SARANG

💜 အလွမ်းညည်းသံ....အချစ်ရဲ့ပဲ့တင်သံ 💜

အိမ်ရှေ့စံတို့ ဂျွန်းအမတ်ရဲ့ စံအိမ်ကိုဝင်စီးရန် အစီစဉ်ဆွဲထားတဲ့ရက်ထက် ဆယ်ရက်တိတိနောက်ဆုတ်ပီးမှ စိတ်အချရဆုံးသော လူယုံအနည်းငယ်နဲ့သာ ဝင်စီးခဲ့သည်....ဘယ်လိုအကြောင်းပြချက်မျိုးနဲ့ခွဲခွဲ တစ်စိတ်ထဲဖြစ်နေပီဖြစ်သော မောင်တော်ပါ ပါလာ၍ အိမ်ရှေ့စံသတိကြီးစွာ ထားရတော့သည်....

စံအိမ်တော်သို့ မဝင်ခင် ပါလာသောလက်ရင်းတပည့်များကို သေသေချာချာမှာပီး နောက်ဆုံး ချစ်ရသူမောင်တော့်ကိုလဲ သေချာမှာရတော့သည်....သူတို့နှစ်ယောက်အကြောင်းသိသူများဖြစ်ပေမယ့်လဲ အိမ်ရှေ့စံသိက္ခာရပ်နဲ့အညီ အနေအထိုင်အပြောအဆို ထိန်းသိမ်းရမည်မဟုတ်ပါလား....

" ညီတော်....အဘိုးအိမ်တော် ဝင်စီးရမှာဆိုတော့ စိတ်မကောင်းဖြစ်နေရင် နေခဲ့ပါ့လား...တော်ကြာ စိတ်ထဲမသက်မသာဖြစ်နေမှာစိုးလို့ပါ..."

" ကဲ....လိုက်မယ်ဆို လိုက်မှာပဲဗျာ....အကိုတော် ဘယ်သွားသွား ဖဝါးထပ်မျှ လိုက်မှာပါဆို....ထပ်မမေးနဲ့တော့ဗျာ..."

" မဟုတ်ပါဘူး....မယ်တော်နဲ့ဆုံမိရင် စိတ်မသက်မသာဖြစ်နေမှာစိုးလို့ပါ...."

" တော်ပါတော့ဗျာ....အကိုတော်သာ ညီတော့်ကို အားနာစိတ်မဖြစ်ပဲနဲ့ စိတ်သက်သက်သာသာ ဖြေရှင်း....ဟုတ်ပီလား.....အဘိုးကလဲ မကောင်းတာလုပ်ထားတာကိုး....အပစ်ရှိတဲ့သူကတော့ အပစ်ဒဏ်ခံရမှာပေါ့...."

အလိုက်သိလွန်းသော မျက်နှာနုနုလေးကို နမ်းမွှေးလိုက်ချင်ပေမယ့် အိမ်ရှေ့စံ ရာဇအိန္ဒြေထိန်းနေရသည်မို့ မြိုသိပ်ထားလိုက်ရတော့သည်....

" ဒါဆို သွားကြရအောင်....အားလုံးသေချာဂရုစိုက်ကြပါ...ကျနော့ရဲ့ အရေးကြီးဆုံးလူတွေဖြစ်ကြလို့ တစ်ယောက်မှ အမိခံလို့မဖြစ်ဘူး....ပိပိရိရိ သေသေသပ်သပ် လုပ်ကိုင်ကြပါ...."

" နာခံလျှက်ပါခေါင်းဆောင်...."

အားလုံးကို ကိုယ်စီသေချာမှာပီး ဂျွန်းအမတ်ရဲ့ အိမ်တော်ကို ဝင်စီးရန် အခြေအနေစောင့်ကြည့်နေကြသည်....ညလူခြေတိတ်ချိန်ရောက်မှ နောက်ဖက်ဝင်ပေါက်က ဝင်ပီး အစောင့်တစ်ချို့ကို အိမ်မက်ကမ္ဘာထဲပို့လိုက်ပီးနောက် ဂိုဒေါင်ထဲက ဝန်ပေါ့တဲ့ အဖိုးတန်ပစ္စည်းတို့ကို သေချာသိမ်းထုတ်နေစဉ် တာဝန်ချိန်လာလဲသည့် အစောင့်နှစ်ယောက်က တိမ်ဖြူအဖွဲ့ကို မြင်တွေ့သွားခဲ့သည်....တစ်ယောက်ကို အချိန်မှီလှဲသိပ်နိုင်ခဲ့ပေမယ့် တစ်ယောက်ကလွတ်သွားခဲ့ပီး အိမ်တော်ထဲက ကျန်အစောင့်များပါ သိသွားခဲ့၍ တိမ်ဖြူအဖွဲ့ အဝိုင်းခံလိုက်ရသည်....