SARANG

💜 ချစ်ခြင်းငယ်ပြိုင် 💜

မင်းညီမင်းသားများစုပေါင်း၍ တောကစားထွက်ရန် နေရာရွေးနေကြခြင်းဖြစ်သည်...Jimin ကတော့ အားလုံးအန္တရာယ်ကင်းစေရန် တောလည်နေကျ တောတွင်းမှာပဲ အမဲလိုက်ထွက်ရန် ပြောလိုက်ပေမယ့် မတည့်အတူနေ မမြင်ချောင်းကြည့် တစက်ကလေးမှမတည့်သော သူငယ်ချင်းပြိုင်ဘက်ကောင်က ထဖေါက်ပြန်သည်....

" ပုံမှန်တောတွေထဲမှာ တောကစားထွက်ရတာ ပျင်းစရာမကောင်းနေဘူးလား အိမ်ရှေ့မင်းသားရဲ့....တောကြမ်းတယ်လို့ နာမည်ကြီးနေတဲ့ နမ်ဆန်းတောင်မှာ အမဲလိုက်တာမှ စိတ်လှုပ်ရှားဖို့ ပိုမကောင်းဘူးလား...."

Taehyung အမြင်ကတ်ကတ်နဲ့ သွေးတိုးစမ်းလိုက်ခြင်းပင်....အိမ်ရှေ့စံဆိုပေမယ့် အရမ်းနူးနူးညံ့ညံ့ပုံစံကို မကြိုက်သောကြောင့်လဲ ငယ်စဉ်ကတည်းက အမြဲရန်စပီး တစ်ယောက်ထဲကျိတ်ပျော်နေတတ်သော အကျင့်က ကြီးလာတဲ့ထိ ဖျောက်မရ...အိမ်ရှေ့စံဆိုသော်ငြား ငယ်ပေါင်းတွေမို့ ကြောက်လန့်ခြင်းမရှိပဲ ဇိုးဇိုးဇတ်ဇတ် စနောက်နေကြဖြစ်သည်.....

" Jeon Taehyung shi...ဒါက ကိုယ်တော်ထင်တာ အန္တရာယ်များမယ်ထင်တယ်...ခါတိုင်းနေရာမှာပဲ အမဲလိုက်ထွက်ကြတာပေါ့...."

" ဪ....အိမ်ရှေ့စံမရဲဘူးဆိုလဲ တောကောင်မရှိတဲ့တောမှာပဲ အမဲလိုက်ချင်ယောင်ဆောင်ရတော့မှာပေါ့....ကျနော်ရဲ့ ကျွမ်းကျင်မှုတွေတော့ သိမ်းထားရတော့မှာပဲ....ဘယ်တတ်နိုင်မလဲ...အိမ်ရှေ့စံက ကြောက်တတ်တာကိုး...."

ပြုံးဖြီးဖြီးပြောနေသော အမတ်Jeon ရဲ့သား Jeon မိဘုရားရဲ့ တူဖြစ်သူက တော်တော်အမြင်ကတ်စရာပင်...အိမ်ရှေ့စံဆိုပီး လေးစားရကောင်းမှန်းမသိ....ခုမှတော်တော့သည်...ငယ်စဉ်ကဆို ပခုံးလာဖက်လိုက် ခေါင်းပုတ်လိုက်ဖြင့် တကယ့်မနိုင်တဲ့ကောင်ပင်....

ဒီလောက်မလေးမစားလုပ်နေတာ အပစ်မပေးဘူးလားဆိုတော့ မပေးရက်တာဆို ပိုမှန်မည်....အိမ်ရှေ့စံကို အမြဲစနောက်နေတတ်ပေမယ့် အိမ်ရှေ့စံ စိတ်ညစ်နေလျှင် ရုပ်တည်ကြီးနှင့် ရီစရာလုပ်ပြတတ်သူ....အိမ်ရှေ့စံနေမကောင်းလျှင် Jungkook နည်းတူ ပြာယာခတ်နေတတ်သူမို့ အပစ်မတင်သာ....Jimin ကိုလဲ တစ်ရက်မတွေ့ရလျှင် မသိမသာတစ်မျိုး အမြဲလိုက်ရှာ စနောက်နေတတ်သူပင်....