جلالتك

PærT 5 ♕

⫷ 𒀱ꪳ    YO꙰U꙰R꙰ MA꙰J꙰E꙰S꙰T꙰Y꙰   𒀱ꪳ     ⫸

تفتحت باب قاعة الاجتماع و كامل دارو لجهتها ...

دخلت إيرينا لي كانت تبان ملاك دخل عليهم شعرها الصفر المطلوق و عينيها زروقا يبرقوا.. و خلي وجها الابيض و خدودها لحمورة ...

آزر  كلاها بعينيه يغزر فيها من فوق للتحت اونفان شاف الاميرة المحاربة لي ملي هجمت عليه لاول مرة و عينيها ما خطاوش عقلو ..... و هي دخلت تجري و مورها أشرف و تالين ...

إيرينا وصلت وين كان آزر قاعد و باباها  قدامو ...
عادل واقف من جهة الإمبرطور يسارا و ريكو على اليمين و الامراء واقفين قدام الملك أديم مع اركان ...
غير لحقت ركعت على لي جونو وقالت بصوت عالي

إيرينا :" جلالتك اسمحلي نشرح قبل ما تاخذوا حتى قرار...

أوس  :" إيرينا!!! واش راكي ديري هنا ؟؟

إيرينا :" من فضلك كلش صرا... بسبب تهوري خليلي فرصة ندافع على روحي... و مملكتي...

آزر ببرود :" راني نسمع ...

صوتو البارد جمدها..

الملك أديم قاعد يغزر فيها ماشي مأمن بلي جات !!

إيرينا:" ..ج..ج  جلالتك (خذات نفس تكالمي روحها و امبعد كملت ) ..الهجوم في طريق الرئيسي كان اول فخ طحت انا فيه ..خذيت القرار نقاطعوا للعصابة ..و هجمت بلا ما نتأكد من الموكب ..كان همي نعطل الهجوم قد ما نقدر ... أعتذر على تسرعي...أما هجوم اليوم كان مدبر و من نفس الشخص (طلعت راسها تشوف في عادل بكره) لعب لعبة أخرى دخل رجالوا في وسطنا و وسط رجالك..و حب يخلطها كي امرهم يهجموا عليه و بحضورك في القصر راح تبان بلي حنا درنا الانقلاب....بصراحة خرجت على أساس نقتلوا ..بصح  حاولت نحميه و نحبس الهجوم ...بصح حضرتك لحقت و راك تعرف الباقي!! ..

سكتت و هبطت راسها...

آزر :" و هذا شخص هو؟؟

طلعت راسها و حطت عينها في عين آزر و قالت :" الملك السابق عادل...

عادل تخلع و إيرينا قعدت تغزر في عينين آزر تستنى يكذبها .. بصح فاجئها كي ناض و جبد السيف و ضرب عادل طيرلو راسو .... إيرينا حست دم عادل قاسها ... و شافت راس عادل جاز عليها ..و كور تاعو طاح و يشرشر بالدم....حلت عينيها من الشوك و طاحت للور تغزر في الامبرطور حالتها كي حالة الكل لي تخلعوا من ردة فعل آزر ما سمعش ميمبا للعادل ...
دار غزر فيها كانت مرعوبة منو و حست السخانة في الكور تاعها كامل ...مشى خطوة جيهتها و هي رجعت للور تتسحب بيديها .....خلاص فشلت أول مرة تشوف حاجة كما هاك...أبشع منظر...