SUN { Season 1 }

SUN { 65 }

ခရမ်းပြာရောင် နွယ်ပင်၏ သစ်ရိပ်ကျသော မြက်ခင်းပြင်တွင် ဖျာကလေး တစ်ချပ်ဖြင့် သူမတို့ အပန်းဖြေ နားနေခဲ့ကြသည်။
    
သစ်စေးရောင် အကွက်စိပ်စိပ်ကလေးများ ပါသော ဖျာပေါ်တွင် အချိုပွဲ ပန်းကန်နှင့် သစ်သီး ပန်းကန်များ ထည့်ထားသော သစ်သား လင်ပန်း တစ်ခု ရှိနေခဲ့သည်။ သစ်ရွက်သစ်ခက်တို့ ဆေးရိုက်ထားသော ဖန်ခရားအိုးနှင့် သောက်လက်စ အကြည်ရောင် ရေနွေးခွက်ကလေး နှစ်ခွက်က မတုန်မလှုပ် ငြိမ်သက်လျက်။
    
မစ်ရှယ်လ် အိုဘားမား ရေးသားထားသော ဖြစ်တည်ခြင်း ဟူသည့် စာအုပ်ကိုမူ ပြင်သစ် ကဗျာ စာအုပ်များဖြင့် တွဲလျက် သစ်စေးရောင် ဖျာပေါ်တွင် ထပ်လျက်သား တွေ့ရသည်။ အောက်ဆုံးမှ ခံထပ်ထားသော စာအုပ် အထူကြီးမှာ ရေမွန်ကာဗာ၏ ဝတ္ထုတိုများ စုစည်ထားသော စာအုပ်ကောင်း တစ်အုပ်ပဲ ဖြစ်သည်။
    
မေ Scarlett ဖတ်လက်စ ဆေးပညာ စာအုပ်ကို ပိတ်ကာ အစုလိုက် ထပ်ထားသော စာအုပ်များပေါ် တင်လိုက်သည်။ သူမ ခံစားမှု အာရုံမှာ တစ်ခုခု ကပ်ငြိနေသလို လှုပ်ရှားမှု အားလုံး လေးလံ မောနွမ်းနေ၏။ ဝန်ခံရပါက သူမ စာ မဖတ်ချင်လှ။ မနက်ဖြန် ပြန်မည့် လေယာဉ်ပေါ်မှာ သူမအတွက် စာဖတ်ဖို့ အချိန်တွေ အများကြီး ရသည်။ မြန်မာ နိုင်ငံကို ပြန်ရောက်လျှင်လည်း သူမ သဘောကျသည့် စာအုပ်တွေ ဖတ်ဖို့ အချိန်တွေ ပိုလွန်းလှသည်။
    
သို့ရာတွင် အေးရိပ်ငြိမ်သော သစ်ပင်ကြီး အောက် နားခိုရင်း သင်းပျံ့ မွှေးထုံသော လွမ်းမောဖွယ်ရာ မေတ္တာဓာတ်ကို ခံယူဖို့ကတော့ ဒီစံအိမ်ထဲမှာသာ ရှိသည်။ ဒီတစ်ရက်၊ ဒီတစ်ည။ သူမတွင် ထိုအခွင့်အရေးကို ရယူဖို့ ဒီတစ်ရက်သာ ရှိတော့သည်။
    
အလွယ်တကူ မရနိုင်တော့သည့် အခွင့်အရေး တစ်ခု။
    
ဘဝမှာ ပြန်လှည့် ကြည့်တိုင်း
ဘယ်တော့မှ မမေ့နိုင်လောက်သည့်
အမှတ်တရ တစ်ခု ဆိုပါက မမှားနိုင်။

မေ Scarlett ပန်းပင်များ၏ မွှေးရနံ့ကို ရှူရှိုက်ရင်း ဘေး ပတ်ဝန်းကျင်ကို ဝေ့ဝဲ ကြည့်မိသည်။ သူမ အနားတွင် လက် တစ်ဖက်ကို ဦးခေါင်း အောက် ခုကာ ပက်လက် လဲလျောင်းလျက် တိတ်တဆိတ် စာဖတ်နေသည့် အာကာဟိန်းထက် ရှိနေခဲ့သည်။
    
သူက ဘယ်လို စကားမှ မပြော။ အဲဗာ့ဒ် မော့၏ ပန်းချီများ စုစည်းထားသော စာအုပ်ထူထူကိုသာ လက် တစ်ဖက်က ကိုင်လျက် တမေ့တမော ကြည့်ရှု လေ့လာရင်း တိတ်ဆိတ်နေခဲ့သည်။
    
အဲဗာ့ဒ် မော့၏ လက်ရာများက ကြောက်စရာ အနိဋ္ဌာရုံတွေသာ များသည်။ ထိုသို့ အနိဋ္ဌာရုံတွေကို မေ Scarlett ထိတ်လန့် တုန်လှုပ်တတ်သည် ဟု ထင်ခဲ့သော်လည်း အဲဗာ့ဒ် မော့၏ အော်သံ ပန်းချီကားကိုတော့ အတော်လေး စွဲလမ်းခဲ့ရသည်။ တကယ်ဆို ရင့်ကျက် တည်ငြိမ်ပြီး စိတ်ကူးဉာဏ် ကွန့်မြူးသော မိန်းမသား တစ်ယောက်အနေနှင့် ဗင်းဆင့်ဗန်ဂိုး၏ နှစ်လိုဖွယ် ကောင်းသော ပန်းချီကားများကို ပို၍ သဘောကျဖို့ ကောင်းသည်။
    
သို့သော် ပန်းချီနှင့် စာပေ ဘာသာရပ်ကို လုံးဝ စိတ်ဝင်စားခြင်း မရှိခဲ့သော အတိတ်ကာလများနှင့် နှိုင်းယှဉ်ပါက ယခု အခြေအနေသည် ဖြေသိမ့်ဖို့ ကောင်းပါသေးသည်။ ထို့အတွက် အစ်ကိုဖြစ်သူကို သူမ ကျေးဇူးတင်သင့်သည်။ အာကာဟိန်းထက်၏ ဖေးမ စောင့်ရှောက်မှုများကြောင့် မေ Scarlett အများကြီး ပြောင်းလဲခဲ့ရသည်။