جلالتك

PærT 17 ♕

دخلت  غلقت الباب و تكات عليه بسيف باه تاخد النفس... بلعت غصتها و دموعها بداو يطيحوا...

إيرينا كانت تقرا في روايتها.. طلعت عينيها شافت في تالين ووعاودت هبطتهم تكمل تقرا.. بلخف تكاكات و تقعدت تجري.. حطت لكتاب و ناضت لعندها مخلوعة.
إيرينا: " ت.. تالين.. واشبيك... واش صرا...

تالين طلقت سراح دموعها و جرات عنقت ايرينا..

ايرينا: " تالين واش صرا احكيلي...

تالين تبكي وتقول: " ر.. ر.. رفضني...

إيرينا ما فهمتش قعدت تربت على ظهرها و تسيي تكالميها...
كي بدات تتكالما طلقتها ايرينا و شدت يدها داتها للبونك و قعدتها و ريحت مقابلتها ماحبتش تطلق يدها...

إيرينا: " أحكيلي..
تالين صوتها تخنق من البكى: " اعترفت لبدر بإعجابي بيه.... ق.. قال سمحيلي.. قربتك مني برك كي يشبهني لخوه...

إيرينا متفاجئة من عذرُ البايخ : " خوه؟؟؟؟! 

هزت راسها بايييه: " بدر كان عندو خوه صغير عليه... فؤاد  خسرُ في آخر حرب ليه...

تفاجئت إيرينا...

تالين مسحت دموعها وقالت: " ضحى بروحو باه يسلك الفرقة.. و بدر رفض هذا الامر تبع خوه بصح كان فات الحال كي لحق و انصاب هو تان جرح خطير.. بصح سلك.. عليها استقال من قيادة الفرقة...

إيرينا كانت مذهولة....

تالين عاودوا طاحوا دموعها وقالت: " رفضني بطريقة حنونة خلاتني نحشم بروحي... مولاتي واش ندير... كيفاه نقدر نشوف فيه و نقاابلو...

إيرينا قعدت تشوف فيها حايرة في ولش صرا و هي تبكي...

إيرينا: " ما تستسلميش تالين.. شدي في حبك ليه.. بالاك يوقع في حبك..

تالين بإنكسار: " ما تعطينيش أمل زائف مولاتي..

إيرينا: " ماشي  أمل زائف تالين... كي كنتو فوق العود شفتكم فرحانين.. كنت كي الكوبل تاع صح... و شحال من مرة ننتبه كي تكونوا مع بعض... انتي و بدر مالازمش تخلاص حكايتكم هاك..

تالين هبطت راسها وقالت: " ماراحش نقدر نرغمو يحبني...

سكتت إيرينا عندها الحق تالين.. الحب ماشي بسيف.. حتى هي  زعافها من آزر ما عندوش مبرر.. كي عرفت بلي تحبو و هو ما بِيَّن والو زعفت و راهي  تقنع في روحها بلي هو لازم يفهمها...

إيرينا قالت بلعقل: " آزر زعف مني..

طلعت راسها تالين تشوف فيها.. و إيرينا كملت تهدر..: " قتلو.. جرحتني.. و وجعتني.. قتلو نكرهك...و الان  ما حبش يهدر معايا والا يشوف فيا...