⫷ 𒀱ꪳ YO꙰U꙰R꙰ MA꙰J꙰E꙰S꙰T꙰Y꙰ 𒀱ꪳ ⫸
الملك خذا القرار و أمر يزيدو في الحراسة على الحدود و يزيدو في التجنيد للجيش ...كفل الجينرال "صمد" يطبق كامل قرارات و يستناو الخطوة الجاية من جهة الإمبرطور....
خرجوا من القاعة كان ماهر و آسر ماشي راضيين يستناو حتى جيهم الضربة باه يتحركوا ..بصح مام يضربوا هوما لولين ماشي حل باسكو الامبرطور مازال ما بينلهم حتى حاجة ....
إيرينا شافت خاوتها مقلقين سقسات اشرف لي كان يمشي قدامها كالم :" واش حكاية الامبرطور هذا ؟
أشرف :" خطر كبير على مملكتنا ! معروف بقوتو و بطشو ...ما دخلش حرب غير و يخرج الرابح ...
إيرينا :" ما يعنيش نخافوه و نستسلموا ... أصلا ماكان حتى حاجة تخوف لان رانا سلميين و كاين معاهدة سلام مع الملك عادل!
أشرف :" إيرينا ماناش خايفيين بصح مقلقين .. باسكو معاهدة السلام تسقط بسقوط الملك ...و لازم تجدد مع الملك الجديد هذا اذا وافق
إيرينا فهمت واش قال خوها و كمل يشرح :" الامبرطور آزر ماشي كما باقي ملوك...صغير و هارب في تخمامو.. حنا ثاني أكبر مملكة مور مملكتو ما نظنش يلجأ للحرب ...غير اذا!!
إيرينا :" داه الطمع في مواردنا ...
أشرف :" هذا احتمال وارد تان...دوك نستناو ردة فعلهم ...
إيرينا :" ردة فعلهم ؟؟
أشرف حبس و هي تان :" الملك رفض حنا نقوموا بخطوة الحرب بالعلن و دارها بالطريقة غير مباشرة...
إيرينا :" كيفاه؟
أشرف :" تكثيف الحراسة على حدود...
فتحت عينيها مخلوعة و قالت :" يعني ..يعني بابا بعت رسالة للامبرطور...
تبسم أشرف :" و الرد تاعهم هو الخطوة الاولى ...
...
راح كل واحد لشغلو و هي بقات غير طلع و تهبط...
⫷ 𒀱ꪳ YO꙰U꙰R꙰ MA꙰J꙰E꙰S꙰T꙰Y꙰ 𒀱ꪳ ⫸
كانت الاميرة إيرينا واقفة وسط الورد في الحديقة .. موالفة تخير نوع لي يعجبها و تخدم منو ريحة بيدها ... بصح هذي المرة كانت واقفة و غايسة ...
قاطعت تالين تفكريها كي قالت :" مولاتي ماراكيش كي عادتك !! فاش راكي تخمي ؟
إيرينا :" ...لبارح الملك زاد في الحراسة على الحدود ...
تالين :" نظن خذا قرار مليح لالا ؟
أنت تقرأ
جلالتك
Romance🇩🇿 🇩🇿 كرونيك باللهجة الجزائرية 🇩🇿 🇩🇿 روايتنا مختلفة عن ما سبق.. ذات طابع تاريخي ♕ ♚ رومانسي♡♡... ꧁الابطال تتعرفوا عليهم بالرواية... ꧂
