جلالتك

PærT 10 ♕

إيرينا:" واش راك دير هنا؟؟

بدر إنحنى وقال:" تابعك المخلص في خدمتك...

بقات تشوف فيه لثواني ماشي مستوعبة..

إيرينا:" تابع مخلص؟؟ هبلت...

بدر:" جلالته عيني بشكل رسمي كحارسك الشخصي....

غزرت في تالين مشوكياا..و عاودت غزرت فيه...دنات ليه وقالت بزعاف:" بدر أرجع!!!... قتلك ما نسحقش حارس...

تالين باستغراب : " مولاتي تعرفيه؟

غمضت إيرينا و سبت روحها قريب فرشت روحها...عاودت غزرت فيه بتحذير...فهم بلي خرجت بلا ما فاقوا و ماشي حابة الوصيفة تاعها تسمع...تبسم...

بدر:" جلالتك ما نقدرش نفذ أمرك..جلالته خذا القرار...

إيرينا قلبت عينيها:" جلالته خذا القرار (عكات عليه)

دارت و راحت وخلاتو...و  هو تصدم من سلوكها امبعد ضحك و لحقها...

تالين:" يعني راح تبقى تبع في مولاتي؟؟

بدر:" أنعم..هذي خدمتي.. حمايتها...

إيرينا كانت سابقتهم قالت بلعياط:"  ما نسحقش حمااايتك...

بدر:" المعذرة من جلالتك بصح هذي خدمتي من نهار اليوم...

تالين ضحكت على إيرينا:" جلالتك نظن هاك أفضل...

إيرينا:" تالين!!

بدر فهم بلي تالين قريبة للملكة من راحتها الزايدة معاها....

إيرينا زعفت بزاااف هذا تعدي على خصوصياتها هاكا راح تتربط..واش راه ناوي هذا الامبرطور...لازم تنتقم و تبدا ببدر قبل..... جاتها فكرة ليوم تشيطوو...

حطت يديها على روبتها و رفدتها شوية و في لحظة عطات ريح لجريها... بدر و تالين ما فهموا والو شافوا في بعضاهم و امبعد جروا موراها...

تالين تجري و تعيط " جلالتك واش راكي ديري...

بدر كان سريع بزاف بصح اااحسرة أميرتنا محترفة..بدات تجري في كولاوار...... هبطت من الدروج و بدر يجري موراها بلا ماا راه فاهم..واش كاين...

جرات في ساحة القصر و عاودت طلعت في دروج من الجهة الاخرى و تضحك...وهو موراها..غير طلعت كان  كولاوار طويل..جرااات حتى لحقت مفترق طرق..

إيرينا تلهث: " وين...وين نروح؟؟..

غمضت عينيها و خيرت جهة بلخف كي سمعت صوت بدر و تالين يقرب..و مزيا خيرت هذيك الطريق لقات دروج يهبط ديركت للجاردان لي موالفة تروحلوا تبسمت بانتصار كي بحرتهم و هبطت بعلقها...