جلالتك

PærT 14♕

كانت إيرينا و ليث فوق عوادهم داخل الساحة التابعة للاسطبل...

إيرينا: " بدر و تالين نتوما راح تكونوا الشاهدين على هزيمة الامير ليث...

ليث ضحك: " جلالتك مايقدروش يشهدوا على حاجة تصرا غير في أحلامك..

خرجت لسانها و امبعد استعدت و هو تان..

بدر: " إنطلاااق!!! 

و بدا السبااق...

عند آزر كان مزال قاعد في القاعة العرش الضخمة و ريكو معاه
ريكو: " قدوم الامير يعني تأخير المهمة!...

آزر: " لازم نستناو و نعرفوا واش راح يقرر..

ريكو: " يقرر؟

آزر بسخرية: " إذا يكمل في قرار إنقاذ الملكة من بطشي..

ريكو: " جلالتك ماشي ندافع عليه.. لكن الاشاعات على حضرتك أسوء من واش راك متصور...

آزر حط يدو على خدو و تكى عليها وقال: " ما تهمنيش ثرثارات الناس مور ظهري... أنا إمبرطور دوري نخدم  شعبي و نصلح أرضي ماشي لازم يحبوني في المقابل....

ريكو  تبسم من كلام آزر.. 

استئذن حارس و دخل عليهم... انحنى وقال: " عذرا جلالتك.. كاين ضيف  من المملكة الجنوبية يطلب مقابلتك..

آزر: " شكون هذا الضيف؟ 

الحارس: " الأمير أشرف...

طلع حاجبو مستغرب علاه جا....قال: " دخلوه..

الحارس  خرج و ثواني دخل أشرف مع زوج رجال  إنحناو و تقدموا و وقفوا اونفاص ليه...

أشرف كان مختلف هذي المرة ماشي خايف كما كان كي شافو أول مرة : " أعتذر من جلالتك على الزيارة المفاجئة لكن كان لازم نجي قبل حدوث سووء تفاهم يغضبك...

آزر: " و السوء التفاهم لي يغضبني تقصد بيه الفوضى لي سببها الأمير ليث؟..

تخلع أشرف من واش سمع يعني لحق روطااار لحقاتو رسالة من عند ليث مور ما خبروه بزواج إيرينا بلي راح يدير المستحيل باه يرجعها يالوكان هذا شي يعني موتو... غير قرا رسالتو توجه عند أركان و خبرُ واش حا يدير ليث... الوغ أمرُ يروح للمملكة الشمالية يحبس خوه قبل  فوات الاوان و بعت معاه رجال من الفرقة الخاصة لحمايتو...

أشرف: " جلالتك.. الأمير ماكانش حاضر في العرس  وماعندوش خبر..... تسرع.... من فضلك أعذرو...