جلالتك

PærT 12 ♕

آزر دار شاف فيها كانت قريبة:" يعني صدقتي الاشاعات...

إيرينا:" يعني جلالتك كل يوم زعفان و مقلق و عينيك يخوفو شوية... تغزر فيا بطريقة تقول حا تقتلني..

ماقال والو...بلعت ريقها امبعد قالت:" بصح ك كنت غالطة...

آزر دور راسو و كمل يرسم:"كيفاه غالطة؟..

تبسمت و دنات كثر:" راني واقفة قدامك و مارانيش خايفة منك....بلعكس حاسة روحي بأمان.... يعني خوفي ماكانش  لازم...ماراحش تأذيني.... صح؟

قلبو خبط فور من هدرتها..زير على القلم في يدو...

كي ما جوبهاش حبت تبدل السوجي خير..
غزرت في خريطة لي كان يرسم فيها جابها خير من لكتاب...
حطت يدها على البيرو و لخرى على كرسيه...حسها بيدها قريبة من ظهرو...

شاف فيها و عاود شاف في ورقتو بلخف..

إيرينا:" جلالتك موهوب بزاف..

آزر خذا نفس  و كمل يرسم بلا ما جاوبها..دنات من البيروه و حطت يديها لزوج عليه تشوف في رسمة و في لكتاب مبهورة بواش راهي تشوف رسمها خير من لكتاب..

شعرها كان فوق دراعو و ريحتها حسها في مخو ماشي غير نيفو....غمض عينيه و هو يشم في ريحة الورد الجوري لي يخرج منها..حط القلم...وهي دارت ليه مبتسمة...
إيرينا:" ما كانش علابالي بلي ترسم هاكا..حتى خير من الكتاب...راني مبهورة..

طلع عينيه يشوف فيها مبتسمة و تضحك و هو حاس قلبو راح يخرج من صدرو من قربها مثل البرود بلع وريقو و شاف في ورقتو..

إيرينا:" شكون علمك ترسم جلالتك! 

قعد ساكت ما ردلهاش..هي تان سكتت باين ما راحش يردلها...إيرينا حست بلي ديرونجاتو بالهدرة..مالا الأفضل تسكت و تتفرج...حطت مرفقها على بيرو و قعدت تشوف..

آزر بلا ما شاف فيها قال:" جيبي كرسي ...

غزرت فيه و تبسمت..راحت دنات الكرسي و ريحت قدامو سواسوا...حطت يدها على خدها تكات عليها و تشوف فيه كيفاه يرسم..

آزر:" تعلمت من الملكة الراحلة (غزرت فيه و هو تان شاف فيها و قال):" يما...

عاود دار يكمل و هي قلبها خبط..

آزر:"  هوايتها الرسم..علمتني الاساسيات و طورت روحي..خاصة كي نحتاج نرسم الخرائط...

إيرينا تبسمت و هي تشوف فيه عينيه و هوما يتفكر يماه كانوا يبرقوا:" ماما كانت تعزف على كل الات الموسيقية بامتياز (ضحكت) أحب حاجة ليها البيانو...كونا نتلموا كامل في جناحها و هي تعزف لساااعات و ما نحسوش بالوقت...