⫷ 𒀱ꪳ YO꙰U꙰R꙰ MA꙰J꙰E꙰S꙰T꙰Y꙰ 𒀱ꪳ ⫸
إيرينا كانت بدلت حوايجها بحوايج تاع الحراس و دارت ضفيرة و خبات شعرها الطويل تحت لحوايج و لبست قبعة الخاصة بالحرس دارت عند تالين
إيرينا :" أبقاي في الجناح تاعي ..ماكاش لامان في القصر
تالين :" مولاتي و نتي ..لازم نكون معاك ..
إيرينا :" هذا امر!! ..أنا قادرة على شقايا ...
خرجت إيرينا من الجناح تاعها تجري و إندامجت وسط الحراس ..حتى لحقت جهة الحبس وين كاين قاعة تحت الارض .. قاعة التعذيب لحقت عند الباب حبسوها زوج من الحراس ضخام مكلفين يعسوا هذيك القاعة...
حارس :" وين داخل !! ممنوع يا حارس ارجع ...
إيرينا طلعت الشابو على عينيها و شافت فيه...:" بعد من طريقي !!
الحارس غير شاف وجها اركع :"م..مولاتي أعذريني ما عرفتكش...
و حارس لآخر بعد من الباب.. ..هي جازت عليهم بلا ما قالت والوا و دخلت لهذيك القاعة معمرة أسلحة لتعذيب... شمت فيها ريحة الدم ...
كان آسر و ماهر واقفين أونفاص لهذوك الزوج لي حكموهم ...واحد واقف و مربوط بالسلال بين زوج بارات ...و واحد فوق الكرسي و رابطين يديه بالسلاسل فوق يدين الكرسي ..كانوا معمرين دمومات..عرفت إيرينا بلي عندهم واش خداو الضرب...
آسر شاف في إيرينا :" جيتي !
ماهر بالضحكة :" واش راكي لابسة ...؟
إيرينا راحت قعدت فوق واحد الكرسي مور خاوتها وقالت :" كشما قالوا
ماهر :" كانوا ينفذو أمر الامبرطور...
إيرينا زيرت على يديها من الزعاف..
آسر :" بصح ما تقنعتش !!
دار و شر للجلاد لي كان لتم و بدا يجلد في هذاك الواقف و هو يعيط ...
ايرينا غمضت عينيها و صوتوا هزلها قلبها...
ماهر دنى من لي كان قاعد و قال :" حابين شوية معلومات زيادة و راح يخلاص العذاب ...
الراجل:" قلنا ..قلناا واش عندنا ..نفذنا الامر برك...
إيرينا وقفت من كرسي ...و قالت :" علاش أمر هاكا ...؟
الراجل و هو يلهث :" راه ينفذ في الخطة ..أمرنا نديروا انقلاب مور ما ندخلوا للقصر ...كلش من تحتوا
...
أنت تقرأ
جلالتك
Любовные романы🇩🇿 🇩🇿 كرونيك باللهجة الجزائرية 🇩🇿 🇩🇿 روايتنا مختلفة عن ما سبق.. ذات طابع تاريخي ♕ ♚ رومانسي♡♡... ꧁الابطال تتعرفوا عليهم بالرواية... ꧂
