦ ﺗﺤﺲ ﻗﻮﻟﻲ ..
ﺍﻟﺤﺴﻦ ﺑﺼﻮﺕ ﻳﺪﻭﺏ ﻃﺎﻟﻊ : ﻗﻠﺒﻲ ...
ﻋﻠﻴﺎ ﺑﺨﻠﻌﻪ : ﺧﻴﺮﻩ ﻗﻮﻝ ..
ﺍﻟﺤﺴﻦ : ﻳﺒﻲ ... ﺁﺍﺍﻩ ..
ﻋﻠﻴﺎ : ﺷﻦ ﻳﺒﻲ .. ﻗﻮﻭﻝ ﺗﺮﺑﺢ ..
ﺍﻟﺤﺴﻦ ﻓﺘﺢ ﻋﻴﻦ ﻭﺣﺪﻩ : ﻗﻄﺎﻳﻒ ..
ﻋﻠﻴﺎ ﻏﻤﻀﺖ ﻋﻴﻮﻧﻬﺎ : ﻳﺎﺍﺍﺍﺍﺍﻋﺪﻳﻢ ﺍﻹﺣﺴﺎﺍﺍﺍﺍﺱ ﻗﻄﻌﺘﻨﻲ ..
ﺍﻟﺤﺴﻦ : ﻫﻬﻬﻬﻬﻪ .. ﺁﺍﺍﻩ .. ﺷﺒﺤﻠﻬﺎ .. ﺣﻖ ﻭﺍﻟﻠﻪ ﺣﻖ ..
ﻋﻠﻴﺎ ﺷﺒﺤﺘﻠﻪ ﺷﻮﻳﻪ ﺑﻌﺪﻳﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻟﺤﺴﻦ ﻭﻫﻮ ﻳﺘﺄﻣﻞ ﻓﻲ ﺿﺤﻜﺘﻬﺎ : ﺃﺳﺘﺎﺣﺸﺘﻚ ...
ﻋﻠﻴﺎ ﺳﻜﺘﺖ ﻭﺷﺒﺤﺘﻠﻪ ﺑﻨﻈﺮﺍﺕ ﻛﻠﻬﺎ ﺷﻮﻕ : ﺣﻤﺪ ﻟﻠﻪ ﻉ ﺳﻼﻣﺘﻚ ..
ﺍﻟﺤﺴﻦ ﺍﺑﺘﺴﻢ : ﺍﻟﻠﻪ ﻳﺴﻠﻤﻚ .. ﻗﻌﻤﺰﻱ ..
ﺟﺖ ﺑﺘﻘﻌﻤﺰ ﻉ ﺍﻟﻜﺮﺳﻲ ﺍﻟﻠﻲ ﻛﺎﻥ ﻣﻘﻌﻤﺰ ﻋﻠﻴﻪ ﺍﻟﻔﻬﺪ ..
ﺍﻟﺤﺴﻦ ﺑﻨﺒﺮﻩ ﺣﺎﺩﻩ : ﺧﻮﺩﻱ ﺍﻟﻜﺮﺳﻲ ﺍﻟﻠﻲ ﻏﺎﺩﻱ ..
ﺍﺑﺘﺴﻤﺖ ﻭﻣﺸﺖ ﺧﺪﺕ ﺍﻟﻜﺮﺳﻲ ﺍﻟﻠﻲ ﻗﺎﻝ ﻋﻠﻴﻪ ﻭﻗﻌﻤﺰﺕ ﺑﺤﺪﺍﻩ ...
***
ﺑﺮﻧﻴﻪ : ﻳﺎﺭﺑﻲ ﻟﻴﻚ ﺍﻟﺸﻜﺮ ﺍﻟﻠﻲ ﺭﺩﻳﺖ ﺣﺴﻮﻧﻪ ..
ﺍﻧﻌﺎﻡ ﺑﻀﺤﻜﻪ : ﻫﻴﺎ ﻳﺎﻡ ﻭﻗﺖ ﻉ ﺍﻟﺰﻳﺎﺭﺓ ..
ﺳﺮﻣﺪ : ﻫﻴﺎ ﻳﺎﻋﻴﻠﻪ ..
...
