جلالتك

♕ The End ♕

آزر شاف في روزالينا و قال ببرود : " اقتربي...

قلبها بدا يخبط فوور من الخوف ما قدرتش تغزر فيه تقربت بلعقل غير لحقت قدام ريكو دنى عليها و راح وقف قدام آزر و مقابلها هو تان...

آزر: " أكشفي على وجهك..

يدها بدات تترعد رفدتها و نحات من على راسها .. هبط شعرها التشيني على كتافها.. و عينيها كبار و خضورا خدودها حمورة و نيفها صغير و حمر شوية..

ريكو هبط عينيه للرض و سييا ما يشوف فيها
آزر بقى ساكت يغزر فيها امبعد قال لريكو: " قصري ماشي بحاجة لمحظيات.... وجودهم أو عدمه واحد بنسبة لي..

شاف فيها وقال: " ما عندي والا اهتمام بالمحظيات.. رجعت لي قبلك بسبب غبائها و ظنها انها تقدر تكسبني و تستولي على السلطة.... و راح نرجعك كي هي.. عندك خيارين إما...

قاطعاتو روزالينا: " المعذرة جلالتك حتى أنا ما عندي حتى نية باه نكون محظيتك أو نتواجد بقصرك.. لكن تم القراار.. إذا رجعتني يعني موتي.. وهذا ظلم في حقي...

ريكو غزر فيها مخلوع.. خايفة يقتلوها دارهم و نسات بلي راهي تحكي مع إمبرطوور آزر هبلت واقيل...

آزر مال براسو و غزر فيها...

تفتحت الباب و كامل داروا يشوفوا شكون لي جرأ و دخل بهذي الطريقة.. بصح شكون من غيرها لي تقدر دير هاك إيرينا.. جات جنونها طالعين مور ما خبرتها تالين بلي جات محظية جديدة لحبيب القلب...

ريكو غزر في آزر ديركت لي غمض عينيه و قال: " تبا..

إيرينا تقدمت من آزر و تهدر بزعاف: " جيت نبارك لك بمحظيتك الجديدة جلالتك!!...

ربعت يديها و بقات تشوف فيه باينة مقلقة بزاف...

آزر فتح عينيه و قال: " إيرينا إهدئي... ما كانش عندي خبر بيها.. ريكو جابها...

داارت لي ريكو.. هو تلفتلو كامل رفد يديه و قال: " ج.. جلالتك ماشي كما راكي فاهمة..

إيرينا بزعاف: "فهمني ريكو!!

ريكو شاف في آزر لي كان ساكت و يستنى فيه يهدر.. حصلو و خلاه عندو الحق بدر باينة راح تنتفو..

ريكو: " ه.. هدية لجلالته ما قدرتش نرفضها..

إيرينا غمضت عينيها بزعاف..

روزالينا: " عذرا.. لكني ماشي جمااد تهدروا عليا كيلي ما كاشني هنا!!

غزرو فيها و إيرينا نتابهت ليها.. شابة و تبان صغيرة في لاج.. دارت لجهتها..