Unicode
chanyeol ရဲ့အတင်းဆွဲထားမှုနဲ့ အိမ်ပြန်နောက်ကျတဲ့ရက်ကစပြီး မာမား ဆူထားလို့ အပြင်ထွက်ဖို့ခက်ခဲသွားတယ် ။
အခန်းထဲကနေ ခြေထောက်လေးထုတ်လိုက်တာနဲ့ တံမြက်စည်းနဲ့ဖြတ်ရိုက်ပြီးသားပဲ ။
ပူပူနွေးနွေးရည်းစားလေးကို အချ်ိန်တိုင်းတွေ့ချင်စိတ်ကတကယ်ကိုထိန်းမရသိမ်းမရနဲ့ ။
ပင်ပန်းနေတဲ့သူ့အသံလေးကြားရင် ပြေးဖက်ပေးထားချင်တော့တာပဲ ။
ဒါမယ့်လည်းမာမားကကန့်လန့်ခံနေတော့အခက်တွေ့နေရတယ် ။
" မာမား သားသားလေး ဟို "
" အခုတိတ် ဆက်မပြောနဲ့! "
ဘေးနားမှာမိန့်မိန့်ကြီးထိုင်ပြီး အသီးပန်းကန်တစ်ချပ်နဲ့ drama ကြည့်နေပေမယ့် သူ့ကိုဆူငေါက်ဖို့ရာလည်းအားမလျော့ ခဲ့။
မသိဘူး Park Chanyeolကိုလွမ်းတော့ ဆက်ကြိုးစားရမှာပဲ ။
" ဒီတစ်ခါ မကြာ ခန အာ အု အ ! "
ဘယ်ချိန်ထဲက ဘေးမှာချထားမှန်းမသိတဲ့တိတ်ခွေကိုဆက်ကနဲဆွဲဖြတ်ကာ တိတ်အပိုင်းတစ်ခုနဲ့ baekhyunပါးစပ်ကိုပိတ်ခံလိုက်တယ် ။
ရက်စက်လိုက်တာမာမားရယ် ။
" ငါအဲ့နေ့က စောစောပြန်လာလို့ပြောလားမပြောဘူးလား ဟမ် !
မင်းပါပါးပြန်လာရင် အဆူခံရမှာစိုးလို့ကိုသေချာမှာတယ်
ဒါကိုအရေးလုပ်ပြီး ပြန်မလာခဲ့တာ ဘာအချိုးလဲ
ကြားထဲက ငါနဲ့ မင်းဖအေ နဲ့ပဲအချင်းများရတယ်
ခုငါ့ကိုစိတ်ကောက်သွားလို့ ပတ္တမြားဘယက်ဝယ်မပေးတော့ဘူးတဲ့ အဲ့ဒါကို မင်းဘယ်လိုတာဝန်ယူမလဲ "
" အု အု အွန်း "
" ဘေးနားမှာ ခွေးပေါက်စလို တအုအုလာလုပ်မနေနဲ့ သွားအခန်းထဲပြန် အိမ်ပြင်ကို ခြေတစ်လှမ်းတောင်လှမ်းရမယ်မထင်နဲ့ "
ပါးစပ်က တိတ်ကြီးကိုစိတ်ပေါက်ပေါက်နဲ့အားကုန်ဆွဲခွာပြစ်ပြီး စိတ်ပျက်လက်ပျက်နဲ့ပဲ အခန်းထဲပြန်ဝင်လာရတယ် ။ စုထားတဲ့ပိုက်ဆံတွေကလဲ chanyeol ကို support လို့ ကုန်သွားပြီရယ် ။
မဟုတ်ရင် အဲ့ပတ္တမြားဆွဲကြိုးကြီးဝယ်ပေးပစ်တယ် ။
