" မကွေးဘူး !! "
" chanyeollie ဘာဖြစ်တာလဲ ! "
" ဘာမှမဖြစ်ဘူး hyung အိပ်မက်မက်တာ"
ဒီနေ့ fansign event ကအပြန် OSTအတွက်အသံဆက်သွင်းပြီးမှပြန်ရတော့လူကအတော်လေးပင်ပန်းနေတယ် ။ မိုးလေးကချုပ်လာတော့ အအေးဓါတ်လေးကလဲလွန်ကဲလာတာမို့ မျက်လုံးတွေမှေးစင်းပြီးခနလေးအိပ်ပျော်သွားရာက အိပ်မက်ဆိုးမက်ပြီးလန့်နိုးလာခဲ့တော့တာပဲ ။
ဘယ်လောက်တောင်အလန့်တကြားဖြစ်ပြီး အော်လိုက်မိသလဲဆိုရင် မန်နေဂျာhyungတောင်ကားမောင်းရင်းစိုးရိမ်တကြီးလှည့်မေးရတဲ့အထိ ။
"ရေသောက်မလား ချွေးတွေတောင်ပြန်နေပြီ
ဘယ်လိုအိပ်မက်ဆိုးတွေမက်လို့လဲ "
" ဘာမှမဟုတ်ပါဘူး ဒီလိုပါပဲ "
hyungစိတ်မပူအောင်ပြောလိုက်ပေမယ့်
ကမ်းပေးတဲ့ရေဘူးကိုတော့ တဂွတ်ဂွတ်မြည်အောင်ယူသောက်လိုက်ရတယ် ။ သူ့အိပ်မက်ကဘယ်လောက်ထိကြောက်စရာကောင်းလဲဆိုတာသူသာအသိဆုံး ။
အိပ်မက်ထဲမှာ baekhyunကသူ့ကိုအသေဖက်နမ်းနေတာတဲ့ ၊သူကလဲ လုံးဝမငြင်းပဲ ကျေနပ်နေသတဲ့။
အကြာကြီး နမ်းချင်သလိုနမ်းပြီး baekhyunက သူ့နားရွက်နားကပ်လာတယ်။ ပြီးတော့ ' တွေ့လား ခင်ဗျားကကွေးနေတာ' ဆိုပြီးပြောလို့အကြောက်အကန် ငြင်းနေတုန်း ဘယ်ကမှန်းမသိတဲ့ မီဒီယာတွေရောက်လာပြီး သူ့ကို ' park chanyeolကွေးနေတယ်ဆိုတာအမှန်ပဲလား ' ' chanyeol shiကွေးနေတာကိုဝန်ခံပါသလား 'ဆိုပြီးအတင်းဝိုင်းမေးရာကနေ သူလန့်နိုးလာရတာပဲ ။
တွေးကြည့်ရုံနဲ့တင်ကြက်သိမ်းတွေထတယ်။
ဒီရက်ပိုင်းတကယ်ကိုမူမမှန်နေတာပဲ ။
ဆေးစစ်ကြည့်ရင်ကောင်းမယ်ထင်တယ် ။
အိပ်ရေးပျက်လွန်းလို့ ထင်ယောင်ထင်မှားတွေဖြစ်နေတာနေမယ် ။
" chanyeol OSTထွက်တော့မှာနော် spoiler လေးဘာလေးမတင်တော့ဘူးလား "
" အာဟုတ်သား ကျွန်တော်မေ့နေတာ "
သူအတွေးလွန်နေတုန်း hyungက စကားဖြတ်ပြောလိုက်တာကြောင့် လက်ရှိအတွေးတွေကို ခနခေါက်ပြီး ဖုန်းကိုထုတ်လိုက်တယ် ။
instagramမှာ အသစ်ထွက်မဲ့သီချင်းနဲ့ပတ်သက်တဲ့ spoiler သေးသေးလေးတင်ပြီးတဲ့နောက်
စိတ်ပြေလက်ပျောက်တစ်ခြားသူရဲ့ပို့စ်တွေကိုကြည့်မယ်လို့ကြံစည်လိုက်တုန်းမှာပဲ
ဝိုင်ခွက်ကိုင်ပြီး ပြတင်းပေါက်မှာထိုင်နေတဲ့ bathrobeပဲဝတ်ထားတဲ့baekhyun ပုံက အရင်ဆုံးတက်လာတယ် ။
