جلالتك

PærT 6 ♕

مور ما راح الإمبرطور آزر من القصر و خرج من المملكة الجنوبية حست إيرينا بالامن ...وجودو كان خطر عليهم ...
اليوم ايرينا كانت مسافرة للمملكة الجنوبية قضات اليومين مع خاوتها حتى في رقاد يرقدو كيف كيف ...الامير رضا رجع مور ما لحقاتو الرسالة و بحكم كان في المملكة برك لحق بلخف و ريح مع الاميرة بصح الامير ليث كان بعيد لدرجة الرسالة ما لحقتش ميمبا ليه الملك أديم تقلق عليه بصح ما حبش يقلق الامراء ... أركان خذا حقو من الانتقام تحداتو في نزالات كثر من 20 مرة في النهار ...بصح نتيجة توجوغ نفسها يربحها ..

كانوا واقفين كامل عند البوابة الرئيسية للقصر .يودعوا الاميرة لي كانت في جناحها  تغزر في كل ركن منو ... مشات للباب و وقفت شوية خذات نفس و خرجت تبعوها الوصيفات حتى لحقت للبوابة شافت الامراء في 5 واقفين ..أشرف ..ثم التوأم .. امبعد رضا ..أمبعد أوس و ليليا ثم الملك أديم...
عنقتهم واحد واحد حتى لحقت للملك أديم  تبسمت معاه و عنقاتو و هو عنقها ما قدرش ينطق ...زير عليها في حظنو برك طلقها و حط يدو على وجها

الملك أديم:" بنتي لعزيزة نتي كنزي ....فخور بيك

تبسمت و شدتلو يدو و باستها ...

أركان لحق ...و قال:" على كبري جريتيني ..مزيا مارانيش روطار...

دارو ليه و هي ضحكت
إيرينا :" لوكان ما حضرتش لوداعي كنت راح نخرجلك في كل منام ...

أركان :" كنت نحضرلك في هديتك ...

إيرينا باستغراب :" هدية ؟؟

جبد واحد السيف في غمد شباب و عطاهولها ... شداتو عليه مذهولة ...

ماهر مخلوع :" ماتقوليش هذا !! سيفك أركان...

ضحك أركان و إيرينا ماكانتش مصدقة :" أركان ما نظنش نستهلو ...

أركان :" بلعكس مولاتي نتي أكثر وحدة تستهلو ...

عنقاتو و هو تان ...كانت إيرينا كي بنتو كبرت تحت يدو ..و دوك راه يودع فيها ..

طلقها  و هي راحت عند العربة تاعها الحارس فتح الباب و أوس راح ليها مد يدو باه يعاونها تطلع...
شافت فيهم كامل و روشت بيدها باي باي... امبعد شدت يد أوس و طلعت  للعربة تاعها ...غلق الحارس الباب ...

الملك أديم عطى الامر يديماري الموكب.... بدات العربة تتحرك و أخيرا بداو دموع إيرينا يطيحوا كالشلال

ليليا بدات تبكي عنقها أوس و أشرف راح ديركت من لتم ما حملش يشوف العربة رايحة هكاك ...أركان مسح دمعتوا و راح هو تان ....
التوأم راحو للملك  باه ما يبقاش وحدوا داوه معاهم لقاعة العرش...و تفرق السوق كل واحد لخدمتوا .....يلتوا روحهم ...