جازو يمات على آخر لقاء لايرينا مع آزر في المكتبة .....كانت جوز وقتها في جناحها بلعااني باه ما تشوفوش كامل..
كانت واقفة و تروش بالسيف :" شفقة ...أنا تشفق عليا !! اااه
تالين كانت واقفة تشوف فيها ..حتى دخلت بتول و انحنات
بتول :" جلالتك لحقوا رسائل من المملكة الجنوبية لحضرتك....
إيرينا عينيها برقوااا حطت السيف و جرات نحاتهم لها من يدها و بدات تفتح و تقرا رسائل خاوتها ...
اونفان حاجة تفرح ابتسامتها لحقت لوذنيها ..سورتو كي قرات رسالة أشرف لي قالها بلي اونفان رجعلهم ليث ...و اعطالها عنوان لي راه فيه باه ترجعلو..
بدات ترجع لكل واحد طمنهم عليها وتهبل فيهم من البعيد...
كي كملت عطات لتالين باه تبعتهم...حتى جاتها الفكرة النيرة في راسها ..
خرجت وحدها من جناحها و راحت لجناح الاميرة جوانا ...لي كي شافتها و داخلة لجناحها تخلعت
جوانا :" إيرينا ؟؟ أهلا...
دخلت و قعدو مع بعضاهم
إيرينا دخلت في الموضوع قبالة :"اليوم لحقني رسائل من المملكة الجنوبية
تبست جوانا :" ااه عليها راكي فرحانة..
إيرينا :" اممم فرحانة بزاف...أونفان لحقوني ...
جوانا:" المسافة بعيدة بين المملكتين عليهاا طول الرسائل
إيرينا:" على كل حال جيت نطلب منك حاجة...
جوانا باستغراب:" مني أنا؟
هزت إيرينا راسها بإييه و وقفت و مدت يدها لجوانا
إيرينا:" نروحو جولة و نقولك..
ناضت معاها خرجو يمشوا بلعقل تالين و وصيفات الاميرة موراهم
إيرينا:" جوانا واش رايك في الامير أشرف...
جوانا حبست و شافت في إيرينا مخلوعة...وجها والا حمرر...
إيرينا بدات تضحك و حطت يدها على وجها:" تحشمي مني؟؟
جوانا بدات تمشي تتهرب زعما..تبعتها إيرينا و قالت:" همممم هذا الشي ما سمعتيش طلبي و راكي هاك...
جوانا:" واش هو طلبك؟
إيرينا:" أشرف هو أصغر الامراء..و أسلمهم....حنين بزاف و يكره العنف...عليها اختص في مجال الطب.. كان قريب بزاف للملكة الراحلة.... (راحت الابتسامة من وجها كي تفكرت يماها جوانا غزرت فيها و حست بيها حتى هي فقدت يماها في صغرها و عاشت الويل بخلاف أميرتنا لي كانت معززة مع باباها و خاوتها) :" ملي ماتت والا منعزل علينا كامل..و كلما نكونوا معاه يخبي مشاعره و همومو علينا..علابالك أول مرة شفتو فرحان بعد سنين وقتاش كانت؟؟
أنت تقرأ
جلالتك
Lãng mạn🇩🇿 🇩🇿 كرونيك باللهجة الجزائرية 🇩🇿 🇩🇿 روايتنا مختلفة عن ما سبق.. ذات طابع تاريخي ♕ ♚ رومانسي♡♡... ꧁الابطال تتعرفوا عليهم بالرواية... ꧂