ﻭﺻﻞ ﺟﻌﻔﺮ ﻭﻣﺮﺗﻪ ﻭﺑﻨﺘﻪ ﻟﻠﻤﺴﺘﺸﻔﻰ .. ﺭﻛﺒﻮﺍ ﻟﻐﺮﻓﺔ ﺍﻟﺤﺴﻦ ..
ﻃﻖ ﺍﻟﺒﺎﺏ ﺟﻌﻔﺮ ﻗﺎﻟﻮﻟﻪ ﺧﺶ ..
ﺍﻭﻝ ﻣﺎﻓﺘﺢ ﺍﻟﺒﺎﺏ ﻭﺧﺶ ﻣﺎﻗﺪﺭﺵ ﻳﺨﻔﻲ ﻓﺮﺣﺘﻪ ﺍﻟﻜﺒﻴﺮﺓ ﺍﻟﻠﻲ ﺷﺎﻑ ﺍﻟﺤﺴﻦ ﺭﺟﻊ ﻟﺪﻧﻴﺎ ﻣﻦ ﺟﺪﻳﺪ ﻭﻻ ﻟﻠﺒﻨﺘﻪ ﺍﻟﻠﻲ ﻛﺎﻧﺖ ﺣﺘﻬﺒﻞ ﻟﻮ ﺻﺎﺭ ﻓﻴﻪ ﺷﻲ ..
ﺟﻌﻔﺮ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻭﻟﻴﺪﻱ ..
ﺍﻟﺤﺴﻦ : ﺍﻟﻠﻪ ﻳﺴﻠﻤﻚ ﻋﻤﻲ ..
ﺯﻳﻨﺐ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻭﻟﺪﻱ ..
ﺍﻟﺤﺴﻦ : ﺍﻟﻠﻪ ﻳﺴﻠﻤﻚ ﻋﻤﺘﻲ ..
ﺍﻣﻴﺮﻩ : ﻭﺃﺧﻴﺮﺍ ﺷﻔﺘﻚ ﻉ ﺍﻟﻄﺒﻴﻌﻪ ﻭﺟﻬﺎ ﻟﻮﺟﻪ ..
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻟﺤﺴﻦ ﺑﻀﺤﻜﻪ : ﺍﻟﻠﻪ ﻳﺴﻠﻤﻚ
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻃﻖ ﺍﻟﺒﺎﺏ ﺍﻧﻔﺘﺢ ..
ﺧﺸﺖ ﺑﺮﻧﻴﻪ ﻟﻤﺎ ﺭﺍﺗﻪ ﻋﻴﻮﻧﻬﺎ ﺗﻌﺒﻮﺍ ﺩﻣﻮﻉ ﻭﺯﻏﺮﻃﺖ .. ﻭﻗﺪﻣﺖ ﻭﺣﻀﻨﺎﺗﻪ ..
ﺑﺮﻧﻴﻪ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﻏﺎﻟﻲ ...
ﺍﻟﺤﺴﻦ ﻳﻤﺴﺢ ﻓﻲ ﺩﻣﻮﻋﻬﺎ : ﺍﻟﻠﻪ ﻳﺴﻠﻤﻚ ﻳﺎﻏﺎﻟﻴﻪ ..
ﺍﻧﻌﺎﻡ ﺑﺎﺳﺖ ﻉ ﺭﺍﺳﻪ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ..
ﺍﻟﺤﺴﻦ : ﺍﻟﻠﻪ ﻳﺴﻠﻤﻚ ..
ﺍﻣﻴﺮﻩ ﻋﻴﻮﻧﻬﺎ ﻉ ﺳﺮﻣﺪ ﻭﻫﻮ ﻳﺮﺍﺟﻲ ﻑ ﺩﻭﺭﻩ ﺑﺶ ﻳﺴﻠﻢ ﻉ ﺍﻟﺤﺴﻦ ....
ﺳﺮﻣﺪ : ﻗﻠﺘﻬﺎ ﻗﺮﻳﻨﺪﻳﺰﺭ ... ﻭﺳﻠﻢ ﻋﻠﻴﻪ
ﺍﻟﺤﺴﻦ ﺍﻛﺘﻔﻲ ﺑﺈﺑﺘﺴﺎﻣﻪ ..
