اليوم العرس المنتظر ... ناضت إيرينا على صوت تالين تنوض فيها... كانت عيانة لبارح جوزاتو مع الامراء
تالين :" الحمام واجد مولاتي
وصيفة :" و الفطور واجد مولاتي
تالين :" كي تكملي فطورك نستقبلوا الحفافة و خبيرة المكياج
وقفت إيرينا و شرت بيدها باه يسكتوا :" راسي راه يوجع بما فيه الكفاية... خليني ناخذ حمامي امبعد ساهل
كانت إيرينا من حاجة الحاجة ..حمام .....فطور ..أمبعد خرجوها لواحد الغرفة كبيرة قريبة من القاعة لي راح يتم فيها العرس.. كانت روبتها معلقة لتم و الحفافة و خبيرة المكياج يستناوها....حفافة طولت بزاف معاها شعرها طويلة بزاف و لازم مشطة تتناسب مع روبتها....و خلي المكياج لي هبلت بطلتنا الخبيرة..
إيرينا :" ما عجبنيش عاوديه
خبيرة مكيااج بالخوف :" ح..حاضر مولاتي
عاودت مكياج شحال من المرة...كانت إيرينا مقلقة من العرس .. باسكو.. اولا ماشي حباتو و ثانيا بقالو ساعات برك..
تالين :" مولاتي تكملي هاك نديرو الروطار
إيرينا بزعاف ..:" ما عجبنيش... هذي..هذي ماشي انا ...خففي مكياج شحال تقدري
خبيرة مكيااج:" حاضر.. حاضر...
اونفان عجبها نقصتلها مكياج كانت تبان طبيعية.. شوية آيلاينر رقيق كبرلها عينها حمرة في خدودها و غوز في فمها
تالين :" دوك وقت الروبة
جابولها الروبة هذيك لي خيرتها بلون لزرق كليير و مشبحة بالورد للتحت ..ظهرها عريان ( شوفو صورة لفوق..عجبتني )
عاونوها الوصيفات لبسولها و حطولها طرحة بنفس لون الروبة و طويلة تتسحب ...
دارت شافت روحها في مرايا وقفت مذهولة
تالين بكات و الوصيفات تان ..راهي تهبل و أخيرا شافوها عروسة
الوقت كان يجري بلخف بلا ما حسوا..تحضيرات في القصر كانو كملوا و المعروضين كانو وصلو...ملوك كامل المماليك و الاسر النبيلة.. كان أضخم عرس عرفاتو الارض هذيك
جاهم صوت دقديق...دخلت بتول و حبست مبهورة من زين الاميرة .. أمبعد انحنات و قالت :" معذرة مولاتي ..الملك أديم راه هنا ...دنات على الباب و دخل إيرينا دارت ليه متبسمة ..هو حبس في بلاصتو يغزر فيها للحظة شاف الملكة الراحلة (مرتو) لي واقفة ماشي إيرينا...طاحت دمعة من عينو...
تالين و الوصيفات انحناو..امبعد شرت للباقي يخرجو
بقا الملك مع بنتو راحت ليه و رفدت يدها مسحتلو دمعة
أنت تقرأ
جلالتك
Любовные романы🇩🇿 🇩🇿 كرونيك باللهجة الجزائرية 🇩🇿 🇩🇿 روايتنا مختلفة عن ما سبق.. ذات طابع تاريخي ♕ ♚ رومانسي♡♡... ꧁الابطال تتعرفوا عليهم بالرواية... ꧂
