جلالتك

PærT 1 ♕

꧁ أهلا و سهلا في روايتنا الجديدة ꧂

حكايتنا ترجع لقروووون فاتوا وين كانت مجموعة مماليك تحكم الارض لي تقسمت إلى« 12 مملكة»

و في كل مملكة أسرة حاكمة و بطبع كاين صراع حول الحكم و توسيع.. ..(الطمع من بكري ميزة في الانسان الله غالب )

كانت أكبر مملكة موجودة هي « المملكة الشمالية» أزدهرت و طورت في عامين بفضل ملك قوي بزاف دار انقلاب على الأسرة الحاكمة و قطع راس كل واحد في العائلة هذيك حتى محى آخر نسل فيها (هاكا جا في التاريخ ) و تربع هو العرش كإمبرطور لاقوى مملكة عرفتها الارض و أختو صغيرة ..

كان هو الابن الغير الشرعي للملك السابق ... مور ما زيدت يماه ختو الصغيرة ماتت من الاجهاد و التعب .....
يماه قاسات بسبب كونها عشيقة الملك لاكبر مملكة...يعني خرجوا فيها الضراير سورتو الملكة الاولى و ولادها ...و ملك كان مجاهلها ما يهتمش لمشاعرها و هي كانت تحبو لدرجة تحملت كلش على جالو ... و في نهاية خسرت حياتها...

الملك (الجديد بطبع ) انتقم و قتل كل فرد منهم بدم بارد ...لاسباب راح نشوفهم مع الاحداث القادمة ...

كما كنت نقول:" في عامين بنى إمبراطورية ضخمة .. غنية و بعدد سكاني كبير و ثروات زراعية ضخمة.... مالغري مور توليه العرش بزاف مماليك جبدو روحهم و حاولو يدمروه .... بصح هيهات هذا الملك ما يعرفش الرحمة ... شن حروب على مماليك مجاورة و قمعهم و وقع على تحالفات جديدة مع بعض المماليك.......

ضم ليه زوج مماليك مور ما ربح الحرب ضدهم مملكة 3 و مملكة 4...(يعني داهم فورصي) و زاد وسع الاراضي تاعو بيهم.....
و دار معاهدات سلمية مع زوج مملكات. 6 و 7

إذا الامبرطورية تاعو مكونة من 5 مماليك متحدة ..

بطلنا الامبرطور ♕ آزر ♕ أصغر ملوك الارض 29 سنة....أقوى و اشجع محارب عرفاتو المملكة الشمالية و ما جاورها .. معروف بالبرود و الذكاء الخارق...و خلي القوة ..ها قلنا أقوى و أشجع محارب ...الاشاعات على وحشيتو و قسواتو انتشرت في كل بقاع الارض...خصوصا قضية قتله للاسرة الملكة...

كان طويل و سمر.....شعرو طويل و كحل ..معروف بزينو الوارثو من يماه حيث كانت تعتبر أجمل إمرأة.. ...ماكان حتى واحد يجرأ يغزر في عينيه لخضورا كالصقر...كانو عينيه يبانو تاع قاتل مغطيهم البرود و الكره ....في قصر واحد ما شافو ضحك والا حتى خيال ابتسامة على وجه ...لكن من جهة أخرى معروف بالعدل اتجاه الشعب و كل همه تطوير المملكة و يمحي اي حاجة قادرة ضرها ... هدفه كان بناء إمبرطورية لا تقهر..و يحكم العالم...