ﺳﻠﻤﻮﺍ ﺍﻟﻌﻴﻠﻴﺘﻴﻦ ﻉ ﺑﻌﺾ ... ﺳﺮﻣﺪ ﺷﺒﺢ ﻷﻣﻴﺮﻩ ﺍﻟﻠﻲ ﻓﻴﺴﻊ ﻏﻴﺮﺕ ﻋﻴﻮﻧﻬﺎ ﻋﻨﻪ ﻭﺟﻬﻬﺎ ﺍﺣﻤﺮ ﻭﻫﻮ ﺍﺑﺘﺴﻢ ..
ﺷﻮﻳﻪ ﻭﺟﻮ ﺍﻟﺒﺎﻗﻲ ﻭﺩﺍﺭ ﺍﻟﺤﺴﻦ ﺗﻌﺒﺖ ..
ﺧﺶ ﺍﻟﺪﻛﺘﻮﺭ ﻉ ﺻﻮﺕ ﺿﺤﻜﻬﻢ ..
ﺍﻟﺪﻛﺘﻮﺭ : ﻫﺬﺍ ﺷﻨﻮ .. ﺍﻟﻤﺮﻳﺾ ﻃﻠﻊ ﻣﻦ ﺍﻟﻌﻨﺎﻳﻪ ﺍﻟﻴﻮﻡ ﺍﻟﺼﺒﺢ ..
ﻛﻠﻬﻢ ﺷﺒﺤﻮﻟﻪ ..
ﺍﻟﺪﻛﺘﻮﺭ : ﻣﺘﺄﺳﻒ ﺑﺲ ﺿﺮﻭﺭﻱ ﺗﻄﻠﻌﻮﺍ ..
ﻋﺎﺑﺪ : ﻣﻌﻠﻴﺸﻲ .. ﺧﻼﺹ ﺍﺻﻼ ﺯﻳﺎﺭﺓ ﺍﻟﻤﺮﻳﺾ ﻣﻔﺮﻭﺽ ﻣﺎﺗﻜﻮﻧﺶ ﻃﻮﻳﻠﻪ ..
ﺟﻌﻔﺮ ﺑﻀﺤﻜﻪ : ﺻﺢ ... ﻫﻴﺎ ﻳﺎﻋﻴﻠﻪ ﻧﺎﺿﺖ ﺯﻳﻨﺐ ﻭﺍﻣﻴﺮﺓ .. ﺳﻠﻤﻮﺍ ﻉ ﺍﻟﺤﺴﻦ ﻭﻋﻠﻴﺎ ﻭﻫﻤﺎ ﻃﺎﻟﻌﻴﻦ .. ﺍﻣﻴﺮﺓ ﻗﺎﻣﺖ ﻋﻴﻮﻧﻬﺎ ﻓﺴﺮﻣﺪ ﺍﻟﻠﻲ ﺍﺑﺘﺴﻤﻠﻬﺎ ﻭﻫﻲ ﻗﺮﻳﺐ ﻫﺒﻠﺖ ... ﻃﻠﻌﻮﺍ ... ﻭﺷﻮﻳﻪ ﻭﻛﻠﻬﻢ ﺑﺪﻭﺍ ﻳﻄﻠﻌﻮﺍ ..
ﺑﺮﻧﻴﻪ : ﺭﻩ ﻣﺮﺗﻚ ﻣﺎﻛﻠﺖ ﺷﻲ ﺍﻷﻳﺎﻡ ﺍﻟﻠﻲ ﻓﺎﺗﻮﺍ ..
ﺷﺒﺤﻠﻬﺎ ﺑﻨﻈﺮﺓ ﺣﺎﺩﻩ ...
ﻋﻠﻴﺎ ﻗﻌﺪﺕ ﺳﺎﻛﺘﻪ ..
ﺍﻟﺤﺴﻦ : ﺑﺎﻟﻠﻪ ﻳﺎﺳﺮﻣﺪ ﺟﻴﺒﻠﻬﺎ ﺍﺳﻜﺎﻟﻮﺏ ﻭﺑﻴﺘﺰﺍ ﺗﺤﺒﻬﻢ .. ﻭﻣﺘﺎﺧﺪﺵ ﻣﺸﺮﻭﺏ ﺧﻮﺩ ﻋﺼﻴﺮ ..
