آزر شاف شوية في عينيها امبعد جبد يدو من يدها و قال: " بخير... الآن أعذريني...
راح و خلاها واقفة مخلوعة من واش دار.. ما فهمت والو علاه دار هكاك... دارت تبع فيه بعينيها و هو داخل......
تبعاتو تجري للداخل.. كان طالع للغرفتو.. جرات و شداتو من دراعو حبس و غزر فيها ببرود..
إيرينا: " واشبيك..؟؟ واش درتلك؟
غزر في يدهاا هبطتها و بقات تشوف فيه تستنى يجاوب...
آزر: " راح نرجعوا للقصر فجر الغد.. حاب نرتاح...
عقدت حواجبها ماشي فاهمة علاه هذا البرود ڨاع و تبدل بلخف.. لبارح كانوا هايلين..
إيرينا: " آزر.. قولي واش درت...
تقلق زير على قبضة يدو و قال: " الافضل ما تكلمينيش هذي الفترة.. و ما تلحقينيش...
قال كلامو و دار كمل طريقو و هي بقات واقفة مصدومة منو...كيفاه دار عليها بلا سبة!!...
هو طلع لغرفتو و الزعااف غير يزيدلو بعدها خاف كشما يقولها كلام يندم عليه.. كيفاه تعنق راجل واحداخر و في حضورو... مستحيل يجوزهالها...
لاول مرة آزر يحس بهذي الغيرة بدر و ما قدرش يشوفو تالمون زعف..
هبطت راسها و بقات تشوف في لرض... حست روحها وحدها.. غاضتها عمرها بزاف.. دار عليها بين ليلة و ضحاها.. حتى تالين ماراهيش معاها دوكا باه تفرغلها قلبها... طلعت تجري لغرفتها و غلقت الباب و ريحت في لرض و تكات على الحيط تغزر في بيتها الفارغة..
♚♚♚♡♕♕♕
♡ عند بدر و تالين ♡
كانوا قاعدين مع بعضاهم يحكوا كما موالفين حتى سمعو الباب تفتحت بلعقل دخل ريكو بإبتسامة..
ريكو: " نقدر ندخل؟
وقفت تالين و تراجعت للور و قالت: " تفضل..
ريكو دخل و تقدم عند بدر: " جيت نشوفك قولت نلقاك تتوجع.. بصح ضحكة راهي لاحقة لوذنيك..هذا تأثير تالين؟
شنف بدر و تالين حشمت...
بدر: " أستنى نبرا برك..
ضحك ريكو و قعد في الكرسي لقريب من بدر.. حط يدو على كتفو وقال: " على سلامتك خويا
تبسم معااه بدر.. باين بلي ريكو راه بزاف عيان ما حبسش كامل و هو يحوس عليه...
أنت تقرأ
جلالتك
Romance🇩🇿 🇩🇿 كرونيك باللهجة الجزائرية 🇩🇿 🇩🇿 روايتنا مختلفة عن ما سبق.. ذات طابع تاريخي ♕ ♚ رومانسي♡♡... ꧁الابطال تتعرفوا عليهم بالرواية... ꧂
