Unicode
"ကတုံးလေး အားတဲ့ချိန်ဖုန်းဆက်လိုက်မယ် လာတွေ့နော် "
" အခြေအနေကြည့်ပြီးလစ်ထွက်ခဲ့ပါ့မယ်ခင်ဗျ "
မျက်လုံးလေးတွေပိတ်အောင်ပြုံးပြီးပြန်ဖြေလာတဲ့ကောင်လေးကြောင့် သူသဘောကျစွာ ကတုံးလေးကိုလှမ်းပုတ်လိုက်တယ် ။ဒီလိုချစ်စရာလေးကိုသူဘာလို့စောစောက ဖွင့်မပြောနိုင်ခဲ့ရတာလဲ ။
သူ့အိမ်က မျက်နှာကြောတင်းကောင်ကြောင့်သာပေါ့ ။ မဟုတ်ရင် အရင်လိုအနားခေါ်ထားလို့ရမှာ ။
" လမ်းကမှောင်နေတာပြန်ရဲရဲ့လား အိမ်ရှေ့ထိလိုက်ပို့မယ်လေ "
" အာ မဖြစ်ဘူး မဖြစ်ဘူး sooသိရင် တန်းပြီးစစ်ထဲဝင်ရလိမ့်မယ် "
လမ်းထိပ်မှာတင်ရပ်ခိုင်းတဲ့ကောင်လေးက သူအိမ်ထိလိုက်ပို့မှာကိုလက်မခံ ။လက်တခါခါ ခြေတခါခါနဲ့အသည်းအသန်ကိုငြင်းရှာတယ် ။
ဟူး ငါ့ကတုံးလေးလဲ တစ်ဒုက္ခပဲ ။
" ဒါဆို ဒီကနေပဲလှမ်းကြည့်ပေးနေမယ် "
" အွန်း တာ့တာနော် ကျွန်တော့်ကို ပြန်ချစ်ပေးတဲ့အတွက်ကျေးဇူးအများကြီးတင်ပါတယ်ခင်ဗျ "
ခေါင်းလေးညွှတ်ပြီးအသည်းယားအောင်လုပ်နေပြန်တဲ့ကောင်လေးကြောင့် ရင်ထဲမှာ ကျလိကျလိနဲ့။
ယင်ကောင်ဝင်နေသလိုပဲ ။
" မနက်ဖြန်တွေ့မယ် "
ကောင်လေးဆင်းသွားတဲ့လမ်းကို ကားမီး
တောက်လျှောက်ထိုးပေးထားပြီး အိမ်ထဲဝင်သွားတာသေချာမှ လှည့်ပြန်ခဲ့လိုက်တယ် ။ ဒီညတော့ အိပ်မက်လှလှတွေနဲ့ အိပ်လို့ကောင်းတော့မယ်ထင်ပါရဲ့ ..
_______________________________________
ဘာမပြောညာမပြော ကတုံးတုံးချပြီးမှ ကိုယ့်အိမ်ကို ခိုးကြောင်ခိုးဝှက်ဝင်လာရတဲ့ဘဝ ။
ခြံတံခါးကိုအသာလေးတွန်းဝင် အိမ်ထဲတန်းမသွားရဲဘဲ ဘေးပတ်ပတ်လည်ကနေ ဧည့်ခန်းတွေမီးဖိုချောင်တွေအရင်လူရှင်းလား ချောင်းကြည့်နေရတယ် ။
ဆောင်းရာသီကြီးကို ဦးထုပ်မပါဘာမပါ ကတုံးပြောင်ကြီးနဲ့ဆ်ိုတော့ နှာတွေစီးပြီး ဟက်ချိုးဖြစ်ချင်တာတောင် အသံထွက်မှာစိုးလို့မချေရဲ ။