ﺳﺮﻣﺪ ﺑﻀﺤﻜﻪ : ﺣﺎﺿﺮ ... ﺳﻠﻤﻮﺍ ﻋﻠﻴﻪ ﻭﻃﻠﻌﻮﺍ ﻛﻠﻬﻢ .. ﻭﺳﻜﺮﻭﺍ ﺍﻟﺒﺎﺏ ..
ﻋﻠﻴﺎ ﻭﻫﻲ ﻣﺘﻨﺮﻓﺰﺓ : ﻛﻴﻒ ﺗﻘﻮﻟﻪ ﺧﻮﺩﻟﻬﺎ ﺍﺳﺎﻛﻠﻮﺏ ﻭﺑﻴﺘﺰﺍ ﻣﻊ ﺑﻌﺾ .. ﺗﻮ ﻳﻘﻮﻝ ﺷﻦ ﻫﺎﻟﻬﺎﻳﺸﻪ ..
ﺍﻟﺤﺴﻦ : ﻫﺎﺩﻱ ﺍﻟﺤﻘﻴﻘﻪ ...
ﻋﻠﻴﺎ : ﺣﺴﺴﺴﺴﺴﺴﺴﻦ ..
ﺍﻟﺤﺴﻦ : ﺍﻝ ﺣﺴﻦ ...
ﻋﻠﻴﺎ : ﺣﺴﻦ ... ﺣﺴﻦ ... ﺣﺴﻦ .... ﺣﺴﻦ ...
ﺍﻟﺤﺴﻦ : ﻫﻬﻬﻬﻬﻬﻬﻬﺎﺍﺍﺍﻩ ..
ﻋﻠﻴﺎ ﺑﻀﺤﻜﻪ : ﺧﻼﺹ ﺧﻼﺹ ﺍﻟﺤﺴﻦ
ﺍﺑﺘﺴﻢ ﻭﻫﻮ ﻳﺘﺄﻣﻞ ﻓﻴﻬﺎ ﻭﻫﻲ ﺗﺤﺸﻤﺖ ..
ﻃﻖ ﺍﻟﺒﺎﺏ .. ﺍﻧﻔﺘﺢ
ﻭﺧﺸﻮﺍ ﺍﺭﺑﻌﻪ ﻣﻤﺮﺿﺎﺕ .. ﻭﻗﻌﺪﻭﺍ ﻳﺸﺒﺤﻮﻟﻪ ﺑﺈﻋﺠﺎﺏ ..
ﺍﻟﺤﺴﻦ : ﺷﻦ ﻓﻲ ..
ﻣﻤﺮﺿﻪ ﻣﻨﻬﻢ : ﺑﻨﻐﻴﺮﻭﻟﻚ ﻉ ﺍﻟﺠﺮﺡ ..
ﻋﻠﻴﺎ ﺑﺮﻓﻌﻪ ﺣﺎﺟﺐ ﻭﺍﺷﺮﺕ ﺑﺼﺒﻌﻬﺎ : ﺍﻧﺘﻮﺍ ﺍﻷﺭﺑﻌﻪ !..
ﻫﺰﻭﺍ ﺭﻭﺳﻬﻢ ﺑﺄﻳﺠﺎﺏ ..
ﻋﻠﻴﺎ ﺑﺈﺑﺘﺴﺎﻣﻪ ﻣﺼﻄﻨﻌﻪ : ﻣﻌﻠﻴﺸﻲ ﺣﺒﻴﺒﺎﺗﻲ ﻣﺎﺗﻌﺒﻮﺵ ﺭﻭﺍﺣﻜﻢ .. ﻣﺸﺖ ﺧﺪﺕ ﻣﻨﻬﻢ ﺍﻟﺤﺎﺟﺎﺕ .. ﺗﻮ ﻧﻐﻴﺮﻩ ﺍﻧﻲ ..
ﻛﻠﻬﻢ ﺷﺒﺤﻮﻟﻬﺎ ﺑﺼﺪﻣﻪ ..
ﻋﻠﻴﺎ : ﺍﻧﻲ ﻃﺎﻟﺒﻪ ﻃﺐ .. ﻭﺷﺎﺭﻛﺖ ﻣﺴﻌﻔﻪ ﻓﻲ ﺍﻟﺤﺮﺏ ﻋﻨﺪﻱ ﺧﺒﺮﻩ ﻳﻌﻨﻲ ﻭﺗﻮﺍ ﺑﺮﻭﺍ ﺷﻮﻓﻮﺍ ﺷﻦ ﻋﻨﺪﻛﻢ ..
