واثِقُ الخُطى مَلِكاً في قلبي(مكتملة)

الفصل التاسع

البارت التاسع

ممنوعةٌ أنتِ ..
من الدخول يا حبيبتي عليّ
ممنوعة أن تجلسي أو تهمسي
أو تتركي يديكِ في يديّ
ممنوعة أن تحملي دمية أحضنها
أو تقرئي لي قصة الأقزام
والأميرة الحسناء والجنّية
أغطيتي بيضاء
والوقت والساعات والأيام
كلها بــيــضاء
فهل من الممكن يا حبيبتي
أن تضعي شيئاً من الأحمر
فوق الشفتي الملساء
أطلب أقلاماً فلا يعطونني أقلام
أطلب أيامي التي ليس لها أيام
أسألهم برشامةً تدخلني
في عالم الأحلام
حتى حبوب النوم قد تعودت مثلي
على الصحو فلا تنام
أن جئتني زائرة فحاولي
أن تلبسي العقود والخواتم
الغريبة الأحجار
و حاولي أن تلبسي
الغابات و الأشجار
ما يفعل المشتاق يا حبيبتي ؟؟
في هذه الزنزانة الفردية
وبيننا الأبواب والحراس
والأوامر العرفية
ما يفعله المشتاق للحب؟؟
وللعزف على الأنامل العاجية
والقلب لا يزال في الإقامة الجبرية
آه آه .. لا تشعري بالذنب يا صغيرتي
فأن كل امرأة أحببتها
قد أورثتني ذبحةً في القلب
أغنيه لكاظم الساهر
********

[نزار] مينكرش أنه أستمتع بخوفها وبرائتها حتى لوكانت مصطنعه مش فاكر أخر مره ضحك كانت أمتى ضحك من قلبه على أفكارها الغريبه مدت أيدها على قناعه مسك أيدها اللى تشبه فى حجمها أيد بنت جارهم الصغيره قال:بس أحب أعرفك انك لو شلتى القناع هتندمى _أريج بخوف:أنت مشوه _عايز يعرف المجنونه دى بتجيب أفكارها منين بس فكره مش وحشه:برافو عليكى شكلى مخيف _قرب منها بعدت بسرعه وسحبت أيدها من أيده عقد حواجبه وحط أيده ع القناع قالت بسرعه:لا لا بليز خليه وأنت مش عشان مشوه المفروض تكون مجرم لا فى الافلام بس المجرمين بيكونوا مشوهين لكن فى الحقيقه لأ _همس بجديه:أنتى مجنونه _ هزت راسها بحركه الطفل اللى بيحاول ينفى أتهام عنه دخلت منار بعد عينه عن بنت سراج بصعوبه وبص لمنار:أحم هااا يامنار أيه الاخبار _منار:مش كويسه أكيد غلبتنى لابتشرب ولا بتاكل وكمان تصدق طلبت منى أكلم أبوها وأقوله على مكانها مفكرانى أقدر أخونك _وقف بغضب وأتجه للحيه الصغيره دى فعلا حيه وبوشين مسك فكها بأيده وقال بأمر:هتروححى تاخدى دش وتلبببسى حاجه بدل هدوممك المقطعه دى وترجعى تاكلى خلااااااص _هزت راسها بطاعه وكأنهم أب وبنته كمل بعد مابعد أيده عن وشها:أنا مش فاضى لك أسمعى الكلام عشان واللللله هأذيكى _أريج بحذر:طيب لو سمعت كلامك هترجعنى _حط أيده على بقها بقسوه:لا مش هرجعك لكن ع الاقل لو رجعتى مش هترجعى ناقصه أيد أو رجل _بصلها بحده وخرج وكأن مش مكتوبله يهدى لوقت طويل لازم تحصل حاجه تعصبه
¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤ ¤

بعد يومين [قمر] مسكت أيد عبدالرحمن ووشدته وهى بتطلع السلالم عبدالرحمن:أستنى ياقمر واخدانى فين قالت بملل :تعاااالى بس كملت طلوع لما وقفت ع السطح وشاورتله على والدتها اللى قاعده على فرشه فى الشمس قالت :ليه تقعد لوحدك وأنت عندك عمه عسل كده _ضحكت والدتها وقالت:ياااأهلا بولد منصور تعالى ياولدى جنبى تعالى ممصدجاش انك عندى _قعد عبدالرحمن بأحراج وهى قعدت وسندت على رجل والدتها وقالت بحماس لاكتر حكايه بتحبها:ماما أحكى لعبدالرحمن عن حكايه خالى موسى وخالتى حياه _عبدالرحمن:مين حياه دى _والدتها بحنيه لعبدالرحمن:حياه دى بنت عمى أجمل واحده فى العايله وهى أم أدهم وأدم (كملت بسرحان)الله يسامحها بجى عبدالرحمن:طيب حكايه أيه اللى قمر بتقول عليها _بدأت والدتها فى سرد الحكايه وهى بتسمع بأستمتاع مخلتش حد من أصحابها الا وحكتلهم خالها موسى عمل أيه عشان يتجوز حياه الجميله
¤ ¤ ¤ ¤ ¤ ¤ ¤ ¤ ¤ ¤ ¤ ¤