آزر كان في المكتب ديالو داخل المكتبة قاعد و مزير على القبضة تاع يدو و يخمم في واش صرالو...
آزر :" تبااا واشنو هذا احساس!!
ريكو :" مولاي !!
غزر فيه آزر وقال :" وين راحت؟
ريكو :" للنهر مولاي...قالت حبت تتنفس... نظن الملكة تحس بالملل ...
دور وجهو آزر و تكى على الكرسي..
ريكو:" قالت القصر بارد و فارغ لدرجة تحسو حبس...(تبسم و قال) :" حتى الروايات لي بجناحها شكات منهم....قالت حابة كتب واقعية ماشي لي تعيشها في كذبة..
حل عينيه و تنهد :" كيفاه واقعية..!!
ريكو:" مثلا كتب تاريخية ..طبية... حربية..
آزر عقد حواجبو و قال :" واش هذا الميول لي عندها ؟....
ريكو تبسم و شاف في آزر ...و قال :" و بخصوص مراقبتها... جلالتها حست بيا... أعتذر من جلالتك...
آزر :" هكاك و خلي عينك عليها...
ريكو جرأ هذي المرة و سقسى :" جلالتك ما ثيقش فيها ؟
آزر غزر فيه شوية و قال :" ثقتي نعطيها للناس لي يستهلوها...
هبط راسو ريكو و قال :" و بخصوص الحراس...؟
آزر :" نقصلهم من شهريتهم النص مدة 6 أشهر...
ريكو :" حاضر....
انحنى و خرج و خلى آزر عاود تكى على الكرسي و غمض عينيه..يشوف عينيها معمرين دموع....
آزر وقف من بلاصتو :" تباا واشنوو هذا تخمام...
إيرينا والات لجناحها و رفضت أي واحد يدخل ليها والا يديرونجيها... تكات فوق بونكها تشوف في بلافون و حطت يدها على دراعها كانت توجع فيها... رقدت بلا ما حست.....ما تعشاتش ميمبا... تالين ما حبتش تنوضها بانتلها عيانة بزاف ..
الغد منداك فطنت إيرينا بكري..بدات تتكسل...
إيرينا :" تالين وجديلي الحمام...
دخلت تالين :" صباح الخير جلالتك..دوك نحضرو فورا...
جات خارجة حبستها إيرينا لي ناضت من البونك...
إيرينا :" تالين قبل ما تروحي....
دارت ليها تالين و ايرينا تقدمت منها كثر و حطت يدها على وجها
أنت تقرأ
جلالتك
Romance🇩🇿 🇩🇿 كرونيك باللهجة الجزائرية 🇩🇿 🇩🇿 روايتنا مختلفة عن ما سبق.. ذات طابع تاريخي ♕ ♚ رومانسي♡♡... ꧁الابطال تتعرفوا عليهم بالرواية... ꧂