ﻫﻮ ﺷﺎﺩ ﺿﺤﻜﺘﻪ ..
ﻭﻫﻤﺎ ﻃﻠﻌﻮﺍ ﻣﻨﻐﺎﺿﺎﺕ ...
ﻋﻠﻴﺎ ﺟﺖ ﺑﺤﺪﺍﻩ : 4 ﺑﻴﻐﻴﺮﻭﺍ ﺟﺮﺡ .. ﻳﺤﺴﺎﺑﻮﻩ ﺩﻳﻨﺎﺻﻮﺭ ...
ﺍﻟﺤﺴﻦ ﺭﻓﻊ ﺣﻮﺍﺟﺒﻪ ...
ﻋﻠﻴﺎ : ﺗﺮﺍ ﺷﻮﻳﻪ ... ﻭﺑﺪﺕ ﺗﺤﻮﻟﻪ ﻓﻲ ﺍﻟﻀﻤﺎﺩ ﻭﻫﻲ ﻗﺮﻳﺒﻪ ﻣﻨﻪ ﻭﻫﻮ ﻳﺸﻢ ﻓﻲ ﺭﻳﺤﺘﻬﺎ ﻭﻳﺘﺄﻣﻞ ﻓﻴﻬﺎ ﻭﻫﻲ ﻣﻨﺸﻐﻠﻪ ...
ﻛﻞ ﻣﺎﺗﻘﺮﺏ ﻣﻨﻪ ﻣﺸﺎﻋﺮﻩ ﺗﺘﺤﺮﻙ ﺑﻘﻮﺓ ... ﻟﻴﻦ ﻛﻤﻠﺖ .. ﻭﻫﻲ ﺗﻠﻒ ﻓﻲ ﺍﺧﺮ ﻟﻔﻪ ﻣﻦ ﺍﻟﻔﺎﺷﻪ ﻋﻠﻴﺎ ﻭﻣﺤﺎﻭﻃﺘﻪ ﺑﺈﻳﺪﻫﺎ ..
ﻋﻠﻴﺎ : ﻫﻜﻲ ﻛﻮﻳﺲ .. ﻣﺎﺭﺩﺵ ﻋﻠﻴﻬﺎ .. ﻗﺎﻣﺖ ﻋﻴﻮﻧﻬﺎ ﻟﻘﺖ ﻧﻈﺮﺗﻪ ﻟﻴﻬﺎ ﺗﺘﻜﻠﻢ ﻭﺗﺤﻜﻲ ﻭﻫﻲ ﻗﺎﻋﺪﻩ ﺗﺴﻤﻊ ﻭﺗﻔﻬﻢ .. ﻗﺮﺏ ﻣﻨﻬﺎ ﻭﻫﻲ ﻗﺮﺑﺖ .. ﻭﺑﺎﺳﻮﺍ ﺑﻌﺾ ... ﻉ ﺧﺸﺖ ﺳﺮﻣﺪ ﺍﻟﻠﻲ ﻻﻃﻖ ﻭﻻﺗﻨﺤﻨﺢ ..
ﺗﻠﺨﺒﻄﻮﺍ ﻫﻲ ﻭﺧﺮﺕ ﻭﺭﺍﺳﻬﺎ ﻟﻮﻃﺎ ... ﻭﻫﻮ ﺩﺍﺭ ﺭﻭﺣﻪ ﻳﺴﺎﻭﻱ ﻓﻲ ﺍﻟﻔﺎﺷﻪ ﻭﻭﺟﻬﻪ ﻃﻤﺎﻃﻢ ...
ﺳﺮﻣﺪ : ﺍﺣﻤﻢ ... ﻫﺬﺍ ﺍﻟﻌﺸﻲ ﻗﺪﻡ ﺣﻄﻪ ﻉ ﺳﺮﻳﺮ ﺍﻟﺤﺴﻦ ..
