عند ريكو...
كان واقف في قصر أهل شهرازاد و هي واقفة موراه في حالة وجها صفر و عينيها منخفين من لبكى..
باباها و عمومها و خوالها كامل في القاعة... غير الرجال و هي معاهم...
المدينة تاعهم تحكمها عشائر و من نوع لي الراجل هو كلش فيها بابات شهرزاد كان الاغنى بين خاوتوا و الاقوى عليها تعين هو الحاكم للمدينة هذيك الكل يسمعلوا و لحد الان ما كان حتى مشكل معاهم و مع الامبرطور..و بيناتهم بزاف منافع و مشاريع...
ريكو يعرف عقليتهم مليح مزيرين و ما يرضاوش بلخف كان يستنى غير في تمردهم....
بابات شهرزاد اسمو " زيان "
زيان: " ممكن تفسر السبب مرة أخرى؟
ريكو بكل حدة قال: " أوامر جلالته.. عندك اعتراض؟
تبسم زيان و خاوتو و ولادهم تنشعوا...
نطق واحد من الخاوة زيان : " جلالته يختبر صبرنا؟ والا رسالة منو يتراجع على معاهدة السلام لي بينا؟؟
ريكو بهدوء: " جلالته رجع الهدية و قال معاهدة السلام تبقى محفوظة...
خو زيان الصغير: " هدية؟؟ بعتنا بنتنا كرمز للمعاهدة السلام رجوعها يعني سقوووط المعاهدة.. و تراجع الامبرطور على كلمتو..
غزر فيه ريكو بنص عين و حط يدو على سيف : " راح نعتبرك ما قولتش هذا الكلام قدامي...
سخنت الحالة بيناتهم... وقف زيان و خبط الطابلة بيدو سكتو كامل الرجال للداخل.. تقدم من ريكو بلعقل و وقف مقابلو يغزر فيها.. ريكو بقى يشوف في وجهو بلا والا ذرة صغيرة تاع خوف..
زيان: " جلالته رجع المحظية؟ و محافظ على المعاهدة السلام بكل بنودها و شروطها؟
ريكو: " نعم سيد زيان...
تبسم زيان: " إذا بنتي ما عجباتوش...
سكت ريكو ما حبش يهدر في شهرزاد والا واش دارت قال برك بلي رغبة الامبراطور...
زيان شاف في بنتو وقال: " رغم جمالها لكنها غبية و بدون اي مهارات.... ما قدرتيييش تكسبي قلب راجل؟؟ أخرجي حسااابك امبعد...
انحنات لباباها و خرجت تجري من لتم..
زيان شاف في ريكو و قال: " ممكن هذا الامر يغضبني و يخيبلي ظني.. لكني ماشي غبي باه نتراجع على السلام مع جلالته.. راح نقبل استرجاع الهدية.. لكن بمقابل...
غزر فيه ريكو ماشي فاهم..
زيان: " راح نبعت معاك هدية أخرى تنسي جلالته فشل بنتي...
أنت تقرأ
جلالتك
Romance🇩🇿 🇩🇿 كرونيك باللهجة الجزائرية 🇩🇿 🇩🇿 روايتنا مختلفة عن ما سبق.. ذات طابع تاريخي ♕ ♚ رومانسي♡♡... ꧁الابطال تتعرفوا عليهم بالرواية... ꧂
