SUN { Season 1 }

SUN { 78 }

"ယံ . ."

လေတိုးသံ တစ်ခုလား။

တိုးညင်းသော ခေါ်သံ တစ်ခုလား။

သေချာ မသဲကွဲ။

ဝေယံ ဘေးဘီဝဲယာကို လှည့်ပတ် ရှာဖွေမိသည်။

ရာပေါင်းများစွာ မတ်မတ် စီတန်းနေသော ဆာကူရာပင်တန်းတွေမှ လွဲ၍ တခြားသော ဘယ်လို အရာမျိုးမှ မရှိ။ အံ့သြစရာကောင်းစွာ ဆာကူရာ တောအုပ်ငယ် တစ်ခုထဲ သူ ရောက်နေခြင်း ဖြစ်သည်။ လှပ ညှို့ယူသော ဆာကူရာ ပွင့်လွှာများဟာ နူးညံ့ ဖြူစင်သည့် အရောင်အဆင်းဖြင့် ပတ်ဝန်းကျင်ကို ခမ်းခမ်းနားနား အလှဆင်ထားသည်။ ခြေဗလာဖြင့် နင်းမိထားသော မြက်ခင်းပြင်တွင် ပန်းသွေးဖြူရောင် ဆာကူရာ ပန်းကြွေများ အပြည့်။

ခံစားမှုက အသာအယာ။

ကြည်နူးဖွယ်ရာ ညင်သာလွန်း၏။

မျက်နှာ မော့လျက် ကြင်နာတတ်သော မျက်ဝန်းများဖြင့် ပင်ယံထက်မှ ပန်းခိုင်များကို ငေးကြည့်မိသည့် အခိုက် အေးမြသော လေညင်းက အချိန်ကိုက် ဖြတ်ပြေးသွားသည်။ ထိုအခါ သစ်ရွက်သစ်ခက်တို့နှင့် ပန်းခိုင်များ လှုပ်ခတ်သွားပြီး အချင်းချင်း ပွတ်တိုက် ထိမိကြရာမှ တရှဲရှဲ အသံ မြည်လာသည်။ တစ်ဆက်တည်းမှာပဲ ယုယဖွယ်ရာ ပန်းနုရောင် ပွင့်ဖတ်များ မြေပြင်ပေါ်သို့ တဖွဲဖွဲ ကြွေဆင်းလာတော့သည်။

တိုးတိတ်သော ခေါ်သံက
ထူးဆန်းစွာ ထပ်မံ ထွက်ပေါ်လာသည်။

"ယံ . ."

"ဘယ်သူလဲ"

ဝေယံ အသံ ထွက်လျက် အော်မေးလိုက်မိသည်။ မြင်ကွင်းမှာ သိပ်ပြီး မရှင်းလင်း။ သစ်တောသစ်ရိပ် အုပ်ဆိုင်းလို့ ပတ်ဝန်းကျင်တစ်ခွင် မီးခိုးရောင် မြူခိုးမှိုင်းထုများ အလွှာ အထပ်ထပ် ခြံရံနေသည်။

"ကျွန်တော့်ဆီကို လာပါ ယံ"

အသံက တိုးတိုးဖျဖျ။
သို့ရာတွင် ဆွဲဆောင်မှု အပြည့်။

ငြိမ်သက် အံ့သြစွာ မတ်တတ်ရပ်နေရာမှ ရုတ်တရက် အညှို့ ခံလိုက်ရသော လူ တစ်ယောက်လို အသံ လာရာသို့ ဖြည်းညင်းသော ခြေလှမ်းများဖြင့် စပြီး လျှောက်လှမ်းမိသည်။ ဝေယံ ရှိနေသော လမ်းကလေးသည် ညအမှောင်တွင် လမင်း၏ အလင်းဓာတ်ဖြင့် ထူးထူးခြားခြား လင်းဖြာနေသည်။ တစ်ဖက် တစ်ချက်တွင် ပန်းနုရောင် ဆာကူရာ ပွင့်ဖတ်ကလေးများ လေထုထဲ ပျော်ပျော်ပါးပါး ကခုန်နေကြ၏။