ﺳﺮﻣﺪ ﺑﻀﺤﻜﻪ : ﺗﺼﺒﺤﻮﺍ ﻉ ﺧﻴﺮ ﻭﻃﻠﻊ ﻭﺳﻜﺮ ﺍﻟﺒﺎﺏ .. ﻭﻗﻌﺪ ﻳﻤﺸﻲ ﻭﻳﻀﺤﻚ " ﻗﺮﻳﺐ ﻧﻤﺸﻲ ﻧﺨﻄﺐ ﻭﻧﺘﺰﻭﺝ ﺗﻮﺍ .. ﺯﻭﺟﻮﻧﻲ ﺣﺮﺍﻡ ﻋﻠﻴﻜﻢ .. ﺯﻭﺟﻮﻧﻲ ﻳﺮﺣﻢ ﻭﺍﻟﺪﻳﻜﻢ ﻫﻬﻬﻬﻬﻬﻬﻬﻪ ..."
...
ﻣﻘﻌﻤﺰﺓ ﺗﺎﻛﻞ ﻭﻫﻮ ﻳﻨﺎﺷﺐ ﻓﻴﻬﺎ ﻟﻜﻦ ﻣﺎﻋﺪﺗﻠﺶ ﻋﻠﻴﻪ ...
ﺍﻟﺤﺴﻦ : ﺍﻟﻠﻬﻢ ﺑﺎﺭﻙ .. ﻣﺎﺧﻠﻴﺘﻲ ﺷﻲ ..
ﻋﻠﻴﺎ ﺗﺮﻗﺺ ﻓﻲ ﺣﻮﺍﺟﺒﻬﺎ : ﺻﺤﺘﻴﻦ ﻉ ﻗﻠﺒﻲ ...
ﺍﻟﺤﺴﻦ ﺍﺑﺘﺴﻢ ...
ﻃﻖ ﺍﻟﺒﺎﺏ .. ﻭﺧﺶ ﺍﻟﺪﻛﺘﻮﺭ ﻋﻄﻲ ﻟﻠﺤﺴﻦ ﺩﻭﺍ ﻭﺗﺄﻛﺪ ﻣﻦ ﺗﻐﻴﻴﺮ ﺍﻟﺠﺮﺡ ﻭﻃﻠﻊ ... ﻭﻋﻠﻴﺎ ﻗﻌﺪﺕ ﺗﻬﺪﺭﺯ ﻋﻠﻴﻪ ﻟﻴﻦ ﺑﺪﻱ ﻳﻐﻤﺾ ﻓﻌﻴﻮﻧﻪ ﻹﻥ ﺍﻟﺪﻭﺍ ﻓﻴﻪ ﻣﻨﻮﻡ .. ﺭﻗﺪ ...
ﻗﺮﺑﺖ ﻣﻨﻪ ﻭﻗﻌﺪﺕ ﺗﺘﺄﻣﻞ ﻓﻴﻪ " ﺍﻟﺤﻤﺪ ﻟﻠﻪ ﺍﻟﻠﻲ ﺭﺩﻙ ﻟﻴﺎ ... ﺣﺴﻴﺖ ﺭﻭﺣﻲ ﺭﺟﻌﺘﻠﻲ .. ﺣﻴﺎﺗﻲ ﻣﺎﻧﻘﺪﺭﺵ ﻧﺘﺨﺎﻳﻠﻬﺎ ﻣﻦ ﻏﻴﺮﻙ ... ﻏﻴﺮ ﺗﻄﻠﻊ ﻣﻦ ﻫﻨﻲ ﻛﻞ ﺷﻲ ﻓﻲ ﺣﻴﺎﺗﻨﺎ ﺣﻴﺘﻐﻴﺮ ﻛﻞ ﺷﻲ ..." ﺷﺒﺤﺖ ﻹﻳﺪﻩ ﺣﻄﺖ ﺇﻳﺪﻫﺎ ﻋﻠﻴﻬﺎ ﻭﺑﻌﺪﻳﻦ ﻗﺎﻣﺘﻬﺎ ﻭﺣﻀﻨﺘﻬﺎ ﻭﺑﺎﺳﺘﻬﺎ ... ﻭﻫﻲ ﺗﺘﺄﻣﻞ ﻓﻴﻪ ﺑﻜﻞ ﺣﺐ 💖💖💖...
.... ﻳﺘﺒﻊ
