ချစ်ခြင်းရိပ်မြုံ
🤍 Part -9 🤍
၀ဠာဘက်က အသိသက်သေအဖြစ် ခွင်းရယ် ..... မမ ဘက်က အသိသက်သေ အဖြစ် မမ သူငယ်ချင်းဖြစ်သူ Dr. သက်ထား ရယ်တို့နဲ့အတူ ၀ဠာတို့ရဲ့ လက်မှတ်ထိုးခြင်း အခမ်းအနားလေးက အောင်အောင်မြင်မြင် ပြီးဆုံးသွားခဲ့ရသည်။
"သက် အဲ့တာဆို ငါသွားတော့မယ်နော်"
"အေး သက်ထား ကျေးဇူးအများကြီးတင်ပါတယ်နော် သူငယ်ချင်း..... "
"အချင်းချင်းတွေကို ပြောနေစရာ မလိုပါဘူးဟယ် ..... ဒါနဲ့ နင်တို့ မင်္ဂလာပွဲလုပ်ဖြစ်မယ်မလား..... "
"မင်္ဂလာဦးဆွမ်းကျွေးပဲလုပ်ဖြစ်မယ်ထင်တယ် .... "
"အေးအေး ငါ့ကိုလဲ ဖိတ်ဦးနော်.....အဲ့ကျမှ ငါလက်ဖွဲ့ပေးတော့မယ်.... မောင်လေး အစ်မသွားပြီနော်.... "
"ဟုတ်ကဲ့အစ်မ အကူအညီပေးတာ ကျေးဇူးအများကြီးတင်ပါတယ်နော်...."
သက်ထား သူ့ကားနဲ့သူ ပြန်သွားတော့
၀ဠာတို့စုံတွဲနဲ့ ခွင်းသာ ကျန်ခဲ့သည်။
"မင်း ဘာဆက်လုပ်မှာလဲ.... "
"မေမေက ငါနဲ့ မမကိုမှ သဘောမတူတာ.... အဲ့တော့အခုလိုမျိုးပဲ လက်ထပ်လိုက်ရတာပေါ့..... ငါမင်းကို တစ်ခု အကူအညီတောင်းချင်တယ် ခွင်းရာ ..... ဒီမှာ ငါ့ကတ်ကိုယူပြီးလေ ငါနဲ့မ နေဖို့အတွက် တိုက်ခန်းလေးတစ်ခန်း စီစဥ်ပေးလို့ ရမလား..... "
"မင်းတို့က ဘယ်သွားမှာမို့လဲ ..... "
"ငါတို့က အခုမှ လက်ထပ်ပြီးတာလေကွာ..... ကြင်စဦးခရီးလေးထွက်ဦးမယ်....
ငါ ကိုနေ့ ကိုလဲ ခုဏက ဖုန်းဆက်လိုက်တယ်.... အဲ့တော့ မင်းနဲကိုနေက ဒီမှာစီစဥ်စရာရှိတာ စီစဥ်ထားပေးပါကွာနော်...
ပြန်လာရင်လဲ ငါတို့ မင်္ဂလာဦးဆွမ်းကျွေးလေး လုပ်ဖို့ ..... "
မောင်ကသာ အားမနာတမ်းစွတ် အကူအညီတောင်းနေတာ မောင့်သူငယ်ချင်းဖြစ်သူ မင်းသား မာန်ဟုန်ခွင်းရဲ့ မျက်မှောင်က ကျုံ့နေပြီမို့ သက် အားနာနာနဲ့ မောင့်ရဲ့ ဗိုက်ခေါက်ကို လိမ်ဆွဲလိုက်ရသည်။
"အာ့ .... မမ နာတယ်ဗျ .... "
"မောင်ကလဲ သူများကို အားနာစရာကြီး
.... ဘာလို့ စွတ်ဆတ်ပြီး အကူအညီတွေ တောင်းနေတာလဲ .... "
