جلالتك

Pært 22 ♕

كان آزر قاعد في قاعة الاجتماعات الضخمة.. مترأس هذيك الطابلة لكبيرة... مور ما طلب إجتماع طارئ لي كامل الوزراء..و طلب الحراسة تتشدد على كل المخارج من القصر، المدينة و القرى المجاورة له ، ما يخرج حتى واحد حتى ولو كان حيوان..

الوزاء بلغ عددهم 22 وزير كامل جابوهم كي المساجين.. قاعدين يتغازروا بيناتهم ماشي فاهمين واش صرا باه يطلبهم بهذي الطريقة و في هذا الوقت.. حتى أنه ما رتاحش من السفر... كان الداخل شحال من الحراس دايرين بيهم

كان آزر قاعد ببرود يغزر في كل واحد فيهم و يستفز فيهم بسكوته.. و ريكو واقف موراه..

آزر نطق ببرود: " مكانتكم في القصر نتيجة لثقتي في مهارتكم.. ليس ثقة فيكم.. أنا نستنى كلش من كل الناس.. يعني أمر خيانتكم لي ماشي شي لي يفاجئني..(تبسم شوية بطريقة رعبتهم) لي فاجئني كيفاه ما خفتوش مني...

بداو يتهامسوا في ما بيناتهم.. خبط الطابلة و وقف..

آزر بلعياط: " أنا الامبرطور لاعظم مملكة على هذه الارض اللعينة.. في باالكم تقدروا تستغبوني...

بقاو ساكتين و منهم لي فشلوا من الخوف
نطق واحد منهم وقال بأدب: " يستحيل استغباء جلالتك.. حنا تحت رحمتك مولاي...

غزر و قال: " رحمة!؟ راح تشوفوا ويلي...

شر للوزير المكلف بمشاريع الاراضي... لي كلفوا بمشروع المياه في القرية الجبلية..

آزر: " القرية الجبلية.. واش صرا فيها...

بدا يترعد من الخوف و غزروا فيه كامل..

الوزير بدا يتلعثم من الخوف: ". م. م. م. مولاااي.. أ.. أنا.. ك. كلفت الرجال بالعمل..

آزر غزر في ريكو و عاود شاف فيه.. ريكو تقدم من الوزير و وقف موراه..

آزر'" بقولك الرجال!! تقصد العصابة المسؤولة على خطف لبنات و بيعهم؟؟

الوزير صفااار و جا نايض خبطو ريكو بالغمد للظهر عاود قعد بدا يتلفت كي المهبول...

آزر: " ماذا... تحوس على ملك الموت؟

الوزير: " جلالتك.. ارحمني.. ارحمني

كامل بلعوا لسانهم و واحد ما تشجع حتى يتنفس في هذا الموقف...

آزر: " أين رجولتك.... حقير مختل.. سأستمتع بتعذيبك بصح دوك حاب نسمع أسماء....

جبد ريكو السيف و حطو على رقبتو والا يبكي كي المداما..

الوزير: " جلالتك.. أرجوك..