جلالتك

PærT 11♕

♡ جازوا يمات على حادثة تالين و المحظية ♡

إيرينا كانت جوز يماتها تدريبات مع بدر و تالين في جاردان... امبعد تروح للمكتبة... و امبعد تشوف "رينا"...

كانت في جاردان لابسة حوايج التدريب تاوعها لي جابتهم معاها من مملكتها...

كانت قاعدة تحت شجرة كبيرة و بدر و تالين واقفين يدربوا...
بون بدر يدرب في تالين كيفاه تشد السيف و دافع على روحها.. و إيرينا تتفرج و تشجع في تالين...

إيرينا: " ركزي و أهجمي بكااامل قوتك..

تالين بخوف: " بصح لوكان نقيسوو؟؟...

بدر بدا يضحك: " نتي تقيسيني.. ما ضحكينيش تالين...

شنفت عليه و رفدت السيف تستعد باه تهجم...

إيرينا: " أهجمي!!!!

راحت تجري تالين غمضت عينيها و بدات تضرب بالسيف إيرينا خبطت جبتها...

بدر قعد يتراجع و يضحك... قال: " للمرة الالف كي تهجمي ماا تغلقيييش عينيك..

تالين فتحت عينيها : " خايفة نقيسك...

بدر: " يااو قيسيني بالسماااح...

كملت تهجم و مع لي ضربت ضربتها في العود ما يتراجع هو تان هجم و ضرب سيفها بسيفوو طيرهولها.. ساغات من الخلعة و رجعت للور قريب الطيح.. شدها من خصرها و رجعها ليها بلخف لصقت في صدرو فتحت عينيها مشكوياااا و وجها والا حمرر حاسة قلبها راح يحبس... لالة بدات طيح فيه...
إيرينا تبسمت بمكر..: " أحممم أحممم راني هنا...

بدر طلقها و طلع يديه لفوق.. و تالين رجعت للور و راحت تجري ترفد السيف تكوف روحها..

إيرينا وقفت و قالت: " تالين حبيبتي.. قعدي قعدي... تفرجي و تعلمي..

وقفت في بلاصة تالين و خرجت السيف.. و لوخرا قعدت تحت الشجرة.. معنقة السيف و تكالمي في روحها...

إيرينا: " ما راحش نرحمك...

تبسم وقال: " جلالتك هذا ظلم... نستسلم من دوك

عقدت حواجبها: " علاه...

بدر: " مستحيل نقدر نأذيك.. جلالته يطيرلي راسي...

خرجت لسانها وقالت: " واثق بنفسك ياااه.. نسيت واش درت فيك...

بدر فهم راهي تستفز فيه بدا يضحك: " جلالتك خلينا نبداو...